رد: في حب مصر

من طرف farida الإثنين 21 أبريل 2008, 12:22 am

العزيز اولدمان اللي غايب عنا بقاله زماااااان
نورتنا وياريت فعلا يكون للحديث بقية
وكلمة اهل زمان اللي قبل الاربعين Wink

كانت وعد بيتنفذ

تصدق وانا بكتبهالك حسيت ان فعلا الكلمة زمان كان ليها قيمة
ولو اتقالت كانت فيها مصداقية لانها كانت ميثاق شرف بيتقال من غير عقود
ولا يمين وحلفان

لكن دلوقت ذهبت الكلمة مع الريح

زي حاجات كتير ضاعت وتاهت مننا عزيزي
انا قريت اللينك
خصوصا الجزء ده
هذا البوست مهدىللجميع وبشكل خاص لكل من على مشارف الأربعين أو أكثر

اينعم لسة شوية علشان اشارف السن ده

لكن عشت نفس الايام اللي عاشها
علي فكرة احنا بنحاول ويمكن قادرين سنة نتواصل مع هذا الجيل
بس هم مش
اوي لانهم مش مدركين احنا عشنا ايام شكلها ايه

وبكرر عزيزي اولد مان في انتظارحديث البقية معك smile

مصرية بشكرك جدا علي اليوتيوب
بصراحة انتي جدعة اوي alpiiapa

ايه رايك نتناقش نفس المناقشة بتاعة التليفون :xgfd: بس ابتديها انتي

يا جماعة عايزة اعترف ان مصرية وانا sadiko

بنتناقش كتير في احوال البلد
والمواضيع اللي علي الساحة
فيه نقط بنشترك فيها
وفيه نقط بنختلف فيها
ودايما تقولي تعالي نتناقش في المنتدي
بس شكلي بكون متحمسة في التليفون اكتر Rolling Eyes

بمناسبة موضوع ضد التمييز الديني انضم احمد فؤاد نجم للمجموعة
وهواصل الحديث عن الموضوع بس اعذروني الاسبوع ده
هبقي خفيفة جدا عليكم yuk

من طرف مصرية الإثنين 21 أبريل 2008, 1:22 am

مصرية بشكرك جدا علي اليوتيوب
بصراحة انتي جدعة اوي

الله يخليكي يا فري نا كمان انبسطت لما شوفته فهمني حاجات كتير عن الموضوع مكنتش فاهماها

ايه رايك نتناقش نفس المناقشة بتاعة التليفون بس ابتديها انتي

اتفقنا أول ما اصحى حقول كل حاجة Wink

يا جماعة عايزة اعترف ان مصرية وانا
بنتناقش كتير في احوال البلد
والمواضيع اللي علي الساحة
فيه نقط بنشترك فيها
وفيه نقط بنختلف فيها
ودايما تقولي تعالي نتناقش في المنتدي
بس شكلي بكون متحمسة في التليفون اكتر

فعلا بتكوني متحمسة أكتر
جايز لإن الموضوع بيكون لسة حامي
بتكوني في المود

بس المرة دي عايزاكي تقولي كل اللي جواكي :<a4:

إنتظروني باكر Twisted Evil

من طرف farida الإثنين 21 أبريل 2008, 1:28 am

هقول كل حاجة Rolling Eyes

وبكرة يقعدوا جنب الحيطة قصدي الكيبورد
ويتفرجوا علينا زي ديوك الفضائيات
ونعمل برنامج زي بتاع الجزيرة
الاتجاه المعاكس بين مصرية وفريدة

من طرف مصرية الثلاثاء 22 أبريل 2008, 2:36 pm

عارفة إن الميعاد كان امبارح وأنا اللي مجتش

بس دور البرد بقى الله يخليه وجب معايا triste

المهم خليني أقول اللي دار في التليفون يا فري

أنا كان رأيي إن البهائيين ملهمش الحق في وضع دياتهم في خانة الديانة في البطاقة الشخصية، على أساس إن ده حيكون اعتراف بهم في مصر وحيفتح السكة لغيرهم من العقائد اللي ملهاش أساس -بالنسبة للديانتين المعترف بها في مصر وهي الإسلام والمسيحية-.

لكن أعترف إني مكنتش أعرف إن البهائيين ممنوع يطلعوا بطاقة أو شهادة ميلاد. والحقيقة ده لخبطني، الناس دول مصريين طيب لو ملهمش بطاقة ولا شهادة ميلاد حيقدروا يعيشوا إزاي؟

طيب لو فضل الموضوع كده، ما هم حيكرهوا البلد وممكن يبقى منهم إرهابيين أو غيره من أشكال الضرر.

طيب لو اعترفنا بهم ما حيبقى كده باب اتفتح لدخول عقائد تانية تطلب السماح لها بالاعتراف والحياة. ومش لازم عقائد، ما يمكن الشواذ الجنسيين يقولوا عايزين تعترفوا بينا.

كل ده بيدور بيني وبين نفسي، وبعدين في الآخر أقول، البهائيين مصريين بالميلاد ايوة، لكن الاعتراف بهم رسميا حيفتح علينا باب صعب يتقفل.

كملي يا فري وقولي باقي المكالمة :#~€:

من طرف farida الأربعاء 23 أبريل 2008, 1:02 am

تصدقي يا مصرية اني فعلا مذهولة من اللي حاصل بخصوص
اجبار شخص انه يتخلي عن معتقادته تحت بند انت غير معترف بيك

للاسف قريت افترا كتير عن البهائية وتلفيق كلام صعب اوي عن مبادئهم
والحقيقة محبش انقلها او اعيدها
هم نفسهم اتجرحوا من الاتهامات الباطلة
وعلي فكرة فيه ناس اتهموهم انهم تبع اسرائيل

بصي بعد ما وقفت علي باب النقابة وشفت بعيني
وبعدين قريت اكاذيب
خلاص زي ما قلتلك في التليفون انا همشي باحساس يقودني للمصداقية
علي قدر الامكان

الحقيقة يا مصرية بعد ما سمعت بهائية وهي بتحكي عن مراحل حياتها
حسيت اننا عايشين في غابة خالية من الانسانية
خالية من مباديء بتحث عليها كل ديانة
وهي محبة خليقة الله من غير ما ننصب نفسنا جلادين علي الناس
ننقدهم وندينهم ...زي ما نكون اخدنا توكيل من ربنا علشان نحاكم الناس

لما حكتلي انها وهي طفلة وسط طابور الصباح تتشد من شعرها
وتتذنب من المدرسين وتتهان قدام زميلاتها
وقالتلي قيسي علي كده لغاية النهاردة

متخيلين وقع ده علي طفلة طلعت لقت نفسها بتنتمي لاتجاه ديني معين
او حتي صدقيني
لو مكانتش مؤمنة بتتبع بوذا حتي
معقول دي طفلة ممكن تطلع سوية
اكيد ممكن نحببها ونغير مثلا تفكيرها عن طريق المعاملة الحلوة وبالاحتواء
وفي النهاية هي تختار وهي وحدها مسئولة عن اختيار اتجاهاتها
مش بالمذلة والعنف والاحتقار
مش من حق مخلوق يحكم ويصادر معتقدات الغير

بجد سمعت حاجات مصدقتش اني في مصر

ده بالنسبة للبهائية ..يوم المؤتمر سبت بنت خالتي وركبت مع تاكسي
بالصدفة طلع مسيحي..حكالي ان بنته وهي في سنة اولي ابتدائي
كانت في حصة دين ومنزلتش مع اصحابها فاكتشفوا انها مسيحية
فكانوا بيقولوا لبعض متكلموهاش دي مسيحية
هي دلوقت في سنة رابعة بتكره تواجدها في المدرسة لكن بتحب التعليم
وحكالي مواقف تانية اتعرضت ليها

وطبعا ده بيخلي الاطفال لما يوصلوا للجامعة يبقوا متزوين
ودي شكوي سمعتها مرة ان المسيحيين بياخدوا جنب
وده طبيعي ..لانهم في الجيل الحالي كبروا علي نظرة معادية

طبعا علي ايامنا كنا نسيج واااااااااااااااااحد
بصراحة ان حد يذم في التاني كانت قلة لا تذكر وسط نسيجنا المتين

للاسف بقت الناس دلوقت من نفس الديانة بتميز وبتفرق ما بينهم

الحقيقة انا بحكي الكلام ده لان التمييز بقي طامة كبري
اصابتنا
ازاي نبني مجتمع سوي وجيل واثق يعرف ما له وما عليه

مصرية انا بجد مش مبسوطة

لكن زي ما قلتلك في التليفون
لاني مؤمنة بمبدا ضد التمييز لاي انسان خلقة ربنا
هفضل ادافع عن مبدئي
مهما طال بيا العمر
في كل مكان

المحبة من القلب بتخلق تصالح مع النفس
وده شيء بينقصنا مش متصالحين بالمرة مع نفسنا وده فيه اعاقة
للمصالحة مع الاخرين

من طرف oldman الأربعاء 23 أبريل 2008, 4:03 am

أشكر فريده على ترحيبها وأتمنى أن يكون فى هذه القصيده ماقل ودل على الوضع القائم فى بلادى التى .. €€€€

..لمْ تـَعُـــدْ كـَبـِلادِي'

وللحديث بقيه

من طرف مصرية الأربعاء 23 أبريل 2008, 4:47 pm

أولدمان

شكرا على القصيدة
فعلا مؤلمة

من طرف aniD الأربعاء 23 أبريل 2008, 10:46 pm

القضيه يا ساده هى تفاهة جيل وأعتذر أن أقولها بتلك الطريقه

سيدى الفاضل ترددت كثيرا قبل ان أرد..بصراحه مش عارفه أأقول ايه ..بس شايفه ان الموضوع فيه تعميم ظالم ..من الظلم ان جيل يتحمل أخطاء المراحل الماضيه و تراكماتها
تتحدث عن الجيل على انه نبت شيطانى ظهر فجاءه ..عشان الدنيا تبوظ و انا ارفض الفكره دى
الاجيال و افكارها و توجهاتها ميراث تراكمى ..قبل ما حد يتهم الجيل بالتفاهه يشوف أورثتونا ايه ؟

هذا البوست مهدىللجميع وبشكل خاص لكل من على مشارف الأربعين أو أكثر

زي حاجات كتير ضاعت وتاهت مننا عزيزي

ده كده بكاء على اللبن المسكوب Rolling Eyes

فريده طبعا الاضطهاد شئ مؤسف .....بس بصراحه انتوا كده خلطتوا الاوراق
يعنى يا تتكلموا فى الاضطهاد يا فى اختلاف الاجيال scratch

من طرف مصرية الخميس 24 أبريل 2008, 1:14 am

فريده طبعا الاضطهاد شئ مؤسف .....بس بصراحه انتوا كده خلطتوا الاوراق
يعنى يا تتكلموا فى الاضطهاد يا فى اختلاف الاجيال

طيب بصي يا أنيد

حرد على فيري وبعدين اتفقوا بقى حتتكلموا على إيه :xgfd:

فيري الجميلة
أنا أكيد مش مع العنصرية والاضطهاد خصوصا للأطفال، ولا مع معاملة بشر معاملة خالية من الآدمية والرحمة زي المعاملة اللي بتحكي عليها، لكن أنا قلت اسباب اعتراضي على الاعتراف بالبهائيين، مش لإنهم على مذهب أو عقيدة مختلفة، لأ، لكن لإنهم حيفتحوا على مصر باب ممكن يعمل مشاكل كتير.

الملاحظة بس اللي مش مقتنعة بها في قصة السيدة البهائية دي، هي إن من سنيين كتير عمرنا ما كنا نسمع عن حاجة اسمها البهائية، وحتى لو كانوا عايشيين بينا مكناش نسمع عنهم ولا نعرف بوجودهم، علشان كده استغربت إن تكون البنت دي اتعرضت لاضهاد زي اللي حكتلك عليه.
والله أعلم.

أما بالنسبة لمعاملة بعض المسلمين للمسيحيين، فالحقيقة مش عارفة ليه ده بيحصل، مع إن زي ما الشيخ وضح في الفيديو المعروض إن ده ضد الإسلام وتعاليمه وبتتقال كل يوم.
تقبلي اعتذاري عن اللي سمعتيه من سواق التاكسي.

أنا خلصت يا أنيد كملوا كلام بقى في السكة اللي تختاروها. :#~€:

من طرف Hesham الإثنين 18 يناير 2010, 4:13 am

من طرف farida الأحد 24 يناير 2010, 1:14 am

ااااااااااااااااااااااااه طالعة بامانة من جوايا اوي بسبب اني عاشقة ودايبة في حب مصر
لكن حزينة اوي علي اللي حصل في مصر وبالتحديد في نجع حمادي ليلة العيد الموافق 6 يناير
ليه ده حصل في مصر وايه السبب ومين وراه ..لاني مؤمنة ان اللي بيحب مصر اكيد مصري
ومش ممكن المصري هيجرح او يقتل نفسه

اكيد كلنا قرينا عن حادث نجع حمادي
وفي نفس اليوم برضه قلبي اتوجع كمصرية علي الجندي المصري اللي قتل علي الحدود
في حب مصر من قناص في حماس

حدث نجع حمادي وحدث الحدود سابوا اثر صعب اوي جوة كل مصري
لان الرصاصة القاتلة التي اصابت في مقتل كانت من اقرب الناس

قبل ما انقل مقالة رائعة عن الحدث للعزيزة اكرام يوسف

هحكي احساس المني الاسبوع اللي فات بامانة وجعني اوي خلاني خايفة فجاة احس اني غريبة عن اهل بيتي
اللي هم المصريين

فيه جامع جنب بيتنا وصوت الميكروفون عالي فسهل عليا كل جمعة اسمع الخطبة
الجمعة اللي فاتت وانا بسمع كلام الخطبة كانت كلها عن النصاري
وذم في اهل الكتاب اللي كتابهم محرف
لدرجة اني وقفت في الشباك وابتديت اهز راسي وكان فيه ناس قاعدة بيسمعوا الخطبة في الشارع
وكان نفسي اصرخ واقول انا حزينة من اللي بسمعه خصوصا بعد احداث نجع حمادي
صعب تتقال خطبة والنفوس موجوعة بالشكل ده
لو هي محطة تليفزيونية كان سهل امسك الريموت واهرب من اي صوت يفرقني عن اهلي
وكنت هعتبره مجرد صوت مش كل الناس هتسمعه لكن للاسف ده صداه مسموع ومؤثر في نفوس ضعيفة كتير

طلبت العزيزة اكرام وقلت هي مصرية زيي وهتحزن لحزني
فعلا هديت بعد كلامي معاها
من غير ما افكر اني مسيحية وهي مسلمة لكن لجاتلها لاني عارفة اننا معا بندوب في حب مصر

هسيبكم مع مقال العزيزة اكرام يوسف اللي كتبته وهي في قمة الحزن

جنازة عسكرية لشهداء العيد

مثلما اعتدت كل عام، أحضرت أجندة التليفونات استعدادا للاتصال بالأصدقاء والصديقات لأهنئهم بعيد الميلاد المجيد،

وككل عام أشعر بالخجل من نفسي لأنني لم أبذل ما يكفي من جهد لمعرفة طريقة للاتصال بميس جورجيت صبحي ـ مدرسة اللغة الإنجليزية في مدرسة حدائق القبة الإعدادية قبل أكثر من ثلاثة عقود ـ

التي كان لها فضل تعلقي باللغة وحصولي على الدرجات النهائية دائما فيها،

ومازلت أحمل فضلها جميلاً سيظل يطوق عنقي حتى آخر أيام حياتي. فما أن هممت بالاتصال،

حتى داهمني خبر اغتيال ستة من الأشقاء شركاء الوطن في نجع حمادي يوم العيد وأثناء خروجهم من دار العبادة فرحين مستبشرين بعام جديد سعيد وسط أهلهم وأحبائهم.

أسقط في يدي، وشعرت بغصة في حلقي ومرارة كالعلقم. بأي وجه أتصل بهؤلاء الأحبة؟

وهل أهنئهم بالعيد أم أعزيهم وأعزي نفسي في مصر التي كانت؟ يوم أن كان الدين لله والوطن للجميع ليس مجرد شعار وإنما حياة يومية وممارسة تلقائية بين أخوة شركاء أصحاب وطن واحد..

يوم أن كان شعار الجميع "الدين المعاملة" و"ربنا رب قلوب" يقولها البسطاء والمثقفون والفقراء والأغنياء..

يوم كانت مصر، التي احتضنت أبنائها بمختلف انتماءاتهم وأرضعتهم محبة الله وعشق الوطن ومشاعر الأخوة الحقيقية.

يوم أن كان الأزهر رمز الاعتدال والوسطية، قبل أن تهب علينا أعاصير التعصب المحملة بغبار الكراهية الخانق الذي يعمي العيون وينزع المحبة من الأفئدة،

ليستبدلها بعقيدة ابتدعوها (الولاء والبراء) لا تهدف إلا إلى شق الصف والتبرؤ من إخوة الوطن ادعاء لولاء مزيف يقولون كذبًا إنه لله وتعاليمه!

وعندما وقعت أولى ظواهر ما أسموه بالفتنة الطائفية في أوائل السبعينيات التي عرفت وقتها باسم أحداث الزاوية الحمراء،

دقت أصوات وطنية مشفقة ناقوس الخطر، معلنة أن ما حدث غريب على الروح المصرية الأصيلة التي لم تعرف التعصب يومًا منذ أن كان المصريون يعبدون آلهة متعددة،

ويحترم كل إقليم معبودات الأقاليم الأخرى، بل ويتشاركون في الاحتفالات،

ولم تعرف مصر التعصب بأي من أشكاله إلا في عصور الانحطاط، عندما حكمها من استطاعوا في غفلة من الزمن تولي أمرها وهم لا يستطيعون مجاراة ثقافة أهلها وتحضرهم.

ثم توالت الأحداث بعدما أدمنت الحكومات المتعاقبة اللعب بالنار،

في كل مرة تشعر باحتدام غضب الناس من سياساتها وفسادها، تشعل فتنة تلهيهم وتصرف أنظارهم عن فسادها وقراراتها المدمرة للوطن.

وكنا جميعا، مسلمين ومسيحيين، نردد في كل مرة أن مثل هذه التصرفات لايمكن أن تصدر عن مصريين حقيقيين، وإنما هي بفعل أصابع من الخارج ـ صهيونية غالبا ـ تحرك عملاء جهلة ومجرمين في الداخل لا يعنيهم أن تتمزق البلاد وينشق الصف الواحد.

ومع وجاهة الرأي وصحته أيضًا، إلا أن الأحداث المتوالية تكشف أنه ليس سببًا وحيدًا. فمع تردي أحوال مصر بسبب فساد حكامها الذين صار ولاءهم لأولياء نعمتهم خارج الحدود، ومع اضطرار شباب المصريين للنزوح شرقًا بحثا عن لقمة عيش لدى مجتمعات هبطت عليها ثروات فجأة فصارت بحاجة لمن يساعد في بناء مجتمعات حديثة،

بدأ تغير مخيف يعتري عقول بعض من سافروا وعادوا بأموال النفط وقدرًا من ثقافته التي استقوها من "شيوخ" بلاد الأشقاء. ولما كان لقب "شيخ" يحمل في مصر مدلولاً دينيا،

صار لدى شبابنا الذي هجر بلاده للمرة الأولى استعدادا نفسيًا لتقبل آراء أي "شيخ"،

غير مدركين في أول الأمر أن هذا اللقب لديهم إنما يحمل مدلولا اجتماعيا يدل على الوجاهة وليس على التبحر في الدين.

ولا شك أن بعض هذه الأفكار التي لا تنتسب في الحقيقة لأي دين بقدر ما ترجع إلى عادات وتقاليد شعوب تأصلت لديهم من قبل ظهور الإسلام،

لقيت هوى عند بعض متلقيها من شبابنا لأنها غازلت نزوعًا متخلفًا لديهم يعلي من شأن الذكر على حساب الأنثى بصرف النظر عن التمايز الفكري أو الثقافي أو العلمي،

ويعلي من شأن من يمتلك المال على حساب من يمتلك العلم أو الثقافة.

فصار البعض منهم يشعر بتميزه على أقرانه وأقربائه في الوطن بسبب الأموال التي عاد بها ومكنته من امتلاك بيت وسيارة بينما يعاني أبناء محيطه ـ ومنهم من يتفوقون عليه علميا وفكريا ـ

شظف العيش في ظل حكومات فاسدة أضاعت ثروات البلاد كما أضاعت هيبة مواطنيها وكرامتهم. فلم يكن غريبًا أن يسعى هذا "البعض" إلى تقمص ثقافات المجتمعات التي منحتهم فرصة الصعود الاجتماعي،

بل ويحاولون فرضها على أقاربهم في الوطن بحجة أنها تمثل الدين الصحيح.

والمفزع أن العدوى انتقلت إلى حصن الاعتدال الديني؛ الأزهر الشريف نفسه، الذي صار بعض أساتذته يتوقون إلى فرصة الحصول على إعارة بمرتب مجز في بلاد الأشقاء،

فكان لا بد أن يتبنوا ثقافات مجتمعاتهم ويظهروا تشبثا بآراء "علمائهم" التي تعلي من شأن النقل على العقل؛ بداية من دوران الشمس حول الأرض، وحتى رضاع الكبير والتبرك ببول الرسول.
وهكذا لم يعد الأمر مقصورًا على أصابع أجنبية تعبث بأمن الوطن وتثير الفتنة بين أبنائه،

وإنما تطور إلى ثقافة متعصبة مفعمة بالكراهية أخذت تنتشر انتشارًا سرطانيًا في صدور البسطاء والجهلاء تغذيها جهات تنفق بسخاء على سلب مصر أعز ما تملك وهو ثقافتها وتراثها الحضاري بما يحمله من تسامح واستنارة وحب لكل ماهو جميل، وراق.
ولما كانت حكومتنا ـ حماها الله مشغولة للغاية بتبديد ما تبقى من ثروة البلاد وتوزيع أكبر قدر منها على المحاسيب في الخارج والداخل، وآخر ما يهمها هو أمن شعبها وسلامته،

فلم يكن مستغربًا أن تتغافل عن التغلغل السرطاني لهذه الأفكار إلى وسائل الإعلام و منابر المساجد،

لتصل إلى جلسات الأصدقاء وحواراتهم في المقاهي وفي البيوت.
وهكذا، لم يعد مجديًا تعليق كوارث الاحتقان الطائفي على "شماعة" المؤامرة الخارجية وحدها. فإن كانت هذه المؤامرة نجحت في بذر البذرة،

إلا أنها وجدت أرضًا خصبة لاحتضانها ومناخًا مواتيًا لنموها وتكاثرها، تواطأ على إعداده حكومات انشغلت بأطماعها وفسادها واستغلت مناخ الفتنة للتعمية على مصائبها،

وعناصر داخلية تعمل ـ عن جهل أو عن غرض ولحساب مؤسسات تدفع بسخاء ـ من أجل إحلال ثقافات ظلامية ومتعصبة محل ثقافة مصر وحضارتها،

نجحت حتى الآن في إيقاع الكثيرين بالفعل في حبائلها.
لقد آن الأوان أن ننتبه جميعا إلى خطورة هذا الوضع الذي لم يعد يجدي معه أي محاولة لتجاهله، وأن يعلم الجميع أن كعب أخيل مصر ومقتلها ـ لاقدر الله ـ لا يكمن في الجوع،

لأن المصريين جبلوا على التكافل فيما بينهم، وإنما في تشويه ثقافتها وسلبها روح التعددية السمح التي مكنتها من الاستمرار آلاف السنين واستيعابها كل الحضارات والثقافات التي مرت بها دون أن تفقد روحها الأصيلة.
ولتكن البداية دعوة لإقامة جنازة عسكرية وشعبية مهيبة لشهداء عيد الميلاد المجيد نؤكد احترام الدولة لمواطنيها ورفضها محاولات التفرقة بينهم،

وتنظيم وقفات احتجاجية لرفض دعاة الفتنة والدفاع عن وحدة الصف بصورة حقيقية تلقم المتعصبين حجرا، ووقف أي برامج تليفزيونية أو صحف تنشر أفكارا تزدري أيا من عقائد أبناء الوطن الواحد وانتماءاتهم، والتأكيد على أن إعلام الدولة يملكه جميع أبناء الوطن بمختلف منابعهم الفكرية والدينية. وعزل أي مدرس يلقن تلاميذه كراهية أشقائهم في الوطن.

من طرف Hesham السبت 13 مارس 2010, 10:51 am

معلهش متأخر شوية يا فريدة .. لكن العزاء واجب فى كل الأوقات

البقاء لله .. مصريين يقتلون مصريين
مرة علشان تار
مرة علشان ورث
مرة علشان خيانة زوجية
مرة علشان العقيدة
مرة علشان خناقة فى الشارع
مرة علشان الدور فى طابور العيش
مرة علشان الأب خسر فلوسه فى البورصة
مرة علشان بيهتفوا فى مظاهرة
مرة علشان، وعلشان، وعلشان .......
إيه فيه إيــــــــــــــــــــــــه؟؟؟؟؟؟؟؟؟؟؟؟ في حب مصر - صفحة 2 Icon_evil

هو ده الأمن والأمان؟؟ وهى دى بلد السماحة؟؟
من المسئول؟؟؟؟ في حب مصر - صفحة 2 Icon_evil

من طرف Hesham الأربعاء 24 مارس 2010, 11:02 am

هنا القاهرة ...
القاهرة ...
القاهرة ...

هنا القاهرة ..
الساحرة ...
الأثــــرة ...
الهـادرة ...
الساهرة ...
الساترة ...
السافرة ...

هنا القاهرة ...
الزاهـرة ...
العاطـرة ...
الشاعرة ...
النيــــرة ...
الخيـــرة ...
الطاهــرة ...

هنا القاهرة ...
الصــابرة ...
الســـافرة ...
القــــادرة ...
المنــــذرة ...
الثائــــرة ...
الظافــــرة ...
هنا القاهرة ...

صدىء الهمس فى الزحمة والشوشرة ...
أسى الوحدة فى اللمـــة والنطــــــورة ....
هنـــا
غنا الحب والكدب والمنظرة ...
نشا الغش فى الوش والافترا ...
هنـــــا
القرش والرش والقش والسمسرة ...
هنــــا
الحب والحق والرحمـــة والمغفرة ....

هنـــا القاهرة ...
القاهرة ...
القاهرة ...

وأنا في قلب دوامتك ال دايرة بينا
بصـــــــــــــــــــرخ
بحبك يا أجمل مدينة ........

يا ضحكة .. حزينة .. ياطايشة .. ورزينة ....
بحبك .. واعفر جبينى فى ترابك ....
واعيش فى رحابك ... واقف جنب بابك ...
جنينا وبالدم وردة شبابـــك ...
يازينة جنينة حياتنا اللعينة ...

بحبــــــــــك ... بحبــــــــــك ... بحبــــــــك
يابنــــت اللذينــــــــــــه ....
بحبـــــــــــــك ....

هنـــــا
النيل يســـــيل وبحنانه النبيل ...
يروى جيل بعد جيل نقهر المستحيل ....
هنـــــا
الأهرمات واقفة تحكى بثبات ..
ذكريات اللى فات إبن مصر الأصيل ...
هنــــا
مارى جرجس ...
بسيفه يبرجس ...
ويهرس ابليس ...
ويشفى العليل ....

هنا القاهــــرة .. القاهرة ... القاهرة ...

تدور طواحين السنين قلابات ...
نعيش دوارين من الميلاد للممات ...
نقيم سقلات .. إنشاءات .. معجزات ...
وندّى الوجود أنبيا ورسالات ...

ومن عشقنا للحياة .. والبنا.. والنما ...
واجهنا الرياح الفناه بنبضة الأغنيات ...

هنا القاهرة .. القاهرة .. القاهرة ..

شعر: سيد حجاب

من طرف Hesham الأربعاء 24 مارس 2010, 5:16 pm

من طرف Hesham الثلاثاء 06 أبريل 2010, 7:42 am

شعر: جمال بخيت

مش باقي مني غير شوية ضي ف عينيا

أنا هاديهوملك

وامشي بصبري ف الملكوت

يمكن ف نورهم تلمحي خطوة

تفرق معاكي

بين الحياة والموت

مش باقي مني غير شوية نبض ف عروقي

خُدي.. وعيشي..

وافتحي لي تابوت

أفرح بريحة ورد فرعوني

وربنا ف عوني

إذا دخلت الجنة ولاّ النار

هاشتاق إلي ضحكتك

وقعدتي ف الدار

والقهوة متحوجة

من طيبة العطار..

ف كل يوم الصبح

باشرب حليب قبطي

وف النهار والمسا

بامسك ستار الكعبة لو سبتي

واثبت إذا هربتي

أهديكي عمري وحسي وجوارحي

أهديكي جرحي

هو اللي باقي ف دنيتي لما خلص فرحي

مش باقي مني

غير شوية لحم ف كتافي

بلاش يتبعتروا ف البحر

بلاش يتحرقوا ف قطر الصعيد

ف العيد

بلاش لكلب الصيد.. تناوليهم

خدي اللي باقي من الأمل فيهم

وابني لي من عضمهم

في كل حارة مقام

وزوريني مرة وحيدة

لو كل ألفين عام

ألم الجراح يتلم

مش باقي مني غير شوية دم

متلوثين بالهم

مُرين وفيهم سم

كانوا زمان شربات

والنكتة سكرهم

شربتهم الخفافيش

في قلب أوكارهم

مش باقي مني غير شوية دم.. ماأقدرشي

أسقيكي.. مواجعهم

وبرضه ما أقدرشي

أرميكي..

وأبيعهم

يمكن ف مرة تعوزي تطلبيني شهيد

هاحتاج يوميها الدم

يمضي علي شهادتي

مش باقي مني

غير شوية قوة ف إرادتي

علي شوية شِعر من خطي

حاسبي عليهم وانتي بتخطي

وانتي ف صبح الدلال

بتعطري شطي..

مش باقي مني

غير شوية ضي ف عينيا

أنا مش عايزهم

لو كنت يوم هالمحك

وانتي بتوطي

في معركة مافيهاش

ولاطيارات ولاجيش

وانتي ف طابور العيش

بتبوسي إيد الزمن

ينولك لقمة

من حقك المشروع

مش باقي مني.. غير

شهقة ف نفس مقطوع..

بافتح لها سكة

ما بين رئة.. وضلوع..

ما بين غبار.. ودموع..

وأنا تحت حجر «المقطم»

ف الدويقة باموت

أنا.. والعطش.. والجوع..

يئن تحتي التراب

وانا صوتي مش مسموع..

ياحلمنا الموجوع..

من المرور ممنوع..

مستني لما يمر

موكب سلاطينك..

مش باقي مني

غير شوية رحمة من طينك..

علي شوية صبر من دينك..

مش باقي مني غير حبة غُنا تايهين

ف الضلمة مش لاقيين

حس الفواعلية..

ولا صوت مراكبي عَفي

فوق المعدية..

ولا صوت بناتي العذاري

في كل صبحية..

والغنوة.. أمنية

«ياما نفسي أقابل حبيبي..

وانا ع الزراعية»..

صوتك وصوتهم غاب..

وانا تحت حجر المقطم.. باموت لوحديّا..

الليلة راحت عيوني

تطل ع البستان..

وجناين الرمان..

رجعت لي توصف عناد الغل والدخان

وسحابة سودا تضلل

علي الغُنا الغلبان..

رجعت لي توصف هبوب الموت

علي الألوان..

رجعت لي توصف..

.. خيال الذل..

ف موائد الرحمن..

مش باقي مني غير شوية كُفر بشروقك

وأنا..

منبع الايمان..

مش باقي مني..

غير شوية ضي..

وعينيا

مش قادرة تلمحني..

في وحدتي محني..

خايف أموت م الخوف

والضعف يفضحني..

...

السجن عشش ف قلبي

وماشي ف شوارعك..

نفس اللي باعني وخدعني

بالرخيص بايعك..

هاشيل حمولي انا

ولا هاشيل حملك ؟!

ماعدت أملك شيء..

فيكي.. ولا فيّا

ولا قيراط ولا بيت..

ولا نسمة صافية تلاغي النيل بحرية..

مش باقي مني

غير شوية حب جارحّني

ولا باقي مني

غير شوية ضي ف عينيا

من طرف Hesham الثلاثاء 25 مايو 2010, 3:22 pm

من طرف Hesham الثلاثاء 25 مايو 2010, 3:26 pm

من طرف farida الثلاثاء 25 مايو 2010, 11:02 pm

شعارة نفذته ووضعته العزيزة اكرام يوسف علي صدرها
في حب مصر

في حب مصر - صفحة 2 Dalaya

من طرف Hesham الأربعاء 30 يونيو 2010, 9:26 pm

كيف يمكن لمصري أن يتشائم أو يكتئب أو يتحرق دمه أو يزعل في بلد رئيسها مبارك, رئيس حكومتها نظيف, رئيس برلمانها سرور، رئيس شورتها شريف, ووزير داخليتها حبيب, وزير ماليتها غالي, وزير تعليمها ذكي, وزير تجارتها رشيد, وزير سياساتها عز، ومستقبلها كله جماااااااااااااااااااااااااال!!!!!
scratch

منقول .....

من طرف emeeme الأربعاء 30 يونيو 2010, 11:09 pm

ههىىىىهاااااااااا هااااااااااااىىىىىى plop

من طرف sesame الجمعة 16 يوليو 2010, 5:46 pm

كيف يمكن لمصري أن يتشائم أو يكتئب أو يتحرق دمه أو يزعل في بلد رئيسها مبارك, رئيس حكومتها نظيف, رئيس برلمانها سرور، رئيس شورتها شريف, ووزير داخليتها حبيب, وزير ماليتها غالي, وزير تعليمها ذكي, وزير تجارتها رشيد, وزير سياساتها عز، ومستقبلها كله جماااااااااااااااااااااااااال!!!!!

منقول .....

ههههههههههههههه...فعلا...ده يبقى مواطن مش ظريف اللى يكتئب بعد كده
و ما شاء الله اسم على مسمى
اومال اسمها المحروسه من فراغ؟؟!

المهم...كويس انى شفت الموضوع ده قبل ما اتهور و افتح موضوع تانى اسمه النقطه البيضه عن حب مصر و الوطن العربى
وكنت حهديه لفريده و كل مصرى تسول له نفسه انه يكتئب على ارض هذوها الوطن العظيم

في حب مصر - صفحة 2 Icon_king

لكن كنت حاعمل الموضوع عشان مش بس نحط فيه مقالات و اشعار عن مصر لكن كمان كان نفسى اقرا تجارب شخصيه لكل واحد قابله موقف او شخص و حدث خلاه فخور انه مصرى و عايش فى مصر

زى فريده ما حطت اخبار و صور عن مؤتمرات حضرتها..ياريت باقى الأعضاء يقولونا كمان
و د.ادهم لسه راجع من الاجازه و اكيد عنده مواقف يشاركها معانا

من طرف Hesham الجمعة 16 يوليو 2010, 8:12 pm

المهم...كويس انى شفت الموضوع ده قبل ما اتهور و افتح موضوع تانى اسمه النقطه البيضه عن حب مصر و الوطن العربى
وكنت حهديه لفريده و كل مصرى تسول له نفسه انه يكتئب على ارض هذوها الوطن العظيم

ملهمة رهيبة يا فندم

(أيقون لمبة)
محتاجين موضوع يتكلم عن منجزات العهد "المبارك" .. علشان نشوف ونقيم هذه الحقبة "المباركة" من تاريخ مصر، والتى يعيش فيها حالياً ولا يعرف سواها، أكثر من 40% من تعداد شعب مصر .. على اعتبار أن متوسط عمر الإنسان المصرى 70 سنة (وهو إفتراض من عندى أنا وليس دقيقاً ولا علمياً).

تنويه للمقيمين خارجها:
أضمن لهذا الموضوع النجاح الساحق .. ولذا أنصح مشاهدينا من المنتديات الأخرى، إقتباس الفكرة وتنفيذها عندهم والقلب داعيلهم وربنا يوفق king

من طرف farida الجمعة 16 يوليو 2010, 11:57 pm

سيسامي الجميلة يارب تكوني بخير وقلبك دايما بينادي بحب مصر
اد ايه حبيت تعبيرك ده اوي وبالتاكيد فكرة الموضوع

اسمه النقطه البيضه عن حب مصر و الوطن العربى

محتاجين اوي نظهر حبنا لمصر نقول عملنا ايه لمصر رفعنا اسمها ازاي تعبنا علشان تكون زهرة الوطن العربي اللي بتعطر اجوائه

امبارح بالليل كنت بتفرج في القناة الاولي علي حفل تخريج دفعة 77 الكلية الجوية
افتكرت ايام زمان لما كنا صغيرين وبنتابع مع والدي حفلات التخرج
وبنتشحن بالاغاني الوطنية
وده اللي حصل فيا امبارح حسيت نفس الشعور
كنت سعيدة جدا بالعرض خصوصا اني قريبة من مطار الماظة وكنت بشاهد التدريبات الفترة اللي فاتت
حقيقي فخورة جدا باولاد بلدي

مبارك يشهد حفل تخريج الدفعة (77) من طلبة الكلية الجوية ويكرم أوائل الخريجين

في حب مصر - صفحة 2 Celebration_M

كتب أحمد الليثي - شهد الرئيس محمد حسني مبارك القائد الأعلى للقوات المسلحة الاحتفال بتخريج الدفعة (77)

من طلبة الكلية الجوية (طيران وعلوم عسكرية جوية)
التي تحمل اسم الفريق الأول محمود شاكر عبد المنعم.
وتخرج الفريق الأول محمود شاكر عبد المنعم في الكلية الجوية عام 1950
وتولى منصب مدير الكلية الجوية عام 1969 بعد العميد طيار أ.ح حسني مبارك،
فقائداً للقوات الجوية في عام 1975 خلفا للفريق محمد حسني مبارك، كما اختير نائبا لوزير الحربية عام 1976.
وخلال العرض وقف الرئيس مبارك على المستوى الراقي لخريجي الكلية جيلا جديدا من صفوة شباب مصر
يمثلون مع اقرانهم من خريجي الكليات العسكرية دعما متدفقا لقواتنا المسلحة.

وتابع الرئيس مبارك ما وصلت إليها تشكيلاتنا الجوية من تطوير وكفاءة قتالية عالية
تمكنها من تنفيذ كافة المهام لحماية سماء مصر وشاهد عرضا جوياً مبهراً لفريق النسور الجوية الفضية
كما قام سيادته بتقليد أوائل الدفعة 77 نوط الواجب العسكري من الطبقة الثانية تقديرا لتفانيهم في أداء مهامهم طوال دراستهم بالكلية.

ودي اغنية محمد منير في حب مصر

من طرف Hesham الأربعاء 21 يوليو 2010, 5:13 am

في حب مصر