انت اهلاوي ولا زمالكاوي

مشاهدينا الكرويين اللي مش متعصبين الاعزاء
كلنا فاكرين اغنية صباح الشهيرة اللي بتقول فيها

"بين الأهلي والزمالك محتارة والله
حب الأهلي والزمالك حيرني والله
أنت أهلاوي .. أنت زملكاوي ..
الاثنين حلوين.. الاثنين جامدين..
الاثنين هايلين..
محتارة أشيل مين واللا أشيل مين جوه عيوني".

طبعا مشجعي الفريقين بينهم تنافس من سنة 1922
سنين طويلة والانفاس بتتحبس في الماتشات التي تقام بين الفريقين
ابو فانلة حمرا

وابو فانلة بيضاء

وفيه نكتة قريتها كانت بتتقال بين المصريين في السبعينيات
لما خرتشوف كان في زيارة وشاف جماهير غفيرة رافعة اعلام حمرا
وكان الاهلي غالب الزمالك
فقال مكنتش عارف ان الشعب المصري سعيد بزيارتي للدرجةدي :lol:


وبين القمة الاولى بين الاهلي والزمالك عام 1948
وقمة يوم الجمعة اللي هي بكرة والتي ستقام في استاد الكلية الحربية

اقيمت حتى الان مائة مباراة
فاز الاهلي في 35 مباراة وفاز الزمالك في 25 مباراة
وتعادلوا 40 مباراة

وهيدير مباراة غدا طاقم حكام ايطالي

1- استيفانو فارينا حكم ساحة
2- ماسيو بياسو حكم مساعد
3- اليساندرو ليون حكم مساعد

هو الدوري محسوم لصالح الاهلي51 نقطة والزمالك 34
لكن مباراة القمة رقم 101 لها مذاق خاص
بين الفريقين زي ما احنا عارفين بغض النظر عن البطولة


نكمل كلامنا ونشوف مين فينا اهلاوي ومييييييييييين الزمالكاوي

ومفيناش من كروت حمراء بين المشجعين

عايزين نشوف كرة حلوة مع شوية نقار علي نظام شعللها

وبينا حديت وكلام بعد لقاء القمة غدا


هسيبكم محتارين تتساءلون انا تبع ايتها فريق

كنت زمان بحب الكورة وأهلاوي

لكن لما كان بيبقى فيه ماتش بين الاهلى والزمالك
كان عمي الزملكاوي ووالدي الاهلاوي
الله يرحمهم يفضلوا يتخانقوا طول الماتش وبعده
كرهت الكوره
وبقيت اتفرج على النهائيات بس

إيه الأخبار؟ كام كام لغاية دلوقتي؟

وخلص المااااااااتش خلص ازاااااااااااااي انا معرفش :lol:

اوسكا صدمتني شكلك كان وانت صغير مدي علي زمالكاوي

بمناسبة الخناقات كان دايما بعد ماتش الاهلي والزمالك اشد انا مع سي السيد
اصله كان غاوي ننزل بعد الماتش ويزمر بيب بييييييييييب اهلي ويعدي علي زمالكاوية العيلة
يغيظهم ..طبع الاهلاوية نعمل ايه بس قدر ومكتوب

بصراحة كنت بتغاظ من الاستفزاز جوي جوي

خصوصا لما كان الزمالك يغلب يقول هي مصر فيها كورة مين بيهتم بالكرة
عاااااااادي بنفوت التعليق

مصرية انتي اهلاوية انا عارفة مبرووووووك يلا زي بعضه




صح يا ادهم بصراحة للاسف الفريقين لعبهم دون المستوي
لكن كفة الاهلي كانت الارجح
باسات لاعبي الزمالك مكانتش مظبوطة
عموما مبارة خالية من اللعبة الحلوة مش فنية واصل
بصراحة كان عاجبني التحكيم جدا

انا الموقعة ادناه
بروح رياضية زمالكاوية
ببارك بتهنئة قلبية
وبقدم باقة وردية
للصحبة الاهلاوية

أنا مشفتش الماتش بس أنا أهلوية فعلا يا فري

شكرا على الروح الرياضية وهارد لك

المرة الجاية تعوضيها

فينك ياا اا مصريةعلشان تشوفي وتسمعي وتنقلي النتيجة
فييييييييييييييييييييييييه النهاردة ماتش بين الامامير الملايكة وبين الشياطين الحمر
هناخد وندي فييييييييييييييييييييييييييه

بيب بيب زمااااالك
بزمر بس

هع هع هع مين هناك انا جيت

النهاردة اعزائى الاممير والامورات الحلوين والحلوات هتقام فى تمام الساعة 8 :30 بتوقيت القاهرة على استاد القاهرة الغير مهيئ للعب الحوارى والشوارع مبارة القمة المصرية فى تصفيات دور الثمانية لدورى ابطال افريقيا .

عموما الفترة الاخيرة شهدت صراعات قوية على اللاعبين والتصريحات النارية بين الناديين ومشاكل كتير على الصفقات واتحاد الكورة الجميل طبعا . للاسف الشديد سر ازمة الكرة المصرية غياب دور القائد الحازم الذى لا يخضع لرغبات الاندية او الافراد وزى ماهو واضح والكل شايف ان الاهلى والزمالك اقوى من اتحاد الكرة ماعلينا .

يعانى الفريق الاهلاوى من نقص شديد فى صفوفه بسبب الاصابات المتكررة ويعانى الفريق الزملكاوى من مشاكل الانتخابات كالعادة .
وهناك وجوه جديدة سوف تشارك فى القمة المصرية للمرة الاولى على سبيل المثال احمد حسن كابتن منتخب مصر الذى سيخوض اولى مبارياته الرسمية مع القلعة الحمراء امام الزمالك وعلى الجانب الاخر سيلعب الاعب اجوجو الغانى اولى مبارياته للقلعة البيضاء امام النادى الاهلى وربما يشارك هانى سعيد لاعب الاسماعيلى الاسبق وحديث الصحف فى الاوقات الاخيرة وازمته المعروفة ربما سيشارك او على مقاعد البدلاء فى اول لقاء له مع الزمالك.

يغيب عن النادى الاهلى نجم الفريق الاولى ونجم الكرة المصرية ابوتريكة لعدم اكتمال شفاؤه وربما يكون على مقاعد البدلاء لكن الاكثر شيوعا انه لن يشارك . وتشتعل لمنافسة بين عبد المنصف وعبد الواحد على حراسة عرين النادى الابيض . ويخوض المدرب الالمانى هولمان اولى مبارياته مع الزمالك ومن المعروف انه قد قام بتدريب النادى الاهلى من قبل اى ان الاجواءا لمصرية ومباريات القمة لن تكون غريبة عليه .

وفى هذا الموسم سوف يقابل الناديين بعضهما فى لقاءات عديدة 2 فى ابطال افريقيا و2 فىا لدورى المصرى 1 كاس السوبر وربما كاس مصر ولعل يزيد عدد اللقاءات لقائين اذا صعد الاثنين الى الدورالنهائى ..

اتمنى مبارة قوية تليق باسم بلد الزعامة الافريقية .


يافريدة هتعملى ايه بقى

الماتش الى فات كنت لسا جاى الغربة جديد ومعرفتش عن الماتش وماشوفتوش وابويا بكلمه فى التليفون وقعت بلسانى قولتله ليه هو كان امبارح هزئنى شويى اصل عيلتنا عيلة اهلاوية صميمة فلازم اليوم نشوف الماتش بس ياترى بقى هقدر اشوف قهوة بلدى يكون فيها مصريين علشان القاعدة تحلى ولا هشوف لوحدى الله اعلم
ايام مباريات المنتخب فى امم افريقيا كنت لسا جاى السعودية جديد وواحد صاحبى قالى يلا هنروح وتهت كتير لما وصلت ولئيت تجمع مصرى كبير والله حسيت انى فى مصر من العدد والاحتفالات الى عملناه فى جده وعلى فكرة السعوديين شاركوا معانا بنسبة كبيرة وبجد بجد روح الفرحة حلوة اوى وخاصة من اولاد البلد الواحدة وخاصة من العرب كلهم مع بعض بتبقى قمة الروعة ..

المهم بقى علشان يظهر العرق الاهلوى يارب الاهلى يكسب
بييييييييييييييييييييييييب بييييييييييييييييييييييييييييب اهلى بيببيببيببببببببببببببببببببب اهلى لولولوللولولولولولولولولولولوللوى

هاااااااااااااااا مين هناااااااااااااك صوته اهلاوي وعامل ازعاج

ياعينى على الزمالكوية

من اول مايوقولو انتخابات مجلس ادارة تلائى العساكر موجودين حولين النادى والمحاكم تشتغل والخناقات ولا مجلس الشعب

بالمناسبة قريت خبر ان نادى الزمالك لم يشترى تذاكر للماتش واكتفى بعدد من تذاكر الدرجة الاولى والثانية ولم يشترى تذاكر الدرجة الثالثة الامر الذى ادى الى مشكلة كبيرة ورفضا لنادى الاهلى ان يكون ياخذ مشجعيه تذاكر جماهيرا لزمالك الذى سيؤدى الى فوضىو مشاحنات كبيرة ..

حتى النادى مش معبر جماهيره حاجة تقطع القلب

بيببببببببببببببببببببب بيببببببببببببببببببببب اهلى
احنا مبنخافش لا من عسكرى ولا صاغ ولا قرش احنا الى جبنا 6

لا .. انا اتوقع فوز الاهلى على الزمالك 2-1..
ويحرز فلافيو واحمد حسن وجمال حمزة الأهداف الثلاثة .. :xgfd:

ايه يا سمارت انت مشكوف عنك الحجاب

بركاتك ياعمو سمارت

وكدنا العوازل ويبقى كده جوزيه فاز على الزمالك 12 مقابل 1
وكده الاهلى فاز فى اخر اللقاءات مع الزمالك 14 مبارة : 1

ياشماتة الظاظات فى ناس اصحابنا
||3:

بيب بيب اهلي

يا ابيض يا ابو خطييييين جبت ..... منيييين

:xgfd:

انا لا اهلاوية و لا زمالكاوية

كده كده حتي انتي يا لارنو...ماشي ماشي

سيبيني يا سكينة واوعي تقوليلي حوشي دمو عك يا امال
قصدي يا ريا


علي فكرة مش هرد عليكم يا شباب لاني مشفتش الماتش ومش هعرف اقييم اللعب
لازم كنت اشوف بنفسي واحكم
لكن
وبينا كلام يوم الاحد


بس علشان تعرفوا فرق الروح الرياضية الامورة بتاعة الناس الزمالكاوية

بنقول مبروك زي بعضه للناس المتعصبين مووووووت

ما احنا برضه روحنا رياضية يا فريدة ..
وبنقول للمغلوبين ..

عقبال كل مرة ..

طيب يا سمارت افندي ياااااااااااابو روح رياضية
خلي بالك من الجول بتاعنا يوم الاحد انشاءالله

ايوه خلى بالك ياسمارت من الجول بتاعهم علشان لو الشبكة انقطعت ميقلوش دى حجج والحكم السبب .

النهاردة الماتش الساعة 8 ونص

وبيبببببببببببببببببببببببببببببببببب اهلى بيبيبببببببببببببببببببببببببببببببب اهلى

هههههههههههههههههههههههه وكالعادة فزنا بالماتش
زهقنا من كتر الفوز عليكم
بصراحة الله يعينكم على النادى بتاعكم ولازم بعد كده يصرفوا مع تذاكر ماتشات الزمالك ادوية للضغط والسكر والصداع والقلب ||3:

بالمناسبة فيه قانون جديد
زي شنطة الاسعاف كده

القانون نصه اللي هيغيظ الزمالكاوية هياخد حقنة

ههههههههههههههه كده هتعملى ازمة لوزارة الصحة هتجيبى 60 مليون حقنة منين؟

بس انشالله تستجيب وزارة الصحة لمطالب الجماهير الزمالكوية بتوفير ادوية الضغط والسكر والقلب مع التذاكر وتصرف مجانا.