ايه مدي صراحتك؟!

كل واحد يرد بصراحه ..... والي حايكدب مايكتبش من الاول ...

بس يبقي يسيب اسمه علشان كلنا نعرف انه كان ناوي يكدب

- ايه اكثر 3 عيوب في شخصيتك فشلت انك تصلحها ؟؟
بس مش عاوزين نظام الفلس بتاع "انا عيبي اني باحب كل الناس وباثق فيهم" .. فاهميني طبعا

- ايه هو مفتاحك الوحيد لفتح اقفال قلوب الاخرين ؟
اكيد معظمنا عنده ميداليه مفاتيح كامله بس اكيد في مفتاح واحد هو الي دايما بيفتح ... ايه هو !!

- في الحب ... ايهما اولا القلب ام الكرامه ؟؟
ايهما اولا ... يعني الاتنين موجودين .. يعني ماحدش يقول الاتنين مهمين علشان انا خلاص قلتها

- لو انت العروسه ... ممكن تستغني عن فستان الفرح الابيض و تلبسي اي حاجه تانيه يوم الفرح ؟
- لو انت العريس ... ممكن تستغني عن البدله السودا و تلبس اي حاجه تانيه يوم الفرح؟

- ايه اكثر 3 عيوب في شخصيتك فشلت انك تصلحها ؟؟

التردد
فى ان اضرب شخص ما فى انفه
او حدفه بطوبه تفتح راسه نصفين
وخصوصا
1- لكل من يشرب السجاير ويكون الصدفه انه معايا فى نفسى المكان احيانا المكان ده بيكون مستشفى ومكتوب بالخط العريض ممنوع التدخين او فى المصالح الحكوميه.

2- الناس اللى بتذبل الشوارع مش كمان اللى بيرموا مثلا علبة عصير ولا ورقه شبسى لا فى اكتر واكتر الناس الى بترمى الزباله من البالكونات حتى تحافظ على بيتها ناصع البيباض

3- موظفين الحكومه وحصلت لى واقعه حقيقه أضطرتنى الظروف اسفةالوقوف فى طابور فى مكان حكومى وهناك مكان فاصل بين الجماهير وبين الموظفين
المرواح عندهم تعمل بكفاءة التى تم تعليقها فى الأسقف اما المروحه اليتيمة التى تم تعليقها فى مكان وقفوف المواطنين ومنهم سيدات لا تقوى ايا منهم على السير او حتى استنشاق الهواء ( تلك المروحه معطله )
ما قمت من فعل اننى سالت احد الموظفين بصوت عالى لماذا تلك المورحه الوحيده المعطله ما الحكمة فى ذلك وجاءنى الرد السخيف كاننى أشاهد افلام الثمانينات التى تشعرنا دوما بالكأبة قالى وهو بيبتسم ( روحى اشتكينا )


أكيد فى طرق غير حدف الطوب وإحداث العاهات ولكن السلبيه شيئ خطير فهى عيب اتمنى ان أقوم بعمليه أستئصال له

فى اكيد عيوب تانيه كتير اكتر من انه باقى لى عيبين واكمل الثلاثه حتى احصل على ربع جنيه مخروم إذا اكملت الإجابات ولكن هل هناك عيب اكثر من ان يخطئ الإنسان ويعتقد انه يسير فى الطريق السليم فأختلطت الكثير من المفاهيم الخاطئة على الصالحه .
فقد فشلت فى تحديد اى مسار يجب ان اسير عليه ومازلت احاول إصلاح هذا العيب .

ايه هو مفتاحك الوحيد لفتح اقفال قلوب الاخرين

لا سيبى لنا حاجه نحتفظ بيها يا لارنو مش كده يعنى هو طبعا كل واحد له مفتاح فلازم كل واحد نستعمله المفتاح اللى من الاخر ومن وجهه نظرى اللى فاكر انه حدق جدا ويملك مفاتيح كل من حوله فهو غلطان جداّ لان فى ناس اصلا حيطه صب سبيكة معتبرة مينفعش معاها غير انك تسيحى مخها وتعيدى تشكيلها بالكامل بس للاسف اخرته حيكون فى العباسية

في الحب ... ايهما اولا القلب ام الكرامه ؟؟
مممممممممممممممممممم

لو انت العروسه ... ممكن تستغني عن فستان الفرح الابيض و تلبسي اي حاجه تانيه يوم الفرح

ممكن وأمرنا لله

بصي يا لارنو انا قلت الحق الامتحان واجاوب خفت تخليني اعيد السنة

- ايه اكثر 3 عيوب في شخصيتك فشلت انك تصلحها ؟؟

العيب الاول اني كتير بكون صريحة وده عيب مش حلو فشلت اصلحه عند العجلاتي اللي بيظبط زوايا الصراحة

العيب التاني البساطة الزائدة احيانا بتكون مش في محلها
وده بيخليني اتعرض لصدمات وكدمات وعاهات وعقد وكلاكيع
مش بعرف اتخلص منها بسهولة وبالتالي ممكن اتسرع في احكامي احيانا علي الغير وطبعا ده مش صح واصل

العيب اللي مش بحبه فيا كمان لما بحب اشرح موضوع مش بعرف اوصل وجهة نظري صح
وغلبت افهمني واعلمني اني ارتب افكاري علشان اوصل الفكرة اللي في راسي بدور بطريقة مباشرة
لقيتني بقول لنفسي انتي مفيش فايدة فيكي علي راي سعد زغلول

- ايه هو مفتاحك الوحيد لفتح اقفال قلوب الاخرين ؟

مفتاح الصدق عمره ما يصدي ولا يعصلج زي طفاشة الحرامية بيفتح اي باب


- في الحب ... ايهما اولا القلب ام الكرامه ؟؟

كرامة القلب مهمة في الحب علشان القلب بعيش وميوصلش بيه الحال يتشال علي نقالة

بما اني تيتا ممكن يا لارنو ارد علي سؤال فستان العروسة

- لو انت العروسه ... ممكن تستغني عن فستان الفرح الابيض و تلبسي اي حاجه تانيه يوم الفرح ؟


بصرااااااااحة لو رجع بيا الزمن هحب البس الفستان الابيض مهماااااااااااا يكوووووووووووون مهمااااااااااا يكووووووووون

امممممممممممم ممكن اجاوب
ونبي ونبي ونبي ونبي
طيب شكرا
ايه اكثر 3 عيوب في شخصيتك فشلت انك تصلحها ؟؟
1- العند
2- العصبيه
3- بصدق اي حد

ايه هو مفتاحك الوحيد لفتح اقفال قلوب الاخرين ؟
لو الواحد علي طبيعته خلاص انا بتعامل بطبيعتي وبتلقائيه مش اكتر

في الحب ... ايهما اولا القلب ام الكرامه ؟؟
القلب بس يكون الي قدامي بردو بيحافظ عليا وميقدرش يستغني عني مش يقفلي ويقولي كرامتي ويبعني علشان كرامته ساعتها هقوله انا كمان كرامتي

لو انت العروسه ... ممكن تستغني عن فستان الفرح الابيض و تلبسي اي حاجه تانيه يوم الفرح ؟
- المفاجأه ان الفستان الي اخترته مش ابيض بظبط روز فاتح اوي

جاري تحضير الرد و اسمحولي اهديكم موقع جميل به شقق للبيع