عمليات التخسيس

في بالي من فتره أعمل عملية تحوير المعدة. مش تخينة قوي بس مش رفيعة
بحب الأكل وأغلب الأنشطة بتكون حوالين الأكل العزومات حتى فنجان القهوة كالوري لازم يتحسب
الموضوع تحول لهاجس. ولأن موعد الفرح قرب في هاجس تاني. بوزني ده ولو حصل حمل هتحول لفيلة.
الموضوع. الموضوع شاغل بالي وأنا من النوع العاطفي بزعل باكل. بفرح باكل. بكتئب كمان باكل.
المشكلة قيمة العملية. فكرت بفلوس المهر أعمل العملية :) أو استنئ لما أرجع اشتغل واجمع المبلغ
في حد بيعرف ناس عملت العملية. ايه رأيكم فيها.

من وجهه نظرى بلاش العمليه لكن من الأفضل معالجة أسباب اللجوء للاكل فى حالات الفرح والحزن فهذ سببه التوتر العصبى والقلق الدائم ، تخلصى من التوتر وأعطى عقلك اجازة من الشد العصبى والقلق الدائم
أستمعى للموسيقى وقومى بعمل التمارين فى ان واحد

لو لازم تاكلى يعنى ومفيش مفر أتفضلى معايا طبق سلاطة وبلاش احنا

ملف كــــــــامل لجميع أنواع الريجيم

لاخفاء البطن في شهر واحد

شرب ماء دافيء على الريق معاه ليمون على الريق وقبل النوم مباشره.


الميرمية لتخفيف الوزن

*تؤخذ من الميرمية قدر ملعقة أكل وتنقع في ماء مغلي لمدة 10 الي ربع ساعة
وتشرب في المساء مع عدم تناول العشاء
**تاخذين بقبضة اليد ميرمية وتحطين عليها ماء مغلي وتتركينها مدة ربع ساعة وتشربينها قبل الغداء بساعة وقبل العشاء ايضا بساعة(وصفه من الخبير محمد الملحم)


عشبة الشمر لشد الجسم

والطريقة:-3 ملاعق وسط+كوب ماء مغلي تنقع لمدة لاتقل عن ساعة وتصفى وتشرب مره باليوم

خلطة ام سلطان(مراميه+بابونج+ اكليل الجبل)
ملعقتين من كل نوع في مقدار كوب وتغلى ومن غير سكر ومن الافضل شربها على الريق


لتنحيف البطن
شاي اخضر+ زنجبيل اخضر مقطع صغار+ قشر رمان الناشف+نعناع اخضر تؤخذ

السنامكي لعلاج السمنه
شرب 3 اكواب ماء في اليوم

الكمون والليمون

ينقع قليل من الكمون في ماء مغلي مع ليمون مقطعه حلقات ويترك طوال الليل ويشرب في الصباح على الريق

بذرة الكتان منحف ممتاز

والطريقة:-ملعقة وسط مع السلطة او مع الروب مع ملاحظة عدم طحنها

الشاي الاخضر الصيني

وله ميزه قويه للتنحيف واخفاء الكرش

وصفه ممتازه جدا للكرش وتخلي البطن لازق بالظهر

شاي اخضر صيني+ مراميه+ بابونج+ سنا+ دارسين
شربه قبل الفطور والعصر وقبل النوم مباشره فهو مفيد جدا ومجرب ايضا

وصفه 100%للتنحيف

عصير نص ليمونه+ نصف ملعقة كمون + زنجبيل اخضر بحجم الابهام + وريقات من النعناع
تضعينهم على كوبين ماي الطريقة يغلي على النار غلوتين ويترك قليلا ثم يصفى ويشرب
ملاحظة:-عصير نص ليمونه + نص الليمونه نفسها بعد العصر

طرق تنقص الوزن بدون رجيم

بدون جوع أو إحباط أو أدوية.. هذه خمس وعشرون طريقة يقدمها لك خبراء التغذية لإنقاص وزنك فإلى التفاصي


عندما تشعر بالجوع بين الوجبات ، امضغ الكرفس لأنه يحرق الكثير من السعرات ، أو تناول بعض الفاكهة الطازجة.

• احرص على تناول ثلاث وجبات يوميا في نفس الوقت ، ولاتهمل وجبة الإفطار لأنها تزيد من معدل حرق السعرات.
• حاول الوقوف أثناء التحدث على الهاتف أو مشاهدة التلفاز ، كما أن التحكم بالجهاز دون استعمال جهاز التحكم عن بعد يجعلك كثير الحركه.

• استخدم الدرج بدلا من المصعد الكهربائي كلما استطعت.


ابعد عن ذهنك فكرة أن التدخين ينقص الوزن إذا كنت مدخن أقلع فورا عن التدخين ومارس رياضة خفيفة وستلاحظ الفرق في قوامك وبشرتك.


لا تستخدم السكر ، أو استبدل السكر المصنع بسكر الفاكهة.


• استخدم بدائل الحليب والجبن قليلة الدسم.


• إذا كنت ممن يعشقون مشروب الشوكولاتة أو الكاكاو قم بشراء النوع الذي لا يحتوي على سكر أو مواد اضافية.


• احذر من الأطعمة المعلبة لأنها تحتوي على كثير من السعرات ، كما أن الصوديوم المستخدم في عملية حفظ هذه الأطعمة يعرقل عملية الهضم مما يسبب السمنة.

• لا تتناول المعكرونة أو الأرز إلا مرة كل أسبوعين ويفضل استبدالها بالنوع المصنوع من البر الأسمر.

• تعود على تناول الخبز الأسمر ، واختار النوع المحتوي على النخالة التي تساعد في عملية الهضم.


• لا تأكل إلا المكسرات الطبيعية غير المملحة.


• استعمل زيت الزيتون المعصور على البارد فإنه لا يسبب الكلسترول.


• انتظر على الأقل ثلاث ساعات عند الانتقال من وجبة لأخرى.

• لا تكثر من الملح لأنه يخزن السوائل في الجسم.


اشرب من 6 إلى 10 أكواب من الماء يوميا فهي تغسل الجسم من السموم والدهون.

• لا تأكل العلكة ولو دون سكر.


• لا تأكل الدجاج من جلده فهو مخزن للدهون والهرمونات.


• لا تأكل الليمون مع البروتينات فهو يحيد إنزيم "البيبسين" المسئول عن هضم البروتين.


• لا تأكل في وقت متأخر من الليل حتى تتيح للمعدة هضم الطعام بكفاءة.


• استبدل المقليات بالمشاوي والمسلوق.


• ابدأ دائما بتناول السلطات الخضراء.


• احذر الشوربات التي تحتوي على كريما


================================

أنــــــــــــــــواع الريـــجـــــــيـــــــــــم

:1 ريجيم الماء:

يؤكد العديد من الأطباء أن شرب خمسة أكواب من الماء قبل تناول الطعام، يجعلنا نفقد بعض الوزن كل شهر، ويرجع ذلك إلى أن هناك مواد مالئة إذا دخلت المعدة فإنها تعمل عمل الأسفنج، تمتص الماء وتحتفظ به في أنسجتها فيكبر حجمها، وتملأ أكبر حيز من فراغ المعدة الأمر الذي سيشعرنا بالشبع فور البدء بتناول الطعام.

2 ـ ريجيم السعادة:

يخلط هذا الأسلوب الجديد بشكل مدروس بين الريجيم والمزاج، فهناك أطعمة تشتهر بخصائصها الغذائية عالية القيمة التي تغني عن أكل كميات كبيرة، مثل المأكولات البحرية والفاكهة والخضر والتوابل والمكسرات والشوكولاته وغيرها من المأكولات، التي يترتب على تناولها الشعور بالحب والسعادة، لكن يشترط خلال اتباع هذا النوع من الريجيم شرب ما لا يقل عن لترين من السوائل يوميا، كما يوصى بتناول هذه المأكولات في جو شاعري يساهم، لتسريع الشعور بالشبع.

3 ـ ريجيم الفاكهة والخضر:

ثبت علميا أن ثلاثة أيام من الفاكهة والخضر تعيد الرشاقة إلى الجسم وتمنحه كل العناصر الغذائية اللازمة، خصوصا أن الإكثار من الفاكهة والخضر له تأثير كبير في الوقاية من الأمراض المزمنة لغناها بالفيتامينات المضادة للأكسدة، لذلك يعتبر تناول خمس وجبات يوميا من الفاكهة والخضر ريجيما ممتازا يعود بالفائدة الجمة على أجهزة الجسم، على شرط عدم تجاوز الثلاثة ايام، ومن الأفضل استشارة طبيب قبل البدء فيه.

4 ـ ريجيم التدليك:

تبين أن للتدليك فوائد جمة في حرق الشحوم المتراكمة، لكن هذا لا يمنع من اتباع إحدى طرق الريجيم آنفة الذكر معه لتحقيق نتائج مضمونة. مع العلم أن فوائد التدليك لا تقتصر فقط على إزالة الشحوم، بل انه ينفع حتى ذوي الأجسام النحيلة، حيث انه يقوي العضلات ويزيد حجمها لينشط الدورة الدموية ويصبح الجسم الهزيل ملفوفا كما أنه يزيد من فتح الشهية وتنشيط وظائف الأعضاء بالحيوية والنشاط.

5 ـ ريجيم سويسري:

أحدث الاكتشافات في عالم الريجيم ظهرت في سويسرا، وتعتمد على استخدام بذر الليمون. فقد تبين أنه يساعد على إنقاص الوزن، وكان الهنود يستخدمونه قبل ثلاثة آلاف عام لهذا الغرض، وذلك بضغط بذر الليمون على حلمة الأذنين ليتمكن الفرد بعد ذلك من التحكم في شهيته مع تنظيم وجبات الطعام المتناولة يوميا.

6 ـ الريجيم الحر:

من الممكن أن يكون الريجيم متوافقا مع الذوق وأسلوب الحياة، فهناك من لا يستطيع تناول وجبة طعام من دون أن ينهيها بتناول قطعة كبيرة من الحلوى، لهذا فإن مقاومة الإغراءات خلال هذه الفترة، يعد أمرا صعبا على هذه الشريحة، وهو ما حدا بالأطباء إلى ابتكار هذا النوع من الريجيم، الذي يمكن اتباعه لمدة ثلاثة أسابيع بالاعتماد على خيارين الخيار المالح أوالخيار الحلو، وعدم الخلط بينهما طوال هذه المدة

===========================
ريجيم يخفي البطن........مجرب

1_جميع انواع الحوم بشرط ان تكون مسلوقه او مشويه
2-جميع انواع الخضار بشرط ان تكون مطبوخه بزيت قليل او بدون زيت
3-جميع انواع الفواكه
4-السلطات
5- العصائر الطازجه بقليل من السكر او بدون
6-القهوه والشاي بدون او قليل من السكر
7-البيض
8-شرب الماء بكثره
الممنوعات
1-الخبز بجميع انواعه
2-المكرونه
3-الأرز
4-المشروبات الغازيه
5-جميع انواع المعلبات
6-جميع انواع البُقوليات
شرب عصير البرتقال واكل الزبادي في الصباح للحفاظ على رونق البشره
بلمختصرررررررررررررررررررررررررررررررررررررر

النشويات هي اكثر سبب ينفخ البطن
الممنوعات حاولو لمدة اسبوع علأقل
===================================

نصائح للحصول على قوام جميل

1_سحب البطن إلى الداخل ، ورفع الرأس إلى الاعلى اثناء الوقوف.
2_التمرين على المشية المعتدلة بوضع كتاب كبير الحجم على الرأس والمشي دون ان يقع ودون مسّه أو سنده باليد.
3_الجلوس دائمآ والظهر مستقيم، مع محاولة لصق أسفل الظهر بمسند الكرسي.
4_إتخاذ وضع الجلسة الصحيحة أثناء الدراسة والكتابة ، وذلك بالجلوس على كرسي مريح ووضع طاولة المكتب على ارتفاع مناسب يسمح براحة الرقبة وعدم انحنائها إلى الاسفل للقراءة والكتابة.
5_ممارسة رياضة تقوية عضلات الظهر والبطن بانتظام وذلك بمنع بروز البطن الذي يعطي مظهرآ سيئآ ولحماية الظهر من الحوادث المفاجئة.
6_عدم إحناء الظهر أثناء رفع الاشياء من على الارض وخاصة الثقيلة منها ، وإستبدال ذلك بالجلوس على الركبتين ثم رفع الاشياء المراد حملها من على الارض.
7_تمرين عضلات الرقبة بانتظام لتقويتها ومنع حدوث تقلصات بها.
8_تجنب لبس الاحذية ذات الكعب العالي ، لما لها من آثاء سيئة على العمود الفقري.
9_ممارسة المشي على رؤوس الاصابع بين فترة وأخرى لتقوية عضلات الساقين.
أخذ فترات من الراحة أثناء العمل المتواصل ، لعدم حدوث توتر العضلات وتقلصها.

أقراى أيضاَ عن تخفيف الوزن بالأبر الصينيه
العواف عليكو ...................

أظن بقه بعد الرد بتاع ايمى حتحرمى تفكرى فى أى عمليات

وأنا و بالاصاله عن نفسى فى فترة كنت بفكر جديا انى أعمل عملية من دول...مع انى كنت برضو مش رفيعه ولا طخينه

وبعدين بعد أبحاث و قراءات و اسئلة و اتصالات وصلت الى الاتى:

اولا اللجوء لعملية دى مش حاجه سهلة و خصوصا فى عملية زى اللى انت بتتكلمى عنها..
لأن فيها مخاطر كتير جدا و قد تودى بحياة الشخص..سواء العملية أو ما بعدها..
فى مخاطر التخدير, و التلوث , و العدوى و الشفاء و النقاهه دول مش حاجه سهله
و موضوع تدبيس المعده ده خصوصا له تعقيدات جامده بعد العمليه و نظام معين لازم تمشى عليه لفتره ليست بالقصيره

أنا شخصيا لما كنت عايزه اعمل عمليه من دول ..حذرتنى ماما (و هى دكتورة) من الموضوع و خصوصا التخدير.... و انا كنت فاكره انها بس بتقوللى كده عشان خايفه عليا

لكن لما دورت بنفسى و قريت..لقيت ان فعلا كان عندها حق...و بالصدفه كمان أيامها فى ممثله مشهوره عندنا اسمها سناء يونس أظن..
المهم انها دخلت تعمل عملية شفط دهون( و كانت عملتها قبل كده كمان)...و للأسف توفيت فقط نتيجه للتخدير.

أنا من ساعتها شايفه ان العمليات دى ممكن يعملها حد مضطر لاسباب حياه او موت...
يعنى مثلا فوق الوزن الطبيعى بكتير و ده مسببله مشاكل قد تودى بحياته و كمان مايكونش عارف ينقص وزنه بالطرق الطبيعية..
غير كده انا باحس ان ده كأن الواحد بيرمى نفسه فى التهلكه..


جه بقى الشيطان و لعب فى دماغى تانى...
فكرت تانى و قلت طيب نفرض ان أنا فعلا عملت العمليه زى الاف ما عملوها و نجحت و الحمد لله و ميت فل و عشرة..
هل كده مشاكلى اتحلت و وزنى و شكلى حيفضل كده بعد العملية؟؟
بدأت برضو أقرا عن نتايج العمليه و اشوف برامج بتجيب ناس عملوها الخ..
توصلت الى ان ...

اولا: العمليه نتايجها مش مضمونه قوى كده زى بعض البرامج ما بتصور و بالعكس لو العمليه مانجحتش ممكن تسيب مشكله أكبر

ثانيا: لو نجحت ..و أنا اتبسطت من نفسى و رجعت لنفس اسلوب المعيشه العادى بتاعى..برضو حيرجع وزنى يزيد و حاحتاج عمليه و عمليات تانيه.
يعنى دى مش حاجه مره فى العمر و السلام..

يعنى من الاخر رحت يمين..جيت شمال..عملت عمليه أو ماعملتش
حاضطر أغير من أسلوب معيشتى و أكلى و حركتى و طريقة تعاملى مع مشاكلى و مشاعرى
و ده حيبقى شىء يومى بعمله..
انى براقب الكالوريز اللى داخله و الكالوريز اللى بحرقها..

و كان هوس وصل بى الى ان وزنى نقص فعلا 13كيلو لكن كانت بشرتى باظت و جالى اكتئاب بجد..و مبقتش اكل و منعزله و سريعة الانفعال..
يعنى واحده تانيه...

و بعد صراعات عديده وصلت الى ان التوازن حلو فى كل شىء...

1) ماتقوليش لنفسك انك بتعملى دايت لمده معينه و خلاص و تفضلى تزيدى و تنقصى فى الوزن...فورا حتلاقى انك مفتقده كل الأكل الغير صحى و جسمك حيبتدى ياخد دفاعه و مايحرقش أو كمان يخزن و لو انتظمت شويه حتلاقى نفسك زهقتى و لو انتظمتى و وصل وزنك الى المطلوب حتلاقى من الصعب تفضلى بالنظام ده طول حياتك و أول ما ترجعى لعاداتك القديمه وزنك كمان حيرجع تانى

قولى انك حتشوفى ايه العادات اللى بتعمليها و بتخلى وزنك يزيد و تحاولى تغيريها ...الحل
و الحاجات اللى قدامك و يتخلى وزنك يزيد و تبدليها أو تشليها خالص.

2) ماتركزيش على وزنك و تفضلى رايحه جايه توزنى نفسك....ركزى على انك تكونى فى صحه جيده و physical fitness جيد

و ده مش بس انك تلعبى رياضه لكن تزودى حركتك عموما على مدار اليوم...

3) حاولى على قد ما تقدرى انك تقللى جدا من الاكل الprocessed اللى عدى على مراحل عديده و ركزى أكتر على الأكل الأقرب لشكله الطبيعى و نوعى فيه.

4) حاولى تاكلى من 3 الى 5 وجبات متكامله و خفيفه و صحيه فى اليوم...

ده حيخلى مستوى السكر فى جسمك الى حد كبير ثابت على مدار اليوم مش طالع نازل و مش حتلاقى نفسك جعانه جدا ...
حتلاقى نفسك جعانه بدرجه معقوله تخليكى تفكرى تاكلى ايه بدل ما تروحى لأول حاجه قدامك ..

5) لو فرض و حتاكلى حاجه دسمه...دايما حاولى تاكلى جنبها حاجه غنيه بالألياف..

6) و خلى بالك جدا من أى حاجه فيها دقيق أبيض أو سكر أو ملح..

7) اشريى ميه على قد ما تقدرى على مدار اليوم...يكفى مثلا بق ميه على الماشى كل شويه..

لكن فى كل ده من تجربتى بحس أن اهم من الاكل,,الحركه
أولا لأنها بتزيد معدل حرق الكالوريز...و ده بيدينى حريه شويه فى الأكل
و الرياضه و الحركه بتحافظ على العضلات فى الجسم
!!العضلات بقى دى مهمه جدا لأنها هى اللى بتحرق الشحوم و الدهون... حتى و انت مش بتتحركى
و كمان لما العضلات تبقى سليمه و مشدوده...الشكل حيبقى أحسن حتى لو مش فى الوزن المثالى
مش كده و بس..ده كمان لما العضلات تبقى مشدوده و مرنه ده بيدى سهوله أكتر فى الحركه و توازن و رشاقه

و لما يكون فى سهوله فى الحركه..حتلاقى نفسك عايزه تتحركى أكتر و فى الأول توقعى انك حتبقى كسلانه و تعبانه لكن لما تحسى بالنتايج حتمسكى فى الحركه و الرياضه بايدك و سنانك و تحسى ان فى عيل تاه منك لو فرض و ماعملتيهاش

بعكس لو اتكلتى بس على نظام عذائى معين من غير حركه ولا رياضه..
اللى بيحصل فى الحاله دى ان الجسم لو مالقاش دهون و العضلات مش شغاله..حيبتدى يحرق من العضلات..
الوزن حيقل لكن حيقل عضلات و دهون مش دهون بس..

النتيجه ان الفرن اللى بيحرق الدهون (العضلات) بالسلامه كده..يبقى الmetabolic rate حيقل يبقى لو زودتى فى الأكل تنتوفه..فورا حتبان عليكى و حيبقى صعب تحرقيها

غير بقى ان الجسم و الجلد بيترهلوا و بيبقى منظر غير صحى اطلاقا..

يبقى الحل فى كبسوله...الأكل بالمعقول و حركه على طول
و دى حاجات علميه و أنا مجرباها و على ضمانتى و ان شاء الله وزنك ينقص و يثبت كمان على المدى الطويل

و بالصدفه كمان أيامها فى ممثله مشهوره عندنا اسمها سناء يونس أظن..

الله يرحمها كانت "سعاد نصر" .. ما تفولوش على سعاد يونس

س: مين سعاد يونس؟؟ فيه ممثلة اسمها كده؟؟

اييييوه...الله ينور عليك
مين سعاد يونس دى أساسا؟؟

استنوا لما أجوجل كده

((توفيت الفنانة سعاد نصر مساء الجمعة عن عمر يناهز 54 عاما إثر غيبوبة استمرت أكثر من عام.))



الاسبوع الماضى فقط تم الحكم فى قضية وفاة الفنانة سعاد نصر .

الغريب ان الحكم كان ( شهر سجن مع وقف التنفيذ لطبيب التخدير الذى قام بتخديرها اثناء العملية ), بالرغم من ثبوت تهمة الاهمال الجسيم الذى ادى الى وفاة المريضة .
وده يدينا فكرة عم حجم المأساة اللى بيعيشها الطب فى مصر حاليا .
ودايما بقول ان الطبيب فى مصر اسرع طبيب يدفن اخطاءه فى العالم , واذا كان الحكم ده صدر لوفاة فنانة مشهورة , امال لو مواطنة عادية ؟ اعتقد كانوا حيدوا الطبيب جائزة لانه خلصهم من مواطنه والشعب نقص واحدة .
الفنانة كانت احدى ضحايا الاهمال .. والتسيب .. وغياب سلطة القانون .

((في بالي من فتره أعمل عملية تحوير المعدة. مش تخينة قوي بس مش رفيعة))



عملية تدبيس المعده دى بتتعمل للى اوزانهم فوق ال 100 كم وقابل للزيادة.
نصيحة تبتعدى عنها للاتى :

* بعد العملية بيكون عندك معدة طفل صغير فى الوقت اللى انتى متعوده على كميات معينه من الاكل , واى زيادة فى كمية طعام اكثر من حجم ماتطلبه معدة طفل ستتقيىء , يعنى ممكن تتقيئى عدد كبير من المرات يوميا .

* اذا لم تلتزمى بكمية الاكل السابقة الخاصة بعمر طفل صغير, تبدأ المعدة بالتمدد تدريجيا حتى تصل الى الحجم الذى كانت عليه قبل العملية ويعود الوزن كما كان .
اعرف سيدات قمن باجراء عملية تدبيس المعدة ورجعت المعده لحجمها الاصلى وعادت ريما لعادتها القديمة بس عرضوا نفسهم لجراحة مالهاش لازمة .

* يحدث فقر دم ( انيميا ) نتيجة اجراء هذه الجراحة , ده غير مضاعفات الجراحة نفسها .

طيب ايه الحل ؟؟؟

واضح انك ذى كل الناس ماتقدريش تتحملى الجوع لفترة , وانا فى راييى الشخصى لو فيه رجيم اساسه ان الشخص لازم يجوع شوية ده رجيم حيفشل اكيد .

لكن انا حقولك على طريقة ممكن تنزلك كيلو اسبوعيا يعنى توصل الى 4 كيلو فى الشهر .
والطريقة دى بعملها لما الاقى نفسى زدت فى الوزن وبتجيب معايا نتيجة سريعة .


مطلوب منك ايقاف 3 انواع الخبز ... الارز .... السكريات
طبعا الخبز بانواعه (اى خبز او معجنات )
والارز يشمل برضه المكرونه
السكريات تشمل السكر وكل مايدخل فى تصنيعة السكر ذى الحلويات ..

طبعا حتقولى فاضل ايه اكله , حقولك فاضل كتير

وتقدرى تكلى اى حاجة تحبيها وبدون ماتجوعى ( اللحوم بانواعها - الدجاج بانواعه-الاسماك بانواعها-الفواكه بكاملها - الخضروات بكاملها - جميع انواع العصيرات الطبيعية الفرش المعصورة فى البيت)

ده بالاضافة لزيادة الحركة ومش لازم تمارين رياضية -المهم تتحركى دايما سواء داخل البيت او خارجه.

كده حتلاقى وزنك بينزل بدون جوع ولا تحديد كميات اكل , وتوزنى نفسك مره واحده فى الاسبوع على ميزان ثابت الضبط يعنى ما تظبطيش الميزان كل ماتيجى تطلعى عليه , يعنى عودى نفسك مثلا توزنى كل يوم جمعة بالليل , ويفضل ان تاكلى 6 مرات فى اليوم ده حيخليكى ماتكليش كميات كبيره ويبدا حجم المعدة يقل واحساسك بالشبع يكون اسرع .

أيمي حبيبتي ان شاء الله لو ربنا قدر وعملتها فاهتكون هنا في الامارات.
استادنا الكبير دكتور أدهم. فعلا لو كان وزني فوق المية كنت هعملها مجانا عن طريق التأمين الصحي
لأنها بتتعمل مجانا لكل شخص معدلة كتلة الدهون في جسمه أربعين وأكثر

مشكلتي مش بس الجوع. مشكلة الفجع. خصوصا لفتره دي إلي سبت فيها الشغل
باكل سواء جعانه أو لا ومش قادرة نهايا التزم بحمية مهما أي كانت عايزة أكل وخلاص وبعدها طبعا ندم واكتئاب وأنا ليه أكلت
هحاول أعمل إلي حضرتك قلته بما انه معنديش خيار تاني لحد ما يتوفر عندي قيمة العملية.

ملاحظة : إلي شجعني جدا صاحبتي كان وزنها 154 دلوقتي وزنها 52 ولازالت بتنزل في الوزن شكلها حياتها ونفسيتها اتغيرت كتير
حقيقي هي احتاجت عمليات شد بس اعتقد عشان هي كانت تخينه جدا حصلها الترهل أنا مش تخين لدرجه انه يحصلي ترهل اظن ؟!!

على فكرة لما جيت أرد مشفتش غير رد أيمي ورد دكتور أدهم.
استنوني بكره لما افتح النت من لابتوب أصلي اتحولت من شاشة الموبايل

من الاخر والخلاصه النوهائيه عليكى وعلى شرب شاى الوزة المنتهى الصلاحيه

المهم النية يا قمر

أظن بعد كل المكتوب هنا، ما عندكيش حجة

بطلى أكل فيه مجاعة فى العالم، وانت نازلة طحن طالعة طحن
ا

هشام لو سمحت خليك على جنب لو سمحت ...
اخيرا بكتب لكم من لابتوب مش من الموبايل بجد عنيا اتحولت منه..

يا جماعه العمليه دي دلوقتي بقت مشهورة جدا وكتير جدا الي بيعملوها ...مش بس المصابين بالسمنه بل حتى الي في اول مراحلها .....والنتائج مذهله يا جماعه انا شفت 2 من صحباتي ...والله مش هتعرفوهم اتحولوا لمنيكان ...وهم قبل مش سمنه دي اخر مراحل البدانه المفرطه كمان...ودلوقتي ارفع من الرفع نفسه...

لي عوده وقت تاني باذن الله

قمر الليالى حتشيل معدتها والأكل حيقع فى رجليها ويكعبلها وهى ماشية

بص يا هشام الموضوع جد جدا
ومش وقت تتريق عليا ...انت مش مستوعب الالم النفسي والجسدي والمعاناة

بس بما ان الموضوع يتعلق بمبلغ كبير ..ولسه مش متوفر مفيش امل غير اني احاول امشى شوية على البحر اليومين دول واخفف اكل ..ولله الحمد مش هحسد نفسي بس نفسي مسدوده عن الاكل ومليش نفس اكل نفسيتي غريبه اليومين دول..

قلنا من زمان وبدون تريقة ..
صوموا تصحوا ..
صدق رسول الله صلى الله عليه وسلم

اكيد يا هشام كلام اشرف الخلق رسول الله صلى الله عليه وسلم مفيش اي كلام بعده بس الموضوع مش سهل ..ولو كان سهل مش هيكون نسبة البدانه في العالم في تزايد وطبعا ما يتبعها من امراض...

انا خايفة ان الموضوع يفلت مني خصوصا ان الموضوع متعلق بالمزاج مبسوطه والا متضايقة الاكل هو الي بيفش الخلق

منا قلتلك ياقمر ... فشى خلقك فى الاكل ذى منتى عاوزه , بس ابعدى عن ثلاث حاجات ..

العيش واى معجنات - الارز والمكرونه - السكر والحلويات

مع زياده فى الحركة داخل او خارج البيت

كده مش ممكن حتحسى بجوع , وحتاكلى فى اى وقت وبأى كمية وحتلاقى وزنك بينزل

جربى ومش حتخسرى حاجة وابدأى اسبوع واحد من السبت واوزنى السبت اللى بعده .

واذا جاب نتيجة ليه ربع فلوس العملية بس , انا مش طماع

حاضر من بكره باذن الله هبتدي وان شاء الله للسبت الجاي هشوف كم كيلو هنزل

يا سلام يا قمر موضوع رائع
بس يا ريت كل واحد شارك برأيه وقبل ما أشارك أنا بِدِّي أعرف وزنه وطوله ... وراح أكون شجاعة وابتدي بنفسي وزني 121 كيلو وطولي ١٦٤ ياللا مين من اللي شاركوا ماعدا هشام راح يقوللي وزنه وطوله

قمر يا حلوة ادخلي برجلك اليمين وقوليلي وزنك وطولك ? وعندي معلومات كتير عاوزة أشارك فيها إن شاء الله تفيدك

Hesham كتب:قلنا من زمان وبدون تريقة ..
صوموا تصحوا ..
صدق رسول الله صلى الله عليه وسلم

فالحديث المذكور حديث ضعيف أو واه، ضعفه الحافظ العراقي في المغني عن حمل الأسفار. والمناوي في التيسير، وأورده الصاغاني والفتني والشوكاني في الموضوعات.. ورواه العقيلي في الضعفاء في ترجمة زهير بن محمد الخراساني، وقال: لا يتابع عليه إلا من وجه فيه لين. انتهى.

وضعفه من المعاصرين الشيخ الألباني في السلسلة الضعيفة، والشيخ علي حشيش في سلسلة الأحاديث الواهية... وعزاه المنذري في الترغيب للطبراني وقال: رواته ثقات. انتهى. وتابعه على ذلك الهيثمي في مجمع الزوائد. وراجع الفتوى رقم: 100113.

ثم ننبه السائل الكريم على أن ذكر الخطباء وأئمة المساجد لحديث ما، لا يعني بالضرورة صحة هذا الحديث فكثير منهم لا يعتني بالتدقيق في صحة إسناد ما يذكره، وبعضهم يتساهل في أحاديث الفضائل التي لا يترتب عليه شيء من مسائل الحلال والحرام، وقد سبق لنا بيان أنه لا بأس بالعمل بالحديث الضعيف في فضائل الأعمال بشروط سبق ذكرها، وذلك في الفتوى رقم: 19826، والفتوى رقم: 41058.

والله أعلم.





معلش يا هشاموفتش كل مرة بنحكي عن الأكل والتخسيس بتذكر هالحديث وزي ما عَلَّمتني لازم الواحد يشغل مخه والرسول صلى الله عليه وسلم ما ينطق عن الهوى في الأمور الدينية والشريعة والحلال والحرام لكن في الأمور الدنيوية ككيفية زرع شجرة قد يخطئ وقد يصيب.... والله أعلم أما قصة صوموا تصحوا فأنا مع من ضَعَّف الحديث لأنه الصيام مؤذي للصحة لبعض الناس ... وبالتالي ما بنقدر نِعَمم هالشعار عالكل ... والله أعلم وصلحولي إذا غلطت

مواضيع ازيك يا حبيبتي وحشتيني انتي فين مختفيه عن المنتدى ...ان شاء الله تكوني بخير ...
طبعا هكون شجاعه اول طريق لحل المشكلة هو الاعتراف بالوزن وانه فعلا كبير

وزني 80 كيلو
وطولي 154..انا كنت اطول والله كنت 158 ازاي قصرت معرفش

انا بعمل زي ما دكتور ادهم قال بس باخذ سكر مع الشاي ملعقة مش اثنين

حاسه الفرق مش في الوزن في الخفة بحس جسمي اخف مش حاسه بالثقل الي غالبا احسه ..بس للامانه اليوم جعانه بطريقة سيئه جدا حاسه عايزه اكل مكرونه مثلا او عيش مع جبن سايحه
هموت جوع والله ومش عايزه غير مكرونه رز عيش حاجات بتخن

ياللا مين من اللي شاركوا ماعدا هشام راح يقوللي وزنه وطوله

إشمعنى أنا يعنى؟؟؟

طيب بالعند فيكى حأقول: طولى 191 سم، ووزنى 85 كيلو، وحليوة ومطلق وأعول

معلش يا هشاموفتش كل مرة بنحكي عن الأكل والتخسيس بتذكر هالحديث وزي ما عَلَّمتني لازم الواحد يشغل مخه والرسول صلى الله عليه وسلم ما ينطق عن الهوى في الأمور الدينية والشريعة والحلال والحرام لكن في الأمور الدنيوية ككيفية زرع شجرة قد يخطئ وقد يصيب.... والله أعلم أما قصة صوموا تصحوا فأنا مع من ضَعَّف الحديث لأنه الصيام مؤذي للصحة لبعض الناس ... وبالتالي ما بنقدر نِعَمم هالشعار عالكل ... والله أعلم وصلحولي إذا غلطت

براوة عليكى يا مواضيع .. كده 100 100
أوافقك على الرأى بضعف الحديث، وتأكيد العلماء المذكورة أسماؤهم لذلك، يقوى من الرأى بضعفه.
لكن .... وكما قال من نقلت عنه: (لا بأس بالعمل بالحديث الضعيف في فضائل الأعمال بشروط) .. فإن كان الحديث على ضعف سنده للرسول عليه الصلاوة والسلام، له فائدة ونفع عام، فهو إذن أقرب إلى الحكمة والقول المأثور والمثل الشعبى، ولا ضرر من استخدامه.
والله أعلم ..

المهم .. انت وقمر الليالى محتاجين كورس تخسيسى مكثف لو فعلاً متضايقين من وزنكن، وفى هذه الحالة أنصح باتباع نصائح أدهم وسيسامى، والبعد عن إيمى بعضشى مقتنية الأقمشة، علشان ما يحصلكوش أعراض جانبية خطيرة.  أما لو الموضوع مش مؤثر ومبسوطين بأوزانكن، فبخن بخن، ومرحى مرحى ..
على رأى حنظلة قبل إسلامه فى فلم فجر الإسلام: "إنها رائحة إنسان، وإنى فخور بها .. هع هع هع هـــــــــاع"

انا طولى 157، ووزنى 50 كيلوا وأحيانا بينقصوا ويزيدوا 3 كيلوا
مش بحب الاكل بطبعى اللى عايز يعمل رجيم يجى بس يأنسنى شهر وياكل زى ماانا بأكل بالظبط اى نعم حيضربنى لكن فى النهاية النتيجه انه حيخس جدا


وسلامى لمواضيع اللى منورة المنتدى ويا رب ديما تفضل موجوده