امثال جدودي

aniD كتب:أنا سمعت مثل غرييب مت على روحى من الضحك لما سمعته

يا مستنى السمنه من ورك النمله عمرك ما حتقّلى

هههههههههههههههههههههههههههههههههههههههههههههههههههههههههههههههههه
عمال أضحك بقالى ربع ساعة جبتيه منين ده؟؟؟؟؟؟

Nothing to Lose كتب:

Hesham كتب:عارفين أكثر مثل بألاقيه مناسب فى مواقف كثيرة اليومين دول هو إيه؟

يدى الحلق للى بلا ودان

حد منكم لاحظ أنه فعلاً ينطبق على حالات كثيرة حوالينا فى الفترة الأخيرة؟

بس المثل الناس ابتدت تقتنع انه حرام ... عشان ربنا هو اللى بيوزع الارزاق ... وبطلوا يقولوه دلوقت ... تقريبا برنامج كان اثار الموضوع ده

حرام إيه؟؟ هم حيفتوا كمان فى الأمثلة؟؟؟؟ خلصوا فتاوى كل حاجة ودلوقت الدور عالأمثلة الشعبية...؟؟؟؟؟ يخرب بيت كده بجد



هم مين كان قالهم ان المثل ده اعتراض على أن ربنا هو اللى بيوزع الأرزاق؟؟؟؟؟ هه؟؟؟؟

ليه ما شغلوش الحاجة اللى ربنا مديهالهم جوة الجمجمة بطريقة أحسن شوية، علشان يكتشفوا أنه تأكيد على الإعتراف بأن ربنا هو بس اللى بيوزع الأرزاق، وأن هو بس اللى له حكمة فى إغداق النعم على عباده وتوزيعها عليهم بالشكل الذى يراه، وأن هو وحده سبحانه وتعالى الذى له فى خلقه شؤون، وأن هو بس الذى له الأمر من قبل ومن بعد، وأن هو بس الذى يقول للشئ كن فيكون .. إلى آخره؟؟ مش ده كلام ربنا سبحانه وتعالى؟؟ مش له نفس معنى المثل الشعبى؟؟ يبأه جابوا منين التحليل الفسفطائى الشرومبوحوئى بتاعهم ده؟؟ هه؟؟

أوووف .. فعلاً مليتوا البلد





هم .. مش انت .. انت شخبطة سعادتك تخطيط لمستقبل حياة الوطن .. وما بتغلطيش أبدأً .. وأنا عندى عيال بأجرى عليهم .. أه

فعلاً مليتوا البلد

أهه ده بقى مع إنه إفيه في فيلم لكن بقى بالنسبة لي عامل زي المثل المتداول.

يعني خصوصا طول ما أنا سايقة بلاقي فوضى وزبالة وناس مش حاسة بنفسها وعربات بتسابق بعض مش عارفة ليه ودنيا متاخدة بالدارع وعربيات واقفة في أماكن غريبة وناس ماشية في نص الشارع واللي في اليمين جاي في الشمال والعكس صحيح. وبعد كل ده تلاقي الغلطان بيبص بمنتهى التعجب إن في حد معترض عليه. وممكن كمان ينزل بكل بجاحة يرد ويعترض لو حد كلمه.

لما بشوف كل ده وألاقي نفسي عاملة زي عربية الملاهي أو كإني في لعبة أتاري؛ بجد والله بعد ما أتنرفز وضغطي يعلى تلاقيني أضحك حتى لو قاعدة لوحدي زي المجانين وأقول الكلمة الحكمة دي "مليتوا البلد". :)

Hesham كتب:[أوووف .. فعلاً مليتوا البلد
هم .. مش انت .. انت شخبطة سعادتك تخطيط لمستقبل حياة الوطن .. وما بتغلطيش أبدأً .. وأنا عندى عيال بأجرى عليهم .. أه

كنت ابتديت اسن السكاكين ... و بعدين قلت بلاش ده عشان خاطر العيال

يا اكسلانس ... اشرحلك وجهة نظرهم ايه .... دلوقت المثل بيقول (يدى الحلق للى بلا ودان) ... هو من اللى بيدى؟ مش ربنا؟ طب مش معنى كدة ان المثل اعتراض على مشيئة ربنا وتوزيعه للأرزاق ... سواء احنا شايفين الشخص يستحق او لأ ... فده مش من حقنا الاعتراض عليه .. كله مقسوم و مكتوب، وهوه ده المقصود من الاعتراض على المثل ... got my point

aniD كتب:أنا سمعت مثل غرييب مت على روحى من الضحك لما سمعته

يا مستنى السمنه من ورك النمله عمرك ما حتقّلى

عمالة ادور على ايكون الراجل اللى بيسقف مش لقياه
وديته فين يا هشام؟ :?: :cherry:

من الأمثال اللي بتلفت انتباهي

"اللى انضرب الكف يستحمل الألف"

Hesham كتب:

aniD كتب:أنا سمعت مثل غرييب مت على روحى من الضحك لما سمعته

يا مستنى السمنه من ورك النمله عمرك ما حتقّلى

هههههههههههههههههههههههههههههههههههههههههههههههههههههههههههههههههه
عمال أضحك بقالى ربع ساعة جبتيه منين ده؟؟؟؟؟؟

ماما أبتدت تستخدمه مؤخرا ..لما تتطلب منى حاجه و أطنش :afro:

السلام عليكم
انا بقي بحب مثل كتيرررررررررررررر حلووووووووو
" خليها في القلب تجرح, ولا تطلع برا وتفضح "

طبعا مثل غم ونكد وهم بس معلش حال المصريين
شكرا

فيه مثل مش عارفة الصراحة هو بيتقال بنفس الطريقة اللى بسمعه بيها والا اتحررف مع الزمن
اصبر على جارك السو ... يا يموت يا تيجى مصيبة تاخده

و فيه امثال الحسد

اللى خدته القرعة ... تاخده ام الشعور

الانصاص قامت ... والقوالب نامت

آآل جابوا الاقرع يسرح شعر بنت السلطان

aniD كتب:أنا سمعت مثل غرييب مت على روحى من الضحك لما سمعته

يا مستنى السمنه من ورك النمله عمرك ما حتقّلى

على فكرة يا عنيد ... اكتشفت ان المثل ده مشهور ... امبارح قلته لناس زمايلى ... و صححوهولى فى النطق ... بيسمعوه كتير الظاهر :lol:

اللى يخاف من العفريت يطلعله

ما محبة الا بعد عداوة

وعن الحب قالوا في الامثال

ضرب الحبيب زي اكل الزبيب

مش فاهمة ازاي ضرب وحب

مراية الحب عامية

طبعا بتلبس نضارة سودا

القلوب عند بعضها

دايما يتقال مع احلي سلام

القلب وما يريد

تموت ونحي في حب يحي
مش عارفة مين يحي

يظهر هو رد عليهم وقال

ما عشق من بنات العباد غير سعاد :lol:

حتي الحب له شنة ورنة في الامثال
وعلي راي المثل برضه

من القلب للقلب رسول

الحقيقة دلوقت الرسول بقي ميسد كول عن طريق موبايل

وعن الحب قالوا:

إن سرقت اسرق جمل وإن عشقت اعشق قمر

حبيبك يبلع لك الزلط وعدوك يتمنالك الغلط

بيقولوا عن الحب برضه بس من الناحية التانية:

البعيد عن العين بعيد عن القلب

ابعد حبة تزداد محبة

كتر الجفا يعلم الأسية

إن كان حبيبك عسل متلحسهوش كله

وقالوا كمان في الامثال

خلص السلام بقي التفتيش في الاكمام

يعني بعد الفراغ من السلام فتشوا كمان في الاكمام اصل مش كفاية السلام

خطبوها اتعززت فاتوها اتندمت

ااااه ياني حيث لا ينفع الندم

بسملة قهوة من جيب الاغا

يا سلام عزومة علي حساب الغير

وبيقولوا

دلق القهوة خير

يرد عليهم تانيين

دلقوا القهوة من عماهم وقالوا الخير جاهم

مش عارفة الكلام ده كان بيطلع مرصوص كده إزاي!!!

وتاني تاني من تاني نرجع لامثال اجدادي
ونشوف ونسمع اقوالهم عن القناعة

لقمة تحت حيطة ولا خروف بعيطة

من طلب الزيادة وقع في النقصان

وقاااالوا كمان

اللي عنده عيش ويبله عنده الفرح كله

اللي يعجبه دي الكحل يتكحل واللي ما يعجبه يترحل

هذا بختك يا حوت يا ترضي يا تموت

يا سلام يا سلام انامعرفش و لا واحد من دول


اشمعنى انتو

طيب دوري كده يا سكينة ودعبسي اكيد هتلاقي
دي امثال الجدود حوالين العالم بتلف وتدور

طيب اسمعي الحبة دول علي راي نيللي

امثال عن الحوات الفاتنات :#~€:

اذا كتر ضحك حماتك خاف علي نفسك وحياتك

اذا بغيت البنية عليك بالمهية

المية والنار ولا حماتي في الدار

يا خوفي يا سكينة لا يجي يوم وياسمين تقول عليا المثل ده

ازيكم كيف حالكم

" أحتاجوا اليهودى قال اليوم عيدى " ينطبق على المثل القائل " يا مستنى السمنة من ورك النملة أيش تلقى "
" اللى متعرفش ترقص ____ تقول الارض عوجه "
" أنا اعمل حاجتى بإيدى______ ولا قول للكلب يا سيدى
" أرميه السطوح وإن كان ليكى فيه أسمه عمره ما حيروح "
" أسالة ابوك مين ___ يقولى خالى شعيب "
" اللى مالوش غرض يعجن ___ يقعد سته أيام ينخل "
" أرميه البحر __ يطلع فى بقه سمكة "
"من أمتى الشخط والنطر يا سبنسة القطر"
" حبنى وخد ريال ___ هى المحبة بالحيال "
" واللى ما يجيلى وصدره مشروح طريق السلامة مطرح ما يروح "

ونختم أخيراَ بحاجه حرشه ونقول
"""""""""""""""""""""""""""""""""""""
عينه فى الطرشى ويقول ما كولشى