القصــــــــــــــــــــــــــــــر

ميخا: شباااااب خلاص اتقفنا، يالا بينا بس مش عايزين نطول دول هما 7 جنيه الي معانا
واول ما المجموعه توصل قاعه الجيمز يطلع العفريت الصغن... فاكرينه!!
العفريت: علي فين العزم منك ليها له له ؟
ميخا: رايحين نبص علي ايميلاتنا ، فيها حاجه يا كابتن ؟ ~~~
العفريت: استأذنتو ؟؟
جاتي: طب ممكن ؟ مرسي ، يالا بينا يا جماعه :xgfd:
العفريت: ومعاكو فلوس علي كده و لا هاتتفضحو زي ماحصل في القسم ؟
فري: سيتامبوسيبل، حتي انت عرفت الي حصلنا، بكرة تنزل علي البي بي سي و الجزيرة، يا فضيحتك يا فري في الاوساط الراقيه، يا برستيجك الي ضاع هدر ، يا بشرتك الي ماشافتش الكريم من يجي كتيير كده
يخطف العفريت الفلوس و يقول دي من حقي انا ، دي ايجار البيت
اوسكا: بيت ؟؟ لاهو انت مسمي المخروبه دي بيت ؟ دي عشه فراخ، حظيرة، اسطبل انما مش بيت ابداااا :QQ:
العفريت: اهو الي عندي ان كان عاجب ، ومن النهارده تعملو حسابكو تشتغلو،اكل و مرعي صحيح ، يالا قدامي علي البيت
انيد: ايه الغلب ده، البرص ده يتحكم فينا علي اخر الزمن ؟
جاتي: كويس انك ماقولتيش سحليه، كنت هازعل منك اوي
دولفين: تعبت من المشي، ممكن نركب اي حاجه، اوتوبيس حتي
زوهيري: ماكنش يتعز يا دولفي، الصغنن اخد القرشين الحيله
وبعد يجي 6 ساعات من المشي وصلو اخيرا للبيت
اتش: لازم نفكر في حل، لازم نشتغل
اوسكا: ايدي علي كتفك، بس هانشتغل ايه ، ومنين و ازاي :mmm:
مصريه: طب احنا نفكر بهدوء وبكرة كل واحد يقول وصل لايه ، بس ياله نرتاح دلوقتي
انيد: تعالي يا لارنو نحرق كلام، انا مش جايلي نوم
لارنو: وانا كمان، بس تعالي نطلع بره البيت المكئوب ده، تعالي نقعد علي شريط القطر ، ماشي ؟
سيسامي: خدوني معاكو
انيد: تفتكرو يا جماعه ممكن نشتغل ايه بحالتنا دي ؟
سيسامي: انا باقول د. ادهم يعمل جزء من الشقه عياده ، وفري ومصريه يعملو كوافير :idea:
مصريه: ماهو كل ده عايز مصاريف برضو واحنا علي الحديده
ايند: متنحه في ايه يا لارنو ؟
لارنو تنط من مكانها و : بسسس لقيتها و تجري تجيب حاجه من الارض
سيسامي: جبتي ايه ؟
لارنو: بصو لقيت مشط، ممكن ندور علي كام حاجه من الحاجات دي و نغسلها و نبيعها
مصريه: نسرح بيهم يعني ؟؟؟
لارنو: لا مش احنا الي هانسرح، الخناشير ، احنا هاندور بس
سيسامي: دول مش ممكن يوافقو ابدااااااااا
لارنو: طب يسرحو سرحايه واحده بس، والفلوس الي يجيبوها، اجيبلكو بيها عيش لبكرة، انا جعانه اوي
انيد: طب تعالو نقولهم الفكرة و نشوف هايعملو ايه
لارنو: قولو انها فكرة مصريه وعلي فكرة ممكن واحده منكو علشان ماحدش يقول اننا مستقصدينهم

مصرية: لاااااااااااااا محدش يقول إنها فكرتي، معقول معقول أنا ألم سبارس على آخر الزمن
لارنو: دي مش سبارس دي امشاط
فريدة: يعني يا لارنو مظنش إنها فارقة أوي.
دولفين: مش كفاية الكاستور اللي لابسينه؟
جاتي: ده حيبقى شكلنا يجنن بجد، أنا موافقة يا لارنو

مصرية: لأ لااااااااااااااا حرام أنا مش حقدر نفسيتي يا جماعة أنا حاسة إني في فيلم العفاريت وفي حد حيقعد يغنيلي "عودي يا بلية عودي يا بلية"
فريدة: مش معقول نكون وصلنا للدرجة دي يا مصرية إهدي بس

دولفين: أنا معاكي يا بلية.... قصدي يا مصرية
أنيد: متخليكوا واقعيين شوية معندناش حل تاني
مصرية: لو مفيش حل غير ده يبقى نرجع الجزيرة أهون من الذل ده

مواضيع: جزيرة لأ لأ شوفوا شي تاني نعمله.
لارنو: أنا قلت اللي عندي فكروا إنتوا

وهم في هذه الحالة من البؤس إذا بالعفريت يظهر فجأة.
فريدة: شايف يا عفريت عملت فينا إيه؟
العفريت: إيه؟
فريدة: مش عارف لأ حقولك أصل يا سيدي إنت اخدت الفلوس اللي معانا وإحنا جعانين راحت لارنو فكرت وقالت نلم أمشاط من الشارع ونبيعها، راحت إيه بقى حقولك أهه، مصرية زعلت خالص، إوعى أكون مضايقاك إنت مش متضايق؟ كويس إنك مش متضايق، أصل مرة كنت بحكي للارنو على موضوع كاباكا، عارف كاباكا؟ آه صحيح حتعرفه منين، حقولك بقى كاباكا ده ....
يقاطعها العفريت صارخا: بسسسسسسسسسسسسس كاباكا إيه وبتاع إيه حرام كده. خلاص مش عايز أعرف حاجة تاني، أنا آسف إني سألت

فريدة: إنت بتتأسف، لأ لأ أنا مش قصدي كده خالص أنا قصدي اقولك....
العفريت: خلاااااااااااااااااااااص مش آسف
فريدة: أكملك بقى، هو إحنا وصلنا لفين؟ مش فاكرة، يبقى نقول من الأول..
العفريت: لأ لاااااااا عايزين إيه وأنا تحت أمركوا قولوا. شبيك لبيك، بس أرجوكي متحكيش حاجة تاني

سري باتع حتي مع العفاريت اتعلمت تقول شبيك لبيك
افتحولي مكتب للتطفيش وانا اجيبلكم دهب

بجد بقالي فترة مقرتش عمالة اضحك ايه القوة دي برااااافو

لارنو: يعني نطلب أي حاجة حتعملها؟
العفريت: بسرعة قولي
أنيد: رجعنا القصر بقى
فريدة: إنتي ناسية إن القصر إنفجر خلاص
جاتي: خلاص ودينا قصر جديد :idea:
العفريت: حاضر
مواضيع: استنى ننادي على الشباب
العفريت: ولا تنادوا ولا حاجة خلوني أخلص يالله

وأشار بيده فإذا بجميع الأعضاء في قصر جديد.



مصرية: مش قادرة اصدق عينيا، يعني أخيرا حناخد نفسنا
فريدة: أيوة يا مصرية أخيرا يا سلام مفيش زي البيت
جاتي: برافو يا عفريت أهه كده.
العفريت: دلوقتي أنا خلاص عملت اللي عليا وملكوش عندي طلبات تانية.
أوسكا: بس القصر ده صغير
مشاعر: إحنا حنخليه جنة
سمارت: المهم إننا في أمان ومع بعض كلنا.
مواضيع: طيب يالله بينا بقى نبتدي نستكشف القصر ونوضبه.

لارنو: هييييييييييه اخيرا بقينا في القصر اخيرا حاكل بانيه
اوسكا: بانيه ايه علي المسا ما تتهدي وتنامي قصر ايه وتخاريف ايه نامي نامي عندنا شقا بكره من صباحيه ربنا
لارنو: تخاريف ايه ايوه احنا في القصر مش كده يا انيد
انيد: تدعك عنيها وتقول لها مكنش يتعز والله كان نفسي افرحك واقولك اه بس احنا لسه في المخروبه دي
هشام: من رايي تشوفي لك خرءه تتغطي بيها بدل السرعه اللي عملها لنا دي هو احنا ناقصين ده انا لما صدقت نمت الحاجات اللي عماله تتنطط تحتي دي تعبتني نفسيا
دفء: ايه ده هو في براغيت هنا انت يا برغوت منك له العبوا بعيد عن عمو هشام وياريت بعيد عن سلاحيفي مش ناقصه حد منهم يتقرص واحتاس بيهم عند الدكتور وطبعا هنا المكان بيئه قوي مش حلاقي حد يعالجهم.
اوسكا: :QQ: اتخمدوا بقي

وفي الصباح
هشام: مين حيجيب العيش
البنات :xgfd: :xgfd: :xgfd: :xgfd: :xgfd: :xgfd: :xgfd: :xgfd:
هشام: انتوا يا بنات
جاتي: احنا ورانا تنفيض انلوا انتو جيبوا العيش بسرعه عشان تبداوا اليوم من اولها وتسرحوا بالحاجه
سمارت: جاحه ايه اللي حنسرح بيها ان شاء الله
فريده: ايه ده هو احنا مقولنالكوش في شويه حاجات كده جمعناها حتسرحوا بيها
زوهيري: علي اخر الزمن حنبقي بتوع روبابيكيا والا ايه
لازنو:
انيد: مالك يا لارنو؟
لارنو: صحتوني ليه كنا خلاص رحنا القصر والجياه بقت حلوه
اوسكا: خلاص بقي خلينا في الواقع ده كله عشان مكنتيش متغطيه كويس
ميخا: بقول لكم ايه انا حلف لفه كده اشوف مكان بيصلح pcs اظبطهم هناك ونجيب قرشين
اوسكا: والبنات تجهز نفسها تنزل تقعد مع ستات الخضار والمش
مصريه: نعم نعم ليه ان شاء الله ومن امتي بقي البنات حتشتغل والرجاله ترنخ في البيت
سمارت: مين قال اننا حنرنخ حننزل برضو نسرح ونشوف حنعمل ايه
وبعد الافطار تفرق الجميع احزاب الشباب حزب والبنات حزب اخر للبحث عن لقمه العيش

جروب البنات

`جاتي: ياللا نشوف الجزار ده ممكن نلاقى عنده شغل
مصرية: و حنشتغل ايه في المجزرة دي؟

فريدة: اوه نو انبوسيبل ابدا

لارنو تجر ايد جاتي و هي بتخاول تدخل المجزرة

لارنو: تعالي هنا بس
جاتي: ايه فيه ايه


تبص دفء على عربية فول مدمس

و تصرخ ليقتها بنات ........خلاص انا لقيت الشغل



مواضيع تزغرت ...

انيد : طب فين الشغل ده يا شاطرة


دفء بصو هناك




يلاا بينا نساله ده ينفع نشتغل فيه

مصرية : لالالا ابدا انا مش ممكن ارضى اشتغل بياعة فةل ابدا

مشاعر: و ماله اهي اي حاجة نقدر نقدر نشتري بيها اكل و نصلح شوية القصر

فريدة : انا مش موافقة ابدا

جاتي انا موافقة : .......... و بحب الفول كمان .........و تبص لفريدة يعني لو مش عاجبك روحي للجزار و اساليه لو هنده مكان ليكي تغسلي الكرشة و الكوراع و تقشري مخ




فريدة تعمر تاني في العياط


لارنو : يللا بنا بلاش زيادة كلام يللا نساله الاول و نشوف يدفع كام

يقتربو





جاتي: سالخير يا معنم

الكل يبص عليها متبحلق و مستغرب ..جابت الكلام ده منين

بتاع الفول: يبص و يقول بصوت خشن و محرشش زي ما يكون رئته مليان دخان بتاع الشيشة

يا مساء العسل يا امامير يبصبص عليهن كلهن و يرفع حواجبه و ينزلها تيجي 10 مرات في ثانية

اي خدمة

مدمس ...حار....بالصلصة...و الا بالبيض


............

في نفس الوقت

جروب الخناشير

يللا نفترق و كل واحد يدور على شعلة و نجتمع في البيت وقت االظهر

هشام : يلاا انصرفو

اوسكا يبص عليه : حاضر يا زعيم

و يمشي و هو بيتكلم لوحده اه ياني ....مرة يبتسم ..مرة يلطم نفسه مرة يستسلم للامر الواقع ثم

يل لمحل بطيخ


سلامو عليكو
صاحب المحل : و عليكو السلام و رحمة الله و بركاته

اوسكسان: الحقيقة انا حيت في طلب شغل

صاحب المحل: ميتعزش يا خويا
اوسكا: و حياة كل العيلة ده انا راجل قوي و حبيعلك كثيرو حتفيد و تستفيد جر و مش حتندم

صاحب المحل : بقولك ايه الكلام ده سمعت منه كثير ........... و كلكه زي بعض

اوكا: و الله ده انا محتاج و حشتغل بامانة ...جربني اليوم بس و لو مش عاجبك

محدش عرف حد

صاحب المحل يحك في قرعته و بعد مدة تفكير

و اوسكا


رد صاحب المحل يللا نشوف شطارتك خرج البطيح اللي هناك للحارة بس لازم تبيعه كل اخر اليوم

سمعت

...

اوسكا ياخد البطيخ للحارة لوحده شايل اثنين في كل مشية

لغاي ما وصلهم كلهم

و بدأ يقول بصوت مرتفعة



البطيخ

البطيخ....عندي بطيخ صيفي

معلش يا جماعة

انا كنت غايبة عن القصر شوية بس كنت نفسى جدا اعرف اية اللى بتكتبوه
بس بجد ماشاء الله انتوا عاملين الواجب وزيادة

انا كنت فى عمره وكانت جميلة جدا عقبالكم جميعا

الف حمد الله عالسلامه يا دولفين ..ربنا يتقبل ان شاء الله ..عقبال الحج يا رب

يالا خدى نفسك كده ..و خللى الموضوع ينّور بأصحابه

حمدا لله علي سلامتك يا دولفين وربنا يتقبل منك ان شاء الله وعقبال العوده يارب والسنه دي علي جبل عرفات
باذن الله
مش كنتي تقولي عشان كنا نقوم معاكي بالواجب

حمد الله على السلامة يا دولفي
عمرة مقبولة إن شاء الله

افتكرتينا ودعيتيلنا ولا لأ؟

يهتف أوسكا
البطيــــــــــــــــــــــــــــخ البطيــــــــــــــــــــــــــــخ....عندي بطيخ صيفي..ثم يلتقط كرتونه قديمه يكتب عليها 10 جنيه و يغرسها وسط البطيخ
ينتصف النهار و لا يشترى احد من أوسكا ..يستمر فى النداء مندهشا ....فى هذه الاثناء يقبل عليه سمارت مكفهرا
سمارت : ايه الاخبار
أوسكا : و لا الهوا كأنى مش موجود و لا حد بيعبّرنى:QQ: ..مش فاهم فيه ايه ..كأنى جربان مثلا أو بأبيع بانجو ثم يهتف ده بطيخ يا اخوانااااا
سمارت : غريبه أوى :QQ: ..يمكن عشان اليافطه ..اصل يا اوسكا انت مش فى كارفور حاطط عالبطيخه 10 جنيه ..
أوسكا: ده انا كنت بأشتريها بأكتر من كده
سمارت:كنت عامل بيه فالراجل كان بيغّلى عليك يا فالح...معطلكش بقى
أوسكا : على فين العزم ما تقف معايا يمكن ربنا يكرم
سمارت : لا يا عم ..اصلها ااقدام و انا بأتشاءم
أوسكا: كده يا سمارت ..طب روح يا وش السعد.. فرجنى يا شهبّندر حتبيع أيه
فى هذه الاثناء يتناهى الى سمعهم صوت أجش ..البطييييييييييييييييييييييييييخ ...حمرا و عالسكينه و تظهر عربه كارو محمله بالبطيخ ..و يتوسطه شخص ضخم ..ما ان يصل لمكان أوسكا حتى يصرخ بالفاظ نابيه ...نهارك مطلعتلوش شمس ..انت مين يا لا
أوسكا: ولا..... ما تحترم نفسك يا جدع
بائع البطيخ : احترم نفسى ..انا اللى بأصّدر البطيخ للمنطقه دى
أوسكا : يعنى بتصّدر للمنطقه الحره يا خى ..ده انا بقالى 6 ساعات محدش قالى انت في... و يقطع كلامه مندهشا عندما يجد الناس كأسراب النمل على عربه ا لبائع
كل منهم يحمل بطيخه فى هدوء و يمضى ...فينبه اوسكا البائع قائلا:العربيه بتتسرق الحق نفسك بقى و سيبينى فى حالى
ينظر البائع فى لا مبالاه و يفسّر: مش بأقولك منطقتى ..مبتتسرقش و لا حاجه ..هما بياخدوا البطيخ عالنوته و بيحاسبونى اول الشهر
أوسكا: اتارىىىىىىىى محدش تف فى وش بطيخه..من عندى
البائع فى نفاذ صبر: تف متفش مش شغلى ..لو شفتك هنا تانى انت حــــــــــر :humer: ..و عشان انت مكنتش تعرف حأخد منك البطيخ اللى معاك..و قول للمعلم اللى بعتك انى عرفّته و ان ميّه النار لسه فى الازارزه
أوسكا مندهشا: ميه نار
البائع: قوله كده بس و هو حيفهم
أوسكا : ربنا يخليك.....هات ميت جنيه و خدهم 10 بطيخات اهو
البائع : ميت أيه ؟؟؟!!! ميت عفريت لما يركبوك ..هما 15 جنيه و ابقى مكارمك
أوسكا : يبكى قهرا..طب خليهم عشرين ..يطلعلى فيهم اتنين جنيه
البائع: اووووووووووووووووووووف هو الكار خسر من شويه ..اهى من الاشكال اللى بتتحدف عليه
ثم يهتف كالحانوتى أيييييييييييييييييييييييييه ...يا ناره اللى مش كاره ..يالا حمّل البطيخ عالعربيه على ما اشرب حجر معسل و يناول أوسكا العشرين جنيه

فى الناحيه الاخرى من الحاره ..بائع الفول للعسلات
مش عايزين و لا مدمس و لا فول بالبيض...طب اجيب ساقع ؟
جاتى بفضول: و ساقع ده فول بأيه
دولفين تهمس: ساقع ده قصده يجيب حاجه ساقعه يا ام الفهم
لارنو: عمو عمو احنا عايزين نشتغل
البائع: تشتغلوا ايه ان شاء الله ..
دولفين: حنساعدك فى البيع
البائع و ماله اهو تبقوا قدم الخير ..و يخلع المريله طب و الله انتوا ولاد حلال ده انا عندى مشوار مهم خللى بالكم من العربيه لحد ما أرجع
سيسامى فى تشكك: الراجل ده بايع القضيه كده ليه ..ده انا قلت حنتحايل عليه و مش حيوافق
جاتتى : ليه مش حيوافق هو يطول أمامير زيّنا يبيعوا
دولفين: اهااا قولتيلى أمامير
أنيد: و الله ده احتمال كبير
دفء تترك السلاحف جانبا: أصله ..فاكرنا فرافير
دولفين: طب حد يفكر يقول كلمه كده و لا كده ..أخّرطه و احطه جنب البصل :3zbo:
أنيد: تخرطيه أيه ..ليه القسوه دى ..احنا نشيل اللى يضايقنا نرميه على شريط القطر اهى الطرطشه تبقى بعيد ..انتهينا
مصريه: بصى يا فرى ااقفى اعملى السندوتشات و احنا حنبص فى السريع ...لو فيه حاجه نضيفها للعربيه و نغسل الاطباق و نجيب اللوازم و نيجى
فريده: أوك..بس بليز بليز متتأخروش عليّا
لارنو: طيب انا حأروح أنضّف شريط القطر عشان الضحايا ...يااااااه يا سندوتش البانيه واحشنى جدا
أنيد: انتى اللى بيجرى فى عروقك مش دم...فانتا ساقعه ..يالا يا بت نروح نساعدهم
لارنو: أففففف... طيب ...كانت معرفه سودا يوم ما شفت وشك
دفء: يا ادى الخيبه مش حنخّلص من لارنو و أنيد..مولودين فوق روس بعض

بعد انصراف العسلات ..تقف فريده على عربه الفول..تتابع اطفال يلعبون على مقربه من العربه بملابس ممزقه فى تأمل ...ثم تنادى احد الاطفال تعالى يا حبيبى انت اسمك ايه
الطفل: عايزه ايه يا وليّه
فريده متأففه : حبيبى انت هدومك متوسخه ..روّح اغسل وشك
الطفل : طب ادينى شندوتش
فريده : و تروح!!
الطفل : فريرررررررررررررررررره
و تعد فريده السندوتش..و كأنها فتحت خليه نحل
التصق بقيه الاطفال بالعربه و تعالى الهتاف من الاطفال
أبلتى انا عايز شندوتش...و الاخر: جعاااااااااااااااااااااااااااااااااااااااااان و طفل جلس عالارض يبكى
فريده : يا حرااااااااااااااااااااااااااااام ..خلاص يا حبايبى حأعملكم كلكم
بعد حوال الساعتين تعود العسلات..بكل المستلزمات الناقصه
مصريه: هاى فرى
دفء: حأعمل وصفه هايله يا فرى ..نوع جديد تمامااااااااا من الفول ..الفول ابو باشاميل :yumyumy: ..الناس حتتجنن عليه
فرى مبتسمه : خلاص بقى بكره ...مفيش فول
مصريه : هايله يا فرى خلصتى الفول ..برافو..فين الفلوس بقى عشان نجيب الحاجات الناقصه
فرى: فلوس ايه
دولفين: الفلوس اللى بعتى بيها يا فرى
فريده: لااااااااااااااا ما انا حأحكيلكم ..ثم تروى قصه الاطفال
أنيد: يا ليله كوبيّا ..اتبرعتى بقدرّه الفول..انتى فاكره نفسك فى الروتارى
فرى: اسكتى يا انيد صعبوا عليّا اوى
لارنو: احنا حنصعب عليكى اكتر..الراجل مش بعيد يودينا القسم
جاتى: لا فيرى عندها حق.....يعنى تسيبهم جعانين :-*/+./*-:

دولفين: طيب يا اختى انتى و فرى ..استلقوا وعدكم بقى من الراجل
لارنو هاتفه: اهو جه اهو جه تسقيفه بقى

الراجل بتاع الفول:ايه يا بنات
ايه الاخبار، اكيد الزباين اتلمت عليكو طوابير طوابير
دولفين: استرها معانا والنبي يارب
المعلم لفري: ايدك علي المعلوم
فري: ايدي عليه ازاي يعني ؟؟
الراجل:يعني ايدك علي الابيَج يا حلوة
فري: طب هو فين الابيج بس يامعلم و انا احط ايدي عليه
انيد: يعني عايز الفلوس الي بعنا بيها يا فري
فري: فلوس!! هو كل حاجه الفلوس الفلوس، فكر في الاطفال الي كانو جعانين و شبعو
تصور يا معلم الاطفال دي ممكن تروح تحكي لمهمهاتها ايه علي حنيه قلبك و كرمك، تصور سندوتش الفول الصغنن ده ممكن يكون اسعدهم اد ايه، انت عارف انا زمان و انا صغيرة لما حد حد يجيلي اي حاجه حتي لو صغيرة كنت بافرح بيها اوي خالص، اصل الفكرة مش في قيمه الحاجه، بالعكس في المعني الي بتدخله جوة قلب الانسان الرقيق الي قدامك، كمان لو بصيت للموضوع من .....
الراجل: ايييييييييييييه اييييييييييييه ، انتو شكلكو هاتسوقو العبط علي الشيطنه منك ليها، انا من الاول ماكنتش مرتاح لمناظركو
جاتي: لآ لآ يا معلم الا الكدب، انت كنت لسه بتبصبص لنا من شويه
الراجل:يرزع قدرة الفول الفاضيه علي الارض و بصوت ماحدش عارف الصوت ده ممكن يطلع منين
لااااااااااااااااااا انتو فاكرين نفسكو مفتحين ؟؟ ده انا اقطعكو حتت بأبرد سكينه فيكي يا حارة واعملكو كبده اسرح بيها اصغر عيل في عيالي
فري: يااااااي فالجر اوي الراجل ده
انيد: صبرك بالله بس يامعلم، احنا غلطانين والغلط راكبنا
الراجل: وانا العفاريت راكباني
مصريه: طب شوف عايز ايه و احنا ننفذه بس مافيش داعي للعصبيه
فري: اه والي تقول عليه تاخده عالشوز
الراجل: عشرين جنيه حق الفول الي طفحتوه للعيال
مصريه: طيب صبرك علينا ساعه زمن نروح نجيب الفلوس و نيجي
الراجل: اتين يروحو والباقي يستنو، انا الختم مش علي قفايا
تذهب دولفين و مصريه للخناشير علشان يشوفو عملو ايه و يجيبو فلوس تمن الفول
وياخد ال 20 جنيه الي جابها اوسكا من بيع البطيخ ويدوها للراجل بتاع الفول
اوسكا: اشوف فيكو يوم ياعسلات

اوسكا: يعني انا اتقور طول النهار في نقحه الشمس، :7raan: و اسمع كلام يسم البدن من الراجل الشراني بتاع البطيخ علشان اخد 20 ملطوش عمي ، تيجو في الاخر بكل بساطه تاخدوهم حق الفول !!! امشو من قدامي مش عايز اشوف حد
لارنو: يعني كنت هاتبقي مبسوط واحنا سندوتشات كبده ؟
اوسكا: كبده ولا مخ، انا مااالي انا، كان مالكو بالعيال يطفحو ولا مايطفحوش ، حبكت الحنيه يا فري ، حبكت :humer:
فري: لا يا اوسكا انت اصلك ماشفتهمش، دول صعبو عليا اوي اول ماشفتهم، دول كانو يقـطعو القلب، ده الدمعه كانت هاتفر من عيني اول ما...
اتش: خلاص بقي الي حصل حصل، ماهو كمان ماحدش مننا اخد علي البهدله دي، ما انت لولا المعلم الي جه اداك ال20 جنيه كان زمانك راجع معاكش ولا مليم
ميخو: طب والعمل؟؟ لازم نفكر في حل تاني، شغل بس مايكونش في بهدله
لارنو: لالالالا انا ماتعملوش حسابي في الشغل، انا لا باعرف اصحي بدري ولا بتاع، انا هاجيبلكو العيش ويبقي كتر الف مليون خيري
مصريه: وانتي فاكرة لما تجيبي العيش مش هاتصحي بدري؟؟ ده انتي اول واحده هاتصحي
انيد: الي مايعرفش يقول عدس، دي هاتصحي علي راحتها و تروح تبلطج علي الناس في الطابور و تيجي بالعيش
دولفين: انا شفت عمارة علي اول الحارة بتتبني، ممكن الخناشير تروح تشتغل فيها
سمارت: نشيل طوب و زلط ؟؟ لالالالالالالا انا مش مستغني عن صحتي انا لسه مادخلتش دنيا
اوسكا:الظاهر ان مافيش حل تاني ، بس العسلات كمان لازم تلاقي شغل، احنا مش هايطلع عينا و انتو متستتين في البيت
جاتي: ياباااااااي علي الحقد، عموما ماتقلقش، في كوافير كانت فري دخلت سألت علي الباديكير و المانيكير فيه، ممكن نشتغل فيه
فري: ايه ؟ انا اشتغل في كوافير!! سيتامبوسيبل
انيد: انتو بتتعوجو علي ايييييييه. . :QQ: . كل واحد يلاقي سبوبه يتلهي فيها خلونا ناكل عيش، ده ايه الامارة الي انتو فيها دي~~~ ، خلاص كلكو عايزين تبقو سفرا ووزاراء
سمارت: لا انا عايز ابقي وكيل نيابه
زوهيري: وانا كان نفسي ابقي ملحن كبير
انيد: وانت يا اتش كنت عايز تبقي ايه ؟ ما احنا في برنامج اطلب اتمني، ماحدش كمان عايز يقول اهداءات

يجلس الجميع على الارض فى يأس..فى هذه الاثناء..يظهر العفريت
العفريت فوق النمليه فى شماته: بونجووووووووووووووووور
هشام: اهلا يا وش السعد خير
العفريت : ايه المقابله الوحشه دى :l2a:
دولفين فى نفاذ صبر: يا عم خلّص انت حاتصاحبنا
العفريت : طيب طيب..يالا قوموا معايا
أنيد: على فين
العفريت : عايزكم فى مصلحه
الجميع فى صوت واحد : مصلحه !!
العفريت : اه طالما انتوا مش عارفين تشتغلوا..اشغلكم انا ..الايد البطّاله

لارنو: الحمد الله يا رب العفريت حيجيب لكل واحد شغل يحبه
سمارت: المهم عايزين LAP TOPs أنت عارف معظم شغلنا محتاجه ...
الجميع : فعلا
فريده : و يا ريت عربيات الاتوبيس كان سوفاااااااااااااااااج اخر مره

جاتى: عفرت بليز عايزه ااقبض باليورو ..الفلوس الصرى قليله موت
العفريت فى ثوره : حيلك حيلك منك لها له..لاب توبس ايه و عربيات ايه ....هو انا حأشغلكم فى الامم المتحده ..انتوا حيا الله حتشتغلوا بالايجار ليله و لا ليلتين فى مولد قريب منكم هنا ...تشغلوا مراجيح و مسرح عرايس تبيعوا حب العزيز كده يعنى ...قال لاب توبس قال
يشهق الاعضاء: مــــــــــــــــــــــــــــــولــــــــــــــد
العفريت : أيون ..ثم يلقى لفافه قائلا: خدوا البسوا الهدوم دى حأعدى عليكم باليل ..مش ممكن حتروحوا المولد باللبس السوفاج ده
أنيد هامسه : يعنى حنّروح الاوبرا ..روح جتك خيبه

فى المساء
يجلس الجميع بملابس مزركشه ..فى تأفف
أوسكا خارجا من غرفه جانبيه
لارنو تهم بالتعليق على هيئته
أوسكا :انا مش طايق نفسى ..لو نقطقتى بكلمه ....حأخلى وشك قفا
تبتلع لارنو كلماتها
العفريت: بونسوااااااااااااااااااار..ازيكم يا ولاد..جاهزين
الجميع فى عدم حماس : جاهزين
العفريت : انت ياللى هناك انت
سمارت : انا !!
العفريت : اه ..انت حتمسك مسرح المنوعات
يهم سمارت بأن يعترض
العفريت : اسكت ..متقاطعنيش
و انت و يشير لهشام : فيه عريبه ترمس حتسرح بيها
و انتى
فريده :ouiiii
عربيه الطراطير ..تلزمك ..لما اشوف..يا رب توزعيهم عالعيال زى الفول ..ما هو استهبال :QQ:
فريده: كانوا جعانين يا حرام
و قبل ان تستطرد
العفريت: بس بس هو قعّر مجلس ...خلصّنا
أوسكا: ما تخّلصنا ..نروح هناك و كل واحد توديه مكانه ..هى كيميا
العفريت: طيب..يالا توكلنا على الله

ينتقل بهم العفريت لمولد صاخب

كل ما ادخل القى اسم انيد
احط ايدي على قلبي واقول استر ياللى بتستر

عماله تخترع لنا افكارتبهدل فينا

الحق عليا يا اوسكا انى بأفسحكم

هي المرمطة دي تبقى فسحة

حسبي الله ونعم الوكيل

هى وصلت لكده يا أوسكا ..بتحسبن عليّا
خلاص متزعلش ..قول عايز تروح فين و انا اوديك..انا مش قد دعوه المظلوم

بورت مارينا

طيب ما تكلم عمّك العفريت ..يظبّطك
مستنينك تنتشلنا من الفقر يا اوسكا ..ربنا يخليك

على فكره المولد ده فكره جاتى

ماهو كل ما انام واحلم في مخرج
تاني يوم الاقيكو وقعتونا في مطب اصعب من اللى قبله
ارجع ادخل انام تاني علشان اشوف مخرج
الاقيكوا غيرتوا السيناريو
فلقيتها فرصة حلوه
انا انام وانتوا تلخبطوا الدنيا

أيوة يا أوسكا وكل ما اقول هانت حرجعهم القصر
ميرجعوش

العفريت ده قاري عليهم حاجة علشان ميرجعوش القصر

معندكش حد يفك العمل ويودينا بورتو مارينا نعوض البؤس اللي شوفنا ده؟

لأ خلاص..حأستناكم ..طالما ملخبطالكم الدنيا

شوفتي البنات مرمطونا ازاي يا مصرية

بيجربوا فينا قبل الجواز