رد: مصريات شو

aniD كتب:

الحب : عشان مطولش مضطره استعير جمله
فبرغم جميع حرائقه و برغم جميع سوابقه و برغم الحزن الساكن فينا ليل نهار ..الحب سيبقى يا ولدى احلى الاقدار

الصداقه: موقف و عشره .. علاقه تراكميه كل ما الوقت يمر كل ما تتبلور و تبقى اقوى و كل ازمه تخليها اعمق..تبقى حاجه قريبه من الحب بما فيه من قبول للأخر بعيوبه قبل مميزاته

التفاؤل: احساس لا ارادى ربنا خلقه جوانا رحمه بينا ..مهما الناس تنكر ..و اكثر المتشائمين حتلاقى جوه قلبه حاجه بتخللى يتوقع الاحسن ..مهما انكر ده

الألم : زى الحقنه توجع بس مفيده ..يخللى الانسان يعمل كل حاجه اعمّق ..و يحس بالناس اكتر و يفكر الف مره قبل ما يخللى حد يتألم عشان هو جرب ..

ده بوكيه متواضع مني ليكي يا انيد علي الاجابات الجميله دي
مصريات شو - صفحة 3 Flower012

بجد بحس انك فيلسوفه بستمتع بردودك جدا سواء كانت جاديه او سخريه

من طرف aniD الثلاثاء 01 أبريل 2008, 10:19 pm

الحقيقية يا انيد بلمس فيكي شخصية قوية ومرحة _
لكن في نفس الوقت بحسك انسانة عميقة وكتومة
ومش بسهولة بتظهري مشاعرك
واعتقد ان ده يرجع لخجل في طبيعتك
ما هي اقوالك؟

فعلا يا فرى ..انا بأتحرج جدا ..بس مش لدرجه الخجل...المشكله ان الخلطه دى بتدى انطباع اول انى متعاليه و بأخد وقت طويل عشان اغيره

فيه ايميل من الجمهور وصل مع الحمام
الايميل بيقول :
كل شخص مننا له فلسفة في حياته
ياتري ما هي فلسفة انيد في الحياة

البساطه ..لان الواحد لما يكون بسيط أوى الناس حتتخدع فيه ..اكتر من ما يعمل فيها فتوه و خبيث و مفّطع الدنيا خبره
و التفهم و التماس المعاذير للناس على اد ماااقدر..مفيش بنى ادم وحش..و كل واحد بيعمل حاجه ليه الف مبرر عشان يعملها ..كون انا مش عارفه مبرره ..ده ميخلينيش احسن و لا يخللى وجهه نظرى أصح

_وجالنا اس ام اس بيسال انيد
تفتكري ان القسوة والعند بيقتلوا الخلق والابداع
وياتري ان ده عيب في مجتمعنا
نتيجته اننا بنقتل المواهب او بنخليها تهرب لاماكن يكون فيها الابداع ينطلق بحرية اكتر؟

بصى هو القسوه لازم تقتل الابداع ..لانه مينفعش حد يعمل حاجه فيها ابداع و فوقيه جلاد...بس برضه المبدع كل ما زاد فنه كل ما ابداعه ميتأثرش بالظروف المحيطه ..يعنى فيه مبدع قوى قادر يحول الاحباط و الضغط و العند لحاجه حلوه وواحد عنده نفس الموهبه ..بس روحه ضعيفه يبقى حيقعد بموهبته فى الضل ..المبدعين عندنا ااقل من عشره فى الميه اللى بيطلع منهم ..و الباقى مبدعين فى الضل

الحقيقة ضيف اتصل عايز يعرف طبيعة شخصيتك ممكن تقبل النقد او النصح
ويا تري ممكن تقبليه من زوج المستقبل ؟

معنديش مشكله فى تقبل النقد ..لو مش جارح و ايجابى ..طريقه النقد بتفرق معايا اكتر من النصيحه نفسها
و أكيد من باب اولى ااقبلها من زوج المستقبل ..عشان انا احب اكون قويه و مستقله و ناجحه و كل حاجه ..بس محبش اكون الطرف اللى صوته أعلى أو أقوى فى اى ارتباط

يا تري اي توع من القصص بيجذبك
قصص المغامرات ولا اللي فيها حركة واكشن
ولا اللي في مضمونها يشدك لفكرة فلسفية او اخلاقية؟

اللى مضمونها يشدنى و يكون فيها فلسفه و فى المجمل لو معنديش حاجه جديده أأقراها ااقرا قصص رومانسيه و لكل فصل من السنه قصه مفضله ..مبتتشالش من درجى ..ممكن ااقراهم ميت مره

ياتري جربتي تزرعي نبتة وراقبتيها وهي بتنمو
ولو مريتي بالتجربة دي ياريت تقولينا تاملاتك ؟

مجربتش أزرع ..بس بأحب شكل الزرع و احب اراعيه جدا
و عموما لما بأشوف حاجه بتكبر قدامى بأبقى مبسوطه ..مش لازم الزرع ..ممكن احس ده فى فرح اتنين ارتبطوا بعد قصه حب..أو حد نجح فى حاجه ..او حد كان مستنى حاجه وحققها

هو الافراج امتى يأ اخوانا Rolling Eyes

من طرف farida الأربعاء 02 أبريل 2008, 12:25 am

انيد ورداية مخصوص ليكي من معجبة بعتتها للبرنامج اسمها فريدة

من طرف Gatita الجمعة 04 أبريل 2008, 11:32 pm

و اسالتي مرجتيش عليها ليييييييه

من طرف aniD الجمعة 04 أبريل 2008, 11:37 pm

Gatita كتب:و اسالتي مرجتيش عليها ليييييييه

فين دى يا جاتى ..رديت على كله :mmm:

من طرف Gatita الجمعة 04 أبريل 2008, 11:43 pm

Gatita كتب:

انا جبتلك كرسي تاني مريح جدا

يللا حبدأ الاسئلة

انتي تعرفي تتخانقي؟

و لما بتتخانقي بتشتمي و الا بتشدي بالشعر و الا بتلعبي كراتي؟

انتي في مكان

و مفيشهش اكل عادي

فيه لحم كلب لحم افعى و لحم خنزير

و لا زم تاكي

ختختاري اي منهم و لا زم تاكلي و الا حتموتي

من طرف aniD الجمعة 04 أبريل 2008, 11:51 pm

معلش مشفتهومش(ربنا عالمفترى) Sad

انا عموما مسالمه ..بس لما اتخانق بعيد عنّك ..محدش يعّرف يوقفنى..و ساعتها بقى اللى ربنا يلهمنى بيه بأعمله بس غالبا مبتتعداش الشتيمه

حأكل لحم الكلب طبعا ...لانه الاكثر تداولا عندنا krkrkr

من طرف larno السبت 05 أبريل 2008, 12:00 am

انا عموما مسالمه

من طرف Gatita السبت 05 أبريل 2008, 12:26 am

يععع يا انيد لحم كلب

يعععععععععع

لارنو انتي اللي بتعرفيها يعني مش مسالمة
ههههههههههه

من طرف larno السبت 05 أبريل 2008, 12:39 am

لارنو انتي اللي بتعرفيها يعني مش مسالمة

لا يا جاتي انا اعتراضي مش علي كلمه مسالمه، اعتراضي علي كلمه عموما

من طرف Smart الخميس 10 أبريل 2008, 9:02 am

اللى بعده

من طرف Hesham الخميس 10 أبريل 2008, 11:54 am

أيوة يا انيد ..

فى السنتين الأخيرتين وحتى الآن ..

ـ حد قالك إنك استفزازية؟
ـ حد قالك إنك غلسة؟
ـ حد قالك إنك لذيذة؟
ـ حد قالك إنك رزينة؟
ـ حد قالك إنك مجنونة؟
ـ حد قالك إنك بنت جدعة؟
ـ حد قالك إن نفسه يضربك؟
ـ حد قالك إنك عنيدة؟
ـ حد قالك إنك حساسة جداً؟

وماذا كان رد فعلك فى كل تلك الحالات إن كانت حدثت؟

من الآن وفى السنتين المقبلين إن أحياكى الله ..

ـ حتصوتى فى أى إنتخابات قادمة فى مصر؟
ـ حتشاركى فى أى مواقف تتخذها قوى المعارضة فى مصر؟
ـ ناوية تحوشى فلوس؟
ـ حتعملى ريجيم لو حسيتى إنك تخنتى؟
ـ حتهتمى أكثر بمشاكلك الشخصية والا بالمشاكل العامة؟
ـ حتفكرى تغيرى شغلك .. سواء كمهنة أو فقط كمكان عمل؟

ـ هل تهتمين بالفنون التشكيلية؟
لو الإجابة بنعم .. حددى أكثر نوع يشدك منها.

ـ هل تهتمين بالفلسفة؟
لو الإجابة بنعم .. حددى أقرب الفلسفات لأفكارك.

ـ هل تهتمين بالرياضة البدنية؟
لو الإجابة بنعم .. حددى النوع الذى يستهويك أكثر.

هل تعتبرين نفسك متدينة؟
لو الإجابة بنعم .. حددى مفهومك العقيدى.

من مشاركتك ومتابعتك للمنتديات ..

ـ هل تعتقدين أنها إختراع إيجابى أو سلبى بصفة عامة؟
ـ ما هى نوعية الموضوعات التى تجذبك أكثر؟
ـ هل هناك أسماء بعينها من كتاب المنتديات، تجذبك لمتابعتها سواء لإتفاقك مع آراءها أو لرفضك لها؟ أم لا تهتمين أبداً بإسم الكاتب؟
ـ هل تتوقعين إستمرار تجربة أو ظاهرة المنتديات لعشرة سنين قادمة؟ أم ستنقرض؟
ـ (من متابعتك لكتاباتهم فقط) .. اذكرى ميزة واحدة وعيب واحد لكل أعضاء المنتدى الحاليين .. الأربعين بما فيهم أنت نفسك.

ما هى أول خمسة قرارات ستتخذينها لو قدر لك أن تكونى:

ـ المسئولة الأولى عن مصر
ـ المسئولة الأولى عن الحى الذى تقطنين فيه
ـ المسئولة الأولى عن الشركة التى تعملين فيها
ـ المسئولة الأولى عن هذا المنتدى
ـ المسئولة الأولى والوحيدة عن نفسك

وربنا يقويك Cool

من طرف مصرية الخميس 10 أبريل 2008, 4:17 pm

Hesham كتب:أيوة يا انيد ..

فى السنتين الأخيرتين وحتى الآن ..

ـ حد قالك إنك استفزازية؟
ـ حد قالك إنك غلسة؟
ـ حد قالك إنك لذيذة؟
ـ حد قالك إنك رزينة؟
ـ حد قالك إنك مجنونة؟
ـ حد قالك إنك بنت جدعة؟
ـ حد قالك إن نفسه يضربك؟
ـ حد قالك إنك عنيدة؟
ـ حد قالك إنك حساسة جداً؟

وماذا كان رد فعلك فى كل تلك الحالات إن كانت حدثت؟

من الآن وفى السنتين المقبلين إن أحياكى الله ..

ـ حتصوتى فى أى إنتخابات قادمة فى مصر؟
ـ حتشاركى فى أى مواقف تتخذها قوى المعارضة فى مصر؟
ـ ناوية تحوشى فلوس؟
ـ حتعملى ريجيم لو حسيتى إنك تخنتى؟
ـ حتهتمى أكثر بمشاكلك الشخصية والا بالمشاكل العامة؟
ـ حتفكرى تغيرى شغلك .. سواء كمهنة أو فقط كمكان عمل؟

ـ هل تهتمين بالفنون التشكيلية؟
لو الإجابة بنعم .. حددى أكثر نوع يشدك منها.

ـ هل تهتمين بالفلسفة؟
لو الإجابة بنعم .. حددى أقرب الفلسفات لأفكارك.

ـ هل تهتمين بالرياضة البدنية؟
لو الإجابة بنعم .. حددى النوع الذى يستهويك أكثر.

هل تعتبرين نفسك متدينة؟
لو الإجابة بنعم .. حددى مفهومك العقيدى.

من مشاركتك ومتابعتك للمنتديات ..

ـ هل تعتقدين أنها إختراع إيجابى أو سلبى بصفة عامة؟
ـ ما هى نوعية الموضوعات التى تجذبك أكثر؟
ـ هل هناك أسماء بعينها من كتاب المنتديات، تجذبك لمتابعتها سواء لإتفاقك مع آراءها أو لرفضك لها؟ أم لا تهتمين أبداً بإسم الكاتب؟
ـ هل تتوقعين إستمرار تجربة أو ظاهرة المنتديات لعشرة سنين قادمة؟ أم ستنقرض؟
ـ (من متابعتك لكتاباتهم فقط) .. اذكرى ميزة واحدة وعيب واحد لكل أعضاء المنتدى الحاليين .. الأربعين بما فيهم أنت نفسك.

ما هى أول خمسة قرارات ستتخذينها لو قدر لك أن تكونى:

ـ المسئولة الأولى عن مصر
ـ المسئولة الأولى عن الحى الذى تقطنين فيه
ـ المسئولة الأولى عن الشركة التى تعملين فيها
ـ المسئولة الأولى عن هذا المنتدى
ـ المسئولة الأولى والوحيدة عن نفسك

وربنا يقويك

ربنا يعينك يا يا أنيد يا بنتي وتنجحي في امتحان الثانوية العامة.

من طرف aniD الخميس 10 أبريل 2008, 4:27 pm

و الله ده افترا angry

هو اللى مش حيجاوب حتعملوا فيه ايه Rolling Eyes

من طرف Hesham الخميس 10 أبريل 2008, 4:36 pm

ولا حاجة ... Cool

بس عيب يعنى .. ما تجيش منك smile

من طرف aniD الخميس 10 أبريل 2008, 11:14 pm

فى السنتين الأخيرتين وحتى الآن ..

ـ حد قالك إنك استفزازية؟
ـ حد قالك إنك غلسة؟
ـ حد قالك إنك لذيذة؟
ـ حد قالك إنك رزينة؟
ـ حد قالك إنك مجنونة؟
ـ حد قالك إنك بنت جدعة؟
ـ حد قالك إن نفسه يضربك؟
ـ حد قالك إنك عنيدة؟
ـ حد قالك إنك حساسة جداً؟

الاجابه عليهم كلهم أه..ردود أفعالى تباينت بس الحمد الله كل واحد خد اللى فيه القسمه سواء شكر أو ضرب smile

من الآن وفى السنتين المقبلين إن أحياكى الله ..

ـ حتصوتى فى أى إنتخابات قادمة فى مصر؟
ـ حتشاركى فى أى مواقف تتخذها قوى المعارضة فى مصر؟
ـ ناوية تحوشى فلوس؟
ـ حتعملى ريجيم لو حسيتى إنك تخنتى؟
ـ حتهتمى أكثر بمشاكلك الشخصية والا بالمشاكل العامة؟
ـ حتفكرى تغيرى شغلك .. سواء كمهنة أو فقط كمكان عمل؟

و الله لو حسيت ان صوتى حيفّرق..حأصوت ..لو لأ يبقى مالوش لازمه.. و ده بينطبق على مواقف المعارضه و توجهه المعارضه نفسها و الطريقه اللى بتعارض بيها ..

نفسى ..بس مبعرفش أحوّش ..معايا فلوس تمام ..معييش أستلف و هكذا

مبحبش فكره الريجيم ..بأحس انه تقييد ..بفضل اى بديل رياضه ..مشى ..حرص فى الاكل ..انما ريجيم و أأكل ربع تفاحه فى الفطار و كل ودن بقره بس فى الغدا بأحسه ..أفراط..ما هو الافراط فى الاكل ..زى الافراط فى قلته برضه

و الله الاولويه للشخصى ..فاقد الشئ لا يعطيه ..استحاله حتفكر فى مشاكل الناس و انت مش عارف تحل مشاكلك

بأفكر فعلا أغيّر شغلى ..مش كمهنه ..بس غالبا التغيير بيكون ضرورى من فتره للتانيه ..عشان تتعلم

هل تهتمين بالفنون التشكيلية؟
لو الإجابة بنعم .. حددى أكثر نوع يشدك منها

الاهتمام يستلزم المتابعه ..انا مباتبعش..بس بأحب الفن التشكيلى و تعجبنى أعمال معينه بغض النظر عن النوع ..بس الحاجات المفهومه ..انما اللوحات اللى فيها ما ورائيات مبتجيبش معايا ..يعنى لازم لوحه واضحه ..فيها معنى..و احب التصوير الفوتوغرافى ..بس مش متمكنه اوى انى أصوّر

هل تهتمين بالفلسفة؟
لو الإجابة بنعم .. حددى أقرب الفلسفات لأفكارك

قريت فى الفلسفه ..بس مفكرتش فى فلسفه محدده لنفسى ...لان كل مرحله كان ليها فلسفتها الخاصه اللى هى اصلا حاجات مختلفه و افكار و خبرات مختلفه..يعنى يمكن جمله واحده تكون عنوان لفلسفتك العمر كله ..انما مينفعش نستلف فلسفه حد تانى مهما كانت قريبه لافكارنا ...ربنا خلق لكل انسان فلسفته الخاصه مهما كان بسيط أو فقير ...و قد تندهش لما تتكلم مع عامل بسيط..و تلاقي أفكاره كأنه قرى ميت كتاب فلسفه

هل تهتمين بالرياضة البدنية؟
لو الإجابة بنعم .. حددى النوع الذى يستهويك أكثر.

مبهتمش بالرياضه..بس اعرف عنها ما ينفى الجهل ..و لو اضطريت امارس ..يبقى المشى لأن فيه تأمل

هل تعتبرين نفسك متدينة؟
لو الإجابة بنعم .. حددى مفهومك العقيدى.

بسم الله الرحمن الرحيم
{فلا تزكوا أنفسكم هو أعلم بمن اتقى} [النجم: 32]
{ قل هل ننبئكم بالأخسرين أعمالا الذين ضل سعيهم في الحياة الدنيا وهم يحسبون أنهم يحسنون صنعا }

تفتكر بعد الايتين دول مين ممكن يحكم على نفسه يقول متدين و لا لأ

من مشاركتك ومتابعتك للمنتديات ..

ـ هل تعتقدين أنها إختراع إيجابى أو سلبى بصفة عامة؟
ـ ما هى نوعية الموضوعات التى تجذبك أكثر؟
ـ هل هناك أسماء بعينها من كتاب المنتديات، تجذبك لمتابعتها سواء لإتفاقك مع آراءها أو لرفضك لها؟ أم لا تهتمين أبداً بإسم الكاتب؟
ـ هل تتوقعين إستمرار تجربة أو ظاهرة المنتديات لعشرة سنين قادمة؟ أم ستنقرض؟
ـ (من متابعتك لكتاباتهم فقط) .. اذكرى ميزة واحدة وعيب واحد لكل أعضاء المنتدى الحاليين .. الأربعين بما فيهم أنت نفسك.
[b]

اختراع ايجابى للي يعرف يستخدمه ...فيه ناس بتستخدمه ..زى الزفت
ميعجبنيش الموضوع ..قد ما يعجبنى طريقه تناوله و مستوى الحوار فيه
لا أهتم بأسم الكاتب.
اذا كان الايميل انقرض و ظهر الفيس بوك ...بص على الانترنت من عشر سنين ..حتلاقى ان النت كله على بعضه ممكن ينقرض و يبقى قديم ..كمان عشر سنين Rolling Eyes

لسه الرؤيه متضحتش بالنسبه لناس كتير

ما هى أول خمسة قرارات ستتخذينها لو قدر لك أن تكونى:

ـ المسئولة الأولى عن مصر
ـ المسئولة الأولى عن الحى الذى تقطنين فيه
ـ المسئولة الأولى عن الشركة التى تعملين فيها
ـ المسئولة الأولى عن هذا المنتدى
ـ المسئولة الأولى والوحيدة عن نفسك

اعفينى من اول اتنين ..عشان دول عايزين دراسه و معرفه ..مينفعش الواحد يقترح فى حاجه ميفهمش فيها

بالنسبه للشركه ..كنت حأخد قرار..يا اقفلها يا اغّير نشاطها lol!

المنتدى ..كنت حاولت أعمل فيه ..انشطه اكتر من كده

مسئوليتى عن نفسى..اخده قرار واحد بأعمل اللى أشوفه مناسب و اللى مقتنعه بيه ..و اتحمل نتيجه ده حتى لو غلط مهما كلفنى..

من طرف aniD الخميس 10 أبريل 2008, 11:55 pm

لارنوووووووووووووووووووووووووووو ...قدمى نفسك للبرنامج lsd

خلاص انا كده خلصت الاسبوع بتاعى و أزيّد كمان IIIIII

من طرف aniD السبت 12 أبريل 2008, 11:19 am

هو انتوا كنتوا عاملنلى الموضوع مصيده و لا أيه shdsha3ri

فين يقيه الناس
فرى المذييعين بتوعك فين....
لارنو انا بأنادى عليكى من اربع ايام ...أتفضلى koba

أبتدى أنا

لارنو أهلا بيكى أكشن تانى مره ..جاوبى عالاتى

دموعك قريبه ؟
أيه رأيك فى نفسك
أنطباع الناس عنك بيّدهشك...و لا بتحسيه متوقع و قريب من حقيقتك
بتاخدى قراراتك بسرعه و لا متردده
بتعتبرى نفسك من النوع العشرى اللى بياخد عالناس بسرعه ؟
أنتى مستمعه جيده للنصيحه
بتستشيرى الناس فى أمورك الخاصه و لا متحبيش حد يتدخّل
بتحبى السفر ..ايه اكتر بلد لو جتلك فرصه تروحيها و ليه
مأزق أتحطيتى فيه مبتنسيهوش..و كل ما تفتكريه ..تحسى ان انتى كنتى حسنه التصرف فى رد فعلك

عرفى المفاهيم دى من وجهه نظرك

العداله
التسامح
الايمان
الحياه
الذكريات

================================

و ليكى حساب قديم IIIIII

1 قوليلنا خمس حاجات محدش يعرفهم عنك
2 ايه اللى خلاكى تشتركى معانا فى المنتدى
3 أيه اكتر حاجه بتخليكى سعيده
4 أيه الدرس اللى أتعلمتيه من الدنيا و مبتنسيهوش أبدا
5أكتر حاجه بتحبى تسميعها
6 حطى حاجه رسمتيها ..عشان انا عمرى ما شفت حاجه رسمتيها
7 ايه رأيك فى كل من
الحب
الصداقه
التفاءول
الالم

كده دفعتّك الاولى خلصت Rolling Eyes

..معاكى المايك

من طرف larno السبت 12 أبريل 2008, 12:14 pm

كل دي دفعه اولي ؟؟؟؟؟ Mad

وبعدين في اسئله من برة المنهج :xgfd:
هارد باليل علشان عندي شغل Cool

من طرف مصرية السبت 12 أبريل 2008, 3:43 pm

لارنو

طال انتظارك يا جميلة :#~€:

بصي أنا حعيد الأسئلة اللي سألتهالك قبل كده وبعدين أور على أسئلة جديدة

شوفي يا ستي كام سؤال في السريع على ما أفكر في الباقي

قصة حياتك في سطرين، اتولدتي فين؟ عشتي فين؟ كليتك؟ كده يعني

هواياتك إيه؟
أكتر أكلة بتحبيها
موقف محرج مش ممكن تنسيه
أكتر موقف خلاكي تبكي ومش قادرة تبطلي
عرفتي أنيد من الشغل ولا منين؟
بقالكوا أد إيه أصحاب؟
اتصدمتي في صديق قبل كده؟ لو أيوة، إزاي؟
امتى تقولي إن الإنسانة دي صديقة وإمتى تقولي زميلة وإمتى تقولي أخت؟

ردي قى على ما أشوفلي كام سؤال كمان

من طرف violet السبت 12 أبريل 2008, 9:41 pm

لو هتكوني في جزيرة لوحدك اسبوع بس ممكن تاخدي 3 حاجات بس --تاخدي ايه و ليه؟
ايه الحاجة اللي ممكن تحصل تخليكي تنهي علاقتك بحد الي الابد؟
ايه احلي 5 حاجات في حياتك حاليا؟
لو ممكن تغيري حاجة في شخصيتك -تغيري ايه؟
عمرك اخدتي قرار و ندمتي؟
لو كان ينفع؟هل فيه يوم عدي في حياتك كان نفسك يكونvideotaped
ايه اكثر كلمة مدح لما حد يقولهالك بتسعدك؟
بامانة ايه يفرحك اكثر ؟انك تكوني بنت ذكيه ولا جميلة؟

معلش لارنو ----اصلي اول مرة اكتب عربي-هتدرب فيكي؟ gssis

من طرف Smart السبت 12 أبريل 2008, 9:53 pm

لارنو تحت الميكروسكوب .. طب مش تقولوا ..
جاوبى على الأسئلة وبعدين تعاليلى ..
فى انتظارك اسئلة من النوع المألوف .. Wink

من طرف larno السبت 12 أبريل 2008, 10:36 pm

انيد

دموعي مش قريبه خالص... بس لما اعيط ماعرفش اسكت
انا لحد كبير الحمدلله راضيه عن نفسي... فيا حاجات باحاول اغيرها للاحسن... يامسهل
انطباعات الناس عني بتكون حقيقيه بدرجه كبيرة جدا، ونادر لما حد ياخد انطباع غلط عني
باخد قراراتي الخاصه بيا انا لوحدي بسرعه الصاروخ، لكن القرارات الي بتتعلق باشخاص تانيه بتاخد مني وقت اطول في التفكير
وباعتمد بدرجه كبيرة جدا علي الاستخارة في اخد القرارات
باخد علي الناس بسرعه و خصوصا لو في نفس عمري
باسمع للنصيحه من الكبير و الصغير...باسمع بودني و بعدين اقرر اذا كانت هاتطلع من الناحيه التانيه ولا لأ، ومش باتضايق لو حد اصغر مني نصحني و مش باتستكبر اقوله ان عنده حق و اني كنت غلط .
باستشير اقرب اصحابي ليا ، وكتير جدا باستشير والدي
باحب السفر جدا ، ونفسي اروح اماكن كتير جدا بس الترتيب هايكون المانيا-ايطاليا-باكستان(لاهور)
المانيا علشان اكمل دراستي وايطاليا علشان نفسي اروح فينيسيا وماحدش يسألني ليه باكستان
من ناحيه المآزق فحدث ولا حرج وخلي السؤال ده في الاخر scratch

العداله : هي المساواه بين جميع الاطراف في الحقوق والواجبات بغض النظر عن اللون و الدين و المعتقدات
التسامح : انك تنسي الي فات و تقلبي الصفحه و تفتحي صفحه جديده وانتي واثقه من قدرتك ان الي حصل زمان مش هايأثر علي اي حاجه في المستقبل
الايمان: شعور داخلي بالرضا و الامان
الحياه: الم و فرح، ضحك و بكاء، ميلاد وو فاه ،،، رحله كده لازم كلنا نمشي فيها
الذكريات: اي حاجه تنط في الذاكرة من الماضي ترسم بسمه او حزن علي ملامحنا

من طرف larno السبت 12 أبريل 2008, 10:58 pm

1 قوليلنا خمس حاجات محدش يعرفهم عنك
2 ايه اللى خلاكى تشتركى معانا فى المنتدى
3 أيه اكتر حاجه بتخليكى سعيده
4 أيه الدرس اللى أتعلمتيه من الدنيا و مبتنسيهوش أبدا
5أكتر حاجه بتحبى تسميعها
6 حطى حاجه رسمتيها ..عشان انا عمرى ما شفت حاجه رسمتيها
7 ايه رأيك فى كل من
الحب
الصداقه
التفاءول
الالم

خمس حاجات بس ؟؟؟ scratch

اني مش باخاف من الفيران وممكن اجري ورا اي فار لحد مايموت من الرعب مني
باخاف من الصراصير لدرجه الهلع والذعر بصورة غير طبيعيه بالمرة
باقشعر من صوت طرقعه الصوابع
رجلي بتوجعني لما امشي حافيه
وحاجه كمان مش عايزة حد يعرفها

اشتركت في المنتدي بسبب انيد ، كل شويه تبعتلي لينك و تقولي اقري ده، اقري ده
بعد فترة لقيت اني متابعه المنتدي و مش مسجله ، فسجلت

اكتر حاجه بتسعدني ان حد يطلب مني حاجه اقدر اعملهاله و خصوصا لو كان الحد ده غالي عندي ، او اني اطبخ حاجه تطلع حلوة و ده نادرا مايحدث اني اتواجد في المطبخ

الدرس الي اتعلمته من الدنيا .. ان الي عايش النهارده ممكن اصحي بكرة مالاقيهوش من غير اي سبب غير ان عمرة خلص ،فبحاول ان ماحدش ينام وهو زعلان مني

باحب اسمع محمد منير جدااا

هابقي اعملك سكان لصورة لحاجه من رسمي بس مش النهارده....وعد يا انيد

الحب.... هو ان الواحد يحس انه عامل زي الفراشه butterfly
الصداقه : تفاهم واشياء مشتركه و حوار متبادل بين اتنين كل واحد فيهم خايف علي التاني، واحساس ان الشخص ده مهم اوي في حياتك
التفاؤل: انك تشيل النضارة السودا وتفكر في نص الكوبايه المليان
الالم: هو الاحساس الوحيد الي ماينفعش حد يشاركك فيه بنفس المقدار

انيد .... خلاص انتي كده .. اركني علي جنب :QQ:

من طرف larno الأحد 13 أبريل 2008, 12:28 am

قصة حياتك في سطرين، اتولدتي فين؟ عشتي فين؟ كليتك؟ كده يعني

هواياتك إيه؟
أكتر أكلة بتحبيها
موقف محرج مش ممكن تنسيه
أكتر موقف خلاكي تبكي ومش قادرة تبطلي
عرفتي أنيد من الشغل ولا منين؟
بقالكوا أد إيه أصحاب؟
اتصدمتي في صديق قبل كده؟ لو أيوة، إزاي؟
امتى تقولي إن الإنسانة دي صديقة وإمتى تقولي زميلة وإمتى تقولي أخت؟

اتولدت وعشت في اسكندريه، واتخرجت من كليه الاداب قسم الوثائق والمكتبات

هواياتي الرسم والمشي

باحب الملوخيه جداااااااا

موقف محرج : وانا في ثانوي.. كنت راجعه من المدرسه وكانت الدنيا متغرقه من الشتا، كان في بركه ميه كبيرة وانا مش عارفه اعدي الرصيف منها.. وانا رايحه جايه مش عارفه اعدي منين، لقيت راجل راح شايلني ومعديني بركه الميه دي ،طبعا انا اول مارجلي لمست الارض مشيت بسرعه جدا ولا بصيت ورايا ولا قلت للراجل شكرا ولا اي حاجه، كان اهم حاجه اني اختفي وخلاص Embarassed

اكتر موقف خلاني ابكي كان حاله وفاه

عرفت انيد من علي النت sadiko

واحده صاحبتنا تالته عرفتنا علي بعض وبقالنا حوالي سنتين اصحاب

اتصدمت طبعا في اصدقاء وخصوصا في سنه اولي في الكليه، ظهرت اختلافات كتيرة في الطباع، ممكن اكون انا الي كنت فاهماهم غلط في الاول ... بس الخلاصه انهم حطو علامات استفهام في حياتي وماكنش عندهم ردود مقنعه تشيل العلامات دي

اقول زميله لو مافيش بينا اكتر من صباح الخير صباح النور و كلام من النوع العايم الي ممكن تتكلميه مع اي حد بتشوفيه لاول مرة
صديقه: لما احس اني محتاجه اتكلم معاها مش علشان تنصحني بس او تقولي رايها.. علشان بس انا محتاجه اتكلم و اقول الي جوايا

اخت: ليا اخت توأم ربنا يخليهالي ...مش هاقدر اشارك حد معاها في اللقب ده