الدكتور محمد الهاشمي

لما قريت عن نظام الدكتور الهاشمي كويس اقتنعت جدا بالفكرة
لاني ضد نظام الرجيم خصوصا اني جربت مرة واحدة في حياتي امشي مع دكتور دايت
واكتشفت انه مشروع مؤقت ...صعب نمشي عليه العمر كله

رحت بسبب نظام الدايت اللي عملته من كام سنة زدت كام كيلو يمكن مش كتير بس اضايقت

نظام اللقيمات لدكتور الهاشمي اي حد يفهمه هيقدر يمشي عليه لوحده مش محتاج يمشي مع دكتور
هو محتاج تدريب وارادة وصدقوني سهل جدا
لانه كفاية الاحساس ان الانسان مش محروم كل الموضوع انه بيتحكم شوية في حتة الطمع اللي جوانا

رحت انا وبنت خالتي من باب التجربة وعلشان نشتري كتاب الدكتور
وهو نفسه في التليفون قال اننا ممكن نمشي علي النظلم وحدنا
بس احنا حبينا نسمعه
وفعلا ده فادني جدا خصوصا انه كان عندي فكرة عن النظام
المهم لما دخلتله مع بنت خالتي قالي انتي جاية ليه طيب هي محتاجة شوية بس انتي مش محتاجة
قلتله عايزة انزل خمسة كيلو

قبل ما كتب عن تجربتي من يوم ما اابتديت النظام
ياريت تسمعوا من الدكتور نفسه
انا اكتشفت وانا بدور انه اكتر من يوتيوب
بس دول هيشرحوا فكرة نظام اللقيمات

يلا بينا يا حلوين وياريت وزن الفراشة يقولولنا رايهم في النظام

فكرة اللوز مش هتتخيلوا ازاي فعلا بتقلل الشهية

هحطلكم اكتر من لينك علشان تكونوا فكرة شاملة

http://satietyspot.com/

http://www.americanchronicle.com/articles/view/53873

http://www.algamal.net/Articles/Details.aspx?TID=7&ZID=16&AID=2747


واللينك ده فيه 12 يوتيوب في برامج تلفيزيونية لقاء مع الدكتور الهاشمي
هتستفيدوا لما تسمعوه اكتر من مرة

https://www.youtube.com/user/DrElHashemy#p/u/9/1-rKXfPqwzk

مفيش حد فينا لا يملك ارادته هي بس بتتفاوت من شخص لاخر

لكن لو قعدنا شوية مع نفسنا وغزينا مخنا وسمعناله كل شوية
انه ميخليش معدته تتحكم فيه يبقي راجل يعني

الحقيقة عايزة اقول استفدت بنظام الدكتور الهاشمي سواء
بالنسبة للياقة العامة حساني انشط كتير زائد ان وزني بقي اقل
بلعب بين 2 و3 كيلو وده بالنسبالي مرضي نفسيا
لاني مش مستعجلة ..وده ميزة نظام اللقيمات
هو الموضوع محتاج فهم كامل لموضوع اللقيمات وخصوصا التلات لوزات او الخمس سودانيات بصراحة سرهم باتع
وقراءة الموضوع بتاني او سماعه من الدكتور نفسه عن طريق اليوتيوب اكتر من مرة.علشان المخ يستوعب ويتهياءلتقليل الوزن

اجمل حاجة الاحساس انه مفيش ممنوعات وان ارادتنا في ايدينا مع شوية صبر
صغننين خالص هيكون اسلوب حياة واننا قادرين نتحكم في وجبتنا
بامانة اللي بيمشي علي النظام ده بيحس انه متميز
كل المشهيات قدامه لكنه بيكتفي باللقيمات
..جربتها في اكتر من عزومة وخصوصا عند مامتي كانت السفرة اشكال والوان...لكن اكتفيت بوجبتي المفرحة وهي لقيمات من كل حاجة برغم تريقة الكل عليا
لكن اقتناعي بيه خلاني ثابتة علي مبدئي
وفعلا كان الدكتور محق لما قال لازم نحلي في نفس الوجبة بحتة جاتوه او اي حاجة حلوة لانها بتسعد المخ لها مذاق مختلف بعد لقيمات طوال اليوم




الموضوع مش اكتر من استيعاب وارادة وتعود نتيجته مضمونة علي المدي الطويل
ونزول الوزن ببطيء


وهكتب اول باول تجربتي مع اسلوب الحياة في هذا النظام

وهنقلكم حاجة تانية من كتاب الدكتور الهاشمي

في المداخلة الجاية فرجاء ابقوا معي

بنوتي عروستنا الحلوة قمر النظام ده بديل التدبيس
وده اللي قالوا الدكتور يوم ما رحناله
وقالنا عن حالة طالب كان رايح مع والده علشان يتفق علي عملية التدبيس
الحقيقة الدكتور قاله اصبر ويمشي علي النظام ده
ورانا صورة الطالب ازاي خس وازاي انه لسة بعد اربع سنوات علي وزنه بعد ما نقص وزنه

جربي يا قمر قبل الفرح تسمعي اليوتيوب اكتر من مرة
لان الموضوع نفسي اولا واخيرا محتاج نسمع سي دي كل يوم يقولنا
انا قوي وجدع مش ضعيف قدام الاكل

هو نظام حياة بيعلمنا نمتلك ارادتنا في كل امور الحياة
وبالهنا والشفا مع وزن الريشة
ونفتكر اننا مش محرومين من اي نوع اكل

ينفع اجربه شهر...انا ماشية على نظام الدكتور ادهم مش ممتنعه تماما ولكن مخففه لاقصى درجة والحمدالله في نزول ..ولو انه نزول بطي يمكن عشان مش ممتنعه تماما
عندي فحص مش فاكره اسمه ايه بس اعتقد فحص مقاومة الانسولين هعمله الاسبوع ده ان شاء الله
هبتدي من الاسبوع الجاي على بدايته عشان احسب مدة شهر وهرجع تاني اشوف اليوتيوب عشان افهمه صح

تروحي وترجعي بالسلامه يا حبيبتي وعايزين طبعا تقرير محترم موثق بالصور عن الزيارة ..لسوريا ولبنان