انسي الدنيا وريح بالك

ايه رايكم ننسي شوية همومنا مع ابتسامة معدية تترسم علي الوشوش وتزيل منه العبوس

يلا بينا نحدف بعض بالنكت

هبتدي احدفكم بنكتة يمكن تنفرج لها اساريركم

بمناسبة سيرة هو وهي اسمعوا الحتة دية

المدير :تعرف ان السكرتيرة بتاعتي شاطرة خالص ..بتديني 100 كلمة في الدقيقة؛

صاحبه رد عليه وقاله: وايه يعني انا مراتي بتديني 300 كلمة في الدقيقة

واحد ندل
عرف إن الأموات بيسمعوا وقف عند القبور وشغل أغنية الحياة حلوة ||3:

النكت كلها ع الانذال ؟؟

هم كتروا اليومين دول والا ايه ؟؟؟

مرة واحد راح يوكل محامى....... ‏لقاه صايم

واحد رمى يمين الطلاق على مراته ‏ماجاش فيها

كسلان دخل الامتحان وقع منه القلم .‏سلم الورقة

مرة واحد باع اللى وراه والى قدامه وا شترى اللى جنبه

ليه الخشب يتيم؟.......‏لأ نه مقطوع من شجرة

مرة 5 ‏دخلوا كلية الهندسة اثنين طلعوا مهندسين وثلاثة مدينة نصر

لية الصعيدي الصغير أذكي من الصعيدي الكبير؟...... لأنة
مابقالوشكتيرصعيدي

واحد بلديتنا كبر دماغه معرفش يخرجها من التيشرت

عربية كحيانة صاحبها سابها قدام بيت مهجور...‏ليه؟؟ ! ‏عاوزها تبقى
عربيةشبح

مره واحد عداه العيب اخد الي بعده

واحد خلقه ضاق اداه لأخوه الصغير

دبانة وقعت فى ازازة وسكى طلعت تقول اوعى النسر

واحد مشغول اتجوز واحدة مشغولة خلفوا ولد مش فاضلهم

‏مرة مدرس رياضيات خلف ولدين و استنتج التالت

واحدة اتجوزت واحد شخصيته مهزوزة . ‏ركبت له أريل

همبورجر وبيبسى و بطاطس بيجروا فى الشارع تفتكر ليه؟........ عشان وجبات
سريعة
واحده بلدياتنا قالت لجوزها قولى كلمه حلوه ، قال لها بسبوسه قالت له يا
اخى قولى كلمه تهزنى ، قال لها مرجيحه قالت له قولى كلمه احس فيها انى مراتك
قال لها انتى طالق

· مرة دكتور اسنان اشترى عود قصب لقاه مسوس حشاه

· خبير ارصاد جويه ... ‏اتجوز وخلف بنتين الكبرى 27 ‏والصغرى 13

صعيدي جزمته اتقطعت خيطهاوبعد أسبوع لقاها كويسه فك الخياطه

واحدة بتقول لحبيبها أهلي مسافرين والبيت فاضي قالها أقري قرآن ومتخفيش

محشش لقي كنز قال:كويس فاضل الخريطة!!

ولد بيسأل أبوه:هي الحمير بتتجوز؟ قاله :يا بني مبيتجوزش أصلاً غير
الحمير

مين أكثر إنسان صابر في الدنيا؟؟؟ صعيدي ينتظر إليسا علي قناة إقرأ

واحدة سودة قوي ركبها عفريت حاولوا يطلعوه قالهم نفسي أطلع بس مش شايف


واحدة بتقول لجوزها اطرد السواق كان حيموتني مرتين في حادثة قال
لهاخلينا نديه فرصة ثالثة ...


· صعيدي قال لأبوه: رخصة السواجة خلصت يابوي قاله:من لفك في الشوارع طول النهار يابن الدزمه

مسطول صدم شرطي وموته راح متصل بـ122 وقالهم:أحب أبلغكم إنكم بقيتوا
121

صعيدي قال لأبوه أنا عاوز موبايل قاللوا موافق بس تركب أخواتك معاك

· محشش بيسأل محشش التعلب بيولد ولا بيبيض قاله التعلب مكار توقع منه أي
حاجة

مرة واحد وقف تاكسي و قاله : ‏فاضي ياسطى ؟؟؟ قاله : ‏ايوه فاضي
‏قاله: ‏طيب.. تعالى اقعد معايا عالقهوة شوية !!

‏التلميذ : ‏بحبك يا أبله و عاوز أتجوزك.... ‏المدرسه: ‏بس أنا مبحبش
الأولاد الصغيرين...
‏التلميذ: ‏وأنا مش مستعجل على الأولاد .

ثلاثة مساطيل قاعدين في سهرة
الأول : ‏أنا عندي فلوس أشتري بيها أمريكا الشمالية
الثاني : ‏وأنا عندي فلوس أشتري بيها أمريكا الشمالية و الجنوبية
الثالث : ‏و مين قالكم إني رح أبيع

صعيدي ربح مليون خافوا يبلغوه يموت مصدوم .. قال العمده أنا أقوله.قال
يامحمدين لو ربحت مليون حتعمل بيهم إيه؟ قال:أديك نصهم ... مات العمدة !

كدة يا اوسكا
صوتى طلع وانا بقرا نكتك

ولاقيت الاولاد سا بوا المذاكرة ووافقين فوق دماغى
وكلة عمال يقرا ويضحك
وخلصنا وبدانا نحفظ علشان نقولها بكرة فى المدرسة

اوسكا حلوة اوي النكت

طيب بهزار كده علي الصعايدة وعلي فكرة نصي قبلي علي بحري
هكمل مع اوسكا

س: ليه الصعيدي دايما ماشي ومعاه قلم رصاص؟-
ج:عشان لو طلع عليه حرامي يهدده بالرصاص


-ليه الصعيدي معاه الشمسية بالليل؟
ج:عشان لو الشمس طلعت علي غفلة يبقي عامل حسابه

س: ليه الصعيدي بيحط جنبه قفص ؟
ج: علشان عصافير بطنه لو صوصت يحبسها

س:ليه الصعيدي كل ما يشوف جهاز تكييف يفكه ويرميه؟
ج:لان الدكتور قال له غير الجو

س: ليه الصعيدي بيحط جنبه معلقة؟
ج: عشان يقلب بيها افكاره

س: ليه الصعيد عمل رجيم؟
ج: علشان يرفَع من مستوي تفكيره

إمام بيخطب في المصلين:

أوصيكم خيرا بزوجاتكم ولنتفق أن يقبل كل منكم يد زوجته عندما يعود إلى منزله.

رد واحد: واللي مش متجوز يا سيدنا

رد الشيخ: يبقى يبوس إيده وش وضهر.

مرة مدرس رياضيات خلف ولدين و استنتج التالت

اسكسان دي مش فاهماها

ايه اخباركم يا صحبة حلوة حلوين ومبتسمين




بمناسبة الكمبيوتر هنقول شوية نكت بس من الشمال لليمين من باب التجديد :lol:

شوفوا تطور بتاع الروبابيكيا وتالوا نسمعه وهو بيقول




سي في وظيفي عنكبوتي للكمبيوتر



ياتري ايه كلمة السر لدخول الجنة



الغة المتطورة لمخاطبة الابناء



مدرسة من ايام ابا تااااا ثاااااااااا




حتي عالم البحار الانترنتي بقي زهقان طهقااان مضااااااايق


روميو وجوليييت وحواديتهم بلغة الكمبيتر

قرد وقع من على الشجره اصبح وضعه بين الحياه و الموز

ههههههههههههههههههههههههه
انتوا بجد مش ممكنين
بتجيبوا النكت دى منين

صعيدي راح أمريكا لقى الناس لابسين تي شيرتات مكتوب عليها بيبسى و كوكاكولا
لما رجع البلد كتب على التي شيرت بتاعه عصير جصب .

10 صعايده بيتعلمو ربط الكرافات، 6 ماتو و4 في حاله حرجه.

الصعايده فتحوا محل بيتزا سموه بيتزا هعععععععععع .

صعيدي أشترى تاكسي كل لما حد يقوله تاااكسي ، يقوله أيوه تاكسي ويمشي

صعيدي أتفرج على إعلان مارلبورو تانى يوم راح أشترى حصان

محامي مسطول واقف قدام القاضي بيقوله ياسيادة القاضي القانون ينص
ياربع ياثمن

مسطول ركب العربية بتاعته ملقاش الدركسيون ولا التابلوه ولا الفتيس راح عمل
بلاغ في القسم إن العربية أتسرقت بعد شويه أتصل بالقسم قالهم ألغوا البلاغ أصل
أنا كنت راكب ورا .

حلوة اوي يا لارنو القانون يا بنص يا ربع جنيه

ايه رايكم نواصل الابتسامة

مع نكت الكاريكتير

و نام و أرتاح..يأتيك النجاح


1) اجعل هدفك في الحياة هو الراحة والاسترخاء


2) حب سريرك فهو مملكتك الوحيدة


3) ارتاح بالنهار لتتمكن من النوم بسهولة في الليل


4) العمل شيء مقدس، لذلك لا تقترب منه أبداً


5) لا تؤجل عملك للغد طالما يمكنك تأجيله لبعد الغد


6) اعمل أقل ما يمكنك عمله، وحاول أن تجعل غيرك يؤدي عملك بدلاً منك


7) لا تقلق لن يموت أحد إذا لم تفعل شيئاً، بالعكس قد يتأذى البعض عندما تعمل


إذا أحسست بأن لديك رغبة في العمل، استرخي قليلاً حتى تزول تلك الرغبة


9) لا تنسى : العمل مفيد للصحة،لذلك اتركه دائماً للمرضى

ارتاح بالنهار لتتمكن من النوم بسهولة في الليل

||3: ||3: ||3:

سودانيين سودانيين يعنى

||3: ||3: ||3:
جامده جدا يا انيد الصور دى ...خصوصا بتاعة المدير و بتاعة الحكومه ||3:

فى السودانيين كانت عاجبانى اللى لارنو قالت عليها و دى كمان:
"إذا أحسست بأن لديك رغبة في العمل، استرخي قليلاً حتى تزول تلك الرغبة "

و خدوا عندكوا ..أهرام ..أخبار..جمهوريه

الأخبار السياسية
قرر السيد اللواء الوزير مدير الأمن المحافظ أمين الحزب أحمد عز الاتجاه إلى الثروة الزراعية وشراء كل محصول السبانخ من البلد واحتكاره.. وقد أقدم على هذه الخطوة بعد انتشار إشاعات مغرضة بأن السبانخ مليانه حديد
ـــــــــــــــــــــــــــــــــــــــــــــــــــــــــــ

بعد أن تزوج السيد اللواء الوزير مدير الأمن المحافظ أمين الحزب الملياردير أحمد عز بالسيدة صاحبة المليارات وعضوة مجلس الشعب شاهيناز النجار فيما عرف بزواج (المال والسلطة) مع (المال والسلطة).. قرر عم فتحى البواب الزواج من (أم عبده بتاعة اللبن .. فيما عرف بزواج ( الفقر والهمّ) مع (الفقر والغــمّ
ــــــــــــــــــــــــــــــــــ
قررت الحكومة بعد انتشار ظاهرة التعذيب في السجون أن تقوم بجلد وصعق وضرب وسحل مواطن مسلم.. وفى الزنزانة المجاورة نفس الأفعال مع مواطن مسيحى.. تطبيقا لشعار ثورة سعد زغلول..
يموت الهلال مع الصليب
ـــــــــــــــــــــــــــــــــــــــــــــــــــــــــــــــ

بعد إلغاء دعم الخبز وغلاء السكر والأرز والزيت والسمن وباقى ضروريات المعيشة قررت الحكومة استيراد أحبال جيدة الصنع تصلح للشنق،مع استيراد أطنان من سم الفئران. وهذا لزيادة الطلب على الأصناف المذكورة!!على أن يكون مكتوبا على كل حبل وعلى كل علبة سم.... الحكومة تضر بالصحة وتسبب الوفاة
ــــــــــــــــــــــــــــــــــــــــ
قررت وزارات التعليم والتضامن الاجتماعى والداخلية والرى التنسيق فيما بينهم.. حيث يذهب الفرد للتعلم في وزارات التربية والتعليم والتعليم العالى.. ثم يتخرج فيشحت فيذهب إلى وزارة التضامن الاجتماعى.. وعندما يواجه البطالة يتحول إلى إرهابى فتتلقفه وزارة الداخلية..وعندما يتم تظبيطه جوه أمن الدولة يخرج عشان يشرب من البحر عند وزارة الرى


الأخبار الفنية

منقول - بتصرف -عن مدونة أخف دم : أشرف توفيق






أدهم صبرى ضابط مخابرات مصرى جامد، داخل ع الستين من عمره، يرمز له بالرمز ب-516 ، حرف الباء يعنى أنه من بولاق، أما الرقم 516 فده رقم الأتوبيس اللى بيركبه عشان يوصل محطة البحوث ومنها يوصل لرمسيس يغير المترو عشان ينزل محطة القبة بتاعة المخابرات. هذا لأن أدهم رجل من نوع خاص حيث أنه يجيد قيادة كل أنواع المواصلات من الطائرات والغواصات والسوبرجيت حتى التوك توك، ويجيد استخدام جميع أنواع الأسلحة من المسدس وبمب العيد حتى القنابل النووية والهيدروجينية، ويجيد 66 لغة بالصلاة ع النبى وفيه لغتين اتعلمهم وهوه نايم، ويجيد جميع أنواع التنكر، وجميع أنواع القتال والألعاب من التايكوندو وحتى عريس وعروسة.
لقد أجمع الكل، وأنا منهم، على أنه من المستحيل - وربنا - أن يجيد رجل واحد فى عمر جدى كل هذه المهارات ولذلك استحق هذا اللقب .. رجل المستحيل

*************
المغامرة رقم 65468
اختطاف محسن


ازاى الكلام ده؟؟
جلس مدير المخابرات الجديد على مكتبه وهو يتذكر ماحدث حتى الآن فى هذا الأمر الصعب الذى تمر به مصر وما حدث من أدهم (لمزيد من التفاصيل راجع العدد السابق65467 الجزء التاسع من المغامرة بعنوان "قال عايزين يخطفوا محسن") وبعد قليل طرق أدهم الباب فأذن له بالدخول واستنشق بعض الأكسجين من الهواء (فالإنسان لابد أن يستنشق الأكسجين-حقيقة علمية) وقال لأدهم: الأمر اتأزم جدا يا ب-516، نص محافظات مصر مش لاقية تشرب مية والناس خرجت بالجراكن وعاملين ثورة اسمها ثورة الخراطيم، كل واحد جاى بالخرطوم وهيقطعنا.. والقيادة العليا بتشك فى إن ده ملعوب من المخابرات المعادية الإسـ...(لا لا مش الإسرائيلية) وكمان التقارير بتقول ان سونيا جراهام هنا
يغضب أدهم ويقول: يبقى جه الوقت اللى هاقدر آخد ابنى الرضيع منها، يرد المدير رضيع إيه يا أدهم؟؟ ابنك زمانه قدى دلوقتى .. دانت سايبه فى العدد 100، وبعدين هما عملوا حاجة عشان انت اللى تقوم بالعملية تحديدا.. يرد أدهم عااااارف عاااارف .. أكيد خطفوا قدرى .. يافندم الراجل ده اتخطف أكتر ما زور جوازات . يرد المدير دى تذكرة الطيارة اللى هتسافر للمنصورة بعد 3 ثوانى عشان مفيش مية هناك فى نص المراكز.. الحق غير هدومك وزور قرايبك ع السريع والحق الطيارة.. أخذ أدهم التذاكر وهو ينظر إليه جامد
جامد
جامد
جامد
************
!!ينفع كده؟
هبط أدهم من الطائرة فى المنصورة متنكرا فى شكل طفل فى رابعة إبتدائى وأشار إلى توك توك وهو يلاحظ السيارات التى تراقبه وفهم فورا بذكائه ازاى العصابة عرفته رغم التنكر فقد أخطأ وقال لسواق التاكسى "أحلى صباح" فعرفوا علطول انه أدهم عشان قال حرفين الألف والصاد المشهور بيهم.. المهم رمى أدهم سواق التوك توك وتسلم مقعد القيادة وتذكر كيف أن أباه فى الخمسينيات قد علمه كيف يقود التوك توك عشان يبقى أحسن ظابط مخابرات، انحرف أدهم فى حتة ضلمة وانحرفت العصابة وظهر أدهم للعصابة فخرج من السيارة 100 شخص مسلحين ولكن أدهم أخرج مسدسه أبو 6 طلقات وضرب رشاشاتهم كلهم من غير ما يجرح واحد فيهم وبعدين للأسف المسدس معدش فيه رصاص ولكن أدهم رجل المواقف الصعبة دور الضرب فى الرجالة .. ففقد 65 واحد الوعى ولكن التانين فهموا الخدعة فعملوا دايرة حول أدهم ولكن أدهم طار فى الجو ونزل عليهم كلهم .. وفى لحظة وصلت إمدادات العدو كمان200 واحد .. ولكن أدهم ضربهم كلهم برضه ووصلت الإمدادات التانية حوالى 500 واحد كمان ولكن الكثرة تغلب الشجاعة .. يعنى حوالى 800 واحد على واحد كتير برضه
وفقد أدهم الوعى أمام عدوه اللدود
الفظيع
الشنيع
المريع
************
والله ما يحصل
أفاق أدهم فوجد نفسه فى مخزن وبجانبه المحروس قدرى كالعادة مربوط.. وأمامهما سونيا جراهام ست زى القمر فقال لها أدهم: إيه الحلاوة دى يا سونيا؟؟ انت كل ما تكبرى تحلوى؟؟ ترد سونيا مش أحسن منك ياللى مش بتكبر أصلا!! يتمتم أدهم: ياللنسااااء
ويسألها: ليه انتوا قطعتوا المية عن نص البلد والناس مش لاقية تشرب وبتشرب مية المجارى والناس مش عارفه تغسل وبيغسلوا هدومهم فى الترعة؟؟
تقول سونيا عشان الشعب يفتكر ظلما ان الحكومة بتاعتكم هيه اللى عاملة كده؟
أدهم بفضول: يعنى بجد والله الحكومة مالهاش ذنب؟
ترد سونيا : لا طبعا .. حكومتكم أحسن حكومة دلوقتى .. الشباب كلهم بيشتغلوا.. الجنيه بقى أغلى م الدولار .. الأسعار نزلت.. الانترنت بقى ببلاش فى البيوت.. ما فيش حاجة بتتباع فى البلد.. بنك القاهرة ما اتباعش ولا عمر افندى.. الفضيلة انتشرت فى البلد ولغوا كل القنوات اللى بتتحدى الملل.. المية واصلة للبلد كلها والمواسير بقالها 200 سنة عشان المحافظة ع التراث.. انتوا اللى شعب غلباوى
غلباوى
غلباوى
************
ما تلمى نفسك بقى
قطع أدهم قيوده فجأة وماتسألش ازاى (آه نسينا نقول فى المقدمة انه يجيد التخلص من كل القيود فى الدنيا) وصفع سونيا جامد يعنى ولكن الحارس جه من وراه وضربه ولكن منى (اللى أصلا عندها كام وخمسين سنة) جت فجأة مش عارفين منين وضربت الحارس من وراه وأنقذت الموقف .. نظر أدهم فى عين منى وقال لها: تتجوزينى؟؟ ترد منى فى حياء: ماينفعش يا أدهم عشان أنا جسمى كله واوا .. يغضب أدهم ويخرج من المكان بعد أن حرر قدرى وهو يغنى: ليك الواوا.. بوس الواوا.. خللى الواوا يصح
وهو فى الطريق ينحرف الجميع إلى أقرب بيت ويطلب منه أدهم بعض الماء للشرب.. ولكن صاحب البيت الحاج بيومى يخرج بمقشة هو وعياله ويحتجزون أدهم ورفاقه وهو يصرخ: زى ما العصابة خطفت محسن ابنى، أنا كمان هاخطفكم، وبعدين انتوا جايين تطلبوا مية ؟؟ هوه فيه مية فى البلد ياولاد الـ...
يا ولاد الـ...
يا ولاد الـ...
يا ولاد الـ...

انتهى الجزء التاسع
العدد القادم

(لسة خاطفين محسن)
كيف يخرج أدهم ورفاقه من بيت الحاج بيومى؟
كيف يستطيع أدهم بعد كل هذه الصعاب أن يحصل على كوب مية عشان يشرب؟
هل يستطيع أدهم أن يحرر محسن ابن الحاج بيومى وللا هيسيبه يتحرق؟
هل يستطيع أدهم أن يوضح الموقف للرأى العام وهو أن حكومتنا زى الفل ودايما الغلط على الأعداء؟
سيب اللى ف إيدك .. وقاتل بإيدك ورجلك وكبدك مع رجل المستحيل

حادثة رهيبة شنيعة حدثت للمطرب المحبوب تامر حسنى.. حيث اكتشف بمحض الصدفة غياب شعرة من شعر صدره.. وقد أجَّل الفنان المحبوب تصوير بوستر الألبوم القادم إلى أن يتم العثور على شعرته المحبوبة بعد أن قرر التجديد والتطوير في البوستر بحيث أن تكون صورة البوستر عبارة عن شعر صدره بس من غير وِشُّه

جامدة جدا دى يا سيسامى ... دايما كنت مسمياه غوريلا الطرب