وحوى يا وحوى ....

من مظاهر رمضان المشهوره اغنية وحوى ياوحوى اياح ...
وكنا نقولها واحنا اطفال وشايلين الفوانيس وكانت بتدخل السعادة جوانا .

وحوى وحوى لها اصل تاريخى .. يقال انها من ايام احمس طارد الهكسوس
كانت زوجة احمس اسمها اياح حتب
وعندما عاد احمس منتصرا على الهكسوس وكانت عائلته معه.
استقبله الشعب فرحا بالبطل المنتصر وغنوا لزوجته اياح هذه الاغنية ..
وحوى يا وحوى اياح .. ومعناها افرحى افرحى يا اياح .

هناك العديد من الكلمات المصرية هى كلمات مصرية قديمة فى الأصل ..
ومنها كلمة "وحوى" و"ايوحا" ..

بس من الغريب أن يتم استخدام هذه الكلمات فى مناسبة شهر رمضان ..
وليس فى أعياد اخرى ..

ولكن يبدو أن شهر رمضان كان أكثر مناسبة مفرحة للشعب المصرى ..
فى تلك العصور ..

كل عام وانتم بخير ..

وكل رمضان واسرة مصريات متجمعين وطيبين .

ياترى جبتوا الفوانيس والا لسه , انا شخصيا عندى فانوسى ولا زم يكون بالشمع مش بالبطارية , واتعودنا ننوره مساء كل يوم فى رمضان , والعادة دى بتفكرنى بنفسى زمان لما كنت امسك فانوسى واجرى بيه على السلم مع اطفال العمارة واحنا سعداء وبنغنى وحوى ياوحوى اياحا ( طبعا زمان ده ايام ماكان ذيل الحصان من قدام )

وطبعا ما ننساش الكنافة والقطايف وخشاف قمر الدين ,كلها حلويات محشية ذكريات جميلة .

ودايما بفتكر عم سرور المسحراتى , اللى كنت اسمع صوته طول شهر رمضان واشوفه بس اول يوم العيد وهو بيخبط على الباب يعيد علينا , فيه جمله دايما كنت اقولها ( اليوم اللى بيعدى .. مابيجيش زيه ) ولو كل واحد فينا فكر فى ايامه اللى راحت , حيحس ان الجملة دى صح .

كل سنة وانتم طيبين .

يسلمووااا على الموضوع