لو لم اكن مصريا كان يبقى .....

اخوانى واخواتى الاعزاء

هناك موضوع اود اناقشه معكم

فى الفترة الاخيرة لاحظت عدد كبير من الشباب سواء ممن اعرفهم ومضافيين عندى فى المسنجر او عند غيرى من اصدقائى

هناك اسم مستعار لاكتر من شخص ومن الغريب ان ترى اكثر من شخص يحملون نفس الاسم

وكان الاسم المستعار الذى اختاره الشباب هو ( لو لم اكن مصريا كان يبقى قشطة )

ارئيتم ماوصل بنا من حال ؟

وانظروا الى هذا فهذا من الشباب المنوط الان بالدفاع عن مصر وهو املها ومستقبلها ولكن للاسف فقد الشباب الانتماء وحب الوطن لما يروه الان من اضطهاد وعدم اهتمام بهم وضياع حقوقهم وعدم وجود مستقبل لهم يوفر لهم معيشة او مستقبل او فرص عمل تساعدهم على بدء حياتهم .

انظروا الى اى وضع والى اى حد ساء بنا الوضع وتدهور حب الوطن وانتهى من قلوب الكثير من شباب مصر وربما تكون الفرصة الان مواتيه لان لاعداء مصر لتجنيد عدد كبير من شبابها بتوفير فرص عمل ومبالغ مالية مغريه تؤمن لهم مستقبلهم وهذا قد حدث ومنذ زمن ونحن فى غفلة والحكومة على دراية ولم تكترث بهذا فمنذ فترة ليست بالبعيده بدا عدد من المصريين الهجرة الى عدونا اللدود اسرائيل والان على حسب ماسمعته فى احد البرامج ان هناك ععد من المصريين تجاوز 15000 الف مصرى هناك فيقوموا بتوفير الماكل والمشرب والمسكن والجنسية وفرص عمل ومبالغ تؤمن لهم حياتهم وهلم جر....

ارجو مناقشة هذا الموضوع الهام جداجدا جدا وافيدونى لماذا يحدث لنا هذا ولماذا لم يعد احد يكترث لامر مصر الا ان من يملكون زمام الامور فى مصر مجموعة من الجبابره دمروا احلام شباب كثيرة من شباب البلد ام ان هذا تخطيط خارجى ام انه نابع من داخل الاشخاص بنفسهم . افيدونى ~~~

انا شفت التوقيع ده مع ايمون
بصراحة هي حالة من اليأس الشديد لكل من نشأ في هذا العصر
بس الرقم اللى بتقول عليه ده يا هروم مبالغ فيه قوي
15000 مصري في دولة تعدادها اعتقد 2 او 3 مليون ( نصهم مجندين في الجيش ) رقم مخيف

مش عارف يابرنس بس ده سمعته فى احد البرامج معرفش صح ولا غلط

ارئيتم ماوصل بنا من حال ؟

وانظروا الى هذا فهذا من الشباب المنوط الان بالدفاع عن مصر وهو املها ومستقبلها ولكن للاسف فقد الشباب الانتماء وحب الوطن لما يروه الان من اضطهاد وعدم اهتمام بهم وضياع حقوقهم وعدم وجود مستقبل لهم يوفر لهم معيشة او مستقبل او فرص عمل تساعدهم على بدء حياتهم .

انت سبقتني يا هرم في فتح الموضوع لاني قلت لايمون بعد ما شفت توقيعه
اني مش هسكت عليه ولازم افتح موضوع
عن توقيع بصراحة استفزني جدا
وعلي فكرة ايمون عارف رايي..شكله موضة توقيع بين الشباب

لكن طبعا بعترض ان الاوضاع تكون مبرر والحقيقة كنت في موقع لقيت شباب بيهاجموا
اصحاب التوقيع ده
وواحدقالهم جربوا سافروا واتغربوا ليوم ساعتها هتعرفوا الفرق
وقالهم مفيش حاجة اسمها اننا نشتكي من غير ما نقوم بواجبنا
وفعلا من جد وجد

نفسي اعرف الشباب لو عاشوا وقت النكسة كانوا عملوا ايه
ده لولا انتماء الشباب وقتها ووطنيتهم ومقاومتهم للياس مكناش رفعنا راسنا تاني

مش عارفة لو شباب الزمن ده كان ايام النكسة كنا عملنا ايه
شيء يحزن
علي فكرة ايمن شاب ملتزم جدا ومجتهد جدا
وهتخانق معاك تاني يا ايمون
شيل التوقيع ده مش لايق علي شخصيتك
علي فكرة ايمون هو اللي بيدي الكمبيوتربتاعي زقة لما يتعب

ايمن باشا مرحبتين يامان انا كتبت الموضوع قبل ماعرف حكاية التوقيع بتاعك

بص ياصاحبى يعنى انا اكبر منك بكام سنة يعنى مش كتير تلائيهم سنتين تلاتة

انا من ايام الكلية وانا فى دماغى موضوع السفر ومفكرتش فى اى بلد زى ماترسى بيا هروح المهم اغور من البلد دى .
وشاءت الظروف انى فى المملكة دالوقتى على فكرة بقى السفر مش حاجة حلوة ولا مستاهل البهدلة الى الناس بتتبهدلها علشان السفر والفلوس الى بتنصرف فيه ويحس انه لما هيسافر داخل على كنز هيغرف من الكنز ويعبى جيوبه ده كلام ملوش اى علاقة فى الواقع . عارف ياايمن انا لسا مكلمتش سنة فى الغربة بس اقولك على حاجة رغيف عيش وجبنه فى بتكم وسط اهلك وحبايبك ولا كباية شاى تقسمها انت وصاحبك ايام التفليس احسن ميت مره من احلى اكله ممكن تكلها وانت بعيد عن بلدك واهلك . اسالهم هنا كنت دايما وانا صغير اشتكى واقول ابويا بيعمل معايا وانا وانا وزهقان وقرفان تصدق بالله انا لما سبت ابويا فى المطار وطلعت الطيارة هو فضل ماسك نفسه لما كلمته وانا لسا بركب ولئيته بيعيط كان نفس انط من الطيارة ارجعله ابوس اديه وارجع تانى بتمنى انى انزل مصر لو يوم اشوف بيتنا واهلى ابوس ايد ابويا وامى واشوف اخواتى واكل معاهم وارجع تانى . .

بس عجبنى سؤالك وتفسيرك اننا صح احنا غالطنين وللاسف كبير وسغير غنى وفقير الكل بيقول يالا نفسى تلائينا مثلا بنشرب حاجة ساقعه مثلا واحد يقولك ياعم مترميهاش فى الارض ارميها فى السلة علشان تحافظ على نضافة البلد هند ونقول يعنى هيا البلد كانت حافظت علينا فى ايه ارمى ياعم ..

انا جه عليا وقت انى حسيت انى بكره البلد دى كره العمى وانى مبنتميش ليها خالص بالمره .
لكن فى فرق كبير بين مصر والحكومة لازم نفهم الفرق ده ومنخلطش الامور ببعض .

وصدقنى رغم الظروف والقرف والفساد الى فى مصر وضيق الحال الى فيه الناس بس قعدتك فى بلدك تفرق كتير فى نفسيتك لكن هنعمل ايه من حكومة شوعب كله خربها وبدانا نقف على الحيطة وسامعين الزيطة وربنا يستر على الجميع

لكن فى فرق كبير بين مصر والحكومة لازم نفهم الفرق ده ومنخلطش الامور ببعض .

شفت بقى ده اللي بتكلم عليه الشطر اللي مبنختلفش فيه مصر وحال مصر واللي بتمثله الحكومه

عموما انا والله وانت بتحكي قصتك والله اتأثرت جدا لأني كان ليا حوار مشابه جدا مع والدي الله يرحمه

الحمد لله اني مسافرتش .............والله انا عارف ان بره بلدك لازم حتتبهدل اكتر 5000 مرة من جوة

بلدك مهما كانت البلد انا مبفكرش اسافر خااااااااااااااااااااااااااااااااااالص حاليا انا مش حمل بهدلة الا لو

كنت حتفسح بسسسسسسسسسسسسس

بجد ربنا يكون في عونك في الغربة اللي انت فيها ويرجعك بالسلامه لأهلك سالم غانم .....لسه الحوار

يطوووووووووووول


see you later

للأسف
هؤلاء الشباب معذورون
لأن مصر التى نعرفها وأحببناها خطفت بواسطة النظم المتعاقبة منذ أكثر من خمسين عاما بعد إنقلاب العسكر
واستحوذوا عليها مع المنتفعين والمصفقين والمنافقين لهم
مصر خصصت للفاسدين والمهللين وحرم منها الشعب الأصيل
ومن يحتج ينكل به ويشرد
فيضطر للسكوت ويكتم فى قلبه
ثم يبحث له عن مخرج حتى لو عمل لدى الأعداء أو العمل فى وظيفة وضيعة بالخارج
حتى يبتعد عن المماليك الجدد الذين أتوا على الأخضر واليابس
كانت مصر قبل العسكر
مهبطا للإيطاليين واليونانيين وكل الجنسيات
يلتقطون منها أرزاقهم
فتبدل الحال بعد العسكر وأصبحت طاردة لأبنائها
يعرض شبابها تفسه للهلاك غرقا فى البحار بحثا عن الرزق ولقمة العيش
حتى عدنا نسمع الآن من يردد تهكما وامتعاضا
أن مصر
ليست أمى ولكنها زوجة أبى
وربما بعد ذلك نسمع أن مصر هى ضرتى
تحيتى للهرم
وشكرا
لطرح هذا الموضوع الحيوى والمهم