كليبات للتاريخ أو للتأريخ

خلال تصفحي لموقع اليوتيوب عثرت على عدد من الكليبات لعبد الناصر والسادات.

وطبعا كليب بيفتح المجل للتاني؛ فكرت أعمل موضوع للكليبات دي؛ اللي يلاقي حاجة مهمة عايز يقول بها حاجة يا ريت يشاركنا فيها علشان نعرف أكتر عن فترة في أجيال عايشة دلوقتي معاصرتهاش.

حبيت أبتدي بكليب لاقيته؛ اتفضلوا شوفوه الأول وبعدين نكمل كلام.



خلاص شفتوه؟ حاسين بإيه؟

أنا شخصيا بعد ما شفته الحقيقة حسيت بحاجات كتير؛ منها الغضب والقهر والأسف.

اتناقشت مع ناس عاصروا الفترة دي وقبلها فترات الحرب وشايفين إن المعاهدة كانت أحسن حل للي كنا فيه؛ أما أنا شايفة إن المعاهدة هي اللي حطمت الحلم العربي اللي بنحلم به لغاية النهاردة.

يا ترى اللي ما عاصرش الفترة دي رأيه زيي ولا لأ؟
واللي عاصر شايف إيه؟

الموضوع اسمه كليبات .. مش كليب
جمع يعنى مش مفرد


احنا بنتكلم بس يعنى

ايوة يا فندم المقصود فعلا كليبات

طيب قولولي رايكوا إيه في الكليب ده؛ ووعد حجيبلكوا بعد كده فيلم تسجيلي مكون من سلسلة من الكليبات.

ولا أحسن أحطه على طول؟
اللي تشوفوه

كله موجود بس قولوا

مصرية كتب:ايوة يا فندم المقصود فعلا كليبات

طيب قولولي رايكوا إيه في الكليب ده؛ ووعد حجيبلكوا بعد كده فيلم تسجيلي مكون من سلسلة من الكليبات.

ولا أحسن أحطه على طول؟
اللي تشوفوه

كله موجود بس قولوا

رأيى انه حلو

يالله حطى علطول

يا مسهل

مش عارفة ليه حاسة إني بتقلب

بس المهم آدي الكليبات هي سلسلة اسمها الصراع العربي الإسرائيلي بتحي قصة العرب مع إسرائيل وإزاي وصلت العلاقة للي هي عليه دلوقتي.

اتفضلوا المقدمة - الجزء الأول:

الجزء الثاني:

الجزء الثالث:



الجزء الرابع:



يتبع

الجزء الخامس

الجزء السادس



يتبع

الجزء السابع (الفصل الأول)

الجزء السابع (الفصل الثاني)

الفصل الثامن



يتبع

هو ليه في كليبات مش بتظهر وبيظهر بدالها لينك؟

الجزء التاسع:

الجزء العاشر (الفصل الأول)

الجزء العاشر (الفصل الثاني)



وإلى اللقاء في كليبات تاريخية قادمة

مصرية كتب:
حبيت أبتدي بكليب لاقيته؛ اتفضلوا شوفوه الأول وبعدين نكمل كلام.

خلاص شفتوه؟ حاسين بإيه؟

أنا شخصيا بعد ما شفته الحقيقة حسيت بحاجات كتير؛ منها الغضب والقهر والأسف.

اليوتوب و اى مكان تانى مفتوح .. فيه فرصة للحلو والوحش ... و ده نموذج مزعج للوحش ... فعلا لما بشوف الحاجات دى بقول اكيد فيه يد خفية عاوزة تهدم و تكسر نفوس المصريين .. و تصورلهم خطوة جريئة مكانتش تخطر لحد على بال و لغاية دلوقت لسه بنتحسد عليها على انها مهزلة وخيانه رئيس دوله.
لولا زيارة السادات للقدس كان زماننا لسه فى طوفان الحرب و الضياع، على الاقل ارضنا عندنا حتى وان كانت كل شوية تحصل مناوشات وتلاكيك عليها.

Nothing to Lose كتب:

مصرية كتب:
حبيت أبتدي بكليب لاقيته؛ اتفضلوا شوفوه الأول وبعدين نكمل كلام.

خلاص شفتوه؟ حاسين بإيه؟

أنا شخصيا بعد ما شفته الحقيقة حسيت بحاجات كتير؛ منها الغضب والقهر والأسف.

اليوتوب و اى مكان تانى مفتوح .. فيه فرصة للحلو والوحش ... و ده نموذج مزعج للوحش ... فعلا لما بشوف الحاجات دى بقول اكيد فيه يد خفية عاوزة تهدم و تكسر نفوس المصريين .. و تصورلهم خطوة جريئة مكانتش تخطر لحد على بال و لغاية دلوقت لسه بنتحسد عليها على انها مهزلة وخيانه رئيس دوله.
لولا زيارة السادات للقدس كان زماننا لسه فى طوفان الحرب و الضياع، على الاقل ارضنا عندنا حتى وان كانت كل شوية تحصل مناوشات وتلاكيك عليها.

نعم نعم نعم؟؟؟؟؟؟

هممممممم

طيب أنام وأصحى وأرجعلك إن شاء الله




مشااااااااااااااااااااااااااااعر ... حضرى المقصلة

ليوتوب و اى مكان تانى مفتوح .. فيه فرصة للحلو والوحش ... و ده نموذج مزعج للوحش ... فعلا لما بشوف الحاجات دى بقول اكيد فيه يد خفية عاوزة تهدم و تكسر نفوس المصريين .. و تصورلهم خطوة جريئة مكانتش تخطر لحد على بال و لغاية دلوقت لسه بنتحسد عليها على انها مهزلة وخيانه رئيس دوله.
لولا زيارة السادات للقدس كان زماننا لسه فى طوفان الحرب و الضياع، على الاقل ارضنا عندنا حتى وان كانت كل شوية تحصل مناوشات وتلاكيك عليها.

يا سلام أهو كده خلينا نتكلم شوية ونقول.

بصي يا ستي لو اتفرجتي على سلسلة الكليبات التانية بتاعة الصراع العربي الإسرائيلي وبالتحديد الأجزاء الخاصة بمص يعني من الجزء الرابع للسابع تقريبا؛ حتشوفي إن السادات هو أو قائد عربي يعترف بإسرائيل كدولة.

حقوليلي وهي مكانتش لغاية ما اعترف؟
أقولك: لأ كانت لكن العرب كانوا ومن المرات القليلة اللي اجتمعوا فيها على إنهم يقولوا عليهم المحتل الغاصب مش دولة إسرائيل. يعني هو راح قالهم إنتوا لكم الحق في الأرض دي وأنا عربي مسلم موافق على كده بس سيبولي أرضي.

كل ده وهو منتصر خللي بالك.

عارفة الكلمة اللي قتلتني في الكليب لما بيقول: "أهلا بكم بيننا"
يعني يموتوا ولادي وبعد كده أقولهم أهلا بكم!!!!!

إيه رأيك يا جميلة؟

[quote="مصرية"]

كل ده وهو منتصر خللي بالك.
عارفة الكلمة اللي قتلتني في الكليب لما بيقول: "أهلا بكم بيننا"
يعني يموتوا ولادي وبعد كده أقولهم أهلا بكم!!!!!

إيه رأيك يا جميلة؟

هو قاللهم اهلا بكم بيننا ... مسمعتهاش دى ... لكن ... حقوللك رأى الشخصى بصراحة اللى يحتمل الصحة أو الخطأ وانا عارفة ان ممكن تكون معظم الناس مختلفة معايا ... مش حنضحك على نفسنا العالم كله معترف بدوله اسرائيل حتى لو كنا احنا العرب مش معترفين، و كلمتنا مش حتضيف و لا حتنقص طول ما احنا كل واحد فينا فى ناحية ، وان كنت عاوز أأمن غدر المعتدى واضمن انه لو يوم اعتدى علييا الناس مش حتقف معاه ... تقف معايا او عل الحياد لأنى مش انا البادئ يبقى اكسر سممهم ولو بالخدعة عشان آخد ارضى الاول ... و ان كنت انتصرت واخدت بثأر اولادى الشهداء وانا اللى رحت لعدوى فى عقر داره امد له ايدى ، ف دى فى راييى قمة القوة لية والمهانة لعدوى والانكسار لشعبه و فى نفس الوقت حقن لدماء اولادى اللى لسه على قيد الحياه وعاوز ابنى لهم مستقبل مش اسيبهم فى بلد طول عمرها فى حرب ... كفايه عليهم كدة ... و لو كنتى مكان اى من الاهالى اللى كان اولادهم مجندين فى الوقت ده كنتى شفتى تقديرهم لخطوة زى دى.
جولدا مائير بعد زيارة السادات قالت الراجل ده ضحك علينا ... ادانا كام ورقة وكلمتين واخد ارض حلمنا بيها سنين.
فاكرة وش موشى ديان ساعتها كان عامل ازاى؟ دة منظر واحد الد عدو ليه اعترف بدولته؟ السياسه كدة .. دائما فيها اللى الناس لا يمكن تقبله حتى ولو قادتها شافته فى مصلحتها.
عالعموم الحاجات دى الناس لغاية دلوقت لسه بتتداولها ما بين معارض ومؤيد و عمرالناس ما حتتفق على رأى والا ما يبقوش بشر.

Hesham كتب:
نعم نعم نعم؟؟؟؟؟؟

هممممممم

طيب أنام وأصحى وأرجعلك إن شاء الله


مشااااااااااااااااااااااااااااعر ... حضرى المقصلة

لا والنبى كمل نومك والا كأنى هنا ... اوعى تتهوور ... انا عارفة انك ناصرى 100% وعارفة رأيك ... فصلى عالنبى كدة واشرب العصير :afro:

Nothing to Lose كتب:

Hesham كتب:
نعم نعم نعم؟؟؟؟؟؟

هممممممم

طيب أنام وأصحى وأرجعلك إن شاء الله


مشااااااااااااااااااااااااااااعر ... حضرى المقصلة

لا والنبى كمل نومك والا كأنى هنا ... اوعى تتهوور ... انا عارفة انك ناصرى 100% وعارفة رأيك ... فصلى عالنبى كدة واشرب العصير :afro:

إحنا خلصنا من الأولى لما تدخلينا فى التانية؟؟

طيب يعنى إيه ناصرى؟ :face:

Hesham كتب:
طيب يعنى إيه ناصرى؟ :face:

اليومين دول بيترجموها (ناصرى= مش بيطيق السادات)

الا مش ملاحظ حاجة يا اكسلانس ... اننا تقريبا اتناقشنا فى نفس الموضوع او حاجة قريبة منه قبل كدة؟ وكانت اول مشاركاتى برده :!:

عالعموم الحاجات دى الناس لغاية دلوقت لسه بتتداولها ما بين معارض ومؤيد و عمرالناس ما حتتفق على رأى والا ما يبقوش بشر.

صح الكلام

طيب يعنى إيه ناصرى؟

أظن معنى ناصري إنك بتحب اللي بيعمله جمال عبد الناصر بتأيده يعني.

وبمناسبة ذكرى ميلاده التسعين خلونا نشوف كليب عن عبد الناصر:

لقطات نادرة للزعيم سعد زغلول