صور للتاريخ

هل تعلمون أن قانون الجنسية المصرية صدر فى سنة 1955 ،،
وأن أول بطاقة شخصية فى مصر كانت سنة 1958 ؟؟
قبل هذا التاريخ .. كانت الدنيا سهلة جداً

حتى الاهمال فى البطاقة الشخصية لرئيس الجمهورية

مافيش فصيلة دم - الخانة فاضية

كويس انها كانت فاضية يا ادهم زمان كانت البطاقات بتتعمل بوسايط وطريقة حبية ايام عبد لناصرفكانت فصيلة الدم
بتتكتب اي حاجة ووقت العمليات كانت بتحصل ماسي

تصدق يا هشام ان قبل التاريخ ده الدنيا كانت سهلة لكن الانتماء كان اقوي من جنسية مكتوبة علي الورق ومختومة بختم النسر

طيب انا مش عارفه فصيله دمى بجد يوم ما عملت البطاقه الورق دى الممرضه اللى اخدت منى عينه الدم شكلها كان بيخوف كنت مرعوبه منها دمى هرب ومش منى وبعد ما أظهرت كل الغل والكره لاصبعى المسكين بالضغط عليه بكل قوه وشراسه حصلت على حبه دم كتبولى فى البطاقه أنه A وبعد مرور عدة سنوات اكتشفت انه AB يا جماعه لما اتعور بحادث اليم بليييييييز اعملو حسابكم انه ممكن دمى يجيب على ِ وعلى AB

هشام هشام انا عارفه انت ليه مضايق وبتقول كان زمان الحياة سهله قبل البطاقه الشخصيه، بس مش حفتن
تدفع كام ومقولش اكيد فى ناس كتير ممكن تدفع اكتر انت ليه تدفع أقل

حتى الاهمال فى البطاقة الشخصية لرئيس الجمهورية

مافيش فصيلة دم - الخانة فاضية

يمكن عشان مفيش دم اصلا ..

بفرض حسن النية ... أعتقد ... أن فصيلة دم الرئيس، لا يُعلن عنها لأسباب أمنية.

صحيح أنه من السهل الآن معرفة فصيلة دم الرؤساء، وحتى الـ DNA .. لكن لا تنسوا أنكم تتكلمون عن بطاقة صدرت فى سنة 1961 .. أى قبل التطور الرهيب فى علوم وتقنيات ووسائل التجسس.

وللتدليل على هذه السرية "المقصودة غالباً" .. ما قيل فى الأيام الأخيرة للرئيس السورى الراحل حافظ الأسد، عن تمكن الموساد الصهيونى من الوصول لنتائج تحليل بوله .. الذى كان بمثابة سراً قومياً .. لأن معرفته بالنسبة لهم، كان سيعرفهم على صحته، وبالتالى على قدرته على الإستمرار فى الحكم، وبالتالى على طريقة تعاملهم مع خلفاؤه والإستعداد لهم، وبالتالى على نوعية السياسة التى سيتبعونها خلال فترة محددة ...... فلا ننسى أنه كان بمثابة عقبة كبيرة أمام محاولات إخضاع سوريا لسياسات السلام مع الصهاينة.

هذا هو مجرد مثال واحد لأهمية "عدم" الإعلان عن فصيلة دم رموز أى دولة .. خصوصاً فى الدول الواقعة المُعَرَضة لمطامع القوى الأخرى، كما كانت مصر بعد ثورة 1952 مباشرةً.

والله أعلم.

بما ان الموضوع عن صور من التاريخ ايه رايكم نرجع لزمن وتاريخ مرت عليه السنين
صور لاماكن لو نطقت هتحكيلنا حكايات وحكايات

تعالوا نشوف التاريخ هيفرجنا علي ايه



لقطة نادرة جمعت بين قطبي حزب الوفدسعد باشا زغلول ومصطفي النحاس باشا




استعراضات للشرطة ويظهر في الصورة مسجد السلطان حسن وبجانبه مسجد الرفاعي



اول طائرة تطير باجواء مصر سنة
1910

شوفوا وصلنا لايه من تطور الطائرات سنة 2010

تخيلوا لو حصل استعراض دلوقت هيقفوا في اشارات المرور اااااااد ايييييييييييه




ده محل لكي الطرابيش سنة 1905
ايام ما كان الطربوش هو هيبة الراجل ووقاره
ولازم الطربوش يبقي منشي




ده زمان كان اسمه مقهي شعبي في الزمن الحالي بقي اسمه كافيه




ده شاويش ومعاه سجين يقوده للسجن
واضح ان المساجين كانوا مستسلمين لسة من يومين عربية مساجين عند العياط
حصل ضرب نار مع رجال الشرطة ومات عسكري
حتي اخلاق المساجين اتغيرت عن زمااااااااااااان



شايفين ميدان رمسيس كان شكله ايه
دلوفت مع اغنية عدوية زحمة يا دنياااااا زحمة
زحمة ولا عدش رحمة



ده بقي شارع عدلي سنة 1870

بشبه عليه



طبعا سكان مصر الجديد - هيليوبوليس عارفين المنظر ده فين واعتقد شكله متغيرش لكن المحلات هي اللي اتغيرت
وبالمناسبة بكرة في احتفال الكوربة السنوي



بصوا الدقي كانت عاملة ازاااااي
ايشي خياااااااال يا ناااااااااااااس



وده زي المراة المصرية من 100 سنة





قلعة محمد علي


حقيقي مصر تاريخها عريق وطويل صعب علي اي دولة ان تنافسها فيه



المتحف المصري وكبرت اسمع اسمه الانتكخانة
علي فكرة كنا ساكنين قدامه قبل ما نعزل لمصر الجديدة

والي اللقاء مع صور بتحكي تاريخك يا مصر

صور حلوه أوى
جبتيها منين ؟؟؟؟؟؟؟؟؟؟ ووصلتك أزاى وخصوصاّ الحرامى اللى طيب وماشى مؤدب مع الباشا المدير اليوسباشى

الله ينور

الحقيقة يا ايمي انا عاشقة للصور الابيض والاسود خصوصا لما تحكي تاريخ مصر
بعيش جواها كاني رجعت عجلة الزمن للورا
الصور دي بعتهالي حما كريم علي الايميل
وكنت بفكر انزلها فين فحسيت موضوع هشام صور من التاريخ هو المكان المناسب ليها

حتي الحرامي بجد شكله لايق علي نفس الزمن تصدقي
كان فيه فقر بس كان فيه طيبة في الملامح

بثينة الله ينور لصور مين فينا عدساوي ولا انا اصلها تفرق

عموما الصحبة الحلوة كلهم ايد واحدة يا بثينة وانتي مننا يبقي الله ينور علي وجودك انتي

نرجع تاني لورا مع صور من التاريخ
ونشوف الجنس الخشن كان بيحق ازاي



شايفين ازاي كانت الحارة المصرية



وتحية من ورا المشربية من البنت المصرية لصاحبتها المعدية من قدام المشربية


الترام زمان



القطر اللي كان بينقل المسافرين بين القاهرة و السويس




والي اللقاء مع رحلة تاريخية فوق بساط الريح وصور من التاريخ

الله ينور علي اتش علشان هو الي فتح الموضوع طبعا
والله ينور عليكي علشان جبتي صور اكتر منه طبعا
والله ينور علي كل الي ردو كمان
وكفايه نورك اصلا من غير ما تشاركي حتي كمان

ده ايه النور ده كله قصدي الدلع للكل ده يا بثينة
مرسي ليكي بجد
الموضوع بتاعه الردود بتاعتنا كله علي بعض بتاعنا كلنا

بصي الميدان العام ده في في القاهرة القديمة
بجد دنيا غير الدنيا كناااااااااااا فييييييييين وبقييييييييييناااااااااا فييييييييييييييين

روائع يا فريدة ... تحف

صورة الميدان الرئيسى، عمال أبص فيها وأدرسها علسان أعرف مكانها بالضبط .. ومش قادر أوصل لنتيجة مؤكدة ..
لكن أخمن أنها ميدان "العتبة" ..
 

انا كمان يا هشام بجد بدخل جوة كل صورة وبتخيل الحياة لو انا عايشة نفس الايام
مثلا تخيلتني لو انا ورا المشربية مش عارفة كان زماني بعافر زي العصفورة علشان اخرج في الفضاء الخارجي
اكيد برضه الحياة زمان كان فيها عيوب وميزات لكن مفيش كان حياة رايقة
بيعملوا كل حاجة بالتصوير البطيء

مش عارفة طبعا موقع الميدان بس اكيد ده تفريعة منه في الحتة يعني




وده ميدان العتبة الخضراء




وده شارع عدلي سنة 1870
علي ايامك ده يا هشام صح





وده حي في الزمالك سنة 1914




وده ميدان التحرير تصدقوا اول مرة اعرف انه كان اسمه ميدان الاسماعيلية
علي فكرة احنا كنا ساكنين فيه ولسة محتفظين بالشقة حتي بعد ما رحنا لمصر الجديدة
وسط البلد لها السكن فيها له مميزات ونكهة خاصة
خصوصا ميدان التحرير كان في قلب كل الاحداث



ده ميدان الموسكي



وده ميدان سليمان باشا
يامااااااااااا مشيت فيه بس كان لسة جروبي يظهر مكانش موجود




ولسة فيه صور بتحكي تاريخك يا مصر

قول للزمان إرجع يازمان
مش لازم الجمله دى تبقى بمعنى إبقى قابلنى زى ما قالت أم كلثوم , ولكن من عاش هذا الزمن الجميل وإستمتع بمصر كما ظهرت فى صورك الرائعه يتمنى أن يكرر تلك الجمله ... إرجع يازمان
من منا لا يتمنى أن يتنفس بعمق وأن يرى تلك المدينة الرائعه التى لاتنتمى إلى ما نعيش فيه اليوم وياترى بكره فيه إيه ؟ أتذكر هنا كلمات من غير ليه

خايف لبكره يجينا
تاخدنا من ليالينا
سكة عذاب
تاه فيها أحباب كتير قبلينا
ربنا يستر
شكرا على تلك الصور الرائعه

أولد مان وفريدة


بقالى أكثر من نص ساعة فاتح هذه الصفحة، وبأبص فى كل صورة، وبأتخيل نفسى ماشى داخلها ألمس جدرانها وأتعامل مع شخوصها كأنهم أحياء ... كأنى فى حلم .. كأنى فى فلم .. عندى إحساس غريب ..
مش لاقى كلام

العزيز هشام .. بجد تعبيرك رائع وعلى الرغم من إنك مش لاقى كلام بس إنت قلت أحلى كلام .. أنا زيك تمام وبأحس إن البلد دى (اللى فى الصور طبعا ) فى كوكب تانى زى بتاع مدحت صالح ،، أنا عايز أعيش مع مدحت هناك
شفت صوره الهرم على ضفاف النيل ؟

. كأنى فى فلم .


هشام اسمها فيلم

هى ممكن تمشى باللغة المصريه المتداوله فلم وكمان سيما
لكن إيه رأيك فى الصور ؟