يوميات بلا حدود..

نهارك سعيد يا ادهم اشكر ربنا هو الموضوع سهل بس اي حاجة في العين بتخض عكس اي حاجة في الجسم
هيشوفني يوم السبت واداني قطرة اربعة ايام حساني زي جدتي

مرسي يا سكينة يا اختي هي سهلة بس مش اوي عارفة وهو بيعمل اليزر والنور الاخضر والاصفر في عيني
قلت لياسمين لو كان طول شوية كنت هعمل فيه حاجة خصوصا انه بيربط الراس علشان متحركش
وبيحط عدسة تثبت العين بجد مكنتش متحملة مع ان طبيعتي بتحمل الالم عموما بس العين مش عارفة ليه اكتر جزء بيعصب في الجسم
[/b][/color]

جاتي بجد انتي شربات في موضوع العريس مش بيشوف العروسة عندنا
بس انتي معاكي حق فعلا في بعض البلاد سمعت انه بيحصل كده فعلا بس مش في مصر

يعني هو وحظه يا تطلع ريا يا تطلع سكيننة

بمناسبة الست والراجل والظلم
شوفوا ما يطلق عليه الظلم الظريف للمراة من اللغة العربية

[b]يقال أن اللغة العربية ظلمت المرأة في خمسة مواضع وهي

أولا: إذا كان الرجل لا يزال عل قيد الحياة فيقال عنه انه حي
أما إذا كانت المرأة لا تزال على قيد الحياة فيقال عنها أنها [color=red]حية
أعاذنا الله من لدغتها ( الحية وليس المرأة (

ثانيا : إذا أصاب الرجل في قوله أو فعله فيقال عنه أنه .. مصيب
أما إذا أصابت المرأة في قولها أو فعلها فيقال عنها أنها مصيبة !

ثالثا : إذا تولى الرجل منصب القضاء فيقال عنه أنه قاضي
أما إذا تولت المرأة منصب القضاء فيقال عنها أنها قاضية ...!!
والقاضية هي المصيبة العظيمة التي تنزل بالمرء فتقضي عليه ... يا لطيف !!!!

رابعا : إذا أصبح الرجل عضوا في احد المجالس النيابية فيقال عنه أنه نائب
أما إذا أصبحت المرأة عضوا في أحدا لمجالس النيابية فيقال عنها أنها نائبة ...!!!
وكما تعلمون فان النائبة هي أخت المصيبة

خامس ا : إذا كان للرجل هواية يتسلى بها ولا يحترفها فيقال عنه أنه هاوي
أما إذا كانت للمرأة هواية تتسلى بها ولا تحترفها فيقال عنها أنها هاوية !!....
والهاوية هي احدي أسماء جهنم

مسكينة المرأة ، حتى اللغة العربية لم تنصفها

(( مخاريم من مخروم و الا ا يه ؟؟؟؟ ))


صح ياجاتيتا .. ده يبقى التصريف الثالث

خرم مخروم فهم مخاريم

تصبحوا علي خير يااهل الدار

عيني بقت احمرة خااااااااااالص وبتحرقني

هترككم مع احلام الشيخ علام واكل الرز مع الملايكة واتمنالكم نوما هادئا

مساء الليل

ازيكو ايه اخباركو ايه

تفضلو محلول اليوم




فرفر سلامة شبكتك

وحشتيني

إزيكم يا أهل المنتدى..
كنت مزنوق اليومين اللى فاتوا في الشغل..

الدنيا في كاليفورنيا كانت برررررد جامد ..
لدرجة إن الواحد مهما كان يلبس مكانش بيتدفى..

وفي النهاية افتكرنا ان في الشقة heater وممكن نشغله..
ودلوقتي أنا قاعد في الدفا.. ومفيش بررررررد..

ازيكم بقى؟

افتكرتو طب كويس انكو افتكرتو

لانكو لو مكنتوش افتكرتو كان زمانكو اصبحتو كده

يا خبر يا سمارت كل الفترة دي ونسيته الهيتر
ده الدفا عفا...
جاتي ازيك يااختي الجميلة اشكر ربنا
امبارح كنت عند الدكتور وقالي عنيكي اصبحت تمام
انا رايحة اعمل قهوة تركي مين قال عايز يعدل المزاج علشان يبقي عال العال

ازيكم يا صحبة حلوة احنا هنرجع للبيات الشتوي تاني

جبتلكم صورة كوميدية تخيلوها معايا


بابا نويل بيقول انا مين انا فين انا ايه اللي جبني هنا

صباح الخيــــــــــــــــر

14 قهوة معاكى يا فريدة لو سمحت

إزيكم يا رجالة بالإنجليزيييييييييييي..
عاملين ايه مع الضريبة على العقارات المبنية؟

هههههههه.....حلوه النكته يا فروتوس

سمارت أعمل كأنك متعرفش حاجه واصل

واخيرا قدمت الإقرار الضريبي..
وبعدين عملوا تمديد للمدة تاني يوم!!

المهم أنه على كل قلقي دا ..
شقتي مش داخلة في الضريبة أصلا ..

إلا هم فين أهل المنتدى؟
جالهم بيات شتوي تاني؟

مش أنا ما عنديش صوت وبأتكلم بالمشاورة

باين عليها أنفلونزا السحالى أو التعابين أو أى زواحف المرة دى ..
بتشيل الصوت خالص .. بتعمله أوف
إننى لا انطق يا شعب .. فهلا نطقتم انتوا

انا جبت الاقرار الضريبى ولما عرفت انهم مدوا الفترة جالى حالة كسل فى كتابته , بس السبب الحقيقى هو الطوابير والزحمة وانا عندى حساسية من الطوابير


(مش أنا ما عنديش صوت وبأتكلم بالمشاورة )


نص كباية عسل واعصر عليها ليمونة ومزمز فيها على البطىء حتلاقى صوتك رجع احلى من الاول واحتمال تفكر تعمل البوم .

ازيكم يا صحبة حلوة
من كلامكم حسيت اني وقفة في طابور علشان اسلم عليكم
نفررررررررر نفرررررررررر بس زحمة اوي
كل دول هسلم عليهم

سلامتك يا هشام تحب نصوت وننطق بدالك
بس تصدق فرصتي افتح موضوع عن ظهور السيدة العذراء في القاهرة
وانت بقي متقدرش تناكف فيا
الحق اكتبه بسرعة بس هصحي بدري بكرة صعب ابتدي احكي فيه النهاردة

بجد انا اسفة اني بتاخر يا سكينة يا اختي بس بجد كان عندي مامتي وكمان شادي
وهو بيعتبرني من سنه وبيستغلني
فالوقت بيجري بيا ومش عارفة القاني ...
عايزة ابقي اوريكم شادي كبر ازاي
هصوره جنب شجرة الكريسماس واوريكم صورته

هسيبكم دلوقت واقولكم تصبحوا علي خير
ويسعد نهاركم صباحا انشاء الله

عايزة ابقي اوريكم شادي كبر ازاي
هصوره جنب شجرة الكريسماس واوريكم صورته

انا نسيت ان دا موسم الصور اللوزعية

ازيكم جميعا وعودا حميدا ول انه متاخر
كل سنة وانتم طيبين عام سعيد هجرى وميلادى عليكم جميعا

السلام عليييييكم وصباح الفل والياسمين والخير وأحلى مِسا لأحلى صحبة ... صحبة نفسي أقابلها شخصيا وخصوصا بعد ماشفت فريدة قلوبنا ......

ازيكم يا صحبة حلوة سواء الحاضر او الغائب
يارب الكل يكون بخير وفي صحة جيدة




انا نسيت ان دا موسم الصور اللوزعية

اعترض بقي يا سمارت هشتكيك لشادي

ازيكم جميعا وعودا حميدا ول انه متاخر
كل سنة وانتم طيبين عام سعيد هجرى وميلادى عليكم جميعا

هرم ازيك وحشتنا جدااااااااااااااااا يا تري اخبارك وعامل ووصلت لفين في شغلك
كل سنة وانت دايما طيب وبخير وربنا يوفقك اينما كنت وطمنا عليك

مواضيع يا جميلة يسعد مساك ونهارك وكل اوقات حياتك
انا كمان نفسي اشوفك وبليز لما تنزلي مصر قوليلي
غيابي بجد بيكون غصب عني مش عارفة بلقاني عدا عليا كام يوم وانا مش بقابلني حتي

بس انشاءالله هحاول علي اد ما اقدر بس بعد فترة الاعياد

جاتي وسيسامي ازيكم وكل الجنس اللطيف كل سنة وانتم طيبين وربنا يحقق امانيكم انشاءالله


اما الجنس الخشن فكل سنة وهم طيبين وربنا يرزق اللي مش مرتبط بونيسة بنت حلال
ودعوة للسنة الجديدة ان ربنا يحنن قلوبهم علي الجنس اللطيف

علشان اصبحوا خشنين اوي جدا خالص


والي ان نتلقي هسيبكم مع احلي ضحكة بريئة تسعد قلوبكم يارب في السنة الجديدة

ازيكم ياااااااااااااااااااااا صحبة حلوة

يا اهل الدار كلنا غايبين عن بعضينا الحياة مشاغل انا عارفة
بتسرقنا من بعض
بجد غصب عني ويمكن لما بتكون مامتي معايا بحس انها محتاجة اني اقعد معاها
بقول دايما لنفسي الزمن دوار بكرة هنحتاج حد يقولنا كلمة ويحسسنا بحبه
واهتمامه

المهم يارب تكونوا بخير ويارب دايما نتقابل علي خير
واعذروني لهذا العطل الغير مقصود خصوصا مع زحمة الاعياد
وانتوا عارفين ليلة العيد اللي هو يوم الاربع بيكون عندنا هيصة وزومبليطة في الصالون

كل سنة وسنارت واوسكا طيبين وهديتي ليكم سندوتشات فول وطعمية ليلة العيد
مفيش احلي من كده

يسعد صباحكم يا صحبة حلوة جمعااااااااااااااااااااء

نهاركم سعيد يا صحبة حلوة
لقمة هنية تكفي مية

السلام عليكم ...

خلصت الاجازة ورجعت ريمه لعادتها القديمه .

اذيكم جميعا , فردا فردا

تحياتى لاحلى صحبة

اشكرك يافريدة .. ملكة الذوق والمفهومية

( وكل عيد حب والجميع بخير )

الحقيقة.. احنا محتاجين الحب ده فى حياتنا اليومية

اكيد بشوية حب حنقدر ناخد نفسنا فى الزحمة اللى عايشينها الايام دى .

وبشوية حب حنقدر نشوف لون الورد من خلف النظاره السودا .

وبشوية حب حنشم النسيم فى حوارى بلدنا .

وبشوية حب حنرجع كلنا نكتب ونعيد للمنتدى شبابه اللى راح بدرى .

وعلى رأى شكوكو .. الحب فى القلب ذى الرز فى الكوسة .. وعجبى

بتقول كلام كبير اوي يا ادهم فعلا عايزين ناخد نفسنا ولو غصب عننا
بصراحة الحياة بتجرنا بسرعة تدوخنا وتوهنا

ياريت فعلا مشاعر الدفء تجمعنا ولو للحظات صغننة خالص
يبقي بلسم يعين علي الحياة

اتمني ان كل الصحبة الحلوة تكون كلها بخير وربنا يعين كل واحد اينما كان
ويسعد نهار كم يا اهل الدار