امثال جدودي

الإفراط في التواضع يجلب المذلة

لا تسقني ماء الحياة بذلة بل فاسقني بالعز كأس الحنظل

إن المرأة لاتهزا من الحب ولا تسخر من الوفاء الا اذا خيب رجل آمالها

يامربي في غير ولدك ياباني في غير ملكك

مثل غلط

اقلب القدرة على فمها تطلع البنت لأمها


برضه غلط

خنفسة شافت ولادها على الحيط قالت ده لولي ملضوم في خيط

بوس ايدك شعر ودقن

من طرف اخوك اللمبي



بتفكرني بنكته



واحدبيوصي اصحابه ويقول لهم
ولنتفق ان يقبل كل منا يد زوجته عندما يعود للمنزل

قال واحد بس انا مش متزوج

يبقي تبوس ايدك وش وظهر

ملقاش في الورد عيب
قال ده أحمر الخدين

ألا ليت الشباب يعود يوماً . . فأخبره بما فعل المشيبُ

الطبع يغلب التطبع

ابعد عن الشر وغنيله

لا صح ولا غلط .. نسبى .. حسب نوع الشر

Hesham كتب:ابعد عن الشر وغنيله

هوة كدة والا "ابعد عن الحب وغنيله" كما يقول المطرب الرخم محرم فؤاد ؟؟؟؟

Nothing to Lose كتب:

Hesham كتب:ابعد عن الشر وغنيله

هوة كدة والا "ابعد عن الحب وغنيله" كما يقول المطرب الرخم محرم فؤاد ؟؟؟؟

محرم مين اللى تصدقيه هو وما تصدقينيش أنا؟؟ هه؟

يا مشاااااااااعر قلتلك هاتى الفلقة


الشر يا فندم .. الشر .. .. محرم ضحك عليكى .. روحى خدى حقك منه، وكلنا شاهدين وحنقف معاكى .. اطمنى




وبناء عليه .. إليكم المثل التالى:

يا مصدقة الرجال، يا مصدقة الميه فى الغربال

أصلاً فصلاً وأساساً .. كان: "يا مصدقة محرم" .. وسيبينا منه بأه علشان ما يقولوش بننم عنه وهو مش هنا :star:

اللي من إيده الله يزيده.
ما بيهز العروش غيرالنسوان و الفلوس.
ما حك ظهرك مثل ظفرك

mawadee3 كتب:ما بيهز العروش غيرالنسوان و الفلوس.

يا سلاااام ... جامد جدا المثل دى يا مواضيع ... و صح 100 100 ...

فيه مثل بيقال لما الواحد يكون عامل عملة ومدارى عليها وفاكر الناس مش فاهمة حاجه وهما راسيين عالفولة
" على وشك يبان ... يا نضضاغ اللبان "

مصرية كتب:خنفسة شافت ولادها على الحيط قالت ده لولي ملضوم في خيط

على وزن :

القرد فى عين امه غزال

على عينه كتب:

مصرية كتب:خنفسة شافت ولادها على الحيط قالت ده لولي ملضوم في خيط

على وزن :

القرد فى عين امه غزال

أيوة بالضبط هم نفس المعنى.

هشام:

وبناء عليه .. إليكم المثل التالى:

يا مصدقة الرجال، يا مصدقة الميه فى الغربال

المثل بيقول "يا مآمنة للرجال يا مآمنة للمية في الغربال"

امثال تعقد

العين متعلاش عن الحاجب

على قد لحافك ... مد رجليك

اللى معاهوش ... ميلزموش

وبصي المثل الرهيب ده:

قصقصي ريش طيرك لا يلوف بغيرك.

بجد مثل يودي في داهية

مصرية كتب:وبصي المثل الرهيب ده:

قصقصي ريش طيرك لا يلوف بغيرك.

بجد مثل يودي في داهية

بس فى المتين
يعنى كل يوم فتشى فى هدومه ... وقشطيه اول بأول ... واديله مصروف جيب على قد كيس شيبسى وكدة يعنى

دول بقى يساعدوا الواحد لما يتخنق من حد وميعرفش يرد عليه:

اصلك يرد عليك

اصعب من رمى الحجر من تحت لفوق ظريف المعاني يعاشر قليل الذوق

الأصيل يتعاتب أما الندل ما يتعاتبش

عارفين أكثر مثل بألاقيه مناسب فى مواقف كثيرة اليومين دول هو إيه؟

يدى الحلق للى بلا ودان

حد منكم لاحظ أنه فعلاً ينطبق على حالات كثيرة حوالينا فى الفترة الأخيرة؟

Hesham كتب:عارفين أكثر مثل بألاقيه مناسب فى مواقف كثيرة اليومين دول هو إيه؟

يدى الحلق للى بلا ودان

حد منكم لاحظ أنه فعلاً ينطبق على حالات كثيرة حوالينا فى الفترة الأخيرة؟

بس المثل الناس ابتدت تقتنع انه حرام ... عشان ربنا هو اللى بيوزع الارزاق ... وبطلوا يقولوه دلوقت ... تقريبا برنامج كان اثار الموضوع ده

أنا سمعت مثل غرييب مت على روحى من الضحك لما سمعته

يا مستنى السمنه من ورك النمله عمرك ما حتقّلى