القصــــــــــــــــــــــــــــــر

يعود هشام وفريدة ويتبعهما العملاق كاباكا فى الخلف إلى باقى المجموعة

كان كل فرد منهم مشغولاً فيما يفعل. هذا فى الظاهر. أما فى داخل كل منهم، فكان هناك أمراً واحداً يقلقهم جميعاً، وهو أين فريدة وأين هشام؟؟ إختفيا منذ الأمس ولا أحد يعرف عنهما شيئاً، ولا توجد وسيلة لهروبهما من الجزيرة .. فأين هما؟؟

قفزت جاتيتا من على الشجرة التى كانت فوقها تجمع القواقع الحلزونية قائلة: كنتوا فيـــــــــــــــــن؟؟؟

نظر الجميع إليها، ليروا لمن تتحدث .. فرأوا العائدين الثلاثة، فنهضوا كلهم تقريباً، خصوصاً لرؤية كاباكا معهما


روى لهم هشام ما حدث كله


ناثنج تو لوز: هممممممم وده وجوده معانا مش خطر علينا؟؟

زهيرى: ليه خطر؟؟ أنا ممكن أربيه مع كلابى

سيسامى: ول، هاو دو يو ثينك دولفين؟

سمارت: اشمعنى دولفين؟؟ ليه ما سألتينيش أنا؟؟

مشاعر: تعال يا سمارت، حأقولك حاجة مهمة .. (تاخده من ايده وتمشى بعيد، وتغمز بعينها لسيسامى وتقولها بصوت واطى: كملوا انتوا )

تصحيح: أعتقد اننا فى ظروف سيريالية جداً .. وانهاءها محتاج فكر سيريالى متناسق مع الموقف

أنيد: لأ

أوسكاسان: لأ إيه؟؟

مواضيع: ههههههههههههههه

لارنو: إنشولوجوم، مش فاهمة .. يعنى حنخلوه معانا، والا حنعملوه بانيه ... والا حنتصرفو فيه إزاى؟؟

مصرية: أيوووووه .. بلاش تطلعى مواهبك الإسكندرانى هنا دلوقت .. بتوع القاهرة حيألسوا علينا :albino:

أوسكاسان: هى انشولوجوم إسكندرانى؟ :cyclops:

أدهم (بصوت عالى): مشــــــــــــــــــــــــــاعر .. تعالى خدى أوسكا معاكو، محتاج تقوليله حاجة مهمة :humer:

الهرم: فكرة كويسة .. ممكن نخليه معانا .. نخوف بيه العيال

فانتوماس: صح، نخليه معانا .. للمهام الصعبة

رجب: أعتقد
أنه معانا حيكون بمثابة الملهم

على عينه: والله يا رجب ياخويا مش موضوع ملهم وبس، الملهمين خلاص شبعنا منهم من أيام الإتحاد الإشتراكى بما له وما عليه، لكن ممكن نقول عليه القوة الدافعة للعمل الجماعى الثورى

منى: كم من عماليق قد تعملقنا فيهم .. فما أكلنا ولا شربنا .. بل بعد أكلهم هم .. شممنا رائحة فيهم

أم جمعة (الشهيرة بموون): كسبنا إيه كده صلاة النبى؟؟ ما ترسوا على رأى خلونا نخلص

جاتيتا: أنا حأخده "ماسكوتا" واخة؟؟

أوسكاسان: هه؟؟

مكسوف والأفوكاتو وأولد مان وميخو والشاعر .. أخذوا جنباً، وجلسوا يتداولون ويتداولون .. ثم تحدث الأفوكاتو للجميع فى النهاية:

الرأى يا سادة، هو أن نبقيه معنا .. فله فوائد جمة، وكل واحد منا سيجد فيه الفائدة التى تناسبه، والمؤكد أن هذا العملاق .. ولد ليبقى .. فخلوه معانا، حيفيد مش حيضر .. والرأى رأيكم فى النهاية.


تحدث همهمة وأحاديث جانبية، وفى النهاية .. يتفق الجميع على بقاء كاباكا معهم دائماً

اتفق الجميع علي بقاء كاباكا كعبد اسود يقوم علي خدمه المجموعه :monkey:
واضطر كاباكا المسكين للموافقه بس قال لفريده حاجه
كاباكا: انا هاغسل واكنس وامسح و اعمل كل الي انتو عايزينه، بس يافري اعتبريني مش موجود بليز بليييييييز
وبدأت الطلبات تتهافت علي المسكين كاباكا تهافت اي حاجه علي اي حاجه تانيه حلوة
جاتي: جهزلنا الغدا، محشي ورق عنب و بط بالبرتقان
انيد: شوفلي كتاب لمجدي الماظ اقراه :xgfd:
مصريه: اعملي كريم كراميل، باحب عليه من فوق فراوله
سمارت: طرقعلي صوابعي
اوسكا: ايه هو ايه هو ، انتو فاكرينه ايه ، ده حته كاباكا لا طلع ولا نزل ، اخره يشيل حاجه من مكان لمكان
هشام: كاباكاااااااا، حالا دلوقتي تعملنا مكان محترم ننام فيه، وتجمع خشب علشان نعمل اكل و تصطاد لنا سمك ...يالا انصرف
سمارت: انصرف قالك، انت هاتتنح ليه
بدأ كاباكا ينفذ الطلبات وهو ممتعض و زهقان :$$:

لارنو: انا عايزة حلاوة الموسم

larno كتب:لارنو: انا عايزة حلاوة الموسم

كاباكاااااااااااااا هات للارنو حلاوة الموسم ومتنساش العروسة :#~€:

كل سنة وإنتي طيبة يا لارنو :!.¡:

يجلس كاباكا في ركن وحيدا
تتسلل إليه مشاعر: مالك يا كاباكا إيه اللي مزعلك؟
كاباكا: إنتي مش شايفة بتعاملوني إزاي بعد ما كنت أنا ملك الجزيرة مفيش عليها غيري.
مشاعر: إنت متضايق علشان بتساعدنا نعيش يا كاباكا؟
كاباكا: لأ إنتوا مش بتعملوا حاجو وكله على دماغي.
مشاعر: خلاص يا كاباكا أوعدك أتكلم معاهم في الموضوع ده بس إنت كمان توعدني متاكلناش ولا تإذينا
كاباكا: أكولكوا إيه ب أنا مباكلش بني آدمين.
مشاعر: صحيح كنت عايزة أسألك إنت عشت هنا إزاي في الجزيرة دي لوحدك؟ بتاكل إيه؟ والجلد اللي بنلاقيه ده بتاع إيه؟ والحيوانات دي فين؟
كاباكا يمسك برأسه: هو أنا خلصت من فريدة طلعت لي مشاعر طيب أعمل إيه بس في المصيبة دي يا ربي؟
مشاعر: خلاص خلاص بلاش
كاباكا: حقولك ومتسألينيش تاني على أي حاجة
مشاعر: حاضر
كاباكا: الجزيرة دي كبيرة جدا والحيوانات دي الناحية التاني من الجزيرة والجلد اللي بتلاقوه ده بتاع حيوانات نا اصطدتها وأكلتها ورميت الجلد اللي مش محتاجه.
مشاعر: دي أخبار حلوة جدا حروح أقول للناس ونتفق معاهم إنك تكون زيك زينا وإنك مش حتإذينا.

مشاعر: يا جماعه أنا لسه جايه من عند كاباكا ..زعلان من معاملتكم ليه و انا قلتله انى حأتكلم معاكم
سمارت: يا شيخه ده متخلف سيبك منه
اطلبوا منه كل اللى انتوا عايزينه
فريده: كاباكا بعد اذنك السوست اللى بألف عليها شعرى ضاعت ممكن تشوفهالى فين
يهرش كباكا فى رأسه مستفهما
كاباكا فى سره : ايه يا اخويا الكهن بتاع العالم ده :QQ:...لما نشوف اخرتها ثم يهتف صائحا : انا حأدور على اكل بس موعدكوش بالحاجات اللى انتوا طالبينها دى...
لارنو: نعم بأقولك عايزه حلاوه المولد و عروسه
مصريه: و االكريم كراميل
يثور كاباكا و يجّر NTL: بأقولوكوا ااااااااايييييييييه ..انتوا شكلكوا حتقرفوووووونى ...هو انا هفيّه و لا هفيّه و لا عملاق القمم
ده انا صّايع يا ولا الذين ...انا حأربيكم من اول و جديد ...
ينظر له الجميع بذهول
هشام : كده يا كاباكا ده احنا انقذناك من الانتحار ..و انت اتفقت متئذيناش
كاباكا: على عينى و على راسى بس مبقتش كده ..حط نفسك مكانى ..اعمل بط بالبرتقال اززززززززززززززززاى ..هو انا عندى سرفيس احطّه فيه
سمارت يهمس فى اذن اوسكا : اخد بالك مشكلته فى ايه.... فى السرفيس على اساس ان كل حاجه عنده ..مش بأقولك متخلف
يلكزه أوسكا فى ذراعه ..طب قصّر دلوقت
يبحث كاباكا بعينيه عن فريده
فريده تجلس بعيدا بجوار زوهيرى تستمع الى الكاسيت
كاباكا : عايزنى اعملكم كل اللى انتوا عايزينه و اطلعكم من هنا كمان ؟؟
الجميع فى صوت واحد :أكييييييييييييييييييييييييييييييد
خلاص ليّا شرط
مصريه: قول
كاباكا : حأخد الست اللى هناك دى أسيره ..عشان بصراحه عايز اعذبها
ينظر الجميع لبعض بدهشه
هشام :أسيره ازاى يعنى
كاباكا : تخدمنى و تشوف طلباتى
اوسكا : لا مينفعش ..سيبنا شويه نفّكر
يذهب الجميع لفريده و يحّكوا الحوار
فريده تنخرط فى بكاء مرير: ايمبوسيبل انا مخدمش الجربان ده حرام عليكم
سمارت : ده حاجه مؤقته بس
فريده : لا برضه
د.رجب : طالما بيقول يعرف يخرجنا من هنا احنا مضطرين نتنازل ..
فريده : حتضحوا بيا
دولفين: لاااااااااا اكيد فيه حل
لارنو: اه كل واحد يخدمه يوم
هشام: فكره كويسه جدا
يوافق الجميع على عرض فكره هشام على العملاق
هشام : قبل ما نقوله لازم نعمل قرعه نعرف مين حيبتدى
لارنو: كويس بس انا مش فى القرعه
مصريه : ليه بقى ان شاء الله ..معوّقه
لارنو: لأ ..بس انا ليا تصور تانى
انيد: تصور ايه ان شاء الله
لارنو: حأسّبل لكاباكا و ابقى الgirl friendبتاعته و تخدمونى معاه
أوسكا : هاها عجبت لك يا زمن ~~~ ..بقى كاباكا حيبص لك ..ده انتى بالكتير تبقى صوبع فى رجليه بصى لحجمك يا امى ده يشيلك عشان تعرفى تسبليّله ..ادخلى القرعه بلاش استهبال
و يختار الجميع لارنوا لتعرض خدماتها على كابكا
سمارت/ كاباكااااااااااااااااااااااااااااااااااااا
كابكا : يخرج من لكهف فى تعالى
بأقولك يه فريده دى ست فافى و مش حتنفعك و احنا اتفقنا كل واحد يخدمك يوم مقابل انك تساعدنا نخرج من هنا
كابكاااا: مممم موافق..مين حيبتدى
لارنوا : خدامتك لارنو يا كبكب
كابكا : ينظر لها شزرا: كبكب ربنا يستر انا عارف ايه المصايب اللى بتتحدف عليا دى ..ما علينا ..فليّنى
لارنو: اايه
كابكا : فلّينى
هشام: لامؤاخذه يعنى ايه فلينى
كابكا : شعرى بيااااااااااااااكلنى لازم حد يفلينى
لارنو تقع فى الارض مغشيا عليها

بعد 4 ساعات تفوق لارنو من حاله الاغماء علي صوت هرش كاباكا في دماغه
كاباكا: اخلصي، انا عندي طلبات كتييييييييير
لارنو بامتعاض، حاضر
لارنو بجهد فظيع تحرك شعراته من مكانها و يااااااااااااااااااااااااااااه
ايه ده ؟؟؟ دي مش راس ابدا، دي حته من المجاري، اوووووووووف ايه الريحه دي
كاباكا: انتي هاتفليني ولا هاتتغزلي في جمال دماغي
تبدأ لارنو في متابعه كل ماهو متحرك و غير متحرك في راس كاباكا
ايه يا كبكب ده، ده انت معجزة، ده في حاجات ماينفعش تعيش مع بعض خااالص... جوه شعرك، عايشه عااااادي :~¬>:
كاباكا: هانخلص ولا اييييييييه
لارنو: استني باتفرج ، حشائش السافانا، الاستبس ، كائنات برمائيه، حيوانات اسطوريه
و مش ممكن مش ممكن ،، جااااااااااااااااتي الحقي ، في سحليه
جاتي:هاتيها هاتيها ، اوعي تأذيها
لارنو: لا انا اخاف امسكها دي كانت بتجري ورا فار من شويه
جاتي: امسكيهولها حرام علشان ماتفرهدش من الجري وراه
كاباكا يمسك جاتيتا و يرميها علي دماغه جنب لارنو ويقولها : فليني معاها
جاتي: يااااااي مش ممكن ، اوسكااااا حد يقف تحت دماغه علشان يموت الي هانرميه
دي كائنات لو عاشت معانا علي الجزيرة تبقي كارثه
وبدأ القاء الكنوز المدفونه في راس المبجل كاباكا
والتعليقات ما بين ياااااه، اوووووووووة، ياااااااااااااي، معقوله ، ازاي ، ماينفعش
وحالات اغماء وذهول
وبعد ساعتين من العمل الشاق
كاباكا: خلاص كفايه كده النهارده، بكره نكمل
لارنو: الحمدلله بكرة مش دوري في الخدمه
جاتي: انا كده خلاص اخدت دوري
كاباكا: يا وقعتكو الهباااااااااااااااااااااااااب
فين الفار السيسي بتاعي ؟؟ ده صاحبي، موتوه ؟؟؟ ياعذابكو الي هاتشوفوه
سمارت: سيادتك مامتش ده هو بس الدوشه ازعجته خرح يقعد في الهدوء و راجع
اوسكا: اكيد راجع، هو هايلاقي مكان احسن من غابه سعادتك
كاباكا: الطلب التاني ، زغزغيني

بجد شربااااااااااااااتاااااااااات

اوسكا :يا هشااااااام كاباكا عايزك

هشام: سمارت اوسكا بيقولك كاباكا عايز العصايا يتغزغز

سمارت : يا سلام بس كده هات الفلقة يا اوسكااااااااااااااااااااااااااااا



كاباكا : خلاص بطلنا يا جاااااااااااابر

جاتي : هو كاباكا كان عايز ايه

لارنو: السحلية تعمله شوية ماساج

مشاعر: مسكين جاله عرق النسا من طلباتنا

انيد : خلاص كاباكا بقي الان ديلون معبود الجماهير

كاباكا يبص لانيد : يا صفايح الزبدة السايحة

مصرية : ياااااااااااي يا كاباكا انت من ايام عبد الوارث عثر

دولفين : لا وانتي الصادقة ده من ايام كونتا كنتي :afro:

فريدة مستخبية ورا قمر خايفة من غابات المناطق الحارة الاستوائية اللي علي دماغ كاباكا
وتوشوش قمر: ياريت يودوه كوافير يشيل شوية الاسلاك الحلزونية و يعمله لوك

ويكون فيه موسيقي تصويرية انغامها متقطعة منبعثة من ناحية زوهيري

زوهيري بيحلم بالنوم : جفن ن ن هو هووو..علم علللم الغ غز غز غززززل

ياه
كل ده
كان مستخبى فين
أول مرة اشوف الموضوع ده
والفضل يرجع لفريدة
ست صفحات يامفترين
أول مرة اكتشف ان عندكم ملكة جميلة وموهبة خطيرة فى الأدب القصصى
وانا شاغل نفسى بالملهم والصهاينة
وبلاد الواق واق
حقيقة مستمتع بالموضوع الجميل ده
كملوا
وكلى شغف للقراءة والإستمتاع
تحيتى
لكاتبة الموضوع
وكل من شارك وساهم فيه

ياريت تشترك كمان معانا

فعلااااااااااااا ..تنّورنا يا دكتور

كاباكا ينادي على فريدة: تعالي زغزغيني انتي و قمر

: ||3: اوسكسان يضحك ضحكة


تبص عليه قمر بصة

اوسكسان: :xgfd:

جاتي: شوف يا كاباكا باشا الدور بقى عليك احنا فلينالك و شيلناك بلاوي من راسك المهببة دي اللي شبه مزبلة مركزة و فيها اقبح ريحة شمتها في حياتي و مع كده فليناك
و انت لسة مجبتلناش و لا نملة مشوية
انت وحش و قبيح و شكلك مقرف و مرعب و مش حيكون ليك اصدقاء طول حياتك و مش حتكون وحداني طول حياتك و حتموت وحداني طول حياتك و لما تموت محتلقاش حد يدفنك و لو مرضت محتلقاش حد يطل عليك و لا يساعد يشفيك

عارف ليه لانك وحش خالص و مش وحش بس انت و حش و قلبك اسود قلب ايه هو انت اصلا لك قلب لا مفيش

كاباكا و لا تأثر من كلام جاتي, و هي اللي كانت فاكرة انها حنلين شوية قلبه

اكاباكا يبص على جاتي بصة شرسة الولية دي جاتلي منين

ده انا حخليكي كفته

جاتي لو تقدر حاول تقبضني

تروح تجري و كاباكا وراها

خطوات كاباكا بتتسمع بااااااااام بااااااااام

و جاتي تتجاول تفر منه

ودااته ناحية الغابة علشان تعرف تحتبئ منه

يستعد كاباكا للجري وراء جاتي في الغابة وهو يصدر أصواتا غاضبة مرعبة، لكنه يفاجأ بصخرة تقذف على رأسه من الخلف، ينظر كاباكا فإذا بهشام ينظر إليه غاضبا: إت فاكر نفسك رايح فين؟ إنت ناسي إن اللي بتطاردها دي تبقى دراعي اليمين؟

كاباكا: يصدر أصواتا لا يفهم منها أحد شيئا سوى أنها زمجرات غاضبة متوعة
هشام: فرييييييييييييييييدة فهميه غلطته.
فريدة: كبكب إنت وحش جدا ليه كده اللي بتعمله ده أنا لازم أحكيلك وأشرحلك لإن يظر إنت مش فاهم حاجة مهمة جدا.....
يقاطعها كاباكا مفزوعا: لأ لأ لااااااااااااااااااااااااااااااا
ويهرول نحو المجموعة: أنا آسف نسيت مش قصدي والله ويجهش بالبكاء مصدرا أصواتا كالرعد
أوسكا: خلص يا جماعة نسامحه المرة دي
سمارت: ولما نسامحه حيعملنا إيه؟
كاباكا: كل اللي تطلبوه بس بلاش فريدة
مشاعر: الأول ندور على جاتي أحسن زمانها مخضوضة يا حبيبتي
مصرية: أيوة والدنيا شكلها حتمطر
رجب: بسرعة بقى ونتقابل تاني هنا بع ما نخلص

الكهف ..ضوء النهار يتسلل الى الداخل
كاباكا نايم و يغط فى نوم عميييييييق و حاطط رجليه على خناشير المنتدى ..زى الكفار ايام زمان
أوسكا: نفّسى مش قادر اخد نفّسى ..شيلوا رجل البجم ده من علينا
سمارت: كان غيرك اشطر
د.رجب: كحكح خلاص انا حاموت ..مش قادر اتنفس
هشام: انا فى عرض جهاز تنفس صناعى
تصحيح : الكهف ده بيفكّرنى بالكهف اللى كان فى ملحمه الاوديسيه لما الوحش ابو عين واحده حبسهم فى الكهف
أوسكا : احنا فى ايه و لا فى اييييييييييه بس
زوهيرى: بصوا حنعد واحد اتنين تلاته و نرفعه مره واحده
سمارت: و ان صحى ؟
أوسكا : يصحى و لا يتحرق..أهو مش حيقرفنا اكتر من ما قرفنا
واحد اتنين تلاته ..هيلا هوب
و يقوم الجميع
و يستيقظ بقيه الاعضاء منتهزين فرصه نوم كاباكا ..و يتسلل الجميع للخارج
مصريه : و احنا اللى قلنا ده حيساعدنا
أنيد: طلع مصيبه و كمّلت القرف اللى احنا فيه
دولفين: على رأى المثل جبتك اكيد بيك العوازل كدت انا روحى
هشام: اللى فارسنى انه فضل يتمسكن لحد ما ركب على نفسنا :$$:
أوسكا: لااااا مش هو اللى ركب على نفسنا احنا اللى اتعشمنا انه يساعدنا ..انما لو وقفنا كلنا فى وشه حيخاف
سمارت : فعلا ده اهبل
تصحيح: طيب بتقترحوا ايه ..ندخل نخّلص عليه و هو نايم
أوسكا: سيبك بس من الاساطير و الروايات ..اكيد فيه حل تانى...و بعدين ده حتقتله منين ..
فريده : فعلا احنا ممكن نطفشه ..نخوّفه ..اى حاجه ..انما قتل ..حراااام
هشام: طيب يالا ندخله ..خليكم هنا يا بنات أمنّوا ضهرنا
اوسكا : استنى نجمّع خشب و عصيان :humer:
و يدخل الجميع الكهف و يحيطون ب كاباكا و كل منهم فى يده شومه و لا ايام الحرافيش
هشام يهز كاباكا بعصاه : قوم يا برّنس
أوسكا : يا فخامه الزفت اتنيل قوم
يقوم كاباكا مفزوعا: ايه فى ايه المركب جت
د.أدهم بأهتمام مركب ايه هو هنا فيه مراكب
كابكا متلجلجا : لااااااا مركب حتيجى تاخدنى
سمارت: تاخدك لوحدك !! و احناااا...ما تنطق
كاباكا : و انا مالى دى مركب صيد صغيره بتاعه قراصنه اصحابى ...يصمت برهه انا حأقولكم الحقيقه ...احنا قراصنه و لما شفناكم على الجزيره ..نزلت انا عشان ااقلبكم و بعدين اخد الغنيمه و ارجع معاهم
أوسكا : يضحك بهيستريا تقلبّنا ..احسن طلع نأبك على شونه
فريده : تهتف فرحه يا جمااااااعه فيه مركب بتقرب عالجزيره
أوسكا : متفرحيش كده يا فريده ده اتوبيس المدرسه بتاع كاباكا جاى ياخده
فريده : يعنى ايه ..بعدين نفهمك المهم استخبوا و اوعوا حد من المركب يشوفكم لياخدوكم رهاين احنا مش ناقصين مصايب
كابكا يقوم مسرعا اى خدمات منى بقى ..أتوكل على الله انا ..أى اوامر
سمارت: امسكونى بدال ما اتف فى وشه
أوسكا: لا يا حبيبى تف براحتك ..مش خساره فى طيبه قلبه
ينظر له الجميع بذهول و هو يغادر الجزيره بأكملها و يسبح فى اتجاه القارب
سمارت: روح يا كاباكا ربنا يوّلع فيك زى ما دوّختنا اليومين اللى فاتوا :QQ:
هشام: اهو احن كنا عايزين نخلص منه جت من عند ربنا
و يبتعد القارب عن الجزيره فى هـــــــــــــــــــــــدوء

يخرج الخناشير من القصر
هشام: يا فريده يا قمر يا لارنو يا جاتى انتوا فين
يخرج الجميع من وراء شجره عاليه
فريده : الحقونا جاتى لسه مش باينه ..دورنا عليها فى كل حته
NTL : يا عينىىىىىىىىى يا جاتى يا ترى انتى فين
أوسكا : يا خبر اسود ليكونوا اخوانا البعدا خدوها
لارنو: لا دى مش باينه و كاباكا لسه هنا
أنيد: الا بالحق : هو البعيد راح فين
سمارت: بعدين نحكيلكم يالا ندّور على جاتى
بيب بيب
على عينه : ايه يا اخوانا ده
أم يوسف : ده صوت كلكس و لا بيتهيألى
دولفين: لا مش بيتهيألك كلكس فعلا
يلتفت الجميع لصوت موتور عالى من ناحيه اليمين
جاتى تركب سياره موديل سنه 20 متهالكه




جاتى : هاااااااااااااااى انا جيت
فريده : كنتى فين يا جاتى قلقنا عليكى
أوسكا : و ان شاء الله ايه التوكتوك ده
جاتى : تهت فى الغابه و لقيت البتاعه دى ..و قلت اجّربها لقيتها شغاله
أوسكا : ايه بالظبط اللى شغال : الكلكس صح ...دى استحاااااااله تكون شغاله الا بالزمبلك
سمارت: و دى ان شاء الله حأنعمل بيها ايه...تصدقى انا بقيت أتشاءم لما تروحى الغابه ..كل مره ترجعى بمصيبه
هشام:ممكن نشغلها بالنّفر من الشاطئ للغابه بربع جنيه :afro:
ينظر له د.ادهم شزرا ..ده وقت هزار
هشام : امال حنعمل ايه بيها عربيه على جزيره يا فرحتى..الغريب وصلت هنا ازاى
لارنو: ممكن نقضى بيها طلباتنا و نعمل بيها شوبنج
اوسكا: يا مثبت العقل..انتى ايه صنم طوبه مفيش عقل...دماغك دى ايه جواها مخ و لا جواها طبق مهلبيه
طلبات ايه و زفت ايه انتى فاكره نفسك فى دريم لاند

يجرى كاباكا هرباً منهم فى إتجاه الغابة، ويجلس وحيداً يبكى تحت شجرة.

وبينما الجميع منشغلين بما هم فيه، تظهر فى الأفق سفينة ..

طاطاطااااااااااااااااااااااا (موسيقى تصويرية)

يهرول الجميع إلى الشاطئ زاعقين وملوحين للسفينة عل ركابها يرونهم، ويجرى أوسكاسان مع سمارت لإشعال نار للفت الأنظار .. مشهد مثير من الجميع ..

أما فريدة، وبينما الكل فيما هم فيه .. راحت تتبخطر فى هدوء، تعلو وجهها إبتسامة هادئة، لتجلس على صخرة مداعبة للماء بقدمها وهى تنظر للسفينة فى الأفق .. وتنظر للبحر، فترى وجهها مرتسماً على صفحة مائه تحت قدميها، فتبلل يدها وتمسح بها على شعرها لتصففه إستعداداً لمقابلة ركاب السفينة.

تراها جاتيتا التى كانت قد تسلقت أعلى شجرة بعد أن نزعت الفروة التى يرتديها سمارت من على جسمه وجرت بسرعة لتلوح بها للسفينة .. فتصرخ من فوق الشجرة:

يخرب بيــــــــــــــــــــــــــــــــت هدووووووووووءءءءءءءك .... ما تشاورى معانا أحسن

تقفز جاتيتا من جذع لجذع حتى تصل للأرض، وتتجه لكاباكا ليحملها على كتفه العملاق ويسير بها فى الماء فى إتجاه السفينة التى كانت تقترب من الشاطئ .. فتكتشف أن السفينة تحترق

يعودان بسرعة ليخبرا باقى أفراد الجزيرة الحالمين بالنجاة، فيصدمون جميعاً .. ويصاب بعضهم بهيستريا، فنرى سمارت يصقف ويردد:
ماما زمانها جاية .. جاية بعد شوية .. جايبة معاها شنطة .. فيها .. وزة وبطة .. بتقول واك واك واك
أما مواضيع .. فنراها ممدة على الأرض تتلوى وتضحك دون سبب: ههههههههههههههه ||3: ثم تبكى فجأة مقلدة صوت الأطفال وااااااااء وااااااااااء
وهكذا .. كل منهم كان فى حالة مؤثرة للغاية .. إلى أن نادت فيهم منى بصوت حماسى:
هلموا هلموا ..
العشب والحطب .. لموا
أتانا البحر بغرقى .. فسموا
وبدل ما تعيطوا .. ابنوا
وينفعل الكل لكلام منى .. فيشرعون فى التجهيز لإستقبال الغرقى الناجين الجدد .. والسفينة المحترقة تقترب أكثر فأكثر .. فتنزل جاتيتا من على كتف كاباكا الذى يتركها بجوار فريدة .. ويجرى فى البحر ليحضر الناجين.

تنظر فريدة لكاباكا بعين الشفقة للمجهود الجبار الذى يبذله، وتنادى على جاتيتا وتمسك بيدها وتقول لها:

ـ هاى يا جاتيتا .. إزيك عاملة إيه؟ وأخبارك إيه؟ .. إنت كويسة؟ :heart: أنا مش حأعطلك عن استقبال الناس الجداد، حأجى معاكى .. إيه رأيك؟ حأنفع أستقبلهم؟ والا مش حيحبونى؟
أنا خايفة ما يحبونيش فيمشوا من الجزيرة ويغرقوا عارفة لو ده حصل .. شكلى حيبقى وحش جداً .. وأنا بأتكسف خالص .. بس أقولك .. على الأقل أحاول .. مش كده؟

جاتيتا تنظر حولها لا تدرى ماذا تقول ولا ماذا تفعل :~€¬:

فريدة: طيب تعتقدى يا جاتى إنى لما أرحب بيهم، حياخدوا بالهم؟ .. طيب قوليلى أعمل إيه علشان ياخدوا بالهم؟ .. أصل أنا مش زيك يا جاتيتا .. بصى .. أنت بتعرفى تتنططى زى القردة ..

جاتيتا تأخذها هول الكلمة

فريدة: أوووه بردون يا جاتى .. سورى .. ما أقصدش .. أقصد بتزنى زى الدبور

جاتيتا تنظر لها شذراً

فريدة: يووووه .. مش قصدى بتزنى زى الدبور .. عاوزة أقول بترفرفى يعنى وبتطيرى زى أبو دقيق والفراش والناموس .. إنت أكيد فاهمة قصدى الكويس .. صح؟ ما بترديش ليه؟؟ إنت زعلتى علشان قلت زى القردة؟ أنا بجد مش قصدى :heart: يوووووه يا جاتى .. أنا غلط، أنا عارفانى .. ساعات بأقول حاجات كده من كلام الناس إياهم .. إنت عارفاهم .. مش كده؟ متهيألى إنت حتفهمينى .. مش عارفة لما مامى وطنط يسألونى: كنت مع مين فى الرحلة يا فريدة؟ حأقولهم إيه؟

جاتيتا: رحلة؟ ~~~

فريدة: ياى .. بردون بجد يا جاتى .. أقصد يعنى فى "الداى يوز" أو "الكامب" .. مش بأقولك اتعديت منهم وبقيت بأقول كلام زى كلامهم بردون يا جاتى بليز ما تزعليش بس بجد مش معقول أقولهم ان دول أصحابى .. حتبقى فضيحة .. إنت شفتيهم وهم بياكلوا من على الشجر كده من غير ما يغسلوا اللى بياكلوه؟؟ ومن غير ما يستعملوا ولا شوكة ولا طبق ولا مناديل سفرة؟؟ يااااااى يا جاتى .. مش ممكين خالص .. فظاع .. وكله كوم والبنت اللى معاهم اللى بتاكل حاجة كده اسمها حلزوقيات أو حزلونيات .. واااو .. بنت مش معقولة .. مش عارفة هى مين .. شفتها من ضهرها مشيت ما قدرتش أستنى أعرف هى مين حتى .. فظيعة.

جاتيتا تجز على أسنانها وتتحفز لفعل إجرامى دموى مع سبق الإصرار والترصد

فريدة: إنت ساكتة ليه يا جاتى؟ مذهولة زيي صح؟ أكيد مش لاقية حاجة تقوليها .. أنا عارفة إحساسك ده .. لأنى حسيته .. جاتى .. جاتى .. جاااااااتى ... هو أنا دوشتك؟؟ أنا آسفة .. أنا فعلاً متأسفة لو كنت جبتلك صداع بس عارفة .. أونكل عنده شركة سياحية فى "باغى" .. لما أرجع حأقوله على الجزيرة علشان يبقى يعمل لها بروجرامز شيك أكيد كل الناس حتكون مبسوطة لما تيجى هنا ويشوفوا كاباكا :heart: هو أمور جداً مش كده؟ هو لو يستحمى شوية بس .. حيبقى أوريجينال خالص .. عارفة .. أنا من دلوقت بأفكر فى الكلام اللى حأكتبهوله فى الكروت اللى حأبعتهاله بعد ما أمشى تفتكرى حيحب الصور الفرعونية؟

كانت جاتيتا تنظر إليها طيلة الوقت، وهى فى حالة من الذهول والإستعراب الشديد، تتغير ملامح وتعبيرات وجهها مع كل جملة تسمعها .. بل مع كل كلمة .. وتتحفز للرد على كل سؤال .. إلا أن فريدة لم تكن تعطيها الفرصة بكلامها المسترسل المتواصل .. وفى النهاية ,, سحبت يدها من يد فريدة بقوة وبحركة تعبر عن فيض الكيل بها، وإذ بها تصرخ فى وجهها:

ـ بـــــــــــــس ... كفـــــــــــــــــاية ... إيــــــــــه يا شيخة .. إيــــــــــــــه ... إنت ما بتسكتيش أبداً؟؟؟؟؟؟؟؟؟؟؟ ~~~ :$$: مش عارفة أتكلم .. ومش عارفة إنت بتقولى إيه .... أنا قردة أنا؟؟؟؟؟ :$$: أنا دبور؟؟؟؟ :$$: حسبى الله فيكى يا فريدة يا فرتوتة ... ~~~

ثم تصعد جاتيتا أعلى الصخرة التى كانت تجلس عليها فريدة وتصرخ:

ـ يا ناااااااااااااااااااااااس ... إلحقووووووووونى ... شيلوها من جنبــــــــــــــــى

تتحول كل الأنظار إليها، ويتوقف الكل عما يفعلون إستعداداً لإستقبال غرقى السفينة المحترقة، فهناك حريقة أهم بين جاتيتا وفريدة ناثنج تو لوز كانت أول من بادر جاتيتا بالكلام:

ناثنج تو لوز: هى ناقصاكى انت كمان يا جاتيتا؟؟ هو ده وقته؟؟ روحى إلعبى بعيد دلوقت.
جاتيتا: حد كلمك إنت يا ناشنج فاشوز إنت والا فرفش ناموس والا مش عارفة بيقولك إيه؟؟؟ إنت مالك أنت؟؟ :$$: أنا مش عاوزة ألعب، أنا عاوزة أستقبل الناس الجداد، بس لوحدى من غير فراتيتو.


وبينما هم على هذا الحال .. يسمع الجميع صوت دندنة زهيرى من فوق شجرة:

ـ يا مسافر وحدك، وفايتنى .. ليه تبعد عنى؟ .. ليه ابعد عنى؟؟ .. وتفوتنى :xgfd:


فيحدفه أوسكاسان بطوبة فى وشه

وذهب الجميع لاستقبال الغرقي الجدد وكان عددهم يجي 3 او 7
مصريه: حمدلله علي السلامه يا شباب ، مش عايزينكو تقلقو خالص
سمارت: خااالص، الجزيرة عليها كل حاجه
بيب بيب بييييييييييييييب
لارنو: انا رايحه السوبرماركت ، حد عايز حاجه يا شباب
هشام: حد يلحقني بواحده بيبسي
انيد: انا عايزة ميرندا
مصريه: انا نفسي في بطاطس فارم فريتس
اوسكا: وانا نفسي صعبانه عليا
لارنو: لا قول حاجه تتجاب من السوبرماركت، كلهم طلبوا
احد الغرقي : انتو بقالكو أد ايه علي الجزيرة دي ؟
سمارت: قول خمستينشر يوم كده
الغرقان لزميله : الناس دي ضربت من الشمس والميه المالحه علي فكرة
زميله: لا انا شايف ان روحهم حلوة اوي ، شكلي هاندمج معاهم ، لارنووو انا عايز جبنه كيري و عيش كيزر من السوبرماركت
لارنو: انت تأمر يا جميل، وصاحبك مش عايز حاجه ؟
الغرقان الاولاني الي هو هو صاحبه يعني : عايزكو تسيبوني في حالي انتو مش حاسين بالكارثه الي انتو فيها ؟ :QQ:
ايند: ده هاينكد علينا بقي ولا ايه !!! لا بص يا عم الكتكوت انت، هاتقضيها نكد يبقي تروح تغرق احسن
اوسكا: اه اصل انا مفرفشين و رايقين و بنسمع اغاني كمان ، علي الكاسيت يا زوهيري ابسط الضيوف
بيب بيب بييييييييييييييييب حد هايجي معايا السوبر ماركت :~€¬:

NTL: علي ما لارنو تروح تجيب العشا الملوكي من السوبر ماركت ، احكولنا بقي ايه الي حصل للسفينه بتاعتكو، و د. رجب ممكن تشوف الناس الي لسه مغمن عليهم دول احسن يكون جرالهم حاجه
الغرقان الاول: احنا كنا طالعين رحله رصيد عاااديه خالص، فجأه لقينا مركب صيد صغيرة جنب السفينه بتاعتنا و عليها كائنات غريبه كتييير و شبه بعضها ، الريَس بتاعهم بيقولوله كواكا او كتاكا حاجه شبه كده
جاتي: قصدك كاباكا ؟
الغرقانين في نفس الوقت: ايوووووووووة كاباكا
فري: انا كنت حاسه انه وحش و شرير ومش ابن ناس
الغرقان التاني: المهم انهم طلعو علي السفينه بتاعتنا اخدو كل الاكل الي كان معانا و السمك الي اصطدناه وولعو في كابينه القبطان
اوسكا: لازم نشوف حل قاطع و سريع للشيء ده

مصريه:خللاص مفتكرش حيرجع تانى هو فهم ان احنا معناش حاجه و مشى

بجد هايلين بحب اقرالكم جمعاء بمزاج مع فنجان القهوة المحوج

لازم فريدة بصراحة تعزمكم علي فنجان كابتشينو في الجزيرة

كان سمارت واوسكا في جولة صباحية لاحضار الطعام
وفيما هما يتحدثان اتت اليهما لارنوا

لارنو : سمارت اوسكا بسرعة تعالوا
اوسكا : خير فيه ايه
سمارت : هو الناس دي بيجي من وراها خير
لارنوا : بتكلم جد ... متقولش لحد
سمارت : شوفت .. اهي هاتغني
لارنو: بجد والله فيه مصيبة

اوسكا : هو فيه مصيبة اكتر من اللي احنا فيها
لارنو : هاتبطلوا تريقة ولا اسيبكم وامشي
سمارت : احكي يا تحفة
لارنو : كنا قاعدين بنجهز طرابيزة الفطار
اوسكا : ابتدينا في النعر .. ترابيزة الفطار مرة احدة

لارنو متجاهلة : وبعدين سمعنا صوت انفجار رهيب
سمارت : ياساتر يارب
اوسكا : اكيد كاباكا بيعمل زي الناس
لارنو : لا لا .. ده صوت قنبلة
سمارت : حد من اللادينيين عرف مكاني .. انا قلتلكم محدش سمع كلامي
اوسكا : اهدى ياعم العزاب لادينيين ايه ونيلة ايه اللى هايفكروا فيك في الجزيرة المهجورة دي
لارنو : بنبص ناحية الانفجار لقينا .. لقينا ..

اوسكا سمارت : هاه .. هاه
لارنوا : شيئ فزيع .. شيئ موريع
اوسكا : انا قولت من البداية دي آخرتها على ايدي
سمارت : يابا استنى بس سيبها تجمع
اوسكا : ياعم تجمع مين . دي ماعرفتش تفتح ملف بعتهولها من شهر وخلتني اشتري ليها فوتوشوب مخصوص .. وبقالها شهر بتعمل بانر .. باين عليها ترلم ترلم خالص
سمارت : ياسيدي يمكن مشغولة في حاجة تانية . مشاعر قالتلي انهم مزنوقين في طريقة سلق البيض
اوسكا : بعتلهم الطريقة .. حتى ما عزمونيش عليها
لارنو : انتو بتتكلموا جد .. المخرج مافالش كده في السيناريو والله هاسيبكم وامشي
سمارت اوسكا : خلاص خلاص .. احكي يا ست الاستاذة
لارنو : انيد كانت بتجيب حطب ل د. رجب عشان يولع لنا نار نشرب شاي

فلاش باك وعودة للماضي

ورجعت تكمل السيجا مع مصرية وهما بيلعبوا فجأة سمعوا صوت د. رجب بيزعق ويصرخ
اهربوا بسرعة اهربوا فيه بركان

وهوبا ... سمعنا صوت انفجار هائل
جرينا كلنا وقعدنا نصوت ونصرخ ونخبط في بعض
هشام وقف وقال لازم نتحد ونفكر بسرعة .. لسة بدري على الحمم ماتوصل لنا

زهيري : هانروح فين ونستخبى فين
فريدة : سيتامبوسيبل مش لاقية كرسي عالي اقف عليه
مشاعر: حمم .. حمم يانهار اسود يانهار مش فايت ...... هوحمم يعني ايه صحيح
مصرية : طب انا هاجري ازاي ده انا لسه عاملة باديكير
جاتي : اهنا نهرب ليه اهنا نقف ونواجهها ونقول لها امسي يا خمم يا وهسة
مونامون : اتهدي يا جاتي دلوقتي .. محدش له نفس يستحمل ذكائك المفرط دلوقتي
دولفين : ياي هايل .. مكنتش متخيلة الامور هاتطور للجمال ده حمم وبراكين وبكره نلاقى نيازك ياي ياي
قمر : ياليلة سودة مانا قولت اقاطع المنتديات كده ياماما فريدة انتي السبب اللى خلتيني اجي هنا
وفجأة .. وقف هشام وقال

ياااااااااااااااااا شعبي الحبيب
اسمعوني
احنا بقالنا مدة كبيرة هنا وده اول تحدي لينا علشان نعيش كبني آدمين
ممكن تكون ثوره هائلة وهلاك لامحالة
خلينا نبص على النصف الملآن من الكأس
ماعندناش حل
يبقى نفكر بهدوء وتروي بدل ما نموت بعض من الخوف
ماعندناش غير الكهف بتاع كاباكا
ممكن نستخبى فيه لغاية الصبح
لو عدى الليل على خير يبقى دى ثورة من الثورات البركانية المعتادة وممكن الثورة الخطيرة تيجي بعد 50 او 70 سنة
مواضيع : 70 سنة يعني هاموت بعد 70 سنة آآآآآآآآآآآآآه ياشبابي اللى راح بلاش آآآآآآآآآآآآآآآآآآآه ياضافيري اللى لسه بفيوكنتها ... آآآآآآآآآآآآآآآآآآآآه ياني اخدت الشهادة وحطيتها على الرف ومالحقتش اشتغل بيها
هشام : يالله على البركة واحدة هاتموت دلوقتي ونخلص منها
اسمعوا بقى .. لو فضلنا نولول كده هانموت واحنا واقفين
شدوا الرحال يا رجال على كهف كاباكا

بدأ الجميع ينشد
نحن رجال اتش اتش
نصعد هناك .. عااليا
نصعد كهفا ..آآمنا
خائفين بطش بطش
حممٌ لاظا ..آآتيا
متجنبين موووتنا

وهكذا صعودا الي كهف كاباكا حتى وصلوا

نرجع بقى للحاضر

سمارت : هو فين كاباكا
اوسكا : بعته يجيب جزع نخلة 3.50 متر علشان نبدأ في الدور التاني من الكوخ
سمارت : 3.50 متر ليه انت نسيت التكييف والاضاءة
اوسكا : ماتقلقش كله اندر كونترول
لارنو : يابرودكم ... بقولكم بركان تقولوا تكييف واضاءة
اوسكا يغمز لسمارت
سمارت : لارنو انتي عارفة ان ارتفاع الاوضة لازم مايقلش عن 2.75 متر ولو حطينا سيراميك او بورسلين يبقى فيه على الاقل 12 سم زيادة .. وبعدين لو فكرنا نعمل تكييف مركزي يبقى عندك حوالي 50 او 60 سم زيادة يبقى الاجمالي يا ستي .. 3 × 5 = 15 ومعانا 84 من امبارح
اوسكا مقاطعا : انت نسيت معامل التمدد
سمارت : آه معاك حق يبقى الجذر التكعيبى لظتا × نق تربيع آه يبقى الحساب 500 قولي 700 جنيه معاكي فكة
لارنو : لا هات بالباقي كبريت
اوسكا : ماتخدي تشكليس احسن
لارنو : فرحة اه والنبي اديني تشيكلس
خلاص روحي انتي وحضري الكراسة عشان حساب البقال
لارنو ترجع مزقططة وهي تقفز فرحة .. معانا ريال معانا ريال
سمارت واوسكا يخفون ضحكتهم
لارنو تقف فجأة لتتذكر ما حدث وان سمارت واوسكا استغفلوها

وتنخفض لتمسك حجر كبير لتقذفه عليهم
اوسكا لسمارت : اجري يامعلم
لارنو : استنوا هنا .. بلاش تهريج هانعمل ايه في المصيبة دي
اوسكا : يالارنو كاباكا حكى لنا على كل حاجة .. هو عايش هنا من سنين وعارف المنطقة وجوها وتضاريسها كويس
البركان ده خامد وبيثور في وقت معين من السنة ومافيهوش خطورة ابدا لان الحمم ما بتنزلش منه
لارنو : بجد
سمارت : ايوه ياستي
اجري بقى فرحي الجماعة وخلينا نكمل شغلنا في اليوم الأغبر ده

أوسكاااااااا..تحياتى
متبقاش تغيب علينا الله يخليك

اصل انا بابقى في حالة ولادة افكار متعثرة
والحمد لله ربنا نتعني بالسلامة منها

OSKASAN كتب:اصل انا بابقى في حالة ولادة افكار متعثرة
والحمد لله ربنا نتعني بالسلامة منها

حمدد الله عالسلامه عقبال كل مره