يوميات بلا حدود..

ربنا يقومها بالسلامة يا مشاعر

لازم تطمنينا عليها أول ما تخلص العملية إن شاء الله.

سلامة ماما يا مشاعر
وربنا يشفيها وتفضل منورة بيتها

سلامة كل المامات و خصوصا اما مشاعر و يار ب العملية تكون بسيطة و تنجح مية المية و ماما تبقى تشوف مية المية يا رب

و كمان ماما سمارت هي ازيها


سمارت قلنا حاجة

إزيكوا يا حلوين

أخبار المهمهات إيه؟

سمارت
مشاعر
طمنونا

فين مواضيع؟

الفطار في يا مواضيع أنا اتعودت آجي أفطر هنا كل يوم.

أوسكا وجاتي مش ظاهرين النهاردة ليه؟

جاتي يا لذيذة
المهمهات الحمدلله بخير

مامة مشاعر الحمدلله كويسة وتمت العملية بنجاح ورجعت بيتها بالسلامة

حمدلله علي سلامتها يا مشاعر




تصبحوا علي رحيق الزهور وزقزقة العصفور
ياااااااااااااااااا صحبة حلوة

حمد الله عالسلامة ياماما مشاعر

إزيكم .. وحشتونى .. أنا أسف على التأخير ..
على رأى أنغام ..

ماما أخيراً عادت إلى المنزل ..
متعكزة على مشاية .. وركبتها مربوطة .. ومتدبسة مش متخيطة ..

الحمدلله .. العملية عدت بخير وسلام ..
وخرجت من المستشفى منذ ساعات إلى المنزل ..
ومعها ركبة جديدة ..
ومشاية وجهاز علاج طبيعى ومرتبة هواء وشوية أربطة وشاش وأدوية من المستشفى ..

خرجت من المستشفى إلى مطبخ منزلنا ..
عشان طلبت منها كشرى النهاردا ..


....

إزيكم وعاملين أيه من غيرى؟
المنتدى بقى شكله نشيط وحلو ..
بس واضح إن فيه غزو نسائى وتوغل وانتشار حريمى ..
ودا مش كويس ليا ولأصحابى الخناشير ..

حمد الله على سلامة ماما يا سمارت

بس يا عم مش حرام عليك الست تيجي من المستشفى تعمل كشري برضه؟

سمارت و مشاعر ..الف الف حمد الله على سلامه ماما ..ربنا يخليهوملكم
سمارت خف على ماما مش لازم كشرى

ايه يا سمارت قبل ما اقولك حمد الله عالسلامة

ليه تطلب من ماما الكشري

بس واضح إن فيه غزو نسائى وتوغل وانتشار حريمى ..
ودا مش كويس ليا ولأصحابى الخناشير ..

شوفت يا خويا
انت مشغول مع مامتك في المستشفى والكشري
وانا مزنوق لوحدى تحت السرير

جايبالكو الغدا

فينكو يا عسلات

ازيكم كلكم كلكم
البناتيت الحلوة
والولاد الوحشة
وحشتونى جدااااااااااااااا
مرسى اوى اوى على سؤالكم
ماما بقيت كويسة الحمد للة
ورجعت البيت
وانا اول ما اطمئنت عليها قولت اجى اسلم على الحبايب كلهم
هاااااااااااطمنونى
اخباركم اية؟
ومزاجكم ؟
صحتكم ؟
يا رب تكونوا كويسين ومزاجكم عال العال وخصوصا ان الدنيا ربيع والجو بديع

جاتى انتى بتبوظى اعصابى باكلك الحلو دة
حرام عليكى
الرحمة حلوة

حمد الله عالسلامة ماما مشاعر

انتي عاملة ريجيم يا مشاعر

أولاً .. حمد لله على سلامة مامتك يا مشاعر

ثانياً .. حمد لله على سلامة مامتك يا سمارت

ثالثاً .. حمد لله على سلامة مامة أى حد يكون كتب حاجة عنها وفاتت عليا ..


رابعاً .. مشاعر، ما يغركيش أكل جاتيتا .. ممكن تكون قواقع حلزونيات من بتوع القصر .. وخلى بالك وطاوعينى .. البنت دى ما بتهزرش .. كل كلامها جد جداً وقد أعذر من أنذر


خامساً .. إلى كل الأعضاء الـثمانية وتلاتين بإستثنائى أنا والأخ أدمين .. أحب أبلغكم انكم بجد بتوحشونى جداً .. وانه ما بيبعدنيش عنكم غير الشديد القوى .. وعندى كلام كثير جداً يملأ عشرتاشر منتدى، مش منتدى واحد .. ما أنتوا عارفينى .. رغاى وكده بس فعلاً مش عارف
واللى مصبرنى وباسطنى جداً ومخلينى منشكح جداً جداً .. انكم مبسوطين ومتآلفين ونشطين بشكل تتحسدوا عليه فعلاً
وواثق من نجاح تجربتنا التى ألخصها فى كلمات مثل: الحرية الملتزمة، الأناقة، الأصالة، الحب، التألف، التفاهم، النضج، المسئولية الفردية والجماعية، الوعى، الثقة .. بجد يا فرحة البلد بينا
طب خلوهم يدونا الفرصة سنتين بس، واحنا نخلى البلد زى الفل :farao:

ماعنديش كلام تانى أقوله دلوقت غير إنى فعلاً فخور .. بجد مش كلام إنشائى .. فخور بتواجدى وسطكم كلكم

وتصبحوا على خير

سلام للجميع عسلات و خناشير
سلام مخصوص لمشاعر الف سلامة ليكي وللوالدة سامحيني
لأني مقصرة في حقك والسماح طبع الكرام ويارب يبعد الشر والمرض عنها وعن الجميع واتفضلي هالباسكت من الفواكه ليكي واحد ولطنط واحد

الحمد لله علي سلامة طنط وسلامة خروجها من المستشفي
واتفضل باسكت فواكه لطنط مش ليك

وبعدين يابني أدم مش قلتلك بلاش تتعبها وتطلب تاكل ياربي همه علي
بطنه وياريته باين عليه

وياريته باين عليه

انتى ح تفضحينى ولا إيه يا مواضيع؟

مساء الورد عليكم جميعا

يا سمارت بس مش إنت اللي معذب الست معاك وطالب كشري وهي مغيرة ركبتها ومش قادرة تقف.

المهم لازم تعوضها بقى بهدية حلوة وشوية دلع في عيد الأم.

هشام
إنت قلت الكلام اللي كنا لسة فريدة وأنا بنتكلم فيه قريب، القيقة أنا سعيدة جدا بالتجربة الأولى لمنتدانا على إنه منتدى بدون مشرفين تقريبا، لإننا مش بنحس بوجود الأدمين غير لما الألوان تتغير ولا أيقونات جديدة تتحط غير كده أنا شخصيا بحس بالحرية في التحرك والحديث.

أنا كمان سعيدة بالمنتدى وبوجودي قيه وسط جو من المحبة والألفة الجميلة.

البركة فيكو كلكو علشان كده المنادة اشتغل

بالمرة جيبي معاكي حاجة اكلها اصل مصاريني بتصوصو

يا سلام بس كده اتفضلي العشا النهاردة سندويتش برجر



وأدي البطاطس



وده الحلو

ربنا يخليكي نيام نيام لديد كله ليا كله لوحدي خلي الباقي يتفرج بس بما ان قلبي طيب اسيب الحلو ليكو اصلي مبحبش الزبيب و المادلين دي فيها زبيب

صبااااح الخييييييييييييييير يا احلي صحبة

واحلي الورودبقدمها لكل انثي بداخلها مشاعر الامومة

وكل عيد ام وكل الامهات طيبات

كل سنة وإنتي طيبة يا فريدة وكل أمهات المنتدى طيبين وبصحة وسعادة.

إزيكوا يا جماعة
عاملين إيه في الجو ده؟
حموت من الحر ومش حر بس لأ هو حالة اختناق الحقيقة.
يالله ربنا يرحمنا

جاتي مبتحبيش الزبيب طيب مش تقولي
خلاص خليلي اللي مضايقك ده وحجيبلك حاجة تنفع في الحر اللي إحنا فيه ده
اتفضلي يا ستي