قوانين طبيعية ...

هناك احداث غريبة تحدث لنا يوميا ولا نعرف لها تفسير مقنع


* قانون الطوابير : اذا كنت واقف فى طابور وحولك عدة طوابير فى مكان ذى المطار مثلا , سيدفعك الملل للنظر للطوابير الاخرى لاختيار اسرع طابور وتنتقل اليه بسرعة , وبعد فترة ستجد ان الطابور الذى تركته بدأ فى التحرك اسرع مما انت فيه .


* قانون التليفون : لايحدث ان تتصل برقم خطأ ويكون مشغول .


* قانون الاعمال اليدوية : عندما تقوم باصلاح سيارتك مثلا , وايدك كلها شحم وزيت , ساعتها بس حتحس انك عاوز تهرش .


* قانون سقوط الاشياء : اذا سقطت من ايدك قطعة من صندوق العدة مثلا , ستجد انها ستتدحرج الى ان تصل الى اسوا مكان وستبذل مجهود لاحضارها .


* قانون الاعذار : اذا اعتذرت كذبا لمديرك بان سبب تأخرك هو خرم فى كوتش العربيه وانت رايح الشغل , حيحصلك ده تانى يوم وكوتش العربية حيتخرم .


* قانون الاستحمام : اول ما تدخل الحمام وتبدأ فى الاستحمام , جرس التليفون يرررررن .


* قانون الالكترونيات : ممكن يحصل انك تاخد جهازك العطلان للورشة للتصليح , واول ما المهندس يفتحة يشتغل على طول .


* قانون الشاى : اول مايجيلك الشاى وحتبدأ تشربة , تطلعلك شغلانه وعلى ماترجع يكون برد.


* قانون الصدف : ساعات تكون فى مكان ومش عاوز حد يشوفك فيه , ساعتها حتلاقى المعارف كلها هللت وبتسلم كمان .

بمناسبه قانون الاعذار :
عندى حكاية حقيقة حصلت لشخص قريبى ( س ) 
يعمل بشركة صاحبها لا يتهاون أبدا فى موضوع الأجازات إلا فى حالة الأعذار القهريه .
توفى عم (س ) وقدم طلب اجازة ووافق عليها المدير
بعدها بشهرين توفى جار له فطلب اجازة لحضور الجنازة وقال له ( ان عمه الثانى توفى ) ووافق المدير على الطلب
بعدها بشهرين توفى والد ( س ) وطلب أجازة ووافق عليها المدير
بعدها بشهرين توفى عم (س ) فقلت له لازم تحضر جنازة عمك فرد قائلاَ
لو أحضرت للمدير شهادة الوفاة ليصدق فلم يصدق

تصدق بجد يا ادهم اغلب القوانين دي بتحصل معايا
خصوصا قانون الاستحمام ...دايما التليفون ينشن



تصورى يافريده ان موضوع الطوابير ده بيحصللى دايما لما اكون مسافر لانى بكره الطوابير وبيجيلى ملل سريع منها ولا اصبر على الوقوف فى طابور وياويله اللى يستهبل ويخالف ويدخل قدامى

تتصوروا ان كل القوانين دي بتحصل معايا