مصريات شو

ايه ده يامعلم دبسوك ياريس

جت رجليك يامعلم شوفت ياصاحبى بس الحريم هما الى بيودونا ورا الشمس

معلش بقى هنعمل ايه يلا استحمل شده وتزول

اوسكاااااااااااااااااااااااااااا مفيناش من تزويغ حالا هننزل بالاسئلة
ايوووووة جاااااااااااااااااااااااااااااااااااااي

انا مسافر كوالا لامبور وراجع بعد اربعين سنة

محدش يمشي استنوني

بعد مرور اربعين سنه ......

و نرحب بالعزيز اوسكا و نسأله

ازى رحلتك فى كوالالمبور ..يا رب تكون تمام

نبدأ البرنامج بقى .....أكشـــــــــــــــــــــــــــــــن

بقالك اد ايه فى الكويت و لو جتلك فرصه ترجع مصر حترجع و لا لأ

ايه العيب اللى مبتعرفش تداريه لدرجه انه مرتبط بيك

ايه اكتر الحاجات اللى بتحب تقراها و تسمعها

أيه اكتر حاجه بتحبها فى الكويت

بتدلع ولادك و لا بتفضل تعاملهم بالشده

اتجوزت ازاى

ايه هدف حياتك دلوقتى (غير الولاد طبعا)

قولنا خمس حاجات كنت بتضرب عليهم و انت صغير

دى كده البدايه

حسره عليها حسره عليها حسره عليها جت رجليها جت رجليها


كولالمبور اعلنت فجاة عدم استقطاب اى لجئيين تحالى ياوسكا تحالى تحالى على الكرسى


بس متقلقش انا هكون بسيط احنا فى تيم واحد يابرنس متقلقش بس علشان الديموقراطيه

أوسكاسان بك ... إزيك؟

حمد لله عالسلامة .. وحشتنا فى الأربعن سنة اللى فاتوا


اتفضل جاوب على أسئلة الهانم

أوسكا يا أهلا يا أهلا

شوف يا سيدي سؤالين على ما أوسوم:

أكتر موقف محرج مريت به
أكتر موقف مرعب مريت به
أكتر موقف مؤثر مريت به

ما هو رأيك في المرأة؟
أكتر أكله بتحبها
أكتر مغني بتحبه
أكتر نوعية من الأغاني بتحبها

ياللا بقى كفاية كده لغاية ما أرجع تاني.

كده في لوحيظة تمسحي 40 سنة من عمر البشرية
ماشي ان ماوريتك

aniD كتب:

بعد مرور اربعين سنه ......

و نرحب بالعزيز اوسكا و نسأله

ازى رحلتك فى كوالالمبور ..يا رب تكون تمام

نبدأ البرنامج بقى .....أكشـــــــــــــــــــــــــــــــن

بقالك اد ايه فى الكويت و لو جتلك فرصه ترجع مصر حترجع و لا لأ

دخلت الكويت في 23-7-1992 أحسبيها انتي ... طبعا نفسي أرجع مصر على الأقل علشان عيالي يعرفوا أهلهم

aniD كتب:
ايه العيب اللى مبتعرفش تداريه لدرجه انه مرتبط بيك

النرفزه من الصوت العالى الغير متناغم (( كيس بلاستك .. جرنال .. عياط العيال .. صويت المودام للعيال في المذاكرة )) ببتوترني وممكن اسيب المكان وأخرج

aniD كتب:
ايه اكتر الحاجات اللى بتحب تقراها و تسمعها

الشعر العامي زي الابنودي ونجم
واحب اسمعهم كمان تأثيرهم أقوى

aniD كتب:
أيه اكتر حاجه بتحبها فى الكويت

النظافه .. استخدام التكنولوجيا في الإجراءات الحكومية .. النظام المروري ..

aniD كتب:
بتدلع ولادك و لا بتفضل تعاملهم بالشده

مراتي بتغير من العيال علشان بأدلعهم وفي نفس الوقت بتزعق لي لما بأشد عليهم أصلي بأبقى عصبي جدا معاهم في الغلط

aniD كتب:

اتجوزت ازاى

في غفلة من الزمن
وقفت أنا وهي في الكنيسة والكاهن غير الدبله من اليمين للشمال

aniD كتب:
ايه هدف حياتك دلوقتى (غير الولاد طبعا)

تصدقي مافيش غير الولاد اني اطمئن على مستقبلهم

aniD كتب:
قولنا خمس حاجات كنت بتضرب عليهم و انت صغير

يووووووووووووووووووووووووووووووووووووووه قولي ايه اللى ماكنتش بانضرب عليه .. والدى كان في الجيش وكان ممشينا على العجين مانلخبطوش .. آخر قلم أخدته كنت خاطب قبل ما أسافر الكويت بسنتين تقريبا

aniD كتب:
دى كده البدايه

بتحلمي .. هاع في المشمش


اللى بعده

مصرية كتب:أوسكا يا أهلا يا أهلا

شوف يا سيدي سؤالين على ما أوسوم:

دول 7 يا هانم احنا هانحمرأ

أكتر موقف محرج مريت به

قبل ما أسافر الكويت كنت رايح الشغل وكنت متأخر وركبت الاوتوبيس ونزلت وداخل مبنى الشغل وسامع صوت غريب جنبي وأنا ماشي
اكتشفت اني لابس الشبشب .. طبعا قولتلهم ان الجزمة اتقطعت وانا جاي واضريت اشتري شبشب علشان الحق الميعاد

أكتر موقف مرعب مريت به

وانا باتفرج على انهيار برج التجاره العالمي وشايف ناس بترمي نفسها من فوق.. تخيلت نفسي مكانهم

أكتر موقف مؤثر مريت به

لحظة وفاة والدي
عمري ما شوفت واحد ميت وكنت باتعمد اني ما أشوفش في اي موقف حد متوفي
لكن لما عرفت خبر بابا وانا في الكويت قلتلهم ماتدفنوش غير لما آجي .. كان بقالى سنة ونصف ماشوفتهوش .. وصلت البيت الساعة 4 صباحا وكان البيت مليان ناس .. دخلت على بابا لقيته نايم على السرير .. أخدته بالحضن وفضلت أبكي وأعتذرله عن كل اللى فات وانا بابكي .. طبعا الناس شالوني منه بالعافية
فضلت قاعد جنبه على السرير لغاية ما حطوه في الصندوق
من لحظة ما ركبت الطيارة وأنا مصمم في قرارة نفسي اني هاشيل الصندوق من البيت للكنيسة ... كنت باشوف الناس بتتبادل شيل الصندوق فقلت لأ ده أبويا ومش هاعمل كده
للأسف من لحظة دخوله الصندوق ما قدرتش المس الصندوق .. وكنت بأجري وراه مع الناس وأول ما أوصل رجلى تتشل وارجع تاني

ما هو رأيك في المرأة؟

شر لابد منه ||3:
بهزر طبعا
أمي وأختى وبنتي وزوجتي ماليش غيرهم في الدنيا

أكتر أكله بتحبها

صينية السردين .. الفول

أكتر مغني بتحبه

قديم .. ام كلثوم
جديد: الحجار .. محمد الحلو

أكتر نوعية من الأغاني بتحبها

اللى فيها سلطنة

ياللا بقى كفاية كده لغاية ما أرجع تاني.

قلبك أبيض
روحي شوفي فروحه بتندهلك

قبل ما أسافر الكويت كنت رايح الشغل وكنت متأخر وركبت الاوتوبيس ونزلت وداخل مبنى الشغل وسامع صوت غريب جنبي وأنا ماشي
اكتشفت اني لابس الشبشب .. طبعا قولتلهم ان الجزمة اتقطعت وانا جاي واضريت اشتري شبشب علشان الحق الميعاد

فعلا موقف محرج جدا
كويس إنك عرفت تلاقي حجة تقولها
شخصيا مش عارفة لو حصلي كنت حعمل إيه

روحي شوفي فروحه بتندهلك

متحاولش
حشوف فروحة وراجعة تاني

يابرنس معلش بقى انا جيت وانا اولى من الغريب يعنى


1- ايه رئيك فى المصطلحات الى فى مصر الى متعارفه بين الشباب زى ( نفض - فكك - الخ الخ ....)

2- لما بتبعد يومين تلاتة عن بيتك ومراتك ايه بيكون شعورك ؟

3- لو خدت منصب والمنصب ده لازم تكون فيها حياتك كلها كلاسيك زى النظام الانجليزى وعزومات وخروجات والبدله وكل التقاليع بتاعتهم الى تشل دى هتبقى مبسوط ولا هتتخنق وايه هيكون موقفك ؟
4-ايه رئيك فى الازمة المالية وياترى انت شايف انها ممكن تكون مفيده للدول العربية ولا هتاخدنا فى الرجلين ؟
لو انت ماشى فى الشارع عادى وفجاة البنطلون انقطع قطعه مش حلوة هتعمل ايه ؟

لو جزمتك اتسرقت هتعمل ايه؟

الى اى المذاهب تنتمى ؟
اى العطور تفضل؟

ليك فى العوده والمسك وكده ؟
كان ايه احساسك فى اول يوم فى اغربة واتعاملت مع الناس ازاى وفهمت لغتهم ازاى ؟

كفاية كده لحد مالعصافة تمر

-ايه رئيك فى الازمة المالية وياترى انت شايف انها ممكن تكون مفيده للدول العربية ولا هتاخدنا فى الرجلين ؟
لو انت ماشى فى الشارع عادى وفجاة البنطلون انقطع قطعه مش حلوة هتعمل ايه ؟

elhram كتب:يابرنس معلش بقى انا جيت وانا اولى من الغريب يعنى

بيتك ومطرحك يا حمام ادخل بالشبشب وبالترنج وربع على الفوتيه جنبي

1- ايه رئيك فى المصطلحات الى فى مصر الى متعارفه بين الشباب زى ( نفض - فكك - الخ الخ ....)

كل جيل بينشئ مصطلحاته على جيلنا كان طنش كبر وقنا طايرين بيها السما

2- لما بتبعد يومين تلاتة عن بيتك ومراتك ايه بيكون شعورك ؟

أنا بيتوتي جدا ما استحملش اني اخرج أو أزور حد واقعد عنده أكتر من ساعة ممكن أسهر لغاية 6 صباحا داخل البيت لكن لو عند حد تلاقيني الساعة 11 اتاوب وافقر

3- لو خدت منصب والمنصب ده لازم تكون فيها حياتك كلها كلاسيك زى النظام الانجليزى وعزومات وخروجات والبدله وكل التقاليع بتاعتهم الى تشل دى هتبقى مبسوط ولا هتتخنق وايه هيكون موقفك ؟

موتني ولبسني بدلة وكرافته .. يوم فرحي ماكنتش طيق نفسي ياخويا .. بالنسبة للعزومات لو على حساب الشغل مافيش مانع لكن لو على حسابي هاقولهم معلش عندي حالة وفاه وماينفعش
: :<a4:

-ايه رئيك فى الازمة المالية وياترى انت شايف انها ممكن تكون مفيده للدول العربية ولا هتاخدنا فى الرجلين ؟

الأزمة المالية تسببت في حالة ركود وكساد لكل الأعمال
بالنسبة لدول العربية مش فيدة للدول زي مصر مثلا لكن الدول الخليجية لن تتأثر كثيرا وخصوصا ان الحكومة وعدت بتدعيم البنوك الكبرى كما في حالة بنك الخليج وسقطته بالنسبة لينا احنا كأفراد طبعا رايحين في الرجلين

لو انت ماشى فى الشارع عادى وفجاة البنطلون انقطع قطعه مش حلوة هتعمل ايه ؟

هاطلع القميص من بره وهاغير طريقي على البيت عدل

لو جزمتك اتسرقت هتعمل ايه؟

ايه الأسئلة البانص دي
على أول محل هاشتري واحدة فورا بأي سعر .. أصل رجلي عزيزة عليا قوي

الى اى المذاهب تنتمى ؟

دينيا : ارثوذكسي
كرويا : ولا حاجة مليش في الكوره قوي وان كنت أميل للأهلي
سياسيا : لا انتمي الى اي حزب .. انتمي فقط للفكرة الحلوة التي تبني ولا تهدم

اى العطور تفضل؟

ليك فى العوده والمسك وكده ؟

والله يابن عمي كل ما يعجبني عطر واتبناه الاقيه ينقرض
كان فيه بارفان اسمه IF مش لاقيه بقالي 5 سنين
ودلوقتي باستعمل فرساتشي الجينس القديم وربنا يستر لاني آخر مره اشتريته كل شاحح من السوق برضه
العود بحب ريحته جدا من بعيد لبعيد .. لكن لما جربته لقيته قوي جدا وبيعملي صداع

كان ايه احساسك فى اول يوم فى اغربة واتعاملت مع الناس ازاى وفهمت لغتهم ازاى ؟

فضلت أول شهرين اسمع واتفرج بس
الهنود اتعلمت طريقتهم بسرعة لانهم بيستعملوا العربي من غير فعل مضارع يعني يقولك مثلا (( بابا أنا يروح ))

لكن الكوايتة وخصوصا العواجيز منهم لغاية دلوقتي فيه كلمات معرفهاش بس بافهمها من سياق الحديث ويمكن ده راجع لأن شغلي مافيهوش احتكاك بالكوايته كتير واللى باحتك بيهم بيبقوا متمصرين في لغتهم

كفاية كده لحد مالعصافة تمر

شرفت المحكمة يابويا
خد انيد ومصريه فسحهم في كوالالامبور قد اربعين سنة كده وتعالى من غيرهم

وزي ما احنا عارفين ان ضيفنا مميز جدا ولانه كان متغيب من اربعين سنة
فقلنا نروح نقابله في الهواء الطلق وراقبناه علشان نعرف بيعمل ايه بعد عودته من بلاد
الواق الواق
سوري بيصلحولي من الكنترول وبيقولوا انه طلعت عليه اشاعة انه كان معتقل
في كوالالامبور علشان راح يحرق قش الرز هناك

ودلوقت معانا ومعاكم في الفريش اير واسئلة علي الهواءمع
العزيز علي قلوبنا اوسكا



-يا تري فيه وهم عشته وحلمت بيه وفجاة فقت منه وانت بتقول
يا ريت تفصح عن قولك

-فسر ما يلي وياريت تشرح معناه بالتفصيل الممل

لما بيكون الانسان قوي بيتعامل مع الضيقات وهي خارجة
اما الضعيف فيدخلها الي قلبه واعصابه

-ده سؤال هقولك فيه عروستي اي تفكر في حله
وتقول هي مين وايه رايك فيه
بالمناسبة هو مثل اسباني

بالعينين تاخذ وتكره وتحب وتقتل ..انها

-ما هي فلسفتك في الحياة

-لو رسمت لوحة خطوطها بتعبر عن الانسان من الداخل
ياتري ما هي مقومات وسامة وجمال انسان

-صف

الطموح
الانترنت
الوفاء
الكتاب
كلمة احتاج اليك
سر السعادة
نام مظلوم ولا تنام ظالم

-بيقولوا ان للمراة سبعة وسبعون رايا في وقت واحد انت ايه رايك

-ما هي احب فصول السنة الي قلبك.. يعقبها كلمة اشمعني بتحب الفصل ده بالذات

-امتي يا اوسكا بتشعر بلحظة خوف

- ياتري حسيت ان الزمن جري بيك من غير ما تشعر

- ايه اكتر مشهد في الافلام الابيض واسود
كل ما تشوفه بتضحك كانك بتشوفه لاول مرة
بالعربي ضحكنا معاك

-امتي بتتوجع وتتجرح اوي

- امتي دمعتك بتنزل

-من وجهة نظرك ماذا تعني كلمة وطن ومواطنة

-صف احساسك مع هذه الكلمات

الطموح
الحب
الكبرياء
الخيانة
الملل
صوت ام كلثوم
الغربة
الازهار
غروب الشمس


طبعا ضيفنا مش محتاج هدنة لانه كان في ثبات عميق منذ اربعون عاما
سناخذ فاصل ونعود لاستجوابه بعد طول غيابه

هو ده اللى كنت خايف منه وعامل حسابه
فروته جايه من فرنسا فريش ومشمره دراعتها وأول بوكس أنا اللى اخدته
كل سؤال عايز منتدى ياماما

خالتي بتسلم عليكي وبتقولك واحده واحده

-يا تري فيه وهم عشته وحلمت بيه وفجاة فقت منه وانت بتقول
يا ريت تفصح عن قولك

ياريت اللى جرى ماكان
كنت اعمل في شركة وعلاقتي وطيده وقوية بمديرالقسم .. جاء في يوم وقال انه سيترك الشركة ليفتح شركة خاصة في نفس المجال . وطلب مني ان أكون شريكه . وعندها قلت له انني لا أملك مالا . فقال ستكون شريك بالمجهود فقط بنسبة 10 %
فتحنا الشركة وكنت أثق فيه ثقة عمياء ولم يكن بيننا أيه مستندات أو أوراق
واتفقنا أن سيكون لي راتب مقابل عملي ليس له بأرباح الشركة
وكان الراتب مساوي تقريبا لراتبي في الشركة الأولى
لكن الفارق ان مواعيد العمل اختلفت
فكنت ارجع البيت الثانية عشر ليلا بلا احساس بالتعب لانني أشعر انني أعمل في مالي ولتأمين مستقبل أبنائي
حتى زوجتي اشتريت لها سيارة حتى تستطيع الذهاب للعمل وشراء متطلبات البيت
4 سنوات بهذا الشكل
وفوجئت يوما بانه يقول لي لقد تعبت من العمل بالكويت وقد رتبت مشروع لي في مصر ولذلك سأصفي هنا وانزل
قلت له طيب وأنا
قالى انزل مصر هاتلاقى شغل بالهبل
طبعا رفضت لاسباب كتير اهمها ان العام الدراسي لم ينتهي .. ليس لى عمل في مصر .. قرار النزول النهائي يحتاج فترة وقوة كبيره على اتخاذه .. لم أكن مستعدا لها
بعدها باسبوع لقيته جايب واحد علشان يشتري الشركة
وقال ماتخافش انا قلتله ان شرط بيعه للمكان ان اسامه يكون متواجد فيه !!!!!!!
باع الشركة وجينا للحساب
لقيته بيديني مكافئة شهر
قلتله مش انا شريكك .. بكل وقاحة قال : هو انت كنت دفعت حاجة ؟
قلته دمي واعصابي واستهلاك سيارتي واجباري على شراء سيارة لزوجتي واستهلاك كوت موبايل ووقتي وسهري وتحميل على ظروف ببيتي وعدم رؤيتي لأولادي ممكن بالتلات ايام لاني بارجع الاقيهم نايمين ( كنت ساعات اتصل بمراتي اقولها اخرجي غدي العيال وانتو راجعين عدوا عليا علشان اشوفهم )
كل ده ببلاش
ربنا يسامحك .. وأخدت بعضي ورحت لمحامي فقال لي طالما مفيش بينكم ورق يبقى عوضك على الله

-فسر ما يلي وياريت تشرح معناه بالتفصيل الممل

لما بيكون الانسان قوي بيتعامل مع الضيقات وهي خارجة
اما الضعيف فيدخلها الي قلبه واعصابه

الضيقات هي صناعة أرضيه وكل ما هو أرضي فيمكننا الوقوف عليه بسهولة طالما أردنا ذلك

-ده سؤال هقولك فيه عروستي اي تفكر في حله
وتقول هي مين وايه رايك فيه
بالمناسبة هو مثل اسباني

بالعينين تاخذ وتكره وتحب وتقتل ..انها

المرأة

-ما هي فلسفتك في الحياة

مالك نفسه خير من مالك مدينة

-لو رسمت لوحة خطوطها بتعبر عن الانسان من الداخل
ياتري ما هي مقومات وسامة وجمال انسان

طيبته فقط

-صف

الطموح : الأمل
الانترنت : طاقة لم تنفجر بعد
الوفاء : صفة نفتقدها
الكتاب : صديق قديم
كلمة احتاج اليك : قوتى في الضعف تكمل
سر السعادة : انسى ما هو وراء وأمتد الى ماهو قدام
نام مظلوم ولا تنام ظالم : لا يعلم المرء متى تكون نهايته والنوم هو الموت القصير فأكون مظلوم أفضل من أن تنتهى حياتي ولم افي ديوني بعد

-بيقولوا ان للمراة سبعة وسبعون رايا في وقت واحد انت ايه رايك

غلط .. حسابات خاطئة ولا أشك ان إمرأة هي من وضعتها .. المرأة لها 17777 رأي لكل 10000 رأي

-ما هي احب فصول السنة الي قلبك.. يعقبها كلمة اشمعني بتحب الفصل ده بالذات

الصيف : فيه أجازة العيال وباعرف اكلمهم والعب معاهم من غير ما امهم تقولي (( لو مش هاتذاكرلهم جلد الكراريس والزق المقطع منها ))

-امتي يا اوسكا بتشعر بلحظة خوف

لما الاقي العيال خافو منى وانا بازعقلهم على غلط عملوه
نظرة خوفهم من عقابي بتخوفني اني اكون وحش قدامهم وانا مش حاسس

- ياتري حسيت ان الزمن جري بيك من غير ما تشعر

يوم ما دخلت الكويت كان عندي 24 سنة لسه فاكرة كأنه امبارح ..

- ايه اكتر مشهد في الافلام الابيض واسود
كل ما تشوفه بتضحك كانك بتشوفه لاول مرة

بالعربي ضحكنا معاك

فيلم ابن حميدو كل الفيلم باضحك عليه

-امتي بتتوجع وتتجرح اوي

لما حد يجرح كرامتى ويكون قريب منى

- امتي دمعتك بتنزل

لما بعرف ان أمي محتاجة ومش عايزة تقولي

-من وجهة نظرك ماذا تعني كلمة وطن ومواطنة

مجموعة من الناس بتحمل نفس الصفات الجينية من عادات وتقاليد

-صف احساسك مع هذه الكلمات

الطموح : الأمل
الحب : الله
الكبرياء : فخ وقع فيه كثير من العظماء ولايبعد عننا كثيرا
الخيانة : انفصال
الملل : موت بطيئ
صوت ام كلثوم : لا يطربني الا لو كنت منفردا بنفسي
الغربة : بكل قسوتها الا انها بوتقة الإعتماد على النفس
الازهار : براءة الطفولة
غروب الشمس : راحة بعد تعب

طبعا ضيفنا مش محتاج هدنة لانه كان في ثبات عميق منذ اربعون عاما
سناخذ فاصل ونعود لاستجوابه بعد طول غيابه

هروووم باعتلك زبونة تانية
شدي اللحاف واتغطي وما تصحيش غير لما أقولك

انا ايه اللى وقعني الوقعة المهببة دي؟
هو التحقيق ده هايخلص امتى

يا أهلا يا أهلا يا أوسكا ..
استنى ماتنزلش عن الكرسى .. عندى شوية اسئلة حلوين كدة ..
بس أول وأهم سؤال هو ..

يا ترى لو سألتك كل الاسئلة اللى فاتت مرة كمان ..
وطلبت تجاوب اسئلة مختلفة شوية ..
يا ترى ح تجاوب عنهم وتقول ايه ..
ورينا بقى ..

هاعمل نفسي مش واخد بالي من الجزء الأخير من سؤلاك واشتغل في شركة النقل العام وكوبي وباست وكان الله بالسر عليم
انت مش كنت مختفى يابني
ايه اللى جابك دلوقتي

انا كده ياربي
حظي كده

وش نجيب الريحاني

ياريس يعنى بالله عليكى تخلينى مع 3 حريم وتقولى بعتلك زبونة اهم ياعم عملولى غسيل مخ ورجعونى ليك تانى انت السبب بقى فى الى حصلى ويمكن يحصلك خد ياعم بقى .


امتى اول مره حسيت بخوف من الغربة وحسيت بجد انك غريب وحسيت انك تايه ولو جرالك حاجة محدش هيسالك عنك ؟


مين الانسان الى بتعمله الف حساب ولما بتيجى تكله بتكون محاسب على كل كلمة وعارفه هيا رايحة فين وجايه منين ؟؟

لما فكرت فى الجواز اتجوزت جواز تقليدى صالونات ولا عن حب ؟ وكان وقتها ايه موصفات شريكة حياتك ؟؟


مين هو اوسكا بالتفصيل ؟


امتى حسيت فى مره ان بلدك قسيت عليك ؟؟

بتحب تهرب من المشاكل ولا تعالجها ؟

ايه الفرق بين احساك ناحية والدتك ووالدك ؟؟

ايه الفرق بين المصرى والكويتى ؟؟


ايه شعورك لما بقيت اب لاول مره ؟ وشعورك فى تانى مره ؟؟؟؟



هاتلى حجرين معسل علشان ارجع الذكره بدل مامسحوهالى

كده يا هروم .. وانا اللى بقول ده صاحبي

elhram كتب:ياريس يعنى بالله عليكى تخلينى مع 3 حريم وتقولى بعتلك زبونة اهم ياعم عملولى غسيل مخ ورجعونى ليك تانى انت السبب بقى فى الى حصلى ويمكن يحصلك خد ياعم بقى .

امتى اول مره حسيت بخوف من الغربة وحسيت بجد انك غريب وحسيت انك تايه ولو جرالك حاجة محدش هيسالك عنك ؟

اول ماجيت الكويت استقبلوني معارف من مصر صعايده وسكنت في منطقة اسمها خيطان عزاب فقط عباره عن احواش كل حوش دورين وكل دور فيها حوالي 5 غرف وحمام واحد وكل غرفة فيها من 5 الى 10 سراير حسب حجمها وايجار الغرفة من 30 الى 60 تقريبا
طبعا الباب مابييتقفلس الا ساعة النوم فقط ويتفتح الساعة 4 صباحا ومش هاقولك شكلها ايه من جوه اكيد عندكم حاجة زي كده
انا ما استحملتش العيشة كده
بعد شهرين اتفقت مع 2 زمايلي في الشغل وأخدنا شقة غرفتين وصاله
كان ايامها الايجار 90 دينار .. كل واحد يدفع 30
3 شهور وقالولي لأ بعد ما كنا كل واحد بيدفع 10 دينار في الشهر ندفع 30 ؟
اجنا راجعين تاني
وسابوني لوحدي
فضلت لوحدي شهرين ونص مع ان الايجار كان نص مرتبي لكن كنت مستريح جدا
ومره جاني دور برد وسخونه شديدة ماكنتش قادر اتحرك ولا أروح الشغل
قلت يعني لو حصلي حاجة محدش هايعرف الا من ريحة الجثة .. ساعتها بس حسيت بالغربة
فضلت أدور بعدها لغاية لما لقيت سكن مع ناس في شقة وأخدت غرفة لوحدى وهما كل 2 في غرفه

مين الانسان الى بتعمله الف حساب ولما بتيجى تكله بتكون محاسب على كل كلمة وعارفه هيا رايحة فين وجايه منين ؟؟

المدير العام في الشركة اللى انا فيها
راجل من نظرته تلاقيه دخل جواك وعرف انت بتفكر في ايه .. ذكي جدا .. وانا باكلمه لازم ابص على حاجة تانية

لما فكرت فى الجواز اتجوزت جواز تقليدى صالونات ولا عن حب ؟ وكان وقتها ايه موصفات شريكة حياتك ؟؟

عن حب طبعا بس خلينا والدى هو اللى يعرضها عليا وكأني معرفش

مين هو اوسكا بالتفصيل ؟

واحد عايز يعيش في بيته بهدوء من غير دوشة

امتى حسيت فى مره ان بلدك قسيت عليك ؟؟

ما حستهاش كفرد
لكن حاسسها كجيل

بتحب تهرب من المشاكل ولا تعالجها ؟

مشاكل القيل والقال بهرب منها وغالبا بتبقى مصدرها حريمي
لكن مشاكل العمل باموت فيها .. مش قصدي خناقات .. قصدي معضلات في طريقة عمل شيئ معين بواسطة الماكينات اللى باشتغل عليها

ايه الفرق بين احساك ناحية والدتك ووالدك ؟؟

والدى الخبرة والدتي الراحة

ايه الفرق بين المصرى والكويتى ؟؟

الكويتي : رأس المال
المصري يمتلك المقومات التي يصنع بها رأس المال

ايه شعورك لما بقيت اب لاول مره ؟ وشعورك فى تانى مره ؟؟؟؟

أول مرة كنت خايف .. لاني أنا وزوجتي بمفردنا في الغربة ولا أحد يرشدنا
تاني مرة كنت فرحان علشان المولود بنت

هاتلى حجرين معسل علشان ارجع الذكره بدل مامسحوهالى

سلوم ولا قص يا معنمي

مش ح اسألك اسئلة من دماغى يا أوسكا ..
لأنى أخاف اكرر نفس الأسئلة ..

لكن عندى اسئلة على أجوبتك للأسئلة ..
وإن شاء الله الأجوبة ح يكون عليها أسئلة كمان ..

الكويتي : رأس المال

تفتكر الكويتى رأس المال فقط؟ يعنى مفيش مقومات عنده؟
اعتقد دا تحليل ظالم .. ولا ايه؟

تصدقي مافيش غير الولاد اني اطمئن على مستقبلهم

يا ترى انت شايف مستقبلهم فين؟
تعليم عالى .. ولا مال وفير؟

أما عن اسئلتى الخاصة ليك فهى ..

- فى موقع tickle هناك اختبار عن الكيفية التى يفكر بها الانسان ..
فهو أن كان انسان مبدع فهو لا يهتم بالتفاصيل ويستخدم نصف دماغه الشمال فى التفكير ..
وإن كان إنسان يهتم بالتفاصيل والتحليل .. فهو يستخد نصف دماغه اليمين ..
وإن كان انسان متردد .. فهو يمزج بين النوعين.. ويستخدم فصى دماغه اليمين والشمال فى التفكير ..

فإلى أى نوع تعتقد أنك تنتمى؟

- ماهو الفرق بين شعوب الغرب (أوروبا وأمريكا) وشعوب الشرق (الاوسط والأقصى) فى رأيك ..

- ولماذا تقدم الغرب وتأخر الشرق؟

- فى روايته "العمر لحظة" يقول الأديب يوسف السباعى على لسان بطل القصة فى خطاب أرسله من أرض المعركة إلى حبيبته ..
[خلال المعارك التى خضتها .. كنت أحس دائماً أن العمر لحظة .. يذهب فى طلقة أوشظية ..
وعندما أفكر فيكى.. أشعر أن العمر لحظة.. يأتى فى لمسة أو ضمة.. أو همسة]

ف بعيداً عن المعارك والعاطفة ..
ماهى الطلقة أو الشظية التى مررت بها وشعرت أن العمر قد ذهب بسببها فى لحظة ..
وماهى اللمسة أو الضمة التى مررت بها وشعرت معها أن العمر قد أتى بفضلها؟؟؟

وح أسيبك مع السؤال العويص دا..
عشان أنا عارف انه محتاج تفكير ..

عزيزي اوسكسان وحشتيني وحشتني و حشتيني


يا قهلا و هلا و مرحبا و دندا



و الله جه الدور عليك يا ههههههههههههههه

ده انا حسالك اسئلة خفيفة على المعدة

اوي اوي



بس اوع تهرب انا وراك وراك و الزمن طوييييييييل




زعاليطو الشربااااااااااااات من عند ستك ريا يللا بسرعة


اوسكا حنبندي



انت عندك كم سنة و يوم ؟؟

انت عندك كم شعرة شيب في راسك؟؟

انت تعرف تغني؟؟

انت اخر مرة سرقة فيها كان امتى؟قفشوك و الا لا؟ كان عبارة عن ايه اللي سرقته؟

انت لما بتوقف في الضوء الاحمر قف حينما تنتظر ليتغر الضوء بتعمل اي؟ بتدخل صباعك في مناخيرك؟
انت عندك اصدقاء حقيقييين يعني بنعنى الكلمة؟؟؟

انت بتحب ترغي في التلفون؟؟؟

انت موبايلك ماركته ايه؟؟؟

انت شلتني ليه من قائمتك من المسنجر؟

انت بتقص ضوافرك كل كام؟

انت عندك حساسية؟ بتاعة ايه؟

انت بتحب تفطر ايه؟

لو حطوك في جزيرة لوحدك و غندك 3 حاجات للاكل فقط

لحم سحالي
لحم ثعابين
دود اخضر وبني

حتاكل ايه و ليه بس لازم تاكل

انت اخترت ليه الكويت؟

انت بتشتغل في ايه؟

انت درست ايه؟

انت مقتنع بشغلك و الا تحب تغيره لو فيه فرصة و ليه؟

انت لك ذقن شنب .؟

انت تعرف تعجن خبز؟؟

ايه اللي متحش تاكل؟؟

ايه رايك في بوش , صدام, حسني مبارك, محمد السادس؟

انت تحب تزور اي بلد و ليه؟

لو عزموك على حفلة تنكر حتتنكر بلبس ايه؟؟

تغرف تعوم؟؟

مين عرفك على المنتدى؟

ايه اللي بيشدك في المنتدى|؟

انت عادة بتلبس شراب مخروم؟

صفة ب5 كلمات كل من

مصرية
الهرم
فريدة
سمارت
مواضيع
جاتي
دفء المشاعر
انيد
هشام
مخاميخو
ادهم
لارنو
قمر الليالي

تحب افلام عمر الشريف؟ تفضل العربية ام الاجنبية؟؟

انت عندك قشرة؟؟؟

اخر مرة كان فيك قمل كان امتى؟؟؟ و عملت ايه علشان تشيلهم؟؟

سمارت اسئلتك عويصه وانا مش قدك ياخويا
هاجوب على قد ما اقدر

تفتكر الكويتى رأس المال فقط؟ يعنى مفيش مقومات عنده؟
اعتقد دا تحليل ظالم .. ولا ايه؟

الجيل الجديد من الكوايتة فيهم نسبه كبيرة متعلمه تعليم عالي ولكنها بلا خبرة في اي مجال
لكن السمة الغالبه في الكويت هي رأس المال
يني وسمعتها كتير
أشتغل ليه عند حد وانا زيي زيه
الحكومة من كام سنة عملت مشروع دعم العماله الوطنية
بتجبر الشركات اللى عدد موظفيها اكتر من 25 انهم يعينوا واحد كويتي
واللى يرفض بيفرضوا عليه غرامه
احسبها انت بقى

يا ترى انت شايف مستقبلهم فين؟
تعليم عالى .. ولا مال وفير؟

بالطبع تعليم اولا ثم المال على ما حسب ما ربنا يقدرني وأأمن مستقبلهم

- فى موقع tickle هناك اختبار عن الكيفية التى يفكر بها الانسان ..
فهو أن كان انسان مبدع فهو لا يهتم بالتفاصيل ويستخدم نصف دماغه الشمال فى التفكير ..
وإن كان إنسان يهتم بالتفاصيل والتحليل .. فهو يستخد نصف دماغه اليمين ..
وإن كان انسان متردد .. فهو يمزج بين النوعين.. ويستخدم فصى دماغه اليمين والشمال فى التفكير ..

فإلى أى نوع تعتقد أنك تنتمى؟

شوف
في العلاقات الاجتماعية بشيل دماغي من التفاصيل لانها غالبا بتجيب مشاكل المهم المضمون
لكن في الشغل وانت سيد العارفين لو ما اهتميتش بكسر المليمتر في التصميم الدنيا بتتقلب والشغل كله بيبوظ وممكن يتعاد من تاني
بيبقى عندى اسهل اني ابدأ تصميم جديد من اني أعدل عليه

- ماهو الفرق بين شعوب الغرب (أوروبا وأمريكا) وشعوب الشرق (الاوسط والأقصى) فى رأيك ..

- ولماذا تقدم الغرب وتأخر الشرق؟

مجرد خروجك للتغير أفضل كتير
مش هانروح بيعد
في مصر نفسها اللى اتولد في منطقة شعبية عاداته وتقاليده بتختلف لما يتجوز ويخرج يعزل في منطقه جديدة فما بالك ببلد تانية
كلنا وانت معانا بيبقى عندنا استعداد للتغير الى الافضل وتحسين اخطاء العادات ومستنيين الفرصة لمجرد تغيير المجتمع
اما موضوع الغرب احسن والشرق اوحش
فده شيئ نسبي
انا شايف مثلا اخطاء والدى في تكوين بيته وعدلتها في بيتي وابني هايكون نفس الطريقة

ماهى الطلقة أو الشظية التى مررت بها وشعرت أن العمر قد ذهب بسببها فى لحظة ..
وماهى اللمسة أو الضمة التى مررت بها وشعرت معها أن العمر قد أتى بفضلها؟؟؟

الحمد لله بغض النظر عن اي احداث تطرأ على حياتي سلبيه او ايجابية
فانا ماحسيتش ان عمرى ضاع في حاجة
كل ما يعمل يعمل للخير
حتى بعض الآمال اللى ما تحققيتش بقول ان ربنا مش رايد دلوقتي ولو اتأخرت اكتر يبفى مش نصيبي وربنا شايف انها مش في مصلحتى ومع ذلك فانا باحاول احققها ولا استسلم
ولكن ليس كل مايتمناه المرء يدركه
بخصوص اللمسة والضمة
بيتي اهم عندي من اي شيئ في الدنيا
مجرد ضحكة اولادى بترن في البيت بحس بطفولتي معاهم ورجوعي 30 سنة للوراء

شكرا وماشوفش وشك تاني
اسئلتك غويطه وصعبة

الكود:

عزيزي  اوسكسان وحشتيني  وحشتني و حشتيني

وانتى اكتر يا جاتي صدقيني

ده انا حسالك اسئلة خفيفة على المعدة اوي اوي

آه ياخوفي منك يا بدران

انت عندك كم سنة و يوم ؟؟

18-7-1967 احسبيها براحتك
يجي كده 13 سنة ونص

انت عندك كم شعرة شيب في راسك؟؟

5 يمين و5 على الشمال

انت تعرف تغني؟؟

كنت قبل ما احترف السجاير

انت اخر مرة سرقة فيها كان امتى؟قفشوك و الا لا؟ كان عبارة عن ايه اللي سرقته؟

ياسلااااااااام ياختى عايزاني اقولك علشان تبلغي البوليس عني
هع

انت لما بتوقف في الضوء الاحمر قف حينما تنتظر ليتغر الضوء بتعمل اي؟ بتدخل صباعك في مناخيرك؟

||3:')" target="_blank" rel="nofollow">||3:')" target="_blank" rel="nofollow">||3:')" target="_blank" rel="nofollow">

انت عندك اصدقاء حقيقييين يعني بنعنى الكلمة؟؟؟

كان عندى وانا في مصر لكن البعد جفا

انت بتحب ترغي في التلفون؟؟؟

بكرهه

انت موبايلك ماركته ايه؟؟؟

جلوفيش
حاجة كده بتشتغل بوندوز موبايل نفس نظام الآي مات

انت شلتني ليه من قائمتك من المسنجر؟

مش انتى بس
اصل اخوات مراتي لما جابو كومبيوتر مراتي لقت اسماء كتير على الماسنجر وتقولي مين ده ومين دي فخفت على سمعتي ياختى ومسحت كل الناس الا اخواتها بس
انا ناقص خناقات

انت بتقص ضوافرك كل كام؟

اسبوع

انت عندك حساسية؟ بتاعة ايه؟

بتجيلي حساسية لما اشوف حد بيهش قدامي

انت بتحب تفطر ايه؟

فول

لو حطوك في جزيرة لوحدك و غندك 3 حاجات للاكل فقط

لحم سحالي
لحم ثعابين
دود اخضر وبني

حتاكل ايه و ليه بس لازم تاكل

يخرب بيت عقلك
رجعت كل اللى في بطني بسببك')" target="_blank" rel="nofollow">
أموت من الجوع أحسن')" target="_blank" rel="nofollow">

انت اخترت ليه الكويت؟

انا ما اخترتهاش .. هي اللى اختارتني

انت بتشتغل في ايه؟

حاجات كتير
مدير قسم CNC Machines
وفي نفس الوقت graphic designer
وoperator manager

انت درست ايه؟

دراستي بعيده خالص عن مجال عملي
بعد الثانوية العامه علشان مجبتش مجموع كويس دخلت معهد اعداد فنيين لمدة سنتين قسم تكييف وتبريد بس ما اشتغلتش فيه خالص

انت مقتنع بشغلك و الا تحب تغيره لو فيه فرصة و ليه؟

شغلي اخترته من قبل ما اخلص دراسه وانا في نهاية الاعدادية وبداية الثانوية تقريبا ومقتنع بيه تماما

انت لك ذقن شنب .؟

جربت قبل ما اتجوز وبعت الصورة لخطيبتي اللى هي مراتي قالتلي لو ماحلقتهمش هابعتلك الدبلة
طبعا انا خفت

انت تعرف تعجن خبز؟؟

وبعمل فطاير جبنه وتونه كمان بس مراتي مش بترضى علشان بابهدل المطبخ دقيق

ايه اللي متحش تاكل؟؟

السبانخ

ايه رايك في بوش , صدام, حسني مبارك, محمد السادس؟

الرؤساء العرب هما اللى بيختارو الشعب اللى بيحكموه مش احنا اللى بنختارهم
يعني حتى لو كانوا كويسين فدي لوحدها كفايه انها تخلينا رافضينهم

انت تحب تزور اي بلد و ليه؟

ماليزيا فيها عبق الشرق وتكنولوجيا المستقبل
لكن اللى نفسي بجد اروحها اليابان بالنسبة لي اسطورة التقدم الصامت

لو عزموك على حفلة تنكر حتتنكر بلبس ايه؟؟

ترننج أصلي مش باستريح غير فيه

تغرف تعوم؟؟

يووووه وبعرف اغرق كمان

مين عرفك على المنتدى؟

فرتوته

ايه اللي بيشدك في المنتدى|؟

الهدوء

انت عادة بتلبس شراب مخروم؟

انتى مصيبه

صفة ب5 كلمات كل من

كفاية كلمة انتي هاتطمعي

مصرية
العقل
الهرم
الشباب
فريدة
الحكمة
سمارت
سبع صنايع والبخت ضايع
مواضيع
رائعه
جاتي
اختى الشقيه اللى وجودها في اي مكان بيغيره 180 درجه
دفء المشاعر
غايبه دايما مش عراف ليه
انيد
طموح عاقل
هشام
القبطان الهارب
مخاميخو
عبقرينو
ادهم
الهاددئ الوقور
لارنو
بنت بلد
قمر الليالي
اختى العاقلة الراسيه

تحب افلام عمر الشريف؟ تفضل العربية ام الاجنبية؟؟

طبعا من صغري لان الحسنه اللى في مناخيره عندى واحده زيها وفي نفس المكان

انت عندك قشرة؟؟؟

لا طبعا لان شعري جاف مش دهني')" target="_blank" rel="nofollow">

اخر مرة كان فيك قمل كان امتى؟؟؟ و عملت ايه علشان تشيلهم؟؟

')" target="_blank" rel="nofollow">

ترننج أصلي مش باستريح غير فيه

مش فاهمة

شوية اسئلة

جاوب على الاسئلة اللي ما جاوبتش عليها

معلش اعمل مجهود

بس لازم تجاوب عليها

لما اتجزت كان عندك كم سنة؟

انت بتفتكر ربنا كل يوم و الا لما بتكون في مأزق؟
ما الالة الموسيقية اللي تحب تكون عندك وحدة منها و ليه و بتفكرك بايه؟؟


انت لون لسانك ايه لما بتكذب؟
انت بتمشط شعرك عادة؟؟

لو انت بتاكل و حطت دبانة على الاكل حيكون ايه رد فعلك؟؟

انت عادة بيقرصك الناموس؟؟

انت بتنام الساعة كام عادة؟؟

فصيلة دمك ايه؟ اوع تقولي معندكش دم؟


تفضل مراتك تشتغل و الا تقعد في البيت و ليه؟؟؟

تغرف تشتغل ب shell script و java script

ايه رايك في عادل امام

انت بتعمل رياضة؟؟ و ايه و ليه و امتى؟؟؟

انت بتعرف كم لغات و ايه هي و اتعلمتها امتى و ازاي و ليه؟؟؟

تفضل الكلاب والا القطط
و ليه؟؟؟

لو كان عيد ميلادك تحب يجيبةلك ايه هدية؟؟؟

انت مادي و الا معنوي؟؟

انت مبتحبش ليه السبانخ دي حلوة اوي مع الحبنة جربها و مفيدة اوي للصحة

لو مكنتش انت انت تحب تكون مين من اعضاء المنتدى؟

لو كان لديك فرصة تكون فيها ملك لمدة اسبوع حتختار اي دولة تكون ملكها؟؟

لو كنت بتاكل في رستوران بوفيه مفتوح و فيه زبون جربان بياكل يعني بياخد اكل من البوفيه

حتقعد تاكل و الا تمشي

؟؟؟


لو فيه واحد مدمن مخدرات و جه و طلب منك فلوس حتديله و الا لا؟

لو لقيت يتيم و طلبو منك انك نربيه حتوافق و الا لا؟

لما بتروحو تاكل برة بتحبو اي نوع من الاكل؟؟

كفاية على اليوم