هل نحن ساميين أم حاميين؟

من زمان اسمع إن العرب ساميين، وكنت بستغرب جدا لما الإسرائيليين يقولوا إن العرب أعداء السامية. أقول طيب إزاي وهم أصلا ساميين؟

بالصدفة لاقيت بعض المقالات عن أنساب القبائل لنوح عليه السلام، فإذا بالعرب والفرس من نسل سام بن نوح، والقبط والبربر (سكان شمال أفريقيا على ما أظن) والسودان من نسل حام بن نوح.

طيب القبط طبعا اللي هم المصريين زي ما إحنا عارفين، بس يا ترى إيه أصل الحكاية؟

تعالوا واحدة واحدة نبحث سويا عن أصلنا كمصريين وعرب ونشوف أصولنا إيه ومنين. بداية خلوني أعرفكوا كلام قريته في كتاب "النجوم الزاهرة في ملوك مصر والقاهرة" جمال الدين أبو المحاسن يوسف بن تغري بردي، صفحة 5 بعنوان "من ملك مصر قبل الإسلام".

يسرد المؤلف في هذا الجزء بصورة مختصرة للغاية حكم مصر وبدأ فيه من معنى كلمة "مصر".

يقول المؤلف:
"وكان بيصر بن حام بن نوح قد كبرت سنه فأوصى إلى الأكبر من ولده وهو مصر وأجمع الناس على أنه ملك من حد رفح من أرض فلسطين من بلاد الشأم وقيل‏:‏ من العريش وقيل‏:‏ من الموضع المعروف بالشجرة وهو آخر أرض مصر والفرق بينها وبين الشأم وهو الموضع المشهور بين العريش ورفح إلى بلاد أسوان من بلاد الصعيد طولًا ومن آيلة وهي تخوم الحجاز إلى برقة عرضًا‏.‏"

أظن هي دي حدود مصر الحالية؛ معرفش فين برقة فياريت لو حد يعرف يقولي.

يكمل المؤلف قائلا:
"وكان لمصر أولاد أربعة وهم‏:‏ قبط وأشمون وأتريب وصا‏.‏"

"وقسم مصر بين ولده الأربعة الأرض أرباعًا وعهد إلى الأكبر من ولده وهو قبط - وأقباط مصر يضافون في النسب إلى أبيهم قبط بن مصر وأضيفت المواضع إلى سكانها وعرفت بأسمائهم واختلطت الأنساب وكثر ولد قبط وهم الأقباط فغلبوا على سائر الأرض ودخل غيرهم في أنسابهم‏."

يكمل الكاتب بعد ذلك بعض التفاصيل عن الغزو الذي تعرضت له مصر وعن فرعون موسى عليه السلام والكثير من الأحداث، إلا أن ما يهمنا هنا هو أن المصريون بداية من نسل قبط بن مصر بن بيصر بن حام بن نوح.

http://www.al-eman.com/IslamLib/viewchp.asp?BID=181&CID=5#s1

يعني المصريين حاميين مش ساميين؛ أمال مين الساميين دول؟

يقول القلقشندي في نهاية الأرب "ساق ابن عبد البر بالإسناد إلى ابن المسيب أنه قال: "ولد نوح ساما ويافثا وحاما وولد كل واحد من هؤلاء الثلاثة ثلاثة، فولد سام العرب وفارس والروم، وولد ياقث الترك والصقالبة ويأجوج ومأجوج، وولد حام القبط والسودان والبربر. وقال وهب بن منبه: سام بن نوح أبو العرب وفارس والروم، وحام أبو السودان، ويافث أبو الترك والصقالبة ويأجوج ومأجوج وهم بنو عم الترك. فهذا سعيد بن المسيب ووخب بن منبه قد اتفقا على ما ترى وغيرهما يخالفهما في ذلك"

http://www.alashraf-leb.org/docs/tribes/Arab/tribes_branching.htm

لاقيت نفسي بعد ما قريت ولفيت بين الكتب يمين وشمال بسأل نفسي:

طيب في الآخر بقى إحنا ساميين ولا حاميين؟
طيب هو إحنا مصريين من نسل حام بن نوح؟
ولا أتراك من نسل يافث بن نوح؟
ولا أرمن من نسل سام بن نوح؟
ولا سودانيين نسل حام بن نوح؟
ولا عرب من نسل سام بن نوح؟
ولا صينيين من نسل صيني بن ماغوغ بن يافث بن نوح؟

ولا كلنا بشر وفي الآخر إخوات ولنا جد واحد هو نوح بن آدم عليه السلام؟

جديد الكلام ده يا مصرية
اول مره أسمعه ؟

بالضبط يا أوسكا، أنا كمان استغربت الكلام علشان كده طرحته للمناقشة جايز حد عنده معلومات يقدر يفيدنا.

أنا شخصيا حقرا تاني وكل ما أوصل لحاجة أكيد حكتبها.

حلو المنتدى ده يا سمارت بس عايزة أعرف رأيك في الموضوع تفتكر الكلام ده حقيقي؟ ولا ملخبط؟ تفتكر إحنا من نسل مين من أبناء نوح؟

شوفي يا مصرية انا اتولدت وخلاص مش شاعرة انه هيفرق اوي انا من نسل مين

المهم انا ايه وعايشة وبتواصل مع كل مخلوقات الله ازاي

والاهم نهايتي هتكون ازاي

بدايتي مش اهم من نهايتي

لكن المعرفة عموما مهمة اننا ناخد فكرة عن كل حاجة
طول ما احنا علي الارض

بس يا بنتي انتي بتجيبي الحاجات دي منين
بجد دؤوبة في البحث يا شطورة

فريدة ودكتور أدهم

أخجلتم تواضعنا

شكرا جزيلا هي هواية البحث عن الأصول والحقيقة في حاجات بتيجي لغاية عندي بس ممكن من جملة يجيي فيها كلمة تلخبطني وتخليني أدور عليها وموقع بيجر التاني ألاقي في موضوع اتفتح.

على العموم شكرا لمتابعتكم وأرجو لو في تصحيح أو إضافة للمعلومات تقولولي.

حلو المنتدى ده يا سمارت بس عايزة أعرف رأيك في الموضوع تفتكر الكلام ده حقيقي؟ ولا ملخبط؟ تفتكر إحنا من نسل مين من أبناء نوح؟

فى الحقيقة يا مصرية أنا بقالى فترة مشغول فى دراسة اللغة الآرامية ..
وهذا قادنى إلى دراسة اللغات السامية عموماً ..
والتى هى الآرامية والعبرية والعربية وغيرها ..
وهو ما قادنى إلى هذا المنتدى ..

ومن ضمن ما قرأت ..
أن أحدهم ينسب إلى التوراة أو العهد القديم من الكتاب المقدس،
خطأ نسب المصريين إلى نسل حام وأن الأصح هو انتسابهم لنسل سام ..

وفى الواقع ..
أنا كل معلوماتى أن تصنيف الشعوب مصدره الأول هو ما كُتب فى التوراة ..
ولكن لا أعرف على وجه التحديد آخر المستجدات فى الدراسات العلمية ..
حول مدى صدق رواية التوراة وتصنيفها للشعوب ..
أو حول تصنيف العلم للشعوب عموماً ..

ومبدأياً هذا معجم الحضارات السامية ..
http://www.archive.org/details/muajm-alhdarat

حلو الموضوع يا مصرية ..طبعا زي كل مواضيعك حلو البحث والاطلاع والمعرفة اكيد.....بس انا رأيي من رأي ماما فريدة...مش مهم انا جايه منين المهم انا ايه ونهايتي ايه....بس اكيد المعرفة حلوه ..

مش عارفه ليه موضوعك فكرني بسيدنا ابوبكر رضى الله عنه..واشتهاره بعلم الاصول والانساب في الجاهلية....
كملي يا مصرية ولو لقيت حاجه هبقى انقلها هنا ان شاء الله

قمورة وفري أنا متفقة معاكوا إن المهم هو أنا إيه؟ بقدم إيه؟ وجودي في الحياة معناه إيه؟

هو ده المهم والأهم بالنسبة لي برضه، لكن الفكرة من الموضوع ده هو البحث في أصول البشرية.
يعني زي ما وضحت في الأول الناس دايما يقولوا العرب ساميين، وأنا بعتبر بما إن المصريين العر فهم برضه ساميين، اكتشفت إن ده غلط، لإن المصريين لغتهم الأساسية قبطية مش عربية على ما أظن، وممكن سمارت يأكد إذا كانت المعلومة دي صحيحة أو لأ.

ومن المنطلق ده؛ كان طبيعي أفكر طيب هل أنا مصرية؟
أيوة ولا لأ؟

هنا كان سب الموضوع هل بعد اختلاط الأنساب اللي حصل في مصر وفي دول كتير يقدر أي حد يقول إنه سامي أو حامي أو من سل يافث؟

اليود أنفسهم أصلا خرجوا من مصر، يعني لو المصريين مش من نسل سام يبقى اليهود مش ساميين. ويبقى الكلام اللي كل يوم بيقولوه ده مجرد كلام وبس علشان يزهقونا.

ده السبب في فتحي للموضوع، أما أهميتي كشخصية وأثري في ما حولي، بعامل الناس بأي طريقة، فهو طبعا وأكيد حاجة مهمة بدون جدال علشان كده لم أذكرها في البداية.

شكرا

كملي يا مصرية الموضوع حلو

حاضر يا قمورة بس همتكوا معايا، أنا آخر ما توصلت له هو اللي قلته هنا، ومش عارفة هل المعلوات صحيحة ولا لأ، أتمنى لو حد عنده معلومات تفيدنا جميعا.

والله بالنسبة ليا مكنش يتعز لو عندى مخبيش والله انا فنجرى يعنى

بس كفاية الى كتبتيه اصلا لان من يوم ماقريته لدلوقتى وانا دماغى بتلف وعينى احولت

بس كفاية الى كتبتيه اصلا لان من يوم ماقريته لدلوقتى وانا دماغى بتلف وعينى احولت

لي بس يا هروم ده موضوع مسلي جدا.

بس إنت خلص زنقة الشغل اللي عندك أكون دورت في شوية مراجع ونتكلم على أصول اليهود ونشوف هل هم ساميين فعلا ولا لأ؟

ونتكلم عن حقهم في فلسطين؛ من الناحية دي.

إي رأيك بقى

http://www.shagarah.com/anbyaa/anbyaa_ar.html

موقع حلو عبارة عن شجرة الأنبياء مفصلة؛ لكن يجب تكبيرها لبيان التفاصيل.