نور ومهند

اه يا ني من نور ورومانسية مهند
عارفين سمعت عن المسلسل ده ازاي من انجي بنت اخويا
قالتلي لازم تشوفيه وانا ضعيفة قدامها
وفي نفس اليوم كان عندي عزومة ويومها كان فيه ماتش
الرجالة عايزة الماتش والستات طلبوا مني يشوفوا نور
وصلتهم لتليفزيون تاني
لقيت تكتل عجيب وصمت رهيب اول ما ابتدا المسلسل
وكام جنس خشن كان بيرروح ويجي علي المسلسل
يظهر حالة اعجاب بنور
المهم من ساعتها تابعت وتفاعلت مع المسلسل




المسلسل بيحكوا ويتحاكوا عنه هنا وهناك
شوية بالسلب وشوية بالايجاب
ناس بتهاجمه انه مسبب للانحلال وبعيد عن قيمنا
عن نفسي مش بميل للراي ده
ده لانه مسلسل اجتماعي بيلعب علي اوتار ومشاعر
رومانسية من خلال العلاقات العائلية عموما
وواضح ان الكل عنده كبت اجتماعي عاطفي
فيه ناس بتقول بصوت عالي وناس ساكتة بتمشي حياتها وخلاص

مسلسل نور ومهند التركي خرج طاقة مشاعر رومانسية الناس افتقدتها
مع حياتنا المادية اللي بتحااطنا وبتغرقنا في هموم ومشاكل وعنف
وحروب ..واضح الناس تعبت عايزة هدنة
محتاجة تخرج تنفس عن مشاعرها حني لو كان عن طريق مسلسل اجتماعي

زاااائد طبيعة الراجل اللي بيخف يعبر فيبان ضعيف
والست اللي اتربت علي كلمة اتقلي عليه
احسن يزهق منك

مع ان الحياة لو اترش عليها شوية رومانسية
هتوجد الانسانية وهتخلق مشاعر ود وترابط اسري
اصبح مفكك بسبب جمود المشاعر
ليه منفكرش شوية بعقل عاطفي اكيد سلوكنا هيختلف
وريتم حياتنا هيكون اهدا شوية

أنا شفت حلقات من المسلسل ولاقيته فعلا ظريف بس معرفتش أتابعه، لكن في الحلقات اللي شفتها محسيتش إنه خارج عن العادات والتقاليد بالعكس حسيته أقرب لنا من المسلسلات الأمريكية من حيث بعض التقاليد والعادات.

بالنسبة لجماهيرية المسلسل، الكليب التالي هو جزء من برنامج اسمه صباح الخير يا عرب على قناة mbc فيه لقطات من المسلسل وكلمات سريعة من أبطال المسلسل واحتفال الجمهور بأبطال المسلسل في مبنى mbc بدبي



البرنامج كامل موجود على اليوتيوب للي يحب يشوفه:

وده الاحتفال الجماهيري الذي أذهل أبطال المسلسل أنفسهم:

https://www.youtube.com/watch?v=i_uI8l16TBY

انا مجبر اخاك لا بطل...بعرف حكايتهم وبيعملوا ايه من العيلة الكل متابع ومتابع بشغف...الا انا وقال ايه انا رومانسية بس هو فعلا رومانسي بطريقة غير طبيعية يعني بالنسبه لي ممل جدا

فعلا يا ماما المسلسل ده للناس الي بتفتقد العاطفة في حياتها شيفاه منتهى الرمانسية وبتتحسر على رومانسية الحب في اول ايامه

لكن في الحلقات اللي شفتها محسيتش إنه خارج عن العادات والتقاليد بالعكس حسيته أقرب لنا من المسلسلات الأمريكية من حيث بعض التقاليد والعادات.

هو اسؤ من المسلسلات الامريكية ...الي عندهم فلتان وبنتعامل معاهم على اساس ان مجتمعهم كده ومش هنقول دينهم لان الدين لا يدعو الى الانحلال

بينما مسلسل نور او سنوات الضياع ..فهم المفروض عائلات محترمة وفي كلا المسلسلين مسلمين ومع ذلك في رسائل سيئه بتوجه للناس ...العلاقات الي ليس لها رقيب حمل الزنى والموضوع عادي سواء من الام او الاب او العيلة كلها بالعكس ترحيب كبير وبعدين احتفاء بالمولود ..

عن نفسي بتفرج شوية بس مش مندمجة لانه اشكالهم عبيطه قوي كل شويه يزعلوا ويتخانقوا وبعدين يتصالحوا ويرجعوا يتخانقوا ودائما الاسباب غبيه...

لو في حسنه للمسلسلين هتكون الحس العائلي والترابط الموجود بين الافراد غير كده مفيش

المشكله مش فى المسلسل المشكله فى رد فعل الناس
الناس عندنا معندهومش وسطيه يعنى مسلسل ناجح ..تسالى على العين و الراس
انما نسمع ناس بتتطلق بقى و عاملين ابطاله نماذج و البروباجندا اللى عاملينها دى مستفزه

مبتفرجش عليهم .زبس الدنيا مليانه مقالات عنه

قمورة

المفروض عائلات محترمة وفي كلا المسلسلين مسلمين ومع ذلك في رسائل سيئه بتوجه للناس ...العلاقات الي ليس لها رقيب حمل الزنى والموضوع عادي سواء من الام او الاب او العيلة كلها بالعكس ترحيب كبير وبعدين احتفاء بالمولود ..

متنسيش يا قمر إنهم مش مسلمين أوي يعني متسمعيش عندهم صوت الأذان مثلا وعندهم انحلال جامد جدا، علشان كده مسلسل نور ولإنه بيتكلم عن طبقة معينة من المجتمع التركي مازال محتفظ ببعض التقاليد اللي احنا عارفينها زي احترام الكبير وإن الجد مثلا هو أهم واحد في العيلة وإنهم يبوسوا إيد الأم أو الحما، بالعكس أنا شايفة ن في حاجات كتير من دي إحنا بطلنا نعملها.

أما عن التسيب الأخلاقي فده يرجع أثره على ما أظن لكمال أتاتورك اللي خلاها دولة أوروبية أكتر منها إسلامية.

كل شويه يزعلوا ويتخانقوا وبعدين يتصالحوا ويرجعوا يتخانقوا ودائما الاسباب غبيه...

دي طبيعة الإنسان التركي يا قمر، عصبي وعندي وممكن يإذي نفسه لمجرد العند والمكابرة يعني هم هنا بيعالجوا مشاكل مجتمعية عندهم.

أنيد

المشكله مش فى المسلسل المشكله فى رد فعل الناس

هنا بيت القصيد يعني مش معنى إن المسلسل ناجح إنهم يصوتوا ويصرخوا ويتنططوا لما يشوفوا البطل.

بس حقول إيه إذا كانوا بيعملوا كده على تامر حسني يبقى مهند يستاهل ينتحروا بقى علشانه :QQ:

عارفين ومن غير ضحك عليا ...

فاكرين مسلسل لن اعيش في جلباب ابي...بيتعرض حاليا على قناة الحياة....

البطله فطنه "عبلة كامل" و المعلم عبد الغفور البرعي "نور الشريف" عندهم رمانسية عالية على طريقنا العربية اكثر من نور ومهند

قمر الليالي كتب:عارفين ومن غير ضحك عليا ...

فاكرين مسلسل لن اعيش في جلباب ابي...بيتعرض حاليا على قناة الحياة....

البطله فطنه "عبلة كامل" و المعلم عبد الغفور البرعي "نور الشريف" عندهم رمانسية عالية على طريقنا العربية اكثر من نور ومهند

صـــــــــــح يا قمر

عارفين سمعت عن المسلسل ده ازاي من انجي بنت اخويا
قالتلي لازم تشوفيه وانا ضعيفة قدامها

يعنى أقولك شوفى مسلسل "Ally Mcbeal" تقومى تزحلقينى يا فريدة ..
لكن لما انجى تقولك على مسلسل نور تقومى تقولى أنك بتضعفى قدامها؟؟؟؟ :humer:

عموما ..
أنا حاولت اشوف المسلسل دا ..
لكن ماطقتش بصراحة ..

مع اعتذارى لإنجى الغالية ..
وبالعند فى فريدة ..

بصراحة انا مش معجب بالمسلسل لان فى مسلسات عربية احسن منه كتير
وثانيا الضجة الى انعملت ليه وهو مسلسل عادى جدا
وثالثا هوس الحريم الغريب بمهند هوس غير طبيعى وخاصة فى السعودية لدرجة ان فى حالات طلاق وصلت كتير فى المملكة بسبب المسلسل ده وهوس البنات والحريم بيه شكل غير طبيعى بالمره

والاخطر منكده ان طلع الباشا مهند طلع انه شخص شاذ وبيتشغل عارض اوياء واشتغل فى عرض ازياء لملابس الشواذ وهو فى تركيا بيعتبر ممثل درجة تالتة يعنى مالوش قيمة

مش عارف الضجة دى لمسلسل اوك رومانسى بس ايه يعنى رومانسى مافى رومانسيات احلى منه كتير وعلى فكرة ان المسلسل ده فيه لقطات كتير طبعا الرقابة العربية شلتها يعنى مسلسل بصراحة مالوش اى لزمة انه ياخد كل الحجم الى خده .

واااااااااااو كل دي ردود وانا مش دريانة مرسي لمشاركتم

ندخل علي الموضوع ونناقش الاراء

مرسي يا مصرية علي اليوتيوب

عارفة اكتر حاجتين مخلييني متاثرة بالمسلسل موقع البيت علي البحر
مخلي فيه روح رومانسية وتعايش مع القصة
ومعجبة بفكري بيه وشريفة خانو

قمورة يا بنوتي من وجهة نظري لازم نحكم علي المسلسل
علي انه قصة بتحكي احداث في مجتمع بنتعايش معاه لكن مش بنعيشه
علشان كده لازم نفصل موضوع الدين
لان اي حد مش هيتاثر بمسلسل او حتي قصة بيقراها
لاي مجتمع بتدور فيه احداث القصة
دي حدوتة يا بتعجبنا ونتعايش بالخيال معاها يا مش بتتفق مع افكارنا..
بنتفرج علي مجتمع زي اي مجتمع ..وبصراحة كل المجتمعات
بيكون فيها الغلط والصح
الاشخاص في لحظات ضعف وبالاخص الشباب بيتهوروا
سواء في الشرق او الغرب

نور بالرغم انه مسلسل مش قوي لكن مؤثر برومانسيته لاننا بدون استثناء
محتاجين ومفتقدينها في حياتنا نتيجة كل احداث العنف في الحياة
وحتي من خلال المسلسلات العربية مشاهدها اصبحت عنيفة
حتي الالفاظ الحديثة للاسف اثرت علي لغتنا
بشوف في نور مسلسل بيناقش السلبيات في الاسرة وبيسلط الضوء علي اخطاء بتنجم
عن العلاقات غير الشرعية بالعكس بشوف انه بيرفضها
وبيناقش حالات العند بين الازواج اللي بتؤدي للطلاق
والتفكك الاسري
وده ما اكثره في مجتمعنا العربي

بالعكس بحس انه بيسلط علي السلبيات والايجابيات من خلال مجتمع عائلي
لكن مغلف برومانسية خاصة شدتنا معاها ..وبيشجع التجمعات العائلية

انيد معاكي ان المسلسل مش قوي لكن الناس بالرغم كل حاجة متشوقة
للمسات حانية حتي لو كانت خيالية
اكيد بتطعم حياتنا

بالنسبة لمسلسل لن اعيش في جلباب ابي صعب احس فيه برومانسية
جو مختلف ..طبيعة مختلفة في مجتمع متطورة رومانسيته
عن ايام الابيض واسود ايام الافلام اللي كانت بتعكس واقع رومانسي كان طبيعي
في المجتمع مفيش فيه حرمان من المشاعر الرقيقة الدافئة
حتي الاغاني وقتها كانت رومانسية
مثلا عبد الحليم وهو بيغني اهواك ولا حلو وكداب ولا صافيني مرة وجافيني مرة
..بالنسبالي مسلسل نور بيرجعنا لرومانسية زمان الدافئة..

وطبعا ده راي شخصي لا يفسد للرومانسية بنا قضية :#~€:

سمارت انت لسة فاااااااااااااكر الي مكبيل
علي فكرة كنت بشوفها لاني كنت معجبة بالاغاني
وبعدين نور مسلسل اينعم ريتمه بطيء بس بيقول حاجة رومانسية
وده الاهم وكفاية ان انجي هي اللي قالتلي عليه

علي فكرة يا هرم بطلت اصدق خبر عن اي حد او اي موضوع
كتير اخبار هدفها تدمير النجاح
والله واعلم بحقيقة البطل..مش يمكن نجاحه سر محاربته ..مين عارف

اما بالنسبة للتاثر بالبطل والمطالبة المعاملة بالمثل من الزوج
بصراحة يبقي الجنس الناعم عاش الخيال زيادة عن اللزوم
لان ممكن الابطال يكونوا عمليين جدا في حياتهم وبعاد تماما عن الرومانسية

فاكرين مريم فخر الدين كانت رومانسية في افلامها جدا
وصدمت جمهورها بانها بعيدة تماما في حياتها الشخصية عن الرومانسية

الموضوع في النهاية حدوتة بنسمعها او بنقراها
وده راي في قضية مسلسل نور ومهند

يادي نور ومهند اللى شاغل الناس

بيجي على اي قناه علشان أشوفه

حاولت يا أوسكا ياخويا أشوفه مرتين ..
وفى كل مرة ماتعرفش ايديا متسرعة شوية ..
تقوم تجرى ع الريموت وتحول القناة ..
طبعا من حلاوة المسلسل ..

OSKASAN كتب:يادي نور ومهند اللى شاغل الناس

بيجي على اي قناه علشان أشوفه

بيجي على mbc4 الساعة عشرة مساء بتوقت القاهرة والسعودية يا أوسكا.


سمارت

حاولت يا أوسكا ياخويا أشوفه مرتين ..
وفى كل مرة ماتعرفش ايديا متسرعة شوية ..
تقوم تجرى ع الريموت وتحول القناة ..
طبعا من حلاوة المسلسل ..

أنا مش فاهمة مش عاجبكوا ليه
حتى مهند هو فارس أحلام الفتيات
مش شكلا لكن موضوعا

صح يا فري؟

حتى مهند هو فارس أحلام الفتيات
مش شكلا لكن موضوعا

يفرق ايه مهند دا عن سمارت ولا أوسكا ولا الهرم؟؟؟؟
مش فاهم أنا .. هو لازم تبصوا لبره دايما؟؟؟

Smart كتب:

حتى مهند هو فارس أحلام الفتيات
مش شكلا لكن موضوعا

يفرق ايه مهند دا عن سمارت ولا أوسكا ولا الهرم؟؟؟؟
مش فاهم أنا .. هو لازم تبصوا لبره دايما؟؟؟

اديها يا سمروته ماترحمهاش
قال مهند قال

سم كده

يعني عايزين تفهموني إنكوا بتعاملوا النص الحلو زي مهند ما بيعامل نور كده؟

فريدة إلحقيني قولي حاجة

انا ماشوفتش المسلسل
بس من الكلام اللى اتقال عليه فهمت

اذا كان مهند بيعامل نور كده
أكيد أكيد نور مش واحده ست زي اللى نعرفها

طيب شوف المسلسل وقولي فيها إيه زيادة.

حتنى هنا بكرة بعد المسلسل علشان أعرف ردك

ها اتفقنا؟

مصرية كتب:طيب شوف المسلسل وقولي فيها إيه زيادة.

تركية .... انتى تركية

انا لو مراتي تركية كده


نور ده مش هايجي جنبي حاجة

طب يجوزوني نور كده يومين بس






وانا هاعملكم احلى افلام ومسلسلات تتفرجوا عليها

تركية .... انتى تركية

أيوة

طب يجوزوني نور كده يومين بس






وانا هاعملكم احلى افلام ومسلسلات تتفرجوا عليها

مممم
أفهم من كده إن حضرتك تعرفها ولا بتقول كده على السمع بس.

مصرية كتب:

تركية .... انتى تركية

أيوة

طب يجوزوني نور كده يومين بس






وانا هاعملكم احلى افلام ومسلسلات تتفرجوا عليها

مممم
أفهم من كده إن حضرتك تعرفها ولا بتقول كده على السمع بس.

أعرف مييييييييييييييييييييين
هاتوديني في داهية
كويس ان مراتي مابتعرفش نت
كان زماني بدور على محامي علشان النفقة والشقة وكده

استريني يا مصرية ربنا يسترك في رقبتي اورطة عيال

استريني يا مصرية ربنا يسترك في رقبتي اورطة عيال

ماشي يا سيدي علشان خاطر المدام بس

اتفرج بقى وقوللي تعليقك بلاش مقاوحة

صباح الخير عليكم

انا حضرت ولم اجد احدا يا انييييييييييد

وبعدين انا مبجيش بليل علشان مفيش نت يدوب بدخل من الشغل بس ولو ربنا سهل ورحت نت كافيه ولا حاجة محرجين علينا دخول النت فى المعسكر الى احنا فيه اه يانا ياغلبى ..

على فكرة على ماسمعت ان مهند كان بيلعب بديله ايه رئيك يامصرية ؟؟
اوسكا يلا تعالى نلعب بديلنا ولا انت ايه النظام الديل انقطع ولا ايه ؟ ياسمارت تعالى احنا لسا عندنا ديل نلعب بيه شوى بس بلاش الحلاقة اليوناينة دى شوفلنا واحده كده من بيفرلى هيلز .
وعلى فكرة فى رئيى نور مفيش فيها اى جمال بصراحة مش شايفها ميلة خالص وبصراحة رغم ان الحسنوات الغربيات الشقروات الجميلات العسلات الخ الخ . بس بصراحة واعترف او من رئيى السخصى ان الست العربية مفيش احلى منها وايه السبب معرفش والله باين مكتوب علينا كده وخلاص .
وبصراحة مهند حلو ووسيم وطويل ياوسكا بس بصراحة مدخلوش تحت بند الرجاله يعنى ده لو دخل الجيش نص ساعة هيطلع يقولهم انا مش راجل انا هعمل عملية وحول هقلب ست وخلاص . ده اخره يقعد على البحر ياخد حمام شمس يضرب عصير جرب من غير فروت يلبس ميوه ويتصور مع الحريم وطبعا هيحط صن بلوك علشان بشرته حشاشة يعنى وهلما جررجرجرجر .
لو كنت متجوز كنت همنع دخول مهند ونور الى بيتى ديكتاتور بقى عافية بمسع ان فى وجه جديد الايام دى اسمه لميس بيقولوا احلى من نور دور ياوسكا وشوف كده يمكن تطلع الى عليها العين .
وبعدين انتم ياحريم انتم والله لوفيتوا على صوابع رجليكم الدنيا حته حته وحارة حارة عمركم ماتلائو زى الراجل المصرى والعربى .
بس بصاحة فى سرك ياوسكا تركيا فيها شوية حريم جامدين اوى اوى ياخويا حاجة تقصر العمر

على فكرة على ماسمعت ان مهند كان بيلعب بديله ايه رئيك يامصرية ؟؟

أيوة يا هروم وبعدين رجع لقواعده سالما وأبدى الندم الشديد ومن وقتها وهو ماشي زي الفل الحقيقة.

وعلى فكرة فى رئيى نور مفيش فيها اى جمال بصراحة مش شايفها ميلة خالص

أنا برضه بقول كده

أوسكا

دي نور



وده مهند



مهند ونور



علشان متقولش مخلية نفسك في حاجة بس

هروم

وبعدين انتم ياحريم انتم والله لوفيتوا على صوابع رجليكم الدنيا حته حته وحارة حارة عمركم ماتلائو زى الراجل المصرى والعربى

صح
بس لو يعرف يعامل المرأة صح.

عارف يا هروم الرسول بيقول إيه؟
قال: "استوصوا بالنساء خيراً، فإن المرأة خلقت من ضلع، وإن أعوج شيء في الضلع أعلاه، فإن ذهبت تقيمه كسرته، وإن تركته لم يزل أعوج، فاستوصوا بالنساء خيراً".