الحدوتة!! .. وحلها؟؟
4 مشترك
صفحة 1 من اصل 1
الحدوتة!! .. وحلها؟؟
من طرف Hesham الأربعاء 16 يونيو 2010, 8:38 pm
المصريين شعب لذيذ طول عمره .. فى حاله .. مالوش دعوة بمين يحكمه .. يكون مصرى، يكون هكسوس، يكون إغريق أو رومان أو عرب أو فرس .. هو مالوش دعوة غير بأرضه وبس .. مرتبط بيها زى ما يكون جزء منها وهى جزء منه .. أى حد عاوز يحكمها، ولا تفرق معاه .. مش موضوعه .. المهم انه ما يقسمهاش، ما ياخدش منها شبر، ويسيبه لازق فى أرضه يزرع فيها وينتج جنبها .. حلو لحد كده؟
فضل المصريين على كده لحد ما وصل محمد على بسلامته .. واللى هرونا شحن فى دماغنا انه مؤسس مصر الحديثة ومش عارف ايه وايه كمان .. وهو فى رأيى .. كان بداية الإنهيار اللى بنعيشه النهاردة، والدلائل كثيرة ومثبتة لمن يهمه الأمر ..... المهم .. وصلنا لثورة 52 .... ولازم نعرف ان دراسة التاريخ لا تعيق دراسة المستقبل زى ما فهمت من كلام شباب كثير ... ولولا ان اليابان درست تاريخها، ما كانتش قدرت تقوم على رجليها بعد هيروشيما وتبقى أهم دولة فى العالم النهاردة
قامت الثورة على أساس 6 مبادئ، كنا بنمتحن فيهم فى المدرسة فى أولى إعدادى، كل مبدأ فيهم قصة لوحده ومش موضوعنا دلوقت .. لكن المهم نعرف أنهم كانوا مبادئ مثالية وجادة، وقابلة للتنفيذ، وبدأوا فى تنفيذها حرفياً بالفعل، ونتائج التنفيذ بانت بسرعة مذهلة، لدرجة ان مصر أصبحت وقتها قبلة لكل شعوب العالم بإستثناء أمريكا وأوروبا الغربية طبعاً .. يعنى من الآخر .. العالم كله بإستثناء حوالى 15 دولة، اللى هما الدول الإستعمارية اللى كانوا مقسمين العالم كله كمناطق نفوذ لهم بالتساوى .. فطبيعى .. انهم ما يسكتوش وما يقفوش يتفرجوا على مصر وهى فى 4 سنين بس .. كانت على وشك التحول لدولة عظمى عسكرياً وإقتصاديا وصناعيا وثقافيا وغيره وغيره .. فاشتغلوا علينا .. واشتغلونا .. طابور خامس، عدوان ثلاثى، فك الوحدة مع سوريا، مراكز قوى، نكسة .. وفين يوجعك يا مصر .. واديله .. فيتحول إقتصاد الدولة لإقتصاد حرب، وإعلام الدولة لإعلام حرب، وكله، حتى هوا الدولة .. إلى هوا حرب ... وده كان شئ طبيعى وقتها طبعاً، ولو تكرر اليوم بنفس الترتيب حيحصل بنفس الطريقة اللى تم بها وقتها
ومعلهش انى طولت فى الجزء التاريخى .. ولسه فيه شوية كمان .. بس كان لازم فى رأيى
طبعاً قرأتوا وشفتوا أفلام وبرامج توك شو كثير وعارفين كثير عن التغيير الإجتماعى اللى حصل فى مصر بعد الثورة ,, وشقلبة الطبقات الإجتماعية .. اللى كانوا باشوات ما بقوش .. واللى كانوا بيعانوا قبل الثورة بقوا قيادات .. ولأنهم بشر، فطبيعى ان كان عند الكثير منهم أحقاد تجاه الطبقة الإقطاعية قبل الثورة .. فبهدلوهم بعدها .. ودى كانت غلطة خطيرة .. وبعدين .. حصل ان الثورة اهتمت بكل حاجة، وده يحسب لها طبعاً .. إلا حاجة واحدة وهى الإنسان نفسه .. اهتمت ببنائه ليكون ثورى، عامل، منتج، متحمس .. لكن نسيت تبنيه أخلاقياً، ونسيت توظفه صح .. يعنى مثلاً، لما تجيب فلاح متربى فى عشة، ومتعود يمصمص قصب ويرمى القشر على باب الدار، لأنه المعيز حتعدى تاكله بعد شوية ,,, وتوديه يعيش فى المدينة، فيمصمص القصب برضو ويرمى القشر برضو على باب العمارة، وماياخدش باله ان مافيش معيز .. وماحدش يقوله كده غلط يا شاطر .. فده يعتبر عيب فى التخطيط وعيب فى التوزيع الجغرافى وعيب فى تطبيق مقولة الرجل المناسب فى المكان المناسب، رغم انه مثال بسيط وشكله عبيط، لكن لو نطبقه على حاجات تانية كثيرة وعلى كل المستويات .. حنفهم أسباب اللخبطة اللى حصلت
بعد كده وصلنا للسبعينات، والكل يعرف ما عمله السادات من تغييرات حادة فى السياسة 180 درجة عكس إتجاه الخمسينات والستينات .. يعنى اللى الثورة قعدت تبنى فيه على مدار 21 سنة، هده هو فى سنتين 2 بالعدد .. إنفتاح اقتصادى ومبادرة سلام .. قلبوا موازين البلد تماماً .. غيروا مفاهيم الناس رأساً على عقب، نسفوا كل المبادئ والقيم اللى أجيال كاملة اتربت عليها .. خلقت طبقات إجتماعية جديدة، ومسحت من الوجود طبقات تانية كانت موجودة، وخسفت الأرض بطبقات تالتة وهكذا .. ما بقاش حد عارف فيه ايه .. مين بيعمل ايه إمتى وليه وإزاى .. كأن واحد مسك إزازة وقعد يرج فيها ويتفرج على الفتافيت اللى بتتخانق جواها بحركة عشوائية ... وهوباااااااا ... ظهرت العشوائيات .. ظهرت الناس اللى وصلوا من الريف ومن مناطق الله أعلم هى ايه .. وبالدراع استولوا على أراضى مش بتاعتهم .. اغتصاب .. وبنوا عليها بوضع اليد .. وصاروا حقيقة واقعة لا يمكن تغييرها .. هما نفسهم، اللى خرج منهم سواقين الميكروباص اللى بيسوقوا بعشوائية، وخرج منهم قطاع الطرق والمحامين النصابين والدكاترة الفاسدين وكل ما هو عشوائى فى البلد وفاسد ومقرف .. لأنهم نشأوا وتربوا على ثقافة اهجم وخد اللى تقدر عليه .. مش مهم يكون من حقك والا لأ .. المهم تغتصب وتاخد على أد ما تقدر، وبكرة كله حيتنسى وكله حيبقى بتاعك بوضع اليد
ما بين الإنفتاح الإستهلاكى، والإعارات للدول البترولية بفلوسها وبتدينها الشاذ، والعشوائيات، وثقافة السلام والإستسلام لواقع الوجود للكيان الصهيونى، وثقافة مصر مالهاش دعوة بالعرب ولا بحد، وثقافة وإحنا مالنا ويالله نفسى، وثقافة الهامبورجر السريع والتاك أواى وانجز وخلص يا عم، وما بين مسح الذاكرة المتعمد من الحكومات المتعاقبة، وتدمير وتشويه أعمال وإنجازات كل من سبقوا، وبين سخافة وحقارة ووقاحة سياسة تسخين المصريين على غيرهم من الشعوب العربية والأفريقية، وهى نقطة غاية فى الخطورة ولعب متعمد بالنار ونتائجه واضحة للأعمى حالياً من كره كل العرب والأفريقيين للمصريين .. وهو كره يحدث لأول مرة فى التاريخ كله من أيام سيدنا آدم .. بين كل هذه السياسات المتعمدة .. أو بفرض حسن النية .. السياسات الغبية .. تكون النتيجة .. أنى أقولك بصوت عالى: (أنا أحسن منك .. أنا أفضالى عليك) .. رغم انى من جوه .. متأكد ومقتنع انى أخيب منك بكثر، وانى جنبك ما أوصلش حتى أكون أد الصرصار .. لكن لأ .. علمونى وزرعوا جوايا انى أبصلك وأقولك: (ما تقــــــــــــدرش) ... زى القزم الهزيل فى مسرحية محمد صبحى ... لخبطونا ولخبطوا مفاهيمنا وغيروا مبادئنا وشقلبوا قيمنا من نص السبعينات ولحد النهاردة بدون توقف .. فشوفنا لأول مرة فى التاريخ قضية مسلم ومسيحى، وقضية غنى وفقير وكل القضايا اللى بنتابعها كل يوم
والنتيجة النهاردة؟ الوضع الحالى يعنى؟.. إن نفس الـ 15 دولة إستعمارية اللى تكلمنا عنهم فى البداية ,. وبعد ما غيروا أسلوبهم الإستعمارى، وبعد ما وقعوا حائط برلين، وبقوا أكثر من 15 الضعف تقريباً .. وبعد ما بقت إسرائيل أمر واقع وحماية دولية رغم كل إحتجاجاتنا، وبعد ما ضمنوا من خلال توصيات البنك الدولى اننا نبيع أرضنا اللى أجدادنا استشهدوا عشانها، ونبيع ممتلكاتنا اللى حاربنا عشان نأممها، يعنى نعملها ملك للأمة المصرية، وبعد ما ضربنا فى بعض بكل الطرق ولكل الأسباب، وإحنا اللى المفروض خير أجناد الأرض وفى رباط واحد إلى يوم الدين، وبعد ما البانجو والهيروين والفياجرا أكلوا دماغنا وفلسوا جيوبنا، وبعد ما روبى وهيفاء احتلوا مكان أم كلثوم وفيروز، وبعد راديو اف ام احتل مكانة البرنامج الموسيقى، وميلودى والجزيرة مكان التليفزيون العربى من ماسبيرو .. اللى هو تليفزيون مصر بالمناسبة (اسمه الأصلى: التليفزيون العربى) .. وبعد مامشاكلنا تبدلت، من إزاى نبنى مصنع الحديد والصلب وبرج الجزيرة .. لإزاى نعمل منتجعات جديدة فى شرم والساحل الشمالى ... فى وقت فيه مئات بيموتوا كل يوم من الجوع ومن حوادث الطريق ومن طوابير العيش والبوتاجاز .... مين بعد كده ممكن يفكر فى
أخلاقيات المجتمع؟؟؟ ده مين الرايق ده؟؟؟ مين مستعد يشارك فى انتخابات؟؟؟ طيب حيشارك ليه؟؟؟ وعشان مين؟؟؟ مين حيفرق معاه ان الأقصى محتل؟؟؟ مين حيهمه يعرف تفاصيل تقارير المركز القومى للمحاسبات التى تفضح مئات حالات الفساد على كل المستويات بدءً من الوزراء ولغاية أصغر موظف فى الدولة؟؟؟ بلاش ..... مين حيهتم لو اسرائيل قررت تضربنا بكره؟؟؟ وليه نفترض؟؟؟ طب ماهى ضربتنا فعلاً فى يناير 2009 وهى بتضرب غزة، وبيوت فى رفح المصرية اتهدت ومصريين استشهدوا ... وشغالة الله ينور فى موضوع النيل بقالها سنين .. عملنا ايه؟؟ وحنعمل ايه؟؟ ولا حاجة غير الزعل .. ليه؟؟ علشان كل ما سبق من كلامكم وكلامى وكلام غيرنا فى كل مكان
والحل؟؟
الحل .. اننا أولاً نعرف الموضوع بدأ إزاى .. ونفهم رايح على فين ... بس نفهمه صح بموضوعية .. مش بيأس أو غضب وشكراً .. لأ .. بفهم حقيقى .. وبعدين .. كل واحد من مكانه يعمل اللى يقدر عليه .. يفهم اللى حواليه .. مش حتكلفه كثير ... ده كفاية، ونتيجته مضمونة .. ولو فيه شئ ممكن يتعمل غير تفهيم اللى مش فاهمين .. يبقى لازم يتعمل ... إنتخابات ننتخب، مظاهرات نتظاهر .. إضرابات نضرب .. شغل نشتغل .. كله .. لأنه من أعمالنا سلط علينا، ولا يغير الله قوماً حتى يغيروا ما بأنفسهم ... واسع يا عبد وأنا أسع معك .. ناهينا عن الشعارات والأشعار الحماسية الكثيرة المحفوظة .. وكلها صح .. المهم التنفيذ فوراً ....... إنما اليأس .. ما ينفعش .. الإحباط .. عيب .. غلط ... كلنا تهمنا مصالحنا الشخصية .. ده أكيد .. لكن لما نفهم ونتأكد انها مش حتتحقق أبداً .... والله فى سماه لو عملنا فيها قرود حتى .. لا جوه البلد ولا براها .. إلا إذا النظام فى البلد اتغير .. ساعتها بس حتكون كرامتنا محفوظة جوه وبره، زى ما كانت محفوظة ولها هيبة لحد سنة 1975 بتاعة الإنفتاح .. وساعتها حيكون سهل نحقق طموحات ونحس بنتائجها حتى ولو بسيطة .. مش زى دلوقت .. مهما حققنا .. مابنحسش بطعم أى حاجة
وبأعتذر جداً على الإطالة
فضل المصريين على كده لحد ما وصل محمد على بسلامته .. واللى هرونا شحن فى دماغنا انه مؤسس مصر الحديثة ومش عارف ايه وايه كمان .. وهو فى رأيى .. كان بداية الإنهيار اللى بنعيشه النهاردة، والدلائل كثيرة ومثبتة لمن يهمه الأمر ..... المهم .. وصلنا لثورة 52 .... ولازم نعرف ان دراسة التاريخ لا تعيق دراسة المستقبل زى ما فهمت من كلام شباب كثير ... ولولا ان اليابان درست تاريخها، ما كانتش قدرت تقوم على رجليها بعد هيروشيما وتبقى أهم دولة فى العالم النهاردة
قامت الثورة على أساس 6 مبادئ، كنا بنمتحن فيهم فى المدرسة فى أولى إعدادى، كل مبدأ فيهم قصة لوحده ومش موضوعنا دلوقت .. لكن المهم نعرف أنهم كانوا مبادئ مثالية وجادة، وقابلة للتنفيذ، وبدأوا فى تنفيذها حرفياً بالفعل، ونتائج التنفيذ بانت بسرعة مذهلة، لدرجة ان مصر أصبحت وقتها قبلة لكل شعوب العالم بإستثناء أمريكا وأوروبا الغربية طبعاً .. يعنى من الآخر .. العالم كله بإستثناء حوالى 15 دولة، اللى هما الدول الإستعمارية اللى كانوا مقسمين العالم كله كمناطق نفوذ لهم بالتساوى .. فطبيعى .. انهم ما يسكتوش وما يقفوش يتفرجوا على مصر وهى فى 4 سنين بس .. كانت على وشك التحول لدولة عظمى عسكرياً وإقتصاديا وصناعيا وثقافيا وغيره وغيره .. فاشتغلوا علينا .. واشتغلونا .. طابور خامس، عدوان ثلاثى، فك الوحدة مع سوريا، مراكز قوى، نكسة .. وفين يوجعك يا مصر .. واديله .. فيتحول إقتصاد الدولة لإقتصاد حرب، وإعلام الدولة لإعلام حرب، وكله، حتى هوا الدولة .. إلى هوا حرب ... وده كان شئ طبيعى وقتها طبعاً، ولو تكرر اليوم بنفس الترتيب حيحصل بنفس الطريقة اللى تم بها وقتها
ومعلهش انى طولت فى الجزء التاريخى .. ولسه فيه شوية كمان .. بس كان لازم فى رأيى
طبعاً قرأتوا وشفتوا أفلام وبرامج توك شو كثير وعارفين كثير عن التغيير الإجتماعى اللى حصل فى مصر بعد الثورة ,, وشقلبة الطبقات الإجتماعية .. اللى كانوا باشوات ما بقوش .. واللى كانوا بيعانوا قبل الثورة بقوا قيادات .. ولأنهم بشر، فطبيعى ان كان عند الكثير منهم أحقاد تجاه الطبقة الإقطاعية قبل الثورة .. فبهدلوهم بعدها .. ودى كانت غلطة خطيرة .. وبعدين .. حصل ان الثورة اهتمت بكل حاجة، وده يحسب لها طبعاً .. إلا حاجة واحدة وهى الإنسان نفسه .. اهتمت ببنائه ليكون ثورى، عامل، منتج، متحمس .. لكن نسيت تبنيه أخلاقياً، ونسيت توظفه صح .. يعنى مثلاً، لما تجيب فلاح متربى فى عشة، ومتعود يمصمص قصب ويرمى القشر على باب الدار، لأنه المعيز حتعدى تاكله بعد شوية ,,, وتوديه يعيش فى المدينة، فيمصمص القصب برضو ويرمى القشر برضو على باب العمارة، وماياخدش باله ان مافيش معيز .. وماحدش يقوله كده غلط يا شاطر .. فده يعتبر عيب فى التخطيط وعيب فى التوزيع الجغرافى وعيب فى تطبيق مقولة الرجل المناسب فى المكان المناسب، رغم انه مثال بسيط وشكله عبيط، لكن لو نطبقه على حاجات تانية كثيرة وعلى كل المستويات .. حنفهم أسباب اللخبطة اللى حصلت
بعد كده وصلنا للسبعينات، والكل يعرف ما عمله السادات من تغييرات حادة فى السياسة 180 درجة عكس إتجاه الخمسينات والستينات .. يعنى اللى الثورة قعدت تبنى فيه على مدار 21 سنة، هده هو فى سنتين 2 بالعدد .. إنفتاح اقتصادى ومبادرة سلام .. قلبوا موازين البلد تماماً .. غيروا مفاهيم الناس رأساً على عقب، نسفوا كل المبادئ والقيم اللى أجيال كاملة اتربت عليها .. خلقت طبقات إجتماعية جديدة، ومسحت من الوجود طبقات تانية كانت موجودة، وخسفت الأرض بطبقات تالتة وهكذا .. ما بقاش حد عارف فيه ايه .. مين بيعمل ايه إمتى وليه وإزاى .. كأن واحد مسك إزازة وقعد يرج فيها ويتفرج على الفتافيت اللى بتتخانق جواها بحركة عشوائية ... وهوباااااااا ... ظهرت العشوائيات .. ظهرت الناس اللى وصلوا من الريف ومن مناطق الله أعلم هى ايه .. وبالدراع استولوا على أراضى مش بتاعتهم .. اغتصاب .. وبنوا عليها بوضع اليد .. وصاروا حقيقة واقعة لا يمكن تغييرها .. هما نفسهم، اللى خرج منهم سواقين الميكروباص اللى بيسوقوا بعشوائية، وخرج منهم قطاع الطرق والمحامين النصابين والدكاترة الفاسدين وكل ما هو عشوائى فى البلد وفاسد ومقرف .. لأنهم نشأوا وتربوا على ثقافة اهجم وخد اللى تقدر عليه .. مش مهم يكون من حقك والا لأ .. المهم تغتصب وتاخد على أد ما تقدر، وبكرة كله حيتنسى وكله حيبقى بتاعك بوضع اليد
ما بين الإنفتاح الإستهلاكى، والإعارات للدول البترولية بفلوسها وبتدينها الشاذ، والعشوائيات، وثقافة السلام والإستسلام لواقع الوجود للكيان الصهيونى، وثقافة مصر مالهاش دعوة بالعرب ولا بحد، وثقافة وإحنا مالنا ويالله نفسى، وثقافة الهامبورجر السريع والتاك أواى وانجز وخلص يا عم، وما بين مسح الذاكرة المتعمد من الحكومات المتعاقبة، وتدمير وتشويه أعمال وإنجازات كل من سبقوا، وبين سخافة وحقارة ووقاحة سياسة تسخين المصريين على غيرهم من الشعوب العربية والأفريقية، وهى نقطة غاية فى الخطورة ولعب متعمد بالنار ونتائجه واضحة للأعمى حالياً من كره كل العرب والأفريقيين للمصريين .. وهو كره يحدث لأول مرة فى التاريخ كله من أيام سيدنا آدم .. بين كل هذه السياسات المتعمدة .. أو بفرض حسن النية .. السياسات الغبية .. تكون النتيجة .. أنى أقولك بصوت عالى: (أنا أحسن منك .. أنا أفضالى عليك) .. رغم انى من جوه .. متأكد ومقتنع انى أخيب منك بكثر، وانى جنبك ما أوصلش حتى أكون أد الصرصار .. لكن لأ .. علمونى وزرعوا جوايا انى أبصلك وأقولك: (ما تقــــــــــــدرش) ... زى القزم الهزيل فى مسرحية محمد صبحى ... لخبطونا ولخبطوا مفاهيمنا وغيروا مبادئنا وشقلبوا قيمنا من نص السبعينات ولحد النهاردة بدون توقف .. فشوفنا لأول مرة فى التاريخ قضية مسلم ومسيحى، وقضية غنى وفقير وكل القضايا اللى بنتابعها كل يوم
والنتيجة النهاردة؟ الوضع الحالى يعنى؟.. إن نفس الـ 15 دولة إستعمارية اللى تكلمنا عنهم فى البداية ,. وبعد ما غيروا أسلوبهم الإستعمارى، وبعد ما وقعوا حائط برلين، وبقوا أكثر من 15 الضعف تقريباً .. وبعد ما بقت إسرائيل أمر واقع وحماية دولية رغم كل إحتجاجاتنا، وبعد ما ضمنوا من خلال توصيات البنك الدولى اننا نبيع أرضنا اللى أجدادنا استشهدوا عشانها، ونبيع ممتلكاتنا اللى حاربنا عشان نأممها، يعنى نعملها ملك للأمة المصرية، وبعد ما ضربنا فى بعض بكل الطرق ولكل الأسباب، وإحنا اللى المفروض خير أجناد الأرض وفى رباط واحد إلى يوم الدين، وبعد ما البانجو والهيروين والفياجرا أكلوا دماغنا وفلسوا جيوبنا، وبعد ما روبى وهيفاء احتلوا مكان أم كلثوم وفيروز، وبعد راديو اف ام احتل مكانة البرنامج الموسيقى، وميلودى والجزيرة مكان التليفزيون العربى من ماسبيرو .. اللى هو تليفزيون مصر بالمناسبة (اسمه الأصلى: التليفزيون العربى) .. وبعد مامشاكلنا تبدلت، من إزاى نبنى مصنع الحديد والصلب وبرج الجزيرة .. لإزاى نعمل منتجعات جديدة فى شرم والساحل الشمالى ... فى وقت فيه مئات بيموتوا كل يوم من الجوع ومن حوادث الطريق ومن طوابير العيش والبوتاجاز .... مين بعد كده ممكن يفكر فى
أخلاقيات المجتمع؟؟؟ ده مين الرايق ده؟؟؟ مين مستعد يشارك فى انتخابات؟؟؟ طيب حيشارك ليه؟؟؟ وعشان مين؟؟؟ مين حيفرق معاه ان الأقصى محتل؟؟؟ مين حيهمه يعرف تفاصيل تقارير المركز القومى للمحاسبات التى تفضح مئات حالات الفساد على كل المستويات بدءً من الوزراء ولغاية أصغر موظف فى الدولة؟؟؟ بلاش ..... مين حيهتم لو اسرائيل قررت تضربنا بكره؟؟؟ وليه نفترض؟؟؟ طب ماهى ضربتنا فعلاً فى يناير 2009 وهى بتضرب غزة، وبيوت فى رفح المصرية اتهدت ومصريين استشهدوا ... وشغالة الله ينور فى موضوع النيل بقالها سنين .. عملنا ايه؟؟ وحنعمل ايه؟؟ ولا حاجة غير الزعل .. ليه؟؟ علشان كل ما سبق من كلامكم وكلامى وكلام غيرنا فى كل مكان
والحل؟؟
الحل .. اننا أولاً نعرف الموضوع بدأ إزاى .. ونفهم رايح على فين ... بس نفهمه صح بموضوعية .. مش بيأس أو غضب وشكراً .. لأ .. بفهم حقيقى .. وبعدين .. كل واحد من مكانه يعمل اللى يقدر عليه .. يفهم اللى حواليه .. مش حتكلفه كثير ... ده كفاية، ونتيجته مضمونة .. ولو فيه شئ ممكن يتعمل غير تفهيم اللى مش فاهمين .. يبقى لازم يتعمل ... إنتخابات ننتخب، مظاهرات نتظاهر .. إضرابات نضرب .. شغل نشتغل .. كله .. لأنه من أعمالنا سلط علينا، ولا يغير الله قوماً حتى يغيروا ما بأنفسهم ... واسع يا عبد وأنا أسع معك .. ناهينا عن الشعارات والأشعار الحماسية الكثيرة المحفوظة .. وكلها صح .. المهم التنفيذ فوراً ....... إنما اليأس .. ما ينفعش .. الإحباط .. عيب .. غلط ... كلنا تهمنا مصالحنا الشخصية .. ده أكيد .. لكن لما نفهم ونتأكد انها مش حتتحقق أبداً .... والله فى سماه لو عملنا فيها قرود حتى .. لا جوه البلد ولا براها .. إلا إذا النظام فى البلد اتغير .. ساعتها بس حتكون كرامتنا محفوظة جوه وبره، زى ما كانت محفوظة ولها هيبة لحد سنة 1975 بتاعة الإنفتاح .. وساعتها حيكون سهل نحقق طموحات ونحس بنتائجها حتى ولو بسيطة .. مش زى دلوقت .. مهما حققنا .. مابنحسش بطعم أى حاجة
وبأعتذر جداً على الإطالة
Hesham- عضو مئوى
-
عدد الرسائل : 977
العمر : 59
تاريخ التسجيل : 24/12/2007 -
رد: الحدوتة!! .. وحلها؟؟
من طرف farida الخميس 17 يونيو 2010, 12:52 am
هشام ماذا اقول بعد كل ما قيل 
الحدوتة ترتيبها صح ومظبوط بس انا عارفة انك هتزعل من رايي
وانت عارف اننا في بعض المواضيع شريك مخالف احنا الاتنين
تصدق ان اللي احنا فيه سببه كبت وقهر حصل لشعبنا لمدة 21 سنة
مكانش حد ممكن يفتح بقه ويتكلم ويقول رايه كنا ماشيين بمبدا لا اري لا اسمع لا اتكلم
وطبعا ده في عهد الثورة
مرينا بمرحلة السادات اسم مصر كان رنان خارجيا لكن داخل مصر
كان الشعب بيجري ورا الانفتاح اللي جلب عليناثقافة عجيبة
بنعاني منها حاليا
العهد الحالي نملك حرية الراي حرية اننا نقول راينا نتكلم وننقد
مفيش مانع نرفع الجزم لبعض ونقول ابشع الالفاظ
لاننا متعلمناش من ايام الثورة نتكلم كان بيخلونا نشتغل واحنا مكممين الفم
ولما اتيحت لينا الفرصة اصبح كل واحد بيعلي صوته
وبالتالي كلنا صوتنا بقي عالي محدش بيسمع ولا راضي يفهم
الحرية دي علمتنا نخبط في بعض والعالم العربي يخبط فينا
للاسف احنا بقينا شاطرين اوي في المظاهرات الظاهرية الغير فعالة
لكن لحد العمل وكل واحد يعمل اللي عليه للاسف مفيش
وبجد ذنب مصر بيتحمله كل مصري لم يراع ضميره اولا في ما يخصه
من اداء عمله بدون تزويغ
اصبحت شماعات غياب الضمير مرصوصة بكميات هائلة وجاهزة
علشان نحمل غيرنا المسئولية
وللاسف الحرية دي علمتنا
نتكلم اكتر ما نشتغل تغل
العمل عبادة واحنا اصبحنا نعبد انفسنا اكتر من اي مسئولية علينا
وهنهي كلامي بجملتك يا هشام
لأنه من أعمالنا سلط علينا، ولا يغير الله قوماً حتى يغيروا ما بأنفسهم ... واسع يا عبد وأنا أسع معك
طول ولا يهمك كلنا اذان صاغية واراء مخالفة
لكن بالعمل بمقولة الاختلاف في الراي لا يفسد للود قضية
الحدوتة ترتيبها صح ومظبوط بس انا عارفة انك هتزعل من رايي
وانت عارف اننا في بعض المواضيع شريك مخالف احنا الاتنين
تصدق ان اللي احنا فيه سببه كبت وقهر حصل لشعبنا لمدة 21 سنة
مكانش حد ممكن يفتح بقه ويتكلم ويقول رايه كنا ماشيين بمبدا لا اري لا اسمع لا اتكلم
وطبعا ده في عهد الثورة
مرينا بمرحلة السادات اسم مصر كان رنان خارجيا لكن داخل مصر
كان الشعب بيجري ورا الانفتاح اللي جلب عليناثقافة عجيبة
بنعاني منها حاليا
العهد الحالي نملك حرية الراي حرية اننا نقول راينا نتكلم وننقد
مفيش مانع نرفع الجزم لبعض ونقول ابشع الالفاظ
لاننا متعلمناش من ايام الثورة نتكلم كان بيخلونا نشتغل واحنا مكممين الفم
ولما اتيحت لينا الفرصة اصبح كل واحد بيعلي صوته
وبالتالي كلنا صوتنا بقي عالي محدش بيسمع ولا راضي يفهم
الحرية دي علمتنا نخبط في بعض والعالم العربي يخبط فينا
للاسف احنا بقينا شاطرين اوي في المظاهرات الظاهرية الغير فعالة
لكن لحد العمل وكل واحد يعمل اللي عليه للاسف مفيش
وبجد ذنب مصر بيتحمله كل مصري لم يراع ضميره اولا في ما يخصه
من اداء عمله بدون تزويغ
اصبحت شماعات غياب الضمير مرصوصة بكميات هائلة وجاهزة
علشان نحمل غيرنا المسئولية
وللاسف الحرية دي علمتنا
نتكلم اكتر ما نشتغل تغل
العمل عبادة واحنا اصبحنا نعبد انفسنا اكتر من اي مسئولية علينا
وهنهي كلامي بجملتك يا هشام
لأنه من أعمالنا سلط علينا، ولا يغير الله قوماً حتى يغيروا ما بأنفسهم ... واسع يا عبد وأنا أسع معك
طول ولا يهمك كلنا اذان صاغية واراء مخالفة
لكن بالعمل بمقولة الاختلاف في الراي لا يفسد للود قضية
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: الحدوتة!! .. وحلها؟؟
من طرف emeeme الخميس 17 يونيو 2010, 11:34 am
انا لسه مش حرد على موضوع هشام دلوقتى لكن ليا تعليق على بعض
العبارات لفيرى ودى من ضمنهم
وجهه نظرى أن الكثير جداّ من المظاهرات أصبحت فعالة
والدليل على سبيل المثال لا الحصر
تم امس حبس صاحب «طنطا للكتان» ومسؤولين بالشركة عامين مع الشغل بتهمة فصل العمال تعسفياً
وهو مستثمر سعودى حيث قام بالفصل التعسفى للكثير من العمال ولم يعطيهم اجورهم خلال الشهور الماضيه
و إن هذه القضية هى الأولى من نوعها التى تطبق فيها المادة 375 من قانون العقوبات على رجال الأعمال، حيث طالب الحكم بضرورة التدخل القانونى لحماية العمال وتغليظ العقوبة على رجال الأعمال الذين ينتهكون حقوقهم.
و إنه تم اتخاذ إجراءات رفع الدعوى لإعادة الشركة مرة أخرى إلى ملكية قطاع الأعمال العام.
لولا ما قام به العمال من وسائل عدة من مظاهرات ومن الجوء الى القضاء وإثارة القضية على الفضائيات ضد هذا المستثمر اعتقد أن النتيجة كانت ستكون عكسية
السعى وراء حقوقنا حتى يقف جانبنا
والساكت عن الحق شيطان اخرس
فليس لنا مجلس شعب نزيه من خلاله يحصل المواطن على حقوقة " لا اشكك فى نزاهه كل للنواب ولكن السئية تعم "
ولهذا فلا سبيل للشعب إذا أردا أن تتحقق له مطالبة غير المظاهرات
ثانياّ : المظاهرات هى حق شرعى تسمح به الدول يعبر بها المتظاهرون على وجهات نظرهم حيال الاممور التى تحدث وهى نوع من انواع المشاركات السياسية
يقرها العالم .
مثال اخر ان المظاهرات فعاله
الولد الذى قتل على يد المخبرين فى يوم الاثنين الماضى وقد قرر الطب الشرعى انه مات جراء اسفكسيا الخنق
نتيجة المظاهرات التى نادت بالقصاص من القتله وتنادى بإعادتة تشريحه ولم يكن يحدث هذا القرار الذى اصدره النائب العام إن لم تكن هناك مظاهرات تطالب بذلك
والمظاهرات انواعها كثيرة
قد تكون سلمية تكتفى برفع اللافتات او ترديد بعض العبارات التى تعبر عن الموقف الذى قامت من اجلة المظاهرة
قد تكون عنيفة وذلك بإحداث الشغب والتكسير و التلف
قد تكون مدبره من قبل احد الشخصيات او الجهات المعروفة ( مثل حزب ما او نائب فى مجلس الشعب ) فى المجتمع يهدف إلى التأثير على الراى العام وكسب تأييد وتعاطف فئة من الشعب
وانا من مؤيدى المظاهرات السلمية
العبارات لفيرى ودى من ضمنهم
لاسف احنا بقينا شاطرين اوي في المظاهرات الظاهرية الغير فعالة
لكن لحد العمل وكل واحد يعمل اللي عليه للاسف مفيش
وجهه نظرى أن الكثير جداّ من المظاهرات أصبحت فعالة
والدليل على سبيل المثال لا الحصر
تم امس حبس صاحب «طنطا للكتان» ومسؤولين بالشركة عامين مع الشغل بتهمة فصل العمال تعسفياً
وهو مستثمر سعودى حيث قام بالفصل التعسفى للكثير من العمال ولم يعطيهم اجورهم خلال الشهور الماضيه
و إن هذه القضية هى الأولى من نوعها التى تطبق فيها المادة 375 من قانون العقوبات على رجال الأعمال، حيث طالب الحكم بضرورة التدخل القانونى لحماية العمال وتغليظ العقوبة على رجال الأعمال الذين ينتهكون حقوقهم.
و إنه تم اتخاذ إجراءات رفع الدعوى لإعادة الشركة مرة أخرى إلى ملكية قطاع الأعمال العام.
لولا ما قام به العمال من وسائل عدة من مظاهرات ومن الجوء الى القضاء وإثارة القضية على الفضائيات ضد هذا المستثمر اعتقد أن النتيجة كانت ستكون عكسية
فالله يحثنا على" أسع يا عبد وانا اسعى معاك "
السعى وراء حقوقنا حتى يقف جانبنا
والساكت عن الحق شيطان اخرس
فليس لنا مجلس شعب نزيه من خلاله يحصل المواطن على حقوقة " لا اشكك فى نزاهه كل للنواب ولكن السئية تعم "
ولهذا فلا سبيل للشعب إذا أردا أن تتحقق له مطالبة غير المظاهرات
ثانياّ : المظاهرات هى حق شرعى تسمح به الدول يعبر بها المتظاهرون على وجهات نظرهم حيال الاممور التى تحدث وهى نوع من انواع المشاركات السياسية
يقرها العالم .
مثال اخر ان المظاهرات فعاله
الولد الذى قتل على يد المخبرين فى يوم الاثنين الماضى وقد قرر الطب الشرعى انه مات جراء اسفكسيا الخنق
نتيجة المظاهرات التى نادت بالقصاص من القتله وتنادى بإعادتة تشريحه ولم يكن يحدث هذا القرار الذى اصدره النائب العام إن لم تكن هناك مظاهرات تطالب بذلك
والمظاهرات انواعها كثيرة
قد تكون سلمية تكتفى برفع اللافتات او ترديد بعض العبارات التى تعبر عن الموقف الذى قامت من اجلة المظاهرة
قد تكون عنيفة وذلك بإحداث الشغب والتكسير و التلف
قد تكون مدبره من قبل احد الشخصيات او الجهات المعروفة ( مثل حزب ما او نائب فى مجلس الشعب ) فى المجتمع يهدف إلى التأثير على الراى العام وكسب تأييد وتعاطف فئة من الشعب
وانا من مؤيدى المظاهرات السلمية
عدل سابقا من قبل emeeme في الجمعة 18 يونيو 2010, 2:01 pm عدل 2 مرات
emeeme- عضو مئوى
-
عدد الرسائل : 512
العمر : 45
تاريخ التسجيل : 08/01/2010
رد: الحدوتة!! .. وحلها؟؟
من طرف farida الخميس 17 يونيو 2010, 1:56 pm
وانا مش بعترض يا ايمي علي المظاهرات السلمية الفعالة لما يكون الانسان فعلا مظلوم
لكن احنا للاسف اصبحت مظاهرات كتير بتتعمل بالدراع وبالعكس بتظلم ناس
من شهر تقريبا كنت في المجمع وفي مكتب شخصية لها مكانتها
بامانة وصفلي النبطشيات اللي بيعملوها المتظاهرين وازاي كل شركة تسلم اللي بعدهم المظاهرة
قالللي منظر صعب جدا خاصة انهم بيتعمدوا ده اكتر قدام وكالات الانباء العالمية
كل العالم بتقوم فيه مظاهرات
لكن بيطالبوا معاهم حق لانهم بيشتغلوا اكتر ما بيتكلموا
انا مش بعمم لكن اسمعي في التليفزيون ازاي اصحاب الشركات بيعانوا من العمال المصريين وازاي انهم كسالي غير منتجين
وازاي بيتشرطوا ومش اي حاجة بتعجبهم
ويحزنك ان فيه تفكير للاستعانة بعمال غير مصريين يكونوا منتجين
وده برضه سمعته في التليفزيون ...لان اصحاب الشركات بيسغيثوا برضه
كنت لسة بسمع في برنامج حديث مع رئيس نادي القضاة
وازاي بيبقيوا قاعدين وسامعين من المتظاهرين ابشع الالفاظ عليهم
بجد شيء يحزن
و ذنبهم ايه بالذمة العساكر وهم بيتشتموا مع ان واجبهم انهم يحرسوا المتظاهرين
وطبعا الصحف حدث ولا حرج عن تضخيم الامور المطعمة باخبار كاذبة لقلب الحقائق
علي فكرة انا بقيت تايهة بين الصدق والكذب وبالتالي مش بصدق حد عموما
فيه حاجة بقت غلط فينا لما بنعمل في دولة غير مصر بنحترم قوانينها حتي لو مش عجبانا
لكن بنستخسر مجهودنا لما بنكون في بلدنا
وده قابلته مع ناس كتير رجعوا من الخارج
الضمير عندهم اجازاته كتير
عارفة يا ايمي في مصنع شخص ما علي صلة به بالرغم ان اصحاب الشركة
متعددي الديانات والجنسيات
حاول بعض العمال انهم يعملوا فتنة وبلبلة علشان بيطالببوا بزيادة مع انهم كانت لسة مرتباتهم زايدة
لكن اهه نوع من المحاولة يا صابت يا خابت
وهددوا بانهم هيتركوا العمل بالرغم حاجة الشغل
لكن طبعا لعدم الاستجابة للوي الدراع رجعوا لاماكنهم
ده مثل .. لناس غاوية مشاكل
لكن مفيش شك فيه ناس تانية مفترية وتستحق العقاب لانها بالعربي بتمص دم الغلابة
علشان كده بنقول نشتغل بضمير وساعة الحق هيكون من حقنا نطالب بيه
باعلي صوت ضد اي ظالم
كل انسان في البلد كبير او صغير واجب عليه يقوم بدوره
والاهم بضمييييييييييير لان الضمير اصبح غاااائب عندنا
بجد دول كتير بتتقدم واحنا بنرجع للخلف در بسبب تركيزنا علي قشور سطحية
هتاخدنا وتنزل بينا لسابع ارض
بصراحة بقيت احتك بامور كتير وبتعامل باخلاقيات مش قادرة اصدق اننا وصلنا لهذا المستوي
كل طبقات المجتمع المثقفة والغير مثقفة لسانها طوله مترين
والشاطر فيهم هو اللي هيعمل شو كبير
عموماالمظاهرات العشوائية اللي اصبحت في حياتنا يومية انا ضدها
واكيد للحديث بقية ولاختلاف الراي مداخلات كمان وكمان
لكن احنا للاسف اصبحت مظاهرات كتير بتتعمل بالدراع وبالعكس بتظلم ناس
من شهر تقريبا كنت في المجمع وفي مكتب شخصية لها مكانتها
بامانة وصفلي النبطشيات اللي بيعملوها المتظاهرين وازاي كل شركة تسلم اللي بعدهم المظاهرة
قالللي منظر صعب جدا خاصة انهم بيتعمدوا ده اكتر قدام وكالات الانباء العالمية
كل العالم بتقوم فيه مظاهرات
لكن بيطالبوا معاهم حق لانهم بيشتغلوا اكتر ما بيتكلموا
انا مش بعمم لكن اسمعي في التليفزيون ازاي اصحاب الشركات بيعانوا من العمال المصريين وازاي انهم كسالي غير منتجين
وازاي بيتشرطوا ومش اي حاجة بتعجبهم
ويحزنك ان فيه تفكير للاستعانة بعمال غير مصريين يكونوا منتجين
وده برضه سمعته في التليفزيون ...لان اصحاب الشركات بيسغيثوا برضه
كنت لسة بسمع في برنامج حديث مع رئيس نادي القضاة
وازاي بيبقيوا قاعدين وسامعين من المتظاهرين ابشع الالفاظ عليهم
بجد شيء يحزن
و ذنبهم ايه بالذمة العساكر وهم بيتشتموا مع ان واجبهم انهم يحرسوا المتظاهرين
وطبعا الصحف حدث ولا حرج عن تضخيم الامور المطعمة باخبار كاذبة لقلب الحقائق
علي فكرة انا بقيت تايهة بين الصدق والكذب وبالتالي مش بصدق حد عموما
فيه حاجة بقت غلط فينا لما بنعمل في دولة غير مصر بنحترم قوانينها حتي لو مش عجبانا
لكن بنستخسر مجهودنا لما بنكون في بلدنا
وده قابلته مع ناس كتير رجعوا من الخارج
الضمير عندهم اجازاته كتير
عارفة يا ايمي في مصنع شخص ما علي صلة به بالرغم ان اصحاب الشركة
متعددي الديانات والجنسيات
حاول بعض العمال انهم يعملوا فتنة وبلبلة علشان بيطالببوا بزيادة مع انهم كانت لسة مرتباتهم زايدة
لكن اهه نوع من المحاولة يا صابت يا خابت
وهددوا بانهم هيتركوا العمل بالرغم حاجة الشغل
لكن طبعا لعدم الاستجابة للوي الدراع رجعوا لاماكنهم
ده مثل .. لناس غاوية مشاكل
لكن مفيش شك فيه ناس تانية مفترية وتستحق العقاب لانها بالعربي بتمص دم الغلابة
علشان كده بنقول نشتغل بضمير وساعة الحق هيكون من حقنا نطالب بيه
باعلي صوت ضد اي ظالم
كل انسان في البلد كبير او صغير واجب عليه يقوم بدوره
والاهم بضمييييييييييير لان الضمير اصبح غاااائب عندنا
بجد دول كتير بتتقدم واحنا بنرجع للخلف در بسبب تركيزنا علي قشور سطحية
هتاخدنا وتنزل بينا لسابع ارض
بصراحة بقيت احتك بامور كتير وبتعامل باخلاقيات مش قادرة اصدق اننا وصلنا لهذا المستوي
كل طبقات المجتمع المثقفة والغير مثقفة لسانها طوله مترين
والشاطر فيهم هو اللي هيعمل شو كبير
عموماالمظاهرات العشوائية اللي اصبحت في حياتنا يومية انا ضدها
واكيد للحديث بقية ولاختلاف الراي مداخلات كمان وكمان
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: الحدوتة!! .. وحلها؟؟
من طرف Hesham الخميس 17 يونيو 2010, 2:52 pm
فريدة ..تصدق ان اللي احنا فيه سببه كبت وقهر حصل لشعبنا لمدة 21 سنة
مكانش حد ممكن يفتح بقه ويتكلم ويقول رايه كنا ماشيين بمبدا لا اري لا اسمع لا اتكلم
وطبعا ده في عهد الثورة
فى هذا الجزء من كلامك، انت مش فريدة .. انت بتقولى وترددى ما يقوله الكثيرون من السبعينات وإلى الآن .. بقصد متعمد من النظام الساداتى لتشويه صورة النظام الناصرى .. لتمجيد السادات وأفعاله فيما بعد .. وهذا الصراع السخيف بين أنصار عبد الناصر والسادات ليس موضوعنا هنا، ولا يهمنى أنا شخصياً على الأقل الآن .. فلن أسترسل فى الرد عليه بعد إذنك ..
لكن ..
أكبر دليل على بهتان وزور هذه التهمة لفترة عبد الناصر من أن (ما كانش حد ممكن يفتح بقه ويتكلم ويقول رأيه) هى كل الكتابات لكل المعارضين وقتئذ، وهم بالمناسبة؛ أعلام المثقفين المصريين آنذاك وإلى الآن .. من عبد الرحمن الشرقاوى، لأحمد فؤاد نجم، لفؤاد حداد، لمحمود أمين العالم، لصلاح عيسى، لغيرهم الكثيرين والكثيرين .. من جماعة حياتو الشيوعية لجماعة الإخوان الدينية .. أكبر دليل على كذب هذا الإفتراء على الفترة الناصرية، هى مظاهرات الطلبة والعمال فى الستينات، أكبر دليل أيضاً هو فلم شئ من الخوف بهتافه الشهير "جواز عتريس من فؤادة باطل" والذى سمح به عبد الناصر شخصياً بعد رفض الرقابة له، وقوله كلمته الشهيرة عليه "لو الناس شايفنى كده فعلاً، يبقى أستحق مصير عتريس .. اعرضوه" ....... الأدلة كثيرة على أنه كلام مش حقيقى .. وانه افتراء لا هدف وراؤه سوى تحطيم صورة رمز وطنى قومى فى عقول شعوبنا .. ولو أى واحد تعب نفسه وشغل مخه نص دقيقة بس، حيشوف ان الإتهام بينفى نفسه بنفسه زى ما أنا شفته .. مش كده والا إيه؟؟؟
وحأرد على باقى النقاط بعدين إن شاء الله يا شريكتى المخالفة.
Hesham- عضو مئوى
-
عدد الرسائل : 977
العمر : 59
تاريخ التسجيل : 24/12/2007 -
رد: الحدوتة!! .. وحلها؟؟
من طرف emeeme الخميس 17 يونيو 2010, 3:38 pm
ولا بعدين ولا حاجه يا هشام
كمل كل كلامك لو سمحت
فى كتب التاريخ التى درسناها فى المراحل الاعدادية والثانويه كان عنوان
الباب المخصص للحديث عن محمد على عنوانه كالتالى " محمد على مؤسس الدولة الحديثة " وكان الخط عريض جدا مع صورة اسفله لمحمد على
وبالدخول فى التفاصيل نجد ان الكاتب كتب بين التفاصيل كل التخريب الذى حدث فى عهدة " من تحت لتحت " عنوانين فقط لا غير لكن كان كانت باقى المادة التعليمية تسرد عن تلك للبعثات التعليمية للخارج وما قام به من نهضة للتعليم العالى بوجهه عام
ولانك تطرقت فى حديثك عن تلك الحقبة التاريخية فسوف أراجع بعض الكتب المتعلقة بجزئية محمد على وسوف أرد فى مداخلة اخرى عن اهم ما كتبه المؤرخين عنه من إنجازات حتى تقوم بالرد عليها وتشرح لنا الانهيار الذى حدث فى عهدة
وشكراّ :akd:
كمل كل كلامك لو سمحت
فضل المصريين على كده لحد ما وصل محمد على بسلامته .. واللى هرونا شحن فى دماغنا انه مؤسس مصر الحديثة ومش عارف ايه وايه كمان .. وهو فى رأيى .. كان بداية الإنهيار اللى بنعيشه النهاردة، والدلائل كثيرة ومثبتة لمن يهمه الأمر ..... المهم
فى كتب التاريخ التى درسناها فى المراحل الاعدادية والثانويه كان عنوان
الباب المخصص للحديث عن محمد على عنوانه كالتالى " محمد على مؤسس الدولة الحديثة " وكان الخط عريض جدا مع صورة اسفله لمحمد على
وبالدخول فى التفاصيل نجد ان الكاتب كتب بين التفاصيل كل التخريب الذى حدث فى عهدة " من تحت لتحت " عنوانين فقط لا غير لكن كان كانت باقى المادة التعليمية تسرد عن تلك للبعثات التعليمية للخارج وما قام به من نهضة للتعليم العالى بوجهه عام
ولانك تطرقت فى حديثك عن تلك الحقبة التاريخية فسوف أراجع بعض الكتب المتعلقة بجزئية محمد على وسوف أرد فى مداخلة اخرى عن اهم ما كتبه المؤرخين عنه من إنجازات حتى تقوم بالرد عليها وتشرح لنا الانهيار الذى حدث فى عهدة
وشكراّ :akd:
emeeme- عضو مئوى
-
عدد الرسائل : 512
العمر : 45
تاريخ التسجيل : 08/01/2010
قمر الليالي- عضو مئوى
-
عدد الرسائل : 317
العمر : 44
تاريخ التسجيل : 15/03/2008
رد: الحدوتة!! .. وحلها؟؟
من طرف farida السبت 19 يونيو 2010, 11:50 pm
فى هذا الجزء من كلامك، انت مش فريدة .. انت بتقولى وترددى ما يقوله الكثيرون من السبعينات وإلى الآن
اما انا مهما جري هفضل انا برضه انااااااااااااااااا
يا فندم لو رجعت من سنين عدت هتقرا نفس كلامي ونفس رايي عن فترة حكم عبد الناصر
حتي دايما اكتب ان مامتي ان مامتي لما اجيب سيرة عبد الناصر بتتخانق معايا
علي فكرة زمااااااااااااان بالرغم صغري لكن عاصرت فترة رئاسة عبد الناصر وقريت كتب كتير
زائد مقابلاتي مع اشخاص عاصروه عن قرب
وسمعت منهم كتييييييير كتييييييييييييير
لكن زي ما انت قلت مش هو ده لب الموضوع واختلاف رؤيتنا عن هذه الفترة
لكن مفيش شك ان بعد ثورة يوليو ارتبط الاداء السياسي بالمنفعة المادية والتعليم دخل في السياسة
ما عليناااااااااااااا يا هشام
انا مقتنعة انه مع غياب الضمير كل محاولات الاصلاح هتصبح فاشلة
بالصدفة النهاردة كان فيه حديث عن ما وصلنا اليه من اداء تعليمي
سواء مستوي المعلم وبالتالي مستوي الطلبة
ابن خالتي كان بيحكي ازاي بيعمل انترفيو للموظفين
فابتدي يسال علي الخريطة موقع مصر فين
ومواقع بلاد اوروبية اخري في صناعة الرخام
بجد حكي مهازل ازاي انهم مش عارفين اصلا مصر فين
فين ضمير المدرس النهاردة من ايام زمان ..بجد انا فاكرة ازاي نجاحنا كان المدرس بيعتبره نجاح لنفسه
بالرغم انعدام الدروس الخصوصية الا فيما ندر
يعني انت بتقول ان عهد محمد علي هو كان سبب الانهيار بصراحة اللي قريته ودرسته عنه مختلف
زي ما قالت ايمي عن نهضته في التعليم والبعثات الخارجية
كان عندي كتاب جميل عنه بس لازم ادور عليه
علشان اعرف ارد عليك لما تقول اسباب الانهيار
يمكن علشان جابلنا خبرا من اوروبا
قمورة ليه الصمت افتحي السوستة وانطلقي احنا في عصر حرية الراي
هسيبكم بقي واقعد في الصف التالت ومش هرفع ايدي غير علشان اشجب واعترض
ومش بعيد اعمل مظاهرة لو الكلام مجاش علي هوايا
وارفع قضية
والجا لجمعيات حقوق الانسان تشوفلها حل
اما انا مهما جري هفضل انا برضه انااااااااااااااااا
يا فندم لو رجعت من سنين عدت هتقرا نفس كلامي ونفس رايي عن فترة حكم عبد الناصر
حتي دايما اكتب ان مامتي ان مامتي لما اجيب سيرة عبد الناصر بتتخانق معايا
علي فكرة زمااااااااااااان بالرغم صغري لكن عاصرت فترة رئاسة عبد الناصر وقريت كتب كتير
زائد مقابلاتي مع اشخاص عاصروه عن قرب
وسمعت منهم كتييييييير كتييييييييييييير
لكن زي ما انت قلت مش هو ده لب الموضوع واختلاف رؤيتنا عن هذه الفترة
لكن مفيش شك ان بعد ثورة يوليو ارتبط الاداء السياسي بالمنفعة المادية والتعليم دخل في السياسة
ما عليناااااااااااااا يا هشام
انا مقتنعة انه مع غياب الضمير كل محاولات الاصلاح هتصبح فاشلة
بالصدفة النهاردة كان فيه حديث عن ما وصلنا اليه من اداء تعليمي
سواء مستوي المعلم وبالتالي مستوي الطلبة
ابن خالتي كان بيحكي ازاي بيعمل انترفيو للموظفين
فابتدي يسال علي الخريطة موقع مصر فين
ومواقع بلاد اوروبية اخري في صناعة الرخام
بجد حكي مهازل ازاي انهم مش عارفين اصلا مصر فين
فين ضمير المدرس النهاردة من ايام زمان ..بجد انا فاكرة ازاي نجاحنا كان المدرس بيعتبره نجاح لنفسه
بالرغم انعدام الدروس الخصوصية الا فيما ندر
يعني انت بتقول ان عهد محمد علي هو كان سبب الانهيار بصراحة اللي قريته ودرسته عنه مختلف
زي ما قالت ايمي عن نهضته في التعليم والبعثات الخارجية
كان عندي كتاب جميل عنه بس لازم ادور عليه
علشان اعرف ارد عليك لما تقول اسباب الانهيار يمكن علشان جابلنا خبرا من اوروبا
قمورة ليه الصمت افتحي السوستة وانطلقي احنا في عصر حرية الراي
هسيبكم بقي واقعد في الصف التالت ومش هرفع ايدي غير علشان اشجب واعترض
ومش بعيد اعمل مظاهرة لو الكلام مجاش علي هوايا
وارفع قضية
والجا لجمعيات حقوق الانسان تشوفلها حل
farida- عضو ألفى
-
عدد الرسائل : 1587
العمر : 64
تاريخ التسجيل : 23/12/2007
رد: الحدوتة!! .. وحلها؟؟
من طرف emeeme الأحد 20 يونيو 2010, 3:08 am
إلى أختنا المتابعة بصمت " إحياتك يا شابة لتتكلمى وتسمعينا صوتك ولاانتى كلامك حيكون مخالف لهشام وخايفة من الفلكة 
قولى لو سمحتى وحتى اجرى واستخبى ورا فيرى ما هى بقت خبره "
أنا يا فيرى حروح معاكى حقوق الإنسانيه لو ملقتش بكرة عن محمد على أى كلام وحش عنه غير أنه ذوق وخفة ومتأصل
قولى لو سمحتى وحتى اجرى واستخبى ورا فيرى ما هى بقت خبره "
أنا يا فيرى حروح معاكى حقوق الإنسانيه لو ملقتش بكرة عن محمد على أى كلام وحش عنه غير أنه ذوق وخفة ومتأصل
emeeme- عضو مئوى
-
عدد الرسائل : 512
العمر : 45
تاريخ التسجيل : 08/01/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى