يوميات بلا حدود..

وحشتوني يا صحبة حلوة بجد بجد بجد جدااااااااااااااااا جداااااااااا جداااااااااااااا

اختي سكينة الشهيرة بجاتي بجد وحشتيني مووووووووووت واسفة بجد اني خليتك تستنيني علي ضوء القمر
بليز اشرحيلي ازاي وصلتك ماسيج سمارت
ومش بتوصلك مني. .هو انتي غيرتي نمرتك

ممكن احكي باختصار حكايتي وسبب غيابي وانقطاعي الفترة اللي فاتت حد يقولي لا طولي شوية وادوشينا .
ياتري ابتدي منين الحكاية اه افتكرت من ايام مرض جدتي الحقيقة كانت فترة مرضها طويلة
وكنت تقريبا يوميا مع ماما وخالتي من الصبح لبليل ..ومرت الايام الحقيقة كانت صعب لانه كان موت بطيء
واحنا بنتابعه مرحلة بعد مرحلة...
وبعد وفاة جدتي كنت برضه يوميا مع ماما وخلاتي ..وبعد الاربعين ماما رجعت بيتها
بعد غياب سنين بسبب رعايتها لجدتي ..وكان طبيعي اكون معاها ..فكانت فترة معايا وانا عندها ..

ومرت الايام وفي يوم من شهر يولية الساعة 7 الصبح لقيت صوت كريم علي الموبايل بيقول
ماما اتقلبت بيا العربية .مش هوصف اللحظة دي مرت عليا ازاي لغاية ما ابتديت افوق واساله عن حالته
طمني انه بخير لكن العربية اتقلبت بيه اكتر من مرة وفيها دم ..سالته طيب انت فين قالي انه علي ونش وفي طريقه للقاهرة
هو كان راجع من الساحل الشمالي ...والحمدلله مراته وابنه كانوا لسة هناك...
طبعا كنت علي اتصال بيه كل شوية واول مرة اشوف كريم بيبكي بالشكل ده عادة هو شخصية تقيلة متحبش تظهر مشاعرها
رحنا المستشفي طلع عنده كدمات بسيطة وطبعا دوخة شوية ..
بس فعلا كنت كل شوية اعيط واشكر ربنا علي حنيته معاها خصوصا ان شهر يويليو تقيل علي قلبي
لان ابني التاني انتقل فيه...فطلع عليا اقول لاي حد يكلمني ربنا كان حنين عليا مكانش هيبقي عندي اولاد
كانت فترة صعب اوي عليا خصوصا بعد الحادثة بكام يوم كنت عند بنت عم كريم وقابلني شخص وقاللي حمدلله علي سلامة كريم
مفيش يومين وسمعت ان اخوه مات في نفس سن كريم وبنفس طريقة حادثتة
انا معرفش الشاب اللي اتوفي لكن اصريت احضر جنازته ..مش هوصف شعوري وانا شايفة الصندوق
بقي عندي لخبطة بينه وبين كريم اد كده نفسيتي كانت مدمرة وحطيت نفسي مكان الاهل..كان ممكن اكون انا في نفس الموقف..
خصوصا اني قريت بعد كده في اخبار اليوم نفس حادثة كريم حصلت بنفس التفاصيل لمهندس واسرته
اتقلبت العربية بسبب حجر محطوط عن عمد علي الطريق وفي خمس دقائق الونش عرض خدماته وطبعا بيطلب مبلغ والظرف هيخلي الشخص يدفع
من غير اعتراض ...واللي بيموت بيتسرق وده حصل مع الشخص الي اتوفي وده سمعته من اهله
وللاسف سمعت عن حوادث كتير علي طريق الساحل الشمالي بنفس الطريقة..ضميرناس كتير مات

المهم فضلت فترة تعبانة جدا وسافرت فرنسا ورجعت لقيت كريم خاسس اوي واكتشف ان جاله السكر والضغط وكوليسترول عالي
اكيد اضايقت بس شكرت ربنا ان ابني بخير ..اي حاجة تانية مقدور عليها ...

ويمكن بسبب نفسيتي حسيت اني معنديش حاجة اكتبها وحسيت مش عارفة اكتب ولا اتواصل مع الناس
وكنت حتي بقول لمصرية مش قادرة اكتب خالص ..وخليني بعيدة عن المنتديات

لما سافرت المانيا والشخص العربي اللي في الرستوران رحب بالشخصيات العربية اللي معانا وقال الا مصر
حسيت انفجر جوايا غضب وحسيت اني عايزة اترجم غضبي باني اكتب في حب مصر
وطبعا احداث ماتش مصر والجزائر كملت عليا

دي حكايتي يا صحبة حلوة من طقطق لحد اللحظة دي

بس اقولكم حاجة وانا بكتب حسيت اني قاعدة فعلا في بيتنا بنشرب الشاي وبنحكي



وحشتوني كلكم اسم اسم

ممكن احكي باختصار حكايتي وسبب غيابي وانقطاعي الفترة اللي فاتت حد يقولي لا طولي شوية وادوشينا

أنا مفتكرش ان فيه حد كتب وقال ..
أنه عاوز يسمع حكايتك ..

بس ألف سلامة عليكى وعلى كريم ..
يلا كلمتين حلوين أهه ببلاش ..
ووردة كمان .. يلاااااااااااااا.. ان شالله ماحد حوش ..

فروتوس.. الف حمد الله عليكى و على كريم و لربنا يحفظنا و أهالينا من اللى بيحصل على الطرق دلوقتى

للأسف مصر من أعلى الدول فى حوادث الطرق !

المهم الحمد لله ان الكل بخير و رجعو يكتبوا تانى عقبال الباقى

الله يرحم كل اللى راحوا يا فريدة، ويصبر كل اللى بيعانوا، ويسترها مع الباقى.

المهم إنك رجعتي ..
ولو سمارت ضايقك، ابطحيه بطوبة محبة تجيب أجله


سيسامى .. إنت الوحيدة اللى علقتي على الألوان الجديدة للمنتدى .. فخدي شمي

جاتيتونا .. أجاجافأجع.

فرفر حبيبتي مش حتعب من قول وحشتيني لانك متعرفيش وحشتيني قد ايه

المهم حمد الله على سلامة كريم

ربنا يستر من حوادث السير

لما كنت بقرا كلماتك حسيت كاني عشت معاكي كل لحظة من اللي عشيتيها




سيسامي ازيك و ايه اخبارك



وحشتيني

هوشام ايه جاجافاجع دي



يعني ايه

أجى أقف أقع ... بالجيزاوى

صباح الورد للجميع , وان شاء الله يوم سعيد للكل ...
حمدلله على سلامة كريم يافريدة , وربنا يحفظ الجميع من حوادث الطريق اللى فى زيادة مستمرة .
مفاتيح التحكم فى حجم الخط ولونه وغيرها مش شغالة عندى معرفش ده عندى بس والا عند الكل .
جملة اججافجع فكرتنى بجملة تانية ( اللى يفندر يفندر من ديبه )
يظهر ان الجماعة بتوع الارصاد دول اى كلام ..
بعتوا رسايل على الموبيلات يحذروا من ثلاث ايام طحن , وحتكون امطار وسيول ورياح وحتبدأ من امس الجمعة , والحمدلله ماحصلش حاجة من امبارح والجو صحو .
امبارح سمعت نكته ظريفة ..
واحد ركب عربية ليموزين ولاحظ ان فيها ريحة كريهه جدا, سأل السواق :انت عربيتك كام حصان ؟ رد عليه السواق: 20 حصان . قال له : يظهر حصان منهم مات .
والى فنجان القهوة اللذيذ .. تحياتى

صباح الخير يا دوك ..
بصراحة ما جربتش أزرار التحكم ..حأجربها معاك دلوقت .. وربنا يستر


تجربة نوع الخط (الفونت) .. Arial Black

تجربة نوع الخط (الفونت) .. Andalus

تجربة لون الخط .. أحمر

تجربة لون الخط .. برتقالى

تجربة حجم الخط .. كبير جداً

تجربة حجم الخط .. صغير

تجربة خظ عريض

تجربة خط مائل

تجربة نص مسطر

تجربة نص مضروب بخط

هيـــــــــــــــــــــــــــه ... شغالين

المشكلة من عندك يا دوكتور .. حاول تمسح الكوكيز وجرب .. غالباً ده بيظبط المسائل.

كده تبقى المشكلة عندى انا

حجرب الطريقة اللى قلت عليها

شكرا هشام

ازيكوا ياااااااااااا صحبة حلوة بجدغصب عني لما بتاخر عليكم كان شادي عندي
وبالعند فيك يا سمارت هتسمع اللي حصللي بالعافية

سمارت ..جاتي.. سيسامي..هشام.. ادهم الله يسلمكم وربنا يحفظكم منشر المستخبي

اسمعوا اخر اخباري..بقالي كذا يوم بوضب البيت بزينة الكريسماس
وفجاة اول امبارح لقيت زي شعرة مضايقاني عند عيني جيت اشيلها لقيت مفيش شعرة
واكتشفت ان عيني فيها حاجة رايحةجاية معايا..وزي برقة علي جنب العين
المهم فضلت امبارح مضايقاني وانا عايزة ازوغ مش عايزة اروح اكشف
ياسمين النهاردة عاملتني معاملة الاطفال وقالتلي عايزة تكشف واخدتني اكشف
للاسف طلع عندي فيه ضعف في طرف شبكيةالعين خروم مش فاهمة اوي يعني
لكن المهم بكرة الساعة 2 الضهرهيعملي ليزر علشان يلحق قبل ما تحصلي مشكلة بعد كده
ادعولي لاني عيلة اوي في الحاجات دي

يسعد نهاركم وهبقي احكيلكم اخباري بس يارب بكرة يعدي مليش نفس خالص

صباح الخير .. ويوم سعيد للكل

سلامتك يافريده ..

لما قريت الاعراض اللى كتبتيها تخيلت انها اعراض لمرض الذبابة الطائرة ودى بتكون ذى نقطة سوداء بتتحرك مع حركة العين , ودى مافيهاش خطورة وناس كتير بتشعر بيها , لكن المهم فى الموضوع انها مالهاش علاقة بالشبكية والموضوع بيكون ذى رواسب او شوائب فى السائل الزجاجى اللى داخل العين .
اما موضوعك فده بيحصل اكتر لمرضى السكر وبيكون السبب فى الشبكية فعلا, ومش عارف اذا كنتى بتشتكى من مرض السكر والا لا.
عموما .. اطمنى جدا الموضوع مش خطير وبيتعالج بالليزر وبتنتهى مشكلتك فورا .
الف سلامة ليكى ولعيونك .. وان شاء الله ماتكونش عين قوية ومدوره حسدتك .
ابقى البسى خرزة زرقاء

تحياتى

للاسف طلع عندي فيه ضعف في طرف شبكيةالعين خروم مش فاهمة اوي يعني

سلامتك يا فريدة..
الليزر سهل كل حاجة..


ماهو طول مانتى زملكاوية يا فريدة ..
يبقى أكيد ح تكون الشبكية عندك مخرومة..
عشان عبد الواحد وعبد المنصف هم اللى بيحرسوها ..
وأكيد العدد في اللمون..

صباح الفل


اليوم الجو صحو ..

قريت خبر ظريف بيقول ( النساء اكثر سعادة من الرجال )

الخبر من استراليا من صحيفة هيرالد صن التى نشرت مقال للدكتور روجر باتولنى من جامعة نيو ساوث ويلز يقول .. ان النساء اكثر سعادة من الرجال بحوالى 15 دقيقة فى اليوم .
وان الرجال يعيشون وقتا اكثر سلبية من النساء خلال يومهم .
وقام بحساب الاوقات السعيدة والتعيسة اليومية , فوجد ان الرجال يستمتعون 10 دقائق اقل من النساء فى اليوم الواحد ويمضون بمعدل 6 دقائق فى اوضاع يمقتونها , وان الرجال يمضون 50 دقيقة غير ممتعة يوميا خلال عملهم المدفوع الاجر ويتحملون وقتا اكثر سوءا من النساء خلال فترة العمل المدفوع الاجر .
وختم الدكتور باتولنى مقاله بقوله ( تبدو النساء اكثر سعادة ورضا عن الحياة بشكل عام )

ياترى الموضوع ده ماشى مع الستات فى مصر برضه , وهل الستات فى مصر اكثر سعادة من الرجال؟

واذا كانوا سعداء .. بينكدوا على الرجال ليه

دنيا حظوظ

تطالب مجموعة من الأزواج الهنود الذين سئموا مضايقات زوجاتهم بتشكيل جمعية لحماية حقوق الرجال لدراسة مظالمهم. وارتدى الرجال الذين يقولون انه نالهم ما يكفيهم من زوجاتهم "اللحوحات" ملابس العرس التقليدية وجابوا أنحاء مدينة لوكناو الشمالية للمطالبة بتشكيل لجنة وطنية للرجال. وقال سوبهاش دوبي الطبيب الذي يصف نفسه بأنه الزوج الضحية: "نطالب بحقوق متساوية. نريد أحدا يستمع الى مصائب الرجال".

وفي مصر عملوا جمعية للرجال المخلوعين!!

مساء الفل و الياسمين على كل الناس الحلوين

جبتلكو محلول سحري انما ايه

يخليكو لازقين دايما في المنتدى




هوشام الكلام ده مبفهموش متتكلم بربري احسن

فرفر يا ريا يا حلوة الليزر دي خاجة سهلة خالص انا من و انا صغيرة و هما بيغملولي الليزر ده لان الشبكة فيها مخاريم و بيلزقوه بالليزر


بس مش حاجة صعبة يعني المهم انك تلزقيه لان لو سبتيه ممكن يكون خطير و يودي لحاجات اصعب

المهم حمد الله عالسلامة

و اي حاجة احكيهلنا

عصبا عن عين الواد اللي اسمه سمارت

قال سمارت قال

سمارت منين يا ابني

اادهم باشا انت ساكن في استراليا

العسلات احلى من الخناشير و لازم يكونو سعداء اكثر منهم

اولد مان يا قهلا و سهلا و مرحبا و دندا نورت المطرح

هما الرجالة في مصر بيعرفو متجوزين مع مين

سلامة عينيك يا فرافيرو .. إن شالله عينين الناس الوحشة


أدهم وأولد مان وسمارت .. عقدتونى
كده خلاص حأفكر جدياً إنى ما أفكرش تانى فى الجواز


أكلمك بربرى يا جاتيتا؟؟؟ وماله .. ليه لأ .. خدى عندك:
قم .. إد
وأى خدمة

هما الرجالة في مصر بيعرفو متجوزين مع مين

وحياتكم حد فيكم فاهم الجملة دى؟

Hesham

أكلمك بربرى يا جاتيتا؟؟؟ وماله .. ليه لأ .. خدى عندك:
قم .. إد
وأى خدمة

بد مش اد

روح اترمذذ امزوار

Smart كتب:

هما الرجالة في مصر بيعرفو متجوزين مع مين

وحياتكم حد فيكم فاهم الجملة دى؟

هو ايه اللي مش فاهمه هو انا اللي مش فاهماك


المهم


صبح الفل على الجميغ




اشربو المحلول الصباحي ده حيخليكو لازقين زيي القملة في شعر زعاليطو

صباااااااااااااااااااااااااااااااح الخير علي احلي صحبة حلوة


سمارت الاهلاااااااااااااااااااوي حسام حسن هيقوم بالواجب معاكم

سوري اني اتاخرت في الرد عليكم بس عيني كانت شوية مضايقاني ومازالت بس كمان كان كليوم فيه ناس
مش عارفة ادخل اكتب
معايا النسكافيه مين يقول اناااااااااا



بجد مرسي جدا علي تشجيعكم الجامد والمتين واللي اصبح نادر في هذا الزمان
طبعا يا سمارت ربنا سترها معايا علشان انا زمالكاوية وقلبي ابيض فحنن قلب ياسمين وعاملتني زي شادي واخدتني للدكتور بسرعة

الحقيقة يا ادهم معنديش سكر والدبانة اصلا انا مصحباها من ايام الجامعة بتزورني كتير
بس ده حاجة جديدة حصلت فجاة يوم الخميس وبصراحة مش عارفة سببها
لكن اشكر ربنا الدكتور عمل الليزر في خمس دقائق كانه بيلحم كاوتش عربية
وقاللي بعد ما خلص حمدلله علي السلامة مفيش موانع ..بس هيفضل النور والخيال لفترة وبعدين هيروح
بس احساس دمه تقيل كل شوية احس حد بيعدي من جنبي او نور بيولع فجاة ...كل شوية اهش الهوا

هشام مرسي الله يسلمك .زيا عدساوي انا لا اؤمن بالعين الوحشة ولا الحسد لان عارفة الي من نصيبي هيصيبني
بتعايش مع اي ظرف طاريء ..ومتسالنيش مين طاريييييييييييييء معرفوش

نهارك سعيد يا اولد مان لازم الستات عينهم تكون حمراء زيي... فلا للمساواة

سيسامي الرقيقة مرسي علي الماسيج بجد اوييييييييييييي


سكينة اختي اللذيذة بجد ضحكت وانا بقرا الخروم اي بيلزقوها ..اصلا استغربت والدكتور بيقول
كانها قص ولزق ..في تقدم رهيب في علاج العيون بجد
سلامة عيونك يا احلي سكينة في الدنيا



وعلي فكرة يا جاتي انا هلزق في المنتدي بس هقوم دلوقت شوية مرات اخويا كلمتني جاية شوية

بس استنوني راجعة

صباح الفل ...


( لان الشبكة فيها مخاريم و بيلزقوه بالليزر )

جاتيتا .. الجملة دة ضحكتنى واول مره اعرف لفظ مخاريم

فريدة .. حمدالله على السلامة , شوفتى بقه الموضوع ذى شكة الدبوس اذاى , ان شاء الله تنتهى مشكلتك بسرعة .

هشام .. مافيش تعقيد ولا حاجة , انت تشوفلك واحدة سعيدة وهى حتسعدك بالعدوى
واعمل بالمثل اللى بيقول ( جاور السعيد ... تسعد )


يوم سعيد للجميع

فرفر حمد الله عالسلامة


شفتي مش حاجة صعبة بتاعت الليزر دي


المهم تكون كل الشبكة ملزوقة

هو ايه اللي مضحكم غي حكاية الخروم دي انتي و ادهم

مخاريم من مخروم و الا ا يه ؟؟؟؟