احترم نفسك!!

بدأت مجموعه من البرلمانيين والحقوقيين المصريين،
حملة جديده للحد من التحرش الجنسي بالفتيات في الشارع المصري ..
وذلك بعد تزايد نسبة المتعرضات للتحرش سواء من الأجنبيات أو المصريات.

وقد اطلق على هذه الحملة اسم "حملة احترم نفسك ـ لسه فيكي رجالة يا مصر"، ..
الذي انضم إليها حتى أمس 26.887 عضواً ..
حيث تقول في إحدى عباراتها:
"احترم نفسك، إحنا في أوتوبيس عام ..
دي ممكن تكون أختك أو والدتك أو مراتك أو بنتك أو خطيبتك ..
أكيد وقتها هتفكر ألف مرة قبل ما تبصّ حتى على الإنسانة دي بغض النظر عن هي إيه ولا لابسة إيه ولا رايحة فين".

وقالت مروة مختار، مديرة برنامج "منع التحرش الجنسي" في المركز المصري لحقوق المرأة ..
أن المركز الذي كان مصدراً لدراسات وأبحاث عن التحرش في مصر خلال السنوات الأخيرة، ..
يعمل على حشد شخصيات عامة ومنظمات عمل أهلية ..
دعماً لإصدار تشريعات تهدف إلى الحد من التحرش ..

وصرّح الدكتور جمال زهران، أستاذ العلوم السياسية والنائب في البرلمان المصري ..
بأنه مع مثل هذه التشريعات وتعهّد بدعمها ..
كما ربط الدكتور حمدي عبد العظيم، أستاذ الاقتصاد والعلوم السياسية ..
بين "تدهور" الحالة الاقتصادية وزيادة نسب التحرش بالفتيات ..

ومن ناحية أخرى،
تحدث المشاركون في الندوة عن الأثر السلبي لظاهرة التحرش على قطاع السياحة ..
وعلى الدراسات في مرحلة التعليم العالي، ..
كما ناقشوا آليات العمل داخل وزارة السياحة لمواجهة الظاهرة ضد السائحات، ..
ودور البرلمان في العمل على سن قانون يجرّم ظاهرة التحرش، ..
ودور المجتمع المدني في محاربتها ..

وجود حملة زي دي ببيدي أمل في إن لسة في ناس محترمين وبإنهم ابتدوا يقوموا بدور إيجابي في الدولة.

بس الملاحظة الغريبة في الرقم ده:

الذي انضم إليها حتى أمس 26.887 عضواً ..

يعني إيه؟
26 عضو ومعاهم طفل صغير؟
الرقم ده إما فيه خطأ أو له معنى تاني

62 عضو وبنطلون وواحد اشترك قجدم رجل وخرج التانية

والله لو كل واحد اتمسك بدينه سواء مسلم مسيحى عمر مافى اى حاجة من دى هتحصل

ولو حصلت من واحد كل الناس هتقفله

واغلب حالات الاغتصاب والتحرش فى الوقت الحالى نتيجة لتاخر سن الزواج .

وفى حالات يمكن بسيطة مش كتيرةبس انا شوفت بعنيا . ان فى ستات ربنا يهيدهم بيتعمدوا فى الاماكن الضيقة انهم هما يستفزوا الراجل باى طريقة .

وشوفت والله من شباب وسمعتهم كان فى شارع التجارى لو حد يعرفه فى بورسعيد انهم بيتراهنوا مع بعضهم على اكتر واحد يقدر فى الزحمة يتحرش ببنات بستات باى حد بجد حاجة تقطع القلب . مفترضش انه بالصدفة تحرش بواحده وطلعت اخته ولا قريبته ولا جارته ولا اى حاجة هيعمل ايه وقتها لو حصل كده . بجد ربنا يستر علينا كلنا ويهدى الجميع

26 ألف و887 عضو ..

Smart كتب:26 ألف و887 عضو ..

أهااااااااا

معلش طلغت غبية مني أوي دي.


أنيد
أظن المجموعة دي عندها حق فعلا
بس برضه أوقات بتلاقي بنات محتشمات وبيتم التحرش بهم

المفروض المجتمع كله يخاف على بعضه ويتقي ربنا علشان الدنيا ترجع كويسة زي ما كانت.

كلاكيت مليون مرة:

طالما مفيش إنتماء ومفيش هدف قومى مشترك، ومفيش حتى هدف فردى تطلعى تميزى، ومفيش أصلاً دولة!!
فطبيعى أن يحدث ما يحدث من البعض، وطبيعى أن تقتصر ردود أفعال البعض الآخر على النصائح والشعارات ، ولا مانع من شوية مسيرات على شوية لافتات!!

تانى .. الموضوع كبير كبير كبير .. ولن يتم حله لا بقانون ولا بمجموعة فى بلوج انترنتى.
لو الأساس خربان .. العمارة تقع قبل حتى ما تتبنى.



من كام سنة فاتت .. مش من زمان أوى ولا حاجة ..
كانت البنات فى مصر بتلبس ميكروجيب .. يعنى فوق الركبة بشبرين، ولم تحدث حادثة تحرش جنسى واحدة، أو على الأقل، لم نسمع عن حالة إعتداء أو إغتصاب واحدة.

غريبة .. !!

يا ترى ليه .. ؟؟

هيا بنا نفكر شوية

هوشام باشا عودا حميدا

انا الفترة الى بتحكى عليها انا ماعشيرتهاش كنت لسا مطلعتش من البيضة

بس اعتقد ان فى الوقت ان كان بالنسبة للفساد الاخلاقى كان بدا وبداية شرسة واللبس والاحتشام وكده كان انتهى بالمره يعنى وقتها على حسب ماسمع واشوف فى التليفزيون ان لو واحد كانت منقبة فى الوقت ده والناس شافتها كانت تبقى عجيبة وغريبة .
يمكن الفرق فى الوقت ده ياهوشام ان كام كل حاجة مباحة كانت لسا موضوع ازمة الاسكان والبطالة لسا بسيطة كان فى حرب وكل الناس كانت واقفة مع بعضها وعلى ماعتقد او على مابسمع واشوف من الاعلام فى الوقت ده ان كان فى فساد اخلاقى عالى جدا . يمكن لو مكنش فى حرب والناس قربت من بعض والتف مع بعض وبقت ايد واحده تحت هدف واحد كان الحال فى الفترة دى كان ممكن يكون افظع من الوقت الحالى .
ويمكن كان وقتها بداية الهجوم الفكرى الغربى او الامريكى على المجتمع المصرى ودخول الموضه بشكل فظيع ووقتها ان الى كان بيقول كلم حق او كلمة دين كان بيروح مبيرجعش يعنى كان صوت الدين مكتوم بالقوة .
يمكن حاليا الموضوع انتشر وظهر على السطح بقوة نظرا ان فى مشكلات ظرهت خلت انعدام فى التفكير خلت شباب كتير جدا جدا فوق الوصف يلجئو للمخدرات للهروب من مشكلاتهم خلت ناس تمشى تتكلم فى الشوارع مع نفسها . خلت الاف الشباب مش عارفين يتجوزو خلت نسبة العنوسة فى مصر تزيد وترتفع لمعدلات غريبة .
خلت كل شاب وفتاة يفقد الامل فى الجواز لانه معندوش والى معندوش مايلزموش .
فى بنات بتلبس اللبس ده اعتقادا منها انها بكده هتقدر تجذب الشباب وتخلى واحد فيهم يتجوزها عريس يعنى . وطبعا ده صعب جدا يحصل .
كان فى برنامج فى رمضان الى فات برنامج فى المحور اسمه صبايا جابو حلقة من خيمة رمضانية بجد حاجة تحزن رمضان وخيمة تلائى فيها مسابقات رقص والبنات بتشيش ومسخرة والى خارجة مع صاحبها والى قالتلهم فى البيت ان ارايحة درس ورايحة تسهر بره واديها رقص وتيجى تسال الشباب هل هتتجوةز واحده من البنات دول بالاجماع يقولوا لا نمشى نصاحبهم اه لكن جواز لا .

على فكرة يااتش بالنسبة لكلام على زمان ايام الميكور والخنافس وكده لو لحظت وقتها ان الافلام بتاعتنا كان فيها كمية لقطات اغراء فوق الوصف واتنها وصلت لحد التعرى التام فى بعض الافلام ومن نجوم معروفين فى وقتها وكل ده بهدف انهم عايزين يوصولوا للعالمية زى الامريكان ماهما لازم فى افلامهم يكون فى مشاهد اغراء وخلافه فلازم احنا كمان عايزين نوصل للعالمية لازم نتعرى . .

بس الايام دى بقى فى ناس كتير اتعرت علشان مش لائيه تجيب حاجة تسترها .