عمليات التخسيس

انا سمعت الموضوع ده قبل كده وفعلا عجبتني اوي الفكره
انا اصلي اعرف ناس كتير من اصحاب الوزن التقيل وياحرام بيعانو موووت لما يجيو يعملو دايت
بجد بتبقي نفسهم في كل حاجه ..... ومعظهم مش بيعرف يعمل كونترول علي نفسه وبيفشل في الدايت

اعرف واحد وزنه اكتر من 130 كيلو
لما جه يعمل دايت قال للدكتور ماتحرمنيش من حاجه انا باحب كل الاكل ولازم اكل ولازم برضو اخس
الدكتور الصراحه ماقصرش
عمله نظام فيه من كل حاجه لحد الشيكولاته و الفشار والشيبسي

بس البيه كان بيجيب كيس شيبسي عائلي
يعمل حله فشار
شيكولاته من الباكو الي هو 400 جرام

و هو كده مقلل علي فكره

طبعا مافيش داعي اقولكو الدكتور فين دلوقت

ومافيش داعي برضو اجيب سيره التاني

أيه رأيكم كل واحد يكتب لنا يوم غذائى كامل " فطار غذاء عشاء " أيه نوع الاكل والكم وما بين الوجبات
ولو انتم شاطرين وأنتظمتم فى كتابة الوجبات لمده 4 ايام متصله تبقو ا برافو عليكم
يمكن لما الواحد يكتب ويسيح لنفسه ويحس ان فيه كاميرا بتراقبه وهو بياكل
فيؤدى هذا لتعامله مع الاكل بكل رقه

نقارن ونشوف ايه الحكايه هل زيادة الوزن فعلا بسبب زيادة فى كمية الاكل بس ايه مش اللى يكتب لنا يكتب الوجبات ولسه حيبدء يتعشى لاااااا احنا عايزين الوجبات اللى بعدها حيخدل على النوم مش حيدخل بعدها على المطبخ

حبدء بنفسى

يوم 3-7-2010
الفطار - كوب شاى بحليب
- عنب (عنقود صغير )
بعدها بثلاث ساعات ربع رغيف جنبة مثلثات

الغذاء - طبق صغير ملوخية + طبق صغير أرز + سلطة


العشاء - ربع رغيف + ربع فرخة + بيبسى
قبل النوم - كوب حليب بالشيكولاته

بالنسبى لى دى وجبه متوسطه يعنى احيانا باكل اكتر منها يقيل واحيانا اخرى أقل
منها بقليل وانتم عارفين ان وزنى قليل تنفخونى اطير

انا سمعت اليوتيوب الخاص بد. هاشم - وفعلا انا عرفت ليه وأيه السبب انى بحس بالشبع فورا - من عشر سنين كنت بعانى من القولون العصبى بشده واخر زيارةعملتها للدكتور قلت له يعنى مفيش حل للوجع اللى فى معدتى اعمل ايه عشان اخف خالص وابطل الادويه
قال لى بصراحه الناس اللى عندهم قولون بيفضلوا كده طول عمرهم - لكن مفيش حل إلا انك تاكلى مسلوق لمدة سنه وده طبعاّ شيئ صعب

فقررت انى مرحش تانى اتعالج من القولون وكمان رميت الادويه بتعته وقررت انفذ كلامه اللى قاله ومش بس كده لا ححب الاكل المسلوق الشيئ المفيد لصحتى ححبه جداّ

وبدءت اعيش فى قصة حب مع الاكل المسلوق واكرهه نفسى فى اى اكلات سريعه من خارج البيت وكمان أبعد عن اى مسبكات فى الاكل
التصمييم هو ده الحل الوحيد للإبتعاد عن طريقة تعاملى مع الاكل ومش حصب على الاكل غضبى وافضل انتقم منه واحطمة بأسنانى بالعكس ده كده هو اللى بيحطمنى وبيقضى على صحتى

اللى عايز ينزل وزنه يأخد القرار ومش لازم يتبع اى نظام غذائى هو بس يغير من نظام اكله يستبدله بوجبات تانيه
جربو تعيشوا على كل ما هو مسلوق من الخضار جربو تكرهوا الارز والمكرونه والعيش جربو تبعدو عن الحلويات وتعرفو انها العدو اللدود للمراة
 
انا جوعت خلاص وحروح اكمل فطار

جربو تعيشوا على كل ما هو مسلوق من الخضار جربو تكرهوا الارز والمكرونه
والعيش جربو تبعدو عن الحلويات وتعرفو انها العدو اللدود للمراة


ايمي الكلام ده غلط هو لو شويه نظام هتقدري تاكلي كل حاجه وبنظام ومن غير ما تبعدي عن اي حاجه من ده كله

ايمي الكلام ده غلط هو لو شويه نظام هتقدري تاكلي كل حاجه وبنظام ومن غير ما تبعدي عن اي حاجه من ده كله

مش فاهمة من السطر ده غير أنك بتقولى كلامى غلط
انا احب أستعين بصديق وهو د. ادهم

نقول كمان
فى حاجه مثلاّ متعبه جداّ وبتسبب لى مشاكل وتؤذينى من الناحيه الصحية ( نفسى وعضوى ) وبالرغم من كده انا أفضل احبها ومقدرش ابعد عنها
يعنى الشيئ ده بيعذبنى وانا بعانى منه لكن بالرغم من كده انا بتلذذ بقربى منه

وبكل بساطه لما اصبت بمرض القولون جالى التفكير ده ازاى الشيئ اللى بيسبب لى الامراض وبيعدنى عن ممارسة حياتى بشكل طبيعى أظل متمسكة به او أبتعد عنه على مضض وسرعان ما اعود إليه من جديد
فقررت يكون عندى إرداة وابتعد عن ( نوعيه الاطعمة التى تسبب لى ما اشعر انه فى حياتى كمأساة )

وبدءت احب نوعية طعام اخرى لا تحتوى إلا على المسلوق وهناك طرق مختلفه لجعل هذا المسلوق من ألذ الوجبات وبدءت كمان اكل مكرونه بس مسلوقه واقلل من نسبتها ومن كميه الازر
دلوقتى انا شفيت تماماّ من مرض القولون بالإضافة إلى ان وزنى مظبوط
وممكن كمان معدتى تتحمل اى اطعمة مسبكة او حلويات وكل ما يخطر على بالك من اطعمة تسبب ارتفاع فى الكوليسترول .
كلامى فى المدخله السابقه كان بناء عن تجربة حبيت أنقلها لاصحابى هنا على المنتدى

وبعدين انت داخله فى شمال ليه من اولها كده لاااااااا أحنا قاعدتنا حطول عيزانا يعنى نقضيها فى قسم شرطة المنتدى
انا الشويش هنا بفطرة كل يوم على حسابى يعنى تبعى معلش بأه

القولوون مش مرض علي فكره
وفي كذا نوع من القولوون انتي كان عندك قولوون ايه بظبط؟
وانا بفطر هشام كل يوم صاحب المنتدي يعني اكبر من الشويش بقي هههههههههههههه :P
علي فكره انتي عسوله يا ايمي

مش عارفه يا ماما ..مش مقتنعه قوي بفكرته...غريبه نوعا ما .....

با لنسبة لكلامك يا ايمي ...انا اعرف وحده زميلتي كانت بتعاني من القولون لفتره وكانت اغلب الوقت تعبانه ....عملت زيك تماما ودلوقتي يا سبحان الله رشيقة ...لطيفة وصحيا الحمدالله مش بتشتكي من حاجه خالص

قمورتي عروستنا الجميلة لما تسمعيه هتقتنعي عموما هفتح الموضوع من جديد باسم الدكتور
وهناك يا بنات هقولكم تجربتي الشخصية

صدقوني الموضوع مرتبط هل تملك ارادتك ام ارادتك في ايد حد تاني
زي معدتك مثلا

نسيت اطلب من سيادة الادمن ينقل مداخلات البنات الحلوات هناك بليز

موضوع رائع وممكن تلاقوا هنا برضة
مواقع طبية مفيدة جدا