ابحث مع الشرطة !!!

ابحث مع الشرطة ...



محدش يعرف الناس دي راحت فين ؟؟؟

هشام !!! منقطع عن المنتدى منقطع عن المنتدى وغير متواجد على الماسنجر ولاعلى أي قهوة ولا ناصية شارع !!!!

جاتيتا ... منقطعة عن المنتدى برضة من زماااان والغريب ان الاتنين دول في أسبانيا !!! حصل حاجة هناك يا جماعة وأنا معرفش ؟؟؟

أوسكاسان ... منقطع عن المنتدى وشوهد آخر مرة تحت أكوام من الكتب والكراريس وغرقان في التجليد ومش عارفين خلص والا لسة !!!

فريتااا ... طبعا غطسانه مع حفيدها ماهو أعز الولد ... دة غير رحلاتها المكوكية في كل بلد شوية ( شوية قر ع الماشي ) !!!

بثينة ... منقطعة عن المنتدى من قبل رمضان على ما أتذكر من ساعة هشام ما قتل سارة بطلة القصة وناس بيقولوا أنهم شافوها قاعدة مع سارة في المستشفى بتقوم معاها بالواجب عشان نقدر نكمل القصة !!!

سمسمة ... دي تبع بثينة ولو لقيتو بثينه هتلاقو سمسمة

دولفين سمايل ... كل مرة تقب ونقول أهي دولفين قبت ... نلاقيها غطست تاني ...

د. أدهم ... كان بيكتب لوحده في شهر رمضان وشكله كدة زهق وعزّل لما لقي المنتدى بينش

الهرم ... بيكتب جملة ويجري محدش عارف بيروح يختفي فين ؟؟؟

سمارت ... فيه إشاعات بتقول إن أوسكا ورّطُه في تجليد الكراريس معاه ومن ساعتها وهوه مش عارف يهرب منه

مواضيع ... لارنو ... أيمووون ... سيسامي ... أنيد ... الخ ...
باختصار يا جماعة عشان أنا كدة هكتب أسماء الأعضاء كلهم لأن كلهم متغيبين عن الحضور من فترة طويلة ...

باختصار أي حد معاه تليفون أي حد يكلمه ويجيبه معاه ويكتبوا سوا في المنتدى وبكدة كلنا نرجع نكتب في المنتدى ويرجع منتدى لذيذ وظريف ولطيف

سمسمية كعب الغزال .....انا هيني ظهرت أول ما شفت الشرطي بِيدَوِّر عليَّ في حواري أمريكا حاولت أشوف العم المنوفي سمعت أُشاعة إنه خايف يكتب لحسن يتعب أما الباقي إسألي إيمي هي تعرف أكتر

الحمد الله لسه ناس واخدين بالهم من المنتدى وبيراعوه
كلنا كلنا انفطعنا عن المنتدى كل فتره واحد فينا يكون مضايق جدا يفتح المنتدى ويبص فيه بصه ويقول بعده طيب والله ما انا كاتب

فى نفس الوقت اللى يكون فى واحد تانى مقبل على الحياة سمع له خبر فرحة شوية يروح يكتب ويمسك له كام موضوع يحاول


جاهداّ تنشيط المنتدى لكن للاسف الخبر اللى فرحة يخرب مثلاّ او خلاص بقى خبر عادى ودمه تقل بإختصار

فى حالة عامة من الزعل والزهق اصابت الجميع ومش عارفين نخرج منها كانها دوامة والغربية ان كلنا منتشرين فى كل الاجواء يعنى العيب كده مش فى المكان اللى إحنا موجودين فيه ، لكن هو فى شيئ خلانا نحس بالغربة،

بالنسبة لاعضاء انا بشوف كل يوم تقريبا جاتى بتفتح الهوت ميل بتعها وكمان لارنو وكمان سمارت موجودين باستمرار عليه يعنى هما وأيدهم اللى بتفتح الماسنجر بخير والحمد الله

اما هشام فهو ديما متواجد على الفيس بوك لكن من غير ما يرد على حد ولا يكلم حد انا افتكرت انى ضايقته فى حاجة ( مع انى طيبه وعمرى ما زعلته بتاتا بتاتاّ ) والله وبعت

له رسايل على الفيس بوك لكن مش بيرد عليها

د. ادهم الحمد الله هو بخير وتمام التمام وكمان بيقضى عيد ميلاده فى شوارع مصر المحروسة بس هو الظاهر مخاصم المنتدى

لان فعلا هو كان بيكتب فى المنتدى لوحده فى رمضان بس والله يا د. انا متابعه كل مواضيعك وكمان رديت على موضوع

تخاريف ياريت تشوف الرد وتقولى رايك ايه

اما سيسامى فانا معرفش فعلا اى اخبار عنها ولا فريدة

ويا ست مواضيع انت اصلاّ

ديما مختفيه بتهلى علينا كده زى القمر وبعدين يختفى

أيمون دخل على القصر وهومتحمس جدا للكتابه وبعدين الحماس راح فى خبر كان

اما عروستنا قمر بتكون موجوده على الفيس بوك يعنى ملهاش حجه انها متكنش موجوده فى المنتدى

يمكن المنتدى بيطلب مجهود اكبر فى التواجد عشان كده بيكون الكتابه فيه عايزة بال رايق بعكس الفيس بوك فممكن مؤقتا لحد ما

ينتعش المنتدى من اول وجديد نتشارك فيه بيوتيوب عجبنا او مقوله بسيطه لفتت نظرنا يعنى نخلى فيه الكتابه بصورة خفيفة جدا ده

بس لو العضو يدخل يعمل مجرد لوجو من الاشكال والوجوه المضحكه يكون كفايه فعلا لحد بس ما ازمة الغربة اللى مضيقانا تبعد

عننا بجد انا كان حالى اسعد من كده لما كنت فى الفترة اللى فاتت متواجده يويما على صفحات المنتدى كنت بحس فعلا بالسعادة

احيانا كتير دلوقتى بفتح الكمبيوتر بكون مضايقه جدا ومش متلهفه انى افتح المنتدى لانى متوقعه ميكنش فى اى جديد وبفرح جدا

اول ما اشوف اى اسم فيكم كان غايب من زمان ورجع زى بالظبط مواضيع اول ما لاقيت اسمك فى تهنئتك لد. ادهم فرحت جدا

أنا طولت جدا عليكم وحاسه انى واقفه على شاطئ البحر بس دمه تقيل لعدم وجود حركة وناس رايحه وجايه

طيب مفيش اى حاجه فريسكا طيب ولا لب طيب كرسى بلاستك وشميه يا جماعه

انا عندى اقتراح ظريف لطيف خفيف ايه رايكم نعمل جروب على الفيس بوك يعنى اللى اسمه مش مضاف عند التانى على الفيس بوك لا يضيف ويبقى كده كلنا موجودين مع بعض وممكن الكتابه بتعتنا على الفيس بوك ناخد اللينك الخاص بها ونضيفه هنا فى المنتدى بصفه يوميا ونسمى الصفحة مثلا على صفحات الفيس بوك او اى جمله تدل على ان ده مشاركتنا فى الفيس بوك يعنى كانه فرع جديد من فروع شركتنا شركة منتدى مصريات

أهي مواضيع ظهرت ... الحمد لله

الظاهر العسكري بتاعنا قايم بواجبه كويس و دي أول البشاير ..

عقبال الباقي

انا اهو بس الشغل وبعدها جت شوية تعب كده الحمدلله انا موجود.