تفتكروا حيقولوا إيه؟

أوقات بيعدي عليا موقف أو حدث وألاقي نفسي بفكر: يا ترى لو الناس من الزمن القديم كانوا عايشين حيقولوا إيه أو حيتصرفوا إزاي؟

آخر موقف لما كنت راكبة العربية وفيه واحدة سايقة العربية اللي جنبي وبتتكلم في الموبايل بس بماعة بلوتوث فلاقيتها كإنها بتكلم نفسها، ساعتها قلت يا ترى لو ناس من القرن السابع عشر مثلا ظهروا النهاردة ولاقوا الناس ماشيين بيكلموا نفسهم حيكون رد فعلهم إيه؟

وأوقات بسمع أغنية مستفزة أو كلماتها سخيفة وأقول يا ترى لو عيد الحليم أو عبد الوهاب ظهروا فجأة حيقولوا إيه؟

وأوقات بقول يا ترى لو شهداء أكتوبر ظهروا النهاردة في طابا أو شرم الشيخ واكتشفوا إن الإسرائيليين موجودين بكثرة وعادي حيقولوا إيه؟

يا ترى لو طلعت حرب ظهر النهاردة وشاف اللي بيحصل في الاقتصاد المصري حيقول إيه؟


إيه رأيكوا كل واحد يتخيل شخصية وموقف ويقولنا بيتخيل الشخصية دي حتقول إيه في الموقف ده؛ ممكن يكون موقف يموت من الضحك أو موقف مؤلم أو اي حاجة تيجي على بالكم.

حتلعبوا معايا ولا حتسبوني أكلم نفسي كام يوم؟ :mmm:

حتلعبوا معايا ولا حتسبوني أكلم نفسي كام يوم؟ :mmm:

لاطبعا يا مصريه احنا مش مجانين عارفين انك حاطه سماعة البلوتوث على ودانك



عموما انا تخيلت المواقف دي من زمان وكانت كلها كوميديه

خدي عندك مثلا لو واحد من الخمسينيات شاف الكمبيوتر والانترنت ممكن ميقومش وويتفرج لحد ما يتهبل

ولو شاف التكنولوجيا في السيارات ممكن يسكن في العربيه خصوصا لو شاف العربيه الطويله

اما لو شاف لبس البنات فهوه ممكن يلطم ويقول انا حتجوز من بكره

ده كفايه انه لوشاف الشوارع ممكن يحصله دوخه ولو حب ياكل ممكن تجيله سكته قلبيه لوعرف الاسعار

مواقف كتير وكلها فعلا مضحكة وتبقى افظع لو جبتيه من 500 سنه تبقى مهزله

أخيرا حد رد عليا.

كده حموت وأنا مرتاحة.

فعلا يا أيمون وممكن يقولوا كلام كتيييييييير منه نقد ومنه اللي حيموتنا من الضحك حسب الشخصية.

شكرا لمرورك

تصدقي يا مصرية تخيلت اول ما قريت الموضوع نتيرات
وش نجيب الريحاني


وهو بيتفرج علي فيلم لمحمد سعد



ممكن الريحاني يقول في سره كان عندهم حق التلميذة في فيلم غزل البنات لما قالت

وتملك الغيظ من الاسد وقال له يا ابله ..ويلوووك ويلوووووك ويلوووك
اللي يرحم سلامة وايام سلامة
سلامة اخد الخير معاه ومبقاش فيه لا سلامة ولا خير في اللي جه بعد سلامة

ولا عبد الحليم وهو بيغني ويقول بتلموني ليه لو شفتم عنيه حلوين ادايه هتشوفوا انشغالي وسهد الليالي مش كتير عليه

يلاقي واحد طالع يقول لحبيبته قوم اقف وانت بتكلمني
ووواحد تاني هيجبلها حنطور ويتحنطر
والتاني يجيبلها شروة عنب وبلح

هيزعلوا مننا خالص ويقولوا ضيعتوا تراث الكوميديا والرومانسية
هنجيبلهم احباط مزمن

مصرية شفتيني وانا بلعب معاكي اهو

تصدقي يا فيري أنا قعدت أضحك متخيلة شكل الريحاني وهو بيتفرج على محمد سعد.

طيب تخيلي لو طلعت حرب ظهر النهاردة وشاف الأزمة الاقتصادية ممكن يقول إيه؟

أظن حيقول أنا إيه اللي جابني ما كنت مرتااااااااااااااح