يوميات متاخده

انا مستمتعة جداَ يا قمر بقراءة كلماتك ورد د. ادهم انا حاسه انى دخلت جوه الكلام وعشت جواه حسيت انى انا اللى والدتى مريضه ومتحملة مسئوليتها وحسيت بحالة حزنك لما بيكون فى شخص اغلى شخص فى الدنيا مريض وانتى بتحاولى تعملى ما بوسعك لتخففى عناءة وبعتقد ان ده أقوى سبب على الإطلاق الذى جعلك تشعرين بذلك الاكتئاب وجلد ذاتك وإحساسك بالذنب تجاهها وربما عدم قدرتك على الرجوع للعمل هو تلك المسئوليه التى تحمليها تجاة امك فكيف ستوفقين بين الاثنين ولكن مع كل ذلك أرجوا ان تفخرى بنفسك وتعتزى بها اكثر لانك من الأشخاص الطيببن فى هذه الدنيا وهم فى هذا الزمان دائما كما تعلمين عملة نادرة وسط كل الماديات التى تحيط بنا أشعر أن وزنك ليس زائداَ بالصورة المخيفة التى تصوريها لنفسك ولكن إحساسك بالحزن هو سبب تلك النظرة لنفسك أعتقد ان معالجة الأسباب التى أدت إلى الاكتئاب هو الحل الجذرى للخروج منه واعتقد ايضاَ انك يجب ان تفرغى كل ما فى ذهنك من امور سلبيه كما تفرغين حقيبة يدك على السرير لتتخلصى من بعض المقتنيات الغريبة التى تشوة منظر
حقيبتك
ولا ترهقى نفسك بالتفكير ليل نهار بموضوع الرجيم فتلك من المشكلات الفرعية ولكن التفكير الجدى فى البحث عن وظيفة ملائمة هى اولى خطواتك نحو التخلص من التفكير السلبى الذى ياخذك إلى الوراء وأبدءى مثلا معنا على إعتبار أننا أسرتك الانترنتيه فى طرح مشكلة مشكلة والحديث عنها بصورة تفصيله فى شرح نقاط دون حتى الخوض فى التفاصيل الدقيقة ربما تجدى على تلك الصفحات بعض الحلول وربنا يوقفك

تسجيل متابعة و فاصل للناس المكتئبة

سيبك من خطيبك يا قمر وتعالى اتجوزينى أنا أحسن .. حأضحكك ليل نهار

هشام واتجوزنى انا كمان فوق البيعه انا موافقه اكون الزوجه الرابعه وحضحكوا انتم الأثنين

طيب اقفى فى الطابور .. لما أشوف الزوجة الثانية والثالثة الأول، حأبقى أفكر فى الرابعة

أقف مقفش ليه هو انا صغيرة و عموما انا اول ما حقف فى الطابور حيتفركش والكل حيطلع يجرى وفى الاخر يا عينى عليك حتدبس وتتجوزنى
وأم شمر الخطبة تقولها وانت تبكى بكاء مرير " لا مش عايز دى شكلها وحش "
ترد عليك وتقولك والنبى بونو بلابيعو ملاميعو كلوا كويس

بصراحه يا سيسمي غيرتي الجو بالكليب ده بسمعه كل شوية وبتنطط عليها
...

هشام بس خطيبي مفيش زيه...العيب كل العيب فيا انا ربنا يعينه عليا ..

مليش نفس اكتب حاجه النهرده

انا اول ما حقف فى الطابور حيتفركش والكل حيطلع يجرى

ياااااااااااااااا حلاااااااااااااااوة يا حلاااااااااوة
عاجبك كده؟
أهى قمر خرجت من الطابور واحنا لسه بنقول يا مسهل
أشتاتاً أشتوت .. بركاتك يا شيخة بعضشى

مع تحيات ابو الليف

يا سلام كلامك حكم يا د. والنيعمة حقيقى الله ينور عليك ممكن اغش من الكلام ده واستعمل حبه منه بس مع ملاحظة انى لو مشيت على السير الكهربائى ممكن أختفى

قمورة البنوتة الامورة اللي كبرت وبقت عروسة
اكيد مش هقول كلام اكتر مما قيل وخصوصا كلام ادهم
لكن هحاول انقلك بعمل ايه لما احس اني مش مبسوطة من نفسي وبعتقد ان الانسان
لما يبتدي يفصل نفسه عن نفسه ويبصلها من برة ويفضل يفصص عيوب نفسه
بيتعب جدا وبياخد بعضه وبيجري منها ويستخبي ويخاف يواجهها
وده احساس بجد مؤلم ومميت نفسيا

فاول حاجة لازم بقدر الامكان تتصالحي مع نفسك وتقول انا عارفة ان فيا عيوب لكن هحاول احسنها
لان كلنا بدون استثناء بنملك ارادة من حديد بس بنخاف اننا مننجحش
اي تجربة او فشل ببصلها علي انها حاجة اتعلمت منها مش لازم تندمي علي اي حاجة في حياتك
كل مرحلة من اول طفولتنا لحد اخر عمرنا تجارب بنتعلم ونتوجع منها لكن بتوقفنا علي ارض صلبة
مهم جدا نبص ورا نتعلم لكن منحسش باي ندم
ونفضل نلوم نفسنا ده هيخلينا ندور في دايرة دمها بجد تقيل جدا هندوخ علي الفاضي
وفي النهاية نخسر نفسنا
مثلا متفضليش تلومي نفسك انك لو كنتي حريصة في الاكل كان زمانك حافظتي علي رشاقتك
قولي لنفسك زي ما نسيت نفسي في الاكل انا برضه الوحيدة اللي هقدر ارجعني تاني
ولو ان شكلي مش وحش كده بس لازم احاول
علشان صحتي

ده مثل يا قمورة لاني اللي بكتبه انا نفسي بعمله معايا
اوحش حاجة نعيش حالة الاحباط ...صدقيني الاحباط بيكبر حالة الخوف جوانا
والخوف بيدمرنا نفسيا وجسديا وبيخلينا نشوف الدنيا باهتة جدا
بنخاف من الناس وبنشك في كل حاجة حوالينا حتي في نفسنا وده بيخلينا نفضل نلوم في نفسنا
وبنفقدثقتنا في كل حاجة حوالينا
ونحس لاشعوريا بحالة ملل بتحاصرنا

بحس يا قمر اننا لازم نبص لنعم ربنا منحها لينا في الحياة... اكيد كلنا فيه جانب مضيء بنعيشه
لكن مش شاعرين باهميته وجماله مركزين علي الجانب الوحش بس
زي خدمتك لوالدتك اكيد بتحسي بشعور رائع لان خدمة الاهل نعمة وبركة من ربنا
وبتكون مصدر بركة لحياتنا

قيسي علي كده كل حاجة في حياتنا لو ركزنا شوية علي نص الكباية المليان هيدينا حافز للخروج من دايرة التركيز
علي كيفية الهروب بعيد عن ذواتنا
صدقيني كتير بفتح اغنية وبرقص عليها رقصات ايقاعية زي بتوع الباليه
بحس اني طلعت طااااااااقة
السباحة كمان مفيدة جدا
اي حاجة تخرج طاقة بتدي بنزين يجدد حالتنا النفسية والجسدية

عيشي مع نفسك اي لحظة طفولية صدقيني بتنعش الروح وبتجدد الحيوية زي الفيتامين كده



بمناسبة الشعر مفكرتيش تعملي كيراتين لشعرك علي فكرة جربته اختراع رائع
لو مصدره مضمون هتلاقيه من ضمن الحاجات اللي هترفع معنوياتك قبل الفرح
بصراحة لما استعملته قلت عليه ايشي خياااااااااال يا ناااس
مخترعه يستحق جائزة نوبل من الجنس اللطيف

كفاية بقي حساني عاملة زي حميدة الرغاية

رجعالك تاني يا متاخدة بس بعد ما تكلمي يومياتك اوعي تقفي اكتبي لان الكتابة بتريح

هقدر ارجعني تاني

يا سلام على حكم ضرب الودع شفتى يا متاخده أد أيه كل اللى حواليكى فى المنتدى بيحبوكى وواقفين جنبك بكلامهم الجميل والرقيق جداّ
ده لوحده كفايه أن الواحد يطلع من حالة الأحباط التى تحاصره، فوجود الاصحاب ومحاصرتهم لصديقهم ده بيخلى الاحباط والإكتئاب والحزن يجرى ويهرب لأنه بيعشش فى قلوب الناس الوحيدة، التى تعتقد ان لا احد يهتم بهم لا احد يشاركهم افراحهم ومتاعبهم
تعرفى يوم فرحك لو مكنتيش قاعده هنا معانا فى المنتدى حنعمل فيكى أيه
لازم زى ما بنشاركك فى آلامك ورجيماتك وأكلاتك لازم نشاركك فى افراحك وليالى ملاحتك .
يلاه منتظرين يومياتك ومتتاخريش علينا


" مذكرات متاخده ست كوم " ؟ تنزل لكم فى ثيابها الجديد