مصريات شو

اهلا اهلا يالارنو
براحة يالارنو كده من حفر حفرة لاخيه اكيد هيتشقلب ويقع فيها

فصيله دمك ايه ؟
AB+

تطلع سفاري ولا تطلع رحله بحريه ؟
اطلع سفارى اصلى بعيد عنك كده البحر بيعملى قلق كبير لما بدخل فيه من جوه اخر مره كنت فى شرم وركبت الجلاس بوت ولولا ان كنا كتير وبنات وشباب كنت صرخت وخاصة لما شفت السمك وقال ايه الراجل سواقا لمركب وقف مره واحده فى عرض البحر ويقول يلا الى عايز ينزلا لميه ينزل بس مايطولش عن ساعة عبيط باين عليه


اكتر موقف محرج اتعرضت له في حياتك ؟
واالله المواقف كتير احاول افتكر موقف
موقف مثلا ايام ثانوى كنا بنصيف انا وصحابى المهم بتمشى عل ىالبلاج ولئيت واحد صاحبى هو انا ماشوفتوش بس كان فى واحد قاعد فى كافيه ومدينى ضهره فراسه من ورا هو نفس الطول والشعر والافا وكل حاجة والنضارة رحت جاى من وراه وضربته على افاه راح بصلى ومطلعش هو بقى منظرى وحش اوى قولته معلش اصلى فكرتك محمد قالى مانا محمد قولته لا والله معلش يامحمد ولولا ا ن الواد كان فرور لئيته بيقولى عادى يامان حصل خير روحى ردت فيا
وفى مرة تانية كان يوم خطوبتى الى الله اعلم هتكمل ولالا المهم . هيا كان تفى السعودية .
يومها كان يوم اربع وانا يوم الاربعاء بخلص الشغل متاخر ومكلتش حاجة من الصحب وخلصت الساعة 6 الشغل وطلعت على الحلاق خلصنى الساعة 10 رحت لبست وكده وهموت من الجوع المهم طلعت قعدت مع الرجال وقعدنا وخلاص جه العشا فرحت اوى كنت جيعان جدا المهم بقى فكيت البدلة وقلعت الجاكت وشمرت والجوع وحش اوى ويدوب لسيا بقعد راح ابو العروسة قالى قوم قوم علشان تروح عند الحريم علشان الشبكة الناس تقوله سيبه يتعشى وهو يقول قوم كان منظرى بجد وحش اوى كنت جيعان اوى اوى ويمها خلصنا كل حاجو وبرده مكلتش.

انت من جواك : طفل، عجوز، شاب، ولا مزيج من كل دول ؟

والله انا مقدرش احكم بس غالبا مزيج بس احس اوقات كتير انى طفل وفى حجات وقتها بحس انى عجوز لكن الطابع الخارجى كله شاب


ايه الموقف الي لما تفتكرة تترسم ابتسامه علي شفايفك ؟

افتكر اول يوم جيت فيه الشركة كنت نمت الفجر طبعا المهم نمت فى غرفة الضيوف تبع الشركة المهم لئيت حد بيخطب الساعة 9 الصبح وبقوة صحيت مخضوض رحت افتح الباب وربنا لايوريكو لئيت عملاق قدامى اسود اوى وضخم عريض المنكبين
زى العفريت بتاع الفنوس والله اترعبت ورحت قفلت الباس فى وشه قولته حرام انا هطلع بس انت امشى.


انت غيور ؟؟ غيرة الحبيب وغيرة الصديق ؟؟ الغيرة بصفه عامه يعني
الى حد ما بس بمسك نفسىرغم انى بكون ناير من جوه جدا بس بقدر امسك نفسى اوقات بسيطة بس لما بطلع ببقى مش حلو .

الحصان، البقرة، الكلب، القط، الخروف،الفيل ..... مين الاول عندك
نفسى اقول الحصان كان نفسى اكون فارس بس للاسف حتى مطلعتش لجام .
القطط كنت اخاف منها لحد ماتشجعت وربيت قطة وبجد من يومها وبقيت تمام فى التعامل معاهم واحبهم اوى . الكلب نفسى فيه بس للاسف تربيته لغير الحراسة حرام وكل شوى هتوضا واغتسل علشان نجاسه وكده فبلاش منه والفيل رغم ضخمته بحس انه ارق حيوان موجود . بس نقول فى الوقت الحالى القط


حققت أد ايه من احلامك ؟؟ الباقي اكتر ولا الي اتحقق ؟

لا لسا بدرى على تحقيق احلامى الفعلية لسا كتير وجهد كتير وللاسف الظروف الحالية بتهد كتير من الاحلام او بتخلى الواحد يتنازل عن حلم ليه او يغير منظور حلمه

خلاص يالارنو كده فنيتو هههههههه
ناوية ترجعى ولا ايه عموما مرحبتين اسالتك خفيفة

ايه احلى حاجه كانت موجوده زمان ونفسك كانت تفضل معاك؟؟ غير لعبك طبعا



بينك و بين صحابك ليك اسم شهرة؟ و ايه؟؟

ايه نوع الموسيقى اللي بتحب تسمعه و بتسمعه في أنه موود؟

ايه أحلامك العملية و العلمية و الاجتماعية؟ و حاسس انك في طريقك لتحقيق أحلامك و لا لسة واقف عند الصفر؟؟


طيب لو حد عرض عليك دلوقتي انه يقولك مستقبلك الحقيقي هيبقى عامل ازاي و كلامه صح جدا و اكيد. هتوافق؟؟

كفايه عليك كده

مستنية انيد تخلص واخد المايك منها يا هرم علشان احاصرك زي مفيد فوزي
وتبقي مش عارف تركز مني يا مسكين

المايك معاكى يا افندم

aniD كتب:ايه احلى حاجه كانت موجوده زمان ونفسك كانت تفضل معاك؟؟ غير لعبك طبعا



بينك و بين صحابك ليك اسم شهرة؟ و ايه؟؟

ايه نوع الموسيقى اللي بتحب تسمعه و بتسمعه في أنه موود؟

ايه أحلامك العملية و العلمية و الاجتماعية؟ و حاسس انك في طريقك لتحقيق أحلامك و لا لسة واقف عند الصفر؟؟


طيب لو حد عرض عليك دلوقتي انه يقولك مستقبلك الحقيقي هيبقى عامل ازاي و كلامه صح جدا و اكيد. هتوافق؟؟

كفايه عليك كده

اهلا اهلا انيد هانم ولا اقولك ابله ظاظا

براحة كده وواحده واحده

- والله السؤال ده صعب اوى فوق ماتتخيلى لان فى حجات كتيرة جدا كانت معاى زمان وكانت نفسى تفضل موجوده
مثلا زمان كنت بحفظ قرآن . زمان مكنش فى جادة تشغل بالى . زمان كنت حاسس انى انقى كتير من دالوقتى . زمان كنت اصحى بدرى وانام بدرى . زمان كانت طلباتى مجابة . زمان ابويا كان بيضربنى كتير وعلى فكرة رغم انى لحد وقت قريب كنت ساخط من الموضوع ده لكن بجد لما سافرت عرفت قيمة ابويا وحبى ليه وحبه ليا وبجد ان كل الدنيا ماتسواش انى اكون بين ابويا وامى وحسيت بجد اد ايه كنت مقصر فى حقهم . زمان كان جدى موجود وبجد الراجل ده الله يرحمه ليه اثر كبير جدا فى شخصيتى وبحس انه هو السبب فى اى حاجة حلوة انا بعملها الله يرحمه . زمان كنت اروح لجيرانى وجيرانى يجولى اروح لصحابى وصحابى يجولى انام عند دهوهو ينام عندى دالوقتى صعب جدا تحصل وصعب اصلا اننا نتقابل غير صدف . وطبعا زمان كنت متابع جيد لمزنجر وخلافه من افلام الكرتون لدرجة الايام دى لو سمعت صوت موسيقى بتاعت المقدمة بتاعته اجرى افتح عليه .


- اه طبعا ليا اسم شهرة بينى وبين اصحابى كان زمان ميدو بس حاليا من فترة الجامعة اسم شهرتى هو الهرم رغم ان الاسم ده مكنتش بحبه فى الاول لكن بعد فترة صغيرة بقيت بحبه اوى وبقيت متعلق بيه جدا وبقيت احب الى ينادينى بيه حتى كنت مشهور فى الجامعة بيه .

- بصراحة انا بسمع جميع الوان الموسيقى والاغانى من كلاسيك للشعبى وكل واحد ليه مود طبعا بس انا ميال الى حد اكبر للكلاسيك والرومانسى الى حد اكبر او الاغانى الحزينة شوى بلائى فيها احساس اكبر ويمكن ده من طبعى انى احب الهدوء وانا بطبعى هادى شوى .


- بصراحة من 6 شهور كنت فاكر ان فى بداية مشوار تحقيق احلامى وان احلامى بدا تتحقق لكن بعد كام شهر للاسف اغلب احلامى ادمرت .

كانت احلامى العلمية انى ابدا اعمل الماستر بس الوضع الحالى لايبشر
العملية كنت فاكر ان فى وجودى فى شركة ضخمة زى الى انا فيها هقدر اتعلم وافيد نفسى وافيد الشركة للكن للاسف جاتلى خيبة امل من الى شوفته هنا . الاجتماعية كنت داخل فى مشروع جواز وللاسف واضح ان مليش نصيب او ان القوانين والظروف اقوى منى بكتير واصة انى اجنبى ماليش اى حق فى البلد الى انا فيها .


- لا اوافق اطلاقا لو علمتم مافى الغيب لاخترتم الواقع
ان مؤمن بالقضاء والقدر ومؤمن ان ربى كاتبلى شئ رفضت او قبلت فى اشياء هتحصل هتحصل فانا بعمل الى عليا فى الحاجة الى انا عايزها او عايز اوصل ليها ولو فيها خير ليا اكيد ربى مش هيبعدنى عنها وبجد الى حصلى الفترات الاخيرة دى كان اكبر من طاقتى على التحمل يمكن جاتلى حالة يئس او استسلام شوى بس بحاول اخرج منها فانا بحاول اعمل الى عليا فى اى حاجة وكل شئ بامر الله .

بس خلاص
ويلكم ميسزز انيد اند دونت كم اجين

متصدقيش انتى تشرفى دايما وعلى فكرة اسئلتك السهل الممتنع

بعد ما انيد حدفتني بالمايك قصدي حدفتلي المايك
جبت ورقة الامتحان
علشان احاصرك قدام جمهورك واككببببببببببببببس علي انفاسك
واحرجك باسئلتي

جاوب عليها يا هرم فانت محاصر بالكاميرات
في برنامج مصريا شو

قيل انه ليس نجاح الماضي او فشله ذا اهمية-
بل المهم هو ما تنجزه ..تفتكر ايه المراد بهذا القول؟
وكيف يمكنك ان تستفيد بذلك عمليا في نشاطاتك اليومية؟

-لو كتبت في صفحة بيضة
من اكون؟

هتكتب ايه عن شخصيتك الداخلية؟
وياتري بعد ما تكتب عن صفاتك ياريت نعرف شعورك اذا كان الموضوع سهل ولا

-يا تري فيه ناس معينة او اماكن او حتي اشياء
اثرت علي شخصيتك بطريقة خاصة ؟

-قرات هذه الجملة

ويل لنا من زمن
يتحول فيه الانسان
الي تمثال شمعي
لا يحس ولا يري

تفتكر اننا فعلا وصلنا للزمن ده
وامتي بتحس انك تمثال شايف وحاسس
لكن ولا كانك هنا؟

-ياتري حكمت مرة علي حد ولما قربت منه طلع حكمك غلط؟

-يا تري فيه جزء بتحسه في طبيعتك بيصدق اي حاجة بيقراها وبيرددها من غير
ما تدخل احساسك في الحكم علي مدي مصداقيتها؟

-اوصف احساسك وانت تقرا هذه الكلمات

-شجن
-حب
-شوق
-عتاب
-وطن
-غربة
-انين
-نسمة

-فتحت علبة لقيت تلات وردات تهديهم لمين

سيداتي سادتي وخلصت الشغلانة دستوركوا ياللي معانا

farida كتب:بعد ما انيد حدفتني بالمايك قصدي حدفتلي المايك
جبت ورقة الامتحان
علشان احاصرك قدام جمهورك واككببببببببببببببس علي انفاسك
واحرجك باسئلتي

جاوب عليها يا هرم فانت محاصر بالكاميرات
في برنامج مصريا شو

قيل انه ليس نجاح الماضي او فشله ذا اهمية-
بل المهم هو ما تنجزه ..تفتكر ايه المراد بهذا القول؟
وكيف يمكنك ان تستفيد بذلك عمليا في نشاطاتك اليومية؟

-لو كتبت في صفحة بيضة
من اكون؟

هتكتب ايه عن شخصيتك الداخلية؟
وياتري بعد ما تكتب عن صفاتك ياريت نعرف شعورك اذا كان الموضوع سهل ولا

-يا تري فيه ناس معينة او اماكن او حتي اشياء
اثرت علي شخصيتك بطريقة خاصة ؟

-قرات هذه الجملة

ويل لنا من زمن
يتحول فيه الانسان
الي تمثال شمعي
لا يحس ولا يري

تفتكر اننا فعلا وصلنا للزمن ده
وامتي بتحس انك تمثال شايف وحاسس
لكن ولا كانك هنا؟

-ياتري حكمت مرة علي حد ولما قربت منه طلع حكمك غلط؟

-يا تري فيه جزء بتحسه في طبيعتك بيصدق اي حاجة بيقراها وبيرددها من غير
ما تدخل احساسك في الحكم علي مدي مصداقيتها؟

-اوصف احساسك وانت تقرا هذه الكلمات

-شجن
-حب
-شوق
-عتاب
-وطن
-غربة
-انين
-نسمة

-فتحت علبة لقيت تلات وردات تهديهم لمين

سيداتي سادتي وخلصت الشغلانة دستوركوا ياللي معانا

اهلا اهلا فريدا هانم ايه الاسئلة دى اه مين دى بقى الحمدلله انم متلعطيش مدرسة ولا حطيتى امتحان ثانوية عامة :QQ:

نبدا وربنا يستر

- بصراحة احنا جميعا بلا استثناء او اغلب الدم العربى دايما بنحب البكاء على الاطلال يعنى داميا بنقول احنا كنا وكنا بنعمل وكنا وكنا طيب احنا فين دالوقتى ولا حاجة دول عالم تالت .
يمكن بطبعى بحب ارجع للذكريات والاحداثا لى مريت بيها يمكن اوقات كتيره مابستفيد من غلطى فى الماضى لانى فى اوقات كتيره مابعتبروش غلط بيكون بحسن نية بتصرف . بس فى الفترة الحالية بحاول انى استفيد من اخطائى واقسى قلبى شوى واكون اشد من كده واقسى شوى لان الى حصلى والى شوفته من طيبتى وحسن نيتى انى بتبهدل بسببها . اعتقد ان المراد بالقول ده زى الشاعر الى بيقول لا تقول كان ابى كذا ولكن قول ها انا ذا . يعنى خلاص الماضى راح وانتهى بحلوه ومره ولو كان ممكن الرجوع للماضى كان كل الناس غلطت ورجعت صلحت غلطها واليوم الى بيعدى بينحسب من العمر ومابيرجعش تانى خلاص اوفر .بستفيد منه فى الحياة العملية بحاول استفيد من اخطائى قبلك ده وان كان اتفادتى منها لسا بسيطة بس بحاول لانى فى المرحلة الحالية بصراحة تعتبر مرحلة تحول جذرى فى حياتى يمكن للاحسن او للاسوء مش عارف بس لازم التغيير .ونشاطات اليومية بتنحصر حاليا فى الشغل فغالبا هيكون الاستفادة منها انى اعرف اخطائى الى قوعت فيها واحاول انى اتعلم بسرعه واعرف وماسيبش اى حاجة تعدى من تحت ادى كده لازم افهم واعرف .

- من اكون؟
بصراحة سؤال صعب لانى اوقات كتيره بكون مش عارف انا مين ولا انا فين . بس احاول اقول :
شاب مسلم مصرى الجنسية عمرى 24 سنة
ببدا حياتى العملية بعيد عن تراب بلدى
انسان بسيط لابعد درجة مبحبش التكلف فى اى حاجة بحب اكون انا بطبيعتى وفطرتى يمكن ده من اكبر مشاكل حياتى .
بشتغل فى حاجة قريبة من مجالى الى حدما وهيا الموارد البشرية .
فى مستوى مهنى اقل بكتير من مؤهلات العلمية والعقلية .
اعزب حاليا . وحيد بلا اهل ولا اصدقاء فى الوقت الحالى وبحاولا كون صدقات لان اصعب احساس فى الدنيا هو الوحدة .
بحب بلدى جدا ويمكن معترض على النظام فى بلدى ومعترض على حجات كتيره فيها بس هيا فى الاول والاخر بلدى .
بحب يكون مظهرى كويس بهتم بيه بس مابحبش انى اتكلف فى اى حاجة باقل الاشياء بحب استفيد باقل حاجة ممكنة وفى نفس الوقت تعطى المطلوب مابحبش امشى على الموضه احب امشى على مزاجى بحب اوقات انى اعمل حاجة جديد او احس انى مختلف بحب ابتكر اى شئ حتى لو كانت افكار فى اى حاجة . بحب الهدؤ والرومانسية احب قعدت البحر جدا وانا لوحدى ومعاى كاسيت او ام بى سرى اى حاجة تشغل اانى هادية او موسيقى لزمفير او يانى وانا لوحدى . بحب اكون ابن بلد ومابحبش انى اعيش حياتى فى جو ارستقراطى لانى بحب البساطة فى كل حاجة . بمر باصعب مرحلة بحياتى او عنق الزجاجة فى حياتى يااتحمل واصبر وابتدى اواصل المشوار يااستسلم وافشل . بصراحة مش عارف بس الموضوع صعب انك تكتب عن نفسك لانك اوقات كتير مبتحسش بنفسك انا كتبت مجمل الوقت الحالى واختصر صفاتى الى انا حاسس بيها فى نفسى من ايجابى وسلبى
1- طيب
2- بحاول اكون متدين او بحاول انى على الاقل الترم بالفروض
3- هادئ الطباع بصفة عامة
4- طويل ( عشان القصيرين الى هنا )
5- بهتم بمظهرى الى حد ما
6- مابعترفش بحاجة اسمها كلام الناس ولا بحب حد يقولى كلام الناس لان انا من وجهة نظرى بعمل حاجة مش حرام وشايها مش غلط تخالف التقاليد او العرف ميهمنيشا لمهم انها مش حرام .
7- رومانسى الى حد ما
8- سابقا غير اجتماعى بالمره حاليا بحاول اكون اجتماعى ونجحت الى حدما
9- خجول جدا
10- عصبيتى وحشة اوى وخسرتنى كتير
11- مابحاولش اطلع الى فى قلبى بحاول اخفيه لكن اوقات بيطلع غصب عنى
12- متردد الى حد ما
13- بعانى من بطئ اتخاذ القرار
15- احس انى كسلان شوى
16 - لما بحب اعمل حاجة او اجيب حاجة لازم دالوقتى ولو مقدرتش ببقى فى قمة الحزن
17- غير محافظ على صحتى للاسف الشديد
18- كنت رياضى وبحاول انى ارجع تدريجى
19- مبحبش التجارب خاصة فى الاكل ومبحبش المخاطره الى حد كبير ويمكن لو بقيت فى منصب ادارى كبير دى تكون مشكلة ليا لو فايدى اتخاذ قرارت تحمل نسبة مخاطرة او مستقبلية لكن الى بيطمنى انى بفكر كويس وتفكير عملى .
20- حساس زيادة عن اللزوم زى مابيقولوا اوقات كتيره باخد الكلام على صدرى
ده يعنى مجمل للى انا شايفه .

- اكيد فى ناش اثرت على شخصيتى اهمهم جدى ابو والدتى الله يرحمه اثر فيا كتير جدا ولما توفى كنت ببكى من قلبى وبجد حسيت انى فقدت حاجة كبيرة جدا . ابويا اكيد اثر فيا بايجابيات وسلبيات . فى ناس كتير عجبونى وكل ماقول ان ده هيبقى قدوتى بعد شوى اشوف حجات مختلفة فقول لالا مش هو ولدلوقتى ماليش مثل اعلى احتذى به او امشى على دربه .
لكن اماكن مفيش اماكن اثرت فيا بمعنى التاثير لكن فى اماكن اقدر اقول انها ثابت فيا ذكريات حلوة على طول موجوده الذكريات معاى .


اعتقد اننا بدانا نوصل للمرحلة دى او فى طريقنا للوصول للمقوله دى .
اوقات ممكن ينطبق عليا حاجة زى دى لما بشوف غلط كبير ومابحولش اصلحه بلوم نفسى بعدها كتير وخصاة لما سافرت بشوف حجات كتير غلط وماقدرش اصلحها لانى اجنبى وماليش اى حق . وخاصة لما بشوف طفل صغير بيعيط والئى امه جنبه ومابتحولش تسكته بقى نفسى اخنقها وبفضل ساكت مقدرش اتكلم هيا امه مش معقوله هتبقى احن عليه منها وبسكت وانا بتقطع .


- اه حكمت على ناس كتير غلط لانى كنت بحكم عليهم من غيرم اعرفهم ولا اعاشرهم وبجد المثل الى بيقول تعرفه قال ايوه قاله عاشرته قال لا قال يبقى متعرفوش . بجد العشره هيا الى بتبين معادن الناس وخاصة الازمات تعرف بيها الكويس من الوحش وبجد ده حقيقى مش كلام انشا


- ساعات بقرا حجات وبقولها للناس وانا مش متاكد منها بس يمكن بيكون من جواى انى عايز اكون انا الى بقول الخبر ده او ان الناس متعرفوش وعايز ابلغهم او بمعنى تانى انى مبعرفش اخبى حاجة .بس عموما انا باخد بحسن نية ان اى حاجة بعرفها او بقراها بتكون صح بلتمس الصدق فى المصدر لكن طبعا فى الحجات الكبيرة مابتكلمش ابدا غير انى واثق ومن اكتر من مصدر موثوق فيهم . لكن فى الحجات العادية الى بعرفه بقوله حتى لو مجرد كلمة سمعتها .

شجن : بحس انه طبعى وان كل حاجة فى الوقت الحالى ماتفرحش اد ماتوصل الانسان لحالة الشجن .

حب : حاجة بقت صعبة المنال فى الزمن ده ولو حصلت عراقيل كتيره جدا بتقف فى طريقها علشان تهدمه وللاسف فى اغلبا لاحيان ان العراقيل دى بتكون اقوى من الحب .

شوق : كلمة عميقة اوى ومتركزه حاليا فيا فى الوقت الحالى لبلدى طبعا ولاهلى وبتمنى فى الوقت الحالى انى ابوس ايد ابويا وامى واترمى بحضنهم الاجانب ناس تانية حرمتنى الظروف والاقدار منهم .

عتاب : يمكن انا كثير العتاب لاحبابى لانى بحبهم بكونوا معاى على طول . العتبا بجد من المحبة بس لما بيزيد بيكون مصيبة كبيرة . بعتب على والدى فى اشياء بعتب على امى فى اشياء بعبت على حكومتى فى كتير بعتب على اهل بلدى فى كتير بعتب على القوانين الى بنحطها وبتقيدنا فى اشايء كتير سهلة ملهاش اى لزمة بعتب على الزمن انه لهى والناس وضيع منهم امسى معانى الانسانية وضيع منهم الحب والاخلاص والارادة . بعتب على نفسى فى كتير واهم عتب على نفسى انى بعيد عن ربنا فى اشياء كتير .

- وطن : كانت زميلتنا فى المنتدى . . .
وطن كلمة كبير للنهارده مقدرش اوصف معناها لان معناها وجدانى ملوش تفسير وحاجة اعتقد غريزيه مقدرش اتكلم عنها ولا افسر الكلمة دى لانها اكبر منى . بس ممكن اقول وطنى يعنى دمى

- غربة : اه اه واه من الغربة : الغربة الم الغربة وحده الغربة تعب الغربة تعرفك ادايه انك بتحب بلدك واهلك تعرفك قيمة بلدك بجد احساس الغربة وخاصة باول سنة انه احساس مفجع احساس صعب مر المذاق .

- انين : بحس ان قلبى كله مليان انين وكل حاجة بتحصل حوليا بتزود الاحساس ده .
- نسمة : بتمنى اشوفها واحسها نفسى فى نسمة تطير شعرى تحسسنى بالحياة بجد افتقد ان النسمة دى ولهوا مصر فى مصايفها وخاصة فى الوقت ده من السنة الا اكيد دايما كنت بقضيه فى المصايف . بفتكر ذكريات حلوة وايام الشباب والشقاوة انا وصحابى فى المصايف وخاصة اخر مره بجد كانت امتع ايام قضيتها فى الصيف وللاسف غالبا مش هتتقرر تانى الدنيا تلاهى .
تلات وردات اهيدهم لمين :
اهدى وردة واحده لابويا وامى لانهم الاتنين الحمدلله حاجة واحده والله لايحرمنى منهم ولا يفرقهم ابدا
ووردة على روح جدى الله يرحمه
ووردة لمصر واقولها وحشتينى يامصر الى كنت اعرفها مش مصر الى سبتها .
وياريت كان فى ورده رابعه كنت اهديها لشخص معين للاسف الزمن فرق بينى وبينه .


كفاية كده يافريدا انا قلبى تعب وانا بجاوب على اسئلتك كلها بتدخل جوه بتكهرب :!!$:

عاوز اسألك يا لهرم بس مش عارف اسألك عن ايه بعد كل الاسئلة دى ..
يا ترى تحب انى اسألك عن ايه؟

انا بخاف الزمن يلف يلف ويرجعلي ....فا مش هسالك عشان لو يوم وجاء دوري انت كمان تفتكري الموقف ده ومتسالنيش

قمر الليالي كتب:انا بخاف الزمن يلف يلف ويرجعلي ....فا مش هسالك عشان لو يوم وجاء دوري انت كمان تفتكري الموقف ده ومتسالنيش

ههههههههههههه
عيب ياقمر انتى عارفه برده انا طيب وغلبان بس معلس بقى انا هرذل عليكى لما يجى الدور عليكى واسالك :<a4:

Smart كتب:عاوز اسألك يا لهرم بس مش عارف اسألك عن ايه بعد كل الاسئلة دى ..
يا ترى تحب انى اسألك عن ايه؟

والله ياسمارت انا مش عارف برده زيى زيك لان اتهريت وطلع عينى فانت يعنى كلك نظر وذوق .

بس قولى صحيح لئيت حلاق كويس ولا لسا ؟

بس قولى صحيح لئيت حلاق كويس ولا لسا ؟

لقيت حلاق كويس بمعنى انه بيعرف يحلق ..
ومش بيخبط خبطة هنا ولا هنا ..

وكمان ميزته انه بيقعد ساكت ومش بيرغى ..
زى الأولانى ولا الأولانية اللى قبليه ..

لكن حلاق بمعنى انه يحلق الحلقة اللى انا بحبها ..
زى ما كنت فى مصر .. ما تلاقيش ..
وحشنى حمدان يا جدع ..

....

طب ماهو دا سؤال حلو برضه ..
قولى يالهرم ..

انت اخبار الحلاقة معاك ايه؟

ADHAM كتب:

هو الميكروفون مع مين .. مش لاقيه

عموما انا صوتى عالى

شوف ياهرم .. انا راجل طيب وحديك سؤال واحد .. معاك حاجة تاخد فيها

احنا دايما لما بنقرا كلمة بيقفز الى تفكيرنا فى الحال معناها او مناسبتها او الكلمة المرادفه ليها .

يعنى مثلا لما اقرا كلمة نار بيقفذ لذهنى شكل رجل المطافى وتبقى الكلمة المرادفه هى مطافى وهكذا...

بس الموضوع محتاج امانه شديدة فى حاجتين ؛

ان الرد على الكلمة لايزيد عن 5 ثوانى وتكون كتبت الكلمة المرادفه

وتانى حاجة انك ما تعدلش فى الكلمة اللى كتبتها ..... اوكى .. ومن اجاباتك بقدر اعرف كل اسرارك اصلى حكيم روحانى

ورده =

سكينة =

قلم =

ظلم =

نور =

ظلمة =

حب =

مراية =

منشار =

طيارة =

حصان =

نظارة =

امان =

ساعة =

ابيض =

برنيطة =

احمر =

شنب =

شحات =

عربية =

اخضر =

محفظة =

كتاب =

سرير =

جزمة =

سبورة =

قطار =

سماء =

صديق =

بحر =

نجمة =

مسدس =

مسجد =

جرس =

مشط =

كومبيوتر =

كنيسة =

سلالم =

عمارة =

مطر =

قمر =

ست =

مفتاح =

سمكة =

جثة =

حزام =

طفل =

سعادة =

شفت اذاى السؤال بسيط وسهل ............

ايه يادوك ينفع الكلام ده ياراجل ده انت غلبت امتحانات الثانوية العامة

تصدق هو يوم باين عليه كل اسئلة تقطع النفس كده اصلى الصبح مدير الشركة الجديد الفرنساوى اليهودى الله يحرقه دخل المكتب كده من غير لا إحم ولا دستور وفضل هات ياسئلة لما ضربلى نفوخى .


وردة= الطبيعة
سكينة = جاتى

Smart كتب:

بس قولى صحيح لئيت حلاق كويس ولا لسا ؟

لقيت حلاق كويس بمعنى انه بيعرف يحلق ..
ومش بيخبط خبطة هنا ولا هنا ..

وكمان ميزته انه بيقعد ساكت ومش بيرغى ..
زى الأولانى ولا الأولانية اللى قبليه ..

لكن حلاق بمعنى انه يحلق الحلقة اللى انا بحبها ..
زى ما كنت فى مصر .. ما تلاقيش ..
وحشنى حمدان يا جدع ..

....

طب ماهو دا سؤال حلو برضه ..
قولى يالهرم ..

انت اخبار الحلاقة معاك ايه؟

ايه ياسمارت معقول فى امريكا مفيش حلاقيين كده
بس وايه موضوع الحلاقة دى شوفته فى فيلم قبل كده وبصراحة نفسى اجربه بقولك انا هاجى امريكا يومين تودينى لحلاقة تحلقلى بس تكون حلاقه ايه حاجة كده حتى لو شالت شعرى مزعلش مش حاجة اول لما تشوفها شعرك يقع لوحده .

الحلاق ياعمى ده بقى انا ليا دماغ ليا لوحدى فيه
اول لما سافرت كنت شايل هم الموضوع ده واغلب الحلاقين الى فى المملكة اغلبهم اتراك وبصراحة كويسين الى حد ما المهم انا واحد صحبى ودانى لواحد تونسى بس بصراحة استاذ وكفاية انى بكون مرتاح ومبسوط وعارف هو بيعمل ايه وبيشتغل بضمير بس بعيد عنى شوى عن سكنى فى واحد بقى جنب سكنى مصرى فتح حلقت عنده دقن وشعر مره كل واحده مره وانا حاليا جايب شعرى 3 علشان كنت فى عمره المهم يعنى بصراحة مش عايز اروحله تانى بس خايف اكسل وغير التاكسيات الى قطعت نفسى دى . بس الى حد ما يعنى مرتاح شوى .
بس اوعى تنسى تشوفلى حلاقة بس تكون ايه حاجة كده وياحبذا لوكانت من هواه الميكرو جيب

بس اوعى تنسى تشوفلى حلاقة بس تكون ايه حاجة كده وياحبذا لوكانت من هواه الميكرو جيب

المشكلة يالهرم إن الناس فاهمة الحال فى امريكا غلط ..
الحلاقة اللى موجودة يونانية وعندها 50 سنة ..
ورغاية موووووت ..

تنفع؟؟؟

ايه ده ياعم انا هجيبها موس واريح نفسى حلاقة ايه الى عندها 50 سنة دى

elhram كتب:ايه ده ياعم انا هجيبها موس واريح نفسى حلاقة ايه الى عندها 50 سنة دى

سمارت بيخزي العين يا هروم علشان محدش يحسده

هو بيكلمك عن أم الكوافيره اليونانية عندها 50 سنة
اصلهم عاملين فاملي بزنس
هو يقعد تحت مقص البنت وانت تقعد تحت ايد أمها

سمارت بيخزي العين يا هروم علشان محدش يحسده

هو بيكلمك عن أم الكوافيره اليونانية عندها 50 سنة
اصلهم عاملين فاملي بزنس
هو يقعد تحت مقص البنت وانت تقعد تحت ايد أمها

عمرك اطول من عمري يا اوسكا...والله اول ما شفت مداخلته كنت هقول نفس الكلام.... بتضحك علينا يا سمارت

50 سنة ومين الى هيروح عندها دى ؟

دى على ماتمسك الموس تكون رقبة الراجل راحت

وبعدين صح كلام اوسكا بس لو كده انا هرفع القضية لمجلس الامن علشان احلق تحت ايد بنتها
ولا يكون فى ناس الى بتحلق عندها الى بيحبو يبصبصوا لحريم الكبيرة

خلاص يا هرم انت براءه ..الف الف مبروك

مصريه ..بينادوا عليكى

ايوووووووة كده عايزين بعد الاهرامات نستضيف مصريات
ممثلة في مصرية

نورتي البرنامج يا مصرية خدي نفس عميييق واحبسيه
علشان هتحتاجي تنفخيه بعد الاسئلة

امسكي المايك

والوووو مين معانا علي الخط يبتدي اول سؤال لضيفتنا الجميلة

ميييييين يشرب الساقع ازوزة

مين بس دخل الكادر ~~~

اعزائنا المشاهدين مع ضيفتكم وضيفتنا مصرية

يالا انا حأبتدى


مصريه روح قلبى ..التواصل جاى اهو ..بس متبقيش تقوولى يا ريت اللى جرى ما كان


اكتر حاجه تحبى فرح تاخدها منك ؟

ليكى اصحاب كتير

اكتر حاجه تحبى تسمعيها

اكتر حاجه تحبى تقريها

هل سبق وفعلتى شيئا ندمتى عليه لدرجة أن تمنيت لنفسك الموت ؟

هل انت عصبيه ؟
هل سبق وقلت في نفسك - يا ريت .. ؟

هل تمنيت الموت لشخص معين في وقت معين ؟
هل سبق و كذبت كذبة كبيرة وخطيرة و كانت ليها اثار مدمره ؟

هل كنت في يوم من الايام سببا في احدى الاشتباكات ؟

لخصى حياتك فى كلمه

بتحبى شغلك

انطباعك الاول عن الناس بيتكون على اساس ايه

عمرك خدتى فكره عن حد و الايام اثبتتلك ان انتى غلطانه و ان انطباعك الاول مش صح

ماالذي يلفت انتباهك بسرعه في الشخص لكي تعجب به

قوللى خمس حاجات حصريه عنك ..محدش يعرفها خالص

ايه رأيك فى عمليات التجميل

مصريه روح قلبى ..التواصل جاى اهو ..بس متبقيش تقوولى يا ريت اللى جرى ما كان

مكانش قصدي تواصل للدرجة دي يعني بس الأمر لله أنا اللي جبت ده كله لنفسي.

بسم الله الرحمن الرحيم

اكتر حاجه تحبى فرح تاخدها منك ؟

هو الحقيقة أنا كلي بتاعتها يعني هي بتتعامل على إني من ممتلكاتها الخاصة وكل حاجتي بتاعتها، بس الحمد لله ابتدت السنة دي تسأل إذا كان ممكن تستخدم الحاجة ولا لأ، لكن هو سؤال صوري يعني حوافق حوافق.

ليكى اصحاب كتير

مش كتير بس اصحابي كلهم مقربين، معنديش أي عداوات والحمد لله بسيب انطباع كويس عند الناس لكن كأصدقاء مقربين قليليين بس كلهم أصدقاء عمر.

اكتر حاجه تحبى تسمعيها

أغاني قديمة

اكتر حاجه تحبى تقريها

بحب القراية عامة وكل سن في مجالات في القراية بتشدني
يعني في وقت كان ميكي ومجلة ماجد
وفي وقت كان روايات عبير وملف المستقبل ورجل المستحيل
وفي وقت كان كتب دينية
وفي وقت كان روايات للسحار والسباعي
وحاليا بحب أقرا في التراث العربي والتاريخ الإنساني.

هل سبق وفعلتى شيئا ندمتى عليه لدرجة أن تمنيت لنفسك الموت ؟

لأ الحمد لله محصلش وأتمنى ميحصلش

هل انت عصبيه ؟

جدا

هل سبق وقلت في نفسك - يا ريت .. ؟

أيوة وبعدين برجع أقول معلش أكيد ربنا عايز الخير علشان كده مريت بالموقف ده أو أخدت القرار ده.

هل تمنيت الموت لشخص معين في وقت معين ؟

لا أبدا

هل سبق و كذبت كذبة كبيرة وخطيرة و كانت ليها اثار مدمره ؟

لأ محصلش بحاول على أد ما أقدر أتبع الصدق إلا لو كان حيضر حد

هل كنت في يوم من الايام سببا في احدى الاشتباكات ؟

مش فاكرة يا أنيد بس مظنش

لخصى حياتك فى كلمه

صعب أوي السؤال ده مش عارفة

بتحبى شغلك

لأ، مش بحبه بس مش عارفة أغيره.

انطباعك الاول عن الناس بيتكون على اساس ايه

أكيد أول حاجة بتاخد العين هي المظهر الخارجي لكن اتعلمت محكمش على حد بمظهره.

عمرك خدتى فكره عن حد و الايام اثبتتلك ان انتى غلطانه و ان انطباعك الاول مش صح

أيوة
كنت في كورس في الجامعة في اسكتلندا وكان معايا طلبة اشكالهم غريبة من كل الدول، منهم الهندي والفلبيني والإندونيسي وغيرهم.
وكان منهم كتير مظهره يخليكي تبعدي عنه لكن أول ما يبتدي الكلام تلاقي نفسك اتشديتي وحسيت وقتها إني مكسوفة من نفسي لإني حكمت في الأول بالشكل.

ماالذي يلفت انتباهك بسرعه في الشخص لكي تعجب به

أفكاره وقدرته التحليلية وأسلوبه في التفكير والتحليل.

باختصار: دماغه شغالة إزاي.

قوللى خمس حاجات حصريه عنك ..محدش يعرفها خالص

أظن كل الناس عارفين كل حاجة عني لكن جايز الصفة اللي مفيش كتير عارفينها هي إني كسولة جدا وبحب النوم جدا جدا.

ايه رأيك فى عمليات التجميل

إعجاز علمي يدل على أن الله أعطى الإنسان الكثير من القدرات العلمية.
نفسي أعملها بس بخاف.

أظن كفاية كده بقى ونشوف مين حييجي بدالي دلوقتي.

ههههههه مصرية مكنش يومك ياختى
لا وشوفى بقى انا اتهريت اسئلة واتبهدلت يعنى معلش بقى حظك جه كده يعنى هطلع الى اتعمل فيا علشان انتى تطلعى الى هيتعمل فيكى على الى بعدك هيا كده بقى هنعمل ايه يعنى اول ماتشوفى انيد تجيبى عصاية ووراها جرى على طول

يلا بقى مع انى لسا مش مجهز ولا محضر بس خدى النفحة الاولى لما اجهز شوى

1- ليه سميتى اسم بنتك فرح ؟؟؟

2- بتحبى اسمك الحقيقى ؟

3- ايه اكتر حاجة لما حد كان بيقولهالك كنت بتتغاظى بس مبتقدريش تردى او تنكريها لانها حاجة مرتبطه بيكى ( مثلا اسم فى العيلة مش بتحبيه مثلا طبعا فيكى مش كويس حاجة عملتيها ومش عارفه عملتيها ازاى كده يعنى )

4- اكرت اكله بتحبيها ومبتعرفيش تعمليها ؟

5-لو مكنتيش معيده فى الكلية كنتى عايزة تقى ايه ؟

6- اول مره فى حياتك قعدتى على كومبيوتر اوصفى المنظر وايه الى حصلك وعملتى ايه وشعورك وبوزتى ايه ؟

7 - ايه الحاجة الى بوزتيها او بهدلتيها وخبيتى عن اهلك وحاولتى تمحى اثار المصيبة بسرعه قبل ماتتكشفى ويبقى فيها شخط ولا علقة ؟

تفتكرى مره انضربتى فيها فى البيت من الوالد او الوالده وايه الظروف والموقف وكانت ايه وسيلة الضرب لو كان فى ؟

8- تفتكرى لما حد يحب يعاقبك ايه اكتر وسيلة عقاب مجدية معاكى ؟

9- لما بتزعلى من فرح بتعاقبيها ازاى ؟

10- لو فى واحد من الطلبة وانتى بتدى سكشن حب يتفلسف او يتريق او اى حاجة من حجات الى اكيد مرت او عارفينها الى بتحصل ايه هيكون رد فعلك ؟

طيب اخلص الشغل ده واصنفر مخى وارجعلك