مبارك شعب مصر

فيه موضوع كان حديث المدينة الفترة اللي فاتت وكل الصحف والقنوات الفضائية تناولته
فيه ناس صدقت اللي قريته او سمعته وفيه ناس شككت ورفضت التصديق
واعتبرته نوعا من التخريف والتهيؤات

هو تجلي السيدة العذراء في الوراق

مفيش شك لا لوم علي الذي لم يري هذا الحدث بعينيه ولكن اللوم يقع علي اتهام من راي انه يتوهم
لان الظهور كان جليا للمسلمين والمسيحيين الذين رآوا باعينهم تجلي السيدة العذراء

فيه لينك ساضع وصلته شامل للموضوع

لكن قبل ما تشوفوا اللي فيه هنقلكم اقوال بعض الشهود اللي شافوا وحكولي بنفسهم

الاسترجي اللي بيلمع الموبيليا كان عندي الاسبوع الماضي
هو شريك في الوطن مسلم الديانة نعرفه من سنين شخصية هادئة واخلاقه عالية جدا
ساكن في الوراق وبالتحديد قاللي بيشوف من سطح منزله كنيسة الوراق
وصفلي بالتفصيل ما راته عيناه وكان بيحكي وهو سعيد انه راي هذا التجلي العظيم
قلتله فيه ناس هتتهمك بالتخريف قرد انه مصدق بس اللي شافته عنينه
ودافع عن اللي شافه بنفسه

كان هناك بعد ذلك اكثر من ظهور في اكثر من كنيسة راوه ايضا شهود عيان
وبالصدفة بتاع الزرع اللي دايما بيجبلي الورد هو برضه شريك في الوطن مسلم الديانة
وساكن في شبرا وشاف في كنيسة مسرة بشبرا تجلي السيدة العذراء ووصفهالي بجد وهو سعيد

طبعا اتقابلت مع ناس كتير حكتلي
الظهور في حد ذاته كان عجيب جمع ابناء مصر انها تنظر للسماء
زي ما يكون رسالة من ربنا عايز ينبهنا ان قلوبنا تتجه للسماء لننعم بالسكينة والسلام
ونبعد عن الارض التي تفرقنا وتملا قلوبنا بالكره والضغينة

اليكم اللينك ونتقابل لاحقا لنتحاور
لكن اعذروني لو اتاخرت عليكم بيكون غصب عني
لكن دائما مهما بعد اللقاء فلا مفر من ان نتواصل دائما بحب وقلوب عمرانة بالسلام

http://www.zeitun-eg.org/warraq.htm

يا فريدة .... يااااااااااااااااااااا فريدة
إحنا فى سنة 2010 .. وربنا فى سنة 2010
فيه تفسيرات للظاهرة .. علمية .. مادية .. ملموسة .. محددة .. وكثيرة. مافيش منها ولا تفسير واحد يوحد الله، يثبت أو حتى يقول كلمة "إحتمال" إن الظاهرة الضوئية هى فعلاً ظهور للسيدة العذراء.
السيدة العذراء التى نعشفها ونجلها جميعاً، من حبى لها اخترت اسمها تيمناً بها ليكون اسم بنتى الوحيدة ... لكن حبها وتقديرها وإجلالها شئ، .. وأن أكون مهوُساً بها لدرجة أن أتخيل العفاريت والكتاكيت اللى بتمأمأ والمعيز اللى بتطير بزعانف السمك فوق الهرم شئ تانى!!