سفاري وكعب دايربعيوني

فريدة
بقالي ييجي أربع أيام بحاول أتفرج على الصور النت مجنناني الصور مش بتظهر، بس أخيرا النهاردة ظهر معظمها.

حقيقي حلوين جدا خصوصا المناظر الطبيعية؛ صور السما والشمس والشاطئ. أما الموسيقى الأخيرة مع صوت البحر والصور فعلا تحفة.

شكرا على الصور وفي انتظار المزيد.

بيقوللى this video is no longer available

بس الموضوع و الصور حلوين جدا و كأنى كنت معاكى خطوه خطوه يا فروتوس

هل من مزيد؟؟

مصرية اشكر معافرتك اربعة ايام علشان تتواصلي مع حميدة الرغاية
مش عارفة ده عيب مني اني بحط عدد صور كتير
ولا عيب في ال دي اس ال

مرسي يا مصرية

مرسي يا سيسامي علي التشجيع الاسكندراني ده
مش عارفة يا بنوتة بالنسبة للمقطوعة لسة سمعاها
يمكن بتجيلها حالة ساعة تروح وساعة تيجي جربي مرة كمان

الحقيقة انا هحاول اخلص الرحلة النهاردة لاني خلاص مسافرة بعد بكرة
وهشام هيحطلكم صوره اللي هينافسني بيها
وهيبقي تحدي زي برسيل
وياريت كلكم تحطوا صور انشالله غدوة في رستوران او اي حاجة بعيونكم

مصرية و سيسامي وادهم
مرسي لتشجيعكم

انا جيت اهو ليلتكوا سعيدة مع حكايات ورغي حميدة

انا هكروت شوية مع اني مصورة صور كتير بس الوقت ضيق جدامعايا وانا مصرة خلص الرحلة دي قبل السفر

هنروح رحلة سريعة لسان ريمو وهوريكوا اشتريت ايه من هناك

احنا في الطريق اهو للبلد الي هي علي الحدود بين فرنسا وايطاليا



اوعوا تتعبوا من السرعة



شايفين الجمال



بصوا الناحية التانية



خلوا بالكم داخلين علي نفق



خلاص داخلنا سان ريمو وهنا بنتمشي وسط البلد
فيها كتير مش عايزة اقول اني حستني في وسط البلد بتاعة اسكندرية
بس اسكندرية ايام الزمن الجميل




شايفين القطة بتتفرج علي الناس ازاي




وده شارع فيه محل مخصوص للبس الاطفال



ودخلت اشتريت وطلعت طاقة بيبهاتي في الشراء


كان لسة شادي في علم الغيب فاشتريت لبس ينفع لبنت او ولد
لاني مكنتش لسة اعرف نوع الجنين
جبت الوان علي ابيص واصفر كناري والعجيب اني لقتني اشتريت كام حاجة لبني
لاشعوريا يظهر الحاسة السادسة مع انه كنفسي في حفيدة



فضلنا في البلد لبليل فقلت واتعشينا هنا


واحنا داخلين الرستوران قابلني ده في السكة لقتني بصوره



داخلين الرستوران ده كنا الحقيقة يمكن ترابيزتين فيه
بس كان اكله يجنن



ودي الترابيزات من جوة



وده الحمام بالصدفة عزيزة الكاميرا كانت في جيبي عجبني صورته
اد ايه بسيط لكن زرعة جميلة ادتله لمسة جمالية
فعلا علي راي المثل الفرنساوي
البساطة تصنع الجمال



ودي كانت زيارة لسان ريمو سريعة
راجعة بالباقي حاااااااااالااااااا
اوعوا تكونوا مستعجلين

وهتغني ليكم حميدة من تان تاااااني من تااااااااااني

هرجعكم تاني لكان لكن بالليل في جولة سريعة وسط البلد
وطبعا هفكركم ان زينة الكريسماس كان لسة اثارها في المدينة







وهنا في شارع جانبي لافاييت طبعا ده رايحين جايين عليه طول النهار واليل كمان



هنبص مع بعضينا علي كام فترينة وطبعا مينفعش انسي احب حاجة لقلبي



موديلات حريمي هي طبعا من الموسم الشتوي الي فات





هنا موديل جزمة بصراحة مش تبعي خالص



وعلشان الجنس الخشن ميزعلش


وهنا بنجمع بين الاتنين




كنا متفقين نتعشي في رستوران لبناني وكانت اخر ليلة بالنسبالنا في المدينة الساحرة
وكان المطعم علي اليمين في الشارع ده



قدامه الشجرة الحلوة دي



وده شكل المنظر منه



بعد العشا جزء راح البيت وفضلت مع بنت خالتي وبنتها نتمشي ونتفرج بالمرة علي مكان مهرجان الموسيقي

الصور رائعة يافريدة ..

وخصوصا صور الديكورات .

متنسيش تاخدى عزيزة معاكى فى الرحلة القادمة .

رحلة موفقه وفى انتظار المزيد من الصور.


تحياتى

واحنا بنتمشي كنا كل شوية نلاقي حد بيدندن بالالة الموسيقية بتاعته







وهنا وصلنا لمكان مهرجان الاغنية وهو عالمي
وعلي فكرة من ضمن المطربين كنا سامعين سيلين ديون


من كل بلاد العالم



واحنا كنا واقفين برة السور طبعا كانوا الصحفيين اللي موجودين








وحان الوقت لبيتك بيتك
ورحلة العودة الي ارض الوطن

بشكرك يا ادهم ومتاخفش عزيزة معايا اينما اذهب

هاخدكم علي طول ونطير علي السحاب وكان السفر في الفجر وكانت لسة يدوب خطوط النهار
وكنا في طريقنا للترانزيت في مطار زيورخ



خلوا بالكم الطيارة هتميل



واذ فجاة شفت القمر اه منه القمر




وفجاة لقيت السحاب عبارة عن جبال من التلج





وفجاة برضه لقيت لحظة الشروق
عجيبة الدنيا بين السحاب


وصلنا مطار زيورخ






بعد فترة الاستراحة اسانفنا رحلة العودة الي القاهرة



وهنا جوة الطيارة



في كل لقطة كنت يصورها كنت بحس بتغير الطبيعة بين مسافة ومسافة



شوفوا هنا فيه تلج






كانه ايس كريم




وفجاة لقيت المنظر ده قدامي




وفجاة لقيت الشمس ساطعة






شايفن هنا غيط القطن

حسيت نفسي انط اسبح مع السحاب وبين السحاب



خلوا بالكم الخطوط دي كنت شايفاها كانها تقسيمة العالم


شكلنا كده داخلين علي خطوط وتقسيمات جمهورية مصر العربية



اااااااااااااااااه واخيرا
معالم بلدي المحبوب



خلوا بالكم هنعمل لادينج




حمدلله علي السلامة
وصلنا للديار المصرية
مصر حبيبتي
ومعلش دوختكم معايا
وباي باي لغاية ما نتقابل في نفس المكان ومسافر علي الطريق

وهسيب المايك لهشام

وهسيب المايك لهشام

هممممممم ...

دى اسمها تدبيسة مش كده؟؟


ماشى يا فرافيرو .. حاخد المايك لحد ما ترجعى بس .. وبعدين حأخلع

لأنى اكتشفت ان موضوع نقل الصور لموقع صور وبعدين للمنتدى ده "علقة" ويا لها من علقة

بجد ربنا يقويكى .. ويا طولة بالك .. ادينى ربع طولة بالك وصبرك وأنا أحطلك 1000 صورة فى الموضوع

أو إيه رأيك .. أبعتهوملك فى إيمايل .. وانت تحطيهم بدالى؟

..

توكلنا على الله .. حأبتدى خفيف خفيف .. وبعدين ... ربنا يسهل

أبدأ بمشاهد .. من بلكونة شقتى .. قبل ما أفسحكم معايا يعنى



والبداية طبعاً .. لمنظر السما الصبح بدرى .. بدرى جداً .. امشوا معاها واحدة واحدة .. ودقيقة بدقيقة

واو
ماشاء الله
مناظر تحفة يا اتش

تخوف .. صح؟

لا والله حلوة

طيب حسناً جداً ..

قبل ما نخرج نتفسح .. ألفت نظر سيادتكم إلى أن الصور طالعة مقطوعة هنا مش عارف ليه .. يعنى ظاهر تلات أرباعها بس .. وكمان ألوانها مطفية شوية مش عارف ليه برضو

لو يهمكم تشوفوها كاملة .. دوسوا بالصباع اليمين عالصورة .. وشوفوها فى عنوانها الأصلى .. وحياكم الله


والآن ..

بصة على صاحب الصورة قبل ما ننزل