" ام على ... "

ام على من الاكلات اللذيذة واللى بحب دايما اكلها ساخنه والتى اذا وجدت فى اى بوفيه مفتوح للحلويات , تربعت على القمة واصبحت ملكة البوفيه بلا منازع .
ولكن ايه اصل هذا الاسم ( ام على ) ..

يقال ان زوجة الامير المعز أيبك المملوكى كان اسمها ام على .
وقد تزوج الامير أيبك بعد ذلك من الملكة شجرة الدر بعد موت زوجها الملك الصالح ,
وكانت شجرة الدر شديدة الغيرة فالزمت الامير ان يطلق ام على , فطلقها .
ولكن شجرة الدرولطمعها قامت بقتل الامير المعز أيبك وحاولت اخفاء حقيقة موته الا ان ابنه عليا" الذى خلف اباه فى الحكم وتلقب بالملك المنصور لم يلبث ان كشف الحقيقة فقتل شجرة الدر.
بعدها احتفلت امرأة المعز أيبك الاولى ( ام على )بتوزيع طبق كبير مكوناته من السكر والخبز الابيض والحليب لمدة شهر كامل , فارتبط الاسم باسم هذه السيدة ( ام على ) واقبل عليه المصريون يتفنون فى صنعه وادخال بعض التحسينات عليه مثل اضافة الزبيب والمكسرات والقشدة .

باموت فيها
اي بوفيه مفتوح بادور عليها هي والمهلبية والكريم كراميل وبسيب الجتوهات

تشكرات ادهم علي معلومات عن تاريخ ام علي




زمان لما كان حد يقولي دوقي ام علي ارد وانا مش مبسوطة من شكلها
ايه ام علي دي ..مرسي مش عايزة

لغاية ما كنا في فرح في النايل هيلتون وحد اصر اتذوق ام علي بتاعة الهيلتون لانه مشهورين بيها

وقد كان وقعت في غرام ام علي من يومها
وقلت حقيقي اللي يدوق غير اللي يتفرج

وببقي سعيدة لما احضر فرح في الهيلتون علشان اسلم علي ام علي :cook8:

بالمناسبة يا ادهم قريت ان شيف سعودي اسمه توفيق قادري ابتكر اكلة مافسة لام علي
وسماها ابو علي وعليها طلب جامد اوي في الرياض

وانه بعد رمضان في طريقه هيعلن عن علي لوز
المولود الجديد لام علي وابو علي

يظهر فاموليا علي هتبقي علي كل لسان

وبعدين يا اوسكا هتنخانق كده لو اتقابلنا في فرح لاني بحب نفس الحاجات
ومليش صالح برضه بالجاتوهات

farida كتب:وبعدين يا اوسكا هتنخانق كده لو اتقابلنا في فرح لاني بحب نفس الحاجات
ومليش صالح برضه بالجاتوهات

خدي بالك انا ما عرفش عيالي في الموضوع ده
:humer:
اول ما البوفيه يفتح باروح على الحلويات اعبي ام علي الأول علشان بحب القشرة المحمره اللى من فوق قبل ما الناس تبهدلها وبعدين بقى افكر في باقي الأكل يكون الوفيه فضي

اوسكا طيب خلينا نقسم البلد انت تستلم ابو علي وانا اسلملك زي بعضه علي ال maman بتاع علي

زمان لما كان حد يقولي دوقي ام علي ارد وانا مش مبسوطة من شكلها
ايه ام علي دي ..مرسي مش عايزة

انا كمان قعدت فتره كل ما شوفها بقول شكرا لحد ما جربتها ...وفعلا كانت حلوه بس كمان حسب مين الي يعملها في اماكن مش بتكون حلوه قوي وفي اماكن بتكون حاجه يم يم