مبارك يأمر بالتحقيق فى اخفاق البعثة المصرية الأولمبية

فى عهد مبارك حدثت كوراث كثيرة ..
مثل كارثة العبارة التي غرق فيها أكثر من ألف مصري ..
وكارثة القطار التي حرق فيها أكثر من أربعمائة مصري ..
وحريق البرلمان المصرى ..
والعديد من الحوادث الطائفية ..

وفى عهده ايضاً حدث صفر المونديال الكبير ..
والذى من أجل هذا الصفر العزيز تم صرف الملايين ..

ولم نسمع أنه شكل لجنة من أجل التحقيق فى هذه الكوراث ..
فلماذا فى رأيكم قد أمر بتشكيل لجنة للتحقيق فى كارثة اخفاق البعثة المصرية فى تحقيق غير ميدالية برونزية يتيمة فى اولمبياد بكين؟؟؟

و لا واحد من الاختيارات السابقه

أنا اخترت رقم 3 يا سمارت

لإن مجلس الشورى حسب ما أنا شايفة مش فارق مع ح وكله بيتفرج ويعلق تعليقات ساخرة على إساس إنها بايظة بايظة على رأي علي سلامة.

أما عن إلهاء الشعب رأيي إن مش كل الناس مهتمة أوي بدورة بكين علشان يكون هو ده السبب في التحقيق.

أما خوفا على أموال الشعب فمش عارفة أرد أقول إيه

لكن ممكن أصدق إنه حاجة شخصية أو حد عايزين يقرصوا ودنه.

والله أعلم

كل حدث كبير بيحصل او كارثة او احتفال بيبقى هدفه الهاء الشعب عن المتاعب الاقتصادية

لكن موضوع البرلمان بصراحة معتقدش

مع احترامى الشديد للبرلمان كمكان اثرى ودوره وكده وكل الكلام ده
بس الشارع متهزش للموضوع ده لانه مش فارقه معاه اطلاقا لان البرلمان ده مبيجيش منه للشعب غير المصايب فمتفرقش معالناس

اذا كان العبارة الى الناس ماتت فيها معملوش فيها حاجة يبقى هيهتموا علشان مبنى اتحرق ؟ اكيد لا خلاص الشعب بقى عنده يئس ولا مبالاه بالى بيحصل متفرقش معاه كل همه لقمة عيشه وخلاص لانه مش لئيها ولو مخدهاش بالعافيه الف غيره هياخدها هو ده الى الحكومة عملته خلت كل الناس همها الاولوالاخير لقمة عيشها مش فاضيين لسياسة والاعتراض ووجع القلب لكن الوضع الحالى الناس مبقتش لئيه بقمة عيشها فربنا يستر

و لا واحد من الاختيارات السابقه

طب ادينا اختيار من عندك ..
لأنى بصراحة مش عارف السبب بجد ..

لكن ممكن أصدق إنه حاجة شخصية أو حد عايزين يقرصوا ودنه.

متهيألى دا أقرب الاحتمالات ..
بس مين الشخصية دى ؟؟

بس مين الشخصية دى ؟؟

مستعجل ليه، اللي حيروح في داهية في الآخر هو المقصود.

لو أضفت إختيارات أخرى مثل:

ـ محاولة لتحسين صورة النظام المتهتكة وإيهام العامة بأنه نظام جاد (فى قضية غير جادة).
ـ كل الأسباب السابقة وغيرها.

حأصوت للإختيار الأخير

وبالمناسبة .. لاحظت ملحوظة غير متأكد أنها صحيحة 100% وهى أن ترتيب الدول من خلال ميداليات الألعاب الأوليميبية، كان بمثابة مرآة عاكسة لمستوى المعيشة والتقدم الإقتصادى والتكنولوجى فى كل من هذه الدول.

راجع ترتيب توزيع الميداليات من أى موقع، وقل لى رأيك (الدعوة عامة طبعاً).

طب ادينا اختيار من عندك ..
لأنى بصراحة مش عارف السبب بجد ..

تفاريح

aniD كتب:

طب ادينا اختيار من عندك ..
لأنى بصراحة مش عارف السبب بجد ..

تفاريح

موافقاكي فعلا
في ناس قالولي بيبيض وشه بعد ما شكله بقى وحش أوي.

وأظنها صح برضه.

على العموم نهاية التحقيق حتبين الحقيقة لو قرصة ودن أكيد حنسمع عن حاجات كتير ولو تفاريح على رأي أنيد يبقى الموضوع حيموت بشويش.