سفاري وكعب دايربعيوني

صفحة 3 من اصل 7 الصفحة السابقة  1, 2, 3, 4, 5, 6, 7  الصفحة التالية

اذهب الى الأسفل

رد: سفاري وكعب دايربعيوني

مُساهمة من طرف farida في السبت 03 مايو 2008, 2:47 am

ورجعت في السريع حميدة علشان تاخدكم عبر السحاب من جديد
والمحطة الاخير اللي هنطير فيها مع بسطاط الريح
وينزلنا علي بلدي المحبوب اللي زيها ملوش موجود
بس ياريت الناس ويا طبعا زمان تعود

يلا نربط الاحزمة واستعدوا للاقلاع





1 2 3



طيري طيري طيري طيري
ياااااااا طياااااااارة



احساس مختلف خالص بتكون رحلة العودة عن نفسي بحسني منطلقة
وفي منتهي المرح





هنطلع تاتا



يا تري عندك الشعور انكم مسافرين
وبتغوصوا معايا جوة السحاب



يلا هنمشي بين غيطان القطن من جديد




نفسي اوي امشي علي السحاب تخيلت نفسي بدخل جوة نسيحه
بيغسلني اكثر بياضا من جوايا ولا تقولولي ايريال ولا برسيل
روح السحاب غيره مفيش








والشمس الجريئة


ولان الشمس كانت جريئة وضربة في لعين حرمتني شوية من التصوير




الحقيقة عزيزة كتر خيرها قامت معايا بالواجب
وكانت قرب شحنها يخلص
بس صبرت عليا لغاية ما صورت لحظات من الغروب



لحظات الغروب من الطيارة لها وقع خاص علي النفس
بتلاقي نفسك بتكلم ربنا اوي
مش عارفة هو الاحساس انك قريب بارتفاعك اكتر من علي الارض
بالجسد والروح
يمكن صعب اوصف احساسي لانها لحظات خاصة جدا
مع ربنا بين السحاب مع انسحاق للروح
في لحظات الاستمتاع بالسحر والجمال عن قرب



ودي كانت نهاية رحلة المانيا اللي انطباعي عنها بلد جد وناس جد
احتمال تكون كل حاجة بالمسطرة لكن اعتقد بيفتقدوا الروح

ومع نهاية رحلة ايضا بين السحاب اعتقد انها رحلة فريدة من نوع جديد
اتمني تكون حازت اعجابكم ومندمتوش علي تمن التذكرة و
لو عجبتكم هنسافرها مع بعض من جديد
ومع مسافر مع الخيال ورحلة الي فرنسا

هناخد فاصل وتاخدوا هدنة من دودودو كل شوية بتاع حميدة


ونسافر مع بعض الي كان بلد الاحلام والمهراجانات
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف Gatita في الإثنين 05 مايو 2008, 1:37 pm

برافو يا حميدة و عزيزة عاملين دوتو رائغ


باخراج فريدة العفريتة
avatar
Gatita
عضو ألفى

عدد الرسائل : 1149
تاريخ التسجيل : 02/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف مصرية في الإثنين 05 مايو 2008, 2:52 pm

فريدة الصور أكتر من رائعة

منظر السحاب بجد يجنن
على أد ما بكون خايفة وأنا طايرة وسط السحاب
على أد ما منظره يخلي الواحد يسبح ربنا في كل لحظة وكل منظر.

أكتر صورة عجبتني هي صورة الشمس وهي طالعة فوق السحاب.

كملي يا حميدة رحلة فرنسا.
avatar
مصرية
عضو ألفى

انثى
عدد الرسائل : 1868
العمر : 39
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الأربعاء 07 مايو 2008, 4:05 am

سكينة ومصرية حميدة اشتريتلكم بالون مخصوص بقلب ممنون علي التشجيع
و هيطير بيكم ما بين السحاب
وياخدكم قريبا علي الاجواء الفرنسية


انتظروا حميدة قريبا في العرض القادم
وكلاكيت مع حدوتة فرنسية

avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف aymon2009 في الأربعاء 09 يوليو 2008, 12:50 pm

الموضوع اكتر بكتير من هايل والله يا فيري انا مش عارف اوصف من جمال وروعة الاسلوب اللي اول مره اشوفه في منتدى حاجه تفتح النفس اكيد طبعا دلوقتي عرفتي انا ليه عايز اسافر على المانيا والله اكتر من الاول ادعولي اسافر هناك cheers
avatar
aymon2009
عضو مئوى

ذكر
عدد الرسائل : 162
العمر : 33
تاريخ التسجيل : 09/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الأحد 14 سبتمبر 2008, 4:19 am

مرسي يا ايمن انك تابعت رحلة حميدة الرغاية
يا صبرك Very Happy

وربنا يوفقك وتزور هتلر Wink

يا صحبة حلوة جيت اسالكوا سؤال بس متخافوش هو مش في الممنوع
لكن لو قلتوا ذيعي هذيع وهاخدكم لفة نتمشي علي الكوت دازور
واحكيلكوا حواديت



اصل العوباااااااااااااااااااارة يا سادة يا كرام اكتشفت اني مسافرة فرنسا غالبا الشهر الجاي

وانا لسة مصدعتكمش برحلة يناير
مش هينفع ادخل رحلتين علي بعض
الفيوزات هتضرب عندي



لو قلتوا ذيعي هاخد تعهد ان محدش يجي يقول صدعتينا يا حميدة بحكاوي القهاوي الفرنسية

قلتوا ايييييييييييييه نذيع
ولانلم الكراسي
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف ADHAM في الأربعاء 17 سبتمبر 2008, 1:48 am

floa

اين انتى ياحميييييييده

شوقتينا بالرحلة وخرمنا ودانا

فى انتظار احداث الرحلة الميمونة

ADHAM
عضو مئوى

ذكر
عدد الرسائل : 606
العمر : 71
تاريخ التسجيل : 14/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الأربعاء 17 سبتمبر 2008, 2:00 am

جبرت بخاطر حميدة يا ادهم floa
كانت زعلانة ان محدش قالها
ارغي يا حميدة
صدعينا يا حميدة
دوخينا معاكي يا حميدة

ذيعي يا حميدة
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الأربعاء 17 سبتمبر 2008, 2:31 am

تذاكر يا صحبة تذاكر



يا هوانم
يا بهوات
تذاكر يااااااااااااااا خلق هوووووو
مين عايز يروح محطة نيس
يشوف ويسمع ايه اللي بيحصل في دهاليز كان
ده هناك
يااااااااااااااااااا مكاااااااااااااااان
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف elhram في الأربعاء 17 سبتمبر 2008, 11:16 am

ياحميدة انا عايز اشوف نيس وتنيس وادريس ودينيس

ورينا صورك واكيد فرنسا احلى من المانيا فورينا يلا قبل الكاميرا ماتتملى ومتعرفيش تبعتى يلا يلا

elhram
عضو مئوى

ذكر
عدد الرسائل : 378
العمر : 33
تاريخ التسجيل : 02/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف ADHAM في الجمعة 19 سبتمبر 2008, 2:05 pm

:#~€:

وبعد الكمسارى ما صفر ... حصل ايه

اين انت ياحمييييييييده


lsd

ADHAM
عضو مئوى

ذكر
عدد الرسائل : 606
العمر : 71
تاريخ التسجيل : 14/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في السبت 20 سبتمبر 2008, 2:07 am

اصبر يا هرم حميدة راحت تشحن ذاكرتها
وتظبط تصاويرها
دي شهور فاتت وعدت علي سفرية نيس
ومقابلتها مع عم ادريس
واكلة السمك الدنيس



حميدة كانت مستنية يا ادهم يمكن حد يعدي
بس خلاص حان وقت الاقلاع

مع وعد مني بانكم هتعيشوا مع الطبيعة علي طبيعتها
و مش هتندموا علي السفرية
ولا حد هيقولي دي سفرية اونطة

ونبتدي الحكاية من البداية مع اننا
في اخر ايام الصيفية


واحداثها تمت ايام الشتا
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في السبت 20 سبتمبر 2008, 2:43 am

رحلتنا كانت الساعة التلاتة بنت خالتي وبنتها وانا
كانت علي خطوط سويس اير كايرو زيورخ ..زيورخ نيس
طبعا سعيدة انه كان قدامي تلات اسابيع تقريبا انطلاق
في مدينة كان مع خالتي وجوز خالتي وبنات خالتي خصوصا السفرية كانت في الشتا
وده في حد ذاته له متعة خاصة .. ومتعتي الاكبر انه كان مع بنت خالتي دي بالذات
لاننا متربين سوا وبنا تفاهم جميل من صغرنا

بعد ما خلصنا الاجراءات اللي كانت متولياها بنت خالتي بما انها الاكبر
وحجز اماكن الطيارة في زيورخ
خرجنا من الطابور وسالتها حاجة بالصدفة عن تذكرة الطيارة
فطلعتها تبص فيها

ونفاجا ان تذكرتي انا بالذات ان الترانزيت بتاعي فيه بيات في مطار زيورخ
جاتلي صدمة Shocked وقلت هو انا كل سفرية لازم يطلعي اسمه ايه ده
عفريت


رجعنا للمضيفة فقالت ان الغلطة من اللي حجز في شركة الطيران
لانهم لقوا اسمي مكتوب مرتين
المهم ربنا ستر واتعالج الموضوع
بس بجد كنت مخضوضة لاني خوافة في المواقف دي جدا
كفاية مرة فاتتني الطيارة قبل كده وانا في مطار باريس
وفضلت خمس ساعات في المطار Rolling Eyes

المهم طلعنا الطيارة وفضلت ارغي مع بنت خالتي
واستمعنا للتعليمات عند سقوط الطيارة
بحب اتفرج اوي عليهم وهم بيشرحوا


وبعد الشرح كل واحدة قعدت تتفرج علي فيلم

كنت بتفرج علي ده كان رومانسيVery Happy بس نسيت اسمه زهايمر بقي





للاسف مكنتش عارفة اصور اوي لاننا كنا قاعدين في الاماكن اللي في النص
لكن دي عرفت التقطتها لحظة الغروب



لكن في رحلة العودة صورتلكم صور بين طبقات السحاب

المهم وصلنا زيورخ وكان لسة فاضل وقت لفينا شوية
اشترينا كادوهات لطنت واونكل وانا اشتريت مخدة طيارة Very Happy
بستعملها في مصر علشان وانا قااعدة علي اللاب توب
رحنا نتهادي علشان نركب الطيارة لقيناهم مغيرين رقم الجيت
بامانة اخدنا المطار جري وطلوع سلالم ونزول سلالم
وفعلا كانوا خلاص بيقفلوا .ولحقناهم ولحقونا علي اخر نفس

خدوا نفس عميييييييييييييق لحد مااااااااااا نوصل مطار نيس ومن نيس
هنخبط علي اهل كان محل الاقامة ohh*
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في السبت 20 سبتمبر 2008, 3:06 am

وعودة مع حميدة مضيفتكم اللي ناوية تصدعكم في هذه الرحلة



فيه منكم شاف البالكونة دي قبل كده محل الاقامة
لكن هنعيد المشهد ونطلع البالكونة تاني يوم الوصول نتفرج علي الطبيعة
ونتامل شوية لوحات من صنع الخلاق




نقرب شوية علشان الرؤية بس تبقي اوضح


بصراحة انا ضعيفة في تصوير الطبيعة كانها النداهة بتندهلي احلق معاها بكاميرتي







ومن زاوية تانية بص الناحية دية



علي فكرة الصور دي كلها كانت الصبح




شايفين الطير ازاي مخترق اللوحة وبيقول انا هنا وبكمل المشهد لاني مخلوق من الطبيعة



ومع اخر صورة كانت بداية اشراقة لاول يوم في مدينة المهرجانات









استنوني زي دلوقت راجعالكم ومعايا حواديت ياماااااا لحميدة الرغاية Wink


عدل سابقا من قبل farida في الخميس 16 أكتوبر 2008, 3:20 am عدل 1 مرات
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف ADHAM في السبت 20 سبتمبر 2008, 7:42 am

floa


صورة البيوت وسط الاشجار جميلة جدا يافريدة

فى انتظار باقى الصور

بس ياريت حميده ما تتاخرش علينا

ADHAM
عضو مئوى

ذكر
عدد الرسائل : 606
العمر : 71
تاريخ التسجيل : 14/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الأحد 21 سبتمبر 2008, 4:46 am

مرسي يا ادهم علي التشجيع
وصدقني حميدة كانت عايزة ترغي من بدري بس النت ما اسعفهاش
هي عايزة ترغي وهو بطيييييييييييييييييييييء
بس هي اصرت تتغلب عليه علشان تدخل وتصدعكم Very Happy

وتاني مع حكاوي حميدة


بصراحة الرحلة كانت استرخاء علي الاخر بصراحة كنت مستمتعة فيها جدا
كل حاجة بشويش مفيهاش جري في جري
يعني تاني يوم فضلنا في البيت وبعد الضهر بالليل كده Very Happy رحنا نتغدي في مطعم سويسري

طبعا لان الرحلة كانت بدايتها في اواخر يناير
فكانت اثار زينة الكريسماس لسة في الشوارع




هنبقي نشوف مع بعض في النهار شكل الشجر كان حد قاصص شعره



وصلنا المطعم السويسري وطبعا انا عارفة اللي مستنيني في المطعم ده
اكلة شتوية دافئة بعيدة تماما عن اي رجيم
وبصراحة بحبها جدا وهي الجبنة السايحةfromage fondue
وبتتكون من تلات انواع جبن وطبعا سرحت معاها بخيالي من قبل ما ادخل المطعم
يعني الصورة دي من النت حتة خيالية يعني لسة Wink



بندخل المطعم انواره هادية جدا واصحابه اللي فهته عيلة سويسرية
وطبيعة الاصناف اللي بيقدمها بتجبره يفتح في الشتا بس



هو مكان ضيق وفيه دفء محبب



بعد ما قعدنا لقيت طنت طلبت راكليت
raclette
هي اكلة مشهورة في سويسرا ولها احتفال فولكلوري في شهر فبراير
وبتتقدم مع بطاطس مسلوقة
اكلة كده لها طقوس ...بس انا ساعتها قلت انساني في اي دايت مع الاكلتين دول

حسيت اني هحارب علشان اكلها Shocked
جت حاجة كده علي الترابيزة حسيتها مدفع للطلقات



وبعدين لقيت الجبنة اتعلقت فيه قلت وماله العلام حييييييلو برضه


وبعدين راح حاطت فيشة المدفع في الكهرباء
وابتدت الجبنة تسيح في الطبق اللي تحتها



كل ما تسخن كل ما ننزل الجبنة بالسكينة

اه نسيت اقولكم علي التمارين الرياضية اللي بنمارسها مع الاكلة دي بصوا معايا فوق كده




شايفين السبت المعلق ده فووووووووووق فيه بطاطس مسلوقة
مش عارفة ايه الحكمة يتعلق وكل شوية نقوم ناخد واحدة منه scratch
ونطعها وناكلها مع الجبنة السايهة طبعا طعمها تحفة كان

بعد الاكلة الدسمة الشتوية دي دفعنا الحساب هنا هوووو



طبعا كنت مختصرة التصوير لان الكل كالعادة بيتريق لما يشفوني مطلعة عزيزة الكاميرا Rolling Eyes عقدتهم

بعد الاكلة دي قلنا نتمشي شوية علي البحر ناخد نفسنا شوية

طبعا مفيش غيرنا بيتمشي تقريبا بس الانوار كان انعكاسها جميل
وانتوا بتتمشوا علي يمينكم البحر
وقدامكم شبكة نورمن بقايا زينة الكريسماس



ايه رايكم تقعدوا تاخدوا نفس عمييييييييييق

احسن حميدة قرب يجيلها ساكتة من النت
وهي خايفة عليكم من سكتتها
مين هيرغي ويدوش دماغكم بعد كده

attendez حميدة مع عيون عزيزة
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف Gatita في الإثنين 22 سبتمبر 2008, 2:37 pm

فرفر انتي دايما بتكوني بين السحاب يا بختك


على فكرة بحب الفوندي

اوي


و لرستوران ده حلو اوي اوي اوي
avatar
Gatita
عضو ألفى

عدد الرسائل : 1149
تاريخ التسجيل : 02/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الإثنين 06 أكتوبر 2008, 3:12 am

سكينة اختي الحبوبة انتي اللي جميلة ولذيذة اوي
ومرسي انك جيتي تسافري مع حميدة الرغاية



وطبعا بما اننا ريا وسكينة اخوات يعني فانا كمان بحب جدا الفوندي Wink

ودلوقت نكمل شريط السينما مع حميدة

كنا متفقين اننا هنروح مونت كارلو وكنت سعيدة اني هصورها واوريهالكم
لاني بعتبرها بونبونة زرتها زمان

لكن واحنا في الطريق مع السواق


قالت طنت احنا اتاخرنا ايه رايكم نروح علي نيس اقرب


طبعا جوايا اتكبس وقلت مفيهاش تصاوير سبشيال
وحود السواق علي اخر ثانية من الطريق الرئيسي علي نيس



قلت لازم اتاقلم زي بعضه وقلت اصور بس بصراحة كان من غير نفس اوي
هعمل ايه في حميدة لما بتتكبس بتقفل Rolling Eyes

شايفين العمارتين اللي في مدخل نيس من علاماتها المميزة

ونفس الشكل ده لو حد راح بورتو السخنة
هيلاحظ نفس الشكل المعماري كنت مصوراه بس مش فاكرة مكانها دلوقت



وصلنا وسط البلد اتمشينا شوية فيها





فيها شارع فكرني اوي بوسط البلد في اسكندرية مع شريط الترام



كلهم في الشارع ده بالموتوسيكلات بس شايفين ازاي الشارع زي الفل
الناس بتحافظ علي نظافة بلدها




من وسط البلد طلعنا علي مول كبير دايما بنروح نتسوق منه
.زي سيتي ستارز في مصر

وصلنا هناك بس مش عارفة مين دول اللي طلعوا في الصورة Very Happy



ودخلنا نعمل جولة في كاب تروا ميل اللي فيه كمان محل لافاييت



وفضلنا نتجول



وبعدين رحنا ناحية السوبر ماركت وممر مليان محلات
بصوا عليه كويس علشان هحكيلكم ايه اللي حصل فيه قبل ما نروح بشهر



واحنا فيه السواق حكالنا ان مجموعة دخلت بعربية كسرت الازاز الي ورا بعد ما المحل قفل تقريبا بساعة
هو بيقفل تمانية والهجوم حصل تسعة
وطبعا كانت الخزنة الرئيسية عامرة بغلة اليوم
سرقوها وخرجوا لقوا ست في عربيتها رموها وكملوا طريقهم
وغيروا العربية في الطريق مرة تانية
ومقدروش يمسكوهم طبعا
علشان نعرف ان بلدنا لسة ارحم من غيرها IIIIII

واحنا راجعين البيت هنتفرج مع بعض علي كام تصويرة صورتهم واحنا ماشيين


ضعيفة انا قدام المناظر الطبيعية





معلش فيه صور مهزوزة حسب سرعة العربية والاشارات




وعدنا الي قواعدنا في مدينة كان


واستنوا حميدة في الحلقة القادمة هتفسحكوا موتو رجل علي الكروازيت
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف ADHAM في الثلاثاء 07 أكتوبر 2008, 6:27 pm




صور جميلة يافريده ..

بس واضح انك تخصص مناظر طبيعية

فى انتظار المزيد .

ADHAM
عضو مئوى

ذكر
عدد الرسائل : 606
العمر : 71
تاريخ التسجيل : 14/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الأربعاء 08 أكتوبر 2008, 4:10 am

مرسي لمتابعتك يا ادهم وتشجيعك floa
للاسف مع احساسي بقرب سفري فده هيخليني اختصر في تنزيل الصور
علشان اقدر اخلص معاكم الرحلة Rolling Eyes

عموما هنكمل ونشوف اخبار صور حميدة وهتودينا معاها علي فين

كان يوم حد وقررنا ننزل جولة حرة ناكل في المطعم الايطالي علي البحر ونتمشي في الجو البارد الللذيذ

نزلتنا العربية وسط البلد


وحودنا من هنا



وبعدين قلنا نختصر من ممر بنتقابل في الكافيه دايما اللي فيه
بس طبعا الدنيا مختلفة والمحلات قافلة


ده محل في نفس الممر كله معروضات الكترونية حديثة
لكا ما يخطر علي البال من اجهزة شاملة اجهزة التجسس كنت خايفة اقرب اصور لانه
كان بيصور اللي واقف



وده محل مجوهرات صناعي وعنده ساعات جميلة كمان



خلاص كده قربنا نخرج ناحية البحر



هنروح ناكل في المحل اللي هناك ده فيزوفيو





طلبت فيليه بالشامنيون ومكرونة فيتوتشيني الا كريم بحب اوي اكلها عندهم





بعد ما خلصنا طنت واونكل راحوا البيت وفضلت مع بنات خالتي قلنا نتمشي علي البحر
وبعدين طلع في عقلنا ناكل ايس كريم في يناير


واحنا ماشيين جالي تليفون وهم سبقوا علي المحل


وانا واقفة اخدت بالي ان حد واقف بيبصلي وحسيت بمراقبة
بصراحة قلقت وابتديت اتحرك لقيته مصر يمشي ورايا


سرعت مشيتي ودخلتلهم استنجد ببنات خالتي في المحل



وانا بحكيلهم لقيته فضل واقف برة وبعدين عدا الناحية التانية
واول ما خرجنا رجع تاني علي الرصيف
ورانا
وقفنا نتفرج علي محلات الهدوم




لغاية ما قررنا نعدي ناحية البحر ونتوه منه وسط الناس







هاخد نفسي وارجعلكم نستنشق مع بعض عن قريب نسمة بحرية صاقعة

avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف قمر الليالي في الخميس 09 أكتوبر 2008, 2:20 pm




الصورة دي رائعه تخلخل الضوء مابين الغيوم ونزوله للارض سبحان الله الصورة جدا جدا جميلة
avatar
قمر الليالي
عضو مئوى

انثى
عدد الرسائل : 317
العمر : 38
تاريخ التسجيل : 15/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الثلاثاء 14 أكتوبر 2008, 8:02 pm

مرسي يا قمورة علي تاملاتك الرومانسية طالعة لماما بتاع الانتي Wink

طيب دول مخصوص واحدة من بلكونة البيت هناك



ودول من العربية خطفتهم خطف

ممكن نسمي الصورة دي
التوحد مع الطبيعة



ودي تفتكري ممكن نقول عليها يا قمورة
لحظات تامل




في الصورة دي هتلاحظوا انه كان فيه هوا سريع
بنطير معاه كاننا علي الموتوسيكلات



اللي كانت بتتامل معاكي دلوقت هي فريدة
حميدة جت شالتني عايزة تكمل رحلتها
هقولكم باي وهسيبكم لمصيركم مع حميدة
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الثلاثاء 14 أكتوبر 2008, 10:41 pm

حميدة بتعزمكم علي فنجان شاي علشان تتحملوا رغيها وتبلعوا ورا الكلام
عدينا علشان نتمشي


كان الجو برد لذيذ والدنيا مختلفة عن الصيف



فكرني باسكندرية ايام الشتا





الدنيا راااايقة والناس قعدة بروقان بتستمع يوم اجازتها



واد بحب اشوف الراجل ومراته مهما كبروا لكن بيتمتعوا بسنهم ووقتهم مع بعض



محدش عايز يشتري اهرام اخباااااااااار جمهورية


تعالوا نقرب من البلاج شوية



طيب شوية كمان انا شايفة ناس من الناحية دي
ناس اكتر


ياااااه فين ايامك زمان يا اسكندرية




بصوا من الناحية دية




الناحية دي فعلا زحمة بالناس
اد بيعجبني ان يوم الاجازة بيهتموا بالاطفال والاولوية ليهم لاحتياجاتهم
عندنا اسكت يا ولد بلاش تعاكس اختك
ادخلوا احبسوا نفسكم في اوضتكم Rolling Eyes


وكل واحد بيعرض بضاعته ومواهبه


هنا لوحات مرسومة جميلة



علي فكرة احيانا بمشي اصور بضهري Very Happy من الناحية يعني




وهنا واحد كان بيعزف نغمات لقطع موسيقية معروفة




هنا ده كان بيرسم بطريقة غريبة بصوابعه



قلت اقرب يمكن افهم


بعد ما مشينا شوية لقيت واحد بيتعمله تمثال Wink



قلت طيب اصوره من الناحية تانية راسه كانت معايا كويس انه معملش فيا حاجة Shocked



نسي اقولكم الدنيا كانت زحمة الناحية دي لان كان فيه سياح بسبب مهرجان اغنية زي مهرجان السينما
وده هننزل نتفرج عليه نبقي مرة تانية



هسيبكم تلتقطوا انفاسكم من حميدة كلوا بونبونة هضموا الرغي شوية
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف ADHAM في الثلاثاء 14 أكتوبر 2008, 11:32 pm

floa


جميلة جدا الصور يافريده ..

واكتر حاجة عجبتنى النظافه بتاعت الناس دى

الشوارع نظيفة جدا

الا اذا كنتى بتصورى الشوارع النظيفة بس smile

بس برضه لازم تصوريلنا المناطق الزحمه المدخنه واللى مش نظيفة عشان ناخد فكرة كاملة وحقيقية عن البلد.

على فكرة لما حتروحى الصاغة وخان الخليلى لازم حتلاقى منظر ذى ده سائح سايب البتارين وبيصور كلب جربان والا حمار بيجر عربية كارو .

smile

ADHAM
عضو مئوى

ذكر
عدد الرسائل : 606
العمر : 71
تاريخ التسجيل : 14/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سفاري وكعب دايربعيوني

مُساهمة من طرف farida في الثلاثاء 14 أكتوبر 2008, 11:45 pm

ادهم حقيقي بشكر متابعتك وتشجيعك floa
وياريت بجد كل ما اي حد فينا يروح مكان يصوره ويحطه هنااااااااااااا وينقلنا بعيونه اللي بيشوفه
ورينا اي صور لاماكن بتزورها في السعودية
او اي مكان بتزوره

لقيت صور مصوراها فقلت احطلكم موسيقي تصويرية معاها
اكيد محتاجين خمسة هدوء مع صوت الموج










عجيبتدرج الالوان بجد






















لحظة دخول اللليل بجد كان لون السما كده



وبعد الاستراحة القصيرة ستاود حميدة دو دو دو دو Wink
avatar
farida
عضو ألفى

انثى
عدد الرسائل : 1587
العمر : 58
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 3 من اصل 7 الصفحة السابقة  1, 2, 3, 4, 5, 6, 7  الصفحة التالية

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى