انت اهلاوي ولا زمالكاوي

حلوة ياعنيد فى الجول ده ختم الجودة

النهاردة وبكره بيستكمل الفريقين مشاورهم الافريقين
النهاردة الاهلى هيلاعب اسيك ابيدجان فى كوت ديفوار والماتش صعب اسيك فريق قوى جدا ويعتبر احسن فريق افريقى بيطلع لاعبين للاحتراف غير انه خسرا لماتش الى فات فهيحاول الفوز باى طريقة

والزمالك بكره هيلاعب هرارى والزمالك خسر الماتش الى فات ولازم يكسب الماتش ده لان الفريق المنافس فاز الماتش ده وفكلا حالتى الزمالك واسيك خسارة اى منهما تبعد اماله فى تكملة المشوار الافريقى

بالتوفيق للاثنين الاهلى مبارة الساعة 6 ونص بتوقيت القاهرة

وجووووووول وجوووول وجوووووووول في الشوط الاول
لعمرو الصفتي

اليوم فى تمام الساعة التاسعة هتقام مبارة بين الاهلى زعيم القارة الافريقية وبين نادى روما الايطالى بطل كاس ايطاليا

وستضم المبارة تشكيلة بين الاعبين القدامه بالفريقين والاعبين المستحدثين والمنضمين حديثا للفريقين .

ومع الاخوة الاعدا هيقابلو نادى غزل المحلة يوم الجمعة الساعة 9 فى بداية مشوارا لدور العام . على فكرة مبروك الجول اليتيم :<a4:

الاخوة الاعداء دول مين وحياتك يا هرم
حب استطلاع يعني

farida كتب:الاخوة الاعداء دول مين وحياتك يا هرم
حب استطلاع يعني

الى على راسو باطحه يحسس عليها ||3:

فاز امس الفريق الاهلوى على فريق دينموز هرارى فى بطولة افريقا لابطال الدورى الافريقى بهجف دون مقابل بعد عرض رائع والغاء هدفين صحيحين للاهلى وبهذا يتاهل النادى الاهلى لدور نصف النهائى والى الان اقرب منافسيه الزمالك ب4 نقاط وعنده مبارة اليوم مع اسيك بطل كودفوار فى الساعة 5 ونص بتوقيت القاهرة فى ابيدجان ولابد من الفوز لكلا الفريقين وربنا يوفق الزمالك

شفت يا هرم ماتش الزمالك والاهلي

طيب شفت يااااااااااااااااا هرم
تصرف ابو تريكة بعد الجووووووووووول التاني
مع اني مش مدخنة بس ده دخان اعصابي

يلا هقول باي وبنا لقاء بعد نتايج يوم الاحد
يا تنتن يااااااااااااااااااااااااا تنتن

اه شوفت الماتش الى اللعيبة مش عايزة تكسب علشان مايقطعوش امل الزمالك .

والتصرف عمل ايه قال لا باصباعه انهم مش هيخسروا ومع ذلك اعتذر بعدها فى اكتر من برنامج على التليفون وقدم اعتذاره .

لكن فى ناس بترمى التيشرت بتاع النادى على الارض وترفع الشوز للجمهور وناس ترمى طوب تعور الحكم وينعاد الماتش . ومجلس ادارة يتهجموا على بعض بالسلاح ولاعيبه زمايل يضربوا بعضهم فى الماتش فى وسط الناس . وتقولو ابو تريكة

يافريدا الكلام مش باين مش عار ف انتى كتبتى ايه

هو ايه كده هيبقى صوتكم ضعيف كده زى فريئكم ةولا ايه

عموما هارد لك وبطولة جديده تخسروها مفيش مشاكل بس فى تقدم وصلتم لدور 8 ده فى حد ذاته انجاز لعصر الانهيار الزمالكاوى بجد حرام عليكم تشجعوا فريق لا بيخاف على جمهوره ولا عايز يعمل اى حاجة تسعد جمهوره وحتىمتحسش انهم عايزين يعملوا اى حاجة ولا بيبذلوا مجهود فى الملعب ولا اى حاجة ولازم يطلعوا شماعة يرموا عليها اخطائهم بجد حاجة تتعب

بروح زمالكاوية واخلاق عالية خلوا بالكم من عالية دي
بقول للنادي الاهلي مبروك
وبهني مصر اللي بتمني دايما اسمها يفضل مرفوع في كل المجالات

تعادل الاهلي اتنين اتنين في مباراة مع القطن الكاميروني
في الدور النهائي لدوري رابطة الابطال الافريقي

حد اهلاوي يحط التفاصيل
انا بس جيت اهني كل المصريين

الله يبارك فيكى يافريدا
بعدي عن خلاف الزمالكوية مع الاهلاوية بنتمنى لكل الفرق انه تشرف مصر

فى تمام الساعة 4 بتوقيت القاهرة من مساء امس وبتوقيت الساعة 3 عصرا من توقيت الكاميرون و5 بتوقيت السعودية . كانت هناك ملحمة بين الاهلى والقطن الكاميرونى فى الصراع من اجل لقب بطولة ابطال الدورى الافريقى فى النسخة الجديدة . وكان الاهلى قد فاز على نظيره فى القاهرة بنتيجة 2-0
بدا اللقاء بضغط كاميرونى شديد ولكن سرعان ماتنبه الفريقى الاهلاوى وامن دفاعته وخط الوسط الذى تحمل عبئ المبارة بالكامل بالاضافة الى امير عبد الحميد الذى يثبت اقدامه يوم بعد الاخر . فى تمام الدقيقة 37 من عرضية لابوتريكة قابلها احمد حسن بلمسة سحرية سكنت شباك القطن ليؤكد الاهلى جدارته فى استحقاقه للقب ويمرا لشوط الاول حتى الدقيقة الاخيرة فى الشوط ويتعادل الفريق الكاميرونى نتيجة لطا دفعاعى . وينتهى الشوط بالتعادل الايجابى 1-1 .
يبدا الشوط الثانى ويضغط الفريق الكاميرونى ويقوم مستر جوزيه بتغيرات بسحب احمد صديق الباك اليمين وانزال سيد معوض الباك الشمال وتتغير طريقة لعب الفريق الاهلاوى فيعود بركات للجانب الايمن كظهير ايمن ويدخل جيلبرتو الى المنتصف ويقوم باخراج احمد حسن ودخول انيس بوجلبان لتعزيز منطقة الوسط الدفاعى وفى هجمه وليدة الصدفة يسجل القطن هدفه الثانى ليتقدم 2-1 واستمر ضغط القطن فى حالة توهان للاعبى الاهلى اصفرت عن هدف القطن الثانى يقوم جوزيه باخراج ابوتريكة وادخال احمد فتحى العائد بعد فترة اصابة طويلة كاول بداية له مع الاهلى بعد الاصابة ويصحو الاهلى من جديد ويعود لتماسكه ويتالق امير عبد الحميد فى صد اكتر من تسديدة خطرة . وفى غفوة من دفاع القطن ينطلق بركات بانطلاقه من انطلاقاته المعهوده ويدخل داخل منطقة الجزاء ويتلقى عرقلة من مدافع القطن الكاميرونى ويحسب على اثرها الحكم الجزائرى ركلة جزاء للاهلى يتصدى لها شادى محمد ويحرز بها هدف التعادل ليتعادل الاهلى فى الدقيقة 89 من زمن البمارة ويؤكده نصره واستحقاقه لكاسا لبطولة للمره السادسة كبطل القرن الافريقى عن جدارة واستحقاق وكاحد الانجازات التاريخية الغير مسبوقة فى جميع دول القارة ويحقق الرقم القايسى فى الفوز بالبطولة 6 مرات . ويدخل كاول فريق فى العالم يتاهل لكاسا لعالم للاندية فى اليابان للمرة الثالثة وهو سبق جديد .

ورغم ماحدث من معوقات للنادى الاهلى فى جارو المدينة الكاميرونيه التى اقيمت عليها المبارة الا ان معدن الانسان المصرى وقدرة لاعبى الاهلى على التعامل مع كافة الظروف اثبتت واكدت انهم الاحسن فى القارة والقادرين على تشريف ورفع اسم مصر عاليا .
حماك الله يا اهلى .

أولا مبروك للأهلي مع إنها متأخرة حبتين بس في الحقيقة مع إني طبعا مبسوطة إن مصر غلبت لكن في حاجة مخلية فرحتي مش كاملة وده اللي خلاني مش عارفة أبارك وأفرح زي كل مرة.

بالصدفة لاقيت الشاعر علي سلامة النهاردة عنده نفس الشعور بتاعي وعبر عنه أحسن مني بصراحة، بيقول:

مصر والكاميرون

كتب على سلامة 3/ 12/ 2008

بقول لهم..

مين اللى بيعيط بحرقة ده..

قالوا لى..

مواطن اتصور وهو بينضرب..

قلت لهم..

ومين الأمور اللى بيضحك ده..

قالوا لى..

ده واحد عمل شوية كوارث وهرب..

قلت لهم..

والدنيا عتمة هنا كده ليه..

قالوا لي..

دى حته جديدة بتتخرب..

قلت لهم..

ومين الحاوى اللى بيتكلم ده..

قالوا لى ده الوضع بيتقلب..

وإيه الهيصة اللى فى الساحل الشمالى دى

قالوا لى دى البقرة بتتحلب..

قلت لهم وإنتوا قلقانين كده ليه..

قالوا لى أصل بنلاعب الكاميرون..

وخايفين نتغلب...

فى اخر نكت القلعة البيضاء

تمت اقالة المدرب الجديد هولمن الشهير بكولمن .

وخد الشرط الجزائى لفسخ العقد وهو ده كان هدفه لان جه لئى قدامه فريق من الاموات قالك لا بقى مبدهاش انا اعمل عبيط واخد الشرط الجزائى 50 الف $ .

وطبعا الادارة الواعية للنادى كشفت الموضوع الخطير ومستنتشس اقالته على طول .

وحاليا احمد (رفعت و رمزى ) بيتخانقوا مين فيهم المدرب .

والله العظيم حاجة تكسف حاجة بجد اهانة واشانة لاى واحد فكر انه فى يوم يشجع الزمالك او يساندها والله حرام عليهم الى بيعملوا فى مشجعيهم ده دانا مش زمالكوى وبيجيلى الضغط منهم .
والنهادره كمان هيعيدوا على جماهيرهم ويدهم العيدية الجميلة وهيلاعبو الحدود المهم اى حد هيتفرج على الماتش ويكون زمالكاوى لازم يكون مامن على عربية اسعاف طوارئ يعنى .

فين الأهلوية محدش باين بعد ماتش اليابان؟

إنتوا بطلتوا كورة ولا ده زهق زي حالاتي؟

ولا يهمك يا مصرية بلاها اخبار اهلاوية
الزمالك جاب امبارح تلات اجوان

يافرحة ماتمت خدها الغراب وطار

يازمالكويا ويافريدا هانم بنى عبيد بتمسى عليكم

ومبروك عليكم لادورى ولا كاس

ياهرم احنا قاصدين علشان بس نرتب اوراقنا بنظام

مش فاهم شكلك النظرية

ايوه ايوه النظرية كبيرة اوى بقاها 6سنين مش نافعة تطبق خالص بتفشل

ماتعملوا فورمات للنادى من جوه واف ديسك وتقسيم جديد يبقى احسن برده حتى الويندوز لما ينزل جديد برده بقعدله كام يوم حالته حلوة

حرارة مين بس الى هتنزل ده على كده عايز يدخل مصنع تلج

الله يعينكم ويصبركم

الاهلى اتغلب يا رجالة بالانجليزى ..

http://www.zamalekfans.com/details-news.aspx?news=2055


يا شمس يا شموسة.. خدى الزمالك التعبان.. وهاتيلنا واحد بيروح اليابان ..

عنوان لموضوع نقدى مكتوب فى موقع الزمالك ..

مليش نفس ارد علي اي استفزات بس برضه زمالكاوية

معلش بقى ما هو عمرو أديب قالك الشورت الإسود وشه وحش.