المجزرة الجديدة

فى احد الكوارث الانسانية الجديدة التى لم نشاهدها منذ حرب 67 الا الان

قامت قوات احتلال الصهيونى من صباح امس الموافق 27/12/2008 بقصف غزة قصف عشوائى اطلقت عليه اسم الرصاص المصهوب

بطائرات إف 16 اطلقت اكثر من 30 صاروخ عشوائيا على اماكن متفرقة وقت خروج الطلاب من المدارس الامر الذى ادى الى مقتل اكثر من 200 شهيد وجرح اكثر من 400 .

إمتلئت شوارع غزة بالجثث والضحايا والمصابين كان المنظر ابشع مايتصوره البعض اليسو الملقون فى الارض بلحم حى كانوا كالدجاج المصهور

كانما اصاب وباء دجاج او طيور او حيوانات وتم اعدامها فى الطرقات .

ماذا تفعل الام المسكينة وهيا تحاول ان تبحث عن طفلها وسط القتلى والجرحى ماذا يفعل الشيخ المسكيم وهو يحاول ان يرى ابنه او بنته ولو مره اخيره بين جثث الضحايا ؟

ويقول الحيوان رئيس وزرائهم والماشية التابعون له انها بدايه فقط واننا اتخذنا السلام قبل وحان وقت القتال .
وتقول الفاتنة رايس التى سوف نفتقدها بعد بضعة ايام ولن نراها عسى الكل الا يراها مجددا ان حماس هيا المسؤلة عن كل هذا .

اين مجلس الامن وحقوق الانسان والامم المتحدة كلها مجالس لاتعدوا ان تكون مجرد منظمات وهمية ليضحك بها الغرب واليهود والامريكان على الشرق الاوسط ويصطنعوا القرارت ضدد العرب فلا تقدر منهم اى منظمة ان تمنع اى قوة عظمى عن مخططها او اى حليف لامريكا عن فعل مايحلو له خصوصا فى الشرق الاوسط .

واصدرت حكومتنا المبجلة ادانة لما حدث واستقبلت السفير الاسرائيلى وابلغته برفض مصر لما حدث وادانتها ..
ماذا تفعل الادانة والرفض وكل هذه الامور بعد وقوع الكارثة ؟

انا من اول المقتنعين ان مايحدث فى فلسطين السبب الرئيسى فيه هم الفلسطنيون انفسهم وان هناك ايادى خفيه تستفيد من هذا الاحتلال والقصف . ولكن ماذنب الامهات والاطفال الرضع وكل الضحايا الابرياء العزل ؟؟؟؟


ومازالت كل الحكام العرب والشرق الاوسط فى سبات عميق ولن يفيقوا ابدا .



ومن المعلوم ان اسرائيل فى السنوات الاخيره فى حركات خفيه وسرية بدات مجدا فى تطبيق وتوسيع مفهوم اسرائيل الكبرى من النيل للفرات الذى اعتقد البعض انه انتهى ولكن الان زادت المساحة واصبحت تضم بلدان فى اسيا وغيرها ......

انا من اول المقتنعين ان مايحدث فى فلسطين السبب الرئيسى فيه هم الفلسطنيون انفسهم وان هناك ايادى خفيه تستفيد من هذا الاحتلال والقصف . ولكن ماذنب الامهات والاطفال الرضع وكل الضحايا الابرياء العزل ؟؟؟؟

لو أن هناك جيش نظامى يحارب اسرائيل ..
لما كان هناك ضحايا أبرياء ..

ولكن لأن قادة وحكام حماس الأجلاء ..
يستخدمون المواطنين الأبرياء كدروع بشرية ..
ويهددون أمن اسرائيل بوابل من الصواريخ من حين لآخر ..
يطلقونها على الأبرياء من الشعب الاسرائيلي ايضاً ..
فإنه لا مناص من الضرب العشوائى ..

فاللوم بالطبع يقع على قادة حماس الذين يعرضون شعبهم للهلاك ..
باستفزازهم للعدو بإطلاقهم 60 صاروخ عشية التفاوض بين مصر واسرائيل لتمديد الهدنة ..

إحنا دلوقتي مش في وقت نشوف مين اللي غلطان الهرم بيقول 200 شهيد وصلوا دلوقتي حالا ل 284 شهيد وحالة إبادة كاملة وقصف مستودع أدوية والبلد بقت كوم تراب، مش وقت مين اللي غلطان دلوقتي حماس ولا مصر ولا مين المهم حنعمل إيه؟

وقفات احتجاجية في لبنان والأردن أمام السفارات المصرية ده غير وقفات سوريا وإيران الفترة القريبة اللي فاتت. من ناحية مصر فتحت معبر رفح لعبور الجرحى المصابين والبيوت في رفح أصابتها التصدعات ومجلس الشعب منقم والمعارضة بتحمل الحكومة مسئولية اللي حصل واجتماع للهيئات الإغاثية اليوم ووقفتان احتجاجيتان لـ «الأطباء» و«المحامين الناصريين». الخبر اللي لسة شايفاه في قناة الجزيرة هو وقف تصدير الغاز المصري لإسرائيل نتيجة للقصف.

طيب وبعدين هو مفيش غير مصر وبس لأ فيه دول تانية كتير فين إيران فين حزب الله فين السعودية فين الكويت فين الإمارات فين الضغوط الاقتصادية على أمريكا وإسرايل لوقف القصف.

مصر حتساعد أكيد مقدمهاش حل تاني أرادت أو لم ترد لإن مينفعش ولو إنسانيا إنها تساعد بس مينفعش لوحدها لازم يكون فيه إجتماع على المساعدة.

لازم باقي الدول تتحرك حرام نسيب أهلنا يموتوا ونقول هم اللي غلطانين ويستاهلوا مينفعش.

أنا حاسة بالشلل مش عارفة الواحد ممكن يعمل إيه حاسة بالعجز مش لاقية غير الانضمام للصيام الجماعي غدا من أجل غزة وربنا يفرجها من عنده.

مش وقت مين اللي غلطان دلوقتي حماس ولا مصر ولا مين المهم حنعمل إيه؟

العمل الوحيد إن حماس تنهى تهديدها لاسرائيل ..
وتسلم غزة لقيادة السلطة الفلسطينية ..
وأن تكف عن أن تكون جسراً للتهديد الإيرانى لدول المنطقة ..
حتى تنتهى الحرب ويعيش أهلها فى سلام ..

طيب وبعدين هو مفيش غير مصر وبس لأ فيه دول تانية كتير فين إيران فين حزب الله فين السعودية فين الكويت فين الإمارات فين الضغوط الاقتصادية على أمريكا وإسرايل لوقف القصف.

مصر حتساعد أكيد مقدمهاش حل تاني أرادت أو لم ترد لإن مينفعش ولو إنسانيا إنها تساعد بس مينفعش لوحدها لازم يكون فيه إجتماع على المساعدة.

أعتذر عن الفقرة دي.

بعد متابعة الأخبار أظن إن مصر حتى لو عملت مش حتعمل حاجة تستاهل حد يفخر بها.

مصر وصل شكلها لحالة سيئة جدا خصوصا بعد اجتماع السفير الإسرائيلي مع بطرس غالي رئيس هسئة حقوق الإنسان في مصر وبعد لقاء وزيرالخارجية المصري ونظيرته الإسرائيلية في هذا التوقيت.

تفتكروا ممكن المظاهرات اللي مالية الشوارع في مصر وأمام السفارات المصرية في الدول العربية تعمل حاجة؟ شخصيا مظنش حتعمل حاجة غير إنها تخلي شكل مصر من سئ لأسوأ.

وتسلم غزة لقيادة السلطة الفلسطينية ..

اسلطة الفلسطينية متعاطفة مع عزة والمسيرات تسير حاملة أعلام الجهتين جنبا إلى جنب لأن اللي بيموتوا دول أهلهم مهما كانت الخلافات.
هم بيختلفوا مع بعض وبيموتوا بعض مال أي حد بقى ومالهم. لكن لما يتم حصار جزء منهم ويتضرب بالوحشية دي يبقى وقتها محدش له دعوة بيهم.

مش ده اللي بنقوله جوة العيلة الواحدة مش حقول شعوب لما بتتخانق مع أخوك وتقاطعه، وبعدين تسمع إن حد داس له على طرف مش حتقف جنبه علشان ياخد حقه؟ ولا حتسيبه وتقول هو أصله زعلني وأنا مخاصمه؟

وأن تكف عن أن تكون جسراً للتهديد الإيرانى لدول المنطقة ..

تفتكر يا سمارت لو كانت جسر للتهديد الإيراني كانت اتضربت من إسرائيل دون تدخل أو سماع أصداء من جانب إيران؟

شخصيا مسمعتش حاجة عن تصريحات من إيران في الموضوع ده من أول ما ابتدا الضرب امبارح.

بشجب المجازر الاسرائيلية علي الشعب الفلسطيني

وبشجب عدوان الهجوم علي مصر مش عارفة عايزين يموتوا مصر ليه
عايزين يقضوا عليها ليه
في مكالمات تليفونية مع سيسامي ومصرية للاسف اختلفت فكريا معاهم
مش مقتنعة باي هجوم علي مصر
لو سمعتوا مسئول من حماس وهو بيهاجم مصر بجد هتحزنوا

فين قطر فين سوريا فين ايران فين حزب الله فين كل من يهاجم مصر
فين دورهم هم شاطرين بس في المظاهرات فين الفعل

اسفة مش متحملة كلمة تهاجم مصر
اعذروني هختلف معاكم االي ما لانهاية مش عايزة بلدي تدخل حرب
وده اللي عايزينه الدول الاخري ..يدخلوا هم حرب لو عايزين
انا ضد اي عدوان انساني علي ارواح ملهاش ذنب
لكن اي كلمة تمس مصر مش هقدر اسكت
مش فاهمة مفيش غير مصر تفضل عمرها تلام مهما عملت
هم مش فاهمين ان مصر روح العرب لو ادمرت هم هيدمروا

ليكي ربنا يا مصر يدافع عنك
وليتولي الله مساندة الشعب الفلسطيني
وقلبي معاكي يا مواضيع

ياسمارت خليك واقعى شوى

انا مش مع حماس ولا مع فتح انا ضدد اسرائيل فى اى شئ واى وقت

جبهة المقاومة الاسلامية حماس وفتح بجد الاتنين فضحوا نفسهم وهما سبب كل الى بيحصل

ابو مازن عايز ايه من السلطة هو لازم يبقى الرئيس والى تحته تبعه مش فاهم وهنيه عايز ايه مالسلطة معاها والناس عايزينه بياكلوا فى بعض ليه الاتنين بياكلو فى بعض وخلو اسرائيل تعرف تصطادهم بسهولة .

انا بلوم على حماس طبعا الصواريخ الى اطلقتها الفترة الى فاتت بس معلش بقى

هيا اسرائيل فى الهدنة الى بيقولوا عليها دى فى يوم واحد ممتش فيها شهد فلسطنين .؟؟
فى يوم واحد مره مقتلوش او مخربوش فى غزة او فى غيرها ؟ الحصار ده كان اسمه مش ده انتهاك وتعذيب ولا ده لعب عيال ؟

هتجيب الغلط على حماس وهتسيب الناس الى عماله تقتل فيهم من سنين ؟
انا بلوم على حماس الصواريخ الى لا بتقتل ولا بتعمل حاجة بتضرب وتعمل دوشة وخلاص لا بتصيب ولا اى شئ . الناس عماله تتقتل بقالها سنين واحنا بنيجى عليهم ونغلطهم كمان ؟ وبعدين ياناس ياعاقلة هيا اسرئيل مستنيه صواريخ حماس علشان تدخل تعمل الى بتعمله ولا هيا اول مره تعمله ؟ بلاش نضحك على نفسنا بقى ونمشى ورا الاعلام الغربى الى ودانا فى داهيه . بلاش ياسمارت الراى الامريكى الى طلعولنا بيه محدش فيهم قال كلمة على اسرائيل يقولك احقيتها فى الدفاع دفاع ايه مش فاهم .

يافريدا مصر مش هتدخل حرب مهما كانت الظروف تحت القيادة الحالية وحتى لو انربنا صاروخ اونطا كده هيقولك بالخطا كالعاده يعنى مش جديد المهم متقلقيش مفيش حرب مصر هتدخلها حاليا لكن مؤكد بعدين امتى الله اعلم .

لعلمك ان اسرائيل دالوقتى كل تفكيرها بالنسبة لمصر النيل الميه وده الى بتشتغل عليه فى سرية تامة فى دول افريقيا لو حد واخد باله . وواحده واحده علشان تدبس مصر فى حرب .
بس عموما لو العرب متحدوش ومش مصر لوحدها اه مصر اكبر دوله فى المنطق وصاحبة الريادة بس مفيش امكانيات فى الدول الى عنده االامكانيات فين بتعمل ايه بتمص قصب على الترعة باين
لو كل واحد اتحمل مسؤلية مش هنوصل للوضع الى احنا فيه حرام عليهم تعبببببنا

الفصل الجديد من قصة المأساة العربية، يبدأ من معاهدة الإستسلام الساداتية الصهيونية فى 1979

كل المغفلين والعميان والجهلاء والأغبياء وقصار النظر وأصحاب المصالح الخاصة على أنواعهم (ولا أعتذر عن الأوصاف لأنها أوصاف وليست شتائم) .. كلهم على قلة عددهم نسبة وتناسب إلى غيرهم ممن وعوا وفهموا أبعاد تلك المعاهدة فى حينها وبعدها وإلى الآن، لا يتركون فرصة، إلا ويرددون فيها أن السادات كان عنده بعد نظر، وأن العرب أخطأوا حين رفضوا ارتكاب نفس خيبته ومصيبته التى جرت وراءها كل الكوارث التى نعيشها من وقتها وإلى الآن ..

لا يرى هؤلاء .. أو يروا ويتعامون، أن مسلسل الهزائم والتفكك العربى على حد سواء قد بدأ منذ لحظة زيارته للكنيست الصهيونى، وقبل حتى أن يوقع على المعاهدة. لا يرى هؤلاء .. أو يروا ويتعامون، أن مجرد الإعتراف بالكيان الصهيونى كدولة، فيه قضاء بالضربة القاضية على حق أشقاءنا الفلسطينيين فى العودة لبلادهم ولديارهم، ولا يرون أو يتعامون، على حقيقة أن القبول بهذا الكيان الإجرامى على جزء من أرضنا العربية، هو مصيبة ليس بعدها مصيبة على الأمن القومى المصرى خاصةً والعربى عامةً . لا يرون أو يتعامون على واقع أن تحييد مصر تماماً عن أى نزاع عربى صهيونى، كان السبب الوحيد وراء ضرب المفاعل العراقى أولاً، وإجتياح لبنان ثانياً، وقصف ليبيا ثالثاً، وضرب تونس رابعاً، والخلاف الحدودى السعودى اليمنى خامساً، والحرب بين المغرب والجزائر سادساً، وإحتلال إيران لجزيرة حنيش الإماراتية سابعاً، وبجاحة إرتريا التى انشقت عن مؤازرتها للمواقف العربية مع اليمن، وفرض الحصارات الإقتصادية المتتالية على الأقطار العربية من ليبيا للعراق للسودان للصومال لسوريا، وتهديدات الإنقسام المتتابعة فى السودان .. وغيره وغيره من الأحداث التى نتجت كرد فعل مباشر لتحييد مصر وعزلها عن مجتمعها الطبيعى والفطرى .. أى العربى.

لا يرى هؤلاء .. أو يروا ويتعامون؛ أن الصلف الصهيونى والمذابح المتتالية للشعب الفلسطينى، لم تبدأ بهذه الشراسة التى نشهدها منذ بداية الثمانينات وإلى اليوم، إلا بعد الإطمئنان لعزل مصر تماماً، ولوقوفها موقف المتفرج الذى يكتفى بدور الحزن والشجب والإعتراضات الدبلوماسية الخجولة.

ينسى هؤلاء، أو يتناسون .. وهم من يبكون على مصر ومركزها وقيمتها وريادتها، ويعبرون فى كل مناسبة عن مدى حبهم وعشقهم لها، أن مصر هى مصر، وأن قيمتها التى من أجلها وبسببها يعشقونها، لم تأت أبداً إلا بفضل مواقفها الشريفة الشجاعة الشهمة ... وأنها حينما تتنازل عن تلك المواقف، فهى تتنازل بدورها عن أسباب عزتها وكرامتها هى نفسها، وبالتالى عن مكانتها .. فتتحول إلى دويلة هامشية ممن يهملهم التاريخ مثلها مثل غيرها.

لا يفهم هؤلاء .. أو يفهمون ويتظاهرون بالعته؛ أن موقع مصر الجغرافى فرض عليها أن تكون دولة أساسية من دول المواجهة والصراع المباشر مع هذا الكيان الإجرامى الصهيونى. وأنها بحكم قوتها البشرية والعسكرية والإقتصادية، تكون هى الوحيدة القادرة على القيام بدور الرادع لأى أعمال إجرامية صهيونية، وهو ما منعهم قبل المعاهدة من القيام بكل ما قاموا به بعدها. ولا يدرك هؤلاء أو يدركون ويتظاهرون بالسفاهة؛ أنه لا توجد دولة أخرى من دول المواجهة الثلاثة الآخرين (الأردن ولبنان وسوريا)، لديها عُشر قدرات مصر فى أى مجال كى نطالبهم بالتدخل نيابةً عن مصر أو بديلاً عنها .. فأصغر فرقة شرطة فى صعيد مصر، لديها من الإمكانات التسليحية ما يجعلها قادرة على إحتلال الأردن كله من أوله لآخره فى أقل من ساعتين .. تماماً كما فعل العراق فى الكويت سنة 1990 .. ولبنان لا يملك سوى سلاح المقاومة الشعبية وليس لديه جيش نظامى مجهز لأى معارك حقيقية، وسوريا مفروض عليها مقاطعة إقتصادية وعسكرية منذ سنوات، وتقف وحيدة محصورة بين تركيا (عدوتها اللدودة وحليفة الصهاينة) شمالاً، والكيان الصهيونى فى جنوبها الشرقى، والخونة من الأذناب فى جنوبها الغربى ـ أى فى الشمال اللبنانى، والقوات الأمريكية شرقاً فى العراق .. فعلى من يعولون إذن سوى مصر؟؟

يقول أغبى الأغبياء بفرض حسن نواياهم: وأين باقى العرب؟ ويبدو أنهم لم يروا الخريطة العربية أبداً فى حياتهم، أو رأوها وكالعادة يتغافلون عنها.
فكيف نطلب من المغرب القابعة على سواحل المحيط الأطلنطى أو من اليمن القابعة على سواحل المحيط الهندى .. مثلاً .. أن يأتوا هم ليحاربوا الصهاينة بديلاً عن مصر؟
نعم هم مستاؤن ومتحمسون للحرب وجاهزون لها فى كل وقت .. لكن كيف يصلون إلى أرض المواجهة يا أذكى الأذكياء وأعلم العلماء!!

منذ حوالى خمس سنوات "تقريباً" .. شبت بوادر حرب بين المغرب وأسبانيا فى نزاع على جزيرة صغيرة جداً أمام السواحل المغربية، تحركت فيها كل الأساطيل الأسبانية برأ وبحراً وجواً لدق المغرب كله وسحقه تماماً، وانتهت الأزمة من خلال المساعى الدبلوماسية قبل ساعة الصفر بساعات معدودة ... فهل سمع أحدكم عن طلب من المغرب لأى تدخل أو مساعدة عسكرية مصرية؟؟ بالتأكيد لا، لأنهم لم يطلبوا .. لأنهم يعلمون بإستحالة وصول القوات المصرية، التى كانت ستتدمر بالكامل قبل أن تصل .. لبعد المسافة، ولوقوف قوات حلف الأطلنطى بالكامل فى صف أسبانيا، وهى القوات التى تسيطر على المياه الدولية والسماء الدولية فى منطقة حوض البحر المتوسط!

إذن .. من هى الدولة الواقعة فى منطقة المواجهة مع العدو الصهيونى، والوحيدة القادرة على القيام بدور الردع الفعال؟؟
ليست دجيبوتى بالتأكيد .. وليست قطر بالتأكيد أيضاً. لكنها مصر.

يقول نفس الأشخاص .. أن مصر دائماً هى التى تحارب وتفقد أرواح ودماء أبناءها .. وأنهم لا يرضون بذلك.

ومن أنتم يا سادة كى تقبلون أو ترفضون؟؟؟؟؟؟؟؟؟؟؟؟
تحدثوا عن أنفسكم فقط، وقولوا أنكم لن تشاركون فى أى حرب ولن تفعلوا شئ، فهذا لن يكون غريب عنكم.
لكن اتركوا مصر وشأنها .. اتركوا المصريون وشأنهم .. اتركوا الباحثين عن الكرامة والنخوة والشرف لمصر ولأنفسهم ولأهاليهم .. يقررون قرارهم بأنفسهم.
إن لن تريدوا أن تكونوا معهم .. حفظاً لماء وجوهكم على الأقل .. فلا تكونوا عليهم.
كفاكم مزايدة وكلام أشعار لا يغنى ولا يسمن .. انزلوا لأرض الواقع من أبراجكم الواهية .. قضيتم على اسم مصر وسمعتها ومستقبلها هى وأبناءها على مدار 30 سنة، فدعوا غيركم يحافظون على القليل مما تبقى لها قبل فوات الآوان .. أما أنتم .. فلم تعد هناك أى كلمات لتصفكم وتصف بلوتكم التى تثير الشفقة عليكم أحياناً والشماتة أحياناً أخرى.


الفصائل الفلسطينية المجاهدة بصمودها اليوم .. قررت تعليق خلافاتها والصمود كتفاً إلى كتف .. وهو المطلوب منهم ولا شئ سواه حالياً.

نفس الشئ مطلوب من كل العرب .. المخلصين .. أن يكفوا عن إلقاء التهم على بعضهم البعض .. وأن يتعاونوا معاً لوقف هذه المذبحة التى لم يشهد لها التاريخ مثيلاً .. حوالى 350 شهيد وأكثر من 1000 جريح على وشك الإستشهاد فى 24 ساعة فقط.

لا مجال أمام هذه الكارثة وهذا الجحيم، لكلمة (وإحنا مالنا) .. لا مجال لكلمة (مصر مالهاش دعوة) .. لا مجال لكلمة (هما السبب) .. لا مجال لكل الكلام الهدّام.
ليعمل كل منا من مكانه ما يمكنه عمله لوقف هذه الجريمة البشعة .. والحساب بعدين.

والله ... يمين أحاسب عليه يوم الدين .. لو كان شهداءنا يرونا الآن، ويرون ما يقوله البعض منا من كلام مخزى لا حياء فيه ولا شبهة لجنس الكرامة فيه .. لبكوا على نتيجة تضحياتهم المخجلة التى يسمعونها هذه الأيام من البعض.

والله حاجة تعر وتكسف

يقول أغبى الأغبياء بفرض حسن نواياهم: وأين باقى العرب؟

عارف يا هشام بامانة مش هتناقش معاك بس هقولك كلمتين واتمني مع الزمن تفتكرهم لو ليا في العمر بقية

انا سعيدة اني اكون من اغبي الاغبياء واشكر ربنا اني لقيت ناس كتير بيتمتعوا بنفس الغباء صدقني وهم كتير ومش قليلين

بكرة هتقول وانا واثقة من كلامي ان الناس دي غباءها كان بيتمتع بذرة فهم وحب لمصر
والايام بيننا

وكلمة اخيرة انا مش مكسووووووووووووووفة بغبائي ده
وبقولهالك بمنتهي الايمان والقناعة والشجاعة

وبرضه ربنا يحميكي يا مصر لانه
ان لم يحرس الرب البيت فباطلا تعب الحراس

واين السعوديه المشتركه في الحدود مع اسرائيل
الم يراها احد على الخريطه
لا انكر دور مصر في مساندة فلسطين
ولكن لماذا مصر فقط تتحمل تبعيه وعبئ الحماية وحيده
لو تقدمت السعوديه لن تستطيع اي دوله في العالم الرد عليها بل وستجد العالم الاسلامي وليس العربي كله يقف لمواجهة ومجابهة اي عمل ضد السعوديه
اذن مصر لا تملك القوة الاستراتيجية وحدها ضد اسرائيل
وحسن نصرالله الذي كان الامس بطلا واليوم يتقمص دور البهلول ويدعو للفتنة داخل مصر
كلنا نرفض سياسة حكامنا ولكننا نرفض شحن من الخارج
الا يستطيع حسن نصرالله عملا غير الكلام ضد مصر
وهل عاهل الاردن يستطيع النوم والضربه على مقربة كيلو مترات من قصره العامر

فريدة حبيبتي لو خايفة يكون فيه حرب متقلقيش مصر مش حتدخل حرب ولا حاجة حتى الأصوات المنادية بتدخل مصر مش بتنادي بدخول حرب حتى في الدول العربية اللي بتطالب بتدخل مصر؛ كلهم بيطالبوا بحاجة واحدة هي فتح معبر رفح وإمداد الغزويين بالمساعدات اللازمة.

وهو ده بس اللي الجميع بيطالب به مش حرب. لو قلقانة من اللي حصل المرة اللي فاتت فهو حصل بسبب عدم فتح المعبر واضطرار الفلسطينيين الدخول عنوة فكان اقتحام همجي أما لو اتفتح المعبر النهاردة تحت سيطرة الجيش فحيكون فتح منظم لدخول النساء والشيوخ والأطفال والجرحى.

مصر لو اتدخلت مش حتعمل أكتر من كده وممكن تحدد إقامة اللي حيدخلوا من المعبر في مكان صغير فليكن العريش مثلا.

لكن حرب مفيش حرب مصر مش حتدخل حرب حتى لو إحنا عايزين فمش حيحصل لذلك أقصى أمنيات المنادين بالتدخل المصري هو فتح المعبر وإمداد الموجودين في غزة بالمساعدات اللازمة وإدخال المصريين المتطوعين للمساعدة من الأطباء أو الشباب الذي يريد الذهاب.

أما ليه مصر بالذات هي المطلوب منها التدخل فهشام قال الأسباب وهي:

لا توجد دولة أخرى من دول المواجهة الثلاثة الآخرين (الأردن ولبنان وسوريا)، لديها عُشر قدرات مصر فى أى مجال كى نطالبهم بالتدخل نيابةً عن مصر أو بديلاً عنها .. فأصغر فرقة شرطة فى صعيد مصر، لديها من الإمكانات التسليحية ما يجعلها قادرة على إحتلال الأردن كله من أوله لآخره فى أقل من ساعتين .. تماماً كما فعل العراق فى الكويت سنة 1990 .. ولبنان لا يملك سوى سلاح المقاومة الشعبية وليس لديه جيش نظامى مجهز لأى معارك حقيقية، وسوريا مفروض عليها مقاطعة إقتصادية وعسكرية منذ سنوات، وتقف وحيدة محصورة بين تركيا (عدوتها اللدودة وحليفة الصهاينة) شمالاً، والكيان الصهيونى فى جنوبها الشرقى، والخونة من الأذناب فى جنوبها الغربى ـ أى فى الشمال اللبنانى، والقوات الأمريكية شرقاً فى العراق .. فعلى من يعولون إذن سوى مصر؟؟

وأزيدكم من الشعر بيت في أسباب ليه مصر بالذات؛ في المؤتمر الصحفي الأخير امبارح أظن أو أول امبارح صرح الجانب الفلسطيني في حضور وزير الخارجية المصري إن في مؤتمر وزراء خارجية العرب الأخير اتفق جميع وزراء خارجية العرب بالإجماع على إن مصر هي رسميا المسئول الأول والأخير عن موضوع التدهئة بين حماس وإسرائيل.

وبالتالي وبناء على الاتفاق ده يبقى أي ضرب يحصل مصر هي رسميا المسئولة عن وقفه أو حله بأي طريقة لوجود اتفاقية هي المسئول الأول والأخير فيها.

ده غير إن قرار ضرب غزة صدر من وزيرة الخارجة الإسرائيلية من هنا من القاهرة وعلى مرأى ومسمع من الإدارة المصرية.

شخصيا أرى إن دي أسباب كافية لوضع مصر في موقف حرج عربيا على المستوى الرسمي.

عارفة ليه يا فري في صعب الدعوة أو حتى مجرد التفكير إن مصر تدخل حرب وليه منتهى أمل المناديين بالتدخل المصري هو فتح المعبر؟

الإجابة في المقال التالي لبلال فضل بتارخ اليوم بس اقريه للآخر علشان تفهمي قصدي:

فليلعنا الله جميعا، دون استثناء.

فليلعن الله فتح وحماس وكل من يتوقف عن إدانة الدماء لكي يكتفي بلعن فتح وحماس. فليلعن الله قناة الجزيرة التي تشعر أنها ليست مهتمة سوى بإدانة مصر واتهامها بالتآمر على غزة. وليلعن الله أبواق الحزب الوطني المبارك الذين لا هم لهم سوى تذكير العالم بحكمة القائد التي يحل الخراب بكل من لا ينصت إليها. هل شاهدتم وجوه الأطفال وهم يبكون رعبا وهلعا. إذا لم تكونوا قادرين على إعادة طفولتهم إليهم فاخرسوا جميعا، ولا ينطقن أحد منكم بكلمة لعينة سواء كانت عن فضائل حماس أو رذائل فتح.

فليلعنا الله جميعا، دون استثناء.

مبروك أيها السادة، نحن لم نصل إلى القاع بعد، مازالت لددينا فرصة أكثر لكي نحفر أكثر باتجاه قاع لانهائي. ها نحن وقد أصبحنا لا نتمنى أن تعود الأرض أو يعود أهلها إليها دون أن تعود هي. لم نعد نتمنى سوى أن تعود إلينا قدرتنا على الحزن الصافي الذي لا تنجسه التحليلات الاستراتيجية. قدرتنا على الألم المحض الذي لا تخرق برائته أصابع الاتهامات. قدرتنا على أن نبكي ذاهلين ونحن نرى فلسطينيا مضرجا بالدماء يرفع إصبعه إلى السماء ويقرأ الشهادتين دون أن يعكر صفو بكائنا سؤال مرير "هو من حماس ولا من فتح؟" قدرتنا على أن نهتف بيقين ضد العدو دون أن تلخبطنا حقيقة أن هناك الآن أكثر من عدو.

فليلعنا الله جميعا، دون استثناء.

ها نحن أصبحنا مجبرين على أن نختار بين الوقوف خلف أمير دويلة كرتونية تنطلق منها الطائرات الأمريكية لتغير على المنطقة، أو خلف قادة دول تصلبت شرايين إرادتها وأصبح غاية طموحها أن تستقر على الأرض دون حراك. هانحن وقد صار علينا لكي نوصف بالوطنية أن نختار الدفاع عن مجموعة من الحمقى لمجرد أنهم يرفعون شعارات إسلامية أو الدفاع عن مجموعة من المتبلدين الموتى على كراسيهم الذين يعتبرون الكرامة الوطنية كلام جابنا ورا. آه يا مر الاختيار بين دول قزمة تتعملق، ودول عملاقة تتقزم، وآه يا هوان البلاد التي تدافع عن نفسها بشراسة دون أن تدرك أنها صارت حيث وضعت نفسها.

فليلعنا الله جميعا، دون استثناء.

هل نريد لإسرائيل أن تقتنع أننا آدميون لا يصح أن نذبح كالخراف؟، طيب هل حكامن مقتنعون أساسا بآدميتنا؟، هل نُخَبنا السياسية مقتنعة أساسا أن شعوبها ليست خرافا خانعة؟، وهل شعوبنا الغاضبة على الموت في غزة نالت يوما فرصة للحياة بكرامة لكي تغضب على من يموتون بكرامة؟

فليلعنا الله إذا اكتفينا بمصمصة الشفاه على القتلى، أو بنبح الأصوات في الهتافات، أو بالرطانة في البرامج عن الأخطاء الاستراتيجية، فليلعنا الله إذا لم نحسم مع أنفسنا أولا السؤال الأولى بالإجابة، بماذا سنحارب إسرائيل؟، بالشعارات الدينية التي لم تغير ما بأنفسنا؟ بالاستهلاك الدائم لكل شئ إلا المعرفة؟، بالفروع الجديدة لأحدث المطاعم العابرة للقارات؟، بالكتابات التي تُدلك العجزة لكي تقنعهم برجولة متخيلة؟، بالأدمغة الفارغة إلا من اليأس والسخط والبكاء على الأطلال؟، أم بشتيمة بعضنا البعض في افتتاحيات الصحف الرسمية العربية التي تكتب من أجل قارئ واحد لا يقرأ حتى الملخصات التي تكتب له؟، أم بـ"العنتريات التي ما قتلت ذبابة؟"

فليلعننا الله لو لم ندرك أن ضربة إسرائيل الموجعة لم تكن أبدا في غزة، فغزة أقوى من أن يكسرها الموت، محمود درويش قال عنها موجزا معجزا في يوميات الحزن العادي "قد ينتصر الأعداء على غزة كما ينتصر البحر الهائج على جزيرة صغيرة. قد يقطعون كل أشجارها، قد يكسرون عظامها، قد يزرعون الدبابات في أحشاء أطفالها ونسائها..لكنها لن تكرر الأكاذيب ولن تقول للغزاة نعم.وستستمر في الانفجار، لا هو موت ولا هو انتحار، ولكنه أسلوب غزة في إعلان جدارتها في الحياة."

فليلعننا الله جميعا إذا لم ندرك أن ضربات إسرائيل الساحقة الماحقة لنا كانت ومازالت وستظل في الانتخابات النزيهة، في العلم والتقنية والتعليم المتطور دائما وأبدا، في زراعة الصحراء المغتصبة، في الصحافة التي لا سقف لحريتها، في الإرادة السياسية القوية، والتفكير في المستقبل، وتجاور المتطرف مع الملحد من أجل البقاء، واحترام كرامة المواطن حتى لو كان مجرد أشلاء مدفونة في واد لبناني سحيق.

إسرائيل لن تفهم سوى لغة القوة، وإلى أن نمتلكها يا ريت نخرص خالص، وإلا فليلعننا الله كلنا دون استثناء.

وفي النهاية لا أجد ما أقول سوى: فلتظلي يا غزة مقبرة للغزاة.

واين السعوديه المشتركه في الحدود مع اسرائيل
الم يراها احد على الخريطه

لأ يا أوسكا .. لم يراها أحد على الخريطة ..
والأكثر من هذا، انى بسبب سؤالك شكيت فى اللى علمهولنا وانا فى ابتدائى، ورحت أدور فى كل الخرائط

وتفضل .. الخريطة بنفسها لحد عندك ..
علشان تشوف منها ان السعودية لا تشترك مع فلسطين فى أى حدود، وإنما بينهما .. بلد بحالها .. اسمها الأردن.

ولكن لماذا مصر فقط تتحمل تبعيه وعبئ الحماية وحيده

يا سيدى بلاش تشوفها بهذا المنطق .. فى ستين داهية الشهامة .. وينعل أبو النخوة .. وطظ فى الأخوة .. والله يرحمها الكرامة.
شوفها من منطق أنانى بحت ..
شوفها من منطق انها الإمتداد الإستراتيجى للأمن الوطنى المصرى ( وبلاش الأمن القومى لتكون كلمة قومية بتعمل حساسية لحد) ..
تمام ؟؟؟ الأمن الإيـــــــــــــــــه؟؟؟ الوطنى ... الميــــــــــــن؟؟؟ المصرى.

مين فى البشر كلهم لسه ما يعرفش أو لسه بيشك فى حلم الصهيونية (اسرائيل الكبرى .. من النيل للفرات)؟؟؟
والنيل ده فين ؟؟؟
فى مصر .. مش كده؟؟؟
وهما فين دلوقت؟؟؟
على حدود مصر مش كده؟؟؟
يعنى مش لسه فى قارة أستراليا ولا قارة أمريكا؟؟ .. وصلوا على حدودنا خلاص؟؟ وبيضربوا قنابل وصواريخ عالحدود فعلاً؟؟
أأأأأه ... طيب

عاوز تقول يتحرقوا بجاز الفلسطينيين؟؟؟ ماشى يا عم .. يتحرقوا ..
عاوز تقول مش موضوعنا واحنا فى حالنا آخر تمام وكويسين و100 فل و10؟؟؟ ماشى يا ريس .. كله تمام ..

بس يا ريت .. الله يخليك يعنى .. ما تنساش ان الضرب على حدود مصر، عالحدود لزم .. مش بعدها بمترين .. لأ .. عالحدود بالضبط.
ويا ريت كمان وحياتك ماتنساش .. ان مصر من غير النيل، تموت فوراً ومالهاش دية.
وما تنساش .. انهم بالفعل .. بيحاولوا يسيطرواعلى منابع النيل من فترة، ونجحوا فعلاً فى بعض المناطق، والبقية تأتى.

يعنى .. أمن مصر (الوطنى .. مش القومى) .. متهدد تهديد مباشر .. فى خطر .. واللى مهددينه تجاوزوا كل الخطوط الحمراء.
لأ وشوف الصدفة العجيبة ..
مش طلع ان اللى مهددينه .. هما هما نفسهم .. اللى بيدبحوا الفلسطينيين فى غزة دلوقت حالاً!!
تتصور!!

يا ترى نستنى لما السعودية تتحرك؟؟ والا نستنى لما الفلسطينيين ينقذوا نفسهم؟؟ والا نستنى لما قطر تبطل تشتم مصر؟؟

حنعند مع مين وعلى حساب مين يا أستاذنا؟؟

حنشوفهم داخلين علينا ونغنيلهم ونقولهم تبقوا انت أكيد فى مصر ونهزلهم وسطنا؟؟

يا ناس الرحمة بقى

فوقواااااااااااااااااااااااااا

ما قامت به اسرائيل إن كان غير مقبول ..
ولكنه مفهوم إزاء تهديدات حماس الدائمة لها بصواريخ تضرب المدنيين فى عمق اسرائيل ..

فمن المعروف أن لكل معركة أرض لها ..
ويعلمنا التاريخ الحديث والقديم أن المحارب الذكى هو الذى يختار أولا أرض المعركة التى يريد خوضها ..

ولكن حماس اختارت أرضها لتكون أرض المعركة ..
وهى فى هذا لم ترقي لذكاء سوريا أو ايران ..
اللواتى نقلن أرض المعركة إلى فلسطين ولبنان بعيداًَ عن أمنهما وأرضهما ..

وأى قائد ذكى .. يحسب أولاً نفقة أى قرار قبل أن يتخذه ..
فهل يقدر أن يواجه بصواريخ جيش نظامى مجهز بأقوى وأحدث الأجهزة العسكرية والعتاد؟

وحماس وقعت .. وأوقعت شعبها فى كل هذه الأخطاء مجتمعة ..

بالإضافة إلى أن خيوط اللعبة فى هذه المنطقة المشتعلة من العالم ..
تبدأ بحجة "الدفاع عن النفس" ..

فالذكاء هو أن لا تبادر بالحرب أو افتعال الحرب ..
ولكن أن تنتظر عدوك لكل يخطئ ويبادر هو بالحرب ..

وعندها .. لن يلومك أحد ..
لأنك تدافع عن نفسك ..

وهذا ما فعلته اسرائيل ..
وهذا ما أخطأت فيه حماس .. ومن قبلها حزب الله ..

وأما ايران وسوريا ..
فكانا من الذكاء أنهما لم ينزلقا إلى هذا المستنقع ..
واكتفا بتحريض الشعوب العربية على حكامها ..

فأحمدى نجاد طالب البلاد العربية باتخاذ قرار الحرب ..
ولكنه لم يتخذه هو ..

كما فعلت ذلك سوريا أيضاً ..
أما السيد حسن نصرالله .. والذى يقبع فى الجنوب اللبنانى ..
على حدود ملاصقة لاسرائيل ..
فقد نادى الضباط المصريين بالتمرد على قيادتهم .. ويفتحوا المعبر ..
وكأن المشكلة كلها تكمن فى معبر رفح ..

أما السيد مشعل .. فقد قالها صريحة ..
أنه مستعد للتضحية بكل شعبه فى حربه مع اسرائيل ..

ولما لا .. طالما أن السيد حسن نصرالله قد اعتبر أنه انتصر على اسرائيل ..
ليس لشئ سوى أن اسرائيل فشلت فى تفكيك سلاحه وقتله ..

فالهزيمة عنده لا تعنى أن اقتصاد بلاد قد خرب ..
وأن اهل الجنوب قد تشرد واهلك ..

ولكن أن يبقى هو حياً ..
وهذا هو مفهوم السيد مشعل وقادة حماس بالطبع ..

....

وقد اكتفى الكل بتحريض باقى الدول العربية للدخول فى حرب مع اسرائيل ..
وعلى رأسها مصر ..

ليس لأن مصر هى القائد والدولة الأم ..
ولكن لأنهم جميعهم يعلمون كيف تدار اللعبة ..

أن الجميع ينتظر من يبدأ بالحرب ..
والجميع يريدون الغير أن يبدأ .. لكى يمتلك الشرعية الدولية التى معها سيجد الدعم من كل دول العالم ..

فهل تريدون مصر تنزلق إلى تلك اللعبة التى نجحت منذ زمن بعيد ..
أن تبتعد عنها .. وفازت بأرضها .. ومكانتها الحالية وسط دول العالم؟

.....

نقطة أخرى .. بعيدة وقريبة أيضا ..
النفط ارتفع منذ بدأت الحرب ..

والكل يعلم أن هذا يصب فى مصلحة الدول المنتجة للبترول ..
التى هى عربية ومعها ايران ..

وطبيعى أن يكون من مصلحة منتجى النفط ..
أن يشعلوا المنطقة بالتصريحات والتوترات والمظاهرات الشعبية ..
من أجل تحقيق مكاسب مادية .. تصب كلها فى جيوب الأغنياء ..

فبينما الأغنياء يجنون مكاسب مادية من أسعار النفط العالية بسبب التوتر السائد ..
فإن الفقراء البسطاء .. فى الشوارع العربية .. يحرقون الأعلام ..
ويرفعون أصواتهم مطالبين بالحرب التى لن تأتى ..
ويساهمون بذلك فى زيادة رصيد الأغنياء فى البنوك من وراء النفط ..

مصرية والهرم مش عارفة ازاي وصلكم اني خايفة من حرب
انا مش خايفة بالرغم اني حضرت ماساة الحرب وعشت ايام سوداءوشفت ازاي اهلي واهلي بلدي راحوا فيها

علي فكرة اد ما سمعت ناس في القنوات وفي الشارع المصري بيتكلموا لغتي ده خلاني احس فعلا
ان المصريين خايفين علي مصر وان فيه ناس بتتكلم لغة مشتركة

متزعلوش مني ياتري سمعتوا عن الظابط اللي اتقتل بمسدس فلسطيني بطريقة غادرة
كان بيؤدي واجبه وواقف بضهره
واتغدر بيه من عربي زيه

اقولكم حاجة كمان يا تري سمعتوا ازاي فيه توجيهات من بعض الفصائل الفلسطينية
بتدعوا ان قتل الظباط المصريين حلال
ياتري سمعتوا ان فيه اوامر يقتلوا ظباط ومسيحيين

ان كان علي قتل المسيحيين صدقوني انا كمسيحية مش خايفة لاني الحارس هو الله

ياتري شفتوا بعض الناس في المظاهرات وهي بتقول غزة في قلبي لكن اولادنا هم عنينا
يعني مش هتكون اغلي من اولادنا

بصوا يا جماعة انا تعبت وعارفة في بعض النقط لغتنا مش هتتوحد
ده مش هيمنع التواصل لكن بامانة انا بعشق بلدي زيكم
وكرامتها فوق راسي اكتر من اي حاجة وحد في الدنيا
بعشقها وبعشق ترابها
ومش هقدر اتحمل اي كلمة تمسها او حد يقتل في اولادها

وبكرر مش خايفة من حروب علشان لو كلامي كان اتفهم بطريقة مختلفة

للاسف كل القلوب في العالم بتنزف

ومكانتها الحالية وسط دول العالم؟

اشرحلي من فضلك مكانتها إيه النهاردة علشان واضح إن رؤيتي لمكانتها مختلفة عن رؤيتك.

اقولكم حاجة كمان يا تري سمعتوا ازاي فيه توجيهات من بعض الفصائل الفلسطينية
بتدعوا ان قتل الظباط المصريين حلال
ياتري سمعتوا ان فيه اوامر يقتلوا ظباط ومسيحيين

فريدة على فكرة الفتوى دي إشاعة مش حقيقية ولو عايزة تفاصيل أكتر ممكن تقري آخر خمس ماخلات في الصفحة الثانية من الموضوع التالي لإنها بتتكلم عن موضوع الفتوى اللي بتتكلمي عنه:

https://masreyat.yoo7.com/montada-f6/topic-t76.htm

مصرية حبيبتي مش غلط نختلف في زوايا الرؤية
بالنسبالي مصر اعلي من كل الامم في مكانتها
وهتفضل مهما حاولوا يزعزوا مكانتها


بالنسبة للفتوي ارجوكي اسمعي عمرو اديب امبارح
وقال كمان ياريت حد يكدب كلامي

صدقيني اتقالت امبارح

وكنت اتمني تكوني تابعتي علي القناة الاولي لميس الحديدي

مصرية طبيعي جدا اننا نختلف لكن مش هنقدر ننفصل لاننا ولاد وطن واحد غالي دمه بيجري في عروقنا

أكيد طبعا مش حننفصل ومحش جاب سيرة انفصال لكن كلمة وطن أكبر من كلمة بلد كلمة وطن يعني مكان كبييييييييييييير بتنتمي له باختلاف الديانة والمكان الجغرافي والقدرات الاقتصادية وغيرها لكن كل أبناء الوطن بيكون لهم هدف واحد.

زمان كنا بنقول "الموطن العربي" اختفت الكلمة دي النهاردة وظهر مكانها حاجات كتير منها مصطلح الشرق الأوسط.

وبالمناسبة
مصر لا تعد من دول الشرق الأوسط، في التقسيم هي من دول شمال أفريقيا أما دول الشرق الأوسط فهي تبدأ من إيران وتنتهي بالساحل الشرقي للبحر الأحمر وفلسطين.

ده اللي بتكلم فيه إننا مش فرد لوحده إحنا فرد جوة جماعة لنا دور لازم نقوم به تجاه الجماعة دي منستسلمش للأهداف الاستعمارية اللي بتحاول تبث فينا من غير ما نحس الشعور بالفردية وأنا ومن ورائي الطوفان.

إنتي دايما تقولي يا ريت نرجع زي زمان، طيب حسألك سؤال أخيرا، هو زمان كنا بنقول مصر ولا كنا بنقول القومية العربية وبنقول العرب؟
ولولا القومية العربية والعرب وشعورنا وقتها بالمعاني مش بالكلمة بس مكانش العرب وقفوا جنب مصر في 1956 و1973 ولولا الوقفات دي جايز مكناش كسبنا الحروب.

يا فريدة في الاجتماع قوة وفي الفرقة ضعف، علشان نكون أقوياء لازم نبقى عزوة ومش حنبقى عزوة طول ما بنقول أنا وولادي وفي ستين داهية جاري اللي جنبي.

مصرية كل ما اقوم الاقيكي سالتنيني

علشان ارد عليكي

ممكن اسالك الاول علشان البلد الواحدة تكون قوية يعني وتنضم للقوة العظمي مش لازم هي الاول تكون ايد واحدة مع نفسها
طيب انتي شايفة ايه اللي وصل الوضع الحالي لفلسطين ولبنان وغيرهم ومصر في السكة

ياتري كنا فين وقت ما حماس ما كانت بترمي بتوع فتح من الشبابيك اهل وطنهم

ازاي عايزة قوة تكون متماسكة وهي مهلهلة من الداخل

عمر ما العرب اتفقوا ولا هيتفقوا بصراحة من يوم ما اتولدت بسمع الصراع العربي
وطول الوقت بيعملوا قمة عربية وبيتفقوا فيها علي الا يتفقوا

وبامانة فارق معايا دلوقت اسم مصر اللي ناس كتير عايزة تدوسه تحت رجليها

مصرية بليييييييييييز مش هنتفق هتتوجع قلوبنا يا بنتي علي الفاضي

مصرية بليييييييييييز مش هنتفق هتتوجع قلوبنا يا بنتي علي الفاضي

لأ ثانية واحدة بقى يا فريدة .. مش عالفاضى خالص، وان ما كانتش قلوبنا تتوجع النهاردة وفى الظروف اللى عايشنها، حتتوجع إمتى؟؟

عمر ما العرب اتفقوا ولا هيتفقوا بصراحة من يوم ما اتولدت بسمع الصراع العربي
وطول الوقت بيعملوا قمة عربية وبيتفقوا فيها علي الا يتفقوا

أنا وانت من جيل واحد يا فريدة .. وحأفكرك باللى ناسياه أو مش عاوزة تفتكريه

العرب بدأوا الخلافات فى سبتمبر 1970 مش قبل كده .. افتكرى التاريخ ده كويس، وراجعى حصل فيه ايه.
وعمرنا ما سمعنا عن كلمة "الصراع العربى" حاف كده ..
طول عمرنا بنسمع العبارة كاملة: (الصراع العربى الإسرائيلى) مش العربى بس، والفرق مهول بين اللفظين.
والقمم العربية كان بيتم فيها الإتفاق الكامل لحد آخر قمة فى سبتمبر 1970 .. من بعدها مباشرةً .. لم يحدث أى اتفاق فى أى قمة.

يا ترى يا هل ترى .. الكلام ده له معنى؟؟ أو يفرق معاكى فى حاجة؟؟ أو يوصلك أى معلومة تايهة عنك؟؟
مش عارف إن كان ده الوقت المناسب للشرح أكثر والا لأ !! أعتقد التذكير بالتواريخ وبأيام "الزمن الجميل" كفاية حالياً. وأكيد انت حتفتكرى لوحدك.

ممكن اسالك الاول علشان البلد الواحدة تكون قوية يعني وتنضم للقوة العظمي مش لازم هي الاول تكون ايد واحدة مع نفسها
طيب انتي شايفة ايه اللي وصل الوضع الحالي لفلسطين ولبنان وغيرهم ومصر في السكة

ياتري كنا فين وقت ما حماس ما كانت بترمي بتوع فتح من الشبابيك اهل وطنهم

ازاي عايزة قوة تكون متماسكة وهي مهلهلة من الداخل

ما هو إنت لو كنت بتقرأى اللى بأكتبه من ردود .. فى نفس الموضوع مش فى مواضيع تانية .. ما كنتيش سألت هذا السؤال.
يا فريدةةةةةةةةةةةةةةةةةةةةةة ......
إمتى حصل التفكك والتهلهل داخل مجتمعنا؟؟
فكرينى كده بتاريخ محدد لبداية المصايب !!
أو بلاش تاريخ علشان جايز ما تفتكريش .. فكرينى بأول حادثة سمعتى عنها كانت فى أى فترة تقريباً .. بالتقريب مش بالضبط.

إمتى ابتديتى تسمعى عن مسلم ومسيحى فى مصر .. لأنى عارف ان ده موضوعك الأساسى وقصدك من الكلام .. إمتى يا فريدة؟؟

إمتى ابتديتى تسمعى عن انشقاق داخل الصف العربى عموماً والفلسطينى خصوصاً؟؟

بلاش .. إمتى نشأت حماس؟؟

إمتى سمعتى عن أقباط المهجر وفضايحهم؟؟

بلاش تجاوبينى أنا .. فكرى بينك وبين نفسك وجاوبى بينك وبين نفسك .. بس جاوبي الله يسترك.


حال فلسطين وحال لبنان .. إمتى وصل لما هو عليه؟؟
فكرى أنا فى عرضك .. فكرى وافتكرى.

أما حدوتة ان مصر فى السكة ... فانسى ... مستحيل ... لا يمكن ... مهما حصل فى الدنيا مش حيحصل ان مصر توصل للحالة اللى بتتكلمى عنها.
التاريخ مليان قصص مالهاش أول من آخر .. مش صعب تعرفيها لو عاوزة .. وكلها أكدت على أنه مهما حصل، مصر بتفضل متماسكة فى النهاية.
فما تقلقيش .. إحنا فى رباط واحد إلى يوم دين .. شئنا أو ما شئناش ..
والله فى سماه لما يحصل ايه حتى .. مش حأصدقك انت ولا غيرك ولا حتى حأصدق نفسى .. وأكذب كلام نبى لا ينطق عن الهوى!!
فاطمنى خالص وحطى فى بطنك بطيخة صيفى. وفكرى فى الأهم وفى المصلحة الحقيقية للبلد، مش فى مصلحة شوية منتفعين خربوها وقاعدين على تلها يتفرجوا علينا.

وبامانة فارق معايا دلوقت اسم مصر اللي ناس كتير عايزة تدوسه تحت رجليها

دايماً نسأل الأول عن الهدف والمستفيد من أى شئ .. صح؟
كويس
مين يا ترى له مصلحة انه يدوس اسم مصر تحت رجليه؟؟ مين المستفيد الفعلى من كده؟؟
تفتكرى ممكن يكونوا الفلسطينيين اللى متعلقين بقشة الأمل فى أى حد ينقذهم من الدبح، ومفيش حد على حدودهم غير مصر؟؟
عقلك .. ضميرك .. ممكن يوصلوكى للفهم ده؟؟؟ (ما أظنش .. والا تبقى مصيبة بجد)
طيب .. هل هما باقى العرب .. اللى كلهم ليل نهار يقولوا مصر الشقيقة الكبرى، واللى مقتنعين ان أى حل لأى مشكلة لازم ينتهى عن طريق مصر؟؟
أكيد برضو مش ممكن.
أومال مين؟؟
المصريين نفسهم؟؟
طيب إزاى وليه وبأى منطق؟؟
الله !! أومال مين اللى له مصلحة فى تحطيم أكبر وأقوى قُطر عربى وواقف على الحدود وعنده هدف استراتيجى مُعلن انه يحتل نص مصر لحد النيل؟؟
مين يا ترى؟؟
مين اللى بيقوم الناس على بعض؟ ومين اللى بيحرض دول على دوكهوما؟ ومين اللى بيطلع الإشاعات كل ساعة؟ ومين اللى بيضحك على الحاكم بتاعنا ووزراؤه وبيستغل سذاجتهم فى صور وتعليقات يحرفها وينشرها ويروجها على صفحات صحفه اليومية وقنواته التليفزيونية علشان يوقع الدنيا كلها فيهم ويقعد هو يتفرج؟؟
مش عارف !! يكونش زعيم التاميل الحمر فى فيتنام !! والا تكونش حكومة غينيا بيساو !! أنا محتار الحقيقة .. يا ريت تساعدينى انت وتنورينى

بص يا هشام تصدق وبامانة مش قادرة ارد عليك دلوقت الكلام اللي كتبته
باسلوبي هو هو بسمعه من ناس كتير فاكيد مش غلط وحدي

وصدقني ده كفاية عليا
لكن اللي مخليني مش قادرة ارد عارف ايه
ام الظابط المصري وصوت بكائها في قناة الصفوة بتبكي بحرقة
ومش عايزة اقولك انها بتدعي علي اللي قتله
وبحرقة بتهاجم حماس

طبعا غير المظاهرات اللي حاصلة في سوريا ضد مصر بتتقال دلوقت
ولا القنصلية اللي اتشال من عليها العلم المصري واتحط العلم الفلسطيني
هشاااااااااااام علشان احنا الاتنين مانتعبش
مش هنوصل لنقطة التقاء

انت بتبص في ناحية وانا في ناحية تانية
فميش داعي نهاتي مع بعضينا يا عدساوي

عاوز تقول يتحرقوا بجاز الفلسطينيين؟؟؟ ماشى يا عم .. يتحرقوا ..
عاوز تقول مش موضوعنا واحنا فى حالنا آخر تمام وكويسين و100 فل و10؟؟؟ ماشى يا ريس .. كله تمام ..

لا يا اتش مش عاوز اقول كده
اخواتنا في فلسطين دمنا ولحمنا وعرضنا
كل اللى عاوز اقوله هو الرفض التام لفكرة ان مصر هى المسؤله الوحيده عن الدفاع عن فلسطين
كل دول الجوار لهم نفس المسئوليه
والاردن اللى بتفصل بين غزه والسعوديه ما هي الا مستعمره اسرائيليه
والخوف من دولة النيل الى الفرات
مش من المفروض مصر بس هي اللى تخاف منه
كل الدول العربيه جمعاء بلا استثناء
وكفايه اجتماعات وزراء الخارجيه ونشجب ونستنكر ونندد
وكفايه تلقيح كلام على مصر
العراق دخلت الكويت
كل الدول وقفت معاها
محدش قال دول الجوار ولا مشتركة الحدود

كل اللى عاوز اقوله هو الرفض التام لفكرة ان مصر هى المسؤله الوحيده عن الدفاع عن فلسطين
كل دول الجوار لهم نفس المسئوليه
والاردن اللى بتفصل بين غزه والسعوديه ما هي الا مستعمره اسرائيليه

صح يا أوسكا عندك حق بس الأمن الوطني زي ما هشام كان بيقول المهدد فهو مهدد لمصر أكتر من غيرها ده غير إن مصر هي الوحيدة اللي اتورطت في معاهدة تكون المسءولة الوحيدة فيها عن حل مشكلة غزة وكمان مصر هي الوحيدة اللي طلع من جواها قرار ضرب غزة على لسان وزيرة الخارجية الإسرائيلية، وهو ما يقول بعض المؤرخين أنه طابع إسرائيلي اعتادوه لتوريط مصر وإظهارها مظهر المتواطئ.

كل ده يخللي مصر هي أكبر الدول مسئولية واهتماما باللي بيحصل في غزة وغزة بالذات أكتر من أي مكان آخر في فلسطين بالذات.

خلينا نعميل مثال بسيط: لو واحد دخلوا عليه ناس بلطجية في بيته يضربوه بالرصاص ويكسروا بيته. الراجل ده ساكن جنبه بالضبط ابن عمه وفي دور تاني ساكن أخوه وفي الشارع اللي وراه ساكن أبوه.

تفتكر لما الناس حتيجي تسأل عن اللي حصل حتسأل مين؟
أكيد ابن عمه لإنه أقرب الأقرباء مكانا مش أقربهم صلة دم. ولو حد دافع وحاول يصد البلطجية دول حيكون ابن عمه ولو في نا تانيين بيدافعوا معاه حيكون ابن عمه ده أكثرهم ذراوة في الدفاع أكتر من الأخ حتى، لإنه بيدافع عن نفسه كمان لإنهم لو انتصروا ممكن يدخلوا بيته هو كمان ويقتلوه واحتمالية إنهم يروحوا للأخ اللي في الدور الآخر في نفس العمارة حيبقى أقل واحتمالية إنهم يروحوا للأب في الشارع التاني حتبقى أقل وأقل.

أقصد باختصار الموضوع نسبة وتناسب، سيبنا من كل حاجة ومن الاتفاقيات الملزمة وسيبنا من أي حاحة إحنا على الحدود مع الضرب يعني الباب في الباب زي ما بيقولوا لو مصدناش عن غزة ممكن ننصاب سواء بالرصاص الإسرائيلي أو بالثائرين من غزة اللي مش حيلاقوا حتة يروحوها غير إنهم يضربوا في حرس الحدود المصريين علشان يدخلوا بالعافية.

علشان كده الموضوع ابتدا يتأزم والمشكلة بتكبر وبتكبر بالنسبة لنا أكتر من أي حد تاني.

والخوف من دولة النيل الى الفرات
مش من المفروض مصر بس هي اللى تخاف منه
كل الدول العربيه جمعاء بلا استثناء

صح بس النيل ده في مصر بس مش بيمشي في حتة تانية. يعني الفكرة لازم تخوف كل الدول بس الوضع اللي إحنا فيه دلوقتي لازم يخوف مصر أكتر واحدة لإن اللي عايزين يوصلوا للنيل واقفين على الحدود. ولإنهم يضغطوا جامد جدا على الفلسطينيين وبالتالي على المصريين.

كتائب القسام الآن تتوعد لجميع الدول العربية المتخاذلة بعقابها، تفتكر حناخد صاروخ في مصر ولا لأ؟

تفتكر الحل إيه دلوقتي، نعمل إيه؟ مبقاش ينفع نفتح المعبر بعد الهجمات على المعبر من الجانب الفلسطيني ولو معملناش حاجة ممكن ندخل برضه حرب بس وقتها حندخلا مع فلسطين، حقيقي مش عارفة الحل إيه دلوقتي إزاي ممكن المشكلة دي تتحل من غير خائر أكتر في الأرواح ومن غير حروب؟

أتمنى ألاقي الإجابة عند حد.

فخر وفرح امتزج بالأسف والحزن

شعوري الآن بعد رؤية الأحداث عند معبر رفح.

فخر وسعادة بأطبائنا المصريين وهم يعالجعون الجرحى والمصابين الفلسطينيين، الحنان والرأفة الذين ظهرا في كيفية لمسهم للجرحى. التأثر البادي على وجوههم والدموع الذي حاولوا جاهدين إخفائها تأثرا بما يرون ليس منظر الجرحى وإنما حكاية كل جريح منهم.

أما الأسف والحزن فهو لرؤيتي منظر الجرحى وسماع جزء من حكاياتهم في الأخبار.

انا بس عندى سؤال ..
هل السياسة الصح اللى ح تعيد هيبة مصر وقوتها ..
هو اعلان الحرب على اسرائيل؟؟؟؟