يوميات بلا حدود..

ازيكم يا صحبة حلوة بنات وبنين حقيقي مفتقداكم جدااااااااااا



بس انا شغالة بلية اليومين دول صبي نقاش
وبروح ابص علي العمال
وكل شوية رئيس العمال يكلمني فين شكاير الكسر يا مدام
اقوله هه ؟
فين غلاية الشاي
اقوله هه؟

فين وفين وفين
حولته علي سي السيد

بصراحة بقي بتلكك اروح الشقة الجديدة علشان اعمل تالف وتواصل بيني وبينها قبل ما تخلص
واحاول انقل ذكريات عمري لمكاني الجديد

اول ما انقل هصوره ونفتتحه مع بعضيناااااااااا

علي فكرة كل يوم بكون عايزة ادخل اتونس بيكم
بس عندي حالة غريبة بقالي يومين
فجاة بتجيلي دوخة تفقدني توازني تماما
مش عارفة بقي فايروس ولا حالة نفسية
المهم انه بيخليني انام من غير ما اكتب
فعذرااااااا يا اصقائي الحلوين الطيبين

ودلوقت قبل ما انام هقول لسكينة اختي طبعا مكانش فيه وقت اصلا اطبخ مع العزال
اللي مش عارفة اخلصه لسة
فطبعا كنت عاملاه اوردر من مطعم اصدقائنا
انا كمان يا جاتي بحب اويييي البروفيترول
طبعا ريا وسكينة لازم يحبوا نفس الحاجة


نهاركم سعيد يا احلي صحبة وقلوبكم تنعم دائما بالسلام مع طلعة كل نهار

مبروك يا فريدة على الشقة الجديدة ..
وأكيد انتقالك لشقة جديدة فيه ميزة برضه ..
انك بتغيرى حياتك .. وتجدديها .. ودا بيكسر الملل ..

بس كلامك ادانى فكرة حلوة لموضوع حلو ..
ايه رأيك لو تفتحى لنا موضوع اسمه "ذكريات الجدة بطة" ..

أصل بصراحة وأنا بقرا كلامك افتكرت الجدة بطة بتاعة مجلة ميكى ..

إزيكوا يا حلوين

وحشتوني جدا جدا
معلش انشغلت الفترة اللي فاتت في الأجازات والمذاكرة

بس قولولي
إنتوا فين؟
الدنيا فاضية كده ليه؟

فين النشاط؟

يالله اصحوا بقى وادخلوا برجلكوا اليمين وبطلوا دلع.

ازيكم ياااا صحبة حلوة فينكم يا نااااااااااااس
علي راي مصرية فين الهمة والنشاط
طيب فيه نااااااس معذورة وناس ملهاش اي عذر
فين المساندة وكتابة الاسامي وقت الغياب


يلا بلاش كسل اشربوا مشروب جاااتي المتين
والكيبورد مش هتهون عليه الصحبة والمجهود المبذول

الشربااااااااااات من سكينة والوردة مني


هقوم اخلص وردية الشغل بتاعتي وارجع ادعولي
منامش وانا بكتب زي كل يوم

سمارت مرسي علي المباركة هي لسة في حوذة العمال
وربنا يسهل يومهم بسنة ولازم بالكتيراخر الشهر
اكون سبت مكاني
وشكلي هكمل فترة في الشروق

حلوة ذكريات الجدة بطة دي
ايه رايك اكتبها وتاخد دور سكرتيرها لوز اللي كان بيساعدها في حظيرتها

فريدة ومصرية .. وكل من يسأل عنا

إزيكم جميعاً

عندى مشكلة فظيعة ..

مش عارف أبعث رسائل إس إم إس بالمحمول

هو نوكيا 6267 .. وكل ما أحاول أكتب أى رسالة .. بتطلعلى الحروف المجمعة .. يعنى مثلاً أدوس على حرف A فتطلعلى 3 حروف وتحتهم خط .. أحاول أدوس تانى علشان أجيب حرف الـ b فألاقى حرف الـ A هو اللى بيتكتب تانى، و3 مرات وتحته خط برضو حاجة جنان يعنى ~~~

حد يعرف إزاى أغير الخواص وأخليه محمول محترم زى بتاع البنى أدمين ينوبكم ثواب؟؟؟

أعمل dictionary off....من الoption بتاعه المسج

وأوقات كمان بيبقى اسمها Prediction بدل Dictionary

خلاص ... انتوا 100 100 الحقيقة

ليه يابا ما ودتنيش مدارس عشان أبأه نور زيهم!! يالله .. الله يرحمك بأه

إزيكم عاملين ايه ..
وحشتونى ..

حلو موضوع الجدة بطة وسكرتيرها لوز دا يا فريدة ..
فى الجون يعنى ..

وبصراحة انا دلوقتى عرفت انك بتعرفى تردى الجون بجون أخلى ..
أمال ايه حكاية بليز دى اللى بتدي انطباع انك فرافيرو؟

أمال ايه حكاية بليز دى اللى بتدي انطباع انك فرافيرو؟

تمويه يا لوز

هو حالة الخمول دي حتستمر لغاية إمتى؟

ازيكم وحشتونننننننننننني جدا
كان عندي شوية شغل كتير
وباخلص منه اورح اتعشى واتخمد
وفي الآخر ضرسي قام عليا كان محشي عصب واخذت مضاد حيوي هد حيلي

ازيكم بقى

مبروك يا فريدة على الشقة
يجعلها قدم السعد

ياسمين ولدت ولا لسه ؟

حمد الله على السلامة يا أوسكا وسلامة ضرسك.

يا مسهل
أول الغيث قطرة
على الله الباقيين تتفتح نفسهم.

مسااااااء الخيييييييييييير عالحلوووووين غايبين وحاضرين

طبعا انا بتاخد غياب علي ودنه

اوسكا سلامتك من الااااااااه علشان تحرم تاكل جلاث وتحرمنا من التواصل معاك

لسة يا اوسكا فيه عمال في الشقة وشعالة بلية كاني بشتغل
في مصنع كرتون بملا في كراتين
تروح الشروق وبعدين هرجع انقلها الشقة
لاني لازم اسلم الشقة بالكتير
اخر الشهر
لما رحت الشروق ولقيت كمية الشنط والكراتين اللي راحت
اتسرعت لاني مش متخيلة ني هرجع افضيهم تاني

النهاردة فيه شوية عفش نزل ومكتبة في الانتريه
فلقيت الدنيا فراغ
رحت موصلة التليفزيون وحطيته في كورتر وجواليه زرع
واصريت اعمل جو وده شجعني اصحصح واكتب
بس وعد اول ما انقل هصور المكان الجديد بنفس العفش

بس ادعولي اصمد

عموما الراحة بعد المجهود بيتحس بيها اوي ولها مذاق رائع

ودلوقت بتمني لكل الصحبة الحلوة
يوم سعيد
مقتبس من فيلم عبد الوهاب

وفي الآخر ضرسي قام عليا كان محشي عصب واخذت مضاد حيوي هد حيلي

وماله يا جدع لما يكون قايم عليك ..
ولا تكون واخد مضاد حيوى يهد حيلك ..

ألف سلامة عليك يا جدع ..
إن شالله ضروس كل العسلات ..

....

إزيكم يا أحلى عسلات فى المنتدى بقى ..
بجد .. بشكر فيكم ليل ونهار ..

إن شالله ضروس كل العسلات ..

تعيش يا سمارت يا غالي ... يا رقه انت يا ابو قلب كبيييييييييير

larno كتب:

إن شالله ضروس كل العسلات ..

تعيش يا سمارت يا غالي ... يا رقه انت يا ابو قلب كبيييييييييير

أنا عارفة هو بيقول كده اكمن فوفا ضروسها كلها صفين لولي والعسلات بيغيروا منها

إن شالله ضروس كل العسلات ..

انذار من الجدة بطة
الملافظ سعد يا لوووووووووووز

احنا عصبنا جامد ومتينضد المية ضد النار

اولا اوسكا حمد الله عالسلامة و على ضرسك و متشوفش وجع

سمارت عقبالك


يا عسلات قولو معايا


ااميييييييييييييييييييييييييييين

وحشتووووووووووووووني


اوي اوي

نفر نفر


ازيكوو كلكو

دماغي وجعاني بس قلت مش حعدي اليوم و حكتب حاجة في المنتدى الوقت والله ضيق ادعو معايا انتو بس

فيه حد هناااااااااااااااااااااااااااا



ازيكم يا صحبة حلوة بجد وحشتوووووووووني زي ما اتوحشتوا بالصعيدي اختي سكينة

بصراحة غصب عني حقيقي لو اوصفلكم ازاي البيت بقي عامل زي مساكن الايواء
كل حاجة فيه مفككة والعمال لسة مخلصوش في البيت الجديد

ولسة برضه بشتغل كاني في مصنع كرتون وكمان عندي دوخة غريبة
بتخلي الدنيا زي السيرك قدامي
بتتشقلب لجزء من ثانية
كلمت دكتور قريبنا قلتله اوصفلي دوا من غير ما تقولي روحي لدكاترة
طبعا فضل يضحك واضطر يديني قدام اصراري
اني مش هروح لدكاترة لاني معنديش وقت كمان
طبعا سمع صدي صوت بيقول ايه الجهل ده يا ريا
بس معلش هي دي انا مع الدكاترة طووووول عمري
مع الاعتذار لكل الدكاترة طبعا

يظهر اذن او شريا ن مش بيوصل دم لرقبتي

ودي حاجة مش مخلياني اكتب اوي بفصل بالليل غصب عني
بس هحاول اتنطط علي اد ما اقدر زي فرقعلوظواتواصل مع كل الاحبة

وده مكتوب اعتذار مني لاحلي قلوب
وبعتذر عن العطل الفني واكيد سنواصل دائما معا الارسال والمراسيل
وياريت انتوا كمان بلاش تغيبوا بجد زعلانة اني مش عارفة اكتب
انا جوااااااااايا كتابات وحكايات وروايات
وحواديت وقيل وقال من هنا وهناك
بس محتاجة استقر وانطلق مع احلي صحبة

آه يا ضرسي
انا كنت عامل حشو عصب
ومره كنت باكل نوجة راحت النوجة طلعت بالحشو
انا طنشت لاني بأكره دكاترة الاسنان
شوية شوية علشان الضرس مخرووووم مكان الحشو
بقى ضعيف
فبدأ يتكسر
وفضل منه حتة عاملة زي يوم التلات كده مالهاش لازمة
المهم أن الضرس اخوه اللى كان ساند عليه لقى نفسه وحيد
فبدا يميل ويمبل لغايه لما أخد مكانه بوضع الضرس ( وضع اليد )
وفضل يضغط عليه علشان يطرده
مهو مش فاضل منه غير حتة يوم التلات
هما يتخانقوا على حتة الأرض وانا اصرخ
ومستني شهر 7 يجي بسرعة علشان انزل مصر اشيلهم هما الاتنين عقابا ليهم

سلااااااااااااامتك من الااااااااااااااااااه يا اوسكا

هي كل حاجة صراع جوانا وبرانا
بس الشاطر يقاوم وانت شطور وهتنسف وتتخلص من معركة الاشرار
المنتشرة في الفساحاية عندك

اشكر ربنا انا الدنيا بطلت تتشقلب النهاردة وادتني هدنة بعد توغل وتسرب الدواء
وقالها ستوب بقي حرام عليكي قلبتي دماغنا راسا علي عقب
كان احساس رهيب واعتقد مصرية اتعدت لاني كلمتها قالتلي انها دايخة برضه
سلامتك يا مصرية دوختك حلوة


جبتلكم بطيخ ساقع وناوية اقزز اللب وانا باكل ترانش البطيخ
اصلي كنت بعمل كده انا صغيرة

إن شالله ضروس كل العسلات

انت السبب يا سمااااااااااااارت
قوليلهم علي الي حصلي يا انيد :3aa:

سمارت حيتدور علينا واحد واحد ..كده تدعى على ضرس لارنو ..من يوميها و هى مدلوقه فى السرير
منك لله يا سمارت