مختارات من: يو تيوب

اكيد موجودين هنا او هنا يا سمارت دعبس هتلاقيهم
ولا اقولك يمكن ايمي شايلاهم في الدولاب وقافلة عليهم

قمورة بجد عجبتني اغنية كارول اوي اثرت فيا بحب اوي شكل الحياة لما بتستمر
بمشاعر لاخر العمر بين اتنين

سؤالك يا سمارت، خلانى ألف حوالين نفسى، وأدور فى كل مداخلاتك، ولم أجدهم.
وبالتالى .. دورت فى مداخلاتى أنا كمان، فاكتشفت ان كثير منها اختفى أيضاً
وتفسيرى الوحيد بعد الملاحظة .. هو ان السيرفر بيحتفظ بعدد 30 صفحة فقط من مداخلات كل عضو، والباقى بيحذفه تلقائياً.
وده غلط وخطأ وما يصحش .. وعلى الأقل كانوا لازم يبلغونا قبل الحذف علشان نقدر نحتفظ بمداخلاتنا على الأقل.
لكن يالله .. عليه العوض ومنه العوض 

انا بس عاوز اعرف اسم المغنية اللى انا حطيت لها اليوتيوب بتاعها..
حد فاكرها؟؟؟

مغنية سمراء.. وبتغني بالأسباني أو الايطالي ..
وكانت بتغني اغنية عن الرجالة ..
وجاتي قالت لي انها راجل وعاملة نفسها ست ..

طيب عروستى
ممكن تقولنا كنت لابس ايه لحظة ما فكرت تنزل الاغنية على لمنتدى
او تحاول تتذكر لون المج اللى كنت ناوى تشرب فيه شاى بس رجعت فى كلامك
أيه الحلم اللى حلمة فور تنزيلك للاغنيه حاول تتذكر عشان نقدر نساعدك

كنا زمان كده شياكة في المظهر واناقة في الكلامة وبساطة في الديكور
وعمق في المضمون ورقي في الذوق الفني



وبالرغم ان اليوتيوب ده هو نوع من اسلوب كوميدي للتقليد



بس هو ده حالنا عموما النهاردة بالرغم انه ضحكني بجد هي ممثلة متمكنة
دمها خفيف
لكن بصراحة عملت مقارنة تشبيهية لحياتنا عموما كنا ايه ووصلنا لايه واسلوبنا عموما كلغة وثقافة
بصراحة هو ده حالنا مفيش شياكة عموما في الذوق العام

يااااااااااه يا فريدة ..
فكرتيني بأيام كانت حلوة..
البرنامج دا كان مشهور أوي وكان الناس كلها بتستناه..
يمكن كمان لأنه وقتها مكانش فيه انترنت ولا انفتاح على العالم..
ومكانش سهل ان الواحد يتابع ايه اللى بيتقال وبيتذاع بره مصر ..

بس فعلا كان من البرامج المشهورة ..
اللى مرتبطة بحاجات في حياة الواحد ..

عادة مش باسمع محمد فؤاد لكن الأغنيه دى حسيت ان احنا هنا كلنا عايزين نغنيها :)
اسمعوا و قولولى رأيكم

سيساااااااامي مش عارفة اقولك ايه
سمعتها من هنا ودموعي رغرغت في عينا حبستها مش عايزة اعيط زي العيال
واقول اني نفسي ارجع زمان مش عارفة اتاقلم مع نفوس الناس دلوقت
احساس صعب الغربة النفسية

سيسامي بجد بشكرك كنت محتاجة صوت يرجعني لزمن كله مشاعر دافئة

اخيارات رائعة وموضوع تستحق عليه كل الشكر