رمضان كريم

كل سنة وانتم طيبين ..
بمناسبة حلول صوم شهر رمضان المبارك ..
وكفاية عليكم سطرين تهنئة ومعايدة ..

وعاوزين نعرف ..
كل واحد ح يقضى رمضان ازاى السنة دى ..
وايه الهدف اللى ناوى يحققه السنة دى ..


طبعا محدش يسألنى أنا ..
دى تانى مرة أقضى رمضان خارج مصر ..
ومعنديش غير التلفزيون اللى احس من خلاله بسمات شهر رمضان ..

وكل سنة وانتم طيبين ..

كل سنة وانتم طيبين ..
بمناسبة حلول صوم شهر رمضان المبارك ..
وكفاية عليكم سطرين تهنئة ومعايدة ..

وإنت أطيب وكتَّر خير الله وخيرك على هالسطرين والله فيك الخير يا منوفي

وإنت أطيب وكتَّر خير الله وخيرك على هالسطرين والله فيك الخير يا منوفي

دول تلات سطور ..
عشان فيه سطر فى الآخر كمان ..

إنت دايما تسبق كده يا سمارت
كتر خيرك

كل سنة وكلنا طيبين وكلنا دايما بعض

مواضيع
إنتي مختفية فين مظهرتيش بقالك كتير؟

أنا شخصيا معنديش أي خطط السنة دي وأملي السنة الجاية إن شاء الله أكون خلصت الدكتواة اللي زهقتني وكابسة على نفسي دي.

اللهم بلغنا رمضان

وانت طيب ياسمارت

بصراحة اول رمضان يعدى عليا وانا بره مصر وحاسس انه هيبقى صعب اوى لان طبعا كل الى متعود عليه فى رمضان مشهلائيه خالص
فربنا يستر ويبلغنا رمضان ويتقبل منا

مصرية كتب:إنت دايما تسبق كده يا سمارت
كتر خيرك

كل سنة وكلنا طيبين وكلنا دايما بعض

مواضيع
إنتي مختفية فين مظهرتيش بقالك كتير؟

أنا شخصيا معنديش أي خطط السنة دي وأملي السنة الجاية إن شاء الله أكون خلصت الدكتواة اللي زهقتني وكابسة على نفسي دي.

اللهم بلغنا رمضان

كل سنة وانت الي الله اقرب والي تحقيق أحلامك
معلش أنا غايبة الفترة اللي فاتت كنت مشغولة مع الأولاد والعودة للمدارس بالاضافة لبعلولتي كان إجازة بس إن شاء الله لي عودة

كل سنة وكلنا طيبين وكلنا دايما بعض

يعنى ايه "كلنا دايما بعض" دى؟
انجليزى دا يا مرسى؟؟؟

بصراحة اول رمضان يعدى عليا وانا بره مصر وحاسس انه هيبقى صعب اوى لان طبعا كل الى متعود عليه فى رمضان مشهلائيه خالص
فربنا يستر ويبلغنا رمضان ويتقبل منا

أكيد شئ متعب ..
لكن فرصة تحكى لنا عن عادات صوم رمضان فى السعودية بيكون ازاى ..

انجليزى دا يا مرسى؟؟؟

مصرياتي يا أباصيري

واحد صعيدي بدأ الصوم من النهاردة
قال ايه
شاف الهلال على عربية اسعاف


رمضان كريم وكل سنة وانتم بالف خير وسلام

لاقيت أغاني جديدة بمناسبة رمضان:

أهه جه يا ولاد


رمضان جانا


المسحراتي


هلال رمضان (إيهاب توفيق)


أغنية الله حي (مدحت صالح)


الأغنية دي ملهاش دعوة برمضان بس جميلة

رمضان كريم .. والله أكرم

كل سنة والكل طيبين

وعاوزين نعرف ..
كل واحد ح يقضى رمضان ازاى السنة دى ..
وايه الهدف اللى ناوى يحققه السنة دى

حأقضيه إزاى؟؟؟؟؟؟ الله أعلم .. لما ييجى إن شاء الله حأشوف وأقولك

لكن غالباً حيكون شهر عادى بالنسبة لى زى كل سنة، ما بيزيدش عليه غير انى بأكون عصبى فى أول أسبوع بسبب نقص الكافيين والنيكوتين لحد ما أتعود، وإنى بأرجع لقواعدى سالماً بعد المغرب، اللى بيدن عندنا الساعة 8.30

اتفضل صوم معانا .. بتوقيتى مش بتوقيت مصر

كل سنة و انتو طيبييين

احنا بيودن عندنا الساعة 9.00

إحنا لغاية امبارح كان بيدن الساعة 7:30 من النهاردة بيدن 6:30
كل سنة وإنتوا طيبيين

أوسكا

واحد صعيدي بدأ الصوم من النهاردة
قال ايه
شاف الهلال على عربية اسعاف

في العادة معايدات رمضان والعيد بتكون كلها دعوات وتمنيات طيبة بالقبول وبلوغ رمضان؛ لكن السنة دي مش عارفة في إيه جاتلي كذا رسالة معايدة غريبة.

حوريكوا مثال:

"أقبل شهر رمضان
فإلى كل من أسأت إليه في يوم ما..
إلى كل من أخطأت أو قصرت بحقه أو آذيته بقصد أو دون قصد..

أقول لكم:

إنتوا لسة شفتوا حاجة
الجاي ألعن وأيامكم سوده معايا."

"يا مشمشية قلبي
يا زبيب حياتي
يا بلح عمري
كل سنة وإنتي قمر الدين
رمضان كريم"

وفي بقى اللي أوسكا قالها:
"غدا أول رمضان وتم إعلان ذلك في الصعيد حيث شوهد الهلال على سيارة إسعاف"



كل سنة وإنتوا طيبيين وعقبال كل سنة.

احنا بيودن عندنا الساعة 9.00

بيودن ازاى يا جاتى

ايه يا انيد انتي وصاكي اوسكا عليا و الا ايه
مهو بالمغربي بتتقال كده

كل سنة و اسرتنا طيبة ومتجمعة مع بعض علي سفرة الافطار
الشهية العامرة بالمحبة

ورمضان كريم علي الجميع ويجعله ربنا شهر مليء بالهدوء النفسي والسلام الجماعي
ويرفرف بروح التسامح علي الجميع


اسمعوا معايا اسطوانة زمان لسيد مكاوي وهو بيشدوا
باحب اغنية ليا ليلة شهر رمضان
بتفكرني بالطفولة والذكريات الجميلة

بالمناسبة امبارح كنت في ميدان الجامع بامانة كنت بتامل المحلات والفوانيس في الشارع
وزحمة الناس فيه حاجة السنة دي رجعتني مع ذكريات رمضان ايام الزمن البسيط
اللي مجمع الناس بحب ودون تكلفة وتفرقة

فري
حنستنى سفرة الفطار كل يوم في رمضان إوعي تنسينا

انتي تؤمري يا مصرية
علي راي المثل لقمة هنية تكفي مية

المهم تكون بهناوة

اسمعوا معايا اسطوانة زمان لسيد مكاوي وهو بيشدوا باحب اغنية ليا ليلة شهر رمضان بتفكرني بالطفولة والذكريات الجميلة

~~~ :#~€: :humer:


قصدك مكاوى عبد المطلب إبن عمه، مافيهاش حاجة

مصرية بجد سوري ما اخدتش بالي انك حطيتي نفس اليوتيوب سمعت الوصلات من غير ما اخد بالي من دي بالذات
مع انه طلعت عيني علشان القاه

في بيتها معلش


هشام ضحكت جدا ااااااا لما شفت تعليقك مش عارفة كانت دماغي فين ساعتها اوقات مخي بيهنج
بيحتاج اعمله ريستارت

عموما ما هم من نفس العيلة الرمضانية محمد سيد .طلب مكاوي

رهيييييييييييب انت مش بتفوت يا ربووووووونا

رمضان كريم ... كل عام وأنتم بخير

أعاده الله علينا بالصحة والسعادة .

اللهم تقبل منا صيامنا وقيامنا وصالح أعمالنا .

بعتذر عن التاخير بالتهنئة بالشهر الكريم .

كل سنة وانت طيب يا ادهم
وربنا يجعله شهر عامر بالخير والحب والسلام علي الجميع



ياريت تحكوا ذكريات رمضانية
اكيد كلنا عندنا ذكريات
رمضان كان للكل له طقوس خاصة جدا
اولا بابا كان لازم يشتريلنا تلات فوانيس
لاخواتي وليا ونتجمع مع ولاد الجيران علي بسطة السلم

سلالم العمارة زمان كانت لذيذة طالعة ونازلة سلالم يمين وشمال
كنا بنلعب بنات وبنين عليها


ونديها وحوي يا حوي

كل عام وانتم بخير وبصحة وعافية

صيام مقبول وقيام مقبول وافطار مقبول جعله الله شهر عبادةمقبولة من الجميع ..

اى واحد هيعمل فتة بالخل والتوم ومش هيعمل حسابى هبصله فيها

وانتى طيبة يافريده ..
وكل سنة وانتى والعائلة بخير وسعادة ..
ودايما منوره المنتدى.
انا فاكر فوانيس زمان وقد ايه كانت بتدخل الفرحة جوانا واحنا اطفال ..
طبعا فوانيس زمان كان ليها شكل مميز مالوش دخل بالفوانيس الصينى الحالية .
ومنساش لسعة الشمعة على صوابعى وانا بولعها واحطها جوه الفانوس..
بس كنت بستمتع بيها جدا وكانت ادراجى مليانه شمع وتفضل كده شهور لبعد رمضان.
ودايما فاكر جيرانا وقد ايه كنا بنسال على بعض فى رمضان بالذات كنا ذى عيلة واحدة.
حقيقى رمضان اختلف كتير عن زمان , لكن ذكرياته محفورة جوانا.
ده غير صوت المسحراتى للسحور .
وكان اكتر حاجة فاكرها كانت تتعبنى جدا لما الوالده الله يرحمها كانت تصحينى عشان اتسحر وماكانش يهون عليها اصوم تانى يوم بدون سحور وكانت تصر على انى اصحى وانا اصر على النوم وفى النهاية كلمتها هى اللى تمشى واقعد على السفرة نايم وممكن اوى احط الاكل فى اى مكان فى وجهى غير الفم اللى مش لاقيه .
وكنت اسمعها ذى الحلم تتوعدنى اذا ما اتسحرتش مش خليك تصوم بكره , وكان اصرارها سببه انى كنت ارفض افطر لاى سبب وكنت افضل الصيام مع الجميع . طريقة كانت عنيفه لطفل لكن امهاتنا كان عندهم حنان غير عادى ومش متخيلة انى اروح المدرسة بدون ما اتسحرولااكل ولاشرب وتفضل طول اليوم قلقانه لغاية ما ارجع من المدرسة , الله يرحمها ويرحم امهاتنا جميعا تحملوا الكثير عشان يربونا وكانوا ينبوع حنان لا ينضب.

كل سنة وانت طيب ياهرم ..
عشان خاطرك انا حخاصم الفته طول رمضان
وكمان مش حقربلها فى العيد
وانا اصلا ما بحبش الفته

ياريت تحكوا ذكريات رمضانية
اكيد كلنا عندنا ذكريات

احلى شهر رمضان مر عليا ..
كان فى يوليو سنة 1978 لأنه فى الوقت دا كانت مباريات كاس العالم بالأرجنتين ..
احلى كاس عالم فى التاريخ ..
وهو أول كاس عالم اتابعه .. وكانت المباريات بتيجى بالليل متأخر ..
فكانت سهرات رمضانية جميلة ..

بالإضافة إلى اضاءات الشوارع ..
ولعب الشباب الكورة بالليل انتظاراً للسحور ..
فكنت بسهر استنى الماتشات وعلى بال كنت اقعد فى البلكونة أشاهد مباريات الشارع ..