رد: مصريات شو

من طرف Gatita الإثنين 31 مارس 2008, 1:27 am

يا اهلا يا اهلا يا انيد

حريحك الاول و اجلسك على الكرسي ده

مصريات شو - صفحة 2 SILLON%20MASAJE%201%20PIEZA

شغلي المساج و انا اسالك

ما هو بلادك المفضل : متقوليش مصر قوليل اللي بعده ؟

تعرفي تغني؟ صوتك حلو,,, بتغني عادة في الحمام.....في الشغل ...في البيت...و لا مبتغنيش اصلا و ليه.:..,؟

بتحبي الورد...ما لون الورد اللي بتحبيه اكثر.؟

بتحبي اي نوع من الزهور ؟

صفي على حسب معرفتك في المنتدى و الانترنيتية
في خمس كلمات

هشام

فريدة

سمارت

اوسكا

مصرية

مشاعر

لو جاتلك فرصة تمثلي اي شخصية تحبي تمثلين؟

تعرفي تعومي و الاتغرقي في نصف كاس ماء؟

تعرفي تخرطي مولوخية؟

لو جالك عريس صنف سي السيد حتوافقي عليه؟

ما هي احسن اكلة تعرفي تعملي و بتطلع لك حلوة؟

انتي عندك شراب مخروم ؟ بتلبسيه؟

لو كان عندك فرصة تروحي جزيرة بس الشرط انك تبقى هناك شهر كامل مني غير متشوفي و لا تكلمي حد لا من اهلك حتوافقي؟ لكم عمدك كل حاجة هناك

تحبي تركبي عجلة و تدوري بيها ؟

تحبي تروحي للاسواق الشعبية؟؟

لسانك لونه ايه عادة؟

هل عندك حساسية من حاجة؟؟؟

من طرف aniD الإثنين 31 مارس 2008, 10:55 am

ليه يعنى هو انتوا لقيتونى فى الشارع ..أستنوا عليّابقى عشان اعرف ارد على كل ده scratch

من طرف aniD الإثنين 31 مارس 2008, 1:53 pm

OSKASAN كتب:
لا مبغسلش وشى ..بأخللى اى حد ينفخلى التراب من عليه و خلاص
رشي عليه شويه جلانس علشان يلمع

مكانش العشم يا اوسكا ..بلاش انت

من طرف aniD الإثنين 31 مارس 2008, 2:05 pm

بتحبي البصل الأخضر ولا فحل البصل
ايه اكتر حاجة بتحبيها وماتفكريش في حاجة لما تشوفيها
( اكل او مشتريات )
بتنامي بالليل زينا
ناوية تخلفي كام عيل
بتهرشي في راسك كتير ( ولا لما ماتفهميش حاجة تعملي كده )
وزنك كام
بتشتغلي ايه
مش هاسألك عندك كام سنة علشان أمه لا اله الله الله عارفة
بتحبي مين في المغنيين ( قدام وجداد )
تعرفي دفء من امتى وايه اللى خلاكي تصاحبيها
تعرفي تطبخي و تخيطي وتغسلي و تسيأي الشقة ؟

سؤال غريب

عموما بأحب البصل الاخضر جــــــــدا

ازاى يعنى مفكرش فى حاجه لما اشوفها !!

أنا بأنام باليل زى الناس..معرفش عندكوا زى عندنا و لا ايه النظام

لما مفهمش حاجه ..أتّوه كده انما مبهرش فى راسى

العيّال و خلفتهم قرار مؤجل ..يعنى يرضيك ااقولك اتنين و اتجوز واحد عايزهم تلاته ..ااقوله ايه ساعتها وعدتهم فى المنتدى اجيب اتنين بس

بقالى كتير موزنتش نفسى
بأشتغل فى البرمجه
بأحب كل حاجه بتطلع صوت gssis

و اشجع الاغنيه الحلوه ..مش مهم مين غناها

أعرف دفء من خمس سنين تقريبا ..و مفيش سبب معين خلانى اصاحبها ..صحيت من النوم لقيتها من اعز اصحابى ..مش فاكره لا امتى و لا ازاى و لا ليه

أيوه يأ افندم ..حصلت على درجه الخدام من اعرق الجامعات zarkaban

من طرف aniD الإثنين 31 مارس 2008, 2:25 pm

ما هو بلادك المفضل : متقوليش مصر قوليل اللي بعده ؟

تعرفي تغني؟ صوتك حلو,,, بتغني عادة في الحمام.....في الشغل ...في البيت...و لا مبتغنيش اصلا و ليه.:..,؟

بتحبي الورد...ما لون الورد اللي بتحبيه اكثر.؟

بتحبي اي نوع من الزهور ؟

صفي على حسب معرفتك في المنتدى و الانترنيتية
في خمس كلمات

هشام

فريدة

سمارت

اوسكا

مصرية

مشاعر

لو جاتلك فرصة تمثلي اي شخصية تحبي تمثلين؟

تعرفي تعومي و الاتغرقي في نصف كاس ماء؟

تعرفي تخرطي مولوخية؟

لو جالك عريس صنف سي السيد حتوافقي عليه؟

ما هي احسن اكلة تعرفي تعملي و بتطلع لك حلوة؟

انتي عندك شراب مخروم ؟ بتلبسيه؟

لو كان عندك فرصة تروحي جزيرة بس الشرط انك تبقى هناك شهر كامل مني غير متشوفي و لا تكلمي حد لا من اهلك حتوافقي؟ لكم عمدك كل حاجة هناك

تحبي تركبي عجلة و تدوري بيها ؟

تحبي تروحي للاسواق الشعبية؟؟

لسانك لونه ايه عادة؟

هل عندك حساسية من حاجة؟؟؟

بلدى المفضل: نفسى اروح اليونان يمكن عشان بأحسها قريبه من عندنا شويه
مبغنيش و مفتكرش صوتى حلو ..بأبقى حاطه الmp3بلاير ..اغنى اصدع نفسى يعنى cas

أه بأحب الورد جدا ..و بأحب فيه اللون الابيض

حرام اوصف حد فيهم بخمس كلمات مش حأديه حقه

لا مبحبش امثل ..و لو ضرورى امثل نفسى ..عشان متخيلش اعمل دور حد تانى ..معــــــــــــرفش €€€€

بأعرف أعوم كويس

الملوخيه بأخرطها بس..دمها تقيل على قلبى

ما هو مينفعش الا سى السيد ..أمال سموه عريس ليه

أى اكل بأعمله بيطلع حلو..قليل لما تبوظ منى حاجه

اه ..كتير البس شراب مخروم ..الضروره بتحكم

لو معاكى عنوان الجزيره ..اديهولى و انا اسيب اللى فى ايدى و اروح حــــــــــــــــــالا

أحب..بس مبعرفش اسوق عجل

و احب الاسواق ..كده للتأمل ..انما التسوق ماليش تقل عليه

لسانى بينقط بونبونىىىىىىىىىىىىىىىىىى..شهد ..حتى أسالى اى حد مصريات شو - صفحة 2 235515

عندى حساسيه من الادويه almiiii

من طرف المشـ دفء ـاعر الإثنين 31 مارس 2008, 11:08 pm

اولا موضوع جامد جدا
ثانيا اهلا اهلا انيد فرصه سعيده اللقاء بيكي وكويس انك نبهتيني بالموضوع عشان اجي اتحفك بشويه اساله
كويس طلعتي بتحبي الخس زي السلاحيف ابقي اجيب لك معاهم

- شيفاكي بتحبي القرايه قوي ايه اللي خلاكي تحبيها كده؟ حد في اسرتك موسوعه؟
- ايه اكتر مرحله في حياتك استمتعتي بيها؟
- ايه رايك لو جالك عريس لقطه بس حيسافر بعيد عن مصر ورافض انك تشتغلي؟
- نبذه عن طفوله انيد هل كانت شقيه ام هادئه؟
- لو رحتي جزيره وحتخدي (شخص و كتاب و شريط كاسيت) مين يكونوا اختيارك في ال 3؟؟؟
- ايه اكتر حاجه تحبي تعمليها علي الانترنت لما تكوني زهقانه؟
- امتي كانت اول مره عرفتي المنتديات وايه اول منتدي سجلتي فيه بحياتك؟
- هل بتحبي الجيمز؟ وايه اكتر لعبه بتحبيها؟
- ليه مش بتحبي البيبيهات؟ وحتعملي ايه لما ربنا يرزقك ببيبي؟
- كفايه عليكي دول

من طرف aniD الإثنين 31 مارس 2008, 11:20 pm

شيفاكي بتحبي القرايه قوي ايه اللي خلاكي تحبيها كده؟ حد في اسرتك موسوعه؟
- ايه اكتر مرحله في حياتك استمتعتي بيها؟
- ايه رايك لو جالك عريس لقطه بس حيسافر بعيد عن مصر ورافض انك تشتغلي؟
- نبذه عن طفوله انيد هل كانت شقيه ام هادئه؟
- لو رحتي جزيره وحتخدي (شخص و كتاب و شريط كاسيت) مين يكونوا اختيارك في ال 3؟؟؟
- ايه اكتر حاجه تحبي تعمليها علي الانترنت لما تكوني زهقانه؟
- امتي كانت اول مره عرفتي المنتديات وايه اول منتدي سجلتي فيه بحياتك؟
- هل بتحبي الجيمز؟ وايه اكتر لعبه بتحبيها؟
- ليه مش بتحبي البيبيهات؟ وحتعملي ايه لما ربنا يرزقك ببيبي؟

مــــــاشى ..خليكى فاكراها

أه بابا بيحب القرايه ..و عندنا مكتبه كبيره ..فأتزرعت فيها من و انا صغيره
كل مرحله كان ليها سحرها ( رب يوم بكيت منه, فلما جاء غيره بكيت عليه)
و الله هو و شطارته بقى..بس عموما انا دماغى ناشفه و مبقتنعش بسهوله
كاتن فظيع و شقيه ..و كنت بألعب فى الشارع زى المتشردين

لو رحت مش حأخد شخص و قصه بأحبها جفت الدموع و أمل حياتى لام كلثوم
لو زهأنه على النت أدّور على اغانى
اول مره أدخل منتدى كان شئون مصريه - 27 يناير 2007

كنت بأحبها..دلوقت مفيش وقت ..بس احب buzzel

مين قالك مبحبش البيبهات..يا مفتريه..انا قلت صورهم متلفتش نظرى ..دى نقره و دى نقره

من طرف larno الإثنين 31 مارس 2008, 11:26 pm

كفايه عليكي دول

لا ادوها كمان، لسه بدري
ودول من عندي :#~€:

ايه اول حاجه بتشربيها الصبح علشان تفوقي ؟
ايه اكتر يوم بتحبيه في ايام الاسبوع ؟ وليه
مين اكتر حد بتحرقي كلام معاه ؟
لما تبقي مخنوقه بتروحي فين او بتعملي ايه علشان تطلعي من المود ده؟
بتشربي الشاي في ماج ولا كوبايه
بتحبي الفشار ؟
احكي موقف ضحكك وموقف تاني عيطك و موقف تالت تنحتي لما حصل pirat

فاصل و نواصل

من طرف aniD الإثنين 31 مارس 2008, 11:32 pm

ايه اول حاجه بتشربيها الصبح علشان تفوقي ؟
ايه اكتر يوم بتحبيه في ايام الاسبوع ؟ وليه
مين اكتر حد بتحرقي كلام معاه ؟
لما تبقي مخنوقه بتروحي فين او بتعملي ايه علشان تطلعي من المود ده؟
بتشربي الشاي في ماج ولا كوبايه
بتحبي الفشار ؟
احكي موقف ضحكك وموقف تاني عيطك و موقف تالت تنحتي لما حصل

نسكافيه ..أو قهوه لو متوفّره
بأحب اليوم اللى قبل يوم الاجازه ..أيّا كان
حرقّت كلام معاكى ..يدخلنا موسوعه جينس مرتـــــاحين Rolling Eyes

لما أبقى مخنوقه ..بأكتب ..أفكّر عالورق
بأشرب الشاى فى قرطاس(سؤال اهبل الصراحه)
لا مبحبوش

مفيش فى دماغى مواقف و الله يا لارنو ..وعد لما افتكر حأقولك

من طرف aniD الإثنين 31 مارس 2008, 11:34 pm

أظن أنا كده عدانى العيب Sad

...حأختار حد تانى
مطلوب ضبط و احضار لاااارنو..عشان اعرف أسالها بعشم

1 قوليلنا خمس حاجات محدش يعرفهم عنك
2 ايه اللى خلاكى تشتركى معانا فى المنتدى
3 أيه اكتر حاجه بتخليكى سعيده
4 أيه الدرس اللى أتعلمتيه من الدنيا و مبتنسيهوش أبدا
5أكتر حاجه بتحبى تسميعها
6 حطى حاجه رسمتيها ..عشان انا عمرى ما شفت حاجه رسمتيها
7 ايه رأيك فى كل من
الحب
الصداقه
التفاءول
الالم

دول لسه ..دفعه أولى خللى بالك

من طرف larno الإثنين 31 مارس 2008, 11:35 pm

بأشرب الشاى فى قرطاس(سؤال اهبل الصراحه)

ههههههههههههههههههههه
هي دي انيد ، صديقتي اللدوده :#~€:

من طرف Gatita الإثنين 31 مارس 2008, 11:40 pm

انا جبتلك كرسي تاني مريح جدا

يللا حبدأ الاسئلة

انتي تعرفي تتخانقي؟

و لما بتتخانقي بتشتمي و الا بتشدي بالشعر و الا بتلعبي كراتي؟

انتي في مكان

و مفيشهش اكل عادي

فيه لحم كلب لحم افعى و لحم خنزير

و لا زم تاكي

ختختاري اي منهم و لا زم تاكلي و الا حتموتي

من طرف مصرية الثلاثاء 01 أبريل 2008, 12:31 am

لارنو على الكرسي يا مرحبا يا مرحبا

شوفي يا ستي كام سؤال في السريع على ما أفكر في الباقي

قصة حياتك في سطرين، اتولدتي فين؟ عشتي فين؟ كليتك؟ كده يعني

هواياتك إيه؟
أكتر أكلة بتحبيها
موقف محرج مش ممكن تنسيه
أكتر موقف خلاكي تبكي ومش قادرة تبطلي
عرفتي أنيد من الشغل ولا منين؟
بقالكوا أد إيه أصحاب؟
اتصدمتي في صديق قبل كده؟ لو أيوة، إزاي؟
امتى تقولي إن الإنسانة دي صديقة وإمتى تقولي زميلة وإمتى تقولي أخت؟

ردي قى على ما أشوفلي كام سؤال كمان

من طرف Hesham الثلاثاء 01 أبريل 2008, 1:55 am

إيه ده إيه ده إيه ده ؟؟؟؟ ما فيناش من الكروتة يا أنسة منك لها لها لها Evil or Very Mad

ما ينفعش الزبونة تدخل يوم واحد وتجرى ... مش فيه ناس لسه ما شافوش الموضوع؟؟ Rolling Eyes

مدة الإعتقال طول عمرها أسبوعين ..
وعلشان الليلة عيد، حنعمل أوكازيون ونخليها أسبوع واحد ..
بشرط حسن السير والسلوك Cool

ونظراً لأن الضحية الحالية، إختارت خلاص اسم الضحية التالية

فخلاص .. تستعد لارنو للمقصلة .. بس بعد أسبوع aniD ما ينتهى .. مع الإبقاء على أسئلتها لحينه Cool

أما بعد ......

Ms. aniD .. welcome

Cool

كبداية .. عجبتنى أسئلتك للارنو جداً:

1 قوليلنا خمس حاجات محدش يعرفهم عنك
2 ايه اللى خلاكى تشتركى معانا فى المنتدى
3 أيه اكتر حاجه بتخليكى سعيده
4 أيه الدرس اللى أتعلمتيه من الدنيا و مبتنسيهوش أبدا
5أكتر حاجه بتحبى تسميعها
6 حطى حاجه رسمتيها ..عشان انا عمرى ما شفت حاجه رسمتيها
7 ايه رأيك فى كل من
الحب
الصداقه
التفاءول
الالم

لو مالكيش فى الرسم ..

فيا حبذا لو تجاوبى على كل هذه الأسئلة بإستثناء السؤال السادس مصريات شو - صفحة 2 54933

وبعدين .. حأكمل باقى الأسئلة تباعاً .. ما تقلقيش study

من طرف larno الثلاثاء 01 أبريل 2008, 2:45 am

انا شايفه ان مده الاعتقال ترجع اسبوعين مافيهاش اي حاجه Rolling Eyes

سمعيني احلي رد علي اسئله هشام و بعدين علي الاسئله دي
ايه اكتر ايموشن بتحبيه من المجموعه الي في المنتدي ؟

علشان تنامي و تصحي مرتاحه محتاجه كام ساعه نوم ؟؟

قوليلنا حلم حلمتيه و فاكراه، بس يكون حلم حلو

بتحبي ايه اكتر (كولا ، ميرندا، سبرايت)

تتكلمي مع مين براحتك اكتر؟ ماما ولا بابا ؟

من طرف OSKASAN الثلاثاء 01 أبريل 2008, 8:30 am

وانا لسه ما خلصتش
فيه سؤال واحد بيلح عليا وهو السؤال الأخير
ايه رأيك في مصطفى عيد ؟

ايوه كده تمام الواحد يمخمخ في اسئله احلي بدل ما كروتيني امبارح يا انيد عشان تهربي وتقلبي الكرسي علي لارنو...
لي عوده

من طرف aniD الثلاثاء 01 أبريل 2008, 11:02 am

ربنا عالظالم ...حرام عليكم Sad

انا لو فى امن الدول مش حأقعد أسبوع

ايه رأيك في مصطفى عيد ؟

لو مفيهاش براده ..مين مصطفى عيد

من طرف OSKASAN الثلاثاء 01 أبريل 2008, 1:04 pm

معرفش

اكيد فيه واحد اسمه مصطفي عيد

من طرف aniD الثلاثاء 01 أبريل 2008, 1:09 pm

من طرف مصرية الثلاثاء 01 أبريل 2008, 4:41 pm

رديييييييييييييي عللللللللليا oco

روحتي فين يا أنيد؟ ohh*

من طرف farida الثلاثاء 01 أبريل 2008, 7:47 pm

انييييييييييييد ده كلااااااااااام كنتي عايزة اجي القاكي مشيتي من البرنامج

قبل ما استعمل ميكرفوني واحاوطك واكبس علي انفاسك
وتحرميني اقلد مفيد فوزي شوية
كنت هاخد علي خاطري منك اوي

بصي هما سؤالين وحتتين ويمكن تلاتة حسب التساهيل

اكيد الكاميرات تعبتك

ريلاكس انيد
وخلينا نستمتع بيكي ومعاكي في برنامجنا
كلنا ايدنا علي الماوس مش عايزين نغير الصفحة

الحقيقية يا انيد بلمس فيكي شخصية قوية ومرحة _
لكن في نفس الوقت بحسك انسانة عميقة وكتومة
ومش بسهولة بتظهري مشاعرك
واعتقد ان ده يرجع لخجل في طبيعتك
ما هي اقوالك؟

_فيه ايميل من الجمهور وصل مع الحمام
الايميل بيقول :
كل شخص مننا له فلسفة في حياته
ياتري ما هي فلسفة انيد في الحياة

_وجالنا اس ام اس بيسال انيد
تفتكري ان القسوة والعند بيقتلوا الخلق والابداع
وياتري ان ده عيب في مجتمعنا
نتيجته اننا بنقتل المواهب او بنخليها تهرب لاماكن يكون فيها الابداع ينطلق بحرية اكتر؟

_ الحقيقة ضيف اتصل عايز يعرف طبيعة شخصيتك ممكن تقبل النقد او النصح
ويا تري ممكن تقبليه من زوج المستقبل ؟

_ ويتلقي البرنامج اتصال تليفوني اخر

يا تري اي توع من القصص بيجذبك
قصص المغامرات ولا اللي فيها حركة واكشن
ولا اللي في مضمونها يشدك لفكرة فلسفية او اخلاقية؟

_ الووووايوة يا فندم اتفضل معاك ضيفتنا انيد

ياتري جربتي تزرعي نبتة وراقبتيها وهي بتنمو
ولو مريتي بالتجربة دي ياريت تقولينا تاملاتك ؟

الحقيقة الاسئلة والاتصالات لا تنقطع لكن يا خسارة وقتي خلص ولازم اسلم الميكروفون

وعايزين نعرف قبل ما تسيبي البرنامج تسجلي في الاتوجراف
وتقولي رايك وانطباعك عن تجربتك مع البرنامج
وايه كان شعورك وانتي بتتسالي وتجاوبي

ده بوكيه صغير من البرنامج لضيفتنا العزيزة انيد

من طرف aniD الثلاثاء 01 أبريل 2008, 9:46 pm

1 قوليلنا خمس حاجات محدش يعرفهم عنك
2 ايه اللى خلاكى تشتركى معانا فى المنتدى
3 أيه اكتر حاجه بتخليكى سعيده
4 أيه الدرس اللى أتعلمتيه من الدنيا و مبتنسيهوش أبدا
5أكتر حاجه بتحبى تسميعها
6 حطى حاجه رسمتيها ..عشان انا عمرى ما شفت حاجه رسمتيها
7 ايه رأيك فى كل من
الحب
الصداقه
التفاءول
الالم

من حفر حفره لاخيه Sad

خمس حاجات محدش يعرفهم عنى
1 انى جبانه و بأتحرج جدا بس بأعرف اخللى الناس متلاحظش فيّا ده
2 بأحب اوى انى اكون طفله و اتصرف على طبيعتى بس مباخدش فرصتى
3 ساذجه جدا و مبفترضش سوء النيه مع قليل من الحذر
4 خياليه جدا
كفايه عليكم 4

أشتركت فى المنتدى عشان لما دخلت أبص و شفت المواضيع..حسيت انى مفتقده الروح دى ..فقلت أسجل و انا و حظى سواء كنت ضيف مرغوب فيه أو لأ ..لانى كنت ضد مبدأ الانفصال ..يمكن كانت دى مثاليه زياده

أكتر حاجه بتخلينى سعيده احساسى انى بأعمل حاجه مفيده مهما كانت بسيطه

الدرس اللى مبانسهوش ابدا انى اول مره ركبت عربيه تخيلت ان الموضوع بسيييط جدا و وثقت فى قدراتى اكتر مما ينبغى طلعت بالعربيه كأنى فاندام فدخلت فى شجره ..اتعلمت اعرف انا واقفه فين و ابقى عارفه قدراتى و مستسهلش اى حاجه باعملها

بأحب اسمع أم كلثوم اوى

الحب : عشان مطولش مضطره استعير جمله
فبرغم جميع حرائقه و برغم جميع سوابقه و برغم الحزن الساكن فينا ليل نهار ..الحب سيبقى يا ولدى احلى الاقدار

الصداقه: موقف و عشره .. علاقه تراكميه كل ما الوقت يمر كل ما تتبلور و تبقى اقوى و كل ازمه تخليها اعمق..تبقى حاجه قريبه من الحب بما فيه من قبول للأخر بعيوبه قبل مميزاته

التفاؤل: احساس لا ارادى ربنا خلقه جوانا رحمه بينا ..مهما الناس تنكر ..و اكثر المتشائمين حتلاقى جوه قلبه حاجه بتخللى يتوقع الاحسن ..مهما انكر ده

الألم : زى الحقنه توجع بس مفيده ..يخللى الانسان يعمل كل حاجه اعمّق ..و يحس بالناس اكتر و يفكر الف مره قبل ما يخللى حد يتألم عشان هو جرب ..

من طرف aniD الثلاثاء 01 أبريل 2008, 9:51 pm

ايه اكتر ايموشن بتحبيه من المجموعه الي في المنتدي ؟

علشان تنامي و تصحي مرتاحه محتاجه كام ساعه نوم ؟؟

قوليلنا حلم حلمتيه و فاكراه، بس يكون حلم حلو

بتحبي ايه اكتر (كولا ، ميرندا، سبرايت)

تتكلمي مع مين براحتك اكتر؟ ماما ولا بابا ؟

أعز القرد ده www

جدا ؟..و مش حأقولكم كافحت اد ايه عشان اجيبه

و الله انا ممكن انا م عشرين ساعه و ااقوم من النوم انام تانى ...بس مين يدينى الفرصه Sad

لا مبفتكرش احلامى ..بس لما احلم بحاجه وحشه افضل مقبوضه بعدها كذا يوم

ماليش تقل عليهم كلهم ..بافضل العصير الفريش

و الله حسب الظروف و الموضع اللى بأتكلم فيه ..بس ععموما هما الاتنين اصحابى

من طرف aniD الثلاثاء 01 أبريل 2008, 9:53 pm

يه رأيك في مصطفى عيد ؟

راجل زى الفل و اللى فى جيبه مش بتاعه الى ان يثبت العكس IIIIII