سفاري وكعب دايربعيوني
+12
قمر الليالي
elhram
aymon2009
Smart
Gatita
مشاعر
ADHAM
OSKASAN
Nothing to Lose
Hesham
مصرية
farida
16 مشترك
صفحة 7 من اصل 7
صفحة 7 من اصل 7 • 1, 2, 3, 4, 5, 6, 7
رد: سفاري وكعب دايربعيوني
ضنايا ..
Smart- عضو مئوى
-
عدد الرسائل : 670
العمر : 55
تاريخ التسجيل : 22/12/2007
رد: سفاري وكعب دايربعيوني
تعالوا نحلق مع بعض بعيدا عن الارض واللي بيحصل عليها
نطير بعيد نطوف بين السحاب ونتامل الارض من بعيد
لغاية ما نوصل لمكان جديد نكتشفه سوا
هحكيلكوا احساسي قبل السفر الحقيقة كان عندي اضطراب اوي قبل السفرية دي
مكانش عندي نفس حماس كل مرة
وكان بسبب اني مسافرة مع مجموعة اول مرة اسافر معاها بالرغم معرفتي بيهم
لكن مش عارفة ليه كان جوابة اضطراب ..وطبعا كان صعب ابين لحد
وبامانة حاولت اهدي نفسي وطلبت من ربنا ييسرلي ايام الرحلة
صحيت الصبح مع سي السيد وكريم وصلنا المطار واتقابلنا مع مجموعة العمل
خلصنا اجراءات السفر وطلعنا قعدنا في الكافيتريا لحد ميعاد الطيارة
بعد شوية مشاغبات شكلي يظهر مكتوب عليه كده
حاولت اكون ثابتة وانا بيتعملي تحريات واختبارات اسئلة
وجبت سيرتكم في النص
طلعنا الطيارة وكنت سعيدة ان مكاني في اول صف جنب الشباك
بصيت علي الطيارة الضخمة دي حسيتها عالم من جوة
ادورت وتابعت خطوة الطيارة علي الشاشة
حسيت مع سرعة العجل كانه بيجري بيا علشان يسبق الزمن وياخدني لبعيد
ادورت تاني اتابع بعنيا ارض المطار وانا ببعد عن مصر وسرحت ياتري هتكون رحلتي ازاي المرة دي
ورجعت علي صوت المضيفة وهي بتديني سماعات الصوت
حسيت اني مش قادرة اتفرج علي افلام وفضلت اشغل موسيقي هادية
واتامل علي الشاشة اتجاه الطيارة
مكانش بيقطع حبل افكاري معاها غير كلمة من سي السيد او من المضيفة
وكنت احيانا بخترق نظرة ناحية الشباك وفي ايدي الكاميرا كل ما بنمر علي بلد
لان ارتفاع الطيارة كان بيسمح اشوف البللاد اللي بنعدي عليها من علي بعد طبعا
وانا بتامل السحاب فوق البلاد حسيت نفسي طايرة وسط غيط قطن ابيض
اد ايه المنظر ده مع الموسيقي كان بيهدي اعصابي اوي
بيحسسني بنعومة انغامها كاني لامسة السحاب فعلا
نسيت اقولكم ان الرحلة كانت علي مصر للطيران ودي من الحاجات اللي اسعدتني
الطيارة قامت في ميعادها واد ايه المضيفات كانوا ودودين
يمكن بعيب شوية عليهم نطق اللغات وعدم اهتمامهم بمظهرهم
لما كنا بنتفرج علي افلام الابيض والاسود
كانوا مضيفات مصر للطيران مختلفين بمظهرهم..هم واجهة للبلد
فلازم يكون فيه اهتمام شوية بالنطق والمظهر
لكن بامانة كانوا في منتهي البشاشة والتعاون
وهسيبكم تلتقطوا انفاسكم قبل الوصول
والشاشة هنا بتوضح وقت الرحلة
وغدا القاكم باذن الله من جديد لو في العمر بقية
نطير بعيد نطوف بين السحاب ونتامل الارض من بعيد
لغاية ما نوصل لمكان جديد نكتشفه سوا
هحكيلكوا احساسي قبل السفر الحقيقة كان عندي اضطراب اوي قبل السفرية دي
مكانش عندي نفس حماس كل مرة
وكان بسبب اني مسافرة مع مجموعة اول مرة اسافر معاها بالرغم معرفتي بيهم
لكن مش عارفة ليه كان جوابة اضطراب ..وطبعا كان صعب ابين لحد
وبامانة حاولت اهدي نفسي وطلبت من ربنا ييسرلي ايام الرحلة
صحيت الصبح مع سي السيد وكريم وصلنا المطار واتقابلنا مع مجموعة العمل
خلصنا اجراءات السفر وطلعنا قعدنا في الكافيتريا لحد ميعاد الطيارة
بعد شوية مشاغبات شكلي يظهر مكتوب عليه كده
حاولت اكون ثابتة وانا بيتعملي تحريات واختبارات اسئلة
وجبت سيرتكم في النص
طلعنا الطيارة وكنت سعيدة ان مكاني في اول صف جنب الشباك
بصيت علي الطيارة الضخمة دي حسيتها عالم من جوة
ادورت وتابعت خطوة الطيارة علي الشاشة
حسيت مع سرعة العجل كانه بيجري بيا علشان يسبق الزمن وياخدني لبعيد
ادورت تاني اتابع بعنيا ارض المطار وانا ببعد عن مصر وسرحت ياتري هتكون رحلتي ازاي المرة دي
ورجعت علي صوت المضيفة وهي بتديني سماعات الصوت
حسيت اني مش قادرة اتفرج علي افلام وفضلت اشغل موسيقي هادية
واتامل علي الشاشة اتجاه الطيارة
مكانش بيقطع حبل افكاري معاها غير كلمة من سي السيد او من المضيفة
وكنت احيانا بخترق نظرة ناحية الشباك وفي ايدي الكاميرا كل ما بنمر علي بلد
لان ارتفاع الطيارة كان بيسمح اشوف البللاد اللي بنعدي عليها من علي بعد طبعا
وانا بتامل السحاب فوق البلاد حسيت نفسي طايرة وسط غيط قطن ابيض
اد ايه المنظر ده مع الموسيقي كان بيهدي اعصابي اوي
بيحسسني بنعومة انغامها كاني لامسة السحاب فعلا
نسيت اقولكم ان الرحلة كانت علي مصر للطيران ودي من الحاجات اللي اسعدتني
الطيارة قامت في ميعادها واد ايه المضيفات كانوا ودودين
يمكن بعيب شوية عليهم نطق اللغات وعدم اهتمامهم بمظهرهم
لما كنا بنتفرج علي افلام الابيض والاسود
كانوا مضيفات مصر للطيران مختلفين بمظهرهم..هم واجهة للبلد
فلازم يكون فيه اهتمام شوية بالنطق والمظهر
لكن بامانة كانوا في منتهي البشاشة والتعاون
وهسيبكم تلتقطوا انفاسكم قبل الوصول
والشاشة هنا بتوضح وقت الرحلة
وغدا القاكم باذن الله من جديد لو في العمر بقية
عدل سابقا من قبل farida في الثلاثاء 04 مايو 2010, 8:09 pm عدل 1 مرات
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
كملى يا فروتوس
شكلها رحله تجنن :)
شكلها رحله تجنن :)
sesame- عضو مئوى
-
عدد الرسائل : 161
العمر : 41
تاريخ التسجيل : 21/02/2008
رد: سفاري وكعب دايربعيوني
دايما مشجعاني يا سيسامي يا جميلة
انما من جهة الجنان يا عالم ان كانت حميدة هتجننكم برغيها في الرحلة دي
لانها رحلة بتعتمد علي احاسيس ومشاعر وانطباعات
اتمني ان حميدة تخف عليكم شوية مش بعرف اعملها فول ستوب لما بتنطلق وتبتدي تذيع
انت جييييييييت يا عدساوي
طبعا محتاجة عزومة طبق فول مثلا يفتح النفس
خصوصا ان الصيام ابتدا النهاردة
ويا سلام لو تعزم علي حميدة بواحد ينسون تسلك بيه الكيبورد
ويقلب مزاجها ليتذكرون
انما من جهة الجنان يا عالم ان كانت حميدة هتجننكم برغيها في الرحلة دي
لانها رحلة بتعتمد علي احاسيس ومشاعر وانطباعات
اتمني ان حميدة تخف عليكم شوية مش بعرف اعملها فول ستوب لما بتنطلق وتبتدي تذيع
انت جييييييييت يا عدساوي
طبعا محتاجة عزومة طبق فول مثلا يفتح النفس
خصوصا ان الصيام ابتدا النهاردة
ويا سلام لو تعزم علي حميدة بواحد ينسون تسلك بيه الكيبورد
ويقلب مزاجها ليتذكرون
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
ونواصل التحليق مع حميدة علي نغمات الموسيقي
غمضت عيني شوية احاول انام
فشلت ومع قرب الوصول كان الاضطراب الداخلي بيزيد
وفضلت عيني علي الشاشة لغاية ما دخلنا المجال الفرنسي
وابتدينا نقرب من باريس
فتحت الشباك لاني كنت قفلته في محاولة النوم الفاشلة
وابتديت اراقب حركة السحاب عن قرب حسيته خيمة بتضلل علي باريس
مع هبوط الطيارة كان بينتابني شعور ان السحاب بيحملني برقة علشان ينقلني لباريس بلد النور
والعراقة و الرومانسية والجمال
حسيت اني هشوفها بعيون تانية مختلفة عن رحلة سابقة لعالم يوروديزني
وكل ما الارض بتقرب كنت بحس بمشاعري ملخبطة فيها سعادة خفية
اني هعيش ايام مع نفسي في باريس
وقلق اني معرفش احقق اللقاء الخاص ده معاها
ويمكن الاحساس ده انعكس علي طريقة لبسي
لاني كنت شاعرة اني هعيش لحظات رومانسية مع عراقة باريس الخاصة جدا
فاسمحولي هوصف كنت لابسة ايه
علشان تعيشوا معايا تفاصيل احاسيسي في الرحلة دي
بدلة سوداء قماشها رقيق في الجاكت من الجنب ا سلسلة دهب
وسلسلة تانية عند البنطلون مع بلوز حرير لونها اوف وايت الكولة زي كرافات منها فيها
مع حذاء شمواه اسود...بجد كنت قاصدة اسافررسمي اوي
مش بقولكم احاسيسي كانت مختلفة في الرحلة دي
وابتدينا نقرب ونلمس الارض
وصلنا وخلصنا الاجراءات واستلمنا الشنط وخرجنا من المطاروقسمنا نفسنا علي تاكسيين
كنا خمسة علي فكرة اتنين من الجنس الناعم وتلاتة من الجنس الخشن
كان السواق لطيف جدا جنسيته مغربية وابتدا يسال عن حالة الجو في مصر
قلتله ان الجو مثالي في الفترة دي والحقيقة الجو كمان في باريس
فوجئت انه كان رائع وفيه لسعة برد لذيذة
مع غيوم خفيفة بالنسبالي بحب الجو اللي فيه غيوم مكمل لمشاعر الرومانسية
بصيت في الساعة كنا تقريبا اربعة وشوية
ووصلنا الاوتيل واااااااااااااااااااااااااااااااه منه
بكره هكملكم اللي حصل هناك
غمضت عيني شوية احاول انام
فشلت ومع قرب الوصول كان الاضطراب الداخلي بيزيد
وفضلت عيني علي الشاشة لغاية ما دخلنا المجال الفرنسي
وابتدينا نقرب من باريس
فتحت الشباك لاني كنت قفلته في محاولة النوم الفاشلة
وابتديت اراقب حركة السحاب عن قرب حسيته خيمة بتضلل علي باريس
مع هبوط الطيارة كان بينتابني شعور ان السحاب بيحملني برقة علشان ينقلني لباريس بلد النور
والعراقة و الرومانسية والجمال
حسيت اني هشوفها بعيون تانية مختلفة عن رحلة سابقة لعالم يوروديزني
وكل ما الارض بتقرب كنت بحس بمشاعري ملخبطة فيها سعادة خفية
اني هعيش ايام مع نفسي في باريس
وقلق اني معرفش احقق اللقاء الخاص ده معاها
ويمكن الاحساس ده انعكس علي طريقة لبسي
لاني كنت شاعرة اني هعيش لحظات رومانسية مع عراقة باريس الخاصة جدا
فاسمحولي هوصف كنت لابسة ايه
علشان تعيشوا معايا تفاصيل احاسيسي في الرحلة دي
بدلة سوداء قماشها رقيق في الجاكت من الجنب ا سلسلة دهب
وسلسلة تانية عند البنطلون مع بلوز حرير لونها اوف وايت الكولة زي كرافات منها فيها
مع حذاء شمواه اسود...بجد كنت قاصدة اسافررسمي اوي
مش بقولكم احاسيسي كانت مختلفة في الرحلة دي
وابتدينا نقرب ونلمس الارض
وصلنا وخلصنا الاجراءات واستلمنا الشنط وخرجنا من المطاروقسمنا نفسنا علي تاكسيين
كنا خمسة علي فكرة اتنين من الجنس الناعم وتلاتة من الجنس الخشن
كان السواق لطيف جدا جنسيته مغربية وابتدا يسال عن حالة الجو في مصر
قلتله ان الجو مثالي في الفترة دي والحقيقة الجو كمان في باريس
فوجئت انه كان رائع وفيه لسعة برد لذيذة
مع غيوم خفيفة بالنسبالي بحب الجو اللي فيه غيوم مكمل لمشاعر الرومانسية
بصيت في الساعة كنا تقريبا اربعة وشوية
ووصلنا الاوتيل واااااااااااااااااااااااااااااااه منه
بكره هكملكم اللي حصل هناك
عدل سابقا من قبل farida في الثلاثاء 04 مايو 2010, 7:41 pm عدل 1 مرات
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
ازيكم يا صحبة حلوة
مستعدين هندخل الاوتيل
قبل السفر كنت طلعت الاوتيل علي النت وسيته اوتيل امور لكن بالنسبالي كان عيبه انه بعيد شوية
عن وسط البلد..خصوصا انهم الاربعة هيروحوا المعرض يوميا وانا هتجول وحيدة
طبعا اول ما دخلنا حسيت المسؤول اللي حجز اتهز شوية من حجمه
كان صغنن اوي الريسبشن
اخدنا مفاتيح الاربع اوض ..ابتدينا ندخل اوضة اوضة وكل واحد يدخل اوضه يقول ضيقة اوي
قلت اكيد احنا هتكون اوسع لانها دابل
دخلنا احنا الخمسة جالنا ذهول يمكن اصغر واحدة
وصاحب الاوتيل مصر انها اكبر واحدة عندهم
قلتلي اقلمي نفسك يا فريدة علي الوضع..بس لقيت سي السيد هو المتبرم
قلتله معلش مش مشكلة ..لقيته بيرص بدله في الدولاب
والحقيقة الدولاب خلص علي كده
قلت مفيش مشاكل ابدا هستعمل الشنطة دولاب بس كانت المشكلة اني كنت حطة شنطتين جوة بعض
لزوم الشوبنج يعني
الوضع في الغرفة الحقيقة لا يسمح حتي بشنطة فاضية لان الطريق كان وان واي فيها
يا انا اعدي يا سي السيد فطبعا كان صعب احط موانع تعوق حركة المرور فيها
نزلنا تاني بعد ما لبسنا لبس الكشافة علشان نستكشف الطرق المؤدية للاندر جرواند
والخطوط المؤدية لمكان المعرض
طول ما انا ماشية معاهم حسة باحساس غريب قلت ياربي مش شايفة حاجة تحسسني اني في باريس
لكن كنت بحاول اكون منطلقة من برايا واشاغب انا بقي فيهم
وكان كل حديثم عن اوض النوم وبعد الاوتيل
لغاية ما لقيت الشريك اللي حجز قال انا مش هقعد في الاوتيل وهدور علي اوتيل تاني
بتلقائية قلتله ياريت يبقي في سنتر البلد
قاللي احنا مش جايين نتعذب قلتله من غير ما احسسه اني نفسي انه ينفذ موضوع النقل
قلتله عموما متشيلش هم اكيد هنتصرف لو فضلنا
وصلنا محطة المترو ورحنا شباك الاستعلامات علشان نستفسر عن تذاكر الانتقال للاسبوع كله
وبالنسبالهم لمكان المعرض
كان المسؤول هو دكتور علي فكرة بس بيشتغل حاجة تانية غير الطب وهو وانا اللي بنقوم بعملية الاستفسار
علشان اللغة
في النص سالها عن اسماء اوتيلات طبعا رحت متدخلة في الحديث وقلتها ياريت تكون قريبة
من وسط البلد
الحقيقة كانت لطيفة ومتعاونة جدا وفعلا دورت علي اوتيل في منطقة الكونكورد
وكلمنا الاوتيل علشان نتاكد انه فيه غرف خصوصا انه كان صعب مع المعرض
عرفنا انه فيه غرف شاغرة
ركبنا المترو وانا في المترو افتكرت زمااااااااان لما كنت بركبه مع بنت خالتي وجدتي
كنت بستمتع اتامل كل حاجة من صغري
كنت بحب اوي صوت العجل مع سرعة المترو
وصلنا المحطة المطلوبة وطلعنا من تحت الارض علشان القاني في قلب باريس
قلتلهم ايووووووووووووووووة كده انا حسيت دلوقت اني في مدينة النور
معلش الصور دي مهزوزة مش واضحة لاني كنت بصور وانا بجري معاهم كعادتي دايما
لكن صورت لاني حسيت بانبهار فعلا لما شفت ازاي الشوارع واسعة جدا
وده هنشوفه مع بعض علي رواااااااااااقة جدا وفي عز النهار
المهم لقينا خريطة في الشارع ودورنا علي اسم شارع الاوتيل
وصلنا شارع الاوتيل بصراحة حبيت الشارع والاوتيل وقلت في سري يارب ينفع
لانه قريب من كل حاجة
دخلنا الاوتيل بصراحة كان شرح وجميل وقلنا هنتفرج علي الاوض الاول
طبعا كانت حركة المرور هايلة والبالكونة فيها ورد احمر جميل
قلتلهم طبعا فرق شتان لان موقع الاوتيل هو الي بجد فارق معايا
يعني التاني بحجمه لو كان هنا كنا هنتعايش معاه
نزلنا وجزء قال ننقل النهاردة وجزء الصبح
وعلي راسهم سي السيد كان كسلان يرجع يجيب الشنط
اقنعناه ان جزء يفضل وجزء يروح والنهاردة احسن من بكرة
وبالليل ننزل نتعشي
المهم راحوا الجنس الخشن وقالولنا خليكوا انتم
هم خرجوا من هنا واحنا وراهم خرجنا نتجول ونستكشف المكان
وبعد ما رجعوا وحصل حالة استقرار نفسي للمجموعة
خرجنا اتمشينا من الاوتيل لشارع الشانزلزيه ودخلنا مطعم لذيذ
اتعشينا واحنا خلصانين طبعا بعد يوم طوووووووووويل
مش هطول عليكم انا عارفة اني مطوتلش ولا حاجة
بس انا حذرتكم من حميدة مش بقدر اعمل كنترول عليها
لما بتفتح علي الرابع
مستعدين هندخل الاوتيل
قبل السفر كنت طلعت الاوتيل علي النت وسيته اوتيل امور لكن بالنسبالي كان عيبه انه بعيد شوية
عن وسط البلد..خصوصا انهم الاربعة هيروحوا المعرض يوميا وانا هتجول وحيدة
طبعا اول ما دخلنا حسيت المسؤول اللي حجز اتهز شوية من حجمه
كان صغنن اوي الريسبشن
اخدنا مفاتيح الاربع اوض ..ابتدينا ندخل اوضة اوضة وكل واحد يدخل اوضه يقول ضيقة اوي
قلت اكيد احنا هتكون اوسع لانها دابل
دخلنا احنا الخمسة جالنا ذهول يمكن اصغر واحدة
وصاحب الاوتيل مصر انها اكبر واحدة عندهم
قلتلي اقلمي نفسك يا فريدة علي الوضع..بس لقيت سي السيد هو المتبرم
قلتله معلش مش مشكلة ..لقيته بيرص بدله في الدولاب
والحقيقة الدولاب خلص علي كده
قلت مفيش مشاكل ابدا هستعمل الشنطة دولاب بس كانت المشكلة اني كنت حطة شنطتين جوة بعض
لزوم الشوبنج يعني
الوضع في الغرفة الحقيقة لا يسمح حتي بشنطة فاضية لان الطريق كان وان واي فيها
يا انا اعدي يا سي السيد فطبعا كان صعب احط موانع تعوق حركة المرور فيها
نزلنا تاني بعد ما لبسنا لبس الكشافة علشان نستكشف الطرق المؤدية للاندر جرواند
والخطوط المؤدية لمكان المعرض
طول ما انا ماشية معاهم حسة باحساس غريب قلت ياربي مش شايفة حاجة تحسسني اني في باريس
لكن كنت بحاول اكون منطلقة من برايا واشاغب انا بقي فيهم
وكان كل حديثم عن اوض النوم وبعد الاوتيل
لغاية ما لقيت الشريك اللي حجز قال انا مش هقعد في الاوتيل وهدور علي اوتيل تاني
بتلقائية قلتله ياريت يبقي في سنتر البلد
قاللي احنا مش جايين نتعذب قلتله من غير ما احسسه اني نفسي انه ينفذ موضوع النقل
قلتله عموما متشيلش هم اكيد هنتصرف لو فضلنا
وصلنا محطة المترو ورحنا شباك الاستعلامات علشان نستفسر عن تذاكر الانتقال للاسبوع كله
وبالنسبالهم لمكان المعرض
كان المسؤول هو دكتور علي فكرة بس بيشتغل حاجة تانية غير الطب وهو وانا اللي بنقوم بعملية الاستفسار
علشان اللغة
في النص سالها عن اسماء اوتيلات طبعا رحت متدخلة في الحديث وقلتها ياريت تكون قريبة
من وسط البلد
الحقيقة كانت لطيفة ومتعاونة جدا وفعلا دورت علي اوتيل في منطقة الكونكورد
وكلمنا الاوتيل علشان نتاكد انه فيه غرف خصوصا انه كان صعب مع المعرض
عرفنا انه فيه غرف شاغرة
ركبنا المترو وانا في المترو افتكرت زمااااااااان لما كنت بركبه مع بنت خالتي وجدتي
كنت بستمتع اتامل كل حاجة من صغري
كنت بحب اوي صوت العجل مع سرعة المترو
وصلنا المحطة المطلوبة وطلعنا من تحت الارض علشان القاني في قلب باريس
قلتلهم ايووووووووووووووووة كده انا حسيت دلوقت اني في مدينة النور
معلش الصور دي مهزوزة مش واضحة لاني كنت بصور وانا بجري معاهم كعادتي دايما
لكن صورت لاني حسيت بانبهار فعلا لما شفت ازاي الشوارع واسعة جدا
وده هنشوفه مع بعض علي رواااااااااااقة جدا وفي عز النهار
المهم لقينا خريطة في الشارع ودورنا علي اسم شارع الاوتيل
وصلنا شارع الاوتيل بصراحة حبيت الشارع والاوتيل وقلت في سري يارب ينفع
لانه قريب من كل حاجة
دخلنا الاوتيل بصراحة كان شرح وجميل وقلنا هنتفرج علي الاوض الاول
طبعا كانت حركة المرور هايلة والبالكونة فيها ورد احمر جميل
قلتلهم طبعا فرق شتان لان موقع الاوتيل هو الي بجد فارق معايا
يعني التاني بحجمه لو كان هنا كنا هنتعايش معاه
نزلنا وجزء قال ننقل النهاردة وجزء الصبح
وعلي راسهم سي السيد كان كسلان يرجع يجيب الشنط
اقنعناه ان جزء يفضل وجزء يروح والنهاردة احسن من بكرة
وبالليل ننزل نتعشي
المهم راحوا الجنس الخشن وقالولنا خليكوا انتم
هم خرجوا من هنا واحنا وراهم خرجنا نتجول ونستكشف المكان
وبعد ما رجعوا وحصل حالة استقرار نفسي للمجموعة
خرجنا اتمشينا من الاوتيل لشارع الشانزلزيه ودخلنا مطعم لذيذ
اتعشينا واحنا خلصانين طبعا بعد يوم طوووووووووويل
مش هطول عليكم انا عارفة اني مطوتلش ولا حاجة
بس انا حذرتكم من حميدة مش بقدر اعمل كنترول عليها
لما بتفتح علي الرابع
عدل سابقا من قبل farida في الجمعة 28 نوفمبر 2008, 10:58 pm عدل 1 مرات
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
يالهووووووووووووووووووووي ايه الجمال ده يا فيري
'لواحد بجد حاسس انه بيسافر معاكي علشان كده عندي اقتراح
اني اكتبلك قائمه بالدول اللي انا عايزه اروحها وتسافري انتي وعزيزه
'لواحد بجد حاسس انه بيسافر معاكي علشان كده عندي اقتراح
اني اكتبلك قائمه بالدول اللي انا عايزه اروحها وتسافري انتي وعزيزه
aymon2009- عضو مئوى
-
عدد الرسائل : 162
العمر : 38
تاريخ التسجيل : 09/07/2008
رد: سفاري وكعب دايربعيوني
ودلوقت حميدة هتمارس معاكم رياضة المشي والتجوال في بلد النور
قبل ما نبتدي جولة في شوارع باريس هناخد فكرة عن باريس ودرس جغراقيا علي تاريخ
من حميدة الرغاية
علم المدينة
يرجع اسم باريس الي قبيلة كلتية اول من سكنت المنطقة وكان اسمها باريسي
parisii
وعارفين ليه بيتقال علي باريس مدينة الانوار
(la Ville Lumière)
و ذلك لأنها في عام 1828 كانت أول مدينة في أوروبا تضاء طرقاتها بمصابيح تعمل بالجاز.
وتعد باريس ميناء نهري هام جداوتعد رابع أهم ميناء فرنسي (بعد مرسيليا والهافر ودنكرك).
باريس عاصمة فرنسا احب مدن العالم تقع علي نهر السين فيها مطاريين دوليين
اورللي وشارل ديجول
النفق الشهير اللي بيربط فرنسا بانجلترا تحت بحر المانش وعن طريقه سهولة السفر بالقطر
باريس عاصمة الفنون والعلوم فيها السوربون من اقدم الجامعات
زائد برج ايفل وقوس النصر وشارع الشانزليزيه
نبتدي جولتنا بنظرة من بلكونة الاوتيل ايه رايكم كانت اجمل حاجة بحب اعملها لما بصحي
اخرج البالكونة وعيني تقع علي الورد الاحمر والحديد الفيرفورجيه
كنا بنصحي تقريبا 6 الصبح ونتقابل كلنا علي الفطار الساعة 7
بفطر معاهم هم الاربعة يروحوا المعرض واطلع انا الاوضة
انزل تقريبا علي تسعة ونص
اول يوم بس فضل معايا سي السيد يوريني خريطة الاتجهات
اللي هتحرك من خلالها :-*-:
معايا كده هننزل من الاوتيل من الناحية دي الاتجاه لسنتر البلد ناحية محلات لافاييت وسي اند ايه
وشوية محلات كتير اشتريت منها كتير خصوصا لشادي
اول ما بنخرج من شارع الاوتيل ونطلع للشارع الرئيسي
قدام في الوش شايفين المحل ده بتاع هيرمس
من المحلات السينييه..وشعاره اهو فوق المحل
زي تمثال نابليون
طبعا احنا بنعدي الشارع دهملناش دعوة بيه خالص حاجته سينييه مش حلوة خالص
ولا كاننا شايفينه :xgfd:
مش هطول عليكم سي السيد دخلني في شارع وطلعني من شارع ويمين وشمال
طبعا بعد ما بنسال الناس عن الاتجاهات
وانا مع نفسي قلت
هو انتي هتعرفي توصلي الاماكن دي تاني وحدك يا فريدة
بس طبعا عاملة جدعة مش هقول طبعا بما يجول في نفسيتي
لاني مش بحب اخلي حد يشيل همي
وفي الرحلة دي بالذات كنت مصرة اني اكون خفيفة علي الكل
بس قلت هعلم الناحية دي بكنيسة لامادلين
وهنزورها انتوا وانا بس مع بعضينا
قلت لسي السيد عايزين اول حاجة نشتريها هدوم لشادي
كنت قاصدة انه يشارك في التقية علشان احسسه بمشاعر جدو بينقي لحفيده
وفعلا اشتريت كتير اوي كنت ضعيفة قدام هدوم الاطفال
رجعنا الاوتيل علي الساعة واحدة يدوب حطينا الحاجة
ونزلنا تاني علشان يعرفني اتجاه الشانزليزيه
وهنا هنبتدي نشوف اهم ميدان في قلب العاصمة الباريسية
وبيطل علي الميدان هوتيل وزارة الحربية وفندق كريون
وهو من اعرق واغلي الفنادق الباريسية
الميدان كان اسمه ميدان لوي الخامس عشر وفي سنة 1792 بقي اسمه ميدان الثورة
وبعد الفترة الدموية وازالة المقصلة اطلق علي الميدان
اسم الكونكورد ومعناها الالفة والوفاق
والحقيقة كان فيه احداث تاريخية كتير شهدها الميدان اهمها نصب المقصلة وسقوط
رؤوس تقريا 1300 شخصية
ونفذ حكم الاعدام بقطع راس لويس السادس عشر
وده كان في 21-1-1793م
وفي زوجته الملكة ماري انطوانيت في 17-10-1793
فاكرين مقولتها المشهورة
لماذا لا تعطون الشعب بسكويتا
بداية الشارع بيبتدي من متحف اللوفر اللي للاسف معرفتش ازوره
لغاية قوس النصر
وفي وسط الميدان مسلة فرعونية من الاقصر بجد في وسط الميدان شكلها تحفة
كانت هدية من محمد علي لشارل العاشر سنة 1829
لكن وصلت باريس سنة 1833 في عهد لوي فيليب
طولها 23 مترا ووزنها 220طنا
تعالوا نقرب شوية منها
الميدان فيه تمن تماثيل رمز لتمن مدن فرنسية وفي وسط الميدان نافورتين علي طراز نافورات الفاتيكان
رحت هناك قبل كده وفعلا نفس الطراز
طبعا الصور كانت سريعة لاني مش لوحدي بس هنيجي مع بعض تاني
وفي جو تاني خالص
من الناحية دي هندخل علي شارع الشانزليزيه اكبر شارع اعتقد في العالم كله
والشارع الي بتقام فيه العروض العسكرية
فعلا شارع رائع تحس فيه بالجمال والحياة بجد
حسيت اني شفت جنسيات العالم طول ما انا ماشية سامعة لغات مختلفة
هنا صورت بضهري الميدان وانا ماشية في شارع الشانزليزيه
وهنا طبعا بعد فترة ومسافة من المشي اخر الشارع قوس النصر
هنحكي حكايته مرة تانية
تعبتوا صح ونهجتوا من حميدة ..خليتها تسكت بالعافية
قبل ما نبتدي جولة في شوارع باريس هناخد فكرة عن باريس ودرس جغراقيا علي تاريخ
من حميدة الرغاية
علم المدينة
يرجع اسم باريس الي قبيلة كلتية اول من سكنت المنطقة وكان اسمها باريسي
parisii
وعارفين ليه بيتقال علي باريس مدينة الانوار
(la Ville Lumière)
و ذلك لأنها في عام 1828 كانت أول مدينة في أوروبا تضاء طرقاتها بمصابيح تعمل بالجاز.
وتعد باريس ميناء نهري هام جداوتعد رابع أهم ميناء فرنسي (بعد مرسيليا والهافر ودنكرك).
باريس عاصمة فرنسا احب مدن العالم تقع علي نهر السين فيها مطاريين دوليين
اورللي وشارل ديجول
النفق الشهير اللي بيربط فرنسا بانجلترا تحت بحر المانش وعن طريقه سهولة السفر بالقطر
باريس عاصمة الفنون والعلوم فيها السوربون من اقدم الجامعات
زائد برج ايفل وقوس النصر وشارع الشانزليزيه
نبتدي جولتنا بنظرة من بلكونة الاوتيل ايه رايكم كانت اجمل حاجة بحب اعملها لما بصحي
اخرج البالكونة وعيني تقع علي الورد الاحمر والحديد الفيرفورجيه
كنا بنصحي تقريبا 6 الصبح ونتقابل كلنا علي الفطار الساعة 7
بفطر معاهم هم الاربعة يروحوا المعرض واطلع انا الاوضة
انزل تقريبا علي تسعة ونص
اول يوم بس فضل معايا سي السيد يوريني خريطة الاتجهات
اللي هتحرك من خلالها :-*-:
معايا كده هننزل من الاوتيل من الناحية دي الاتجاه لسنتر البلد ناحية محلات لافاييت وسي اند ايه
وشوية محلات كتير اشتريت منها كتير خصوصا لشادي
اول ما بنخرج من شارع الاوتيل ونطلع للشارع الرئيسي
قدام في الوش شايفين المحل ده بتاع هيرمس
من المحلات السينييه..وشعاره اهو فوق المحل
زي تمثال نابليون
طبعا احنا بنعدي الشارع دهملناش دعوة بيه خالص حاجته سينييه مش حلوة خالص
ولا كاننا شايفينه :xgfd:
مش هطول عليكم سي السيد دخلني في شارع وطلعني من شارع ويمين وشمال
طبعا بعد ما بنسال الناس عن الاتجاهات
وانا مع نفسي قلت
هو انتي هتعرفي توصلي الاماكن دي تاني وحدك يا فريدة
بس طبعا عاملة جدعة مش هقول طبعا بما يجول في نفسيتي
لاني مش بحب اخلي حد يشيل همي
وفي الرحلة دي بالذات كنت مصرة اني اكون خفيفة علي الكل
بس قلت هعلم الناحية دي بكنيسة لامادلين
وهنزورها انتوا وانا بس مع بعضينا
قلت لسي السيد عايزين اول حاجة نشتريها هدوم لشادي
كنت قاصدة انه يشارك في التقية علشان احسسه بمشاعر جدو بينقي لحفيده
وفعلا اشتريت كتير اوي كنت ضعيفة قدام هدوم الاطفال
رجعنا الاوتيل علي الساعة واحدة يدوب حطينا الحاجة
ونزلنا تاني علشان يعرفني اتجاه الشانزليزيه
وهنا هنبتدي نشوف اهم ميدان في قلب العاصمة الباريسية
وبيطل علي الميدان هوتيل وزارة الحربية وفندق كريون
وهو من اعرق واغلي الفنادق الباريسية
الميدان كان اسمه ميدان لوي الخامس عشر وفي سنة 1792 بقي اسمه ميدان الثورة
وبعد الفترة الدموية وازالة المقصلة اطلق علي الميدان
اسم الكونكورد ومعناها الالفة والوفاق
والحقيقة كان فيه احداث تاريخية كتير شهدها الميدان اهمها نصب المقصلة وسقوط
رؤوس تقريا 1300 شخصية
ونفذ حكم الاعدام بقطع راس لويس السادس عشر
وده كان في 21-1-1793م
وفي زوجته الملكة ماري انطوانيت في 17-10-1793
فاكرين مقولتها المشهورة
لماذا لا تعطون الشعب بسكويتا
بداية الشارع بيبتدي من متحف اللوفر اللي للاسف معرفتش ازوره
لغاية قوس النصر
وفي وسط الميدان مسلة فرعونية من الاقصر بجد في وسط الميدان شكلها تحفة
كانت هدية من محمد علي لشارل العاشر سنة 1829
لكن وصلت باريس سنة 1833 في عهد لوي فيليب
طولها 23 مترا ووزنها 220طنا
تعالوا نقرب شوية منها
الميدان فيه تمن تماثيل رمز لتمن مدن فرنسية وفي وسط الميدان نافورتين علي طراز نافورات الفاتيكان
رحت هناك قبل كده وفعلا نفس الطراز
طبعا الصور كانت سريعة لاني مش لوحدي بس هنيجي مع بعض تاني
وفي جو تاني خالص
من الناحية دي هندخل علي شارع الشانزليزيه اكبر شارع اعتقد في العالم كله
والشارع الي بتقام فيه العروض العسكرية
فعلا شارع رائع تحس فيه بالجمال والحياة بجد
حسيت اني شفت جنسيات العالم طول ما انا ماشية سامعة لغات مختلفة
هنا صورت بضهري الميدان وانا ماشية في شارع الشانزليزيه
وهنا طبعا بعد فترة ومسافة من المشي اخر الشارع قوس النصر
هنحكي حكايته مرة تانية
تعبتوا صح ونهجتوا من حميدة ..خليتها تسكت بالعافية
عدل سابقا من قبل farida في الثلاثاء 04 مايو 2010, 8:02 pm عدل 1 مرات
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
الصور جميلة يافريدة
وترتيب الاحداث رائع
شوقتينا لبقية الرحلة
فى انتظار باقى الاحداث .....
ADHAM- عضو مئوى
-
عدد الرسائل : 606
العمر : 77
تاريخ التسجيل : 14/02/2008
رد: سفاري وكعب دايربعيوني
حميدة بتقولكم استعدوا علشان زيارة برج ايفل
واحنا في الشانزليزيه كلمتنا مجموعة المعرض وقالولنا انهم رجعوا وكانت تقريبا تلاتة الضهر
هم راحوا يوضبوا الجناح والافتتاح كان تاني يوم
وعلشان الوقت كان بدري قالوا فرصة نزور برج ايفل
طبعا كنت مبسوطة اني هعرف اصور
خصوصا اني زرته من سنين لكن مكنتش مهتمية اوي بالتصوير
المهمة رحنا الاندر جراوند ونزلنا في ساحة مارس قريب من نهر السين
ولمحت البرج
حسيت اوي وانا في باريس بشوارع مماثلة في مصر وعلي نفس الطراز الفرنسي
طبعا بتكلم عن وسط البلد في مصر
وكوبري قصرالنيل والاسدين
يعني خلوا بالكم من التمثالين دول هما بعيد شوية
مش عايزة اقولكم بامانة مكنتش بعرف اصور مع المجموعة اللي كنت معاهم بيمشوا بسرعة
بجد رهيبة ..كنت حساهم مش عارفين يستمتعوا من الصربعة
كانهم بيادوا مهمة
طبعا مش عايزة اوصف الطابور الطويل اللي وقفنا فيه غير طبيعي علشان نقطع تذاكر
واحنا واقفين في الطابور هناخد فكرة عن برج ايفل
شايفين التمثال الذهبي ده الكسندر جوستاف ايفل
اللي بني البرج واللي بيقال انه بني كوبري ابو العلا اللي احالوه علي المعاش
مش فاكرة امتي
دي نبذة صغننة عن البرج من النت
قام غوستاف إيفل بتصميم البرج ليكون مدخلاً مميزاً للمعرض الدولي 1889 في باريس،
والذي وافق الذكرى المئوية للثورة الفرنسية حيث أظهر القدرة التقنية الفرنسية آنذاك.
وقد بلغت تكلفة بناء البرج وقت الإنشاء حوالي 7,800,000 فرنك ذهبي فرنسي،
بلغ ارتفاع البرج وقت الإنشاء 300 مترا ( 984 قدما )،
ثم أضيف إليه في نفس العام الراية، فوصل ارتفاعه إلى 312 مترا ( 1024 قدما )،
لكن بعد إضافة الهوائي الخاص بالبث على قمته، أصبح ارتفاع البرج الكلي 324 مترا ( 1063 قدما )،
وكان يعتبر من أطول البنايات في العالم
وقد افتتح البرج رسمياً في 6 مايو 1889
في بداية عام 1906 م شهد المحاولات الأولى لاستخدامه في البث الإذاعي،
على أنه دخل الخدمة فعلياً في عام 1920 م.
حبيت بس تاخدوا فكرة قبل ما نطلع
لانه فعلا ارتفاعه رهيب ومنظر الاسانسير وهو طالع ونازل
والاحساس اننا هنطلع مخيف يعني متخيلين انه الناحية دي من رجليه هنطلع فوق
هحاول اوريكم اكتر من قريب اكتر
طبعا الطابور طويل بشكل عجيب والكل واقف حاسس انه اتدبس
ومحدش فيهم قادر يقول نرجع بصراحة تلات ساعات واقفين علشان نقطع تذاكر
ومش معروف اذا كان ده بسبب الاعداد الرهيبة ولا بطيء اجراءات تفتيش
المهم لما قربنا اكتشفنا ان الاولوية للي بيدخلوا اللي معاهم تذاكر محجوزة عن طريق
شركات سياحة او اوتيلات
طبعا كانت حاجة تغيظ وكان الدكتور الي معانا منرفز جدا من الموضوع ده
فلما وصلنا مقدرش يمسك نفسه وقالهم انه كده ميصحش
طبعا هو حط نفسه في موقف مش لذيذ
لان طبيعة الفرنسويين مش بتتحمل كلمة
الحمدلله انه كان سبق وانا سمعت الي علي الباب بيقول لو اتكلمت تاني مش هخليك تطلع
كان نفسي ارجع اقوله ميصحش احنا زوار في بلدك
بس خفت الفت نظر الناس اللي معايا وتتقلب لخناقة
وقفنا تاني طابور طويل علي الاسانسير حاجة مملة اوي
فيه بينزلوا الدور التاني اللي فيه المطاعم
واحنا كملنا للتالت
وكان فيه مكتب المهندس مصمم البرج فصورت وانا معدية
واكيد مدام توسو اللي عملتله التمثال ده
وكملنا للرابع طبعا لا عرفت اصور
لانهم من الزحمة قالوا نمشي
وكانوا ماشيين بسرعة جدا
دي صورة صورتها بسرعة وانا معدية
ودي صور صورتها محطوطة بتوضح منظر باريس من البرج بالنهار
المهم بعد اربع ساعات هلاك من غير استمتاع نزلنا وكانت الدنيا ضلمت لكن كانت
اضاءة البرج تحفة صورتها وانا راجعة
رحنا اكلنا بيتزا في مطعم وبعدين رجعنا الاوتيل لاننا كنا كلنا هنصحي بدري
نروح جمعاااااااااء المعرض لانه كان يوم الافتتاح
لكن واحنا في طريقنا للاوتيل صورت برج ايفل من علي بعد
تعبتوا صح من الوقفة وحميدة
ارتاحوا لاننا رايحين المعرض
نتقابل بكرة
واحنا في الشانزليزيه كلمتنا مجموعة المعرض وقالولنا انهم رجعوا وكانت تقريبا تلاتة الضهر
هم راحوا يوضبوا الجناح والافتتاح كان تاني يوم
وعلشان الوقت كان بدري قالوا فرصة نزور برج ايفل
طبعا كنت مبسوطة اني هعرف اصور
خصوصا اني زرته من سنين لكن مكنتش مهتمية اوي بالتصوير
المهمة رحنا الاندر جراوند ونزلنا في ساحة مارس قريب من نهر السين
ولمحت البرج
حسيت اوي وانا في باريس بشوارع مماثلة في مصر وعلي نفس الطراز الفرنسي
طبعا بتكلم عن وسط البلد في مصر
وكوبري قصرالنيل والاسدين
يعني خلوا بالكم من التمثالين دول هما بعيد شوية
مش عايزة اقولكم بامانة مكنتش بعرف اصور مع المجموعة اللي كنت معاهم بيمشوا بسرعة
بجد رهيبة ..كنت حساهم مش عارفين يستمتعوا من الصربعة
كانهم بيادوا مهمة
طبعا مش عايزة اوصف الطابور الطويل اللي وقفنا فيه غير طبيعي علشان نقطع تذاكر
واحنا واقفين في الطابور هناخد فكرة عن برج ايفل
شايفين التمثال الذهبي ده الكسندر جوستاف ايفل
اللي بني البرج واللي بيقال انه بني كوبري ابو العلا اللي احالوه علي المعاش
مش فاكرة امتي
دي نبذة صغننة عن البرج من النت
قام غوستاف إيفل بتصميم البرج ليكون مدخلاً مميزاً للمعرض الدولي 1889 في باريس،
والذي وافق الذكرى المئوية للثورة الفرنسية حيث أظهر القدرة التقنية الفرنسية آنذاك.
وقد بلغت تكلفة بناء البرج وقت الإنشاء حوالي 7,800,000 فرنك ذهبي فرنسي،
بلغ ارتفاع البرج وقت الإنشاء 300 مترا ( 984 قدما )،
ثم أضيف إليه في نفس العام الراية، فوصل ارتفاعه إلى 312 مترا ( 1024 قدما )،
لكن بعد إضافة الهوائي الخاص بالبث على قمته، أصبح ارتفاع البرج الكلي 324 مترا ( 1063 قدما )،
وكان يعتبر من أطول البنايات في العالم
وقد افتتح البرج رسمياً في 6 مايو 1889
في بداية عام 1906 م شهد المحاولات الأولى لاستخدامه في البث الإذاعي،
على أنه دخل الخدمة فعلياً في عام 1920 م.
حبيت بس تاخدوا فكرة قبل ما نطلع
لانه فعلا ارتفاعه رهيب ومنظر الاسانسير وهو طالع ونازل
والاحساس اننا هنطلع مخيف يعني متخيلين انه الناحية دي من رجليه هنطلع فوق
هحاول اوريكم اكتر من قريب اكتر
طبعا الطابور طويل بشكل عجيب والكل واقف حاسس انه اتدبس
ومحدش فيهم قادر يقول نرجع بصراحة تلات ساعات واقفين علشان نقطع تذاكر
ومش معروف اذا كان ده بسبب الاعداد الرهيبة ولا بطيء اجراءات تفتيش
المهم لما قربنا اكتشفنا ان الاولوية للي بيدخلوا اللي معاهم تذاكر محجوزة عن طريق
شركات سياحة او اوتيلات
طبعا كانت حاجة تغيظ وكان الدكتور الي معانا منرفز جدا من الموضوع ده
فلما وصلنا مقدرش يمسك نفسه وقالهم انه كده ميصحش
طبعا هو حط نفسه في موقف مش لذيذ
لان طبيعة الفرنسويين مش بتتحمل كلمة
الحمدلله انه كان سبق وانا سمعت الي علي الباب بيقول لو اتكلمت تاني مش هخليك تطلع
كان نفسي ارجع اقوله ميصحش احنا زوار في بلدك
بس خفت الفت نظر الناس اللي معايا وتتقلب لخناقة
وقفنا تاني طابور طويل علي الاسانسير حاجة مملة اوي
فيه بينزلوا الدور التاني اللي فيه المطاعم
واحنا كملنا للتالت
وكان فيه مكتب المهندس مصمم البرج فصورت وانا معدية
واكيد مدام توسو اللي عملتله التمثال ده
وكملنا للرابع طبعا لا عرفت اصور
لانهم من الزحمة قالوا نمشي
وكانوا ماشيين بسرعة جدا
دي صورة صورتها بسرعة وانا معدية
ودي صور صورتها محطوطة بتوضح منظر باريس من البرج بالنهار
المهم بعد اربع ساعات هلاك من غير استمتاع نزلنا وكانت الدنيا ضلمت لكن كانت
اضاءة البرج تحفة صورتها وانا راجعة
رحنا اكلنا بيتزا في مطعم وبعدين رجعنا الاوتيل لاننا كنا كلنا هنصحي بدري
نروح جمعاااااااااء المعرض لانه كان يوم الافتتاح
لكن واحنا في طريقنا للاوتيل صورت برج ايفل من علي بعد
تعبتوا صح من الوقفة وحميدة
ارتاحوا لاننا رايحين المعرض
نتقابل بكرة
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
جميلة أوي وممتعة الرحلة معاكي يا فري، أنا حعمل زي أيمون واعتلك قائمة بالبلاد اللي عايزة أزورها علشان تفرجيني عليها بعيونك.
مستنيين صور المعرض بقى متتأخريش علينا.
مستنيين صور المعرض بقى متتأخريش علينا.
مصرية- عضو ألفى
-
عدد الرسائل : 1868
العمر : 45
تاريخ التسجيل : 23/12/2007
رد: سفاري وكعب دايربعيوني
حميدة بتعتذر عن انقطاع الاسترسال لظروف خارجة
اصلها كانت بتودي صواني كحك العيد علشان تقدمهولكم في العيد
كل سنة وانتوا طيبين
صحينا بدري اوي علشان ننزل نفطر قبل ما نروح المعرض
كلنا لبسنا فورمال اي ملابس رسمية
بدلة وكرافات
بعد الفطار نزلنا نركب القطر السكة كانت طويل والزحمة غير طبيعية كل محطة نقف عليها امم تركب
وبالصدفة انا قعدت وحدي في الكرسي الي بيترفع جنب الباب
كنت هفطس بجد
وصلنا المحطة المخصوصة للمعرض
وتشاهدون الان معرض سيال للمنتجات الغذائية
زي اللي زرناه قبل كده في كولن في المانيا
اجمل حاجة بجد شفتها وانا داخلة وكنت سعيدة جدا بيها
اعلان عن مصر والمنتجات المصرية
هناخد لفة في المعرض قبل ما نحلي بالجناح المصري
وهتشوفوا بعينكم ان هناك فرق
وبامانة مش ببالغ بس مش هسبق الاحداث
طبعا اخدت تعليمات اني الف علي المنتجات المشابهة لمنتج الشركة وانا استفسر واجيبلهم بروشور
قلتلهم انا اصلا جاية المعرض لمهمة رسمية مندوبة عن مصريات
بجد قلتلهم انا جاية اصور الجناح المصري علشان المنتدي
لكن طبعا وانا بلف لو منتج لفت نظري بقف عنده ويبقي حديث مع العارضين
ويعرفوا اني من مصر يصروا يدوقوني ويعرفوا رايي
منهم عارضة في جناح سينجابور
دوقتني منتج وسالتني لو يمشي في مصر
احرجت اجتماعيا منها وشربته
حسيت نفسي بيبي بيتغذي
هو عامل زي الرز علي سيريلاك علي لبن مش عارفة بالظبط
هو طبيعي مية في المية بس مفهتموش بصراحة
وشربت الكباية للاخر من كسوفي
الملاحظ فعلا ان كل المنتجات بتتجه للطبيعة وفيهعارض من بلجيكا قالي انه اوا مرض يعرض المنتج بتاعه
واداني عينة كادو هو تركيبة طبيعية بتتاخد فتفوتة علي مية سخنة
تعمل توازن في اجهزة الجسم وبييعوا بعشرة يويرو
عجبني طعمه
هناخد لفة سريعة دلوقت علي بعض الاجنحة
مش هوصفلكم ازاي زيت الزيتون كان منتشر في اغلب الاجنحة كان شيء ملفت للنظر
معايا كده هنلف مع بعض من الناحية دية
اصلها كانت بتودي صواني كحك العيد علشان تقدمهولكم في العيد
كل سنة وانتوا طيبين
صحينا بدري اوي علشان ننزل نفطر قبل ما نروح المعرض
كلنا لبسنا فورمال اي ملابس رسمية
بدلة وكرافات
بعد الفطار نزلنا نركب القطر السكة كانت طويل والزحمة غير طبيعية كل محطة نقف عليها امم تركب
وبالصدفة انا قعدت وحدي في الكرسي الي بيترفع جنب الباب
كنت هفطس بجد
وصلنا المحطة المخصوصة للمعرض
وتشاهدون الان معرض سيال للمنتجات الغذائية
زي اللي زرناه قبل كده في كولن في المانيا
اجمل حاجة بجد شفتها وانا داخلة وكنت سعيدة جدا بيها
اعلان عن مصر والمنتجات المصرية
هناخد لفة في المعرض قبل ما نحلي بالجناح المصري
وهتشوفوا بعينكم ان هناك فرق
وبامانة مش ببالغ بس مش هسبق الاحداث
طبعا اخدت تعليمات اني الف علي المنتجات المشابهة لمنتج الشركة وانا استفسر واجيبلهم بروشور
قلتلهم انا اصلا جاية المعرض لمهمة رسمية مندوبة عن مصريات
بجد قلتلهم انا جاية اصور الجناح المصري علشان المنتدي
لكن طبعا وانا بلف لو منتج لفت نظري بقف عنده ويبقي حديث مع العارضين
ويعرفوا اني من مصر يصروا يدوقوني ويعرفوا رايي
منهم عارضة في جناح سينجابور
دوقتني منتج وسالتني لو يمشي في مصر
احرجت اجتماعيا منها وشربته
حسيت نفسي بيبي بيتغذي
هو عامل زي الرز علي سيريلاك علي لبن مش عارفة بالظبط
هو طبيعي مية في المية بس مفهتموش بصراحة
وشربت الكباية للاخر من كسوفي
الملاحظ فعلا ان كل المنتجات بتتجه للطبيعة وفيهعارض من بلجيكا قالي انه اوا مرض يعرض المنتج بتاعه
واداني عينة كادو هو تركيبة طبيعية بتتاخد فتفوتة علي مية سخنة
تعمل توازن في اجهزة الجسم وبييعوا بعشرة يويرو
عجبني طعمه
هناخد لفة سريعة دلوقت علي بعض الاجنحة
مش هوصفلكم ازاي زيت الزيتون كان منتشر في اغلب الاجنحة كان شيء ملفت للنظر
معايا كده هنلف مع بعض من الناحية دية
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
الحقيقة كنت فخورة جدا بالجناح المصري حقيقي يشرف
وقفت اتكلم مع المسئولين عن الشركة دي فوجئت بجد
بمنتجات سالتهم عليها ليه مش بنشوفها في مصر قالولي
بتتصدر مش بتنزل في مصر لان الطلب عليها قليل
طبعا مليان اقسام مختلفة للجناح المصري وكان عدد الشركات كتير اوي
دايما المقيمين علي الجناح التابعين للشركة العارضة بيقوموا بمجهود علشان
صورتنا تطلع حلوة ..بامانة بحييهم جدا
عند الجناح المصري فيه شاشة وتحتها مطبخ بيقدم وجبات مصرية
والشاشة كل شوية بتتغير فيها الصورة
وهما بيقدموا المشروبات المصرية زي الكركديه والتمر هندي فوجئت بالشو المصري الصميم
جنبه كان فيه رسام بالزي الفرعوني بيرسم الزوار
مش عايزة اقولكم كان ازاي مليان ناس من المعرض ومتفاعلة مع الشو
علي فكرة الراقص كان بيتكلم فرنساوي رائع
وفي الاخر عرفت انه من المحلة
مش هقولكم الاعجاب اللي كان بالجناح المصري دايما مصر لما بتجتهد
بتبقي وردة تزين اي مكان تكون هي فيه
من بكرة هكون وحدي في شوارع باريس وهستكشفها معاكم
بس ادعولي الارسال ميتقطعش لاسباب بتخرج عن ارادتي
لو اتاخرت ومرجعتش ادوني ميسد كول
وقفت اتكلم مع المسئولين عن الشركة دي فوجئت بجد
بمنتجات سالتهم عليها ليه مش بنشوفها في مصر قالولي
بتتصدر مش بتنزل في مصر لان الطلب عليها قليل
طبعا مليان اقسام مختلفة للجناح المصري وكان عدد الشركات كتير اوي
دايما المقيمين علي الجناح التابعين للشركة العارضة بيقوموا بمجهود علشان
صورتنا تطلع حلوة ..بامانة بحييهم جدا
عند الجناح المصري فيه شاشة وتحتها مطبخ بيقدم وجبات مصرية
والشاشة كل شوية بتتغير فيها الصورة
وهما بيقدموا المشروبات المصرية زي الكركديه والتمر هندي فوجئت بالشو المصري الصميم
جنبه كان فيه رسام بالزي الفرعوني بيرسم الزوار
مش عايزة اقولكم كان ازاي مليان ناس من المعرض ومتفاعلة مع الشو
علي فكرة الراقص كان بيتكلم فرنساوي رائع
وفي الاخر عرفت انه من المحلة
مش هقولكم الاعجاب اللي كان بالجناح المصري دايما مصر لما بتجتهد
بتبقي وردة تزين اي مكان تكون هي فيه
من بكرة هكون وحدي في شوارع باريس وهستكشفها معاكم
بس ادعولي الارسال ميتقطعش لاسباب بتخرج عن ارادتي
لو اتاخرت ومرجعتش ادوني ميسد كول
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
صفحة 7 من اصل 7 • 1, 2, 3, 4, 5, 6, 7
صفحة 7 من اصل 7
صلاحيات هذا المنتدى:
لاتستطيع الرد على المواضيع في هذا المنتدى