القصــــــــــــــــــــــــــــــر

سيسامي: طيب إيه رأيك يا مشاعر لو تاخديهم كلهم؟
مشاعر: بجد يا سيسامي مكنتش أعرف إنكوا بتحبوني أوي كده، إنتوا أحلى ناس عرفتهم في حياتي مرسي مرسي أوي

NTL تنظر لسيسامي ويضجون من الضحك.
على عينه: بس نشوف طعمها وبعدين نقرر.

مصرية: أنا دوقتها يا أستاذنا وحلوة جدا بس نفسي جزعت، معندناش حاجة حادقة؟
أوسكا: يارب الرحمة الرحمة

يقطف سمارت الثمار ويرميها لأدهم من أعلى الشجرة حتى اكتفى الجمع.

فريدة: نحط الأكل ده هنا ونروح نشوف حاجات نحضر مكان للنوم قبل ما الدنيا تضلم.
جاتي: أنا حستنى هنا أحضر العشا مين حيقعد معايا؟
مواضيع: أنا حستنى معاكي.
لارنو: اللي يلاقي حاجة فيها لحمة تتاكل يصطادها بدل الموز والفاكهة لوحدهم كده.
أنيد: حاضر حاضر.

بعد أن جهز الأعضاء مكان للنوم من فروع الأغصان وأوراق الشجر الكبيرة استعدوا للعشاء وبينما هم يأكلون تسال فانتوماس: هو إحنا لو عايزين نقطع شجر ولا حاجة ممكن نستخدم إيه؟
منى مون: أنا بشوفهم في الأفلام بيبروا الحجارة علشان تبقى عاملة زي الفاس.
سمارت: أيوة فعلا وبعدين بيربطوها في عصايا خشب.
أنيد: بس ده حياخد وقت ومجهود كبير
هشام: ما ورناش حاجة بالعكس مهم يكون عندنا أدوات نستفيد منها.
أوسكا: وممكن نتناوب كل شوية حد يشتغل علشان المجهود ميكونش كبير.
لارنو: الحقوا يا جماعة إيه اللي بيتحرك هناك ده؟

انيد: فين فين ؟
لارنو: هناااااااك، ولا انا كان بيتهيألي ؟؟ :~€¬:
مصريه: طب شفتي ايه !!!! اتهيألك شفتي ايه ؟
لارنو: لا خلاص خلاص، اصل مش معقول
جاتي: مش معقول ليه ؟ شفتي كائن فضائي ؟
لارنو: اتريقي اتريقي، بكره لما حد منكو يختفي هاتقولو لارنو قالت :xgfd:
انيد: انطقي يا لارنو قلقتينا ، لمحتي ايييييييييييييه ؟
لارنو: حاجه شبه .... شبه..... شبه.....
اوسكا: حد يشد الكلا من بقها الي بتتهته دي ~~~
فري:بالراحه عليها يااوسكا خليها تجمع، يمكن شافت حاجه فظيعه مخلياها مش مجمعه
لارنو: اه فظيعه فظيعه لمحت قعصفور شايل ظنطوقه صغننه و بيجري بيها بسرعه اوي

انتوا بجد تحف
بجد مبسوطة اوى من السيناريو الفظيع دة
كملوا
:lol:

إيه البيع ده وإنتي فين؟

لأ يا ستي لازم تقولي حاجة إنتي كمان، لارنو تلعثمت ومفهمناش شافت إيه، تفتكري إيه؟

صح يا دولفين...مينفعش تبيعينا كده

اوسكا : قعصفور شايل ظنطوقه هو انا اخلص من واحدة تتطلعني التانية .. هم ايه ده يارب .. هو انا مش هاخلص من ذوات اللسان الملووح ده
اتش : اهدى يا اوسكا خلينا نشوف اللى ورانا
سمارت : مش لازم نقطع الخشب ممكن نحطه زي ماهو
اوسكا : عليك نور بدل المجهود الضايع في النشر نستغله في خاجة تانية
مصرية : احنا نلملكم الافرع الطرية وانتم تبدوا في العشة
فريدة : اللى يصمم البناء لازم يعمل تراس بمظلة بحب قوي اتكلم مع البحر ساعة الغروب
اوسكا : يارب حرمتني من كل حاجة حتى الحيطة اللى كنت بخبط راسي فيها مش لاقيها
انيد : هو اوسكا كده على طول متعصب
لارنو : سيبك منه ياشيخة دي عالم كئيبة تجيب الاحباط
مشاعر : بت يا NTL اسكتي مش لقيت شوية طينة ورانا هنا ممكن نعمل بيها ماسك يجنن
فانتوماس : ياشيخة قولي كلام غير ده
مشاعر : طب وحياة اللى فات حصل
منى مون : ياخوانا ابويوسف بيتصل بيا بيقولي اتأخرتي ليه .. اقوله ايه ؟
الجميع في ذهول
تليفون ...


معاكي تليفون ..

مون مون: أه معايا تليفون ..
فريده: يااااااااااه و ساكته من الصبح مش تقوللى
مون مون : عايزه ليه يا فرى ..انا سامعه ابو يوسف بس هو مش سامعنى خالص..بأحاول افهمه الموقف مش عارفه
فريده : طب هاتى احاول اكلم كريم
مون مون: خدى
و تقذف بالموبايل فى اتجاه فريده
الجميع: ياااااااااااااااااااه
و يتابعون الموبايل فى الهواء و يتعلق فى نخله عاليه كانت تستند فريده تحتها
هشام: ايه التسديده الهايله دى انا حأخدك فى فريق الباسكت حد يعمل كده
لارنو: طب و الحل.... استنوا بقى لحد ما ندور على حاجه و نطلع نجيبه .ياه القعصفور شايل ظنطوقه صغننه و بيجري بيها بسرعه اوي

هشام:برضه .... ايه قعصفور شايل ظنطوقه صغننه و بيجري بيها بسرعه اوي !!
لارنو : ظنطوقه دى الفراخ اللى ماما بتربيها ...أفتكرت البانيه بتاع مــــــــــــــــامى و تنخرط فى بكاء مرير
سمارت: يا نهار اسود" قعصفور شايل ظنطوقه صغننه و بيجري بيها بسرعه اوي " ده طلع فراخ بانيه يخرب بيت الطفاسه يا شيخه..أمال لو شايفه جاموسه ماشيه تتمخطر و لا خروف بيجرى حتعملى ايه
جاتى : انا قلت ده طبق فضائى وقع علينا ما هى ناقصه مصايب :QQ:

أوسكا : طيب خلاص احنا مش كلنا الفاكهه العجيبه اللى طرزان قصدى سمارت جابها من فوق الشجره
ينظر له سمارت شزرا :ماشى اضحك اضحك
أوسكا: يا جماعه أنا حاسس ان هدومى اتوسخت..مش حأعرف اشتغل و لا ابنى عشه و لا اجمع خشب هه
سمارت:هأو أتوسخت ..خساره مفيش مرايا انت عارف لو ربنا فك سجننا و روّحت ام كريم مش حترضى تعمل هدومك دى مساكات حلل
فريده : فعلا يا اوسكا كلنا اتبهدلنا
أنيد: خلاص يبقى كل واحد يفصّله حاجه زى سمارت كده و يغسل هدومه
مصريه: فكره هايله ..أنتشروااااااااااااااااا
و ينتشر الأعضاء كل فى اتجاه يبحث عن بديل لملابسه ..و بعد ساعه
سمارت : أيه ده أوسكا باشا فى ثوبه الجديد ايه يا عم ده ..BTM بعتلك الحته الجامده دى امتى من مجموعه الخريف صح و يستلقى فى الارض ضاحكا
أوسكا :اخـــــــــــــــــرس ..قطع لسانك عارف لو مسكتش ..
هشام و تصحيح و زوهيرى بقطه مشابهه من جلود الحيوانات
سمارت : كمّلت مفيش حد بقى احسن من حد و الله يا شباب احنا ممكن نعمل عرصض ازياء نسميه عرض فريق الجوع الكافر . و يغرق الجميع فى الضحك.
زوهيرى: اتقلوا فريق الجوع كافر بس على حريمى
سمارت: فرى ايه الشياكه دى ديور عمّلك لقطعه دى امتى
فريده تنظر له بأشمئزاز
اوسكا: يا جااااااااااتى بيموتوا التعبان قبل ما يلبسو الجلد ..فيه حد يلبس تعبان حىّ ..حكمتك يا رب
دولفين:هو فيه ايه لا تعايرنى و لا اعايرك كل واحد يخليه فى حاله اهو يوم و يتقضى لحد ما هدومنا تتغسل
حـــــلو: نيجى للكلام المهم مين حيغسل الهدووووووووووووووووم
ينظر الجميع لبعضهم البعض
على عينه : و احنا عدّمنا البنات ..ياخدوا كل الهدوم يغسلوها
العسلات فى صوت واحد: نعم
و تتوالى التعليقات بين يا رييييييييييت و مكانش يتعز و كان على عينى
أوسكا: يعنى كلام على بيع
فريده : Bien sur!
لارنو:sicher
أوسكا: خلاص كلكم ركبكم عفريت..الله يرحمك يا مارى يا منيب
أنيد: كل واحد زى الشاطر ياخد هدومه و يغسلها بلاش همّ

هشام: كده طيب ..يالا يا جماعه و لا الحوجه ليهم
و يفترش الجميع الشاطئ لغسيل الملابس
و يرن تليفون مون مون فوق النخله

بجد انتوا تفوقتوا علي نفسكم دموعي بتنزل من الضحك

همتك يا دولفي :lol:

مون: ده اكيد ابو يوسف
جاتي علشان خاطري اتنططي زي القطط بتاعتك وخليكي جدعة
هاتي الموبايل

جاتي: من عينيا يا مون
تطلع جاتي وتحدف علي مون حاجة افتكرتها الموبايل

مون بصوت يخض : الحقووووووووني شوفوا التحفة رمتلي اييييييييه

جاتي ببراءة :مالك حببتي

فريدة تصرخ مع مون : البتاعة اللي بتلعبي معاها المساكة

جاتي تبص لانيد : يعني تعبت روحي وعملت شقبظلات وفي الاخر بتزعقوا
مش جايبة حاجة هه بس

انيد : يا جاتي انتي رمتيلها سحلية بدل الموبايل
يعني هتبعت ميسد كول مع السحلية

اوسكا يبص لسمارت ويلف تيشرت كان بيعصره
احسن خليهم يولعوا في بعض
بعد مقلب الغسيل اللي دبسونا فيه
وتنتقل عدوي الفرحة لبقية الجنس الخشن
و اااااه من حواء

شخبط شخابيط لخبط لخابيط مسك الالوان و رسم علي الحيط
مون مون: الموبايل بيرن تاني
الوووو الووووو
الي علي الخط: ايوة يا كوكي، انتي فين؟؟
مون مون: النمرة غلط انا مش كوكي
الي علي الخط:يا بكاشه، ياله تعالي مامي مستنياكي علي الغدا وعاملالك باشاميل و كفته
مون مون في سرها : بشاميل و كفته ؟؟؟ يااااااه ياريتني كنت كوكي
مون مون بصوت عالي:اسمع انا مش كوكي، احنا مرميين علي جزيرة في وسط البحر، حد ينجدنا ارجووووك
الي علي الخط: يعني النمرة غلط ؟ وانتي مش كوكي ؟
مون مون: لا انا مش كوكي
الي علي الخط: ولما انتي مش كوكي بتردي لييييييييييه، ~~~ اتفضلي حوليلي 5 جنيه
مون مون: بس انقذونا وانا اجيبلك كارت ب 100 جنيه
الي علي الخط: قشطه يا مان، انا هاتصرف، خلي الموبايل مفتوح علشان نعرف نحدد مكانكو بالظبط. اوك؟
مون مون: اوك اوك بس بسرعه ارجووووك
هيييييييييييييييه خلاص هانت، كلها ساعات و تنتهي كل المشاكل
جاتي: يارب يا مون مون يا رب
انيد: انا حاسه ان الشخص ده عبيط و مش راكز، ماظنش هايعمل حاجه
اوسكا: اموت انا في التفاؤل ده
NTL: خلاص هي مسأله وقت
بدأ كل واحد يتخيل انه رجع البيت وفرحه غامرة تملا المكان :#~€:
تنطيط و ظأططه وناس تصفر وفري تغني بيت العز يا بيتنا علي بابك عنبتنا
وتعدي الساعات والموبايل مايرنش
هشام: مون مون، ايه الحكايه ماحدش اتصل ؟
مون مون: لا ماسمعتش الموبايل بيرن
انيد: مايمعتيهوش؟ افهم من كده انه ممكن يكون رن ؟؟؟
اوسكا: اجري شوفي حد اتصل ولا لأ
مون مون: ايه ده ؟؟ ايه ده ؟؟ الموبايل مقفول ومش بيفتح
مصريه: باظ يعني ؟؟
جاتي:باظ ايه ماكانت لسه بتتكلم فيه
سمارت: انا كنت شايفه مع لارنو ، مش كان شغال في ايدك يا لارنو
لارنو: اه كان شغال
اوسكا: وايه الي حصل يا هانم ؟
لارنو: انا ماعرفش، انا كنت بالعب Snake وكان شغال تمام، فجأه فضل يعمل تييت تيييت و طفي ، انا مالي بأه
هشام: Snake ؟؟؟؟
مون مون: فصل شحن ؟؟ :QQ:
لارنو: نزلوووووووووووووووووووووونييييييييييييييييييييي
اوسكا: خليها متعلقه علي الشجرة لحد ماتبتدي تشغل مخها

يرن فوق النخلة العالية يرن تلفون مووون الملقبة بام يوسف




تيرارا تيراراارارا
تيرارا تيراراارارا
...............
تيرارا تيراراارارا
تيرارا تيراراارارا
تيرارا تيراراارارا
هشام: دلوقتي نغمل ايه ناخد ازاي الهباب الفوق هنا
جاتي: لو كان معانا طرزان او تشيتا

الكل يبص على سمارت

سمارت: ~~~ اشمعنى انا دايما لا لا و الف دلوقتي احنا دلوقتي بقينا كلنا طارزانات

مفيش حد احسن من حد كلمن بقيتو شابيهين طارزان

اوسكا: بس انت عندك خبرة في تسلق الاشجار

مشاعر : ايوة معاه حق ا

فريدة: لا ده حتى حرام مسكين سمارت نخلي الدور على حد تاني

التلفون:تيرارا تيرارااراراتيرارا تيراراارارا
تيرارا تيرارااراراتيرارا تيراراارارا
تيرارا تيرارااراراتيرارا تيراراارارا


وفجأة بدأت المطر تسقط

تتتشتتشتشتتشتششششش



التلفون:تيريايريايررارغريغرغغرررررررررررررررر تششتفففففففففففففففففففففففففففففففباك

موووووون: تلفونييييييييييييييييييييييييييييييييييي ابو يووووووووووووووسف انغمرت في البكاء و بقى المطر + بكائها

الزوهيري: يلل بسرعة نختبئ في الكهف قبل ما ناخد انفلونزا

اوسكسان: هو اخنا ناقصين

مصرية بتبطب على موون: معلش ياختي متاخديش في بالك بكرة نلقى حل للمشكلة دلوقيتي يللا بينا نختبئ من المطرة
مووون: وااااااااااااااااااااااااااع تلفوووووووووني ابو يوسف


مصرية : مشاعر, انيد, لارنو تعالو حرو معايا الست دي مش عايزة تتحرك عاملالنا فيضان بعياطها

الكل : هيييييييييييلاهوب هيييييييلاهوب

لاربنو: هي اكلت كام فاكهة اصلها باسم الله ما شاء الله

انيد: انكتمي يا بنت و جري
ظهري اتعوجت


و اخيرا وصلو بموون للكهف و هي لسة بتعيط

حرام عليكم
بقى انا ما صدقت لقيت فكرة التليفون في القصة بعد الورطة اللى ورطوهالنا في الجزيرة المنيلة
وفي الآخر تفضوا البطارية

نكمل القصة ازاي دلوقتي



حسبي الله ونعم الوكيل فيكوا يا هسلات

هما دايما كدة يا أوسكا يا خويا ..
لما بيدخلوا أى موضوع .. بيبوظوه ..

خللى بالكم احنا فى مكان مقطوع و مفيهوش سراير تستخبوا تحتيها...كل واحد يرّكز قبل ما يتكلم

يصل الجميع للكهف وتبدأ مون في الإفاقة، ما أن تستفيق تمام حتى تبدا في الصراخ والبكاء: موبايليييييييييييييييييييي أبو يوسف حنعمل إيه دلوقتييييييييييييي

جاتي: خلاص يا مون متعيطيش أنا جبتهولك أهه
تختطفه منى مون بلهفة من جاتي: مرسي يا جاتي يا حبيبتي ربنا يخليكي
أنيد: بس ده زمانه باظ
لارنو: ده عليه جراب ممكن يكون ملحقش يبوظ
أوسكا: كده ولا كده البطارية خلصت خلاص
مصرية: سمعت إن الموبايلات بيكون فيها بطارية احتياطي ولو الشحن خلص ممكن نكتب كود يشتغل بالبطارية الاحتياطي بيبقى كإنه نص شحن.
سمارت: والكود إيه؟
مصرية: مش فاكرة محدش منكوا يعرفه؟

ياجماعه انتو عايزين تمشو من الجزيرة ليه ؟؟؟
انا عاجبني الجو عليها ومش ناويه اخرجكو منها بصراحه :#~€:
هافضل اعمل في مصايب و بلاوي كده علشان ماحدش يمشي
يالا غنو معايا
ياليييل طول شويه علي الصحبه الحلوة ديه

و الشتا لسة بتهطل و الرعد و البرق
[/center]
[/center]

انا مش لاحقة اقرا ومش لاحقة اكتب كماله
بس وراكم وراكم والزمن طويل

وبينما يصعد سمارت ويتسلق الشجرة لينزل الثمار العجيبة ..
تقول مشاعر بصوت عالى وبابتسامة بريئة :
- "والله يا جماعة أنا مبسوطة خالص مالص بصحبتكم وحاسة انى وسط اخواتى وحبايبى وحاسة باطمئنان وإنى مش محتاجة حاجة خالص مالص وانى سعيدة جدا انى عرفتكم واتصاحبت عليكم يا احلى صحبة واحلى اخوة .. ممكن آكل انا الأول؟"
ينظر إليها أوسكا وهو يساعد سمارت فى التسلق .. بغيظ .. فيشد يده هشام ليصمت .. ويتوجه بالكلام لمشاعر ..
- "حاضر يا مشاعر .. أول ما تنزل الثمار ونطمن إنها حلوة وتنفع .. ح نخليكى تاكلى الأول" ..
ترد مشاعر ..
- "ربنا يخليكم ليا يا جماعة يا أحلى صحبة يا أحلى اخوة .. انا بجد بجد والله .. مبسوطة بصحبتكم واخوتكم .. وحاسة انى فرحانة انى وسطيكم .. ممكن تكون ثمرة كبيرة؟"

متابعاكم وميتة من الضحك


وبحاول اشارك بس مش ملاحقة عليكم

وحياتكم يا بنات عايزاكم ضمن السيناريو
تخدوا بتارى
تطلعوا سمارت اعلى شجرة
وبعدين تقطعوها من جدرها وهو متشعلق فوق
وكمان نسيبة مع التعبان والاسد يلعبوا معاة شوية

بناء على طلب الساده اللى مش ملاحقين ..حنستناكوااااااااااااااااااااااا
يالا ورّونا همتكم

ايه هو قلمكم نشف و الا ايه

gatita .... ME PARTOOOOOOOO :lol:

إنتوا جامدين جداً جداً جداً جداً جداً جداً جداً جداً جداً

كل المواهب دى متجمعة فى مكان واحد إزاى؟؟ كده مفيش عدالة فى التوزيع :lol:

بصراحة برفع القبعة لنفر نفر جمعاااااااء

وخصوصا لنون النسوة بالعند في ميم المذكر

مع هطول المطر .. تنسحب فريدة فى هدوء تجاه الكهف خوفاً على شعرها من البلل، ويلمحها هشام من بعيد، فيستأذن أوسكاسان الذى كان بجواره ليتبعها:
ـ بالإذن شوية يا أوسكا
ـ رايح فين يا اتش؟ نطيت كده ليه؟ فيه إيه؟
ـ بعدين بعدين يا أوسكا، شوية وراجعلك
يقولها دون أن ينظر له، ويعلق بصره على فريدة كى لا تتوه منه .. تدخل هى إلى الكهف، ويتبعها هو حتى بابه فقط، حيث يقف عنده مختبئاً يراقبها ..

تدخل فريدة بهدوء، ترى العملاق كاباكا ممداً على الأرض، مستغرقاً فى نومه وصوت شخيره يهز أركان الكهف. تقترب منه أكثر، ومع صوت كل زفير منه، "تتخض هى" فتقف مكانها حتى يتلاشى الصوت، ثم تتقدم أكثر وتقف وتتقدم وتقف وهكذا .. حتى صارت على بعد مترين أو ثلاثة منه فقط .. وفجأة .. وهى فى موقفها هذا، يتثاءب كاباكا، أو هكذا بدا .. فهو لم يكن يتثاءب فعلاً، بل كانت طريقته لينقض عليها ويقبض عليها بيد واحدة .. ثم يضحك ضحكة مدوية بصوته الرنان.

انتفض هشام حينئذ هلعاً عليها، وهم بالتدخل ولفت نظر كاباكا لوجوده لتشتيته لتتمكن هى من الهرب .. لكنه توقف عندما وجدها تنظر لكاباكا وهى معلقة فى يده، وتبتسم له وتقوله:
ـ هاى يا كاباكا إزيك .. إنت كويس!
ميرسى خالص بجد مش عارفة أشكرك إزاى إنك شايلينى علشان ما أتعبش وأنا واقفة بأكلمك بجد ترى جانتى إنت
عارف يا كاباكا أنا بأحب جداً الناس الشيك فى معاملاتهم اللى زيك بتفكرنى بالزمن الجميل وبأفلام الأبيض وأسود بتاعة روتانا بتشوفها؟؟ رقيقة خالص، حتحبها لو شفتها

كاباكا الذى كان قد جلس وبدأ فى تلويك فمه وبلع ريقه إستعداداً لإلتهامها .. رفع حاجبه الأيسر لأعلى وهو ينظر إليها فى علامة واضحة على عدم إستيعابه لكلامها، ولسان حاله يقول لنفسه:
"الولية دى مالها؟؟"

يهم كاباكا لإبتلاعها، فيرفع يده قريبة من فمه، ويأخد هشام طوبة من على الأرض ليقذفها عليه ويشتته .. فإذا بفريدة تستطرد مع كاباكا:
ياى يا كاباكا .. بجد رائع صدقنى طول عمرى بأخاف من الأماكن المرتفعة، بأحس بداور .. أصل وأنا صغيرة كنت بألعب مع واحدة صاحبتى بالبالونة، والبالونة طارت لفوق .. لفوق .. لفووووق .. لفووووووق خالص، لحد ما طلعت فوق سطوح البيت اللى جنبنا، فشبكت فى إيريال تليفزيون متعلق فوقه .. وفرقعت ووقعت يدوب حتة جلدة صغيرة خالص ومن يومها بأحلم بيها، وبأخاف من الإرتفاعات .. بأحس دايماً إن أنا بالونة وحأفرقع وأقع زى الله يرحمها البالونة بتاعتى ولما حكيت لمامى ساعتها على الحادثة، وعلى الكوابيس اللى بأشوفها من يومها، قالتلى ما تخافيش فرفر يا بنتى .. إنت مش بالونة، إنت حاجة تانية، فأكيد مش حتتشبكى فى أى إيريال .. ما تقلقيش فبطلت أخاف، بس لسه بأحس بالدوار لكن معاك وفى إيدك .. سبحان الله مش خايفة، بالعكس مبسوطة جداً .. ميرسى بجد

كاباكا يرفع حاجبيه الإثنين هذه المرة وتحول عينيه بحيث تلاقت مقلتيهما عند أنفه، ويبدأ فى هرش أذنه ورأسه وأنفه، فى علامة أكيدة على حالة الذهول التى سيطرت عليه فى تلك اللحظات

أما هشام .. فألقى الطوبة على الأرض، وابتسم، وجلس على الأرض يدخن سيجارة، وأغمض عينيه ليستمع لباقى الحديث حتى ينام، فهو يعلم أنها لن تترك كاباكا المسكين قريباً، وهى فرصته الذهبية لينعم بساعات من النوم العميق أخيراً

أكملت فريدة حديثها الشيق جداً من طرف واحد مع كاباكا حتى راح هشام فى النوم فعلاً .. ولا يدرى كم ساعة نامها .. لكنه قام يتمطع ويبتسم أخيراً .. وينظر حوله، فيتذكر لماذا هو هنا، فيأخذه الإهتمام من جديد، وينظر سريعاً لداخل الكهف، ليجد كاباكا ممداً على الأرض يبكى، ثم يقوم ليركع أمام فريدة متوسلاً أن تكف، ثم يعود ليرتمى على الأرض ويرفص بيديه وقدميه .. ويبكى .. ويصرخ .. ويقوم من جديد ليركع أمامها .. وهكذا ..
أما هى .. فكانت جالسة على الأرض وإبتسامتها الرقيقة الجذابة ما زالت مرتسمة على وجهها الجميل تنظر لكاباكا، لكن يبدو أنها لا تراه ولا تسمع توسلاته، فكانت مستمرة فى حديثها الناعم المفحم بالشجن

كان هشام محظوظاً لإستيقاظه فى هذه اللحظة كى لا تفوته .. كانت هى اللحظة التى قرر فيها كاباكا .. وكحل لمأساته .. الإنتحار

قام كاباكا، وسار حتى آخر الكهف، وعزم على الجرى بأقصى سرعة نحو الخارج ليطير فى الهواء ويسقط منه إلى الرفيق الأعلى ودون عودة، وبدأ فى الجرى فعلاً .. وهى مازالت تحدثه لكن هشام رق قلبه للعملاق المسكين، فوقف أمامه وهو يجرى، فتعثرت قدمي كاباكا فى جسمه، ووقع على الأرض قبل أن يصل إلى الخارج، وأحدث صوت سقوطه دوياً هائلاً، كانت نتيجته أن توقفت فريدة عن حديثها، وأتت لكاباكا الملقى على الأرض شبه مغمى عليه .. فنظرت إليه بإبتسامة تخطف القلوب وقالت له:
ـ كاباكا، إنت هنا من إمتى؟؟ وحشتنى جداً .. فاكرنى؟؟

ينظر إليها كاباكا وهى ملقى صريعاً .. ثم ينظر لهشام ويقول بصوت ضعيف يحرك الضمائر كلها:
ـ هشام، لو مش عاوزنى أنتحر تانى، قول لها ما تحكليش حواديت تانى، وفى المقابل، حأعيش خدام تحت رجليكم كلكم، حأعمل كل اللى تطلبوه منى، بس بلاش حواديتها الله يسترك .. بلاش .. بلاش
وينهمر فى البكاء

تتاثر فريدة لحال كاباكا متخيلة ان هشام السبب لبكاءه

فريدة: قوم يا كاباكا ولا يهمك من هشام

فريدة :استني يا كاباكا هندهلك جاتي تلعبك بالسحالي بتوعها
قول شيييز يلا :)

جاتي تسمع اسمها تيجي جري وتطلب منها فريدة تستلم كاباكا لغاية ما تروح تنده علي مصرية ولارنو
وانيد ومواضيع ,فانتو ومشاعر وقمر ومون ومني , وسيسامي و NTL
يتفرجوا عليه ويعرفوا ازاي هو مستانس خالص مالص

اسكاسان مش قادر يصدق وهو بيراقب الموقف وبيمسح دمعة نزلت
في كم سمارت متاثر لحالة كاباكا