رمضان كريم

يا هرم لا تقلق انا بعمل الفتة بالزبادي يعني مش هينفع تبص فيها

ممكن ابعتلك معلقة للتذوق فقط لاغير اصلي من عيلة ماسكة


طبعا فوانيس زمان كان ليها شكل مميز مالوش دخل بالفوانيس الصينى الحالية .

تصدق فعلا بساطة الفوانيس يا ادهم كان لها طعم تاني
دلوقت اشكال والوان
حياتنا كلها بقت مش اصلي اصبحت ميد ان شاينا

وكانت تصر على انى اصحى وانا اصر على النوم وفى النهاية كلمتها هى اللى تمشى واقعد على السفرة نايم وممكن اوى احط الاكل فى اى مكان فى وجهى غير الفم اللى مش لاقيه

انا عارفة يا ادهم موضوع صحيان نص الليل ده اصعب حاجة في مرحلة الطفولة

افتكر ذكريات رمضانية وخلينا نتشارك الذكريات الدافئة

احلى شهر رمضان مر عليا ..
كان فى يوليو سنة 1978 لأنه فى الوقت دا كانت مباريات كاس العالم بالأرجنتين

تصدق يا سمارت فكرتني كنت عروسة لسة جديدة
وكانت البالكونة بيتجمعوا فيها اصحابنا من ابناء الوطن
وبنسهر مع بعض نتفرج وتتمد السهرة للسحور
كاااااااااااااااااانت ايام لذيذة بجد

فاكرة في رمضان كان عندنا دادة كنت بحبها جدا وكنت صغيرة
لكن كنت باصر اني اصوم يعني طبعا علي ادي علشان اشاركها
وكنت لازم افطر معاها
وكنا نفطر علي صوت المدفع في الراديو
واحنا بناكل كان لازم نسمع التمثلية
كان الراديو له سحر خاص زمان

مين تاني هيفتكر ويحكيلنا عن ذكرياته وهو صغير
وهوبيقول وحوي يا وحوي