سفاري وكعب دايربعيوني

صفحة 1 من اصل 7 1, 2, 3, 4, 5, 6, 7  الصفحة التالية

اذهب الى الأسفل

سفاري وكعب دايربعيوني

مُساهمة من طرف farida في الخميس 10 يناير 2008, 5:46 pm

ايه رايكم نتجول هنا وهناك
مع بعضينا ونشوف بعيون كل واحد سافر فين
وشاف ايه
ويوصف من خلال رؤيته ويعيشنا معاه رحلته
هبتدي معاكم رحلة لالمانيا فانتظروا عزيزة ونشوف معاها ناوية تفرجنا علي ايه
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف مصرية في الخميس 10 يناير 2008, 7:11 pm

متتأخريش علينا إنتي وعزيزة

عايزة تفرج على الصور
avatar
مصرية
عضو ألفى

انثى
عدد الرسائل : 1868
العمر : 39
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الأحد 03 فبراير 2008, 6:42 pm

رجعتلكم ومعايا عزيزة يا مصرية وهناخد معاها لفة عمل في مدينة المانية
ونسترخي في مدينة فرنسية
عزيزة هتاخدنا معاها في رحلة للمشاركة في معرض في مدين كولونيا في المانيا
والحقيقة هنقل نبذة معلوماتية انترناتية عن المدينة
كنت بسال نفسي ايه سر كولونيا 4711 اللي شايفاه في كل مكان هناك وكنت بشوفها زمان عند جدتي
واخيراعرفت السر


وكنت بسال نفسي ايه هو سر الكولونيا اللي شايفاها في كل المحلات هناك وكنت زمان بشوفها في بيت جدتي





لاشك أن كثيرين يعرفون مدينة كولونيا الألمانية أو على الأقل سمعوا بها ولاشك أن كثيرين يعرفون ماء أو عطر الكولونيا، لكن ما لا يعرفه كثيرون هو قصة العلاقة بين كولونيا المدينة وكولونيا العطر
يعود تاريخ ماء الكولونيا الشهير، أو ما يعرف بعطر الكولونيا إلى .>>>>

بداية القرن الثامن عشر. في حينها كانت مدينة كولونيا الألمانية من أكبر العواصم الأوروبية وتعيش نهضة صناعية وتجارية لا مثيل لها. وبمثل ما ارتبط اسم مدينة كولونيا باسم الكولونيا أو العكس صحيح، أقترن ماء الكولونيا بمخترع هذا العطر الفواح وهو يوهان ماريا فيرينا الذي جاءت أسرته من إيطاليا لتستقر في مدينة كولونيا وتمارس فيها التجارة، حيث أقامت في أحد أحيائها التجارية محلا تجاريا تحول فيما بعد إلى شركة تحمل اسم العائلة، عائلة فيرينا، وذلك في عام 1709م.




وشجع النجاح الذي حققه على التوسع في صناعة العطور، بحيث ظهر عام 1792 نوعا جديدا من ماء كولونيا يحمل ماركة " 4711 ماء كولونيا الأصلي" وهو رقم المنزل الذي كانت فيه الشركة التي صنعت هذه الماركة وهي شركة مولهينز التي انحدرت من شركة فيرينا. ويشهد هذا الرقم على الاحتلال الفرنسي للمدينة والذي قام لأول مرة في تاريخ المدينة بترقيم المنازل.







أينما كانت وجهتك في مدينة كولونيا، رابع أكبر مدن ألمانيا وأقدمها، ستجد الكاتدرائية "الدوم" دوماً في مرمى بصرك، فبرجاها يرتفعان بشكل مهيب يبهر الأبصار في السماء ليصلا إلى 157 متراًً. هذا الصرح المعماري العملاق يعد الرمز الحقيقي لمدينة كولونيا وأحد أشهر المباني التاريخية في العالم وهو ما يدفع الكثيرين إلى اعتبار مدينة كولونيا بمثابة جسد بلا روح دون الكاتدرائية "الدوم". وتقديراً للأهمية الفريدة من نوعها للكاتدرائية "الدوم" قامت منظمة اليونسكو، التي تأخذ على عاتقها حماية ورعاية ميراث الثقافة العالمية، بوضعها على قائمة الميراث الثقافي للإنسانية في عام 1996.






نبتدي الرحلة من البداية ساعة شروق الشمس وللاسف مكتش قاعدة جنب الشباك

بس قلت في سري وانا راجعة هقعد جنب الشباك زي واحنا صغيرين في العربية

كنا بنتخانق علي الشباك







طبعا كنت بصور بالجنب سي السيد كان نايم لو ركزته هتشوفوا خياله







وكان كل شوية يقوم

يشاغب ويقفلي الشباك



طبعا الاحساس بالشروق بين السما والارض له سحر وطبيعة وتامل مايتوصفش

ولا في الخيال









هخلي وصف الاحساس بين السحاب في فقرة تانية Rolling Eyes









كنا مجموعة مصرية لشركات اغذية متعددة

بعد وصول الرحلة علي شركة طيران لوفتهانزا وبعد خطوتين لقتني

بقدرة قادة في محطة القطر

الحقيقة محطة تشرح القلب من نضافتها





وهننطلق بالقطر ونكمل الحكايات بعد ما ارجع من عند انجي
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف Hesham في الأحد 03 فبراير 2008, 7:55 pm

هـــــــا وبعدين :#~€:
avatar
Hesham
عضو مئوى

ذكر
عدد الرسائل : 977
العمر : 54
تاريخ التسجيل : 24/12/2007

معاينة صفحة البيانات الشخصي للعضو http://heshamelsadr.blogspot.com

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف Nothing to Lose في الإثنين 04 فبراير 2008, 3:09 am


فعلا المحطة بتبرق بشكل غريب ... عمر ما محاطاتنا كانت كده حتى وهية جديدة scratch
avatar
Nothing to Lose
عضو مئوى

انثى
عدد الرسائل : 259
العمر : 35
الموقع : بلعب راكيت على شط البحر وانا لابسة البورنيطة
تاريخ التسجيل : 17/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف OSKASAN في الإثنين 04 فبراير 2008, 3:14 pm

اجيب منين ناس لمعناة الكلام يتلوه

OSKASAN
عضو مئوى

ذكر
عدد الرسائل : 838
العمر : 50
تاريخ التسجيل : 25/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الثلاثاء 05 فبراير 2008, 6:58 pm

هـــــــا وبعدين :#~€:
ولا قبلين :~€¬:
فعلا المحطة بتبرق بشكل غريب ... عمر ما محاطاتنا كانت كده حتى وهية جديدة
اكيد بتبقي كده بس يظهر مادة البورسلين اقوي من سيراميكا الجوهرة شويتين Rolling Eyes NTL
بصي هو كان فيه واحد كشري رايح جاي بمساحة في ايده قرب يهش الناس
يعني لازم عندنا علشان الدنيا تنضف كده اللي بيستعمل المحطة يحافظ واللي بينضف شوية ضمير بس
اجيب منين ناس لمعناة الكلام يتلوه
يا اوسكاااااااااااااااساااااااان بنقوووول شوية ضمير هنعرف نتلواونقول في بلدنا احلي كلام
اصبر بس
Cool واحنا رايحين المعرض هوريك حتة خصوصي بس استني هنركب القطر دلوقت
بعد ما ركبنا القطر وانتشرنا كنا تلاتة مع بعض وارقام القعاد
كان في كابينة مقفولة حسستني زي افلام زمان
وكان فيه اتنن المان ويانا جنب الشباك
كنت هتجنن اصور ومكسوفة منهم هيقولوا زنقت معاها
وفضلنا نرغي حبة رغي مصري كده ..اوووم ايه بقي لقينا واحد منهم
اشترك في الحديث بعربي مصري اروب اوي
استغربت جدا وطبعا ما صدقت Wink وعرفت منه انه عاش في مصر فترة طويلة
وكان بيشتغل في مصنع معروف في اسكندرية ...
مش هقول اسمه علشان محدش يقول اعلان زي التليفزيون silent
التاني بقي فضل يتاملنا ويبتسم ولقاني ماسكة الكاميرا فعزم عليا بمكانه
ما صدقت اصور طبعا بس مش كتير للاسف
فضلنا نرغي معاه بس بالانجليزي وكان شخصية ظريفة
واندمجت معاه لان في الطريق كان فيه افيش فرعوني علي مبني بس مع سرعة القطر معرفتش اصور اوي
لكن رغينا عن مصر وسالني شوية اسئلة ومش عارفة ايه اللي خلاني
اقوله اننا فينا شوية من طبيعة الطلاينة كشعب فرفوش يعني
بصلي قالي الطلاينة شعب مش نضيف
بصتله شذرا وقلتله كل شعوب العالم فيها جزء كده
المهم لما وصل القطر وقفنا علشان نطلع من الكابينة مفيش حد راضي يفوتنا
ناس بجد جد زيادة كل واحد ملوش دعوة بالتاني بيعملوا بمقولة يلا نفسي
مفيش عندهم حتة ليديز فرست مثلا...فلقيت زميل الكابينة بصلي وقالي معلش الالمان مش بيفهموا يفوتوا الجنس اللطيف الاول
طبعا بحسن نية قلتله اه تبع هتلر ..نظرته حسيت فيها استغراب استغربتها وسلمنا عليه ونزلنا
نزلنا من القطر واستلمنا الشنط ولقينا تاكسي تركي واغلبهم اتراك
سي السيد اداله عنوان الاوتيل
بصله السواق وقاله ده خطوتين بس ركبنا بالظبط لف بينا الميدان
وبقينا قدام الاوتيل Shocked
استنوني بعد ما طلعنا الشنط في الاوتيل اللي بنسبالي كان لذيذ محندق واهم حاجة انه كان في وسط البلد
هنروح مع بعض جولة سريعة لزيارة اهم مبني اثري في مدينة كولونيا
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف Nothing to Lose في الثلاثاء 05 فبراير 2008, 11:50 pm

:#~€:


عدل سابقا من قبل في الثلاثاء 05 فبراير 2008, 11:58 pm عدل 1 مرات
avatar
Nothing to Lose
عضو مئوى

انثى
عدد الرسائل : 259
العمر : 35
الموقع : بلعب راكيت على شط البحر وانا لابسة البورنيطة
تاريخ التسجيل : 17/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف Nothing to Lose في الثلاثاء 05 فبراير 2008, 11:54 pm

لكن رغينا عن مصر وسالني شوية اسئلة ومش عارفة ايه اللي خلاني اقوله اننا فينا شوية من طبيعة الطلاينة كشعب فرفوش يعني، بصلي قالي الطلاينة شعب مش نضيف.
طبعا بحسن نية قلتله اه تبع هتلر ..نظرته حسيت فيها استغراب استغربتها وسلمنا عليه ونزلنا

يااه ... كنت لسه حقوللك ازاى تسكتى له على حتة شعب مش نظيف دى :~€¬: كنتى ادتيه بوكسين ... لقيتك خدتى بثأرك من غير ما تقصدى ، شعوب البحر المتوسط معظمها مفرفشين jocolor
بجد الالمان دول ابرد شعوب الله ... فيهم غلاسة وسماجة هما والسويديين ما تتوصفش حتى ولو حاولوا يبينوا العكس .. و متكبرين وعنصريين ... فعلا نازيين.
avatar
Nothing to Lose
عضو مئوى

انثى
عدد الرسائل : 259
العمر : 35
الموقع : بلعب راكيت على شط البحر وانا لابسة البورنيطة
تاريخ التسجيل : 17/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الأربعاء 06 فبراير 2008, 2:29 am

يااه ... كنت لسه حقوللك ازاى تسكتى له على حتة شعب مش نظيف دى

يا بنتي انا اول ما بخرج برة القطر المصري بشغل قدام العالم الخارجي NTL
طقطقوطة
أنا المصري.. كريم العنصرين
سليل المخلصين.. المؤمنين
وحامي الأمة في وقت الشدايد

تعالوا واحنا بنتامل هذا العمل الفني نحكي نبذة عن تاريخه




كاتدرائية كولونيا - صرح ديني ومعماري فريد من نوعه


تعد كاتدرائية كولونيا الشهيرة صرحاً معمارياً ودينياً مهيباً يتمتع بقدرته على جذب أكبر نسبة من السياح عرفهتاألمانيا. منظمة اليونسكو قامت بوضع هذا المبني الغوطي على قائمة الميراث الثقافي للإنسانية.







أينما كانت وجهتك في مدينة كولونيا، رابع أكبر مدن ألمانيا وأقدمها، ستجد الكاتدرائية "الدوم" دوماً في مرمى بصرك، فبرجاها يرتفعان بشكل مهيب يبهر الأبصار في السماء ليصلا إلى 157 متراًً. هذا الصرح المعماري العملاق يعد الرمز الحقيقي لمدينة كولونيا وأحد أشهر المباني التاريخية في العالم وهو ما يدفع الكثيرين إلى اعتبار مدينة كولونيا بمثابة جسد بلا روح دون الكاتدرائية "الدوم".





ورغم أن حجر الأساس لكاتدرائية كولونيا وضع في عام 1248 من قبل رئيس الأساقفة في كولونيا كونراد فون هوخشتادن، إلا أن أعمال البناء في هذا المبنى الغوطي العملاق استمرت 300 عاماً تقريباً




قبل ما نشوف الساحة اللي قدام المبني هفرجكم بعض زوايا اخدتها حوالين الكاتدرائية

لان بهرني العمل الفني للمبني حسسني كانه شغل دانتيل

علشان كده صورته باكتر من زوايا

فاسمحولي تتفرجوا معايا عليه بعيون فنية ليس الا















معلش هدوخكم والففكم معايا بس اد ايه حقيقي كنت مبهورة بيه







هنا هندخل بس تظرة سرييعة اوي نشوف ضخامة المبني والجهد الفني المبذول فيه

مش هنلف طبعا حتة حتة لكن لفة سريعة تاملية في الانامل الفنية







هنا جزء صغير من الرسومات علي الزجاج طبعا المنظر علي الطبيعة تحفة فنية







هنا ده فتفوتة من الرسومات علي الارض برضه مبهرة وسوري لو التصوير مش نقي

لانهم كانوا مصربعيني Neutral







هنرجع نخرج برة ونشوف الساحة اللي امام المبني واللي بيتقدم عليها

عروض وحفلات موسيقية وتقريبا هو مدخل للشارع التجاري







طبعا كل ما بنقرب بنشوف نماذج عروض غريبة صورتها علي ايام تعالوا

نقرب ونشوف شوية العجب







شايفين فيه حد بيرسم هناااااااااااك اهو تعالوا نعاين الرسم عن قرب







اد ايه جميل والرسم علي الارض نفسها







واخدين بالكم من رواد الفضاء اللي ورا دول بكرة نشوف مين غيرهم بيعرض



بس لازم اقوم دلوقت زي شهرزادواسكت عن سرد بقية الرحلة المباح لاني خلاص فصلت

خصوصا ان صور رحلة المانيا كتير والكلام معاها يحلي كمان وكمان وكمان



بس ياريت اعرف رايكم اكمل ولا اسكت شهرزاد عن الحكايات والروايات



واخليها تبطل رغي
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف OSKASAN في الأربعاء 06 فبراير 2008, 9:39 am

بس ياريت اعرف رايكم اكمل ولا اسكت شهرزاد عن الحكايات والروايات

واخليها تبطل رغي
هي شهر زاد تعرف تبطل رغي
دي تجيلها سكتة دماغية
كملي كملي
( بيدي لا بيد عمرو )

OSKASAN
عضو مئوى

ذكر
عدد الرسائل : 838
العمر : 50
تاريخ التسجيل : 25/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الخميس 07 فبراير 2008, 1:01 am

كملي كملي
( بيدي لا بيد عمرو
)

انت اللي جبته لنفسك
بس سيبني اكمل بكرة الله يخلييييييييييييييييييييييك
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف مصرية في الخميس 07 فبراير 2008, 9:44 pm

عايزة صور أكتر من جوة الكاتدرائية

عاجباني الأعمال الفنية جد؛ خصوصا الرسم على الأرضية.

مليش دعوة عايزة أتفرج على الحيطان كمان. llorar
avatar
مصرية
عضو ألفى

انثى
عدد الرسائل : 1868
العمر : 39
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الأحد 10 فبراير 2008, 9:54 pm

مصرية علشان خاطرك هحطلك صورة للمبني من برة بس مش حلوة اوي




هوريكي صورة لكن من مبني في كنيسة تانية
ما انا اصلي كنت اغلب اليوم وحدي وبتجول حسب السنس
وبرضه برجع لقواعدي في الاوتيل حسب ما يوديني الريح :lol:

حقيقي كنت بتامل النواحي الفنية مع تناسق الالوان والمجهود المبذول



دلوقت نمنا بقي وصحينا وعزم عليا سي السيد اروح معاهم المعرض Cool
مكدبتش خبر وقلت مبدهاش البس لبس الالعاب لاننا بنروح مشي
فقلت لازم تعملوا معايا رياضة المشي وبالمرة تتفرجوا علي الطريق

هنلف الميدان مع تاكسي العاصمة الالماني


وبعدين من هنا وبنمشي طوالي طوالي


معايا شوية نشاط اكتر داخلين علي النفق



دخلنا النفق نفسي بيروح من الانفاق مش بحب احس اني محبوسة
فكنت وخداه جري



طبعا كانوا ناس كتير رايحين المعرض من جنسيات مختلفة
وكنت بتفرج عليهم واتاملهم وهم منهمكين في الكلام والخطوة السريعة
ها طلعنا الكوبري وهنتفرج عليه احسن واحنا راجعين من المعرض


واحنا ماشيين هنبص نظرة سريعة لاني ماشية بفولت عالي اوي مع رياضة الصباح
الكل عايز يلحق مواعيده
شايفين خيال الماتة النهري ده Shocked مش عارفة بيهش ايه بصراحة



قلت اعمل زوووووووم يمكن فيه فرق بينه وبين خيال الماتة بتاع الحقل بتاعنا
يمكن بتاعنا ارفع شوية


حتي الاتوبيس النهري عندهم افتكرت ايام الجامعة وكوبري قصر النيل وجامعة القاهرة



خلاص المعرض اهو ظهر بعد ساعة رياضة مشي


هندخل ونشوف ده معرض ايه واخبار العروض ايه وشكل معروضات الدول المشاركة بتتفنن ازاي
بس من غير ما تحدفوا عليا طماطم
خليكوا هنا خليكوا بلاش تفارقوا
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الإثنين 18 فبراير 2008, 11:13 pm

رجعتلكم مع الرحلة المصورة بالتصوير البطيء :lol:

معلش اتحملوني كبرت مش اد الرحلات والمشي والدكتور قالي امشي معاكم تاتا
يعني ماشية حسب الروشتة

يلا بينا ناخد فكرة عن طبيعة المعرض
هو اسمه معرض انوجا Anuga
"اقتصاد التغذية"
وهو بيقام مرتين في السنة ومن اهم المعارض البارزة والرئيسية
وتقريبا بيعرض تسعين في المية من المنتجات القابلة للتصدير

بعد ماخدنا فكرة سريعة نشوف بعض الاجنحة مع بعض قبل ما نتفرج علي الجناح المصري

هنبتدي الجولة وضع استعداد :lol:



هحط الصور ورا بعض لانها لفة سريعة جدااااااااااا


مش عارفة كان بيتفرج علي ايه مركز كده



رغيت رغي مع الجناح الايطالي وبجد ادوني هدايا بس رغينا بالفرنساوي
احنا الاتنين عوجنا لساننا فاتقابلنا في النص





فاكرين زمان اعلان شااااااي سيلان الاصلي دلوقت شاي الجوهرة والعروسة وفتح عينك شوية اسامي مودرن



جناح ستغافورة كنت حساه مش بقوة الاسم بصراحة


ثواني هقلب الصفحة
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الإثنين 18 فبراير 2008, 11:53 pm

قلبت الصفحة بسرعة البرق شفتوا ازاي

من التفانين اللي عجبتني في المعرض


نيو لوك بالخضار



اختراق الحائط بالحلويات



كان نفسي اهد الهرم ده واتذوق ثم اتوغل


خضار مشكل يعني بسمتهم مش احسن من مونتانا وبسمتنا


اااااااااووووووووووااااا بيييييب بيييييب وسع للعربة الطائشة



جناح فرنسا البلد


كان نفسي اقوله دوقني صنعة ايديك وحياة عينيك بس احرجت اجتماعيا



اتوبيس المدرسة وصصصصصصصصل بالمرطبات


هنا حسيت نفسي هاكل وجبة سريعة علي الواقف في الطبق الطائر
مشوار صغنن للفضاء الخارجي مع الفضاء دليفري



هنا صورت جزرة حبنا بما اني بحب الجزر اصله بيقوي النظر


هنا كانت المياه المعدنية والعصائر


وهنا وصلنا للجناح السوري كان قبل الجناح المصري



ودلوقت هقلب الصفحة في غمضة عين ونص


عدل سابقا من قبل في الثلاثاء 19 فبراير 2008, 1:23 am عدل 1 مرات
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الثلاثاء 19 فبراير 2008, 1:14 am

رجعت مع رمشة نص عين مش كده ولا ايه

دلوقت هنروح علي جناح بلدي المحبوب


منور المعرض احلي اسم في الوجود


وبامانة مش ببالغ كانت اكبر بلد عندها اجنحة بتعرض فيها منتجاتها

هي مصر

حوالي 64 جناح مش في نفس الدور لكن منتشرين في المعرض
الحقيقة الكل شهد انه كان من احلي الاجنحة في المعرض
و الصور ما بتكدبش

الصورة دي جزء بس من جناح مصر


وهنا كمان حقيقي كنت فخورة جدا وبتكلم مع الناس هناك وانا راسي مرفوعة
اني من البلد ديييييييي


هنا وقفت شوية زيادة كان عاجبني شكل عرض المنتج من الحبوب والاعشاب
ووقفت اتكلم مع صاحب الشركة كان نصه مصري ونصه الماني
فسالته سؤال لو تفتكروا اللي كان محيرني من نظرة الالماني ليا في القطر لما جبت سيرة هتلر

هو شرحلي انهم بيكرهوا هتلر جدا طبعا مكنتش متصورة اوي كده لما قالي كانك بتشتميهم..بصراحة اتخضيت واضايقت اني قلت حاجة ممكن تجرح مشاعر اي حد

نكمل بقي التفنينة الجميلة للمنتج المصري



علي راي صباح عالبساطة البساطة يعيني عالبساطة
بتغديني جبنة وزيتونة ويا محلاه بالعيش البلدي اللي من فرن بلدي في بلدي



تعالوا معايا استريحوا بعد اللفة دي في استراحة جناح مصر


نحكي شوية علي طبيعة شعبنا ونقووووول
عشريين احنا يا حبايبنا عشريييين

هنا كان الجزء التسويقي المهم في المعرض وابتدوا يحضرواله


وبعد التحضير بايدين شيفات مصريين الصورة طلعت حلوة



والصورة علشان تكمل كان ناقص في الكادر السحر الفرعوني اللي بيخطف القلوب



كنت هنسي الموسيقي التصويرية باللهجة المصرية واحلي الالحان


ويا سلام علي اللمة مع التمر هندي والكركديه واكل مصري صميم



وبعد انتهاء ساعات العمل كان ميعاد الانصراف




طبعا انا عارفة ااااد ايه نفسكم تسكتوا شوية حميدة الحداد
اخت احمد الحداد وتاخدوا منها هدنة شوية

بس ايه مع وعد منها تكمل معاكم الجولة داخل كولونيا
لا مناص من المتابعة مع شويفات حميدة الرغاية
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف ADHAM في الثلاثاء 19 فبراير 2008, 4:39 pm

صور جميلة وعرض رائع يافريدة
دايما بتمتعينا بصورك الرائعة وواضح انك محترفة تصوير
فى انتظار ما تبقى من احداث الرحلة الميمونة
تحياتى

ADHAM
عضو مئوى

ذكر
عدد الرسائل : 606
العمر : 71
تاريخ التسجيل : 14/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف مشاعر في الثلاثاء 19 فبراير 2008, 5:33 pm



فريدة لازم تسقيفة جامدة اوى اوى
الصور حكاية
والحدوتة جميلة
بصراحة الموضوع كلة على بعضة جميل

بس محتارة وعايزة اجابة لسؤال دايما بيدور فى دماغى
بس مش عايزة حد يحدف طماطم
وخصوصا المصريين المتعصبين
اتفقنا
اقول وليا الامان؟

اية اللى بيجيب الاغبية دول عندنا
عندهم النظافة ..والنظام... والمناظر الطبيعية اللى تسحر..والاثار اللى تجنن والاهم انها متصانة ..والمتاحف
والشواطئ الخلابة ..الخضرة .....................
وكل دة مغلف بنظافة وهدوء وجو غير ملوث

مين عندة اجابة مقنعة

مشاعر
عضو مئوى

انثى
عدد الرسائل : 184
العمر : 78
تاريخ التسجيل : 25/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف مصرية في الثلاثاء 19 فبراير 2008, 8:44 pm

فريدة
تحية كبيرة أوي على المجهود الرائع والمعرض الجميل اللي فرجتينا عليه كله كإننا حضرناه وإحنا كل واحد قاعد في مكانه.

شكرا يا فري ومتقلقيش مش حنزهق من حميدة أبدا بس الحقي قوليلها تكمل بسرعة قبل ما سمارت يرجع.
اية اللى بيجيب الاغبية دول عندنا
عندهم النظافة ..والنظام... والمناظر الطبيعية اللى تسحر..والاثار اللى تجنن والاهم انها متصانة ..والمتاحف
والشواطئ الخلابة ..الخضرة .....................
وكل دة مغلف بنظافة وهدوء وجو غير ملوث

بصي يا ستي أولا إحنا عندنا الهرم وده الناس بتيجي في أوقات كتير مخصوص علشان تشوفه.

ثانيا بقى حقولك حاجة هم لما بيجوا بيكونوا مش عارفين إن كل اللي بتقوليه ده موجود عندنا؛ هم بيشوفوا الصور والدعاية والأسعار وبناء عليه بيجوا.

طبعا بيحصل انتقادات أكثرها للشوارع والباعة المتجولين وأسلوبهم في بيع أي شئ بأي طريقة، لكن من ناحية تانية وأنا سمعتها من أجانب عاشوا في مصر، إن البلد دي فيها سحر بيشد الناس لها تاني وبيحبوها ليييييييييييييييييييييييييييييييه معرفش وهنا يكمن السر.


عدل سابقا من قبل مصرية في الثلاثاء 19 فبراير 2008, 8:45 pm عدل 1 مرات
avatar
مصرية
عضو ألفى

انثى
عدد الرسائل : 1868
العمر : 39
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الأحد 24 فبراير 2008, 12:49 am

ادهم اولا اشكرك متابعتك للموضوع وثانيا بشكرك علي مجاملتك
بس صدقني انا هاوية تصوير وعلي ادي جداااااااااااااااا
بمشي ورا احساسي مش اكتر بالاماكن Wink

مشاعر ايه ده كله اييييه ده كله الكلام ده موجه ليا احمدك يااااارب cheers

طبعا مع الكلام التشجيعي ده ليكي كل الامان يا شاااااابة
شايفاني وانا مدياكي الامان

بجد بشكرك من صميم الفؤاد علي التشجيع الجامد ده Embarassed

مشاعر هماكلمتين وبس كنت بسمعهم من كل بلد رحتها لما بيتعرف اني من مصربيقال علي طول
it s a beautiful country
طبعا يا ماما بلد جميلة ومن اعرق الحضارات في العالم
ميتجننوش عليها لييييييييه هما يطولوا ..ينقصنا زي ما مصرية قالت جزئية النظافة غير متوفرة للاسف
وناقصنا نحبها من جوانا اوي زي ما هي



مصرية مرسي للتشجيع جوي جوي يا اختاه
و رديتي روح حميدة بانكم مش هتزهقوا منها

وهي ما صدقت وهتبتدي تشغل سي دي الرحلة
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الأحد 24 فبراير 2008, 2:08 am

ونرجع تاني نكمل مع بعض رحلة كولن
ومع الرجوع موتو رجل من المعرض نشوف ونتفرج
واحنا خارجين من المعرض هنبص لفوق هنشوف تمثال فكرني
بتمثال طلعت حرب :)


ودلوقت هننزل نفق صغنن شايفين اللي انا شايفاه احنا بنتكلم بس Shocked
يعني فيه اماكن موجودة في اي مكان في العالم مش نضيف وشفت اماكن كتير
وشفت كمان ناس نايمة بالليل في الشارع في ملابس رثة جدا
وحواليها قذورات
وكان ممكن اصورهم لانهم نايمين ومحدش هيكون دريان اني بصور
لكن انسانيا رفضت اصور ظروف الناس
واحترمت ادميتهم
وكمصرية رفضت اشارك الناس اللي بتيجي تصور بس في بلدنا الصورة
اللي هم عايزين يصوروا مصر بيها عالميا وللاسف احنا بنساعدهم
في الخارج بيعرفوا يجملوا صورتهم بس احنا العكس بنعرف نشوه صورتنا

نكمل الدخول في النفق في كلام مكتوب طبعا مش فاهمة معناه
فمليش دعوة لو مش كويس وعموما انيد ممكن تفيدني
لو مش ولابد هشيل الصورة scratch


ابتدينا رحلة العودة من علي الكوبري وطبعا شايفين الكاتدرائية من علي بعد
الحقيقة هي علامة مميزة بتبين اتجاهاتك في كولن



وهنتقابل بشبيه طلعت حرب وجها لوجه




تاملوا المنظر بيفكرني ايام الجامعة لمنا كنا بنرجع مشي من علي كوبري الجامعة







هنا هنحود كاننا بقي علي كوبري قصر النيل :lol:


شايفين فكرني لونه بلون النيل بس في لقصر واسوان



اللللله شايفين الحمام شكلهم زوغوا من خيال الماتة يظهر ورديته بالنهار بس



تحلي التمشية ساعة العصاري مع نسمة صاقعة رقيقة علي الوجوه



بنقرب من نهاية الكوبري


ماشيين مع بعض خطوة خطوة



وهنا نهاية الكوبري



بيفكركوا بايه المنظر ده

ده منظر الكوبري من البروفيل بجد كنت حسة جدا اني في مصر مع المنظر ده



اتفرجوا معايا قبل ما نعدي من النفق علي المركب
شايفين معلقين حاجات زي المراكب اللي بتمشي في النيل عندنا
ايشي احمر واخضر



ومع المرور من النفق بننهي يوم رايحين للمعرض وراجعين من المعرض



استنوني هنتفسح بكرة ونعمل شوبنج
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف مصرية في الأحد 24 فبراير 2008, 8:45 pm

فيها فعلا شبه كبير من مناطق بنشوفها في مصر وإحنا ماشيين.

فين الشوبنج يا فري؟

إوعي تكسلي على أهم حتة في القصة :#~€:
avatar
مصرية
عضو ألفى

انثى
عدد الرسائل : 1868
العمر : 39
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف Gatita في الخميس 13 مارس 2008, 3:57 pm

ايوة فين الشوبينج


فرفر صورة احلى من الحقيقية

و بشرحك و اجمل


حلوة اوي

و اجمل حاجة عجبتني من معرض المصريين هي الزيتون

كان شطله متنوع و لديد

و خيال الميتة ده شكله اوريجينال و عجبني
avatar
Gatita
عضو ألفى

عدد الرسائل : 1149
تاريخ التسجيل : 02/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في السبت 15 مارس 2008, 4:19 pm

حميدة قالت اعمل فول ستوب شوية لغاية يا مصرية تحوشوا شوية يوروهات لزوم الشوبنج

سكينة لما تيجي مصر هوديك محل الزيتون تنقي منه اشطاااااااااااال والوان Wink

بصي ازاي ريا وسكينة بيحبوا نفس الحاجة انا كمان عجبني اوي خيال الماتة

يلا بينا نشوف ازاي هنبتدي يومنا علشان نجول ونكتشف شارع الشوبنج

طبعا كانت اول مرة ازور البلد يعني لا افقه شيء لا لغة وانا اصلا معرفش امشي علي خريطة
بتبع حتة السنس جوايا مع اني من الناس اللي بتخض جدا لو تهت..
بس قلت هتحدي نفسي خصوصا ان قبلها بيوم سي السيد وراني الاتجاهات طشاش Shocked لانه مشغول في المعرض ..قلتله انساني انا هتصرف مع نفسي
وقررت البس البالطو واخفي قلقي جواه واسيبني انطلق في الهواء الطلق

وقررت مفطرش في الاوتيل واشرب اي حاجة علي كافيه
ونزلت والعلامة مكان الكاتدرال
وكان يوم السبت وكانت البلد حية جدا ناس رايحة وناس جاية
وكان مطر خفيف بس لذيذ



وناس هنا وهناك وعجل رايح وعجل جاي ابتديت احب اني وحدي في لحظة انطلاق


وشجعتني ادور علي مكان اشرب فيه في البرد فنجان كابتشينو لاني مش بحب اقعد وحدي
وكان قدامي شارعين
عديت وقلت اكيد واحد منهم فيه كافيهات


ولمحت كافيهات بعيد وقلت هختار اي واحدة رايقة اقعد فيها


وقد كان كنت وحدي تقريبا :lol:



وقعدت علي الترابيزة وطلبت كابتشينو كان جمييييييييييييل مع لسعة برد لذيذة وتامل الناس
وقلت بالمرة اوريكم المنيو واسعاره



خلصت الكابتشينو وطلعت من شارع الكافيهات علي ساحة الكاتدرال تاني لاني لمحت هيصة وزومبليطة وموسيقي وحياة



تعالوا نقرب مع بعضينا نشوف فيه ايه وسط الجموع
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 1 من اصل 7 1, 2, 3, 4, 5, 6, 7  الصفحة التالية

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى