مصريات شو

انا مليش في القعدة دي خاالص حد ينقذني من الهرم

مارئيك فى شرم الشيخ ؟ وهل مايحدث بها من مهاذل وفضائح هل يتناسب مع عادتنا وتتناسب كانها جزء من مصر ؟

هرم انت رحت شرم الشيخ ولا بتحكم عن طريق ناس نقلتلك بعيونهم هم
عن نفسي رحت شرم الشيخ لكن من سنين كانت الاوضاع عادية زي اي بلد بسافر فيها سياحة
فيها مناظر جميلة ومحميات طبيعية خلابة
خصوصا الغطس
بتزورها ناس من مختلف بلدان العالم
وكل بلد لها عادات مختلفة عن التانية

يعني مثلا لو واحد ماشي في الشارع وشاف حاجة غلط هيعمل ايه
كل واحد له تقاليد وضعفات

ياريت احنا بس يا هرم بدل ما نبص علي تقاليد وضعفات غيرنا نرجع لتقاليدنا
عاجبك اللي حصل عند جامعة الدول العربية
ايام العيد
شباب ورجالة المستقبل يتلفوا حوالين بنات ويتحرشوا بيهم
الساعة عشرة الصبح

نفسي بامانة نبص علي عيوبنا قبل ما ننقد غيرنا
نوعظ نفسنا وبعدين ندور علي وعظ الشعوب الاخري وهدايتها
شرم بلد سياحية زي اي بلد سياحي

بتسال اسئلة بتخليني اتكلم وانا ساكتة في حالي يا هرم

بترجعى فى كلامك احيانا ؟ حتى لو عرفتى انى كلامك كان خاطئ ؟
اه طبعا لو قلت حاجة واكتشفت انها غلط طبيعي هرجع عنها وهقول من باب المصداقية مع نفسي في الاول ومع غيري ثانيا

امتى مارستى دور الحما ؟
عادة مش بمارسه لكن اكيد زي ما بنتقد حاجات في كريم
ممكن برضه انتقدها في ياسمين كابنة مش كزوجة ابن
وهي عارفة كده
انا انسانة طبيعية ..ام وحما وقت اللزوم

كل النساء او بتحلم او تتمنى او حاجة كده لراجل من ممثلين السينما سواء العرب او الاجانب ياترى ايه رئيك ومين هما ؟

يمكن متاثرتش اوي بممثلين في السينما لكن اتاثرت بشخصيات عشت معاها في روايات قريتها
وكنت بسرح معاهم وانا بنت في فارس احلامي

فى ضوء مفهومك عن العاطفة والحب . وضحى بالشرح ماهى اسبابهما وانواعهما واسباب فشل الحب وعوامل التى تؤدى الى نجاحه ؟

الحب من مفهومي هو تلاقي لروحين حصل بينهم في البداية التقاء فكري وحسي
ممكن مع تعميق التعارف يظهر اختلاف وعدم توافق في الطباع
اختلف عن احاسيس الانطباع الاولي

علشان كده اعتقد ان نجاحه بين اتنين متوقف علي تواجد مناخ متقارب ثقافيا واجتماعيا

قولى رئيك فى الاتى اسمائهم :

جاتى
اختي ريا مينفعش ننفصل عن بعض
ياما وقفت جنبي وساعدتني
انسانة تدخل القلب من غير استئذان

مصرية
بنتفاهم من غير ما نتكلم فيه بنا لينك مباشر حتي لو اختلفنا في وجهات النظر
شخصية مهما كان فيها من الام.. الابتسامة مش بتفارقها

انيد
بحب خفة دمها وعقلها بحسها كتومة وحمولة
احيانا بحس اني عايزة اضمها
زي بنتي

سياسمى
بنا عشرة سنين بنوتة شقية خجولة بحبها جدا اااااااااااوي خاااااالص

دولفين
انسانة عميقة تخليك عايز تقرب منها مع صغر سنها بحس اني بتعلم منها كتير

مشاعر
بحسها زيي خالص اللي جواها براها
كتير بنقول الحاجة زي بعض

ام يوسف
عشرة سنين برضه و بفتقدها اوي
كانت عنيدة قبل الجواز اعتقد انه غير كتير من مفاهيمها بحسها طفلة من جوة وبقلق عليها
بس هي عاقلة اوي
ياتري انتي فين سمعااااااااااني
بحب ماسجاتها اوي مش عارفة بتجيبها منين

هوريكم اخر ماسيج منها
ممكن تزورينا؟محتاجينك ضروري
عاملين كحك ومعندناش سكر..عيد سعيد

هشام

شخصية معملية فذة بحترمها واحترم عقليتها
مثقف بدرجة تستفز ..بحسه شخصية ثورية احيانا
متفهم احيانا وبيقفل علي الجمجمة احيانا اخري

اوسكا
ابن البلد الطيب الشهم تحسه الاخ وابن الخال او العم والجار
تلاقيه وقت الشدة
بحب خفة دمه وسرعة البديهة عنده

سمارت
طيب جدا بس محدش يستفزه او يفهمه غلط
شخصية عميقة ومثقفة جدا بحب اقراله
بيفهم انا عايزة اقول ايه
في كتاباتي
من غير ما اقدم شروحات
وده بيفرق معايا خصوصا مع تلقائيتي

الهرم

شهم وجدع بس لما تعاشره تفهمه اكتر
مهموم بالبلد زي اي شاب مصري
بيحسسني انه في مكانة كريم ابني

اولد مان
العزيز اولد مان عشرة جامدة من ايام ما عرفت يعني ايه اتحاور في موضوع
ومن الناس اللي كنت بتابع دايما مواضيعه
انسان عزيز عليا جدا

ادهم
شخصية متزنة وحساسة نموذج للمصري الاصيل
بيحسسني انه من نفس الزمن اللي عشت فيه
بيحكم علي الامور بمنظور عاقل وعادل
بدون تحيز


تخيلى نفسك دخلتى كلية طب ودخلتى محاضرة تشريح لاول مرة ايه تخيلك للمنظر ؟

مش هتحمل اعتقد مع اني كنت بغير علي جروح كريم وكانت غائرة وبشوف طبقات من الجلد
كنت صامدة بس مش عارفة موقفي ايام الكلية كان هيبقي عامل ازاي

لو كنتى فى مكان ومابقى معاكى فلوس ولا موبايل ولا عربية تروحى فى مكان هتعملى ايه ؟
متمناش اتحط في الموقف ده خالص ..مش عايزة اتخيله حتي يا هرم

لو ركبتى تاكسى والتاكسى ماشى وعرفتى ان السواق شارب مخدرات هتعملى ايه ؟
هطلب معونة ربنا في سري وانه يفضل جنبي لحد ما انزل من التاكسي
مش هيكون بايدي حاجة


ايه اكتر مطعم بتحبى تروحيه مع سى السيد ويفكرك بايام حلوة اوى او رومانسية الى حد ما ؟؟؟
الحقيقة بابا كان مانع خروجنا لوحدنا ايام الخطوبة
فاتعودنا نخرج مجموعة مع بعض
فدايما نفتكر ذكريات جماعية للاماكن

حد يجيبلى سيجارة سوبر

هخوفك بعد اللي عملته فيا

سمارت
طيب جدا بس محدش يستفزه او يفهمه غلط
شخصية عميقة ومثقفة جدا بحب اقراله
بيفهم انا عايزة اقول ايه
في كتاباتي
من غير ما اقدم شروحات
وده بيفرق معايا خصوصا مع تلقائيتي

طب بما إن حضرتك استفزتينى بقى ..
جاوبى على كام سؤال كدة ..

- اشمعنا يعنى بتحبى الزمالك ومش بتحبى الأهلى؟؟
- يا ترى ايه أكتر أكلة بتحبيها؟
- بتعيطى من ايه؟
- وايه الصفة الوحشة اللى فيكى .. ومتضايقة انها فيكى؟
- هل تعتقدين ان قليل من الاعتداد بالذات يصلح النفس؟
- ومع انتشار ظاهرة الثقوب فى الجسد والوشم.. ماهو تفسيرك لها؟ لماذا يسعى الانسان إلى فعل هذا بنفسه؟

والبقية تأتى إن شاء الله .. :Gabo2afa:

سؤال أدهم عن الأصوات أوحالي بسؤال شبيه بس عن المناظر
ايش أول حاجة بتخطر علي بالك وأول كلمة بتقوليها لما تشوفي
طيارة بتتحرق
إعصار قوي و جارف
سيدة مشوهة
طفل مقعد
فقراء أفريقيا
عائلة عايشة في قارب صغير
قصر كبير
خاتم ألماس
سرير عليه فرش مريح
طفل نايم على الارض
شخص ميت
القبور
حفيدك
البوم صور ليكي قديم
نفسك في المراية
خلاص بيكفي لغاية دلوقتي

خلاص بيكفي لغاية دلوقتي

آه صحيح يا فريدة ..
ايش أول حاجة بتخطر علي بالك وأول كلمة بتقوليها لما تشوفي ..
خلاص بيكفى لغاية دلوقتى؟؟؟؟ ||3:

Smart كتب:

خلاص بيكفي لغاية دلوقتي

آه صحيح يا فريدة ..
ايش أول حاجة بتخطر علي بالك وأول كلمة بتقوليها لما تشوفي ..
خلاص بيكفى لغاية دلوقتى؟؟؟؟ ||3:

دمك خفيييييييييييييييفففففففف يا مضروووووووووووووب
تصدق إني كل يوم بتابعك اكتشف فيك حاجة جديدة .... زي خفة الدم
يا ظريف

مصرية
بنتفاهم من غير ما نتكلم فيه بنا لينك مباشر حتي لو اختلفنا في وجهات النظر
شخصية مهما كان فيها من الام.. الابتسامة مش بتفارقها

ربنا يكرمك يا رب.

طيب وبعد الكلام الحلو ده أعرف أحرجك وأعصرك وأسألك إزاي بقى؟

فريدة
سألوا كل الأسئلة بجد مش عارفة أسأل إيه بس برضه حسأل متحاوليش حفكرلك في فكيرة وأرجع تاني.

فيري ازيك
انا مقاطع البرنامج ده علشان مش عايز حد يسألني
بس سؤال بيلح علي ومفيش مجال أساله غير هنا
انت اتجوزتي صغيره
طبعا مع احترامي الكامل لأبو كريم
هل لو الزمن رجع بيكي وكان القرار في ايدك كنت كررتي الموقف
ولو كان عندك بنوته كنتي هاتعملي كده

اسفة لهذا العطل الفني اعزائي لجنة الممتحين
واستانف الاجابة علي اسئلة العصير

طب بما إن حضرتك استفزتينى بقى ..
جاوبى على كام سؤال كدة ..
فين يا مرزوووووووق الاسنفزاز ده انا حتي وديعة خالص

- اشمعنا يعنى بتحبى الزمالك ومش بتحبى الأهلى؟؟

هعمل زي ممثلين زمان لما بييحبوا يكونوا هاي كلاس يقولوا ترعرت
وبما ان الزمالك من الطبقة العلوي فانا ترعرت بحب وهحب وهعيش واموت زمالكاوية :#~€:

- يا ترى ايه أكتر أكلة بتحبيها؟
ما ادهم سالني بس وماله نقول كمان
بحب ساندوتش الجبنةالبيضة بالعيش البلدي السخن
وياسلام لو معاه خيار وكباية شاي

- بتعيطى من ايه؟

لما بشوف اي منظر مؤثر حزين او عاطفي حتي لوفي فيلم و
لما حد بيجرحني ..بس بعيط لجوة
او لما اكون وحدي

- وايه الصفة الوحشة اللى فيكى .. ومتضايقة انها فيكى؟

الصراحة والتلقائية صفتين تعبوني في حياتي اوي
ومش عايزين يتغيروا

- هل تعتقدين ان قليل من الاعتداد بالذات يصلح النفس؟

تقصد بايه الاعتداد بالنفس من اي منظور يعني
لكن لو انا فاعمة السؤال صح
اكيد اي انسان بيحترم نفسه هيكون معتد بنفسه لكن المهم ميكنش بكبر
او حتي اعتداد بعند
ده من وجهة نظري بيعيب الشخصية مش بيصلح منها
وفي النهاية هو المضرور

- ومع انتشار ظاهرة الثقوب فى الجسد والوشم.. ماهو تفسيرك لها؟ لماذا يسعى الانسان إلى فعل هذا بنفسه؟

بصراحة بستغرب ازاي انسان يشوه جلده بنفسه
بعتبره تشويه و انعكاس لشخصية غير سوية
عايزة تلفت النظر حتي لو كان عن طريق التشويه

مرسي انك تعبت نفسك وسالتني يا مرزووووووق

نازلة وراجعة اكمل الواجب
بس خليك جدع يا سمارت وغششني اجابات اسئلة مواضيع

سعيدة انك بتساليني تاني يا مواضيع حساني بحضر الدكتوراه في كيفية اخراج ما تحمله الاعماق

سؤال أدهم عن الأصوات أوحالي بسؤال شبيه بس عن المناظر
ايش أول حاجة بتخطر علي بالك وأول كلمة بتقوليها لما تشوفي
طيارة بتتحرق

روح التقت بالموت وهي بين السما والارض
وبصلي لربنا يحفظنا من الحريق والغريق

إعصار قوي و جارف

تامل ولحظات من الرعب لطبيعة مجنونة تثور حينما تشاء
لتدمر بلاد وتشتت عائلات
كانه شر مستخبي

سيدة مشوهة

باشفق عليها لان التشوه اصابها خارجيا وداخليا
وبديها الف عذر لاي تصرف تتصرفه ..ليس بيدها
ولكن بفعل التشوه الذي اصاب الداخل

طفل مقعد
بحس معاه اني انسانة عاجزة

فقراء أفريقيا

ارثي لحالنا وتتملكني ثورة داخلية من كم التبرم والتذمر الدائم
ونحن جالسون في منازلنا ناكل ونشرب وندين
وغيرنا يعاني الجفاف
وينتظر الموت البطيء

عائلة عايشة في قارب صغير

يمكن احسد تلاصقهم ومؤازرتهم لبعض
فربما يشعرون بدفء
يفتقده من يعيشون في القصور

قصر كبير

مكان فسيح ينقصه الدفء

خاتم ألماس

يعجبني في تشبيه الناس عندما نصف شخص ونقول ان قلبه كالماس
ولكن كخاتم البسه في النهاية لا يفرق كثيرا بالنسبة لي عن كونه قطعة زجاج تلمع
ستدوبني وتبقي هي

سرير عليه فرش مريح

لحظة احتياج جميلة تسترخي فيها جميع اعضائي

طفل نايم على الارض

بحس اني نفسي احمله واضمه

شخص ميت

رايت لحظات الموت وتعاملت مع اشخاص صعدت امامي ارواحهم من جسد فان
مجرد وعاء يحفظ الروح لفترة

القبور

بها عظام لاجناس البشر بدون تمييز لان القبر يحمل نهاية الجميع
دون استثناء
دائما اخرج بفلسفة عندما اتواجد في المقابر

حفيدك

احمل ابني من جديد

البوم صور ليكي قديم

كاني اشاهد فيلم ابيض واسود اجتماعي تتخلله لحظات رومانسية
تشدني اتعايش معاها من جديد
فتتجدد احاسيس كادت ان تتلاشي

نفسك في المراية

انعكاس لحالتي النفسية
احيانا ارقص كالطفلة امامها واحيانا المح دموع خفية لامراة مسنة

مواضيع بشكرك طلعتي باسئلتك احساس غريب من جوايا

مصرية ازيك بصي استلفي اي سؤال وااجابته وحطيه كوبي وبيست

انا زيك حسة ان الاسئلة خلصت وخلصت عليا

اوسكا بشكرك بشدة انك عاودت الاتصال بمصريات شو علشان تكون مع لجنة الممتحنين
في البرنامج

انا مقاطع البرنامج ده علشان مش عايز حد يسألني

بصوا يا صحبة حلوة احنا منحبش حد يقاطع اي برنامج يخص مصريات
وطبعا بالخصوصي العزيز علي قلوبنا كلنا اوسكا
ايه رايكم نعمل بينه وبين مصريات شو قعدة صلح
نجمعله فيها تبرعات من الاسئلة
تخفف الحمل شوية من علي قلبه

موافقون موافقون موافقة بالاجماع
هو ضيف البرنامج القادم
مبروووووك يا اوسكا الحظ خبط علي بابك وكسبت معانا الجائزة الاولي

وهنصورك في البرنامج وهتطلع في التزفليون




هجاوب قبل ما الوقت يخلص حيث يكرم المرء او يهان

بس سؤال بيلح علي ومفيش مجال أساله غير هنا
انت اتجوزتي صغيره
طبعا مع احترامي الكامل لأبو كريم
هل لو الزمن رجع بيكي وكان القرار في ايدك كنت كررتي الموقف

علي فكرة السؤال ده مكرر بتسئله من يوم ما اتجوزت

بصراحة بكل صراحة لا مش هكرر نفس الموقف
مش عيب اكيد في الشخص نفسه اللي هو سي السيد اكيد
لكن للحدث نفسه

صعب بنوتة في تانية ثانوي تلاقي نفسها محسوب عليها كل تصرف
وانها اصبحت مسئولة اذ فجاة عن خطيب ومعاملة نينا
وحما واخت جوز وجوز اخت جوز واخو جوز وعيلة وعيلة العيلة
فاموليا كبيرة يعني
واي تصرف مني هيعمل مشاكل عائلية
فطبعا حصل للبنت اللي في تانية ثانوي برمجة
وخط صعب تحيد عنه بقية عمرها
من غير ما تاخد نفس عميق يخليها لو اخدته بهدوء وتروي
كان ممكن تختار نفس الشخص لكن بعقل انضج
واكيد لو كنت اتجوزت بعد الجامعة وخلفت كنت هتمتع بمشاعر الامومة اكتر
لكن تشتيت بين زوج وابن وجامعة ومسئولية بيت
كبرني يا اوسكا قبل الاواااان

لكن ميزة الجواز صغيرة خلاني انا وكريم اصحاب جدا
وكفاية خلاني تيتا فيها نفس تنط الحبل مع شادي

ولو كان عندك بنوته كنتي هاتعملي كده

بعتبر بنت اخويا بنتي بالظبط
وعلشان كده اوقات ماما تقولها عايزينك تتخطبي يا انجي وهي في تانية ثانوي
اقولها حرام عليكي يا ماما
خليها تعيش حياتها الاول
بمعني انها متثقلش بهموم وهي لسة بتقول يا هادي مع الدنيا

وعدنا من جديد وكيل نيابة شئون واستكملنا التحقيق مع السيدة فريدا هانم فى ساعته وتاريخه :


حادث التحرش الى حصل فى العيد ايه رئيك فيه وليه اتكرر فى نفسا لتوقيت لعامين متتاليين ؟

ليه انتشرت ظواهر التحرش والاغتصاب بكثرة فى السنين الاخيرة فى مجتمعنا ؟

لو عندك بنت واتقدم لها شاب عادى بيبدا حياته لسا معندوش فلوس ولا عربية ولا اى حاجة يدوب بدا يشتغل وبيكون مستقبله هتوافقوا على جوازهم ؟ وحتى لو كانو بيحبو بعض ؟؟؟

فى صمر قبل سفرى يمكن انتم متعرفوش بس باعتبارى شاب ومعايش للاجواء دى كلها انتشرت فى مصر بشكل غير طبيعى انتشار ضخم جدا فى كل الاوساط المخدرات بكافة انواعها انتشار فظيع فى كل الطبقات واصبح فى الوقت الحالى الحشيش بالذات زى السجاير وبقى غريب الى مابيشربش وانتشر بين البنات وخاصة الهاى كلاس بالذات انتشار ملفت للنظر ايه رئيك فى الظاهره دى واسبابها واثارها على مصر ؟

لما بتشوفى عصفور صغير او كتكوت او قطة صغيرة ايه بيكون شعورك ؟

لو حصلك موقف وشوفتى كلب شرس بيجرى وراكى هتعملى ايه ؟
هل انتى غيورة ؟ وما مظاهر الغيره فى حياتك ؟
قبل جواز كريم وخطوبته لو كنتى عرفتى انه على علاقة باى بنت وهو محكاش ليكى كان ايه هيكون موقفك فى الظرف ده ؟
اكيد كل اب بيضرب او يتنرفز على ابنه او يزعق وكده لما كان بيحصل كده مع كريم وسى السيد كان موقفك ايه بتكونى مع الصح ولا بتكونى مع كريم ؟

ايه رئيك فى شباب مصر سن 18: 20 سنة الحالى ؟

لما الانسان كل احلامه تروح ويحس بجرح عميق جواه وينكسر قلبه ويحس بعدم الثقة فى اى انسان ولما اقرب الناس ليه تجرحه او تخونه او تطعنه يبقى ايه العلاج فى رئيك ؟

ايه اكتر مقطوعة موسيقية لما بتسمعيها بتحسى انط طايره وتسرحى فى دنيا تانية ؟
ايه الفرق بين المذاهب المسيحية ؟
هل سبق لكى قراء كل من (القرآن والتوراه ) ؟ لو حصل ايه الى حسيتى بيه فى قرائتهم او فهمتيه او اقتنعتى بايه ؟

ايه السبب فى الوقت الحالى ان الناس بقى عندها برود ومبقاش فيه جدعنه ايه سبب الناس لما تشوف واحد مصاب ولا متعور فيه حاجة جامده بقت تطنش وتقف تتفرج ؟

ليه لما بتسافرى دايما بتروحى فرنسا اغلب سفرياتك بغض النظر عن اقربائك؟ هل مفكرتيش تروحى مكان تانى ؟ وايه اكتر مكان نفسك تسافرى تشوفيه ولسا محصلش ؟
ماهى اصعب سنين الجواز ؟ وايه المرحلة الى بتكون عنق الزجاجة فى الحياة الزوجية ؟
ايه نصيحتك لكريم فى اول حياته الزوجية ؟

كفاية كده لانى زودت شويتين بس يلا عليكى المحتمل يلا جوبى
لسالك كام يوم قبل السفر فيلا نلحق نمل فيه مشوية تانين

محدش يحوشني

فرافيروووووو


كام سؤال عميق عالماشى، محتاجين أجوبة أعمق من سيادتك


ـ حتيجى تزورينى إمتى يا طنط؟

ـ ممكن أحط صور فى موضوعك "كعب داير" والا هو مخصوص لرحلاتك إنت بس؟

ـ بتنامى الساعة كام بالليل؟ وبتصحى الساعة كام؟ بتنامى كام ساعة فى اليوم إجمالاً؟

ـ إنت لسه بتحبى حسنى مبارك؟ ولسه بتعذريه؟ والا خلاص صحيتى؟

ـ مش ناوية تسلمى بأه؟ تعبتينا يا شيخة؟ أووووف

ـ مين اللى ضحك عليكى وقالك إن الزمالك فريق الناس الراقية؟ ممكن أعرف اسمه؟

ـ أنا عندى أنفلونزا مموتانى .. لا ليمون نافع ولا شوربة ولا أدوية .. عندكيش وصفة متينة ينوبك ثواب يا خالتشى؟

ـ عاوزة أسئلة عميقة تانى، والا كفاية؟

وتاني تاني نعود للامتحانات والتحقيقات من تااااني


حادث التحرش الى حصل فى العيد ايه رئيك فيه وليه اتكرر فى نفسا لتوقيت لعامين متتاليين ؟

تفتكر يا هرم ممكن يكون راي اي حد ايه في اخلاقيات بتنحدر وبتطعن قلب مصر بخنجر
بتطعن الشهامة بتطعن المثل بتقضي علي معني الرجولة
ايام ما كنت في الجامعة كانوا زمايلنا او حتي الناس اللي منعرفهمش
يحاوطونا في الاتوبيسات علشان يحمونا
ليا خالة كان جوزها مهندس ري وكانت بتدرس في السنتر الرنساوي يعني بتنزل القاهرة دايما
واحيانا بتظطر كانت ترجع بالليل تصدق بتقول كنا ستات وبنات وكنابننزل الفطر محاطين بالرجالة بكلوبات ينورولنا الطريق
وكانوا بيحافظوا علينا

للاسف دلوقت مفيش اي مصدر للحماية

احيانا بحس انهم شباب ماجور من جهات هدفها تدمير سمعة مصر علشان يثبتوا ان ميهاش لا ا من الامن والامان

ليه انتشرت ظواهر التحرش والاغتصاب بكثرة فى السنين الاخيرة فى مجتمعنا ؟
اكيد فيه عوامل كتير البطالة والقنوات الفضائية
والفتاوي الدينية اللي لخبطت عقول الشباب
زمان كان مصر فيها اجانب بامانة كانت اخلاق رجالة مصر اجدع
كان الراجل راجلو شرف اي بنت هو شرفه وعرضه
كانت حرية مسئولة
لكن دلوقت الاعلام وندية حرية الراي مخلتش الصغير يحترم الكبير

وللاسف كمان مفيش عقاب رادع لحوادث الاغتصاب والتحرش
مش هنقدر نقول نوعيات لبس زمان كان اللبس عادي وكان فيه احترام في وسائل المواصلات
وفي الاماكن العامة
لان كل الجنس اللطيف بيتعرض دلوقت للتحرش للاسف

احتمال عايزين يرجعوا البنات يقعدوا ورا المشربيات
مش بعيد

لو عندك بنت واتقدم لها شاب عادى بيبدا حياته لسا معندوش فلوس ولا عربية
ولا اى حاجة يدوب بدا يشتغل وبيكون مستقبله هتوافقوا على جوازهم ؟
وحتى لو كانو بيحبو بعض ؟؟؟

هقولك حاجة يا هرم علشان اكون امينة اكيد اي اهل عايزين مستوي معقول لبنتهم
الام بتكون عايزة لبنتها احسن منها كمان
لكن لو هو انسان كويس ومستقبله واضح وعنده طموح مش كسول يعني
ونحسه راجل مش مجرد بيقدم عواطف وبس
ممكن ينظر في امره
لان الحياة الزوجية مسئولية مبنية علي العقل والعاطفة

فى مصر قبل سفرى يمكن انتم متعرفوش بس باعتبارى شاب
ومعايش للاجواء دى كلها انتشرت فى مصر بشكل غير طبيعى انتشار ضخم جدا
فى كل الاوساط المخدرات بكافة انواعها انتشار فظيع فى كل الطبقات
واصبح فى الوقت الحالى الحشيش بالذات زى السجاير وبقى غريب الى مابيشربش
وانتشر بين البنات وخاصة الهاى كلاس بالذات انتشار ملفت للنظر
ايه رئيك فى الظاهره دى واسبابها واثارها على مصر ؟

للاسف شفتها بعيني قدام بيتنا السابق لاني كنت بنام الفجر
كانت مجموعة شباب بتشرب سجاير وبتاخد حقن
وعرفت انهم ولا ناس مسئولة في الشرطة
ومحدش قادر يوقفهم

شيء محزن مش عارفة هو عدم رقابة وانشغال اهل ولا رقابة صارمة زيادة عن اللزوم
وبيكون نوع من الهروب
ومفيش شك اصدقاء السوء ..وبرضه بحس ان جهات عايزة تدمر شبابنا
فطبيعي انهم يبداوا بالطبقات الراقية لاني سمعت ان الحشيش رخيص يعني الموضوع مش فلوس وبس

عموما التوعية بدات في مجتمعنا لتوعية الشباب وفي دور العبادة بقي فيه مؤتمرات بتنعقد
خاصة عن الادمان


لما بتشوفى عصفور صغير او كتكوت او قطة صغيرة ايه بيكون شعورك ؟

تفرق اوي يا هرم لما اشوف عصفور رقيق بيغرد
واشوف قطة مبقاش عارفة اذا كانت هتغدر يا ولا لا

هطير اخد نفس وارجعل اكمل

هشام هنا يااااااااااااااااااللهول
اسئلتك صعب اوي الاجابة عنها محتاجة مراجع ادرسها علشان اعرف اجاوب

استكمل جلسة التحقيق معايا

لو حصلك موقف وشوفتى كلب شرس بيجرى وراكى هتعملى ايه ؟

هتجمد في مكاني بصراحة لاني لو جريت هو هيكون اسرع مني
وغير كده رجلي مش هتشيلني يعني محلك سر وشكلها هيبقي فيها واحد وعشرين حقنة

هل انتى غيورة ؟ وما مظاهر الغيره فى حياتك ؟

مفيش انسان علي وجه الارض مش غيور..يعني هضحك عليك لو قلتلك اني مش بغير
بس المهم طريقة اظهار الغيرة ..وايه اصلا سبب الغيرة
يعني مش علي المليان والفاضي لاني بكره اي غيرة تخنق

ولو اتكلمت عن غيرة من واحدة هقولك ممكن تكون غيرة من شخصية ملفتة بشياكتها بثقافتها
باسلوب معاملتها ..بتمني اكون زيها ..غيرة مشروعة يعني

لكن مش هغير من اي واحدة والسلام من مبدا الغيرة يعني

غيرة علي سي السيد يعني عادي انه يبدي اعجابه ومفيش مانع اشاركه
بس المهم من غير ما اتجرح ساعتها بغير لكرامتي

الغيرة من مرات ابني اهي دي اللي مش ممكن ابدااااااااااااااااااا لانها وكريم واحد
ومش هغير من ابني بالعكس بفضلها عني كمان

عموما الغيرة في حياتي غير مرئية بتكون بيني وبين نفسي


قبل جواز كريم وخطوبته لو كنتى عرفتى انه على علاقة باى بنت وهو محكاش ليكى كان ايه هيكون موقفك فى الظرف ده ؟

تصدق بالرغم انه مكانش فيه موبايلات ولا وسائل كبس علي الانفاس وملاحقة الابناء
وبالتالي ده بيخليهم يكدبوا كتير
يمكن كريم اتربي علي الصراحة فكان بيحكيلي من غير ما اطلب منه
يمكن كنت بساله بطريقة غير مباشرة
وبعدين كنت بحس بيه جداااااااااااااااااااا
وهو كان عارف كده وعارف انه صعب يخبي عني حاجة
وبالعكس كان بيعرفني بيهم خصوصا انه كان بيتعرف بالاهالي

يعني ما مرتش بصراحة بمرحلة او قصة في حياته مش دريانة بيها
ويوم ما كان هيخبي عني كنت هعرف اني ام فشلت في تربية ابنها
بطريقة سوية

اكيد كل اب بيضرب او يتنرفز على ابنه او يزعق وكده لما كان بيحصل كده مع كريم وسى السيد كان موقفك ايه بتكونى مع الصح ولا بتكونى مع كريم ؟

الحقيقة تربية كريم كانت من نصيبي بسبب انشغال سي السيد لكن كنت دايما
احسس كريم ان باباه لو عرف هيزعق او يزعل
فكان بيراعي جدا انه ما يعملش حاجة تجيبله كلام
كريم كان بيتضرب مني مش من باباه وهو صغير :humer:
لكن مكنتش بتحمل ان سي السيد يزعقله بس مش بقوله كده قدامه طبعا
لكن بيني وبينه كنت بفهمه موقف كريم
لان سي السيد عملي وممكن يحكم علي الامور بطريقة عملية
لكن هما بقوا اصحاب لما كريم اتخرج واشتغل معاه

ايه رئيك فى شباب مصر سن 18: 20 سنة الحالى ؟

محتاجين توجيه من كل الجهات من البيت ومن المدارس والجامعات
ومن وسائل الاعلام
لانه بصراحة بيفتقدوا مباديء وقيم ولغة تحاور راقية

مش مبسوطة من جراتهم

لما الانسان كل احلامه تروح ويحس بجرح عميق جواه وينكسر قلبه ويحس بعدم الثقة فى اى انسان ولما اقرب الناس ليه تجرحه او تخونه او تطعنه يبقى ايه العلاج فى رئيك ؟

اكيد احساس صعب وبحس بصعوبة اني انصح حد لان المتالم والمجروح مش بيشوف غير جانب مظلم
لكن دايما بحس ان الجروح هي اللي بتقوي واحيانا بتكون دافع للتحدي
وهو ده بصيص النور اللي لازم الواحد يحط قدام عينيه
الاستسلام والنظر علي اللبن المسكوب مفيش منه فايدة بيقود لحالة ضياع النفس
يعني بلاش نخسر نفسنا من جميع الجهات

ايه اكتر مقطوعة موسيقية لما بتسمعيها بتحسى انط طايره وتسرحى فى دنيا تانية ؟

مفيش مقطوعة معينة لكن اي موسيقي هادية احس بيها بتحسسني بحالة انسجام وهدوء مع نفسي

ايه الفرق بين المذاهب المسيحية ؟
الكاتوليك والارثوذكس كنايس رسولية تتبع الرسل
بقية المذاهب منشقة

هل سبق لكى قراء كل من (القرآن والتوراه ) ؟ لو حصل ايه الى حسيتى بيه فى قرائتهم او فهمتيه او اقتنعتى بايه ؟

القران اكيد مش كله قريته لكن اجزاء كتير..اما التوراة قريتها اكتر من مرة لانها العهد القديم في الانجيل
الموضوع مش اني قريت علشان اقتنع احيانا القراءة بتكون علشان تفهم وتستوعب بعض المفاهيم

وعموما احساسي باي قراءة تحسسني بصوت ربنا جوايا
بتاثر بيها جدا

ايه السبب فى الوقت الحالى ان الناس بقى عندها برود ومبقاش فيه جدعنه ايه سبب الناس لما تشوف واحد مصاب ولا متعور فيه حاجة جامده بقت تطنش وتقف تتفرج ؟

للاسف كل وسائل الاتصالات الحديثة بحسها السبب في حالة البرود العاطفي واللامبالاة اللي اصابت البشرية
زمان كان التواصل بيتعمل فيه مجهود علشان نحافظ علي الترابط..المشاعر كانت زي المحميات الطبيعية
مفيش مباني مسلحة اتبنت فوقيها وضيعت معالمها

ليه لما بتسافرى دايما بتروحى فرنسا اغلب سفرياتك بغض النظر عن اقربائك؟ هل مفكرتيش تروحى مكان تانى ؟ وايه اكتر مكان نفسك تسافرى تشوفيه ولسا محصلش ؟

بالنسبة لفرنسا اكيد وجود مكان للاقامة ده بيساعد لان الاقامة مكلفة جدا في الفنادق

لكن سافرت بلاد كتير اليونان وسويسرا وايطاليا وانجلترا والمانيا
ويوم واحد برشلونة في اسبانيا

ماهى اصعب سنين الجواز ؟ وايه المرحلة الى بتكون عنق الزجاجة فى الحياة الزوجية ؟
ايه نصيحتك لكريم فى اول حياته الزوجية ؟

بعتبر كل سنين الجواز صعب علشان تحافظ علي كيان بيت بعتبره ملوش مقياس فيه ناس بتعيش سعيدة سنين وتلقاها بعد عشرين سنة انفصلت
الحياة عمرها ما بتكون مريحة دايما بتكون قريبة من عنق الزجاجة المهم احنا ازاي نبعد بيها عن العنق
السكة الخطر يعني

نصيحتي لكريم ان مشاكله مع مراته تكون ورا باب بيتهم محدش يعرف عنها حاجة
علشان التدخل من الاهل حتي لو بحسن نية
بيكبر الخلاف
ودول هيشيلوا ودول هيشلوا
يبقي نكفي علي الخناقات ونتاويها من الاول كنت بعمل كده اصلي مكنتش بحب حد يعرف عني حاجة

هرم لو سالتني تاني هجيبلك السيخ المحميانا بقول اهه

ومع الاسئلة التي لا تصد ولا ترد من عدساوي

ـ حتيجى تزورينى إمتى يا طنط؟

في المشمش يا اونكل عدساوي لان اسبانيا مش في جدول اعمالي واصل

ـ ممكن أحط صور فى موضوعك "كعب داير" والا هو مخصوص لرحلاتك إنت بس؟

مش هفتح فمي ولا كيبوردي يخاطب كيبوردك
وهجيب محامي وعندي البراهين والادلة علي صدق اقوالي

والكلام ده في اول صفحة حضرتك من الموضوع

كفاني يا قلب اني راحلة

وهو ينفع برضه قبل ما أسألك ؤالين صغننين خالص؟

كلمة واحد تعبر عن كل من:
الرجل
الحب
الوطن
الأم
الصديق

تفتكري ممكن ترجع الأخلاق والشامة والمرؤة للمصريين تاني؟

بيقولوا إن أخلاق الشباب دلقتي بقت وحشة ومدلعين ومعندهمش تحمل للمسئولية وإن البنات بقت بتتحمل المئولية أكتر من الولد؛ تفتكري ده حقيقي؟
لو حقيقي يا ترى إيه السبب؟

لكن للاسف ده طبيعة حكمنا لظروف بلدنا مينفعش..الرئيس يتنحي يا اما بيمشي بقضاء ربنا


او بالقتل..ا

وإيه اللي خلاها طريقة حكمنا في رأيك؟
هل هو اتفاق غير مكتوب؟ أم هو إذعان وضعف شخصية؟

يلله كفاية كده وححاول أفكر في كام سؤال كمان.

ليه يا مصرية ليه تعملي كده فيا ليه
مش اتفقنا ان الاسئلة خلصوها من السوق
استني طيب اجيب علبة الكلينكس علشان اعرف اجاوب علي الاسئلة

كلمة واحد تعبر عن كل من:

الرجل
كلمة

الحب
احساس

الوطن
الكيان

الأم
الحنان

الصديق
السند

تفتكري ممكن ترجع الأخلاق والشامة والمرؤة للمصريين تاني؟

كل شيء ممكن يا مصرية لكن المهم ازاي نرجعها
بتغذية الاطفال وحقنهم بحب الوطن
يوم ما هيكبروا وهم بيحبوا بلدهم زي اجيال زمان
الشهامة هترجع وحدها
بشوف ان عدم الانتماء خلانا مهملين اخلاقيات كتير في حياتنا

بيقولوا إن أخلاق الشباب دلقتي بقت وحشة ومدلعين ومعندهمش تحمل للمسئولية وإن البنات بقت بتتحمل المئولية أكتر من الولد؛ تفتكري ده حقيقي؟
لو حقيقي يا ترى إيه السبب؟

اكيد فيه جزء من الحقيقة يعني مش هنعمم بس الاغلبية اصابوا ببرود
في كل حاجة ..بقي عندهم كسل عايزين الشغل يجي لحد عندهم
مش هم اللي يسعوله ..وكمان مش عايزين اي وظيفة
لازم وظيفة تليق وتطلعه هوب قوام لفوق

احتمال اللي ساعد في كده ان الاحصائيات بتقول ان عدد البنات بقي اكتر
ويمكن كمان الندية في اسلوب البنات مع الاولاد حسسوهم انهم رجالة زيهم
يعني قوتهم متساوية مفيش حتة ان البنت مكسورة الجناح ومحتاجة حمايته
هي اللي بقت تحميه

وإيه اللي خلاها طريقة حكمنا في رأيك؟
هل هو اتفاق غير مكتوب؟ أم هو إذعان وضعف شخصية؟

بصي يا مصرية ارجعي كده للتاريخ والاجابة هتظهر علي الشاشة وحدها
ركزي كده معايا

يعني محمد باشا مؤسس مصر الحديثة حكم مصر 43 سنة
الخديوي عباس التاني 22 سنة
الملك فؤاد الاول19 سنة

يعني احنا متعودين فالموضوع مش ضعف طبعا لكن هي منظومة عشناها وبنعيشها
فطبيعتنا اتعودت علي عشرة الرؤساء
لو غيرناها هنحس انه فيه حاجة غلط واي رئيس ميعجبناش نتخلص منه
ونبقي في فوضي لا شعورية

كده خلصت الامتحانات والتحقيقات وهخرج من اوضة الفيران
قصدي من شومصريات
وبشكر كل اللي شاركوا في لجنة الممتحنين وبامانة الاسئلة كلها كانت رائعة
وبشكرك يا هرم مع انك عصلرتني
حقيقي بشكر اهتمامك وانكم اتحملتوني في البرنامج

مع حبي وتقديري لاحلي صحبة


وعايزين مصالحة اجبارية بين اوسكاسان و البرنامج
اوعوا يهرب منكم اقفلوا الابواب حاصرووووووووووووه

احنا علي الهوا



معلش يا اوسكا دبستك علي الهواخصوصا انك مقل في الظهور
واحنا عارفين اد ايه انت شخصية محبوبة واكيد الحوار معاك هيكون ممتع

هو انا كتبت بالهيروغليفي ياربي

مااا علينااااااااااااااااااا ذييييييييع يا هشااااااااااااام في نفس موضوووع سفااااري
الموضوع بتاعي
الموضوع بتاعك
الموضووووووع بتااااعناااااااااا كلنااااااااااا
احنا فريق مكمل لبعض في كل المواضيع

وأتمنى انك تصحى بأه ولو نص ساعة بس، علشان تكرهيه معايا،

يا سيدي ربنا هيحاسبني علي حبي له
وبعدين انا مبعرفش اولا اكره حد

وبعدين الاسئلة خلصت من السوق وصادروا الباقي
وانا خلاص مسافرة الجمعة
عايزة اروح اخلص بقية الرحلة قبل ما انت تنزل رحلتك
علشان نعمل مسابقة ونشوف ميييييين صوره بتتكلم
وتقول مامي وبابي ويلا باي بنا تحديات

أولا و بادىء ذى بدء كده...أنا مستاءه جدا انى ملحقتش فروتوس على الكرسى
و فى نفس ذات الوقت معجبه جدا بأسئلة الهرم...ول دان يا مان

و معلش يا فرفر انا عارفه أن الوقت انتهى بس التعليق ده الحقيقه صدمنى و عايزه أعرف بس دى تريقه يعنى واللا ده كلام بجد:

وبعدين بقيييييييييييييييييييي ااااااااه بحبه اااااااااااه بحبه


وبعذر سنه لان مجبر يفضل في منصب انا واثقة لو عليه كان ارتاح


اكيد مسكين مع سنه صعب يتحمل المسئولية دي كلها


لكن مش بايده احنا بتحكمنا مؤسسة كبيرة مش فرد وحده


لكن للاسف ده طبيعة حكمنا لظروف بلدنا مينفعش..الرئيس يتنحي يا اما بيمشي بقضاء ربنا


او بالقتل..ا

سيسامي الحلوة هنا يا مرحبا يا مرحبااااااااااااااااا
يا بنتي ما صدقت ازوغ الهرم بصراحة لعبني كل الاسئلة
بس بامانة انا كنت معجبة بيها بجد
وبشكره حقيقي عليها

نيجي بقي للرد علي صدمتك يا بنوووووووووتة
واقولك اذا كانت تريقة ولا بجد

الحقيقة هو جد وجدااااااااااا كمان لان في النهاية دي قناعة اكيد شخصية
مبدئيا انا حضرت تلات رؤساء يعني حضرت تلات عهود
عهد الرئيس عبد الناصر كنت حقيقي صغيرة لكن كنت فاهمة الي حد ما
اللي بيدور حولي
لاني كنت بشوف رعب اللي حواليا من انهم يفتحوا بقهم يقولوا كلمة بصراحة
واحساسي ناحيته لما كبرت تعمق بعد ما فهمت ووعيت لاشياء كتير
من صغري مكنتش بقدر احبه لكن بحترمه لانه رئيس بلدي

السادات لا بحبه ولا بكره وكان برضه بيكمم الافواه
لكن برضه له احترامه لان كان رئيس بلدي

الرئيس حسني مبارك اكتر رئيس حسيته قريب مني كمواطنة مصرية مش حاطط موانع وسدود بيني وبينه
كفاية انه سامح اني اخد وادي معاكي دلوقت
عندنا في عهده حرية مطلقة لابداء الراي وده واضح
ومش رايي الحقيقة وحدي راي ناس كتير
ونفسي تسمعي راي الغير مصريين عليه
من الاجانب ومن العرب
سمعتهم بنفسي محدش حكالي

طول عمري احساسي بيصدق من حكمي علي الاشخاص
قعدت مع ناس واكتر من شخص كانوا قريبين من الرئيس وعاشروه فترة
وحكولي كتير عنه
اكدوا احساسي بيه

مفيش انسان يا سيسامي علي وجه الارض ملوش عيوب واكيد اني زي اي مواطنة بعيب تصرفات
من وجهة نظري مع اني ما سمعتش وجهة نظره او تفسيراته
لاني زي ما قلت احنا بتحكمنا مؤسسة مش فرد
فيها الكويس وبيوصل المعلومات بامانة وفيها الوحش اللي بيقلب الموازين لمصالح شخصية

يعني عارفة انه له عيوب وفيه ميزات
وعلي ادي بصلي من اجله ان ربنا دايما يرشده في حكم بلد علي صفيح ساخن
واللي هيجي بعده اشك انه حتي حد هيشكر فيه مهما عمل
ده طبعنا بنحب نشوف دايما نص الكباية الفاضي

اتمني انك ما تتصدميش من صراحتي يا سيسامي ده رايي للمات ومش هغيره
انا بحب الرئيس محمد حسني مبارك

وعلشان خاطرك وخاطر لقب فروتوس دخلت تاني الموضوع