سفاري وكعب دايربعيوني
+12
قمر الليالي
elhram
aymon2009
Smart
Gatita
مشاعر
ADHAM
OSKASAN
Nothing to Lose
Hesham
مصرية
farida
16 مشترك
صفحة 2 من اصل 7
صفحة 2 من اصل 7 • 1, 2, 3, 4, 5, 6, 7
رد: سفاري وكعب دايربعيوني
قربت لقيت كل ركن قدام ساحة الكاتدرال فيه مشهد مختلف
تعالوا نشوف كل ركن بيصورلنا ايه
في ركن لقيت زحمة اوي وشايفة زي نار من بعيد
قربت اكتر حستني في مصر وبسمع اغنية الليلة الكبيرة
و قرب قرررررب قرررررب هنااااا شجيع السيما
الركن التاني لقيت مستر شارلي شابلن
وهنا شكله مش عارفة مين
ده يظهر هبط من الفضاء علي الساحة طوالي :~€¬:
هنا بقي شكل البنوتة شدني جدا وهي بتتامل الشيء اللي هتصور معاه
مشيت شوية لقيت حاجة غريبة كاني في سوق يوم التلات :~€¬:
كانت الاسعار يورو واتنين مش قاردة اعرف ده معرض لصالح مؤسسة خيرية
ولا هو يوم لبيع احذية اطفال مستعملة
بعيد عنهم شوية لقيت واحد ماسك حاجة زي الطبلة وبيطبلي طيلة علي طبلة
وهنا مجموعة بتعمل استعراض راقص
وهنا صورة رائعة مرسومة علي الارض
بعد ما اتفرجنا علي محطات متنوعة تعالوا نعدي نشوف اخبار السوق ايه
تعالوا نشوف كل ركن بيصورلنا ايه
في ركن لقيت زحمة اوي وشايفة زي نار من بعيد
قربت اكتر حستني في مصر وبسمع اغنية الليلة الكبيرة
و قرب قرررررب قرررررب هنااااا شجيع السيما
الركن التاني لقيت مستر شارلي شابلن
وهنا شكله مش عارفة مين
ده يظهر هبط من الفضاء علي الساحة طوالي :~€¬:
هنا بقي شكل البنوتة شدني جدا وهي بتتامل الشيء اللي هتصور معاه
مشيت شوية لقيت حاجة غريبة كاني في سوق يوم التلات :~€¬:
كانت الاسعار يورو واتنين مش قاردة اعرف ده معرض لصالح مؤسسة خيرية
ولا هو يوم لبيع احذية اطفال مستعملة
بعيد عنهم شوية لقيت واحد ماسك حاجة زي الطبلة وبيطبلي طيلة علي طبلة
وهنا مجموعة بتعمل استعراض راقص
وهنا صورة رائعة مرسومة علي الارض
بعد ما اتفرجنا علي محطات متنوعة تعالوا نعدي نشوف اخبار السوق ايه
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
يااااااااااااااااااااااااااه اييييييييييييييييه الزحام ده نيجي من هنا زحمة نروح كده زحمة
كل ما اقرب من محلات اقول لنفسي يا تري هعرف ارجع تاني وسط الزحمة دي بس قلت هيجرالي ايه
اديني ماشية وهتبع السنس وبعوووووون الله قرون الاستشعار هترجعني :rendeer:
تصدقوا مكنتش مركزة في المحلات اد الناس اللي بتقابلني في الشارع
ومش هوصفلكم كم الشحاتين اللي ماسكين الاطباق والكبايات كمية غير طبيعية
ومردتش اصورهم زي ما غيرنا بيصور عندنا
طبعا مش بتكلم عن اللي بيحاولوا عن طريق مهنة بسيطة زي ده
اللي بيعزف موسيقي بعرايسه المتحركة
الراجل ده اتاثرت جدا ببشاشة وشه حسستني بالرغم الاعاقة انه راضي ومتصالح مع نفسه
وشاكر ربه مش واقف عند عجز فيه
الحقيقة كنت عايزة اصوره لكن لما لقاني ابتسم
راح رافع ايده وابتسملي ابتسامة جميلة
مع اني مكنتش عايزة اصور ايده
فعلا قناعة الانسان مهمة علشان يتعايش مع حياته
وانا ماشية عديت جنب محل برفانات ومتجات تجميل اسمه دوجلاس
عجبني ديكور المحل وازازة الكولونيا الشهيرة بتاعتهم
وجيت اصور زي ما انتوا شايفين البودي جارد يظهر بتاعهم
قالي نوووووووووووووووو
بس تاني يوم دخلت اشتريت كان بيبتسم بعد النوووووووووووخصوصا لما سالوني عن جنسيتي
وعرفوا اني مصرية اصلييييييييييييييييي
فضلت ادخل محل القاني طلعت من شارع تاني
ولقيت السما ملبدة بالغيوم وفقدت اتجاهاتي للحظة
حاولت اشوف العلامة الي حددتها علشان اعرف ارجع واخيراااااااااا لقيتها
ياربي التوهان مش لذيذ هاخد نفسي
وافرجكم علي الموديلات في المحلات لما نزلنا بالليل
انتظروني مع جوة حرة في المساء والسهرة
كل ما اقرب من محلات اقول لنفسي يا تري هعرف ارجع تاني وسط الزحمة دي بس قلت هيجرالي ايه
اديني ماشية وهتبع السنس وبعوووووون الله قرون الاستشعار هترجعني :rendeer:
تصدقوا مكنتش مركزة في المحلات اد الناس اللي بتقابلني في الشارع
ومش هوصفلكم كم الشحاتين اللي ماسكين الاطباق والكبايات كمية غير طبيعية
ومردتش اصورهم زي ما غيرنا بيصور عندنا
طبعا مش بتكلم عن اللي بيحاولوا عن طريق مهنة بسيطة زي ده
اللي بيعزف موسيقي بعرايسه المتحركة
الراجل ده اتاثرت جدا ببشاشة وشه حسستني بالرغم الاعاقة انه راضي ومتصالح مع نفسه
وشاكر ربه مش واقف عند عجز فيه
الحقيقة كنت عايزة اصوره لكن لما لقاني ابتسم
راح رافع ايده وابتسملي ابتسامة جميلة
مع اني مكنتش عايزة اصور ايده
فعلا قناعة الانسان مهمة علشان يتعايش مع حياته
وانا ماشية عديت جنب محل برفانات ومتجات تجميل اسمه دوجلاس
عجبني ديكور المحل وازازة الكولونيا الشهيرة بتاعتهم
وجيت اصور زي ما انتوا شايفين البودي جارد يظهر بتاعهم
قالي نوووووووووووووووو
بس تاني يوم دخلت اشتريت كان بيبتسم بعد النوووووووووووخصوصا لما سالوني عن جنسيتي
وعرفوا اني مصرية اصلييييييييييييييييي
فضلت ادخل محل القاني طلعت من شارع تاني
ولقيت السما ملبدة بالغيوم وفقدت اتجاهاتي للحظة
حاولت اشوف العلامة الي حددتها علشان اعرف ارجع واخيراااااااااا لقيتها
ياربي التوهان مش لذيذ هاخد نفسي
وافرجكم علي الموديلات في المحلات لما نزلنا بالليل
انتظروني مع جوة حرة في المساء والسهرة
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
انتي حكاية يا فرففر
مستنية باقي الصور
مستنية باقي الصور
Gatita- عضو ألفى
- عدد الرسائل : 1149
تاريخ التسجيل : 02/12/2007
رد: سفاري وكعب دايربعيوني
عرض جميل يا فري
بجد حاسة كإني سافرت معاكي
كملي مستنية الشوبنج
بجد حاسة كإني سافرت معاكي
كملي مستنية الشوبنج
مصرية- عضو ألفى
-
عدد الرسائل : 1868
العمر : 45
تاريخ التسجيل : 23/12/2007
رد: سفاري وكعب دايربعيوني
فريدة
من كتر ما اندمجت مع الصور والحكاوى
حاسة انى تعبت من اللف
وخايفة من انى اتوة
او الدنيا تمطرعليا واغرق
معاكى يا فريدة
كملى
من كتر ما اندمجت مع الصور والحكاوى
حاسة انى تعبت من اللف
وخايفة من انى اتوة
او الدنيا تمطرعليا واغرق
معاكى يا فريدة
كملى
مشاعر- عضو مئوى
-
عدد الرسائل : 184
العمر : 84
تاريخ التسجيل : 25/12/2007
رد: سفاري وكعب دايربعيوني
زعلانين من حميدة صح اللي ماشية زي سحلفة دفء
بصراحة الصور بتاخد وقت :~€¬:
هكمل علشان اصالحكم بالشوبنج يا جاتي ومصرية ومشاعر
بعد ما لقيت العلامة ورحت الاوتيل واتقابلت مع سي السيد والناس اللي معانا
نزلنا اكلنا في مطعم كنت بستمتع باكله وتقريبا طول فترة الاقامة
اكلنا فيه هو مطعم تركي واكله طعمه بيتي جدا
وكنت بموت في شوربة الطماطم بتاعتهم مع الكريم فريش
هو ده المطعم بس خلوا بالكم وانتو بتعدوا
علي فكرة تقريبا يوميا بنقف في طابور انتظار لانه علي طول مليان
واخير هنقعد علي الترابيزة
عادة كنت بطلب فيليه ول دان :lol: مع بطاطس مسلوقة بالصوص طعمها يجنن
بعد ما خلصنا العشاء خرجنا نتمشي في حواري وازقة كولن
محدش يعيب علي الصور المهزوزة
قال ايييييه بعديكم معايا
طبعا انا بوريكم الموديلات بالليل علشان الصباح رباح في الشوبنج
النهار له عينين واحنا بنعد اليوروهات :xgfd:
هنتفرج علي موديلات الليديز فرست علي في الفترينات
اينعم احنا دخلنا علي الربيع بس ناخد فكرة الموضة اللي مش هنشتريها في موسم الشتا الجاي
طبعا محدش تفكيره يروح لبعيد ويقول اه الموضة احمر علشان الاهلي
طبعا سي السيد وقف اكتر مني عند الفترينات الرجالي
علشان بس بتظلموا الستات وبطلعوا عليهم اشاعات وهم بيتفرجوا
بعد عرض الدفيليه ده هنختم زي عروض الازياء
بزغروتة حلوة ترن للي ناويين يدخلوا قفص الحبس
الزوجي
الحقيقة التليفونات قطعت مليون مرة حبل افكاري وانا بكتب
بصراحة الصور بتاخد وقت :~€¬:
هكمل علشان اصالحكم بالشوبنج يا جاتي ومصرية ومشاعر
بعد ما لقيت العلامة ورحت الاوتيل واتقابلت مع سي السيد والناس اللي معانا
نزلنا اكلنا في مطعم كنت بستمتع باكله وتقريبا طول فترة الاقامة
اكلنا فيه هو مطعم تركي واكله طعمه بيتي جدا
وكنت بموت في شوربة الطماطم بتاعتهم مع الكريم فريش
هو ده المطعم بس خلوا بالكم وانتو بتعدوا
علي فكرة تقريبا يوميا بنقف في طابور انتظار لانه علي طول مليان
واخير هنقعد علي الترابيزة
عادة كنت بطلب فيليه ول دان :lol: مع بطاطس مسلوقة بالصوص طعمها يجنن
بعد ما خلصنا العشاء خرجنا نتمشي في حواري وازقة كولن
محدش يعيب علي الصور المهزوزة
قال ايييييه بعديكم معايا
طبعا انا بوريكم الموديلات بالليل علشان الصباح رباح في الشوبنج
النهار له عينين واحنا بنعد اليوروهات :xgfd:
هنتفرج علي موديلات الليديز فرست علي في الفترينات
اينعم احنا دخلنا علي الربيع بس ناخد فكرة الموضة اللي مش هنشتريها في موسم الشتا الجاي
طبعا محدش تفكيره يروح لبعيد ويقول اه الموضة احمر علشان الاهلي
طبعا سي السيد وقف اكتر مني عند الفترينات الرجالي
علشان بس بتظلموا الستات وبطلعوا عليهم اشاعات وهم بيتفرجوا
بعد عرض الدفيليه ده هنختم زي عروض الازياء
بزغروتة حلوة ترن للي ناويين يدخلوا قفص الحبس
الزوجي
الحقيقة التليفونات قطعت مليون مرة حبل افكاري وانا بكتب
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
حلوين اوي خصوصا الأسود
فري معلش عارفة موضوع الصور ده متعب والتليفونات متعبة أكتر
بس برضه متتأخريش
كده حنروح فرنسا بقى ولا لسة؟ :#~€:
مصرية- عضو ألفى
-
عدد الرسائل : 1868
العمر : 45
تاريخ التسجيل : 23/12/2007
رد: سفاري وكعب دايربعيوني
ايه رايكم ترجعوا تصدعوا عينكم شوية مع حميدة الرغاية
مصرية هانت وخلاص فرنسا فضلها تكتين وتبقي علي الابواب
ادعيلي اخلص المانيا اللي مش عارفة مالها
معمولها عمل
هنكمل تمشية بعد ما اتفرجنا علي موضة الشتا اللي فاتت
الحقيقة بحب اوي اتامل اللوح الفنية بتجذبني
واحب ادخل اتمشي جوة اللوحة الفنية
عيب بعيد عنكم وبتعب اوي لو حد معايا مش غاوي
فاكيد بصور وانا مصربعة مع المجموعة اللي مصربعاني
فبصوا بصة علي الماشي علي كام لوحة معروضة في فيترينة
دي صورمرسومة لمدينة كولن
بعد ما خلصنا الشارع ده
اقترح سي السيد نروح الحي القديم
يمكن الصور مش واضحة اوي
لكن احساسي كان غريب وكان جوايا اضطراب في الحي القديم
يمكن لانه كان يوم سبت والشباب كان سهران
بالنسبالي كان الجو غير مريح
كان سي السيد عايزنا نقعد نشرب حاجة بس انا فعلا كنت قلقانة
ومشجعتش الفكرة بصراحة برغم اللي معانا شجعوا
والسبب اني لقيت اصوات عالية جدا
ولما بصيت لقيت حيطة بدون مبالغة
وكانت للاسف بنت وهي اللي بتقود ثورة صراخية شبابية
فالمنظر كله رعبني شوية
ده كان رستوران في الهواء الطلق وكان عاجبني جوه اوي لانه كله شموع
بس كان الجو برد علشان نقعد فيه
خلوا بالكم من الاماكن دي لاني زرتها بالنهار وكان الاحساس مختلف تماما
طبعا تنفست الصعداااء بعد خروجنا من اجواء الحي القديم
مع اني عادة بعشق زيارة الاحياء القديمة
رجعنا من تاني للشارع الرئيسي
اللي بقيت بمشي فيه زي الرهوان وحدي بعد كده
واحنا ماشيين قابلنا بيانيست بيعزف مقطوعات موسيقية عالمية بنغمات ساحرة
واحنا بنكمل تمشية لقينا رسامين بيرسموا ناس
الحقيقة الفنان ده رسمني وكنت محرجة لان وقت الرسم ناس كتير كانت بتتفرج علي الرسم
وكنت بقرا تعبيرات الوشوش وهي بتقرا رسمه
وفهمت بعد ما شفت الصورة مغزي تعبيرات الوجوه
بصراحة كانت واحدة تانية خالص
كانت قرينتي يظهر اللي ترسمت مش انا
بعد ما خلصت الرسماية كملنا التمشياية
وقابلنا الشابة دي وهي بترقص اسباني
وبما اني ضعيفة قدام فترينات الورود هضايقكم شوية بالفلاش
وطبعا كانت بشاير الكريسماس في الفترينات واحنا هناك
دلوقت داخلين علي الصيف :xgfd:
بعد الجولة السريعة دي هنروح جولة في ازقة الحي القديم لكن
بمشاعر نهارية مختلفة تماما عن المشاعر الليلية
خليكوا هنا خليكوا وبلاش تفارقوا
مصرية هانت وخلاص فرنسا فضلها تكتين وتبقي علي الابواب
ادعيلي اخلص المانيا اللي مش عارفة مالها
معمولها عمل
هنكمل تمشية بعد ما اتفرجنا علي موضة الشتا اللي فاتت
الحقيقة بحب اوي اتامل اللوح الفنية بتجذبني
واحب ادخل اتمشي جوة اللوحة الفنية
عيب بعيد عنكم وبتعب اوي لو حد معايا مش غاوي
فاكيد بصور وانا مصربعة مع المجموعة اللي مصربعاني
فبصوا بصة علي الماشي علي كام لوحة معروضة في فيترينة
دي صورمرسومة لمدينة كولن
بعد ما خلصنا الشارع ده
اقترح سي السيد نروح الحي القديم
يمكن الصور مش واضحة اوي
لكن احساسي كان غريب وكان جوايا اضطراب في الحي القديم
يمكن لانه كان يوم سبت والشباب كان سهران
بالنسبالي كان الجو غير مريح
كان سي السيد عايزنا نقعد نشرب حاجة بس انا فعلا كنت قلقانة
ومشجعتش الفكرة بصراحة برغم اللي معانا شجعوا
والسبب اني لقيت اصوات عالية جدا
ولما بصيت لقيت حيطة بدون مبالغة
وكانت للاسف بنت وهي اللي بتقود ثورة صراخية شبابية
فالمنظر كله رعبني شوية
ده كان رستوران في الهواء الطلق وكان عاجبني جوه اوي لانه كله شموع
بس كان الجو برد علشان نقعد فيه
خلوا بالكم من الاماكن دي لاني زرتها بالنهار وكان الاحساس مختلف تماما
طبعا تنفست الصعداااء بعد خروجنا من اجواء الحي القديم
مع اني عادة بعشق زيارة الاحياء القديمة
رجعنا من تاني للشارع الرئيسي
اللي بقيت بمشي فيه زي الرهوان وحدي بعد كده
واحنا ماشيين قابلنا بيانيست بيعزف مقطوعات موسيقية عالمية بنغمات ساحرة
واحنا بنكمل تمشية لقينا رسامين بيرسموا ناس
الحقيقة الفنان ده رسمني وكنت محرجة لان وقت الرسم ناس كتير كانت بتتفرج علي الرسم
وكنت بقرا تعبيرات الوشوش وهي بتقرا رسمه
وفهمت بعد ما شفت الصورة مغزي تعبيرات الوجوه
بصراحة كانت واحدة تانية خالص
كانت قرينتي يظهر اللي ترسمت مش انا
بعد ما خلصت الرسماية كملنا التمشياية
وقابلنا الشابة دي وهي بترقص اسباني
وبما اني ضعيفة قدام فترينات الورود هضايقكم شوية بالفلاش
وطبعا كانت بشاير الكريسماس في الفترينات واحنا هناك
دلوقت داخلين علي الصيف :xgfd:
بعد الجولة السريعة دي هنروح جولة في ازقة الحي القديم لكن
بمشاعر نهارية مختلفة تماما عن المشاعر الليلية
خليكوا هنا خليكوا وبلاش تفارقوا
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
فري حمد الله على السلامة
كويس إنك رجعتي تفرجينا على الدنيا بعيونك
ربنا يهون ويكمل رحلة ألمانيا على خير، بس مش بسرعة أنا شخصيا مستمتعة بصورك جدا.
على فكرة الصور المرسومة تحفة، حقيقي عجبتني جدا جدا.
يالله كملي متتأخريش بقى
كويس إنك رجعتي تفرجينا على الدنيا بعيونك
ربنا يهون ويكمل رحلة ألمانيا على خير، بس مش بسرعة أنا شخصيا مستمتعة بصورك جدا.
على فكرة الصور المرسومة تحفة، حقيقي عجبتني جدا جدا.
يالله كملي متتأخريش بقى
مصرية- عضو ألفى
-
عدد الرسائل : 1868
العمر : 45
تاريخ التسجيل : 23/12/2007
رد: سفاري وكعب دايربعيوني
مرسي يا مصرية يا مشجعاني
ونواصل مع حميدة الساكتة احداث الرحلة
تاني يوم بعد ما راح سي السيد واللي معاه المعرض
فكرت يا تري هبتدي منين تجوالي
قلت مبدئيا انزل افطر وبعدين ربنا يسهل
نزلت قاعة الفطار وعادة بكون خجولة شوية اني اقعد لوحدي
وكان فيه سيدتين مصريتين في الركن البعيد الهادي
لكن اتكسفت اروح افطر معاهم
بصينا لبعض بهزة راس واستغربت انهم مش بيتكلموا
اتعاملوا معايا باشارات الراس
قلت كل واحد وعلامه واخدت بعضي ورحت قعدت انا كمان في كورنر وحدي
ودخل ناس عارفيني من المعرض وصبحوا بصوت مصري مجلجل مسموع
لقيت الستتين بصولي وقالولي بصوت مصري مسموع لاننا كنا في القاعة نتعد علي الصوابع
..خفنا نكلمك افتكرناكي المانية
قلتلهم ازاي يعني مصرية طبعا
وعزموني اكون معاهم علي الترابيزة
وطبعا ما صدقت وكان وقتها عيد رمضان فعيدت عليهم وقعدت
ورغينا رغي وحكتلهم عن المعرض والجناح المصري
وشجعتهم انهم لازم يزوروه
المهم بعد فترة واحدة منهم استاذنت ومعاها اولادها
والتانية كانت وحدها واتكلمنا كتير قالتلي زرتي مصنع الشوكولا قلتلها لا
قالتلي لو موراكيش حاجة تعالي اوديكي
بس هو مشوار قلتلها ياريت بحب امشي جدا
واتفقنا علي ميعاد نتقابل فيه ..
لما اتقابلنا عرفت منها ان الطريق للمصنع بنمر علي الحي القديم
وعبرتلها اني كان نفسي ازوره بالنهار
وابتدينا تمشية برغي مبطلناش طول السكة
بصراحة حسيت ربنا بعتهالي بجد كانت شخصية لذيذة جدا
وفي خلال الحديث عرفنا اننا كنا في مدرسة واحدة
الميردي ديو ورجعنا مع بعض لذكريات كتير
هنا بداية طريقنا لمصنع الشكولا
معلش حميدة رغت حبتين كانت بتعمل فلاش باك لبداية الطريق
واحنا بنعدي لقيت تمثال العسكري ده وجنبه فيه كاميرا رفيقة الطريق
قالتلي في كل حتة فيه كاميرات
قلتلها يعني الواحد يمشي مراقب ده شيء ممل اوي
كملنا تمشية وعزيزة بتصور وهي عارفة اني بعشق
شكل الورد علي الشبابيك فكانت بتصور اتوماتيكي
ايشي ورود بمبي واحمريكا
شايفين ازاي الجو مشمس لحد دلوقت
هنحود من هنا بداية الحي القديم
حارة من جوة حارة
شايفين الكنبة وورق الخريف لوحة طبيعية تترسم
بحب جدا البلاط ده يمكن لانه بيفكرني بزمان
هنا طلعناعلي شارع تاني
الكازينو فاكرينه اللي كان كله شموع بالليل
بس ابتدت شوية السما تغيم
وده الكازينو الزحمة بالليل
طبعا كانت بدخلني في شارع وتطلعني في شارع تاني
كانت شاطرة جدا بصراحة واجمل حاجة انها كانت صبورة جدا وانا بصور
هنقرب شكلنا من شارع تاني اوعوا تكونوا تعبتوا لسة بدري علي المصنع
حودنا تاني معلش هي قالتلي كل التحويدات دي اختصارت مش عارفة حفظتها ازاي
ودخلنا تاني في شارع علي ناصيته تمثال وزي عندنا كاتبين علي الحيطة :#~€:
عجبني اوي المنظر ده ضوء الشمس مع ظلال المباني
اصل الشمس كانت ساعة تظهر وساعة تختفي
اوعوا يكون نفسكم اتقطع خليكوا رياضيين
وبلاش تعملوا مارش اريير
ونواصل مع حميدة الساكتة احداث الرحلة
تاني يوم بعد ما راح سي السيد واللي معاه المعرض
فكرت يا تري هبتدي منين تجوالي
قلت مبدئيا انزل افطر وبعدين ربنا يسهل
نزلت قاعة الفطار وعادة بكون خجولة شوية اني اقعد لوحدي
وكان فيه سيدتين مصريتين في الركن البعيد الهادي
لكن اتكسفت اروح افطر معاهم
بصينا لبعض بهزة راس واستغربت انهم مش بيتكلموا
اتعاملوا معايا باشارات الراس
قلت كل واحد وعلامه واخدت بعضي ورحت قعدت انا كمان في كورنر وحدي
ودخل ناس عارفيني من المعرض وصبحوا بصوت مصري مجلجل مسموع
لقيت الستتين بصولي وقالولي بصوت مصري مسموع لاننا كنا في القاعة نتعد علي الصوابع
..خفنا نكلمك افتكرناكي المانية
قلتلهم ازاي يعني مصرية طبعا
وعزموني اكون معاهم علي الترابيزة
وطبعا ما صدقت وكان وقتها عيد رمضان فعيدت عليهم وقعدت
ورغينا رغي وحكتلهم عن المعرض والجناح المصري
وشجعتهم انهم لازم يزوروه
المهم بعد فترة واحدة منهم استاذنت ومعاها اولادها
والتانية كانت وحدها واتكلمنا كتير قالتلي زرتي مصنع الشوكولا قلتلها لا
قالتلي لو موراكيش حاجة تعالي اوديكي
بس هو مشوار قلتلها ياريت بحب امشي جدا
واتفقنا علي ميعاد نتقابل فيه ..
لما اتقابلنا عرفت منها ان الطريق للمصنع بنمر علي الحي القديم
وعبرتلها اني كان نفسي ازوره بالنهار
وابتدينا تمشية برغي مبطلناش طول السكة
بصراحة حسيت ربنا بعتهالي بجد كانت شخصية لذيذة جدا
وفي خلال الحديث عرفنا اننا كنا في مدرسة واحدة
الميردي ديو ورجعنا مع بعض لذكريات كتير
هنا بداية طريقنا لمصنع الشكولا
معلش حميدة رغت حبتين كانت بتعمل فلاش باك لبداية الطريق
واحنا بنعدي لقيت تمثال العسكري ده وجنبه فيه كاميرا رفيقة الطريق
قالتلي في كل حتة فيه كاميرات
قلتلها يعني الواحد يمشي مراقب ده شيء ممل اوي
كملنا تمشية وعزيزة بتصور وهي عارفة اني بعشق
شكل الورد علي الشبابيك فكانت بتصور اتوماتيكي
ايشي ورود بمبي واحمريكا
شايفين ازاي الجو مشمس لحد دلوقت
هنحود من هنا بداية الحي القديم
حارة من جوة حارة
شايفين الكنبة وورق الخريف لوحة طبيعية تترسم
بحب جدا البلاط ده يمكن لانه بيفكرني بزمان
هنا طلعناعلي شارع تاني
الكازينو فاكرينه اللي كان كله شموع بالليل
بس ابتدت شوية السما تغيم
وده الكازينو الزحمة بالليل
طبعا كانت بدخلني في شارع وتطلعني في شارع تاني
كانت شاطرة جدا بصراحة واجمل حاجة انها كانت صبورة جدا وانا بصور
هنقرب شكلنا من شارع تاني اوعوا تكونوا تعبتوا لسة بدري علي المصنع
حودنا تاني معلش هي قالتلي كل التحويدات دي اختصارت مش عارفة حفظتها ازاي
ودخلنا تاني في شارع علي ناصيته تمثال وزي عندنا كاتبين علي الحيطة :#~€:
عجبني اوي المنظر ده ضوء الشمس مع ظلال المباني
اصل الشمس كانت ساعة تظهر وساعة تختفي
اوعوا يكون نفسكم اتقطع خليكوا رياضيين
وبلاش تعملوا مارش اريير
عدل سابقا من قبل farida في الجمعة 04 أبريل 2008, 11:55 pm عدل 1 مرات
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
برافو يا فرفر
انتي خليتينا نعيش كل الرحلة معاكي تفريبا
بس لديدي اي كملي بقى
بس انتي مصورتيش و لا قطة ليه
يعني مكانش فيه اي حاجة ز يقطة
معلش
المهم ها كملي
انتي خليتينا نعيش كل الرحلة معاكي تفريبا
بس لديدي اي كملي بقى
بس انتي مصورتيش و لا قطة ليه
يعني مكانش فيه اي حاجة ز يقطة
معلش
المهم ها كملي
Gatita- عضو ألفى
- عدد الرسائل : 1149
تاريخ التسجيل : 02/12/2007
رد: سفاري وكعب دايربعيوني
متغير أوي شكل السوق القديم من بليل للصبح بس شكله الصبح مبهج وأحلى.
كملي يا حميدة. :#~€:
كملي يا حميدة. :#~€:
مصرية- عضو ألفى
-
عدد الرسائل : 1868
العمر : 45
تاريخ التسجيل : 23/12/2007
رد: سفاري وكعب دايربعيوني
هنا دخلتني من بوابة حديد برضه نوع من الاختصار
الحقيقة كل شارع وحارة وزقاق كنت سعيدة جدا بيه
ومستمتعة بالحي القديم مش قلتلكم الاحساس اختلف في النهار
شايفين الزرعاية ولا اللبلابة مش عارفة بصراحة اللي مزينة العمارة
جميييييييييلة
واخدة عقلي شكل العمارة دي ورسمة الخضرة عليها
هنا فيه فسقية في النص وترابيزات تحسوا مكان مناسب لتزويغ الطلبة
وفعلا تصدقوا كان فيه طلبة
هنا محل مش عارفة كان العسكري الازرق جواه مكنتش فاهمة اوي بصراحة
مش عارفة ايه حكايات التماثيل في الكورنر ده
صورت قلت يمكن حد يشرحلي
اخيرا طلعتني من شارع وقربنا خلاص علي تمشية من نوع تاني
هانت يا شباب
خلاص ادوا زوبة زقة
واخيرا طلعنا علي البحر وهنشم النسيم البارد علي الكورنيش الالماني
استعداد لنفس عميق مع النسيم العليل
يلا بينا شهييييييق وزفييير في الجو البارد بس اد ايه لذيذ
ايه رايكم في المنظر
شايفين المباني الجديدة وجنبها المبني القديم
بصوا الناحية التانية عراقة الماضي
واااااو مش ممكن فجاة سحابة سودا معدية
اكيد الانسان مكتسب تقلبات طبيعته من تقلبات الطبيعة
بيقلب سحنته في ثواني واخد شحنة مكثفة من البرق والرعد
بيحتفظ بيهم لوقت عوزة
هنعدي مع الباخرة تحت الكوبري ده
رفيقتي العزيزة قالتلي وصلنا المصنع
فضلت ابص قلتلها فينه وعملت زي يونس شلبي مش مجمعة
قالتلي اهو قدامك
قلتلها هو ده اللي علي شكل سفينة
قالتلي اه هو
واحنا داخلين عدينا من علي كوبري
حسيت نفسي في حدوتة
للاسف كانت عزيزة رجلها وبطرية قوتها فصلت مع وصولنا للمصتع
بصراحة كتر خيرها كانت وخداني في الصور علي اد عقلي
تصدقوا لقيت شكولا بالشطة اول مرة في حياتي اشوفها
الحقيقة كل شارع وحارة وزقاق كنت سعيدة جدا بيه
ومستمتعة بالحي القديم مش قلتلكم الاحساس اختلف في النهار
شايفين الزرعاية ولا اللبلابة مش عارفة بصراحة اللي مزينة العمارة
جميييييييييلة
واخدة عقلي شكل العمارة دي ورسمة الخضرة عليها
هنا فيه فسقية في النص وترابيزات تحسوا مكان مناسب لتزويغ الطلبة
وفعلا تصدقوا كان فيه طلبة
هنا محل مش عارفة كان العسكري الازرق جواه مكنتش فاهمة اوي بصراحة
مش عارفة ايه حكايات التماثيل في الكورنر ده
صورت قلت يمكن حد يشرحلي
اخيرا طلعتني من شارع وقربنا خلاص علي تمشية من نوع تاني
هانت يا شباب
خلاص ادوا زوبة زقة
واخيرا طلعنا علي البحر وهنشم النسيم البارد علي الكورنيش الالماني
استعداد لنفس عميق مع النسيم العليل
يلا بينا شهييييييق وزفييير في الجو البارد بس اد ايه لذيذ
ايه رايكم في المنظر
شايفين المباني الجديدة وجنبها المبني القديم
بصوا الناحية التانية عراقة الماضي
واااااو مش ممكن فجاة سحابة سودا معدية
اكيد الانسان مكتسب تقلبات طبيعته من تقلبات الطبيعة
بيقلب سحنته في ثواني واخد شحنة مكثفة من البرق والرعد
بيحتفظ بيهم لوقت عوزة
هنعدي مع الباخرة تحت الكوبري ده
رفيقتي العزيزة قالتلي وصلنا المصنع
فضلت ابص قلتلها فينه وعملت زي يونس شلبي مش مجمعة
قالتلي اهو قدامك
قلتلها هو ده اللي علي شكل سفينة
قالتلي اه هو
واحنا داخلين عدينا من علي كوبري
حسيت نفسي في حدوتة
للاسف كانت عزيزة رجلها وبطرية قوتها فصلت مع وصولنا للمصتع
بصراحة كتر خيرها كانت وخداني في الصور علي اد عقلي
تصدقوا لقيت شكولا بالشطة اول مرة في حياتي اشوفها
عدل سابقا من قبل farida في الجمعة 04 أبريل 2008, 11:53 pm عدل 1 مرات
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
حميدة بتقولكم اوعوا تكونوا زهقانين
خلاص هتلم خلجاتها وهتغادر بالوابور الطاير
بلاد يمكن ناسها شطار لكن بصراحة بلاد مفيش بيني وبينها عمار
قبل ما نغادر كولن هعيش معاكم لحظات ليلة السفر
وتاثير حركة الطبيعة في ايقاع الناس
كان الجو بدا يقلب في اخر يوم لقيت عزيزة مصرة تصور سيمفونية رياح هوائية
ترقص عليها ايقاعات ارضية
عزيزة شقية غاوية تصور كل ما هو فيه حركة وايقاع
مش عارفة ليه قارنت سقوط الاوراق وتناثرها علي الارض
وسقوط المطر والارض مبللة تلمع كانها مراة تعكس
الاشخاص
كانهم اوراق تسقط وتتناثر لا تستطيع الصمود اما مقوة الطبيعة
ليصيروا ورقة مقاومة ومتحركة في مهب الريح
ويلجاون لطوق نجاة ربما يحميهم
ويمنحهم بعض الامان من تقلبات غضب الطبيعة
معلش اتحملوا فلسفة حميدة مخها بيتوه حبتين مع الطبيعة
ويوم السفر هتقلب دماغكم برضه بالطبيعة
هنا قدام الاوتيل ساعة الفجرية في انتظار التاكسي اللي طلبنا قبل ميعادنا يمكن باربع ساعات
مسئول الاوتيل قال ان الطريق بدري بيكون زحمة جدااااا ..واخدين بالكم من حتة زحمة دي
..مع ان المشوار مش بعيد للمطار
بس قال دي راش اور وممكن تتاخروا علي الطيارة
ما علينا قلنا زحمة ياااااااا دنياااااااااااا زحمة هنا وهناك
وحوالين الكرة الارضية
واحنا في طريقنا للمطار هنبص للون السما
حقيقي ابهرني لون السحاب الازرق مع اطلالة ضوء النهار
طبعا صورت والتاكسي ماشي وقلت زي ما تيجي
وبعدين بدات تمطر
شايفين نقط المية علي الازاز
هنا عمود النور جه في وشي وانا بصور يعني مش ذنبي ان الضوء في وشكم لزم
صورت السواق وهو سايق بينا و علي بلدي المحبوب مودينا
كان سواق تركي وفضل يرغي معانا لما عرف اننا مصريين
شايفين الطريق ازاي
بجد كنا ماشيين تاتا تاتا
هنا في السكة في السكة
واللي منور هناااااااك ده المطار كنت سعيدة اني خلاص راجعة مصر
لغاية ما نوصل المطار هحكيلكوا حاجة نسيت احكيهالكوا
لو حصلت في مصر كان الخبر اتسرب للصحف الصفرا
والاقلام الصفرا اللي ضد مصر وقالوا قوالة وحبشوا تحابيش
في يوم من ذات الايام والبرد قارص وما ادراكوا ببرد بلاد الفرنجة
صحينا الصبح تاخد شاور اتصدمنا ان الحنفيات مفيهاش غير مية متلجة
اخدت الصدمة واخدت حمام متلج ..
بعد كده قلت لسي السيد ممكن اسخن مية في الكاتل وخده معاك الجيش بيقول اتصرف
كانت نصيحة غير مجدية
المهم نزلنا نفطر لقينا الاوتيل كله تحت بيشتكي من موضوع المية
ومسئولين الاوتيل بمنتهي البرود
يردوا اصل فيه مشكلة في غاز الاوتيل
وقربوا يقولوا هنعملكم ايه يعني
بجد كانوا باردين بزيادة
واحد مصري بصوت منرفز قالهم انتوا محاسبين غالي
وبتاخدوا الاقامة بالكامل
واداهم كلام وهم ولا هم هنا
فضلت المشكلة الحقيقة يوم ونص وكانت حاجة مش ظريفة خالص طبعا
والناس رايحة المعرض وبتقضي النهار كامل هناك
بتخيل لو ده حصل في مصر كانت الاوساط الصحفية وصلتها لكارثة دبلوماسية ترن في ارجاء الكرة الارضية
وصلنا المطار وانا عمالة اقول يارب شنطي تعدي علي خير
علشان البرستيج بس قدام سي السيد واللي معانا
شكل حميدة نامت مني
هصحيها بكرة تكمل اخر فصل في الرحلة
فاستنوا عليها لبكرة الله يخليكوا
خلاص هتلم خلجاتها وهتغادر بالوابور الطاير
بلاد يمكن ناسها شطار لكن بصراحة بلاد مفيش بيني وبينها عمار
قبل ما نغادر كولن هعيش معاكم لحظات ليلة السفر
وتاثير حركة الطبيعة في ايقاع الناس
كان الجو بدا يقلب في اخر يوم لقيت عزيزة مصرة تصور سيمفونية رياح هوائية
ترقص عليها ايقاعات ارضية
عزيزة شقية غاوية تصور كل ما هو فيه حركة وايقاع
مش عارفة ليه قارنت سقوط الاوراق وتناثرها علي الارض
وسقوط المطر والارض مبللة تلمع كانها مراة تعكس
الاشخاص
كانهم اوراق تسقط وتتناثر لا تستطيع الصمود اما مقوة الطبيعة
ليصيروا ورقة مقاومة ومتحركة في مهب الريح
ويلجاون لطوق نجاة ربما يحميهم
ويمنحهم بعض الامان من تقلبات غضب الطبيعة
معلش اتحملوا فلسفة حميدة مخها بيتوه حبتين مع الطبيعة
ويوم السفر هتقلب دماغكم برضه بالطبيعة
هنا قدام الاوتيل ساعة الفجرية في انتظار التاكسي اللي طلبنا قبل ميعادنا يمكن باربع ساعات
مسئول الاوتيل قال ان الطريق بدري بيكون زحمة جدااااا ..واخدين بالكم من حتة زحمة دي
..مع ان المشوار مش بعيد للمطار
بس قال دي راش اور وممكن تتاخروا علي الطيارة
ما علينا قلنا زحمة ياااااااا دنياااااااااااا زحمة هنا وهناك
وحوالين الكرة الارضية
واحنا في طريقنا للمطار هنبص للون السما
حقيقي ابهرني لون السحاب الازرق مع اطلالة ضوء النهار
طبعا صورت والتاكسي ماشي وقلت زي ما تيجي
وبعدين بدات تمطر
شايفين نقط المية علي الازاز
هنا عمود النور جه في وشي وانا بصور يعني مش ذنبي ان الضوء في وشكم لزم
صورت السواق وهو سايق بينا و علي بلدي المحبوب مودينا
كان سواق تركي وفضل يرغي معانا لما عرف اننا مصريين
شايفين الطريق ازاي
بجد كنا ماشيين تاتا تاتا
هنا في السكة في السكة
واللي منور هناااااااك ده المطار كنت سعيدة اني خلاص راجعة مصر
لغاية ما نوصل المطار هحكيلكوا حاجة نسيت احكيهالكوا
لو حصلت في مصر كان الخبر اتسرب للصحف الصفرا
والاقلام الصفرا اللي ضد مصر وقالوا قوالة وحبشوا تحابيش
في يوم من ذات الايام والبرد قارص وما ادراكوا ببرد بلاد الفرنجة
صحينا الصبح تاخد شاور اتصدمنا ان الحنفيات مفيهاش غير مية متلجة
اخدت الصدمة واخدت حمام متلج ..
بعد كده قلت لسي السيد ممكن اسخن مية في الكاتل وخده معاك الجيش بيقول اتصرف
كانت نصيحة غير مجدية
المهم نزلنا نفطر لقينا الاوتيل كله تحت بيشتكي من موضوع المية
ومسئولين الاوتيل بمنتهي البرود
يردوا اصل فيه مشكلة في غاز الاوتيل
وقربوا يقولوا هنعملكم ايه يعني
بجد كانوا باردين بزيادة
واحد مصري بصوت منرفز قالهم انتوا محاسبين غالي
وبتاخدوا الاقامة بالكامل
واداهم كلام وهم ولا هم هنا
فضلت المشكلة الحقيقة يوم ونص وكانت حاجة مش ظريفة خالص طبعا
والناس رايحة المعرض وبتقضي النهار كامل هناك
بتخيل لو ده حصل في مصر كانت الاوساط الصحفية وصلتها لكارثة دبلوماسية ترن في ارجاء الكرة الارضية
وصلنا المطار وانا عمالة اقول يارب شنطي تعدي علي خير
علشان البرستيج بس قدام سي السيد واللي معانا
شكل حميدة نامت مني
هصحيها بكرة تكمل اخر فصل في الرحلة
فاستنوا عليها لبكرة الله يخليكوا
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
كملي يا حميدة عايزة أشوف رحلة بين السما والأرض بعيونك :#~€:هصحيها بكرة تكمل اخر فصل في الرحلة
فاستنوا عليها لبكرة الله يخليكوا
مصرية- عضو ألفى
-
عدد الرسائل : 1868
العمر : 45
تاريخ التسجيل : 23/12/2007
رد: سفاري وكعب دايربعيوني
مسئول الاوتيل قال ان الطريق بدري بيكون زحمة جدااااا
عادي لانهم بيصحو في الفجرية علشان يلحق كل واحد شغله
لانه عادة بين المنزل و الشغل فيه كيلوميترات
فرفر بحق حميدة بروفيسيونال خالص
برافو عليكز عليها
يللا كملي و ميرسي على القطة
Gatita- عضو ألفى
- عدد الرسائل : 1149
تاريخ التسجيل : 02/12/2007
رد: سفاري وكعب دايربعيوني
على فكرة يا فريدة ..
موضوعك حلو وطريقتك خليتنا نعيش معاكى ..
فى انتظار رحلة فرنسا ..
أم الدنيا
موضوعك حلو وطريقتك خليتنا نعيش معاكى ..
فى انتظار رحلة فرنسا ..
أم الدنيا
Smart- عضو مئوى
-
عدد الرسائل : 670
العمر : 55
تاريخ التسجيل : 22/12/2007
رد: سفاري وكعب دايربعيوني
يا سلام يا هشام يعني ملقيتش حاجة تشوفها غير الزراير
Gatita- عضو ألفى
- عدد الرسائل : 1149
تاريخ التسجيل : 02/12/2007
رد: سفاري وكعب دايربعيوني
Gatita كتب:يا سلام يا هشام يعني ملقيتش حاجة تشوفها غير الزراير
ما هى معقدانى يا جاتيتا
فاتكلمت على اللى أقدر عليه
رد: سفاري وكعب دايربعيوني
خلاص يا هوشام مطعيتشي
الاسبوع ده حتشوف حاجة تفرحك
شوية
قالتهالي العصفورة
الاسبوع ده حتشوف حاجة تفرحك
شوية
قالتهالي العصفورة
Gatita- عضو ألفى
- عدد الرسائل : 1149
تاريخ التسجيل : 02/12/2007
رد: سفاري وكعب دايربعيوني
طبعا حميدة جت ترحب بيكم من تاني وهي محرجة خالص
ومكسووووووفة منكم اعذروها معلش هي بتفوت اليومين الدول
مصرية اناااااا جااااية فرافيرووووووو هطيركم بين السحاب
سكينة يااختي دايما مشجعاني
يعني مين ممكن يشجع ريا غير سكينة
وعلي فكرة انا كنت قاصدة اتكلم عن الزحمة ووقت الذروة واقول انها مش بس في مصر لكن في كل بلاد الدنيا
سمارت بحس انك عيان وحلمي نظمي رسمي
لما بتشكر في الموضوع هنا
بس مش هقدر اقولك غير تشكرات علي مجاملات
هشاااااااااام افندي وكيل النيابة ورئيس البلدية
ماشاء الله مش عارفة كنت هعمل ايه من غير قوة ملاحظتك في الموضوع
الحقيقة علي راي استيفان روستي نشنت ونشانك رشق
استعدوا معايا للاقلاع في رحلة خيالية بين السحاب
ومكسووووووفة منكم اعذروها معلش هي بتفوت اليومين الدول
مصرية اناااااا جااااية فرافيرووووووو هطيركم بين السحاب
سكينة يااختي دايما مشجعاني
يعني مين ممكن يشجع ريا غير سكينة
وعلي فكرة انا كنت قاصدة اتكلم عن الزحمة ووقت الذروة واقول انها مش بس في مصر لكن في كل بلاد الدنيا
سمارت بحس انك عيان وحلمي نظمي رسمي
لما بتشكر في الموضوع هنا
بس مش هقدر اقولك غير تشكرات علي مجاملات
هشاااااااااام افندي وكيل النيابة ورئيس البلدية
ماشاء الله مش عارفة كنت هعمل ايه من غير قوة ملاحظتك في الموضوع
الحقيقة علي راي استيفان روستي نشنت ونشانك رشق
استعدوا معايا للاقلاع في رحلة خيالية بين السحاب
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
بعد ما وصلنا المطار وكنت ماشية مع المجموعة
كاني ماشية علي باتيناج
وكنت بقول لروحي مش مشكلة المهم الوزن يعدي علشان برستيجي
وصلنا وفضل قلبي تيك تاك بووووووم
وكان نفسي جدا اقولهم نفسي احط كمان الهاند باج
لكن الصراحة لقيت واحدة معانا حطت شنطتها فاتكسفت
المهم عدا موضوع الوزن بسلااااااااام وكان لسة بدري علي ميعاد الطيارة
وانا رايحة جاية في المطار قالوا يلا بينا ندخل جوة
قلت طيب ..
وبرضه عمالة اقول في نفسي وانا ماشية اتهادي بالهاند باج وشنطة ايدي
وقلت اكيد الكريمات في الشنطة مفيهاش مشكلة
لانها مقفولة ومش سايلة
بس جوايا كان احساس قلق خفي
وصلنا للسير اللي معانا عدوا وسي السيد كان جنبي عدا وجيت هوووب
المسئولة فتحت الهاند بعد ما طلعت من السير
وقالتلي مدام ممنوع الكريمات وانتي معاكي حاجات كتير
طبعا انا شلت هم برستيجي اوي جدا
وخصوصا ابتدا سي السيد يتبرم ويقولي خلاص سيبيهم
قلتله اوووه نوووووو ازاي لا طبعا
فيهم حاجات مطلوبة مني
ردت عليه المسئولة قالتله حرام دي حاجات غالية
وهي لسة عندها وقت تروح تشحن الهاند باج مع الشنط
بصيت لسي السيد و قلتله خليك انت روح للناس وانا هرجع
طبعا كنت عاملة جدعة بس طبعا قلقانة من جوة
طبعا لما المسئولة لقتني متضايقة وشافت توتر سي السيد
فحبت تهديه علشاني
وقالته اول ما ترجع مش هوقفكم في الطابور
وطبعا سبقته وجريت جري علي نفس المضيفة اللي كنا بنوزن عندها
وشرحتلها الموقف وشافتني بنهج جدا
وقالتلي بس دي وزنها زيادة عن الشنط
المهم يظهر صعبت عليها
وفي مجية سي السيد خلصتلي الموضوع
بصتله بمنتهي التقل ليه بس تعبت نفسك
ما انا قلتلك هتصرف
طبعا توتره زاال بعد ما الامن استتب
وانا كمان محاولتش اعتب ..
فقلب الاسطوانة بقي
وفضل يقول اصلي بتوتر في السفر
قلتله عادي كل الناس معرضة مفيهاش حاجة
خصوصا مع التدقيق في المطارات دلوقت
بس وحياتكم قلت تووووووووبة وهشيل في الهاند باج بعد كده
هدوم و بس
وده فادني بعد كده مع رحلة فرنسا
بعد شوية رغي من حميدة وانتوا مش عارفين تقولولها كملي تعبتينا
هسكتها انا بالنيابة وشوفوا معايا تاملي وانافي الطيارة
و مبستغربة فكرة اختراع الة حديد تطير بينا في الهوا
بعد ما عيني نزلت من لحظات التامل والخيال رجعت لارض الواقع
وساعة ربط الاحزمة والطيارة لسة علي الارض الصلبة
اوعوا يكون فيه حد بيخاف بصيت علي سي السيد لقيته مغمض
لكن بصراحة انا بحب اتامل كل حدث واسجله
حتي لو جوايا شوية قلق
يمكن لاني بحس ان فيه لحظات مش دايما ممكن الفرصة تتكرر..
زي وجودي جنب الشباك وتسجيل رحلة السحاب
خصوصا عشقي للطبيعة علي طبيعتها
احساس غريب الشعور اننا طايرين زي اي طير في السما ممكن نبص
علي الدنيا من فوق مع واحنا عليها بنتوه معاها وعليها
وهي من فوق صغيرة اوي حدودها باينة ومتحددة
[
خلاص ابتدي السحاب الناصع يغطيها وياخدنا في عالم تاني
اوعوا تدوخوا فيه شوية شقلبات اعتبروا نفسكم في الملاهي
كنت بحب اوي اركب في الملاهي المراجيح اللي بسلاسل وبتاخدني فوووق كنت بحب احس اني طايرة وكنت بتمني المس السحاب
هنرجع لقواعدنا شوية شوية
كنت سعيدة ان الارض بدات تختفي واني هطير بخيالي بس مع الفضاء الخالي
بعيد عن الضوضاء الجسدية والنفسية
احساس بامانة ممتع لو مش بنخاف نحلق في الهواء الطلق
اخيرا بقيت عايمة مع السحاب وفي السحاب كاني بتحرك مع كل سحابة
كانه البساط السحري وهياخدني معاه ويسحرني بجماله
وبياضه الصافي
كاني ماشية علي باتيناج
وكنت بقول لروحي مش مشكلة المهم الوزن يعدي علشان برستيجي
وصلنا وفضل قلبي تيك تاك بووووووم
وكان نفسي جدا اقولهم نفسي احط كمان الهاند باج
لكن الصراحة لقيت واحدة معانا حطت شنطتها فاتكسفت
المهم عدا موضوع الوزن بسلااااااااام وكان لسة بدري علي ميعاد الطيارة
وانا رايحة جاية في المطار قالوا يلا بينا ندخل جوة
قلت طيب ..
وبرضه عمالة اقول في نفسي وانا ماشية اتهادي بالهاند باج وشنطة ايدي
وقلت اكيد الكريمات في الشنطة مفيهاش مشكلة
لانها مقفولة ومش سايلة
بس جوايا كان احساس قلق خفي
وصلنا للسير اللي معانا عدوا وسي السيد كان جنبي عدا وجيت هوووب
المسئولة فتحت الهاند بعد ما طلعت من السير
وقالتلي مدام ممنوع الكريمات وانتي معاكي حاجات كتير
طبعا انا شلت هم برستيجي اوي جدا
وخصوصا ابتدا سي السيد يتبرم ويقولي خلاص سيبيهم
قلتله اوووه نوووووو ازاي لا طبعا
فيهم حاجات مطلوبة مني
ردت عليه المسئولة قالتله حرام دي حاجات غالية
وهي لسة عندها وقت تروح تشحن الهاند باج مع الشنط
بصيت لسي السيد و قلتله خليك انت روح للناس وانا هرجع
طبعا كنت عاملة جدعة بس طبعا قلقانة من جوة
طبعا لما المسئولة لقتني متضايقة وشافت توتر سي السيد
فحبت تهديه علشاني
وقالته اول ما ترجع مش هوقفكم في الطابور
وطبعا سبقته وجريت جري علي نفس المضيفة اللي كنا بنوزن عندها
وشرحتلها الموقف وشافتني بنهج جدا
وقالتلي بس دي وزنها زيادة عن الشنط
المهم يظهر صعبت عليها
وفي مجية سي السيد خلصتلي الموضوع
بصتله بمنتهي التقل ليه بس تعبت نفسك
ما انا قلتلك هتصرف
طبعا توتره زاال بعد ما الامن استتب
وانا كمان محاولتش اعتب ..
فقلب الاسطوانة بقي
وفضل يقول اصلي بتوتر في السفر
قلتله عادي كل الناس معرضة مفيهاش حاجة
خصوصا مع التدقيق في المطارات دلوقت
بس وحياتكم قلت تووووووووبة وهشيل في الهاند باج بعد كده
هدوم و بس
وده فادني بعد كده مع رحلة فرنسا
بعد شوية رغي من حميدة وانتوا مش عارفين تقولولها كملي تعبتينا
هسكتها انا بالنيابة وشوفوا معايا تاملي وانافي الطيارة
و مبستغربة فكرة اختراع الة حديد تطير بينا في الهوا
بعد ما عيني نزلت من لحظات التامل والخيال رجعت لارض الواقع
وساعة ربط الاحزمة والطيارة لسة علي الارض الصلبة
اوعوا يكون فيه حد بيخاف بصيت علي سي السيد لقيته مغمض
لكن بصراحة انا بحب اتامل كل حدث واسجله
حتي لو جوايا شوية قلق
يمكن لاني بحس ان فيه لحظات مش دايما ممكن الفرصة تتكرر..
زي وجودي جنب الشباك وتسجيل رحلة السحاب
خصوصا عشقي للطبيعة علي طبيعتها
احساس غريب الشعور اننا طايرين زي اي طير في السما ممكن نبص
علي الدنيا من فوق مع واحنا عليها بنتوه معاها وعليها
وهي من فوق صغيرة اوي حدودها باينة ومتحددة
[
خلاص ابتدي السحاب الناصع يغطيها وياخدنا في عالم تاني
اوعوا تدوخوا فيه شوية شقلبات اعتبروا نفسكم في الملاهي
كنت بحب اوي اركب في الملاهي المراجيح اللي بسلاسل وبتاخدني فوووق كنت بحب احس اني طايرة وكنت بتمني المس السحاب
هنرجع لقواعدنا شوية شوية
كنت سعيدة ان الارض بدات تختفي واني هطير بخيالي بس مع الفضاء الخالي
بعيد عن الضوضاء الجسدية والنفسية
احساس بامانة ممتع لو مش بنخاف نحلق في الهواء الطلق
اخيرا بقيت عايمة مع السحاب وفي السحاب كاني بتحرك مع كل سحابة
كانه البساط السحري وهياخدني معاه ويسحرني بجماله
وبياضه الصافي
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: سفاري وكعب دايربعيوني
معلش حميدة كانت بتظبط اتجاهات الكتابة بين السحاب
ومع السباحة في قلب السحابة
كان فيه اجزاء حاجة غريبة جدا لومها كان مبهر بالنسبالي
حقيقي سبحان الله عللي الطبيعة بتنافس الطبيعة تحت
بجد مش ممكن كنت حسة اني عايزة فعلا ابقي سندوتش
جوة السحاب اكيد ممتع
مش هتتخيلوا ازاي كنت فعلا جواه باحساسي وخيالي
لدرجة اني كنت بتمني اني في لحظات بناجي فيها ربنا
ان روحي تطير وانا بين السحاب
نسيت اقولكم اننا هننزل ترانزيت في فرانكفورت
كان فيه غيم في اجزاء اجزاء
ويمكن ده ساعدني اصور بمتعة اكتر طبيعة الطبيعة
هححاول اسكت حميدة علشان تتاملوا وتدخلوا في حالة
قربنا ننزل متقلقوش
انا مسكتة حميدة بالعافية
عارفة انكم ماسكين نفسكم مع اللاندينج
بس متخافوش اصل سواقنا شاطر ونزلنا فرانكفورت بد ل القناطر
بس انا بموت في القناطر
خلاص بنقف وهيركبونا اتوبيس وابوخ حاجة ان الرحلات العربية
بيوقفوها بعيييييد طبعا كان غايظني جدا الموضوع ده
المنظر ده كان صعب اقاوم تصويره
بصراحة كنت بحاول اصور بالذات وقت الهبوط بسرعة جدا
فحاولت علي اد ما قدرت
هنا منظر الغيم في السما وبيتخلله ضوء من الشعاع
مسلط علي طير قادر ان ياخذنا لننطلق مع الرقعة النورانية
اوعوا تمشوا راجعة طيراااااان
ومع السباحة في قلب السحابة
كان فيه اجزاء حاجة غريبة جدا لومها كان مبهر بالنسبالي
حقيقي سبحان الله عللي الطبيعة بتنافس الطبيعة تحت
بجد مش ممكن كنت حسة اني عايزة فعلا ابقي سندوتش
جوة السحاب اكيد ممتع
مش هتتخيلوا ازاي كنت فعلا جواه باحساسي وخيالي
لدرجة اني كنت بتمني اني في لحظات بناجي فيها ربنا
ان روحي تطير وانا بين السحاب
نسيت اقولكم اننا هننزل ترانزيت في فرانكفورت
كان فيه غيم في اجزاء اجزاء
ويمكن ده ساعدني اصور بمتعة اكتر طبيعة الطبيعة
هححاول اسكت حميدة علشان تتاملوا وتدخلوا في حالة
قربنا ننزل متقلقوش
انا مسكتة حميدة بالعافية
عارفة انكم ماسكين نفسكم مع اللاندينج
بس متخافوش اصل سواقنا شاطر ونزلنا فرانكفورت بد ل القناطر
بس انا بموت في القناطر
خلاص بنقف وهيركبونا اتوبيس وابوخ حاجة ان الرحلات العربية
بيوقفوها بعيييييد طبعا كان غايظني جدا الموضوع ده
المنظر ده كان صعب اقاوم تصويره
بصراحة كنت بحاول اصور بالذات وقت الهبوط بسرعة جدا
فحاولت علي اد ما قدرت
هنا منظر الغيم في السما وبيتخلله ضوء من الشعاع
مسلط علي طير قادر ان ياخذنا لننطلق مع الرقعة النورانية
اوعوا تمشوا راجعة طيراااااان
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
صفحة 2 من اصل 7 • 1, 2, 3, 4, 5, 6, 7
صفحة 2 من اصل 7
صلاحيات هذا المنتدى:
لاتستطيع الرد على المواضيع في هذا المنتدى