الزمالك، وكل المنظومة

والـلــــــــــــه ...
والله أنا أهلاوى جداً
ووالله حزين على الزمالك جداً
مهما طلعت أندية مغمورة لفوق .. بدون الأهلى والزمالك مع بعض، مفيش أى طعم للكورة المصرية
وأعتقد والله أعلم .. إن نظام الإحتراف المكسح المتبع عندنا هو سبب كل ما يحدث فى الزمالك وغيره من الأندية:
شواكيش الترسانة هبطوا، والسوايسة وصعايدة إلمنيا اختفوا من زمان، وفلاحين المحلة ومعاهم بورسعيدية المصرى حيهبطوا عاجلاً أو آجلاً، والزمالك لولا أنه الزمالك باسمه الكبير وشعبيته الكبيرة، كان زمانه هبط بدرى بدرى من كذا سنة .. وحتى الأهلى نفسه عنده مشاكل وبيتعرض لمخاطر مش باينة حالياً بس ممكن تبان فى أى لحظة .. ولولا انه لحق نفسه من البداية، يعنى من كذا سنة، كان زمان حاله زي حال الزمالك وغيره ..

الخلاصة ..
المشكلة فى مشكلة الزمالك وإدارته زى ما بيحاولوا يفهموا الناس .. لكن فى نظام الكورة فى مصر من أساسه.

كل الزعلانين على فرقهم علشان ما بيلعبوش بحماس وبروح الفانلة، مش واخدين بالهم من أهم نقطة، وهى أن اللاعب حالياً لا يهمه فانلة ولا يحزنون، كل اللى يهمه مين حيدفعله أكثر .. إنما الفرقة تكسب أو تخسر .. ده موضوع مش فى دماغ أى لاعب النهاردة
لو عاوزين نتفرج على كورة مصرية حلوة فيها الحماس والروح والمتعة والإثارة الحقيقيين، مش المفبركين بواسطة وسائل الإعلام ..

يبقى مفيش حل غير تغيير النظام الحالي .. زي زمان، أيام ما كان اللاعب يا يلعب للفريق اللى بيحبه وبينتمى إليه، يا يبطل لعب خالص .. على الأقل فى مصر أو فى الدوري الممتاز، يعنى لو ساب فريقه، يحترف بره أو يلعب فى دوري درجة أقل أو أكبر ..

والله .. زعلان عليك يا زمالك، وعلى كل الفرق المصرية، ومنهم لله أصحاب المصالح اللى بوظوا دماغ اللاعيبة ودماغ الناس كلها، لأجل مصالحهم الشخصية.

والله .. زعلان عليك يا زمالك،


ولا تزعل نفسك يا هشام خلاااااااااص الزمالك ابتدا يتخلص من ازمته الكروية
تحت راية مدربه الجديد حسام حسن اعتقد هيعمل حالة من الاستقرار النفسي للفريق
وامبارح تقدم بتلات اهداف علي المصري

بس معلش برضه كويس الاهلي اتعادل مع الاسماعيلي بعد ما كان الاسماعيلي متقدم بهدف

وبما اني زمالكاوية صميمة بقول

ولا تزعل نفسك يا هشام خلاااااااااص الزمالك ابتدا يتخلص من ازمته الكروية
تحت راية مدربه الجديد حسام حسن

نسيتى كلمة فى السطر ده يا فريدة .. استنى حأحطهالك

ولا تزعل نفسك يا هشام خلاااااااااص الزمالك ابتدا يتخلص من ازمته الكروية
تحت راية مدربه الجديد حسام حسن الأهلاوى

عزيزي اولدمان كلام هشام مش مظبوط

اصله مش واخد باله من حاجة معلش الزهايمر يا هشام

حسام حسن اصلا اتعالج من زمان من المرض الاهلاوي ولعب في الزمالك وتخلص المسكين من عقدة الفانلة الحمرا

الأهلي حدييييييييييد