عيب يا مشجعين

المثل فى بلدنا يقول: أنا وأخويا على ابن عمى، وأنا ابن عمى على الغريب .. فعيب جداَ الحقيقة كل ما يكتبه بعض المتعصبين تعصب أعمى، سواء من مصر أو من الجزائر .. عيب .. والله عيب.

السباب والإهانات والتمنبات بالهزيمة من الفرق الأخرى على أشدها بين جماهير البلدين .. وبصراحة .. إحنا المصريين صوتنا أعلى

من حقنا إحنا الإثنين .. فى مصر وفى الجزائر نشجع فريقنا بكل حماس وبكل الوسائل الطبيعية، وخصوصاً لما نتقابل فى مباراة حاسمة وفيصلية .. لكن أن يتمنى أى واحد منا هزيمة الآخر من غيرنا .. على إيد غيرنا يعنى .. فده أكبر عيب .. لأن العار حيكون علينا إحنا الإتنين فى النهاية .. لأن كل العالم بيشوفنا واحد وبيسمينا الفرق العربية وفرق شمال أفريقيا وغيرها من التسميات .. العالم كله ما بيفرقش بينا ولا يعرف مين فينا مصر ومين فينا الجزائر أو المغرب أو تونس أو .. أو .. فالنتيجة لو انهزم أى واحد منا على إيدين أى فريق من برانا .. إننا كلنا حنشيل الفضيحة .. مش المغلوب بس.

أنا مصري .. وحأشجع الجزائر فى مباراتها مع رواندا بالضبط وبنفس الحماس زى ما حأشجع مصر أمام زامبيا .. وحأنتظر مباراة مصر والجزائر .. وساعتها أكيد حاشجع مصر بكل طاقتى .. لكن المستحيل .. انى أشجع أى فريق فى الدنيا بيلعب ضد أى فريق عربى مهما كان السبب ,, وإذا كانت فريقنا المصرى بمدربه بلاعبيه بإتحاده الفاشل هو اللى تسبب فى موقفنا السيئ الحالى .. فده والحق يقال .. مش ذنب الجزائريين .. لكن ذنبنا إحنا، وإحنا بس اللى لازم نصلحه .. مش هما .. هما مالهمش أى ذنب فى خيبتنا اللى حطينا نفسنا فيها بنفسنا .. عيب يا جماعة .. عيب.

بالتوفيق للجزائر فى مباراة رواندا .. ربنا معاكم يا شبيبة، ودعواتكم لمصر فى مباراة زامبيا.  

مشكور واهديكم موقع جميل به سيارات في مصر

مشكور و اهديكم موقع جميل به شقق للبيع في مصر