مصريات شو

يعني أنا افتكرت أسئلة أنيد صعبة
لاقيت الهرم بيقوللي لااااااااااااا لسة في اصعب
ماشي يا عم هروم

استعنا على الشقا بالله

ليه سميتى اسم بنتك فرح ؟؟؟

مش عارفة
كان عاجبني الاسم وكنت بفاضل بينه وبين فريدة وملك بس بعد ما اتولدت لاقيت نفسي بناديها فرح.

بتحبى اسمك الحقيقى ؟

كان بالنسبة لي عادي مش مضايقني ومش مخليني مبسوطة وبعدين اتعرفت بناس بهتم برايهم لاقيت اسمي عاجبهم جدا، من وقتها وأنا معتزة به الحمد لله بس المهم أكون اسم على مسمى مش اسم وبس.

ايه اكتر حاجة لما حد كان بيقولهالك كنت بتتغاظى بس مبتقدريش تردى او تنكريها لانها حاجة مرتبطه بيكى ( مثلا اسم فى العيلة مش بتحبيه مثلا طبعا فيكى مش كويس حاجة عملتيها ومش عارفه عملتيها ازاى كده يعنى )

أما بيقولوا عليا عندية ومخي ناشف
عارفة إنها صفة فيا وإن أوقات ببوظ الدنيا من العند بس بتنرفز لما حد بيقولهالي حتى لو عنده حق.

اكرت اكله بتحبيها ومبتعرفيش تعمليها ؟

بص يا هروم
في اسكالوب بانية بيقدموه في سان جيوفاني مختلف عن أي اسكالوب دقته في حياتي، بموت فيه ومعرفش بيعملوه إزاي.

لو مكنتيش معيده فى الكلية كنتى عايزة تقى ايه ؟

أفتح شغل خاص

اول مره فى حياتك قعدتى على كومبيوتر اوصفى المنظر وايه الى حصلك وعملتى ايه وشعورك وبوزتى ايه ؟

تصدق مش فاكرة أي حاجة عن الواقعة دي بس أظن مبوظتش حاجة بابا كان قاعد جنبي وهو بيوريني أعمل إيه.

ايه الحاجة الى بوزتيها او بهدلتيها وخبيتى عن اهلك وحاولتى تمحى اثار المصيبة بسرعه قبل ماتتكشفى ويبقى فيها شخط ولا علقة ؟

مفيش حاجة كده بالضبط بس وأنا صغيرة كانت لما ماما بتسيبني وتنزل لأي مشوار بنزل بسرعة عند الجيران وأقعد معاهم لغاية ما تيجي من غير ما أقولها، وده كان بيضايقها أوي.

تفتكرى لما حد يحب يعاقبك ايه اكتر وسيلة عقاب مجدية معاكى ؟

لو حد بحبه أوي وبحترمه، كفاية اعرف إنه زعلان مني علشان أكون حاسة إني مذنبة وأستحق القتل.
أما لو حد مش مهم بالنسبة لي، مش حيعرف يعاقبني أبدا.
مش بقولك عندية

لما بتزعلى من فرح بتعاقبيها ازاى ؟

بخاصمها ومش بكلمها بس بجد مبضعفش حتى لو عيطت.

لو فى واحد من الطلبة وانتى بتدى سكشن حب يتفلسف او يتريق او اى حاجة من حجات الى اكيد مرت او عارفينها الى بتحصل ايه هيكون رد فعلك ؟

ما دام مش محترم المحاضرة واللي بيحاضر يبقى يطلع برة ويسيب السكشن للي عايز يفهم.

طيب اخلص الشغل ده واصنفر مخى وارجعلك

خليك مرتاح ولا تتعب نفسك أبدا
ده إنت عندك اجتماع وشغل متلتل يا هروم

عيب عيب يامصرية يعنى وانا هتعب لحد اعز منك ياعنى متجيش يعنى


يلا نبدا الفصل الشبتر التانى من الفصل الاول وخلى بالك قدامك 10 فصول كل فصل فيهم 14 شبتر ويدينى ويديكى طول العمر :


1- ايه الفرق بين نظام المحاسبة فى مصر وفى فرنسا وفى انجلترا ؟ وايهم افضل ؟

2- تفتكرى ان كل مجال فى الحياة مهما كانت سهولته او صغره لازم بيدخل فيه علم الادارة ؟

3 - مين اعظم من وجد فى الفكر الادارى حتى لو مكنش عالم فى الادارة ؟

4- ايه اهمية performance mangmet and time mangment؟

5- ايه علاقة السياسة بالادارة ؟؟؟

6- ايه رئيك او بترجحى كفة مين النظام المركزى او الامركزى بصفة عامة فى كل شئ ؟

7 - تفتكرى ان ادارة المشروعات الصغيرة مفيدة فى الوقت الحالى بالنسبة للظروف الاقتصادة الى بنعيشها فى مصر ؟

8 - فى الوقت الحالى من وجهة نظرك مين احسن ادارى موجود على الساحة حاليا فى اى مجال .؟
اعتقد انك عملتى ماستر لو فى الوقت الحالى لو لسا هتعمليه ايه هيكون موضوع الماستر ولو مكنتيش عملتيها ايه برده الموضوع الى تتمنى تعمليه او شايفة انه فى الوقت الحالى او مستقبلا هو الافيد والاهم ؟

9 ايه علاقة المطبخ بالادارة ؟

10 - تفتكرى انك ادارية فى بيتك او حياتك الخاصة ؟

11- الى اىمدى استفادتى من دراستك فى حياتك الشخصية ؟؟

معلش الصنفرة وقعت منى وملحقتش اكمل صنفرة لمخى والاجتماع لوحنى اصل قال ايه ياختى بيقولوى انت الى تطلع تشرح بريزنتيشن قال يعنى انا اصلا كنت شوفتها قبل كده اصلا هتبقى فضايح علنى ..
راجعلك تانى متقلقيش خالص ومايهمكيش تعبى فى حاجة مش هنتعب لاغلى منك يام فرح

إيه ده ي هروم الأسئلة دي عايزة مذاكرة.~~~

طيب استنى بقى أصنفر أنا دماغي وأكون فايقة كده بكرة إن شاء الله وأرد عليهم.

اهلا اهلا بأعز الحبايب ..
بصى يا ستى .. دى شوية أسئلة خفيفة خالص مالص ..

- ازاى اتعرفتى على الكمبيوتر؟
يعنى .. فى حفلة ولا فى رحلة ..
ولا فى حفل عشاء..

- ايه هواياتك المفضلة؟

- مبسوطة بالمرحلة العمرية اللى انتى فيها؟
وياترى فى أى فترة من العمر ح تهربى من الاجابة عن السؤال عن سنك؟

- ألوانك المفضلة .. برفانك المفضل .. كتابك المفضل ..

- لما بتمسكى الجورنال بتبتدى بأى صفحة فيه؟
ولما بتمسكى كتاب .. بتقرى المقدمة ولا بتقري الفهرس الأول ..
ويا ترى بتقريه بانتظام ولا بتقرى صفحة من هنا على صفحة من هنا ..

- هل تحلمى بأن تكونى مليونيرة فى غمضة عين ..
ولا انتى شايفة ان الحياة الجميلة تكمن فى الكفاح؟؟

:3aa:
مش عارفة ليه كل مااقرا الأسئلة ألاقي نفسي عايزة أنام

طيب حاخد تعسيلة سريعة أحلم بالإجابات وآجي بقى أشوف إيه الموضوع بالضبط

أنا جيت
نبتدي بهروم

ايه الفرق بين نظام المحاسبة فى مصر وفى فرنسا وفى انجلترا ؟ وايهم افضل ؟

مش عارفة يا هروم بس مظنش في اختلافات جوهرية.

تفتكرى ان كل مجال فى الحياة مهما كانت سهولته او صغره لازم بيدخل فيه علم الادارة ؟

أيوة أنا مقتنعة فعلا إن الإدارة هي أم حاجة في أي مجال.

مين اعظم من وجد فى الفكر الادارى حتى لو مكنش عالم فى الادارة ؟

الرسول صلى الله عليه وسلم

ايه اهمية performance mangmet and time mangment؟

أولا: performance management
ده بيساعد على تقييم الشغل اللي الواحد بيعمله، يعني هل هو ماشي نحو الهدف المراد تحقيقه ولا لأ.
وهل الأسلوب اللي بتستخدمه في إدارة المشروع هو الملائم ولا لأ؟
وهل في عناصر ممكن تعطل المشروع ويجب تحسينها؟

ثانيا: time management
هي إنت تنظم وقتك بحيث تقدر تعمل كل حاجة في الوقت المتاح وتخلص حسب الخطة ومتعديش الdeadline

يعني ده شرح مبسط جدا للفكرة الأساسية.

ايه علاقة السياسة بالادارة ؟؟؟

سؤال عويص

أظن السياسة هي الإدارة لإن علشان تسوس شعب مثلا لازم تديره من كل النواحي.
والله أعلم

ايه رئيك او بترجحى كفة مين النظام المركزى او الامركزى بصفة عامة فى كل شئ ؟

في حاجات برجح فيها المركزية وحاجات اللامركزية حسب الهدف المراد تحقيقه وطبيعة الثقافة السائدة بس بشكل عام برجح أكتر اللامركزية.

تفتكرى ان ادارة المشروعات الصغيرة مفيدة فى الوقت الحالى بالنسبة للظروف الاقتصادة الى بنعيشها فى مصر ؟

أيوة أظن كده لإن نسبة البطالة زادت جدا والأسعار زادت والمعدل السكاني زاد علشان كده أفضل حل في رأيي هو إن كل واحد يحاول يعمل مشروع صغير من ناحية بيساعد في اقتصاد الدولة ومن ناحية تانية بيساعد نفسه وبيبني مستقبله.

فى الوقت الحالى من وجهة نظرك مين احسن ادارى موجود على الساحة حاليا فى اى مجال .؟

في مصر مظنش في أي حد ممكن نقول علي إداري إلا لو بيدير حاجة خاصة وده مبقاش ممكن نصدقه لإن الفساد استشرى علشان كده مقدرش أحكم على حد في مصر.

أما برة ففي كتير؛ حاضرني حاليا منهم بيل جيتس والمجموعة الإدارية لشركة جوجل وياهو.

اعتقد انك عملتى ماستر لو فى الوقت الحالى لو لسا هتعمليه ايه هيكون موضوع الماستر ولو مكنتيش عملتيها ايه برده الموضوع الى تتمنى تعمليه او شايفة انه فى الوقت الحالى او مستقبلا هو الافيد والاهم ؟

حاليا شغالة في رسالة الدكتوراة وهي عن تقييم الأداء الحكومي بين النظرية والواقع، أما عن عنوان لرسالة ماجستير جديدة فالحالة في البلد بقت صعبة ومش قادرة أقول ممكن إيه يفيدها دلوقتي.

ايه علاقة المطبخ بالادارة ؟

إدارة المطبخ جزء من إدارة المنزل وهي أهم إدارة بالنسبة للأسرة في رأيي.

تفتكرى انك ادارية فى بيتك او حياتك الخاصة ؟

لأ للأسف

الى اىمدى استفادتى من دراستك فى حياتك الشخصية ؟؟

دراستي ومعاها خبرات شخصية ومراقبة لخبرات ناس تانيين ساعدتني أحاول أحكم عقلي في مشاكل كتير بتقابلني أو بتقابل ناس حواليا.

معلش الصنفرة وقعت منى وملحقتش اكمل صنفرة لمخى والاجتماع لوحنى اصل قال ايه ياختى بيقولوى انت الى تطلع تشرح بريزنتيشن قال يعنى انا اصلا كنت شوفتها قبل كده اصلا هتبقى فضايح علنى ..

ربنا يوفقك وتكون عملت البريزينتيشن حلو.
حاول تراجعها مع نفك كتير وتحاول تعمل بروفا كإن في حد واقف قدامك وبيسمعك، وبعد كل جملة تقولها فكر ممكن حد يسألك فيها ولا لأ؟ ولو اتسألت حتقول إيه؟ والأسئلة حتكون عن إيه؟

ربنا يوفقك.

اهلا اهلا بأعز الحبايب ..

يا سلام يا سماروتة دايما ترفع معنوياتي وبعدين معرفش الضر جايلي منين
حقوم دلوقتي وراجعة تاني أرد على كل اسئلتك

سمارت أنا جيت أهه

ازاى اتعرفتى على الكمبيوتر؟

اتعرفت عليه في المدرسة كنت في ابتدائي في مدرسة في الشارقة في الإمارات، وفي سنة خمسة ابتدائي كان أول مرة أتعرف على الكمبيوتر وكان في المعظم نظري يعني شرح للهارد وير وتعريف بكيفية عمل الجهاز من جوة.

في الإعدادي والثانوي كنت هنا في مصر برضه كانت معرفتي به برضه كلها نظري من الكتب.
أول مرة أقعد على جهاز أظن كان أيام الكلية لما كان مطلوب مشروع أو حاجة مكتوبة اضطريت أتعلم أكتب عليه.

ايه هواياتك المفضلة؟

في الأساس القراءة وحاليا الإنترنت اللي بستخدمه برضه في تحميل كتب مختلفة المواضيع علشان أقراها، بس أوقات بستخدمه في حاجات تانية زي التشات وتنزيل أغاني ورغي في المنتدى وحاجات زي كده.

مبسوطة بالمرحلة العمرية اللى انتى فيها؟

مش عارفة يعني بالمقارنة بالمرحلة السابقة لها يبقى مش مبوطة نهائيا، والمرحلة اللي جاية معرفش حتكون إزاي علشان كده مقدرش أحكم مبسوطة ولا لأ.

وياترى فى أى فترة من العمر ح تهربى من الاجابة عن السؤال عن سنك؟

لا مش ناوية أهرب أبدا من الإجابة عن عمري لإنها سنة الحياة إننا نكبر غير إني دايما بح نفسي أكبر من سني علشان كده كويس افتكر إني في فترة عمرية اقل من إحساسي بنفسي.

ألوانك المفضلة .. برفانك المفضل .. كتابك المفضل ..

الألوان الفاتحة خصوصا الروز
Very Irressistible Givenchy
روايات يوسف السابعي مقريتهاش كلها بس اللي قريته حسيت معاه بالراحة والانسجام.

لما بتمسكى الجورنال بتبتدى بأى صفحة فيه؟

الأولى

ولما بتمسكى كتاب .. بتقرى المقدمة ولا بتقري الفهرس الأول ..

حسب الكتاب
ف كتب تشدني المقدمة وأكملها للآخر وفي كتب متعجبنيش المقدمة أنط على الفهرس أشوف بقول إيه.

ويا ترى بتقريه بانتظام ولا بتقرى صفحة من هنا على صفحة من هنا ..

برضه حسب الكتاب
في كتاب يشدني من أول كلمة لآخر كلمة وكتاب تاني أقرا من كل فصل كام صفحة أفهم بس عايز يقول إيه ولو فيه فصل شدني أقراه كله.

هل تحلمى بأن تكونى مليونيرة فى غمضة عين ..
ولا انتى شايفة ان الحياة الجميلة تكمن فى الكفاح؟؟

أحب أكون مليونيرة في غمضة عين لو من فلوس حلال مع إني شايفة إن الحياة جميلة مع الكفاح بس لو بداية الكفاح كانت مش من تحت الصفر يكون أحسن.

انا جيت تانى بقى

ايه كان شعورك اول لما خلفتى فرح ؟؟

ايه معنى الام بالنسبة ليكى سواء انتى مع بنتك او والدتك معاكى ؟

لو كاان التجنيد اجبارى للحريم فى مصر كنتى هتدخلى الجيش ولا هتشوفى واسطة وتهربى منه ؟

ماهي شروط المقابلة الشخصية ؟ وماهى السمات التى يجب توافرها فى المقابل ؟ وكيف تسطتيع النجاح فى المقابلة ؟

اكتبى cv عنك

ايه اكتر مكان فى القاهرة واسكندرية مابتحبيهوش ؟

نفترض انك كنتى فى قارب وفى عرض البحر القارب عطل ومفيش طريقة غير انك تنزلى تعومى مسافة لما توصلى لاقرب نقطة فيها شاطئ والمنطقة معروفة ان فيها اسماك متوحشة ياترى هتفضلى فى القارب لما ربنا يسهل الامور وحد ينقذكم ولا هتنزلى ؟

ماهى ادارة المخاطر ؟ واهم ملامحها ؟


لو رحتى محل تختارى ساعة هتختارى اى نوع ( سوتش - سيتيزن - رادوا -اورينت)
نفسك تشترى عربية نوعها ايه؟

ماهو سر الازمة الاقتصادية التى تعيشها مصر ؟ وهل هذه الازمة وضع طبيعى بالنسبة للدول النامية المتحوبة من النظام الاشتراكى الى الراس مالى مع التفسير ؟

امتى اخرمرة نزلتى تعومى سواء بحر او بسين ؟

فاكره اول يوم ليكى فى المدرسة احكيه

لو حصل فى مره وشنطتك اتسرقت منك وانتى لامعاكى لافلوس ولا موبايل تتصلى ولا اى حاجة تنفع تبيعيها يعنى مفيش اى مجال تجيبى فلوس هتعملى ايه هتروحى ازاى وهتستلفى من حد ماتعرفيهوش ولا ايه هيكون تصرفك ؟؟؟؟

ايه معنى الرجولة فى نظرك؟

وايه معنى الانوثة ؟

تحبى جو الريف ولا جو الصحرا ؟

لو حصل ودخلتى محل فى فرنسا مثلا وكلتى وشربتى شربة وعجبتك وبعد ماكلتى او فى نص الاكل عرفتى انه ضفادع هتعملى ايه .؟

اى من العطور تفضلين حتى لو مش هو المفضل عندك ( Jadore - pure poison - miss Dior cheris -Bvlagari - Gucci - Hugo XX - calvin klein CK in 2 u-Nina- Cinema -Azzaro - versace- CH-Givenchy Ange ou Etrange -My givenchy Dream -Escada Moon Sparkle femme-Yeslam Dream for ladies- Delices DE Cartier - opulent Shaik 33 women) اختارى منهم على الاقل اكتر 5 انواع تحبيهم .

كفاية كده وليا عوده اكيد رخامة بقى

هروم

إنت أكيد بيستعينوا بك علشان امتحانات الثانوية العامة.
إيه يا بني ده
دي أسئلة عايزة مذاكرة.
مش كفاية أسئلة المسابقة.

استنى بقى أذاكر وآجي.

لالا الامتحان ممنوع فيه الاوبن بوك

احنا امتحانت نظام مصرى معقد

ويلا بسرعه بكره رمضان وممكن اجى بكره لا اكل ولاشرب ولاسجاير هبقى مهيس بدل اعملك اسئلة وحشة وقد احزر من افزر

اعزائي المشاهدين ونحن نستعد لسؤال ضيفتنا العزيزة مصرية
اللي اتقطع نفسها من اسئلة المدعو الهرم
ورافة بها هننزل باسئلتنا ونكمل تضييق خناق عليها
ونحاصرها واحنا مقعدينها علي المرجيحة




-امتي بتحسي انك نفسك ترمي كل حاجة ورا ضهرك
وتعيشي مع نفسك
وامتي بتحبسي نفسك جواكي وتقفلي عليها بالمفتاح وتحبسيها وراء فضبان القلب؟

-ممكن توصفي الرجل باي معدن وصفي صفات المعدن
الذي يشعرك برجولة هذا الرجل؟

-فيه حكيم قال:

الرجل لا ينسي اول امراة احبها
والمراة لاتنسي اول رجل خانها

يا تري ممكن تغفري وتنسي الخيانة؟

-ليه بيربطوا دايما بين الرومانسية والضعف تفتكري ان المراة ضعيفة برومانسيتها؟
ياتري بتملكي كام في المية رومانسية في طبيعتك؟

-تفتكري الغيرة هي انتحار عاطفي
والانسانة الغيورة انسانة انهزامية تعادي نفسها؟

-شوفي جاهين قال ايه

يا حلم انا روحي شايلة ..من امبارح كتير
عاجزة ايدي مش طايلة..م الاحلام كتير
طاير وجناحي ضعيف..والكسر فاق الحد
شفت في منامي طيف..سؤال ما له رد

احلامي ليه مسجونة..جوه قفص بنور

ايه وقع الكلمات دي عليكي ولو سمعنا صدي تعليقك عليها
يا تري هنسمع ايه من صوت جواكي جاي من الاعماق؟

ياتري من وجهة نظرك المقولة دي صح-

حينما انا ضعيف فحينئذ انا قوي

-هل تعتقدين ان الرجل له دور كبير في ابداع المراة
اذا منحها السعادة دفعها للنجاح
واذا عذبها دفعها لتحقيق ذاتها بارادتها ..ان كانت شخصيتها من النوع الغير مستسلم
ولا يدور في فلك الرجل؟

صفي احساسك مع هذه الكلمات

-الهدوء
-الدموع الداخلية
-هدير البحر
-نغبشة في القلب
-ابتسامة صادقة
-هزة ارضية
-رحيق الزنبق
-اوراق الخريف

ومع هذا الفاصل انتظرونا لنا عودة
مع اسئلة اخري تحاصر مصرية



هتضربيني انا عارفة

حرااااااااااااااااام

بقى أنا بقالي إسبوع مش عارفة أعمل إيه في أسئلة الهرم تقومي تعملي فيا كده يا فري.

طيب أنا جاية الصبح أشوف حعمل إيه معاكوا.

أنا جيت

هروم

ايه كان شعورك اول لما خلفتى فرح ؟؟

كنت حاسة إني مش فاهمة حاجة
مبسوطة ومخضوضة ومش فهمة إيه الكائن اللي أنا مسئولة عنه من الأول للآخر ده. بس في النهاية هو شعور لذيذ.

ايه معنى الام بالنسبة ليكى سواء انتى مع بنتك او والدتك معاكى ؟

الأمومة إيثار وتضحية

لو كاان التجنيد اجبارى للحريم فى مصر كنتى هتدخلى الجيش ولا هتشوفى واسطة وتهربى منه ؟

أكيد كنت حدخل.

ماهي شروط المقابلة الشخصية ؟ وماهى السمات التى يجب توافرها فى المقابل ؟ وكيف تسطتيع النجاح فى المقابلة ؟

عايز رأيي الشخصي ولا الرأي العلمي؟
هو على العموم أنا مش فاكرة علميا كانت إيه بس رأيي الشخصي أظن المقابل المفروض يكون أنيق بلا تكلف واثق في نفسه ويحاول يترك انطباع حسن من غير ما يكون بيتصنع.

اكتبى cv عنك

ما بلاش السي في ده إنتوا عارفين عني كل حاجة.

ايه اكتر مكان فى القاهرة واسكندرية مابتحبيهوش ؟

معرفش عن القاهرة أماكن معينة يعني بروح كام يوم في أماكن معينة وخلاص بس بكره السواقة في مدينة نصر جدا.

أما اسكندرية بحبها كلها حاسة إنها بتاعتي مقدرش أكره فيها حاجة.

نفترض انك كنتى فى قارب وفى عرض البحر القارب عطل ومفيش طريقة غير انك تنزلى تعومى مسافة لما توصلى لاقرب نقطة فيها شاطئ والمنطقة معروفة ان فيها اسماك متوحشة ياترى هتفضلى فى القارب لما ربنا يسهل الامور وحد ينقذكم ولا هتنزلى ؟

حفضل قاعدة مكاني لغاية لما ربنا بسهل وحد يلاقيني.

ماهى ادارة المخاطر ؟ واهم ملامحها ؟

برضه كده من الذاكرة
إدرة المخاطر هي إن المدير يحط كل إحتمالات الخطورةقبل الدخول ي عملية أو صفقة ما ويحط أسس للتعامل مع أي من هذه المخاطر بحيث لو حصلت حاجة منها ما يتفجئش بها يقدر يتعامل معاها.

لو رحتى محل تختارى ساعة هتختارى اى نوع ( سوتش - سيتيزن - رادوا -اورينت)

اللي شكلها أحلى وتناسب ميزانيتي حشتريها.

نفسك تشترى عربية نوعها ايه؟

أنا مبدققش في نوع العربية المهم مستحملاني ومكفية طلباتي وشكلها كويس، لكن فرح هي اللي نفسها في عربية من اللي فيهم عجلة في الضهر. :#~€:

ماهو سر الازمة الاقتصادية التى تعيشها مصر ؟ وهل هذه الازمة وضع طبيعى بالنسبة للدول النامية المتحوبة من النظام الاشتراكى الى الراس مالى مع التفسير ؟

ما تعفيني من السؤال ده علشان عايز متخصص في الرد عليه. لكن بصفة عامة؛ انهيار الجنيه المصري أمام العملات الأجنبية هو السبب. أما أسباب انهيار الجنيه المصري عايزة كلام كبير أنا شخصيا مش أده خصوصا مع الصيام.

امتى اخرمرة نزلتى تعومى سواء بحر او بسين ؟

من 15 أو 16 سنة تقريبا

فاكره اول يوم ليكى فى المدرسة احكيه

مش فاكرة غير إني قعدت أعيط لما موت نفسي ومكنتش عايزة بابا زمام يمشوا؛ ومع كده برضه سابوني ومشيوا. :3aa:

لو حصل فى مره وشنطتك اتسرقت منك وانتى لامعاكى لافلوس ولا موبايل تتصلى ولا اى حاجة تنفع تبيعيها يعنى مفيش اى مجال تجيبى فلوس هتعملى ايه هتروحى ازاى وهتستلفى من حد ماتعرفيهوش ولا ايه هيكون تصرفك ؟؟؟؟

تتصور موقف بشع يا هروم
مش عارفة حعمل إيه بس أول حاجة حروح أعمل محضر في القسم واقولهم هناك يتصرفوا بقى.

ايه معنى الرجولة فى نظرك؟

تحمل مسئولية
أمان
سند
حنان
صرامة
سداد رأي

وايه معنى الانوثة ؟

هدوء
رزانة
حكمة
أناقة في التصرف والملبس

تحبى جو الريف ولا جو الصحرا ؟

مجربتش جو الريف أما جو الصحرا فهو جو صعب لكن بحبه أوقات.

لو حصل ودخلتى محل فى فرنسا مثلا وكلتى وشربتى شربة وعجبتك وبعد ماكلتى او فى نص الاكل عرفتى انه ضفادع هتعملى ايه .؟

عندي معلومة مسبقة إن فرنسا فيها شوربة ضفادع علشان كده حيبقى في بال دايما اسأل قبل ما أشرب الشوربة هي بتاعة إيه.

اى من العطور تفضلين حتى لو مش هو المفضل عندك ( Jadore - pure poison - miss Dior cheris -Bvlagari - Gucci - Hugo XX - calvin klein CK in 2 u-Nina- Cinema -Azzaro - versace- CH-Givenchy Ange ou Etrange -My givenchy Dream -Escada Moon Sparkle femme-Yeslam Dream for ladies- Delices DE Cartier - opulent Shaik 33 women) اختارى منهم على الاقل اكتر 5 انواع تحبيهم .

Jadore
miss Dior cheris
My givenchy
معرفتش من كل اللي حطيتهم غير دول، بحب ريحتهم فعلا لكن بستخدم نوع واحد وثابتة على المبدأ.
على العموم أنا بكره poison

كفاية كده وليا عوده اكيد رخامة بقى

مش حتلحقني

اعزائي المشاهدين ونحن نستعد لسؤال ضيفتنا العزيزة مصرية
اللي اتقطع نفسها من اسئلة المدعو الهرم
ورافة بها هننزل باسئلتنا ونكمل تضييق خناق عليها
ونحاصرها واحنا مقعدينها علي المرجيحة

سوري يا فري اتأخرت عليكي بس أخيرا وصلت.

امتي بتحسي انك نفسك ترمي كل حاجة ورا ضهرك
وتعيشي مع نفسك

لما بسمع خبر وحش سوء في الجرايد أو مع حد من الأصدقاء أو الأقارب ومش قادرة أعمل حاجة علشان أصلحه بحس إني مخنوقة ولما يسيطر عليا الشعور ده بحس إن نفسي ارمي الدنيا كلها ورا ضهري وأعيش لحظة حلوة.

وامتي بتحبسي نفسك جواكي وتقفلي عليها بالمفتاح وتحبسيها وراء فضبان القلب؟

لما المشكلة اللي ملهاش حل تكون شخصية مبحبش اشارك مشاكلي ومشاعر الشخصية جدا مع حد ولما مش بلاقي حل لها بسجنها علشان أقدر أكمل الحياة.

-ممكن توصفي الرجل باي معدن وصفي صفات المعدن
الذي يشعرك برجولة هذا الرجل؟

الرجال بشر منهم من يشبه الحديد صلب وقابل للصدأ، ومنهم مثل الفضة يلمع من الخارج إلا أنه قابل للصدأ، ومنهم من يحمل خواص الذهب فهو يلمع من الخارج، نادر، غالي، لين، مقاوم للصدأ.
المعدن الذي يشعرني برجولة الرجل هو من يحمل صفات الذهب.

فيه حكيم قال:

الرجل لا ينسي اول امراة احبها
والمراة لاتنسي اول رجل خانها

يا تري ممكن تغفري وتنسي الخيانة؟

ممكن بس حسب الموقف ومدى الخيانة وكيفية الاعتذار عنها والتأكد من عدم تكرارها.

ليه بيربطوا دايما بين الرومانسية والضعف تفتكري ان المراة ضعيفة برومانسيتها؟

الرومانسية مش معناها إننا نعيش في الخيال، لكن على ما أظن معناها إننا نشعر بالجمال وتكون مشاعرنا مرهفة وحساسة؛ جايز علشان كده ارتبطت الرومانسية بالمرأة لإنها في صفاتها الأنثوية بالفطرة -طبعا مش بعمم-.
الإنسان مرهف الحس بيكون عنده نقط ضعف من الجهة دي وجايز ده سبب ربط الرومانسية بالضعف زي ما بتقولي.
أظن أن قوة المرأة في رومانسيتها.

ياتري بتملكي كام في المية رومانسية في طبيعتك؟

مقدرش أحكم لكن اللي يعرفوني ممكن يقولوا.
إنتي رأيك إيه؟

تفتكري الغيرة هي انتحار عاطفي

الغيرة أنواع منها الصحي ومنها غير الصحي ودي اللي ممكن نسميه انتحار عاطفي.

والانسانة الغيورة انسانة انهزامية تعادي نفسها؟

برضه حسب نوع الغيرة.

بس لازم لما نتكلم عن الغيرة غير الصحية نعرف سببها هل هي طبيعة في الشخص ناتجة عن ضعف شخصية؟ أم هي عدم ثقة في الطرف الآخر؟

-شوفي جاهين قال ايه

يا حلم انا روحي شايلة ..من امبارح كتير
عاجزة ايدي مش طايلة..م الاحلام كتير
طاير وجناحي ضعيف..والكسر فاق الحد
شفت في منامي طيف..سؤال ما له رد

احلامي ليه مسجونة..جوه قفص بنور

ايه وقع الكلمات دي عليكي

معاها مليون في المية.

ولو سمعنا صدي تعليقك عليها
يا تري هنسمع ايه من صوت جواكي جاي من الاعماق؟

يااااااااااااااااااااااااااارب

ياتري من وجهة نظرك المقولة دي صح-

حينما انا ضعيف فحينئذ انا قوي

لأ، لإن لما بحس بضعف بتخنق وبتعب وباخد وقت طويل لغاية ما أقدر أرجع لنفسي تاني وأقوى.

-هل تعتقدين ان الرجل له دور كبير في ابداع المراة
اذا منحها السعادة دفعها للنجاح
واذا عذبها دفعها لتحقيق ذاتها بارادتها ..ان كانت شخصيتها من النوع الغير مستسلم
ولا يدور في فلك الرجل؟

أكيد، بالنسبة للرجل أو المرأة دايما الطرف التاني بيكون سبب لإبداع الطرف الأول. لو الدنيا كلها قالت له/لها إنه أعظم شخص في مجاله/مجالها والطرف التاني قال/قالت العكس؛ وقتها بيقلل كتير من إبداع الطرف الأول.

صفي احساسك مع هذه الكلمات

-الهدوء

روقان البال

الدموع الداخلية

حال الدنيا

-هدير البحر

تسبيح للخالق سبحانه

نغبشة في القلب

حب

-ابتسامة صادقة

أجمل هدية

-هزة ارضية

عدم اكتراث المصريين لاحتراق مجلس الشورى

-رحيق الزنبق

نسيم الصباح في يوم ربيعي مشمس

-اوراق الخريف

بداية فصل الهدوء

ومع هذا الفاصل انتظرونا لنا عودة
مع اسئلة اخري تحاصر مصرية

أنا قايمة كفاية كده بقالي كتير أوي

فين جاتي
يالله تعالي أقعدي يا قطة

يه العقل ده بس ياربي مادتنيش فرصة اشاغبك واحاورك واحاصرك
بالنسبة انتي كام في المية رومانسية
بشوف فيك الرومانسةالعاقلة
نقول فيفتي فيفتي

والانسانة الغيورة انسانة انهزامية تعادي نفسها؟

برضه حسب نوع الغيرة.

بس لازم لما نتكلم عن الغيرة غير الصحية نعرف سببها هل هي طبيعة في الشخص ناتجة عن ضعف شخصية؟ أم هي عدم ثقة في الطرف الآخر؟

يمكن بقصد الغيرة اللي بتلبس النضارة السوداء

بس هايلة يا مصرية اخر رواقة ردودك

بما ان مصرية استوت من كتر الاسئلة وسلمت النمر وتعبت والصيام وكده فخلاص

نريحها شوى

شوفتى بعمل فيكى معروف اهو

وبما ان فروتوس هيا الى عملت الموضوع يبقى اتاخرنا كتير على اننا نقعدها على الكرسى
ياحراس جيبو فريدا الشهيرة بريا والقو القبض عليها وجيبوها من اى مكان صحرا ان كان او بستان جيبوها وقعدوها على الكرسى ياسياف وسع بقى شوى وروح استحمى
يلا ياريا هانم اتفضلى الكرسى مستنيكى وبيناديكى تعاليلى يافرفر
يلا يلا ياهانم جهزى نفسك وحضرى نفسك كده للمهمة الانتحارية الى انتى داخله عليها
يلا ياهانم

خسارة لسة مسالتهاش


الدور عليك يا فرفر

لييييييييه يا هرم كده هو انا عملت فيك حاجة وحشة ولا حاصرتك
حتي بالاسئلة

لن انسي لك هذا الموقف ماااااااااااااااااا حييت

بصي يا سكينة اسالي مصرية بلييييييييييييييييييييز

لغاية ما اعمل نيو لوك لزوم السؤالات امام الكاميرات

اسال مصرية و الدور على فرفر يا هرم



يللا نبدا.


ايه الحاجة اللي عملتي في المدرسة و عاقبك عليه المعلم؟

اهل لديك شراب مخروم و مع دالك بتلبسيه؟

هل طبختي يوما ما اكلة و طلعت وحشة اوي و رميتيها في الزبالة من غير ما يعرف حد لان كان عدك ضيوف؟

ايه الحاجة اللي تحليكي تضحكي بصوت عالي من غير ما تقدري تتحكمي في ضحكك؟

لما بتوقفي في علامة المرور الضوء الاحمر بتعملي ايه في هاد الوقت اللي بتستني فيه لغاية ما يكون اخضر؟؟؟

ما هي سيارة احلامك؟؟

هل فيه شي تندمين عليه لغاية اليوم؟؟؟

تعرفي ترقصي عجين الفلاحة؟؟

ما عو حلم حياتك؟؟

ما هو اسم الولد اللي تحبي؟؟؟

ما هو اسم البنت اللي تحبي؟؟؟؟

ما هي اكلتك المفضلة؟؟؟


قوليلي 3 من عيوبك؟؟؟

قوليلي 3 من ميزاتك؟

ما رايك في المنتدى؟؟

هل سرقت يوما ما؟؟ و كان عبارة عن ايه؟؟؟
بتقصي ظفارك كل كم يوم؟؟؟

اي بل تحبي تزوري؟؟ و ليه؟؟؟

تحبي تغني؟؟؟

ما رايك في بنلادن؟؟؟

ما هو الحيوان اللي بتخافي منه؟؟؟

ما هو الحيوان تحبي يكون عندك؟؟

تحبي عثير التفاح؟؟؟

ما هو الاكل اللي مبتحبيهش ابدا؟؟؟

انت بتصحي الساعة كام؟؟ الصبح

مين تحبي ولي العهد بتاعك قصدي في الكرسي و ليه؟؟؟؟

شفتي كنت خفيفة ازاي عليك

استني فاضل سؤالين كمان

لو انت في مكان مفيهش لا اكل و لا شرب و لك 3 اطباق و لازم تختاري واحد منهم و الا حتموتي بالحوع

1 دود مقلي بالزيت الحار

2 فخد فيران مشوي بالبرتقال

3 مصارين كلب محشية بندق

حتختاري اي طبق و ليه

السؤال الاخير بقى

احكيلي نكتة بس بشرط افهمها و اضحك عليها من قلبي و لو مضحكتش ابقى اسالك تاني


يالا جاوبي

جاوبى بقى يامصرية وفريدا طلعت محظوظة انها فلتت من الاسئلة العجيبة وخاصة موضوع الشراب وموضوع الاطباقا لشهية دى الله يعينك

جاتي كده برضه ترجعيني بعد ما هربت

ماشي ربنا يقويني على أسئلتك

ايه الحاجة اللي عملتي في المدرسة و عاقبك عليه المعلم؟

للأسف معلملتش أبدا حاجة غلط في المدرسة
مليش أي ذكريات شقية لدرجة كنت في فريق الزهرات وأنا في ابتدائي.

اهل لديك شراب مخروم و مع دالك بتلبسيه؟

لأ حخيطه لو حجيب لو معنديش غيره قبل ما ألبسه.

هل طبختي يوما ما اكلة و طلعت وحشة اوي و رميتيها في الزبالة من غير ما يعرف حد لان كان عدك ضيوف؟

بخاف من المغامرات جدا علشان كده لو عندي ضيوف لازم أعمل حاجة أكون متأكده منها.
لكن فاكرة مرة كنت في إعدادي ولاقيت وصفة بسكويت بالشيكولاتة في مجلة ميكي، طلعت في دماغي أعملها، وطلعت بشعة عاملة زي الأسمنت مبتتكسرش حتى وطبعا رميتها كلها في الزبالة.
ومرة تانية برضه حصلت معايا كنت بعمل بيتزا وطلعت أسمنت ورميتا كلها في الزبالة.

ايه الحاجة اللي تحليكي تضحكي بصوت عالي من غير ما تقدري تتحكمي في ضحكك؟

حاجات كتير ومواقف كتير الحقيقة والمواقف دي بتزيد كل فترة، بس في موقف مش بنساه أبدا على أد ما هو مضحك كان محرج جدا.
كنت مسافرة القاهرة بالقطار ولما وصلت المحطة هناك كانت الدنيا زحمة جدا وكان تقريبا الجيش كله في المحطة نازل اسكندرية لسبب ما مش عارفا لغاية دلوقتي.
كنت بتفرج على الناس ومخضوضة من الزحمة الرهيبة اللي الجيش عاملها وأنا ماشية رجلي خبطت في حاجة بارزة في لأرض محسيتش بعدها غير بالأرض ساقعة تحت رجلي ومش لاقية السابو اللي كنت لابساه.
كل فردة راحت في ناحية وفي وسط الزحمة بقيت خايفة يضيعوا ومحرجة جدا وأنا ماشية حافية في نص المحطة لكن واحد لاقيته بيزقلي السابو علشان يلحقني.
كتر خيره الحقيقة بدعيله كل ما أفتكر الموقف.
بس يا ستي الموقف ده محرج جدا بس بيضحكني كل ما أفتكره.

لما بتوقفي في علامة المرور الضوء الاحمر بتعملي ايه في هاد الوقت اللي بتستني فيه لغاية ما يكون اخضر؟؟؟

بغير الشريط اللي بسمعه في العربية أو بستمتع بالأغنية لو عاجباني.

ما هي سيارة احلامك؟؟

هروم سألني السؤال ده، حتلاقي إجابتي فوق

هل فيه شي تندمين عليه لغاية اليوم؟؟؟

سوء اختياري في بعض الأوقات بيخليني أندم، أوقات بصلح الغلط لكن مرة منفعش اصلحه للآخر.

تعرفي ترقصي عجين الفلاحة؟؟

ماهو لو حد يقولي إيه هو عجين الفلاحة اقولك أعرف أرقصه ولا لأ.

ما عو حلم حياتك؟؟

راحة القلب والبال

ما هو اسم الولد اللي تحبي؟؟؟

مصطفى ويوسف.

ما هو اسم البنت اللي تحبي؟؟؟؟

فرح

ما هي اكلتك المفضلة؟؟؟

حاجات كتير منها المحشي.

قوليلي 3 من عيوبك؟؟؟

عندية
عصبية
مذبذبة في بعض الأوقات

قوليلي 3 من ميزاتك؟

مش عارفة لازم حد يقول عني أنا مقدرش أحكم على نفي ابدا.

ما رايك في المنتدى؟؟

بحبه جدا كإنه جزء مني لكن أوقات بيحبطني زي ما يكون ابني أو أخويا الصغير اللي حاطة عليه أمل لكن مش دايما بيصدق معايا.

هل سرقت يوما ما؟؟ و كان عبارة عن ايه؟؟؟

لأ، بس كرة وأنا عندي 7 أو 8 سنين وكان معايا شنطة إيد جديدة بقى وفرحانة بها وبعدين لبستها ورحت مع بابايا السوبر ماركت، لاقيت بطاريات فحطيتها في الشنطة الجديدة. وقت الحساب نسيتها خالص لولا الكاشير قال لبابا إن الكاميرا بتقول إن في حاجة في الشنطة اللي معايا.
طبعا بابا زعل وكان محرج جدا ومن يومها باخد بالي محطش حاجة غير في التروللي بتاع السوبرماركت.

بتقصي ظفارك كل كم يوم؟؟؟

مش بقصها، بقصرها وأبردها كل اسبوع تقريبا.

اي بل تحبي تزوري؟؟ و ليه؟؟؟

مش فاهمة السؤال.

تحبي تغني؟؟؟

لما بسمع أغنية بحبها أحب أغني معاها.

ما رايك في بنلادن؟؟؟

متخبطة شوية في شخصيته ومعرفش عنه كتير علشان كده مقدرش أقول رأي فيه.

ما هو الحيوان اللي بتخافي منه؟؟؟

الحيوانات المفترسة والكلاب

ما هو الحيوان تحبي يكون عندك؟؟

مبحبش الحيوانات أوي بس لو ضروري يبقى قطة.

تحبي عثير التفاح؟؟؟

مش أوي.

ما هو الاكل اللي مبتحبيهش ابدا؟؟؟

الكوارع والكرشة ولحمة الراس والحاجات اللي زي كده.

انت بتصحي الساعة كام؟؟ الصبح

6 الصبح علشان مدرسة فرح.

مين تحبي ولي العهد بتاعك قصدي في الكرسي و ليه؟؟؟؟

أنا اخترتك بعدي وهروم اختار فري، يبقى كده بالترتيب جاتي وبعدين فريدة.

لو انت في مكان مفيهش لا اكل و لا شرب و لك 3 اطباق و لازم تختاري واحد منهم و الا حتموتي بالحوع

1 دود مقلي بالزيت الحار

2 فخد فيران مشوي بالبرتقال

3 مصارين كلب محشية بندق

حموت من الجوع أرحم الحقيقة.

احكيلي نكتة بس بشرط افهمها و اضحك عليها من قلبي و لو مضحكتش ابقى اسالك تاني

السؤال ده صعب جدا يا جاتي أنا مبعرفش في النكت، يعني ممكن أضحك عليها بس مبفتكرش منها حاجة. حقولك آخر واحدة وصلتني على الله تعجبك.

بصي يا ستي كان في صورة بيحطوها على علب السجاير الفترة اللي فاتت، والصورة دي كات بتاعة واحد بيموت وشكله مقبض جدا، بسببها في ناس بطلوا تدخين وفي ناس غيروا نوع السجاير اللي بيشربوها.
النكتة بقى بتقول:

"حسني مبارك بيقول لنظيف رئيس الوزراء: أخبار الصورة إيه اللي على السجاير.
قاله: تمام يا ريس في ناس كتيرة بطلت السجاير.
قاله: خلاص حطها على العيش"

يالا جاوبي

يالله اتفضلي خدي مكانك على الكرسي، وبعدك على طول فريدة.

كنت شايلة همك يا مصرية هتردي علي اسئلة سكينة الفولاذية ازاي بس شطورة طلعتي
هايلة

واجمل حاجة ان الدور عليها في الشو

اخد راحتي انا في اللوك اللي ناوية اعمله
قنبلة

جاتي يا أهلا بحضرتك على الكرسي.

بصي أنا نفسي قبل ما أسأل أسئلتي حسألك كام سؤال من بتوعك علشان فضولي بس أعرف إجاباتك عليهم.

شوفي يا ستي:

هل طبختي يوما ما اكلة و طلعت وحشة اوي و رميتيها في الزبالة من غير ما يعرف حد لان كان عدك ضيوف؟

ما رايك في بنلادن وبوش؟

لو انت في مكان مفيهش لا اكل و لا شرب و لك 3 اطباق و لازم تختاري واحد منهم و الا حتموتي بالحوع

1 دود مقلي بالزيت الحار

2 فخد فيران مشوي بالبرتقال

3 مصارين كلب محشية بندق

ما هي بلدك المفضلة؟

لو جاتلك فرصة تمثلي اي شخصية تحبي تمثلين؟

لسانك لونه ايه عادة؟

لو جاتلك فرصة تمثلي اي شخصية تحبي تمثلين؟



يالله بقى على ما أحضر أسئلتي وأرجعلك تاني.

مصرية"]جاتي يا أهلا بحضرتك على الكرسي.

بصي أنا نفسي قبل ما أسأل أسئلتي حسألك كام سؤال من بتوعك علشان فضولي بس أعرف إجاباتك عليهم.

اهلا بيك يا حبيبتي النور نورك
لا ليه بس لازم تسالي اسئلة من احتراعك اشمعنا بقى

بس علشان خاطرك اجاوب

شوفي يا ستي:

هل طبختي يوما ما اكلة و طلعت وحشة اوي و رميتيها في الزبالة من غير ما يعرف حد لان كان عدك ضيوف؟

الجواب لا

بس رميت اكل طلع وحش و مكانش عندي ضيوف

بيطلع وحش و بيقولي فان ايه ده وحش اوي

و انا بعمل نفسي باكله و بقوله ده لذيذ

انت اللي مبتعرفش تطعم الاكل

و بيقولي طب كوليه انتي بقى انا مش عايز


و حينها برميه :#~€:

ما رايك في بنلادن وبوش؟

شخصيتين

كان نفسي ان القوة اللي غند بنلادن يساعد بها العالم العربي


و بوش اقبح انسان على وجه الارض

و نفسي يتعدب اكبر تعذيب في الدنياو الاخرة

لو انت في مكان مفيهش لا اكل و لا شرب و لك 3 اطباق و لازم تختاري واحد منهم و الا حتموتي بالحوع

1 دود مقلي بالزيت الحار

2 فخد فيران مشوي بالبرتقال

3 مصارين كلب محشية بندق

يمكن الدود لو لازم الامر يعني

امال اموت احسن

ما هي بلدك المفضلة؟

المغرب و اسبانيا

لو جاتلك فرصة تمثلي اي شخصية تحبي تمثلين؟

كاتومن

لسانك لونه ايه عادة؟

هههههه ابيض زي العسل

لو جاتلك فرصة تمثلي اي شخصية تحبي تمثلين؟

ليه مرتين؟

ه بقى على ما أحضر أسئلتي وأرجعلك تاني.

مفيش اسهل من كده :#~€:


ها كمان