افيدونى افادكم الله ..

د أدهم اتأكد إن لما بتسجل دخول المنتدى بتعلم على المربع اللي بيقول "تذكرني" لإن لو معلمتش عليه بيكون عندك وقت معين لو تعديته خلال الكتابة بيفصل اسمك تلقائيا من المشاركين في المنتدى.

أما لو علمت على المربع ده وبرضه بيفصل يبقى مش عارفة المشكلة إيه بس وقتها ممكن تكتب ردك على فايل وورد ولما تخلص تعمل كوبي وبيست في المنتدى وإرسال على طول.

جرب كده وربنا يسهل تنفع.

الى أصحاب الخبرة والمفهومية ...

معنديش حاجة شغالة , لاتغيير حجم الخط ولا تغيير اللون ولاشكل الخط ..

يعنى يادوب الكتابة والأيكونة ...

تشخيص الحالة دى ايه .. وهل فيه أمل ام لا

كده بردو مفيش حد يرد عليك من اصحاب المروءة و الانسانيه والمشكله دى عندك من يناير ومفيش غير الله يخليها أختنا العزيزة مصرية المفروض هشام يجيب شنطة العدة بتاعته ويجيلك جرى ويصلحلك الكمبيوتر ده اكيد عليه فيرس عمال يخرب لك الملفات
احسن حاجه تعمل فورمات للكمبيوتر وتبدء معاه من جديد على ميه بيضا ولا الحوجه يا عم لبتوع المفهوميه و الشهامة
ولك منى تعازيا الحارررره لو يعنى من الاخر الكمبيوتر باظ ومحتاج يترمى وتجيب غيره

شكرا يا ايمى على الشهامة الاسكندرانية ..

وحعمل بنصيحتك واشوف ايه حكاية الفيرس ده مع ان عندى انتى فيرس..

تحياتى .

أنا فيرس لكن ....
هضمى خفيف فى المعدة ديما تلاقينى جنبك ساعة الشده
أوقات حتحس أنى بجد ملاك فى الشده تلاقى كل جوارحى معاك
لو حد يمسسك ويضرك أتحول فورا لـ عصابه بالبنوت وياك
ما أنا فيرس على اللى يقف لك اخر الناصيه مشمر لك

إمضاء إيمى " رمز التسامح "

بقالي فترة عايزة اكتب اللي بيحصل معايا شيء لا يصدقه عقل
كل ما اكتب مداخلة لازم اول حرف يخفي ..ابعد بالسهم شوية مفيش فايدة
اريد حلا بجد كده هتحتاجوا قاموس تفهموا بيه مداخلاتي يا صحبة حلوة

والنهاردة كمان مش عارفة احط صور بسهولة
هو فييييييه اييييييييه

عملتيله تحاليل دم وبول يا فريدة؟ كشفت على الكولسترول؟؟
دى إجراءات لابد منها قبل أى تشخيص

مؤقتاً .. وللتشخيص السريع، قوليلى:
ـ بتستعملى براوزر "متصفح" اسمه ايه؟ لأن الإكسلبورر غير جوجل كروم، غير فاير فوكس، غير سفارى، غير أوبرا ..
ـ الماوس بتاعك .. حاولى تفتحيه وتنظفيه.
ـ بتكتبى فى المنتدى مباشرةً؟ والا بتكتبى فى ووردز الأول؟

بتستعملى براوزر "متصفح" اسمه ايه؟ لأن الإكسلبورر غير جوجل كروم، غير فاير فوكس، غير سفارى، غير أوبرا

ادي عيب اللي يمشي ورا الدكاترة
غاويين عقد وكلاكيع
ويدخلوا الواحد في متاهة



خلاص حضرتك الموضوع اتعالج ايمي بعتتلي رسالة وشرحتلي السبب
طلع فيا انا اصلي بحب اميل البلاص شوية ثصدي المداخلة وانا بكتب
علشان كده اول الكلام بيطير
بس خلاص قلت مفيش داعي همشي دوغري وبعدين انا بكتب طوالي من جوايا للمنتدي مش بحود علي ووردات